ফলদীপিকা – ১১

একাদশমোঽধ্যাযঃ

স্ত্রী জাতক

যদ্যট্পুংপ্রসবে ক্ষমং তদখিলং স্ত্রীণং প্রিযে বা বদেন্-
মাঙ্গল্যং নিধনাত্ সুতাংশ্চ নবমাল্লগ্নাত্তনোশ্চারুতাম্ |
ভর্তারং শুভগত্বমস্ত ভবনাত্সংগং স্তীত্বং সুখাত্
সন্তস্তেষু শুভপ্রদাস্ত্বশুভদাঃ ক্রূরাস্তদীশং || ১||
উদযহিমকরৌ দ্বৌ যুগ্মগৌ সৌম্যদৃষ্টৌ
সুতনযপতিভূষাসংপদুত্কৃষ্টশীলা |
অশুভসহিতদৃষ্টৌ চোজগৌ পুংস্বভাবা
কুটিলমতিরবশ্যা ভর্তুরুগ্রা দরিদ্রা || ২||
সদ্রাশ্যংশযুতে মদে দ্যুতিযশোবিদ্যার্থবংস্তত্পতি-
র্ব্যত্যস্তে কুতনুর্জডশ্চ কিতবো নিঃস্বো বিযোগস্তযো |
আগ্নেযৈর্মদনস্থিতৈশ্চ বিধবা মিশ্চৈঃ পুনর্ভূর্ভবেত্
ক্রূরেষ্বাযুষি ভর্তৃহন্ত্র্যপি ধনে সন্তঃ স্বযং স্ত্রীমৃতিঃ || ৩||
সুতস্থেঽলিস্ত্রীগোহরিষু হিমগৌ চাল্পতনযা
যমারার্কাংশর্ক্ষে মদনসদনে সামযভগা |
সুখে পাপৈর্যুক্তে ভবতি কুলট মন্দকুজযো-
র্গৃহেঽশে লগ্নেন্দূ ভৃগুরপি চ পুংশ্চল্যভিহিতা || ৪||
শুভক্ষেত্রংশেঽস্তে শুভগজঘনা মঙ্গলবতী
বিধাঃ সত্সংবন্ধেঽপ্যুদযুখযোঃ সাধ্বিযতিগুণা |
ত্রিকোণে সৌম্যাশ্চেত্সুখসুতমংপদ্গুণবতী
বলোনাঃ ক্রূরাশ্চেদ্যদি ভবতি বন্ধ্যা মৃতসুনা || ৫||
চন্দ্রে ভৌমগৃহে কুজাদিকথিতত্রিংশাশকেষু ক্রমাত্
দুষ্টা দাস্যসতী সুশীলবিভবা মাযাবিনী দূষণী |
শুক্রর্ক্ষে বহুদূষণান্যপতিগ পূজ্যা সুধীবিশ্চুতা
জ্ঞর্ক্ষে চ্ছসবতী নপুংসকসমা সাধ্বী গুণাঢ্যোত্সুকা || ৬||
স্বচ্ছন্দা বর্তৃঘাতিন্যতিমহিতগুণা শিল্পিনী সাধুবৃত্তা
চান্দ্রে জৈবে গুণাঢ্যা বিরতিরতিগুণা জ্ঞাতশিল্পাতিসাধ্বী |
মান্দে দাস্যন্যসক্তাশ্চিতপতিরসতী নিষ্প্রজার্থার্কভে স্যাদ্
দুর্ভার্যা হিনবৃত্তা ধরণিপত্তিবধূঃ পুংবিচেষ্টান্যসক্তা || ৭||
শশিলগ্নসমাযুক্তৈঃ ফলং ত্রিংশাংশকৈরিদম্ |
বলাবলবিকল্পেন তযোরেবং বিচিন্তযেত্ || ৮||
জ্যোষ্ঠাভ্রাতরমন্বিকাং চ পিতরং ভর্তুঃ কনিষ্ঠং ক্রমাত্
জ্যোষ্ঠা হ্যাসুরশূর্পজাশ্চ বনিতা ঘ্নন্তীতি তজ্জ্ঞা বিদুঃ |
চিত্রার্দ্রাভুজগস্বরাট্চ্ছতভিষঙ্ মূলাগ্নিতিষ্যোদ্ভবা
বন্ধ্যা বা বিধবাথবা মৃতসুতা ত্যক্তা প্রিযেণাধনা || ৯||
চন্দ্রাস্তোদযভাগ্যপাঃ সহ শুভৈঃ সুস্থানগা ভাস্বরাঃ
পূজ্যা বন্ধুষু পুণ্যকর্মকুশলা সৌন্দর্যভাগ্যান্বিতা
ভর্তুঃ প্রীতিকরী সুপুত্রসহিতা কল্যাণশীলা সতী
তাবদ্ভাতি সুমঙ্গলী চ সুতসুর্যাবচ্ছুভঢ্যেঽষ্টমে || ১০||
শীতজ্যোতিষি যোষিতোঽনুপচযস্থানে কুজেনেক্ষিতে
জাতং গর্ভফলপ্রদং খলু রজঃ স্যাদন্যথা নিষ্ফলং |
দৃষ্টেঽস্মিন্ গুরুণা নিজোপচযগে কুর্যান্নিশেকং পুমান্
অত্যাজ্যে সমযে শুভাধিকযুতে পর্বাদিকালোজ্ভিতে || ১১||