ফলদীপিকা – ০৯

নবমোঽধ্যাযঃ

রাশিফল

বৃত্তেক্ষণো দুর্বলজানুরুগ্রো ভীরুর্জলে স্যাল্লঘুভুক্ সুকামী |
সংচারশীলশ্চপলোঽনৃতোক্তিব্রর্ণাণ্কিতাণ্গঃ ক্রিযভে প্রজাতঃ || ১||
পৃথূরুবক্ত্রঃ কৃষিকর্মকৃত্স্যান্-
মধ্যান্তসৌখ্যঃ প্রমদাপ্রিযশ্চ |
স্যাগী ক্ষমী ক্লেসসহশ্চ গোমান্
পৃষ্ঠাস্যপশ্বের্ঽণ্কযুতো পৃষোত্থঃ || ২||
শ্যমেক্ষণঃ কুঞ্চিতমুর্দ্ধজঃ স্ত্রীক্রীডানুরক্তশ্চ পরেণ্গিতজ্ঞঃ |
উত্তুণ্গনাসঃ প্রিযগীতনৃত্তো বসন্ সদান্তঃ সদনে চ যুগ্মে || ৩||
স্ত্রীনির্জিতঃ পীনগলঃ সমিত্রো বহ্বালযস্তুণ্গকটির্ধনাঢ্যঃ |
হ্লস্বশ্চ বক্রো দ্রুতগঃ কুলীরে মেধান্বিতস্তোযরতোঽল্পপুত্রঃ || ৪||
পিণ্গোক্ষণঃ স্থূলহনুর্বিশালবক্ত্রোঽভিমানী সপরাক্রমঃ স্যাত্ |
কুপ্যত্যকার্যে বনশৈলগামি মাতুর্বিধেযঃ স্থিরধীর্মৃগেন্দ্রে || ৫||
স্রস্তাংসবাহুঃ পরবিত্তগেহৈঃ সংপূজতে সত্যরতঃ প্রিযোক্তিঃ |
ব্রীডালসাক্ষঃ সুরতপ্রিযঃ স্যাচ্ছাস্ত্রার্থ্বিচ্চাল্পসুতোঽণ্গনাযাম্ || ৬||
চলত্কৃশাণ্গোঽল্পসুতোঽতোভক্তো দেবদ্বিজানামটনো দ্বিনামা |
প্রাংশুশ্চ দক্ষঃ ক্রযবিক্রযেষু ধীরোঽদযস্তৌলিনি মধ্যবাদী || ৭||
বৃত্তোরুজণ্ঢঃ পৃথুনেত্রবক্ষা
রোগী শিশুত্বে গুরুতাতহীনঃ |
ক্রূরক্রিযো রাজকুলাভিমুখ্যঃ
কীটেঽব্জরেখাণ্কিতপাণিপাদঃ || ৮||
দীর্ঘাস্যকণ্ঠঃ পৃথুকর্ণনাসঃ
কর্মোদ্যতঃ কুব্জতনুনৃপেষ্টঃ |
প্রাগল্ভ্যবাক্ত্যাগযুতোঽরিহন্তা
সাম্নৈকসাধ্যোঽশ্বিভবো বলাধযঃ || ৯||
অধঃ কৃশঃ সত্ত্বযুতো গৃহীত-
বাক্যোঽলসোঽগম্যজরাণ্গনেষ্টঃ
ধর্মধ্বজো ভাগ্যযুতোঽটনশ্চ
বাতার্দিতো নক্রভবো বিলজ্জঃ || ১০||
প্রচ্ছন্নপাপো ঘটতুল্যদেহো
বিঘাতদক্ষোঽধ্বসহোঽল্পবিত্তঃ |
লুব্ধঃ পরার্থী ক্ষযবৃদ্ধিযুক্তো
ঘটোদ্ভবঃ স্যাত্প্রিযগন্ধপুষ্পঃ || ১১||
ভ্রত্যম্বুপানঃ সমচারুদেহঃ
স্বদারগস্তোযজবিত্তভোক্তা |
বিদ্বান্কৃতজ্ঞোঽভিভবত্যমিত্রান্
শুবেক্ষণো ভাগ্যযুতোঽন্ত্যরাশৌ || ১২||
রাশেঃ স্বভাবাশ্রযরূপর্বণান্
জ্ঞত্বানুরূপাণি ফলানি তস্য |
যুক্ত্ত্যা বদেদত্র ফলং বিলগ্নে
যচ্চন্দ্রলগ্নেঽপি তদেব বাচ্যম্ || ১৩||
প্রহে সতি নিজোচ্চগে ভবতি রত্নগর্ভধিপো
মহীপতিকৃতস্তুতির্মহিতসংপদামালযঃ
উদারগুণসংযুতো জযতি বিক্রমার্কো যথা
নযে যশসি বিক্রমে বিতরণে ধৃতৌ কৌশলে || ১৪||
স্বমিন্দরগতে গ্রহে প্রভুপরিগ্রহাদার্যতিং
প্রভুত্বমপি বা গৃহস্থতিমচঞ্চলাং প্রাপ্নুযাত্ |
নবং ভুবনমুর্বরাক্ষিতিমুপৈতি কালে স্বকে
জনে বহুমাতিং পুনঃ সকলনষ্টবস্তূন্যপি || ১৫||
গ্রহঃ সুহৃত্ক্ষেত্রগতঃ সুহৃদ্ভিঃ
কার্যস্য সির্দ্ধি নবসৌহৃদং চ |
সত্পুত্রজাযাধনধান্যভাগ্যং
দদাত্যযং সর্বজনানুকূল্যম্ || ১৬||
গতে গ্রহে শত্রুগৃহং নিকৃষ্টতাং
পরান্নবৃত্তি পরমন্দিরস্থিতিম্ |
অর্কিচনত্বং রিপুপীডনং সদা
স্নিগ্ধোঽপি তস্যাতিরিপুত্বমাপ্নুযাত্ || ১৭||
নীচে গ্রহেঽধঃ পতনং স্ববৃত্তের্দৈন্যং দুরাচারমৃণাপ্তিমাহুঃ |
নীচাশ্রযং কীকটদেশবাসং মৃত্যত্বমধ্বানমনর্থকার্যম্ || ১৮||
গ্রহো মৌঢ্যং প্রাপ্তো মরণমচিরাত্ স্ত্রীসুতধনৈঃ
প্রহীণত্বং ব্যর্থে কলহমপবাদং পরিভবম্ |
সমর্ক্ষস্থঃ খেতো ন কলযতি বৈশেষিকফলং
সুখম্ বা দুঃখং যা জনযতি যথাপূর্বমচলম্ || ১৯||
বক্রং গতঃ স্বোচ্চফলং বিদধ্যা
ত্সপত্ননীচর্ক্ষগতোঽপি খেতঃ |
বর্গোত্তমংশস্থিখেচরোঽপি
স্বক্ষেত্রগস্যোক্তফলানি তদ্বত্ || ২০||