ফলদীপিকা – ০৬

ষষ্টোঽধ্যাযঃ

যোগাধ্যায

রুচকভদ্রকহংসকমালবাঃ সশশকা ইতি পঞ্চ চ কীর্তিতাঃ |
স্বভবনোচ্চগতেষু চতুষ্টযে ক্ষিতিসুতাদিষু তান্ ক্রমশো বদেত্ || ১||
দীর্ঘাস্যো বহুসাহসাপ্তবিভবঃ শূরোঽরিহন্তা বলী
গার্বিষ্টো রুচকে প্রতীতগুণবান্ সনাপতির্জিত্বরঃ |
আযুষ্মান্ সকুশাগ্রবুদ্ধিরমলো বিদ্বজ্জনশ্লাধিতো
ভূপো ভদ্রকযোগজোঽতিবিভবশ্চাস্থানকোলাহলঃ || ২||
হংসে সদ্ভিরভ্রষ্টুতঃ ক্ষিতিপতিঃ শঙ্খব্জমত্স্যাঙ্কুশৈ-
শ্চিহ্নৈঃ পাদকরাঙ্কিতঃ শুভবপুর্মৃষ্টান্নভুগ্ধার্মকঃ |
পুষ্টাঙ্গো ধৃতিমান্ধনী সুতবধূভাগ্যান্বিতো বর্ধনো
মালব্যে সুখভুক্সুবাহনযশা বিদ্বান্প্রসন্নেন্দ্রিযঃ || ৩||
শস্তঃ সর্বজনৈঃ সুভৃত্যবলবান্ গ্রামাধিপো বা নৃপো
দুর্বৃত্তঃ শশযোগজোঽন্যবনিতাবিত্তঃ সৌখ্যবান্ |
লগ্নেন্দ্বোরপি যোগপঞ্চকমিদং সান্ত্রাজ্যসিদ্ধিপ্রদং
তেষ্বেকাদিষু ভাগ্যবান্ নৃপসমো রাজা নৃপেন্দ্রোঽধিকঃ || ৪||
বিধোস্তু সুনফানফাধুরুধুরাঃ স্বরিঃফোভয-
স্থিতৈর্বংরবিভির্গ্রহৈরিতরথা তু কেমদ্রুমঃ |
হিমত্বিষি চতুষ্টযে গ্রহযুতেঽথ কেমদ্রুমো
ন হীতি কথিতোঽথবা হিমকরাদ্গ্রহৈঃ কেন্দ্রগৈঃ || ৫||
স্বযমাধিগতবিত্তঃ পার্থিবস্তত্সমো বা
ভবতি হি সুনফাযাং ধীধনখ্যাতিমাংশ্চ |
প্রভুরগদশরীরঃ শীলবান্ খ্যাতকীর্তি-
র্বিষযসুখসুবেষো নির্বৃতশ্চানফাযাম্ || ৬||
উত্পন্নভোগসুখভাগ্ধনবাহনাঢ্য-
স্ত্যাগান্বিতো ধুরুধুরাপ্রভবঃ সভৃত্যঃ |
কেমদ্রুমে মলিনদুঃখিতনীচনিঃস্বাঃ
প্রেষ্যাঃ খলাশ্চ নৃপতেরপি বংশজাতাঃ || ৭||
হিত্বেন্দুং শুভশুভসিবেবাস্যুভযচর্যাখ্যাঃ স্বরিঃফোভয-
স্থানস্থৈঃ সবিতুঃ শুভৈঃ স্যুরশুভৈস্তে পপসংজ্ঞাঃ স্মৃতাঃ |
সত্পার্শ্বে শুভকর্তরীত্যুদযভে পাপেস্তু পাপাহ্বযো
লগ্নাদ্বিত্তগতৈঃ শুভৈস্তু সুশুভো যোগো ন পাপেক্ষিতৈঃ || ৮||
জাতঃ স্যাত্ সুভগঃ সুখী গুণনিধির্ধীরো নৃপো ধার্মিকো
বিখ্যাতঃ সকলপ্রিযোঽতিশুভগো দাতা মহীশপ্রিযঃ |
চার্বঙ্গঃ প্রিযবাক্প্রপঞ্চরসিকো বাগ্মী যশস্বী ধনী
বিদ্যাদত্র সুবেসিবাস্যুভযচর্যখ্যেষু পাদক্রমাত্ || ৯||
অন্যাযাজ্জননিন্দকো হতরুচির্হীনপ্রিযো দুর্জনো-
মাযাবী পরনিন্দকঃ খলযুতো দুর্বৃত্তশাস্ত্রাধিকঃ |
লোকে স্যাদপকীর্তিদুঃখিতমনা বিদ্যার্থভাগ্যৈশ্চ্যুতো
জাতশ্চাশুভবেসিবাস্যুভযচর্যখ্যেষু পাদক্রমাত্ || ১০||
জৈবাতৃকো বিভযরোগরিপুঃ উখী স্যা-
দাঢ্যঃ শ্রিযা চ শুভকর্তরিযোগ জাতঃ |
নিঃস্বোঽশুচির্বিসুখদারসুতোঽঙ্গহীনঃ
স্যাত্পাপকর্তরিভবোঽচিরমাযুরেতি || ১১||
আচারবান্ ধর্মম্তিঃ প্রসন্নঃ
সৌভাগ্যবান্ পার্থিবমাননীযঃ |
মৃদুস্বভাবঃ স্মিতভাষণশ্চ
ধনী ভবেচ্চামলযোগজাতঃ || ১২||
সুশুভে শুভকর্তর্যাং বেস্যাদৌ সুনভাদিবত্ |
শুভৈঃ ক্রমাত্ফলং জ্ঞেযং বিপরীতংঅসদ্গ্রহৈঃ || ১৩||
ওজেষ্বর্কেন্দুলগ্নান্যজনি দিবি পুমংশ্চেন্মহাভাগ্যযোগঃ
স্ত্রীণান্তদ্ব্যত্যযেস্যাচ্ছশিনি সুরগুরোঃ কেন্দ্রগে কেসরীতি |
জীবন্ত্যাষ্টরিসংস্থে শশিনি তু শকটঃ কেন্দ্রগে নাস্তি লগ্না-
চ্চন্দ্রে কেন্দ্রাদিগেঽর্কাদধমসমবরিষ্ঠাখ্যযোগাঃ প্রসিদ্ধঃ || ১৪||
মহাভগ্যে জাতঃ সকলনযনানন্দজনকো
বদান্যো বিখ্যাতঃ ক্ষিতিপতিরশীত্যাযুরমলঃ |
বধূনাং যোগেঽস্মিন্ সতি ধনসুমাঙ্গল্যসহিতা
চিরং পুত্রৈঃ পৌত্রৈঃ শুভমুপগতা সা সুচরিতা || ১৫||
কেসরীব রিপুবর্গতিহন্তা প্রৌঢবাক্ সদসি রাজসবৃত্তঃ |
দীর্ঘজীব্যতিযশাঃ পটিবুদ্ধিস্তেজসা জযতি কেসরিযোগে || ১৬||
ক্বচিত্ক্বচিদ্ভাগ্যপরিচ্যুতঃ সন্পুনঃ পুনঃ সর্বমুপৈতি ভাগ্যম্ |
লোকেঽপ্রসিদ্ধোঽপরিহার্যমন্তঃ শল্যং প্রপন্নঃ শকটেঽতিঃউখী || ১৭||
কষ্টমধ্যমবরাহ্বযযোগে দ্রব্যবাহনযশঃ সুখসংপত্ |
জ্ঞানধীবিনয নৈপুণবিদ্যাত্যাগভোগজফলান্যপি তদ্বত্ || ১৮||
চন্দ্রাদ্বা বসুমাংস্তথোপচযগৈর্লগ্নাত্সমস্তৈঃ শুভৈ-
শ্চন্দ্রাব্দ্যোম্ন্য্মলাহ্বযঃ শুভকগৈর্যোগো বিলগ্নাদপি |
জন্মেশে সহিতে বিলগ্নপতিনা কেন্দ্রেঽধিমিত্রর্ক্ষগে
লগ্নং পশ্যতি কশ্চিদত্র বলবান্য্যোগো ভবেত্পুষ্কলঃ || ১৯||
তিষ্ঠেযুঃ স্বগৃহে সদা বসুমতি দ্রব্যাণ্যনল্পান্যপি
ক্ষ্মেশঃ স্যাদমলে ধনী সুতযশঃ সংপদ্যুতো নীতিমান্ |
শ্রীমান্ পুষ্কলযোগজো নৃপবরৈঃ সংমানিতো বিশ্রুতঃ
স্বাকল্পাম্বরভূষিতঃ শুভবচাঃ সর্বোত্তমঃ স্যাত্প্রভুঃ || ২০||
সর্বে পঞ্চসু ষট্সু সপ্তসু শুভা মালাশ্চ পঙ্ক্ত্যা স্থিতা
যদ্যেবং মৃতিষদ্ব্যযাদিষুগৃহেষ্বত্রাশুভাখ্যাঃ স্মৃতাঃ |
স্বর্ক্ষোচ্চে যদি কোণকণ্টকযুতৌ ভাগ্যেশশুক্রাবুভৌ
লক্ষ্ম্যাখ্যোঽথ তথাবিধে হিমকরে গৌরীতি জিবেক্ষিতে || ২১||
জনাধিকারী ক্ষিতিপালশস্তো ভোগী প্রদাতা পরকার্যকর্তা |
বন্ধুপ্রিযঃ সত্সুতদারযুক্তোংধিরঃ সুমালাহ্বযযোগজাতঃ || ২২||
কুমার্গযুক্তোঽশুভমালিকাখ্যে দুঃখী পরেষাং বধকৃত্ কৃতঘ্নঃ |
স্যাত্কাতরো ভূসুরভক্তিহোনো লোকাভিশপ্তঃ কলহপ্রিযঃ স্যাত্ || ২৩||
নিত্যং মঙ্গলশীল্যা বনিতযা ক্রীডত্যরোগী ধনী
তেজস্বী স্বজনান্ সুরক্ষতি মহালক্ষ্মীপ্রসাদালযঃ |
শ্রেষ্ঠান্দোলিকযা প্রযাতি তুরগস্তম্বেরমধ্যাসিতো
লোকানন্দকরো মহীপতিবরো দাতা চ লক্ষ্মীভবঃ || ২৪||
সুন্দরগাত্রঃ শ্লাঘিতগোত্রঃ পার্থিবমিত্রঃ সদ্গুণপুত্রঃ |
পঙ্খজবক্ত্রঃ সংস্তুতর্জত্রো রাজতি গৌরীযোগসমুত্থঃ || ২৫||
শুক্রবাক্পতিসুধাকরাত্মজৈঃ কেন্দ্রকোণসহিতৈর্দ্বিতীযগৈঃ |
স্বোচ্চমিত্রভবনেষু বাক্পতৌ বীর্যগে সতি সরস্বতীরিতা || ২৬||
ধীম ন্নাটকগদ্যপদ্যগণনালণ্কারশাস্ত্রেষ্বযং
নিষ্ণাতঃ কবিতাপ্রবন্ধরচনাশাস্ত্রার্থপারংগতঃ |
কীর্ত্যাকান্তজগত্ত্রযোঽতিধনিকো দারাত্মজৈরন্বিতঃ
স্যাত্ সারস্বতযোগজো নৃপবরৈঃ সংপূজিতো ভাগ্যবান্ || ২৭||
লগ্নাধীশ্বরভাস্করামৃতকরাঃ কেন্দ্রত্রিকোণাশ্রিতাঃ
স্বোচ্চস্বর্ক্ষসুহৃদ্গৃহানুপগতাঃ শ্রীকণ্ঠযোগো ভবেত্ |
তদ্বদ্ভার্গবভাগ্যনাথশশিজাঃ শ্রীনাথযোগস্তথা
বাগীশাত্মপসূর্যজা যাদি তদা বৈরিঞ্চিযোগস্ততঃ || ২৮||
রুদ্রাক্ষাভরণো বিভূতিধবলচ্ছাযো মহাত্মা শিবং
ধ্যাযত্যাত্মনি সন্ততং সুনিযমঃ শৈবব্রতে দীছিতঃ
সাধূনামুপকারকঃ পরমতেষ্বেব নসূযো ভবেত্
তেজস্বী শিবপূজযা প্রমুদিতঃ শ্রীকণ্ঠযোগোদ্ভবঃ || ২৯||
লক্ষ্মীবান্ সরসোক্তিচাটুনিপুণো নারাযণাঙ্কাণ্কিতঃ
তন্নামাঙ্কিতহৃদ্যপদ্যমনিশং সংকীর্তযন্ সজ্জনেঃ |
তদ্ভক্তাপচিতৌ প্রসন্নবদনঃ সত্পুত্রদারান্বিতঃ
সর্বেষং নযনপ্রিযোঽতিসুভগঃ শ্রীনাথযোগোদ্ভবঃ || ৩০||
ব্রহ্ম্জ্ঞানপরাযণো বহুমতির্বেদপ্রধানো গুণী
হৃষ্টো বৈদিকমার্গতো ন চলতি প্রখ্যাতশিষ্যব্রজঃ |
সৌম্যোক্তির্বহুবিত্তদারতনযঃ সদ্ভ্রহ্মতেজোজ্বলন্দী-
র্ঘযুর্ক্জিতেন্দ্রিযো নতনৃপো বৈরিঞ্চিযোগোদ্ভবঃ || ৩১||
অন্যোন্যং ভবনস্থযোর্বিহগযোর্লগ্নাদিরিহ্ফান্তকং
ভাবাধীশ্বর্যোঃ ক্রমেণ কথিতাঃ ষট্ষষ্টিযোগা জনৈঃ |
ত্রিশদ্দৈন্যমুদীরিতং ব্যযরিপুচ্ছিদ্রাদিনাথোত্থিতা-
স্ত্বষ্টৌ শৌর্যপতেঃ খলা নিগদিতাঃ শেষা মহাখ্যাঃ স্মৃতাঃ || ৩২||
মূর্খঃ স্যাদপবাদকো দুরিতকৃন্নিত্যং সপত্নার্দিতঃ
ক্রূরোক্তিঃ কিলদৈন্যজশ্চলমতির্বিচ্ছিন্নকার্যোদ্যমঃ |
উদ্বৃত্তশ্চ খলে কদাচিদখিলং ভাগ্যং লভেতাখিলং
সৌম্যোক্ত্তিশ্চ কদাচিদেবমশুভং দারিদ্র্যদুঃখদিকম্ || ৩৩||
শ্রীকটক্ষনিলযঃ প্রভুরাঢ্যশ্চিত্রবস্ত্রকনকাভরণশ্চ |
পর্থিবাপ্তবহুমানরসমাজ্ঞো যানবিত্তসুতবাংশ্চ মহাখ্যে || ৩৪||
লগ্নাধিপাপ্তভপতিস্থিতরাশিনাথঃ
স্বোচ্চস্বভেশু যদি কোণচতুষ্টযস্থঃ
যোগঃস কহল ইতি প্রথিতোঽথত্তদ্বত্
লগ্নাধিপাপ্তভপ্তির্যদি পর্বতাখ্যঃ || ৩৫||
বার্দ্ধিষ্ণুরার্যঃ সুমতিঃ প্রসন্নঃ ক্ষেমঙ্করঃ কাহলজো নৃমান্যঃ |
স্থিরার্যসৌখ্যঃ স্থিরকার্যকর্ত্তা ক্ষিতীশ্বরঃ পর্বতযোগজাতঃ || ৩৬||
ধর্মকর্মভবনাধিপতী দ্বৌ সংযুতৌ মহিতভাবগতৌ |
রাজযোগ ইতি তদ্বদিহ স্যাত্ কেন্দ্রকোণযুতির্যতি শঙ্খঃ || ৩৭||
ভেরীশঙ্খপ্রণাদ্রৈর্ধৃতমৃদুপটিকাজাতবৃত্ততপত্রো
হস্ত্যশ্বান্দোলিকাদ্যৈঃ সহ মগধকুতপ্রস্তুতির্ভূমিপালঃ |
নানারূপোহারস্ফুরিতকরযুতৈঃ প্রার্থিতঃ সজ্জনৈঃ স্যাদ্রাজা
স্যাক্ছঙ্খযোগে বহুবরবনিতাভোগসম্পত্তিপূর্ণঃ || ৩৮||
সংখ্যাযোগাঃ সপ্তসপ্তর্ক্ষসংস্থৈরেকাপাযাদ্বল্লকীদামপাশম্ |
কেদারাখ্যঃ শূলযোগো যুগং চ গোলশ্চান্যান্ পূর্বমুক্তান্বিহায || ৩৯||
বীণাযোগে নৃত্তগীতপ্রিযোঽর্থী দাম্নি ত্যাগীভূতিশ্চোপকারী |
পাশে ভোগী সার্থসচ্ছীলবন্ধুঃ কেদারাখ্যে শ্রীকৃষিক্ষেত্রেযুক্তঃ || ৪০||
শূলে হিংস্ত্রঃ ক্রোধশীলো দরিদ্রঃ পাষণ্ডী স্যাদ্ দ্রব্যহীনো যুগাখ্যে |
নিস্বঃ পাপী ম্লেচ্ছযুক্তঃ কুশিল্পী গোলে জাতশ্চালসোঽল্পাযুরেব || ৪১||
সৌম্যৈরিন্দোর্দ্যূনষড্রন্ধ্রসংস্থৈস্তদ্বল্লগ্নাত্সংস্থিতৈর্বাধিযোগঃ |
নেতা মন্ত্রী ভূপতিঃ স্যাত্ক্রমেণ খ্যাতঃ শ্রিমান্দীর্ঘজীবী মনস্বী || ৪২||
অধিযোগভবো নরেশ্বংরঃ স্থিরসংপদ্বহুবন্ধুপোষকঃ |
অমুনা রিপবঃ পরাজিতাহ্চিরমাযুর্লভতে প্রসিদ্ধতাম্ || ৪৩||
ভাবৈঃ সৌম্যযুতেক্ষিতৈস্তদধিপৈঃ সুস্থানগৈর্ভাস্বরৈঃ
স্বোচ্চস্বর্ক্ষগতৈর্বিলগ্নভবনাদ্যোগাঃ ক্রমাদ্দ্বাদশ |
সংজ্ঞাশ্চামরধেনুশৌর্যজলধিচ্ছত্রাস্ত্রক মাসুরা-
ভাগ্যখ্যাতিসুপারিজাতমুসলাস্তজ্জ্ঞৈর্যথা কীর্তিতাঃ || ৪৪||
প্রত্যহং ব্রজতি বৃদিমুদগ্রং শুক্লচন্দ্র ইব শোভনশীলঃ |
কীর্তিমান্ জনপতিশ্চিরজীবী শ্রীনিধির্ভবতি চামরজাতঃ || ৪৫||
সান্নপান্নবিভবোঽখিলবিদ্যা পুষ্কলোধিককুটুম্ববিভূতিঃ |
হেমরত্নধনধান্যসংরিদ্ধো রাজরাজ ইব রাজতি ধেনৌ || ৪৬||
কীর্তিমদ্ভিরনুজৈরভিষ্টুতো লালিতো মহিতবিক্রমযুক্তঃ
শৌর্যজো ভবতি রাম ইবাসৌ রাজকার্যনিরতোঽতিযশস্বী || ৪৭||
গোসংপদ্ধনধান্য্শোভিসদনং বন্ধুপ্রপুর্ণং বর-
স্ত্রীরত্নাম্বরভুষণানি মহিতস্থানং চ সর্বোত্তমম্ |
প্রাপ্নোত্যম্বুহিযোগজঃ স্থিরসুখো হস্ত্যশ্বযানাদিগো
রাজেড্যো দ্বিজদেবকার্যনিরতঃ কূপপ্রপাকৃত্পথি || ৪৮||
সুসংসারসৌভাগ্যসন্তানলক্ষ্মী নিবাসো যশস্বী শুভাষী মনীষী |
অমাত্যো মহীশস্য পূজ্যো ধনাঢ্যঃ স্ফুরত্তীক্ষ্ণবুদ্ধির্ভবেচ্ছত্রযোগে || ৪৯||
শত্রূন্ বলিষ্ঠান্ বলবন্নিগৃহ্য ক্রূরপ্রব্ত্ত্যা সহিতোঽভিমানী |
ব্রণঙ্কিতঙ্গশ্চ বিবাদকারী স্যাদস্ত্রযোগে দৃঢগাত্রযুক্তঃ || ৫০||
পরদারপরাঙ্মুখো ভবেদ্বরদারাত্মজবন্ধুসংশ্রিতঃ |
জনকাদধিকঃ শুভৈর্গুণৈর্মহনীযাং শ্রিযমেতি কামজঃ || ৫১||
হন্ত্যন্যকার্যং পিশুনঃ স্বকার্যপরো দরিদ্রশ্চ দুরাগ্রহী স্যাত্ |
স্বযম্কৃতানর্থপরংপরার্তঃ কুকর্মকৃচ্চাসুরযোগজাতঃ || ৫২||
চঞ্চচ্চামরবাদ্যঘোষনিবিডামান্দোলিকাং শাশ্বতী
লক্ষ্মী প্রাপ্য মহাজনৈঃ কৃতনতিঃ স্যাদ্ধর্মমর্গে স্থিতঃ |
প্রীণাত্যেষ পিতৄন্ সুরান্দ্বিজগণাংস্তত্তত্প্রিযৈঃ পূজনৈঃ
স্বাচারঃ স্বকুলোদ্বহঃ সুহৃদযঃ স্যাদ্ভাগ্যযোগোদ্ভবঃ || ৫৩||
সত্ক্রিযাং সকললোকসংমতামাচরন্নবতি সজ্জন্নান্নৃপঃ |
পুত্রমিত্রধনদারভাগ্যবান্ খ্যাতিজো ভবতি লোকবিশ্রুতঃ || ৫৪||
নিত্যমঙ্গলযুতঃ পৃথিবীশঃ সংচিতার্থনিচযঃ সুকুটুম্বী |
সত্কথাশ্রবণভক্ত্রভিজ্ঞো পারিজাতজননঃ শিবতাতিঃ || ৫৫||
কৃচ্ছ্রলব্ধধনবান্ পিরভূতো লোলসংপদুচিতব্যযশীলঃ |
স্বর্গমেব লভঽন্তেত্যদশাযাং জাল্মকো মুসলজশ্চপলশ্চ || ৫৬||
দুঃস্থৈর্ভাবগৃহেশ্বরৈরশুভসংযুক্তেক্ষিতৈর্বা ক্রমা-
দ্ভাবৈঃ স্যুস্ত্ববযোগনিঃস্বমৃতযঃ প্রোক্তাঃ কুহূঃ পামরঃ |
হর্ষো দুষ্কৃতিরিত্যথাপি সরলো নির্ভাগ্যদুর্যোগকৌ
যোগা দ্বাদশ তে দরিদ্র বিমলে প্রোক্তাবিপশ্চিজ্জনৈঃ || ৫৭||
অপ্রসিদ্ধিরতিদুঃসহদৈন্যং স্বল্পমাযুরবমানমসদ্ভিঃ |
সংযুতঃ কুচরিতঃ কুতনুঃ স্যাচ্চঞ্চলস্থিতিরিহাপ্যবযোগে || ৫৮||
সুবচন্যশূন্যো বিফলকুটুম্বঃ কুজনসমাজঃ কুদশনচক্ষুঃ |
মতিসুতবিদ্যা বিভববিহিনো রিপুহৃতবিত্তঃ প্রভবতি নিঃস্বে || ৫৯||
অরিপরিভূতঃ সহজবিহীনো মনসিবিলজ্জো হতবলবিত্তঃ |
অনুচিতকর্মশ্রমপরিখিন্নো বিকৃতিগুণঃ স্যাদিতি মৃতিযোগে || ৬০||
মাতৃবাহনসুহৃত্সুখভূষবন্ধুর্ভিবিরহিতঃ স্থিতিশূন্যঃ |
স্থানমাশ্রিতমনেন হনং স্যাত্ কুস্ত্রিযামভিরতঃ কুহুযোগে || ৬১||
দুঃখজীব্যনৃতবাগবিবেকী বঞ্চকো মৃতসুতোঽপ্যনপত্যঃ |
নাস্তিকোঽল্পকুজনং ভজতেঽসৌ ঘস্মরো ভবতি পামরযোগে || ৬২||
সুখভোগভাগ্যদৃঢগাত্রসংযুতো নিহতাহিতো ভবতি পাপভীরুকঃ
প্রথিতপ্রধানজনবল্লভো ধনদ্যুতিমিত্রকীর্তিসুতবাংশ্চৈ হর্ষজঃ || ৬৩||
স্বপত্নীবিযোগং পরস্ত্রীরতীচ্ছা দুরালোকমধ্বানসংচারবৃতিঃ |
প্রমেহাদিগুহ্যার্তিমুর্বীশপীডাং বদেদ্দুষ্কৃতৌ বন্ধুধিক্কারশোকম্ || ৬৪||
দীর্ঘযুষ্মান্ দৃঢমতিরভযঃ শ্রীমান্বিদ্যাসুতধনসহিতঃ |
সিদ্ধারম্ভো জিতরিপুরমলো বিখ্যাতাখ্যঃ প্রভবতি সরলে || ৬৫||
পিত্রার্জিতক্ষেত্রেগৃহাদিনাশকৃত্ সাধূন্ গুরূন্নিন্দতি ধর্মবর্জিতঃ |
প্রত্মাতিজীর্ণম্বরধৃচ্চ দুর্গতো নির্ভাগ্যযোগে বহুদুঃখভাজনম্ || ৬৬||
শরীরপ্রযাসৈঃ কৃতং কর্ম যত্তত্ ব্রজেন্নিষ্ফলত্বং লঘুত্বং জনেষু |
জনদ্রোহকারী স্বকুর্ক্ষিভরিঃ স্যাত্ অজস্রং প্রবাসী চ দুর্যোগজাতঃ || ৬৭||
ঋণগ্রস্ত উগ্রো দরিদ্রাগ্রগণ্যো ভবেত্কর্ণরোগী চ সৌভাত্রহীনঃ |
অকার্যপ্রবৃত্তো রসাভাসবাদী পরপ্রেষ্যকঃ স্যাদ্দরিদ্রাখ্যযোগে || ৬৮||
কিঞ্চিদ্ব্যযো ভূরিধনাভিবৃদ্ধিং প্রযাত্যযং সর্বজনানুকূল্যম্ |
সুখী স্বতন্ত্রো মহনীযবৃত্তি গুর্ণৈঃ প্রতীতো বিমলোদ্ভবঃ স্যাত্ || ৬৯||
ছিদ্রারিব্যযনাযকাঃ প্রবলগাঃকেন্দ্রন্ত্রিকোণাশ্রিতাঃ
লগ্নব্যোমচতুর্থভাগ্যপতযঃ ষড্রন্ধ্ররিঃফস্থিতাঃ
নির্বীর্যা বিগতপ্রভা যাদ তদা দুর্যোগ এব স্মৃত-
স্তদ্ব্যস্তে সতি যোগবান্ধনপতির্ভূপঃ সুখী ধার্মিকঃ || ৭০||