ফলদীপিকা – ০৫

পংচমোঽধ্যায

কর্মাজীব প্রকরণ

অর্থাপ্তী কথযেদ্বিলগ্নশশিনোঃ প্রাবল্যতঃ খেচরেঃ
কর্মস্থৈঃ পাতৃমাতৃশাত্রবসুহৃদ্ব্র্হাত্রাদিভঃ স্ত্রীধনাত্ |
ভৃত্যাদ্বা দিননাথলগ্নশশিনাং মধ্যে বলীযাংস্ততঃ
কর্মেশস্থনবাম্শরাশিপবশাদ্বৃত্তিং জগুস্তদ্বিদঃ || ১||
ফলদ্রুমৈর্মন্ত্রজপশ্চ শাঠ্যাদ্দ্যূতানৃতৈঃ কংবলভেষজাদ্যৈঃ
দ্যাতুক্রিযাদ্বা ক্ষিতিপালপূজ্যাজ্জীবত্যসৌ পঙ্কজবল্লভাংশে || ২||
জলোদ্ভবানাং ক্রযবিক্রযেণ কৃষিক্রিযাগোমহিষীসমুত্থৈঃ |
তীর্থাটনাদ্বা বনিতাশ্রযাদ্বা নিশাকরাংশে বসনক্রযাদ্বা || ৩||
ভৌমাংশকে ধাতুরণপ্রহারৈর্মহানসাদ্ভূমিবশাত্সুবর্ণাত্ |
পরোপতাপাযুধসাহসৈর্বা ম্লেচ্ছাশ্রযাত্সূচকচোরবৃত্যা || ৪||
কাব্যাগমৈর্লেখকলিপ্যুপাযৈর্জ্যোতির্গণজ্ঞানবশাদ্বুধাংশে |
পরার্থবেদাধ্যযনাজ্জপাচ্চ পুরোহিতব্যাজবশাত্প্রবৃত্তিঃ || ৫||
জীবাংশকে ভূসুরদেবতানাং সমাশ্রযাদ্ভূমিপতিপ্রসাদাত্ |
পুরাণশাস্ত্রাগমনীতিমার্গাদ্ধর্মোপদেশেন কুসীদবৃত্যা || ৬||
স্ত্রীসংশ্রযাদ্গোমহিষীগজাশ্বৈস্তৌর্যত্রিকৈর্বা রজতৈশ্চ গন্ধৈঃ |
ক্ষীরাদ্যলঙ্কারপটীপটদ্যৈঃ শুক্রাংশকেঽমাত্যগুণৈঃ কবিত্বাত্ || ৭||
শন্যংশকে মূলফলৈঃ শ্রমেণ প্রেষ্যৈঃ খলৈনীর্চধনৈঃ কুধান্যৈঃ |
ভারোদ্বহাত্কুত্সিরমার্গবৃত্যা শিল্পাদিভির্দারুমযৈর্বধাদ্যৈঃ || ৮||
অংশেশে বলবত্যযত্নসংপ্রাপ্তিং বলোনেশপে
স্বল্পং প্রোক্তফলং ভবেদুদযতঃ কর্মর্ক্ষদেশে ফলম্ |
অংশস্যোক্তদিশং বদেত্পতিযুতে দৃষ্টে স্বদেশে ফলং
সত্যন্যৈঃ পরদেশজং তদধিপস্যাংশে স্বদেশে স্থিরে || ৯||