ফলদীপিকা – ০৪

চতুর্থোঽধ্যাযঃ

গ্রহ বল

বীর্যং শড্বিধমাহ কালজবলং চেঅবলং স্বোচ্চজং
দিগ্বির্যং ত্বযনোদ্ভবং দিবিষদাং স্থানোদ্ভবং চ ক্রমাত্ |
নিশ্যারেন্দুসিতাঃ পরে দিবি সদা জ্ঞঃ শুক্লপক্ষে শুভাঃ
কৃষ্ণেঽন্যে চ নিজাব্দমাসদিনহোরাস্বঙ্ধ্রিবৃধদ্ধ্যা ক্রমাত্ || ১||
রাকাচন্দ্রস্য চেআবলমুদগযতে ভাস্বতো বক্রগানাং
যুদ্ধে চোদক্স্থিতানাং স্ফুটবহুলরুচাং স্বোচ্চবীর্যং স্বতুঙ্গে |
দিগ্বীর্যং খেঽর্কভৌমৌ সুহৃদি শশিসিতৌ বিদ্গুরূ লগ্নগৌ
চেন্মন্দেঽস্তে যাম্যমার্গে বুধশনিশশিনোঽন্যেঽযনাখ্যে পরস্মিন্ || ২||
স্বোচ্চস্বর্ক্ষসুহৃদ্গৃহেষু বলিনঃ ষট্সু স্ববর্গেষু বা
প্রোক্তং স্থানবলং চতুঅযমুখাত্পূর্ণার্দ্ধপাদাঃ ক্রমাত্ |
মধ্যাদ্যন্তকষণ্ডমর্ত্যবনিতাঃ খেটা বলিআঃ ক্রমাত্
মন্দারজ্ঞগুরূশনোব্জরবযো নৈজে বলে বর্দ্ধনাঃ || ৩||
বক্রং গতো রুচিররশ্মিমসমহপূর্ণো
নীচারিভাংশসহিতোঽপি ভবেত্স খেটঃ |
বীর্যানিবতস্তুহিনরশ্মিরিবোচ্চমিত্র-
স্বক্ষেত্রগোঽপি বিবলো হতদীধিতিশ্চেত্ || ৪||
তুঙ্গস্থা বলিনোঽখিলাশ্চ শশিনঃ শ্লাঘ্যং হি পক্ষোদ্ভবং
ভানোর্দিগ্বলমাহ বক্রগমনে তরাগ্রহাণাং বলম্ |
কর্ক্যুক্ষাজঘটালিগোহিরবলান্ত্যোক্ষাশ্বিপাশ্চাত্যগঃ
কেতুস্তত্পরিবেষধন্বসু বলী চেন্দ্বর্কযোগো নিশি || ৫||
রূপং মানুষভেঽলিভেঽঙ্ধ্রেরপরেষ্বর্দ্ধং বলং স্যাত্তনোঃ
তুল্যং স্বামিবলেন চোপচযগে নাথেঽতিবীর্যোত্কটম্ |
স্বামীড্যজ্ঞযুতেক্ষিতে কবিযুতে চান্যৈরযুক্তেক্ষিতে
শর্বর্যাংন্নিশি রাশযোঽহনি পরে বীর্যান্বিতাঃ কীর্তীতাঃ || ৬||
স্বোচ্চে পূর্ণং স্বত্রিকোণে ত্রিপাদং স্বক্ষেত্রঽর্দ্ধং মিত্রভে পাদ্দমব |
দ্বিট্ক্ষেত্রেঽল্পং নীচগেঽস্তং গতেঽপি ক্ষেত্রং বীর্যং নিষ্ফলং স্যাদ্ গ্রহানাম্ || ৭||
কেন্দ্রে গ্রহাণামুদিতং বলং যত্সুখে ভবস্যস্তগৃহে বিলগ্নে |
উপর্যুপর্যুক্তপদক্রমেণ বলাভিবৃদ্ধি হি বিকল্পযন্তি || ৮||
শ্রেষ্ঠেতি সা সপ্তমদৃষ্টিরেব সর্বত্র বাচ্যা ন তথাঽন্যদৃষ্টিঃ |
যোগাদিষু ন্যূনফলপ্রদেতি বিশেষদৃষ্টির্ন তু কৈশ্চিদুক্তা || ৯||
নৈসর্গিগং শত্রুসুহৃত্ত্বমেব ভবেত্প্রমাণং ফলকারি সম্যক্ |
তাত্কালিকং কার্যবশেন বাচ্যং তচ্ছত্রুমিত্রত্বমনিত্যমেব || ১০||
নিঃশেষদোষহরণে শুভবর্দ্ধনে চ
বীর্যং গুরোরধিকমস্ত্যখিলগ্রহেভ্যঃ |
তদ্বীর্যপাদদলশক্তিভৃতৌ জ্ঞশুক্রৌ
চান্দ্রং বলং তু নিখিলগ্রহবীর্যবীজম্ || ১১||
চন্দ্রক্রিযাদি
জন্মর্ক্ষবিঘতী নীতৈর্জ্ঞানাঙ্গৈর্ননযৈর্ভজেত্ |
লব্ধাশ্চন্দ্রক্রিযাবস্থাবেলাখ্যাম্স্তন্ফলং ক্রমাত্ || ১২||
চন্দ্রক্রিযা ফল
স্থানাদ্ভ্রাস্তপ্স্বী পরযুবতিরতো দ্যূতকৃদ্ধস্তিমুখ্যা-
রূঢঃ সিংহাসনস্থো নরপতিররিহা দণ্ডনেতা গুণী চ |
নিষ্প্রানশ্ছিন্নমূর্দ্ধা ক্ষতকরচরণো বন্ধনস্থো বিনষ্টো
রাজা বেদানধীতে স্বপিতি সুচরিতঃ সংস্মৃতো ধর্মকর্তা || ১৩||
সদ্বংশ্যো নিধিসংগতঃ শ্রুতকুলো ব্যাখ্যাপরঃ শত্রুহা
রোগী শত্রুজিতঃ স্বদেশচলিতো ভৃত্যো বিনষ্টার্থকঃ |
অস্থানী চ সুমন্ত্রকঃ পরমহীভর্তা সভার্যো গজ-
ত্রস্তঃ সংযুগভীতিমানতিভযো লীনোন্নদাতাগ্নিগঃ || ১৪||
ক্ষুদ্বাধাসহিতোঽন্নমত্তি বিচরন্মাংসানোঽস্ত্রক্ষতঃ
সোদ্বাহো ধৃতকন্দুকো বিহরতি দ্যূতৈর্নৃপো দুঃখিতঃ |
শযাস্থো রিপুসেবিতশ্চ সসুহৃদ্যোগী চ ভার্যান্বিতো
মিষ্টাহী চ পযঃ পিবন্ সুকৃতকৃত্ স্বস্থস্তথাস্তে সুখম্ || ১৫||
চন্দ্র- অবস্থা ফল
আত্মস্থানাত্প্রবাসো মহিতনৃপহিতো দাসতা প্রাণহানি-
র্ভূপালত্বং স্ববংশোচিতগুণনিরতো রোগ আস্থানবত্ত্বম্ |
ভীতিঃ ক্ষুদ্বাধিতত্বং যুবতিপরিণযো স্ম্যশয্যানুষাক্তি
মৃর্ষ্টাশিত্বং চ গীতা ইতি নিযমবশাত্সদ্ভিরিন্দোরবস্থা || ১৬||
চন্দ্রবেলা- ফল
মূর্দ্ধমযো মুদিততা যজনং সুখস্থো
নেত্রমযঃ সুখিততা বনিতাবিহরঃ |
উগ্রজ্বরঃ কনকভূষণমশ্রুমোক্ষঃ
ক্ষ্বেলা নং নিধুবনং জঠরস্য রোগঃ || ১৭||
ক্রীডা জলে হসনচিত্রবিলেখনে চ
ক্রোডশ্চ নৃত্তকরণং ঘৃতভুক্তিনিদ্রে |
দানক্রিযা দশনরুক্ কলহঃ প্রযাণ-
মুন্মত্ততা চ সলিলাপ্লবনং বিরোধঃ || ১৮||
স্বোচ্ছাস্নানং ক্ষুদ্ভযং শাস্ত্রলাভং স্বৈর গোষ্ঠী যোধনং পুন্যকর্ম |
পাপা চারঃ ক্রূরকর্মা প্রহর্ষং প্রাজ্ঞৈরেবং চন্দ্রবেলা প্রদিষ্টা || ১৯||
জাতকে চ মুহূর্তে চ প্রশ্নে চন্দ্রক্রিযাদযঃ |
সম্যক্ ফলপ্রদাস্তস্মাদ্বিশেষেণ বিচিন্তযেত্ || ২০||
ওঅক্ষোদ্ভবং হিমকরস্য বিশেষ্শমাহুঃ
স্থানোদ্ভবং তু বলমপ্যধিক্রং পরেষাং |
তত্সংপ্রযুক্তমিতরৈরধিকাধিকং স্যা-
দন্যানি তেন সদৃশানি বহূনি তে স্যুঃ || ২১||
বলপিংড
সার্দ্ধানি ষশতীক্ষ্ণকরো বলীযান্ চন্দ্রস্তু ষশপঞ্চ বসুন্ধরাজঃ
সপ্তেন্দুসূনো রবিবদ্গুরোস্তু সার্দ্ধানি পঞ্চাথ সিতো বলী স্যাত্ || ২২||
মন্দস্তু পঞ্চৈব হি ষড্বলানাং সংযোগ এবাপরথান্যথা স্যুঃ |
এবং গ্রহাণাং স্ববলাবলানি বিচিন্ত্য সম্যক্কথযেত্ফলানি || ২৩||
লগ্নাদিকানামধিপস্য পিণ্ডে রূপান্বিতে তদ্বলপিণ্ডমাহুঃ |
গৃহস্য যস্যাং দিশাদিগ্বলং স্যাত্তদ্ভাববীর্য সহিতস্য দৃষ্ট্যা || ২৪||