ফলদীপিকা – ০৩

তৃতীযোঽধ্যাযঃ

বর্গ- বিভাগ

ক্ষেত্রত্রিভাগনবভাগদশাংশহোরাত্রিংশংশসপ্তলবষষ্টিলবাঃ কলাংশাঃ |
তে দ্বাদশাংশসহিতা দশবর্গসংজ্ঞা বর্গোত্তমো নিজনিজে ভবনে নবাংশঃ ||
দশাংশষষ্ট্যংশকলাংশহীনাস্তে সপ্তবর্গাশ্চ বিসপ্তমাংশাঃ
ষড্বর্গসংজ্ঞাস্ত্বথ রাশিভাবতুল্যং নবাংশস্য ফলং হি কেচিত্ || ২||
ক্ষেত্রেষু পূর্ণমুদিতং ফলমন্যবর্গে-
ষ্বর্দ্ধং কলাদশমষষ্টিলবেষু পাদম্ |
বালঃ কুমারতরুণৌ প্রবযা মৃতঃ ষড্
ভাগঃ ক্রমাদ্যুজি বিপর্যযমিত্যবস্থাঃ || ৩||
ক্ষেত্রস্যার্দ্ধং হি হোরা ত্বযুজি রবিসুধাংশ্বোঃ সমে ব্যস্তমেতদ্
দ্রেষ্কাণেশাস্ত্রিভাগৈস্তনুসুতশুভপা দ্বাদশাংশস্তু লগ্নাত্ |
ভৌমার্কীড্যজ্ঞশুক্রাঃ শিশুজসমলবা হ্যোজভে যুগ্মভে তদ্-
ব্যস্তং ত্রিংশাংশনাথাঃ ক্রিযমকরতুলাঃ কর্কটাদ্যা নবাংশাঃ || ৪||
যজ্ঞং রত্ন জনং ধনং নয পটং রূপং শুকং চিটিনা
নাগং যোগ খগং বলং ভগ শিলা ধূলির্নবং প্রস্বনম্ |
লাভং বিশ্ব দিবং রম ধমং ষষ্ট্যংশকাশ্চৌজভে
ক্রূরাখ্যাঃ সমভে বিপর্যযমিদং শেষাস্তু সৌম্যাহ্বযাঃ || ৫||
স্বাত্ সপ্তাংশদশাংশকৌ তু বিষমে তু কামাচ্ছুভাত্
স্বাদীশাশ্চ কলাংশপা বিধিহরীশার্কঃ সমর্ক্ষেঽন্যথা |
খ্যাতৈঃ কোণযুতৈস্ত্রিকোণভবনস্বর্ক্ষোচ্চকেন্দ্রোত্তমৈ-
র্বর্গাঃ সপ্ত দশ ত্রযোদশমিতা বর্গাঃ প্রদিষ্টাঃ পরৈঃ || ৬||
বর্গান্যোজযতু ত্রযোদশ সুহৃত্স্বর্ক্ষোচ্চভেষু ক্রমাদ্-
দ্বিস্ত্রিঃ পঞ্চ চতুর্নাদ্রিবসুষট্সংখ্যাসু বর্গৈক্যতঃ |
প্রাহুশ্চোত্তমপারিজাতকথিতৌ সিংহাসনং গোপুরং
চেত্যয্রাবতদেবলোকসুরলোকাংশাংশ্চ পারাবতম্ || ৭||
আর্যনিল্পগুণার্থসৌখ্যবিভবান্যঃ পারিজাতাংশকঃ
স্বাচারং বিনযান্বিতং নিপুণং যদ্যুত্তমাংশে স্থিতঃ |
খেতো গোপুরভাগগঃ শুভমতিং স্বক্ষেত্রগো মন্দিরং
যঃ সিংহাসনগো নৃপেন্দ্রদযিতং ভূপালপুল্যং নরম্ || ৮||
শ্রেষ্ঠাশ্বদ্বিপবাহনাদি বিভবং পারাবতাধিষ্ঠিতঃ
সত্কীর্তিং যদি দেবলোকসহিতো ভূমণ্ডলাধীশ্বরম্ |
বন্দ্যং ভূপতিভিঃ সুরেন্দ্রসদৃশং ত্বৈরাবতাংশাস্থিতঃ
সদ্ভাগ্যং ধনধান্যপুত্রসহিতং ভূপং বিদধ্যাদ্ গ্রহঃ || ৯||
যদ্বর্গেষ্বখিলেষু মৃত্যুরবলেষ্বত্রাথ বক্ষ্যে ক্রমা-
ন্নাশং দুঃখমনর্থতাং চ বিসুখং বন্ধুপ্রিযং তদ্বরম্ |
ভূপেষ্টং ধনিনং নৃপং নৃপবরং বর্গে বলিষ্ঠেঽখিলে
বধিষ্ণুং সুখিনং নৃপং গদমৃতী বালাদ্যবস্থাফলম্ || ১০||
ষড্বর্গেষু শুভগ্রহাধিকগুণৈঃ শ্রীমাংশ্চিরং জীবতি
ক্রূরাংশে বহুলে বিলগ্নভবনে দীনোঽল্পজীবঃ শঠঃ |
তন্নাথা বলিনো নৃপোঽস্ত্যথ নবাংশেশো দৃগাণেশ্বরো
লগ্নেশঃ ক্রমশঃ সুখী নৃপসমঃ ক্ষোণিপতির্ভগ্যবান্ || ১১||
ওজে ক্রূরেঽর্কহোরাং গতবতি বলবান্ ক্রূরবৃত্তির্ধনাঢ্যো
যুগ্মে চান্দ্রীংশুভেষু দ্যুতিবিনযবচোহৃদ্যসৌভাগ্যযুক্তঃ |
ব্যস্তং ব্যস্তেঽত্র মিশ্রে সমফলমুদিতং লগ্নচন্দ্রৌ বলিষ্ঠৌ
তন্নাথৌ দ্বৌ চ তদ্বদ্যদি ভবতি চিরংজীব্যদুঃখী যশস্বী || ১২||
সিংহাজাশ্বিতুলানৃযুগ্মভবনেষ্বন্ত্যা হযাজাদিমাঃ
মধ্যৌ স্ত্রীযমযোরিহাযুধভৃতঃ পাশোলিমধ্যো ভবেত্ |
নক্রাদ্যো নিগলো মৃগেন্দ্রঘটযোরাদ্যো বণিঙ্মঃধ্যমো
গৃধ্রাস্যো বৃষভান্তিমশ্চ বিহগঃ কর্ক্যাদি কোলাননম্ || ১৩||
কৌর্প্যদ্যঃ কর্কটান্ত্যো ভূষচরমমহিশ্চাজগোমধ্যসিংহা-
দ্যল্যন্ত্যং স্যাচ্চতুষ্পাদিহ ফলমধনক্রূরনিন্দ্যা দরিদ্রাঃ |
দ্বন্দ্বর্ক্ষে স্যুর্দৃগাণৈরধমসমশুভান্যস্থিরে চোত্ক্রমেণ
প্রাহুস্তজ্জ্ঞাঃ স্থিরর্ক্ষেষ্বশুভশুভসমান্যেব লগ্নে ফলানি || ১৪||
দ্রেক্কাণেশে স্ববর্গে শুভখগসহিতে স্বোচ্চমিত্রর্ক্ষগে বা
তদ্ব ত্রিংশাংশনাথে বলবতি যদি চেদ্ দ্বাদশাংশাধিপে বা
হোরানাথে তথা চেন্নিখিলগুণগণো নিত্যশুদ্ধপ্রবীণো
দীর্ঘাযুঃ স্যাদ্দযাবান্ সুতধনসহিতঃ কীর্তিমান্রাজভোগঃ || ১৫||
মান্দিস্থরাশিপতিসঙ্গতসুত্রিকোণং
তস্যাংশরাশিপতিসংযুতমংশকোণম্ |
লগ্নং বদন্তি গুলিকাংশকরাশিকোণং
তদ্বদ্বিধৌ বলযুতে শশিনৈব বিদ্যাত্ || ১৬||
কুর্যাদাত্মসুহৃদ্দৃগাণগশশী কল্যাণরূপং গুণং
শ্রেযাংস্যুত্তমবর্গজস্ত্বপরগস্তন্নাথজাতান্ গুণান্ |
স্বত্রিংশাংশগতা গ্রহা বিদধতে তত্কারকত্বোদিতং
তত্রৈকোঽপি সুহৃদ্গ্রহেক্ষিতযুতঃ স্বোচ্চেঽর্থযুক্তং নৃপম্ || ১৭||
স্বোচ্চে প্রদীপ্তঃ সুখিতস্ত্রিকোণে স্বস্থঃ স্বগেহে মুদিতঃ সুহৃভে |
শান্তস্তু সৌম্যগ্রহবর্গযুক্তঃ শক্তো মতোঽসৌ স্ফুটরশিমজালঃ || ১৮||
গ্রহাভিভূতঃ স নিপীডিতঃ স্যাত্ খলস্তু পাপগ্রহবর্গযাতঃ |
সুদুঃখিতঃ শত্রুগৃহে গ্রহেন্দ্রো নীচেঽতিভীতো বিকলোঽস্তযাতঃ || ১৯||
পূর্ণং প্রদীপ্তা বিকলাস্তু শূন্যং মধ্যেঽনুপাতাচ্চ শুভং ক্রমেণ |
অনুক্রমেণাশুভমেব কুর্যুর্নামানুরূপাণি ফলানি তেষাম্ || ২০||