মনুস্মৃতি – অধ্যায় ০৮

ENM8.301a/ এষোঽখিলেনাভিহিতো দণ্ডপারুষ্যনির্ণযঃ |
ENM8.301c/ স্তেনস্যাতঃ প্রবক্ষ্যামি বিধিং দণ্ডবিনির্ণযে || C. ||
ENM8.302a/ পরমং যত্নমাতিষ্ঠেত্ স্তেনানাং নিগ্রহে নৃপঃ |
ENM8.302c/ স্তেনানাং নিগ্রহাদস্য যশো রাষ্ট্রং চ বর্ধতে || C. ||
ENM8.303a/ অভযস্য হি যো দাতা স পূজ্যঃ সততং নৃপঃ |
ENM8.303c/ সত্ত্রং হি বর্ধতে তস্য সদৈবাভযদক্ষিণম্ || C. ||
ENM8.304a/ সর্বতো ধর্মষড্ভাগো রাজ্ঞো ভবতি রক্ষতঃ |
ENM8.304c/ অধর্মাদপি ষড্ভাগো ভবত্যস্য হ্যরক্ষতঃ || C. ||
ENM8.305a/ যদধীতে যদ্ যজতে যদ্ দদাতি যদর্চতি |
ENM8.305c/ তস্য ষড্ভাগভাগ্ রাজা সম্যগ্ ভবতি রক্ষণাত্ || C. ||
ENM8.306a/ রক্ষন্ ধর্মেণ ভূতানি রাজা বধ্যাংশ্চ ঘাতযন্ |
ENM8.306c/ যজতেঽহরহর্যজ্ঞৈঃ সহস্রশতদক্ষিণৈঃ || C. ||
ENM8.307a/ যোঽরক্ষন্ বলিমাদত্তে করং শুল্কং চ পার্থিবঃ |
ENM8.307c/ প্রতিভাগং চ দণ্ডং চ স সদ্যো নরকং ব্রজেত্ || C. ||
ENM8.308a/ অরক্ষিতারং রাজানং বলিষড্ভাগহারিণম্ | %[k: arakShitaaramattaaraM]

ENM8.308c/ তমাহুঃ সর্বলোকস্য সমগ্রমলহারকম্ || C. ||
ENM8.309a/ অনপেক্ষিতমর্যাদং নাস্তিকং বিপ্রলুংপকম্ | %[M.anavekShitamaryaadaM ]

ENM8.309c/ অরক্ষিতারমত্তারং নৃপং বিদ্যাদধোগতিম্ || C. ||
ENM8.310a/ অধার্মিকং ত্রিভির্ন্যাযৈর্নিগৃহ্ণীযাত্ প্রযত্নতঃ |
ENM8.310c/ নিরোধনেন বন্ধেন বিবিধেন বধেন চ || C. ||
ENM8.311a/ নিগ্রহেণ হি পাপানাং সাধূনাং সঙ্গ্রহেণ চ |
ENM8.311c/ দ্বিজাতয ইবৈজ্যাভিঃ পূযন্তে সততং নৃপাঃ || C. ||
ENM8.312a/ ক্ষন্তব্যং প্রভুণা নিত্যং ক্ষিপতাং কার্যিণাং নৃণাম্ |
ENM8.312c/ বালবৃদ্ধাতুরাণাং চ কুর্বতা হিতমাত্মনঃ || C. ||
ENM8.313a/ যঃ ক্ষিপ্তো মর্ষযত্যার্তৈস্তেন স্বর্গে মহীযতে |
ENM8.313c/ যস্ত্বৈশ্বর্যান্ন ক্ষমতে নরকং তেন গচ্ছতি || C. ||
ENM8.314a/ রাজা স্তেনেন গন্তব্যো মুক্তকেশেন ধাবতা | %[M. dhiimataa ]

ENM8.314c/ আচক্ষাণেন তত্ স্তেযমেবঙ্কর্মাঽস্মি শাধি মাম্ || C. ||
ENM8.315a/ স্কন্ধেনাদায মুসলং লগুডং বাঽপি খাদিরম্ | %[M.mushalaM ]

ENM8.315c/ শক্তিং চোভযতস্তীক্ষ্ণামাযসং দণ্ডমেব বা || C. ||
ENM8.316a/ শাসনাদ্ বা বিমোক্ষাদ্ বা স্তেনঃ স্তেযাদ্ বিমুচ্যতে |
ENM8.316c/ অশাসিত্বা তু তং রাজা স্তেনস্যাপ্নোতি কিল্বিষম্ || C. ||
ENM8.317a/ অন্নাদে ভ্রূণহা মার্ষ্টি পত্যৌ ভার্যাঽপচারিণী |
ENM8.317c/ গুরৌ শিষ্যশ্চ যাজ্যশ্চ স্তেনো রাজনি কিল্বিষম্ || C. ||
ENM8.318a/ রাজভিঃ কৃতদণ্ডাস্তু কৃত্বা পাপানি মানবাঃ | %[M.raajabhirdhR^itadaNDaastu]

ENM8.318c/ নির্মলাঃ স্বর্গমাযান্তি সন্তঃ সুকৃতিনো যথা || C. ||
ENM8.319a/ যস্তু রজ্জুং ঘটং কূপাদ্দ্ হরেদ্ ভিন্দ্যাচ্চ যঃ প্রপাম্ |
ENM8.319c/ স দণ্ডং প্রাপ্নুযান্ মাষং তচ্চ তস্মিন্ সমাহরেত্ || C. ||
ENM8.320a/ ধান্যং দশভ্যঃ কুম্ভেভ্যো হরতোঽভ্যধিকং বধঃ |
ENM8.320c/ শেষেঽপ্যেকাদশগুণং দাপ্যস্তস্য চ তদ্ ধনম্ || C. ||
ENM8.321a/ তথা ধরিমমেযানাং শতাদভ্যধিকে বধঃ |
ENM8.321c/ সুবর্ণরজতাদীনামুত্তমানাং চ বাসসাম্ || C. ||
ENM8.322a/ পঞ্চাশতস্ত্বভ্যধিকে হস্তচ্ছেদনমিষ্যতে |
ENM8.322c/ শেষে ত্বেকাদশগুণং মূল্যাদ্ দণ্ডং প্রকল্পযেত্ || C. ||
ENM8.323a/ পুরুষাণাং কুলীনানাং নারীণাং চ বিশেষতঃ |
ENM8.323c/ মুখ্যানাং চৈব রত্নানাং হরণে বধমর্হতি || C. ||
ENM8.324a/ মহাপশূনাং হরণে শস্ত্রাণামৌষধস্য চ |
ENM8.324c/ কালমাসাদ্য কার্যং চ দণ্ডং রাজা প্রকল্পযেত্ || C. ||
ENM8.325a/ গোষু ব্রাহ্মণসংস্থাসু ছুরিকাযাশ্চ ভেদনে | %[M.kharikaayaashcha]

ENM8.325c/ পশূনাং হরণে চৈব সদ্যঃ কার্যোঽর্ধপাদিকঃ || C. ||
ENM8.326a/ সূত্রকার্পাসকিণ্বানাং গোমযস্য গুডস্য চ |
ENM8.326c/ দধ্নঃ ক্ষীরস্য তক্রস্য পানীযস্য তৃণস্য চ || C. ||
ENM8.327a/ বেণুবৈদলভাণ্ডানাং লবণানাং তথৈব চ |
ENM8.327c/ মৃণ্মযানাং চ হরণে মৃদো ভস্মন এব চ || C. ||
ENM8.328a/ মত্স্যানাং পক্ষিণাং চৈব তৈলস্য চ ঘৃতস্য চ |
ENM8.328c/ মাংসস্য মধুনশ্চৈব যচ্চান্যত্ পশুসংভবম্ || C. ||
ENM8.329a/ অন্যেষাং চৈবমাদীনাং মদ্যানামোদনস্য চ | %[M.chaivamaadiinaamadyaanaam]

ENM8.329c/ পক্বান্নানাং চ সর্বেষাং তন্মুল্যাদ্ দ্বিগুণো দমঃ || C. ||
ENM8.330a/ পুষ্পেষু হরিতে ধান্যে গুল্মবল্লীনগেষু চ |
ENM8.330c/ অন্যেষ্বপরিপূতেষু দণ্ডঃ স্যাত্ পঞ্চকৃষ্ণলঃ || C. ||
ENM8.331a/ পরিপূতেষু ধান্যেষু শাকমূলফলেষু চ |
ENM8.331c/ নিরন্বযে শতং দণ্ডঃ সান্বযেঽর্ধশতং দমঃ || C. ||
ENM8.332a/ স্যাত্ সাহসং ত্বন্বযবত্ প্রসভং কর্ম যত্ কৃতম্ |
ENM8.332c/ নিরন্বযং ভবেত্ স্তেযং হৃত্বাঽপব্যযতে চ যত্ || C. ||
ENM8.333a/ যস্ত্বেতান্যুপকৢপ্তানি দ্রব্যাণি স্তেনযেন্নরঃ |
ENM8.333c/ তমাদ্যং দণ্ডযেদ্ রাজা যশ্চাগ্নিং চোরযেদ্ গৃহাত্ || C. || %[M.taM shataM]

ENM8.334a/ যেন যেন যথাঙ্গেন স্তেনো নৃষু বিচেষ্টতে |
ENM8.334c/ তত্ তদেব হরেত্ তস্য প্রত্যাদেশায পার্থিবঃ || C. ||
ENM8.335a/ পিতাঽচার্যঃ সুহৃত্মাতা ভার্যা পুত্রঃ পুরোহিতঃ |
ENM8.335c/ নাদণ্ড্যো নাম রাজ্ঞোঽস্তি যঃ স্বধর্মে ন তিষ্ঠতি || C. ||
ENM8.336a/ কার্ষাপণং ভবেদ্ দণ্ড্যো যত্রান্যঃ প্রাকৃতো জনঃ |
ENM8.336c/ তত্র রাজা ভবেদ্ দণ্ড্যঃ সহস্রমিতি ধারণা || C. ||
ENM8.337a/ অষ্টাপাদ্যং তু শূদ্রস্য স্তেযে ভবতি কিল্বিষম্ |
ENM8.337c/ ষোডশৈব তু বৈশ্যস্য দ্বাত্রিংশত্ ক্ষত্রিযস্য চ || C. ||
ENM8.338a/ ব্রাহ্মণস্য চতুঃষষ্টিঃ পূর্ণং বাঽপি শতং ভবেত্ |
ENM8.338c/ দ্বিগুণা বা চতুঃষষ্টিস্তদ্দোষগুণবিদ্দ্ হি সঃ || C. ||
ENM8.339a/ বানস্পত্যং মূলফলং দার্বগ্ন্যর্থং তথৈব চ |
ENM8.339c/ তৃণং চ গোভ্যো গ্রাসার্থমস্তেযং মনুরব্রবীত্ || C. ||
ENM8.340a/ যোঽদত্তাদাযিনো হস্তাত্লিপ্সেত ব্রাহ্মণো ধনম্ |
ENM8.340c/ যাজনাধ্যাপনেনাপি যথা স্তেনস্তথৈব সঃ || C. ||
ENM8.341a/ দ্বিজোঽধ্বগঃ ক্ষীণবৃত্তির্দ্বাবিক্ষূ দ্বে চ মূলকে |
ENM8.341c/ আদদানঃ পরক্ষেত্রাত্ন দণ্ডং দাতুমর্হতি || C. ||
ENM8.342a/ অসংদিতানাং সংদাতা সংদিতানাং চ মোক্ষকঃ |
ENM8.342c/ দাসাশ্বরথহর্তা চ প্রাপ্তঃ স্যাচ্চোরকিল্বিষম্ || C. ||
ENM8.343a/ অনেন বিধিনা রাজা কুর্বাণঃ স্তেননিগ্রহম্ |
ENM8.343c/ যশোঽস্মিন্ প্রাপ্নুযাত্লোকে প্রেত্য চানুত্তমং সুখম্ || C. ||
ENM8.344a/ ঐন্দ্রং স্থানমভিপ্রেপ্সুর্যশশ্চাক্ষযমব্যযম্ |
ENM8.344c/ নোপেক্ষেত ক্ষণমপি রাজা সাহসিকং নরম্ || C. ||
ENM8.345a/ বাগ্দুষ্টাত্ তস্করাচ্চৈব দণ্ডেনৈব চ হিংসতঃ |
ENM8.345c/ সাহসস্য নরঃ কর্তা বিজ্ঞেযঃ পাপকৃত্তমঃ || C. ||
ENM8.346a/ সাহসে বর্তমানং তু যো মর্ষযতি পার্থিবঃ |
ENM8.346c/ স বিনাশং ব্রজত্যাশু বিদ্বেষং চাধিগচ্ছতি || C. ||
ENM8.347a/ ন মিত্রকারণাদ্ রাজা বিপুলাদ্ বা ধনাগমাত্ |
ENM8.347c/ সমুত্সৃজেত্ সাহসিকান্ সর্বভূতভযাবহান্ || C. ||
ENM8.348a/ শস্ত্রং দ্বিজাতিভির্গ্রাহ্যং ধর্মো যত্রোপরুধ্যতে |
ENM8.348c/ দ্বিজাতীনাং চ বর্ণানাং বিপ্লবে কালকারিতে || C. ||
ENM8.349a/ আত্মনশ্চ পরিত্রাণে দক্ষিণানাং চ সঙ্গরে |
ENM8.349c/ স্ত্রীবিপ্রাভ্যুপপত্তৌ চ ঘ্নন্ ধর্মেণ ন দুষ্যতি || C. ||
ENM8.350a/ গুরুং বা বালবৃদ্ধৌ বা ব্রাহ্মণং বা বহুশ্রুতম্ |
ENM8.350c/ আততাযিনমাযান্তং হন্যাদেবাবিচারযন্ || C. ||
ENM8.351a/ নাততাযিবধে দোষো হন্তুর্ভবতি কশ্চন |
ENM8.351c/ প্রকাশং বাঽপ্রকাশং বা মন্যুস্তং মন্যুমৃচ্ছতি || C. ||
ENM8.352a/ পরদারাভিমর্শেষু প্রবৃত্তান্নৄন্ মহীপতিঃ |
ENM8.352c/ উদ্বেজনকরৈর্দণ্ডৈশ্ছিন্নযিত্বা প্রবাসযেত্ || C. || %[M.chihnayitvaa##) ##]

ENM8.353a/ তত্সমুত্থো হি লোকস্য জাযতে বর্ণসঙ্করঃ |
ENM8.353c/ যেন মূলহরোঽধর্মঃ সর্বনাশায কল্পতে || C. ||
ENM8.354a/ পরস্য পত্ন্যা পুরুষঃ সংভাষাং যোজযন্ রহঃ |
ENM8.354c/ পূর্বমাক্ষারিতো দোষৈঃ প্রাপ্নুযাত্ পূর্বসাহসম্ || C. ||
ENM8.355a/ যস্ত্বনাক্ষারিতঃ পূর্বমভিভাষতে কারণাত্ ? ? |
ENM8.355c/ ন দোষং প্রাপ্নুযাত্ কিং চিন্ন হি তস্য ব্যতিক্রমঃ || C. ||
ENM8.356a/ পরস্ত্রিযং যোঽভিবদেত্ তীর্থেঽরণ্যে বনেঽপি বা |
ENM8.356c/ নদীনাং বাঽপি সংভেদে স সঙ্গ্রহণমাপ্নুযাত্ || C. ||
ENM8.357a/ উপচারক্রিযা কেলিঃ স্পর্শো ভূষণবাসসাম্ | %[Mupakaarakriyaa]

ENM8.357c/ সহ খট্বাঽসনং চৈব সর্বং সঙ্গ্রহণং স্মৃতম্ || C. ||
ENM8.358a/ স্ত্রিযং স্পৃশেদদেশে যঃ স্পৃষ্টো বা মর্ষযেত্ তযা |
ENM8.358c/ পরস্পরস্যানুমতে সর্বং সঙ্গ্রহণং স্মৃতম্ || C. ||
ENM8.359a/ অব্রাহ্মণঃ সঙ্গ্রহণে প্রাণান্তং দণ্ডমর্হতি |
ENM8.359c/ চতুর্ণামপি বর্ণানাং দারা রক্ষ্যতমাঃ সদা || C. ||
ENM8.360a/ ভিক্ষুকা বন্দিনশ্চৈব দীক্ষিতাঃ কারবস্তথা |
ENM8.360c/ সংভাষণং সহ স্ত্রীভিঃ কুর্যুরপ্রতিবারিতাঃ || C. ||
ENM8.361a/ ন সংভাষাং পরস্ত্রীভিঃ প্রতিষিদ্ধঃ সমাচরেত্ |
ENM8.361c/ নিষিদ্ধো ভাষমাণস্তু সুবর্ণং দণ্ডমর্হতি || C. ||
ENM8.362a/ নৈষ চারণদারেষু বিধির্নাত্মোপজীবিষু |
ENM8.362c/ সজ্জযন্তি হি তে নারীর্নিগূঢাশ্চারযন্তি চ || C. ||
ENM8.363a/ কিং চিদেব তু দাপ্যঃ স্যাত্ সংভাষাং তাভিরাচরন্ |
ENM8.363c/ প্রৈষ্যাসু চৈকভক্তাসু রহঃ প্রব্রজিতাসু চ || C. || %[M.preShyaasu ]

ENM8.364a/ যোঽকামাং দূষযেত্ কন্যাং স সদ্যো বধমর্হতি |
ENM8.364c/ সকামাং দূষযংস্তুল্যো ন বধং প্রাপ্নুযান্নরঃ || C. ||
ENM8.365a/ কন্যাং ভজন্তীমুত্কৃষ্টং ন কিং চিদপি দাপযেত্ |
ENM8.365c/ জঘন্যং সেবমানাং তু সংযতাং বাসযেদ্ গৃহে || C. ||
ENM8.366a/ উত্তমাং সেবমানস্তু জঘন্যো বধমর্হতি |
ENM8.366c/ শুল্কং দদ্যাত্ সেবমানঃ সমামিচ্ছেত্ পিতা যদি || C. ||
ENM8.367a/ অভিষহ্য তু যঃ কন্যাং কুর্যাদ্ দর্পেণ মানবঃ |
ENM8.367c/ তস্যাশু কর্ত্যে অঙ্গুল্যৌ দণ্ডং চার্হতি ষট্শতম্ || C. || %[M.kartyaa aN^gulyo ]

ENM8.368a/ সকামাং দূষযংস্তুল্যো নাঙ্গুলিছেদমাপ্নুযাত্ |
ENM8.368c/ দ্বিশতং তু দমং দাপ্যঃ প্রসঙ্গবিনিবৃত্তযে || C. ||
ENM8.369a/ কন্যৈব কন্যাং যা কুর্যাত্ তস্যাঃ স্যাদ্ দ্বিশতো দমঃ |
ENM8.369c/ শুল্কং চ দ্বিগুণং দদ্যাত্শিফাশ্চৈবাপ্নুযাদ্ দশ || C. ||
ENM8.370a/ যা তু কন্যাং প্রকুর্যাত্ স্ত্রী সা সদ্যো মৌণ্ড্যমর্হতি |
ENM8.370c/ অঙ্গুল্যোরেব বা ছেদং খরেণোদ্বহনং তথা || C. ||
ENM8.371a/ ভর্তারং লঙ্ঘযেদ্ যা তু স্ত্রী জ্ঞাতিগুণদর্পিতা |
ENM8.371c/ তাং শ্বভিঃ খাদযেদ্ রাজা সংস্থানে বহুসংস্থিতে || C. ||
ENM8.372a/ পুমাংসং দাহযেত্ পাপং শযনে তপ্ত আযসে |
ENM8.372c/ অভ্যাদধ্যুশ্চ কাষ্ঠানি তত্র দহ্যেত পাপকৃত্ || C. ||
ENM8.373a/ সংবত্সরাভিশস্তস্য দুষ্টস্য দ্বিগুণো দমঃ | %[M.sa.nvatsare.abhishastasya]

ENM8.373c/ ব্রাত্যযা সহ সংবাসে চাণ্ডাল্যা তাবদেব তু || C. ||
ENM8.374a/ শূদ্রো গুপ্তমগুপ্তং বা দ্বৈজাতং বর্ণমাবসন্ |
ENM8.374c/ অগুপ্তমঙ্গসর্বস্বৈর্গুপ্তং সর্বেণ হীযতে || C. || %[M.aN^gasarvasvii]

ENM8.375a/ বৈশ্যঃ সর্বস্বদণ্ডঃ স্যাত্ সংবত্সরনিরোধতঃ |
ENM8.375c/ সহস্রং ক্ষত্রিযো দণ্ড্যো মৌণ্ড্যং মূত্রেণ চার্হতি || C. ||
ENM8.376a/ ব্রাহ্মণীং যদ্যগুপ্তাং তু গচ্ছেতাং বৈশ্যপার্থিবৌ |
ENM8.376c/ বৈশ্যং পঞ্চশতং কুর্যাত্ ক্ষত্রিযং তু সহস্রিণম্ || C. ||
ENM8.377a/ উভাবপি তু তাবেব ব্রাহ্মণ্যা গুপ্তযা সহ |
ENM8.377c/ বিপ্লুতৌ শূদ্রবদ্ দণ্ড্যৌ দগ্ধব্যৌ বা কটাগ্নিনা || C. ||
ENM8.378a/ সহস্রং ব্রাহ্মণো দণ্ড্যো গুপ্তাং বিপ্রাং বলাদ্ ব্রজন্ |
ENM8.378c/ শতানি পঞ্চ দণ্ড্যঃ স্যাদিচ্ছন্ত্যা সহ সঙ্গতঃ || C. ||
ENM8.379a/ মৌণ্ড্যং প্রাণান্তিকং দণ্ডো ব্রাহ্মণস্য বিধীযতে | %[M.praaNaantako][M##’ ##H choM refersto the re.adingof “praaNaantika”.]

ENM8.379c/ ইতরেষাং তু বর্ণানাং দণ্ডঃ প্রাণান্তিকো ভবেত্ || C. || %[M.praaNaantako ]

ENM8.380a/ ন জাতু ব্রাহ্মণং হন্যাত্ সর্বপাপেষ্বপি স্থিতম্ |
ENM8.380c/ রাষ্ট্রাদেনং বহিঃ কুর্যাত্ সমগ্রধনমক্ষতম্ || C. ||
ENM8.381a/ ন ব্রাহ্মণবধাদ্ ভূযানধর্মো বিদ্যতে ভুবি |
ENM8.381c/ তস্মাদস্য বধং রাজা মনসাঽপি ন চিন্তযেত্ || C. ||
ENM8.382a/ বৈশ্যশ্চেত্ ক্ষত্রিযাং গুপ্তাং বৈশ্যাং বা ক্ষত্রিযো ব্রজেত্ |
ENM8.382c/ যো ব্রাহ্মণ্যামগুপ্তাযাং তাবুভৌ দণ্ডমর্হতঃ || C. ||
ENM8.383a/ সহস্রং ব্রাহ্মণো দণ্ডং দাপ্যো গুপ্তে তু তে ব্রজন্ |
ENM8.383c/ শূদ্রাযাং ক্ষত্রিযবিশোঃ সাহস্রো বৈ ভবেদ্ দমঃ || C. || %[M.shuudraayaa]

ENM8.384a/ ক্ষত্রিযাযামগুপ্তাযাং বৈশ্যে পঞ্চশতং দমঃ |
ENM8.384c/ মূত্রেণ মৌণ্ড্যমিচ্ছেত্ তু ক্ষত্রিযো দণ্ডমেব বা || C. || %[M.R^ichchhet.h tu]

ENM8.385a/ অগুপ্তে ক্ষত্রিযাবৈশ্যে শূদ্রাং বা ব্রাহ্মণো ব্রজন্ |
ENM8.385c/ শতানি পঞ্চ দণ্ড্যঃ স্যাত্ সহস্রং ত্বন্ত্যজস্ত্রিযম্ || C. ||
ENM8.386a/ যস্য স্তেনঃ পুরে নাস্তি নান্যস্ত্রীগো ন দুষ্টবাক্ |
ENM8.386c/ ন সাহসিকদণ্ডঘ্নো স রাজা শক্রলোকভাক্ || C. ||
ENM8.387a/ এতেষাং নিগ্রহো রাজ্ঞঃ পঞ্চানাং বিষযে স্বকে |
ENM8.387c/ সাংরাজ্যকৃত্ সজাত্যেষু লোকে চৈব যশস্করঃ ? ? || C. ||
ENM8.388a/ ঋত্বিজং যস্ত্যজেদ্ যাজ্যো যাজ্যং চর্ত্বিক্ ত্যজেদ্ যদি |
ENM8.388c/ শক্তং কর্মণ্যদুষ্টং চ তযোর্দণ্ডঃ শতং শতম্ || C. ||
ENM8.389a/ ন মাতা ন পিতা ন স্ত্রী ন পুত্রস্ত্যাগমর্হতি |
ENM8.389c/ ত্যজন্নপতিতানেতান্ রাজ্ঞা দণ্ড্যঃ শতানি ষট্ || C. ||
ENM8.390a/ আশ্রমেষু দ্বিজাতীনাং কার্যে বিবদতাং মিথঃ |
ENM8.390c/ ন বিব্রূযান্নৃপো ধর্মং চিকীর্ষন্ হিতমাত্মনঃ || C. ||
ENM8.391a/ যথার্হমেতানভ্যর্চ্য ব্রাহ্মণৈঃ সহ পার্থিবঃ |
ENM8.391c/ সান্ত্বেন প্রশময্যাদৌ স্বধর্মং প্রতিপাদযেত্ || C. ||
ENM8.392a/ প্রতিবেশ্যানুবেশ্যৌ চ কল্যাণে বিংশতিদ্বিজে |
ENM8.392c/ অর্হাবভোজযন্ বিপ্রো দণ্ডমর্হতি মাষকম্ || C. ||
ENM8.393a/ শ্রোত্রিযঃ শ্রোত্রিযং সাধুং ভূতিকৃত্যেষ্বভোজযন্ |
ENM8.393c/ তদন্নং দ্বিগুণং দাপ্যো হিরণ্যং চৈব মাষকম্ || C. || %[M.hairaNyaM ]

ENM8.394a/ অন্ধো জডঃ পীঠসর্পী সপ্তত্যা স্থবিরশ্চ যঃ |
ENM8.394c/ শ্রোত্রিযেষূপকুর্বংশ্চ ন দাপ্যাঃ কেন চিত্ করম্ || C. ||
ENM8.395a/ শ্রোত্রিযং ব্যাধিতার্তৌ চ বালবৃদ্ধাবকিঞ্চনম্ |
ENM8.395c/ মহাকুলীনমার্যং চ রাজা সংপূজযেত্ সদা || C. ||
ENM8.396a/ শাল্মলীফলকে শ্লক্ষ্ণে নেনিজ্যান্নেজকঃ শনৈঃ |
ENM8.396c/ ন চ বাসাংসি বাসোভির্নির্হরেন্ন চ বাসযেত্ || C. ||
ENM8.397a/ তন্তুবাযো দশপলং দদ্যাদেকপলাধিকম্ |
ENM8.397c/ অতোঽন্যথা বর্তমানো দাপ্যো দ্বাদশকং দমম্ || C. ||
ENM8.398a/ শুল্কস্থানেষু কুশলাঃ সর্বপণ্যবিচক্ষণাঃ |
ENM8.398c/ কুর্যুরর্ঘং যথাপণ্যং ততো বিংশং নৃপো হরেত্ || C. ||
ENM8.399a/ রাজ্ঞঃ প্রখ্যাতভাণ্ডানি প্রতিষিদ্ধানি যানি চ |
ENM8.399c/ তাণি নির্হরতো লোভাত্ সর্বহারং হরেন্নৃপঃ || C. ||
ENM8.400a/ শুল্কস্থানং পরিহরন্নকালে ক্রযবিক্রযী |
ENM8.400c/ মিথ্যাবাদী চ সঙ্খ্যানে দাপ্যোঽষ্টগুণমত্যযম্ || C. ||
ENM8.401a/ আগমং নির্গমং স্থানং তথা বৃদ্ধিক্ষযাবুভৌ |
ENM8.401c/ বিচার্য সর্বপণ্যানাং কারযেত্ ক্রযবিক্রযৌ || C. ||
ENM8.402a/ পঞ্চরাত্রে পঞ্চরাত্রে পক্ষে পক্ষেঽথ বা গতে |
ENM8.402c/ কুর্বীত চৈষাং প্রত্যক্ষমর্ঘসংস্থাপনং নৃপঃ || C. ||
ENM8.403a/ তুলামানং প্রতীমানং সর্বং চ স্যাত্ সুলক্ষিতম্ |
ENM8.403c/ ষট্সু ষট্সু চ মাসেষু পুনরেব পরীক্ষযেত্ || C. ||
ENM8.404a/ পণং যানং তরে দাপ্যং পৌরুষোঽর্ধপণং তরে |
ENM8.404c/ পাদং পশুশ্চ যোষিত্চ পাদার্ধং রিক্তকঃ পুমান্ || C. || %[M.paade]

ENM8.405a/ ভাণ্ডপূর্ণানি যানানি তার্যং দাপ্যানি সারতঃ |
ENM8.405c/ রিক্তভাণ্ডানি যত্ কিং চিত্ পুমাংসশ্চপরিচ্ছদাঃ || C. ||
ENM8.406a/ দীর্ঘাধ্বনি যথাদেশং যথাকালং তরো ভবেত্ |
ENM8.406c/ নদীতীরেষু তদ্ বিদ্যাত্ সমুদ্রে নাস্তি লক্ষণম্ || C. ||
ENM8.407a/ গর্ভিণী তু দ্বিমাসাদিস্তথা প্রব্রজিতো মুনিঃ |
ENM8.407c/ ব্রাহ্মণা লিঙ্গিনশ্চৈব ন দাপ্যাস্তারিকং তরে || C. ||
ENM8.408a/ যন্নাবি কিং চিদ্ দাশানাং বিশীর্যেতাপরাধতঃ |
ENM8.408c/ তদ্ দাশৈরেব দাতব্যং সমাগম্য স্বতোহংশতঃ || C. ||
ENM8.409a/ এষ নৌযাযিনামুক্তো ব্যবহারস্য নির্ণযঃ |
ENM8.409c/ দাশাপরাধতস্তোযে দৈবিকে নাস্তি নিগ্রহঃ || C. ||
ENM8.410a/ বাণিজ্যং কারযেদ্ বৈশ্যং কুসীদং কৃষিমেব চ |
ENM8.410c/ পশূনাং রক্ষণং চৈব দাস্যং শূদ্রং দ্বিজন্মনাম্ || C. ||
ENM8.411a/ ক্ষত্রিযং চৈব বৈশ্যং চ ব্রাহ্মণো বৃত্তিকর্শিতৌ |
ENM8.411c/ বিভৃযাদানৃশংস্যেন স্বানি কর্মাণি কারযেত্ || C. ||
ENM8.412a/ দাস্যং তু কারযন্লোভাদ্ ব্রাহ্মণঃ সংস্কৃতান্ দ্বিজান্ |
ENM8.412c/ অনিচ্ছতঃ প্রাভবত্যাদ্ রাজ্ঞা দণ্ড্যঃ শতানি ষট্ || C. ||
ENM8.413a/ শূদ্রং তু কারযেদ্ দাস্যং ক্রীতমক্রীতমেব বা |
ENM8.413c/ দাস্যাযৈব হি সৃষ্টোঽসৌ ব্রাহ্মণস্য স্বযংভুবা || C. ||
ENM8.414a/ ন স্বামিনা নিসৃষ্টোঽপি শূদ্রো দাস্যাদ্ বিমুচ্যতে |
ENM8.414c/ নিসর্গজং হি তত্ তস্য কস্তস্মাত্ তদপোহতি || C. ||
ENM8.415a/ ধ্বজাহৃতো ভক্তদাসো গৃহজঃ ক্রীতদত্ত্রিমৌ |
ENM8.415c/ পৈত্রিকো দণ্ডদাসশ্চ সপ্তৈতে দাসযোনযঃ || C. ||
ENM8.416a/ ভার্যা পুত্রশ্চ দাসশ্চ ত্রয এবাধনাঃ স্মৃতাঃ |
ENM8.416c/ যত্ তে সমধিগচ্ছন্তি যস্য তে তস্য তদ্ ধনম্ || C. ||
ENM8.417a/ বিস্রব্ধং ব্রাহ্মণঃ শূদ্রাদ্ দ্রব্যোপাদানমাচরেত্ |
ENM8.417c/ ন হি তস্যাস্তি কিং চিত্ স্বং ভর্তৃহার্যধনো হি সঃ || C. ||
ENM8.418a/ বৈশ্যশূদ্রৌ প্রযত্নেন স্বানি কর্মাণি কারযেত্ |
ENM8.418c/ তৌ হি চ্যুতৌ স্বকর্মভ্যঃ ক্ষোভযেতামিদং জগত্ || C. ||
ENM8.419a/ অহন্যহন্যবেক্ষেত কর্মান্তান্ বাহনানি চ |
ENM8.419c/ আযব্যযৌ চ নিযতাবাকরান্ কোশমেব চ || C. ||
ENM8.420a/ এবং সর্বানিমান্ রাজা ব্যবহারান্ সমাপযন্ |
ENM8.420c/ ব্যপোহ্য কিল্বিষং সর্বং প্রাপ্নোতি পরমাং গতিম্ || C. ||