মনুস্মৃতি – অধ্যায় ০৮

ENM8.101a/ এতান্ দোষানবেক্ষ্য ত্বং সর্বাননৃতভাষণে |
ENM8.101c/ যথাশ্রুতং যথাদৃষ্টং সর্বমেবাঞ্জসা বদ || C. ||
ENM8.102a/ গোরক্ষকান্ বাণিজিকাংস্তথা কারুকুশীলবান্ | %[M.vaaNijakaa.ns]
ENM8.102c/ প্রেষ্যান্ বার্ধুষিকাংশ্চৈব বিপ্রান্ শূদ্রবদাচরেত্ || C. ||
ENM8.103a/ তদ্ বদন্ ধর্মতোঽর্থেষু জানন্নপ্যন্য্থা নরঃ |
ENM8.103c/ ন স্বর্গাচ্চ্যবতে লোকাদ্ দৈবীং বাচং বদন্তি তাম্ || C. ||
ENM8.104a/ শূদ্রবিড্ ক্ষত্রবিপ্রাণাং যত্রঋতোক্তৌ ভবেদ্ বধঃ |
ENM8.104c/ তত্র বক্তব্যমনৃতং তদ্ হি সত্যাদ্ বিশিষ্যতে || C. ||
ENM8.105a/ বাগ্দৈবত্যৈশ্চ চরুভির্যজেরংস্তে সরস্বতীম্ |
ENM8.105c/ অনৃতস্যৈনসস্তস্য কুর্বাণা নিষ্কৃতিং পরাম্ || C. ||
ENM8.106a/ কূষ্মাণ্ডৈর্বাঽপি জুহুযাদ্ ঘৃতমগ্নৌ যথাবিধি | %[Taa10.35##; ## VSh20.14]

ENM8.106c/ উদিত্য্ ঋচা বা বারুণ্যা তৃচেনাব্দৈবতেন বা || C. || %[R^iSh1.24.15##; ## 10.9.13##; ## VSh12.2##; ##VSh12.50]

ENM8.107a/ ত্রিপক্ষাদব্রুবন্ সাক্ষ্যং ঋণাদিষু নরোঽগদঃ |
ENM8.107c/ তদৃণং প্রাপ্নুযাত্ সর্বং দশবন্ধং চ সর্বতঃ || C. ||
ENM8.108a/ যস্য দৃশ্যেত সপ্তাহাদুক্তবাক্যস্য সাক্ষিণঃ |
ENM8.108c/ রোগোঽগ্নির্জ্ঞাতিমরণং ঋণং দাপ্যো দমং চ সঃ || C. ||
ENM8.109a/ অসাক্ষিকেষু ত্বর্থেষু মিথো বিবদমানযোঃ |
ENM8.109c/ অবিন্দংস্তত্ত্বতঃ সত্যং শপথেনাপি লম্ভযেত্ || C. ||
ENM8.110a/ মহর্ষিভিশ্চ দেবৈশ্চ কার্যার্থং শপথাঃ কৃতাঃ |
ENM8.110c/ বসিষ্ঠশ্চাপি শপথং শেপে পৈজবনে নৃপে || C. ||
ENM8.111a/ ন বৃথা শপথং কুর্যাত্ স্বল্পেঽপ্যর্থে নরো বুধঃ |
ENM8.111c/ বৃথা হি শপথং কুর্বন্ প্রেত্য চৈহ চ নশ্যতি || C. ||
ENM8.112a/ কামিনীষু বিবাহেষু গবাং ভক্ষ্যে তথেন্ধনে |
ENM8.112c/ ব্রাহ্মণাভ্যুপপত্তৌ চ শপথে নাস্তি পাতকম্ || C. ||
ENM8.113a/ সত্যেন শাপযেদ্ বিপ্রং ক্ষত্রিযং বাহনাযুধৈঃ |
ENM8.113c/ গোবীজকাঞ্চনৈর্বৈশ্যং শূদ্রং সর্বৈস্তু পাতকৈঃ || C. ||
ENM8.114a/ অগ্নিং বাঽহারযেদেনমপ্সু চৈনং নিমজ্জযেত্ |
ENM8.114c/ পুত্রদারস্য বাপ্যেনং শিরাংসি স্পর্শযেত্ পৃথক্ || C. ||
ENM8.115a/ যমিদ্ধো ন দহত্যগ্নিরাপো নোন্মজ্জযন্তি চ |
ENM8.115c/ ন চার্তিং ঋচ্ছতি ক্ষিপ্রং স জ্ঞেযঃ শপথে শুচিঃ || C. ||
ENM8.116a/ বত্সস্য হ্যভিশস্তস্য পুরা ভ্রাত্রা যবীযসা |
ENM8.116c/ নাগ্নির্দদাহ রোমাপি সত্যেন জগতঃ স্পশঃ || C. ||
ENM8.117a/ যস্মিন্ যস্মিন্ বিবাদে তু কৌটসাক্ষ্যং কৃতং ভবেত্ |
ENM8.117c/ তত্ তত্ কার্যং নিবর্তেত কৃতং চাপ্যকৃতং ভবেত্ || C. ||
ENM8.118a/ লোভান্মোহাদ্ ভযাত্মৈত্রাত্ কামাত্ ক্রোধাত্ তথৈব চ |
ENM8.118c/ অজ্ঞানাদ্ বালভাবাত্চ সাক্ষ্যং বিতথমুচ্যতে || C. ||
ENM8.119a/ এষামন্যতমে স্থানে যঃ সাক্ষ্যমনৃতং বদেত্ |
ENM8.119c/ তস্য দণ্ডবিশেষাংস্তু প্রবক্ষ্যাম্যনুপূর্বশঃ || C. ||
ENM8.120a/ লোভাত্ সহস্রং দণ্ড্যস্তু মোহাত্ পূর্বং তু সাহসম্ |
ENM8.120c/ ভযাদ্ দ্বৌ মধ্যমৌ দণ্ডৌ মৈত্রাত্ পূর্বং চতুর্গুণম্ || C. ||
ENM8.121a/ কামাদ্ দশগুণং পূর্বং ক্রোধাত্ তু ত্রিগুণং পরম্ |
ENM8.121c/ অজ্ঞানাদ্ দ্বে শতে পূর্ণে বালিশ্যাত্শতমেব তু || C. ||
ENM8.122a/ এতানাহুঃ কৌটসাক্ষ্যে প্রোক্তান্ দণ্ডান্ মনীষিভিঃ |
ENM8.122c/ ধর্মস্যাব্যভিচারার্থমধর্মনিযমায চ || C. ||
ENM8.123a/ কৌটসাক্ষ্যং তু কুর্বাণাংস্ত্রীন্ বর্ণান্ ধার্মিকো নৃপঃ |
ENM8.123c/ প্রবাসযেদ্ দণ্ডযিত্বা ব্রাহ্মণং তু বিবাসযেত্ || C. ||
ENM8.124a/ দশ স্থানানি দণ্ডস্য মনুঃ স্বযংভুবোঽব্রবীত্ |
ENM8.124c/ ত্রিষু বর্ণেষু যানি স্যুরক্ষতো ব্রাহ্মণো ব্রজেত্ || C. ||
ENM8.125a/ উপস্থমুদরং জিহ্বা হস্তৌ পাদৌ চ পঞ্চমম্ |
ENM8.125c/ চক্ষুর্নাসা চ কর্ণৌ চ ধনং দেহস্তথৈব চ || C. ||
ENM8.126a/ অনুবন্ধং পরিজ্ঞায দেশকালৌ চ তত্ত্বতঃ |
ENM8.126c/ সারাপরাধো চালোক্য দণ্ডং দণ্ড্যেষু পাতযেত্ || C. ||
ENM8.127a/ অধর্মদণ্ডনং লোকে যশোঘ্নং কীর্তিনাশনম্ |
ENM8.127c/ অস্বর্গ্যং চ পরত্রাপি তস্মাত্ তত্ পরিবর্জযেত্ || C. ||
ENM8.128a/ অদণ্ড্যান্ দণ্ডযন্ রাজা দণ্ড্যাংশ্চৈবাপ্যদণ্ডযন্ |
ENM8.128c/ অযশো মহদাপ্নোতি নরকং চৈব গচ্ছতি || C. ||
ENM8.129a/ বাগ্দণ্ডং প্রথমং কুর্যাদ্ ধিগ্দণ্ডং তদনন্তরম্ |
ENM8.129c/ তৃতীযং ধনদণ্ডং তু বধদণ্ডমতঃ পরম্ || C. ||
ENM8.130a/ বধেনাপি যদা ত্বেতান্নিগ্রহীতুং ন শক্নুযাত্ |
ENM8.130c/ তদেষু সর্বমপ্যেতত্ প্রযুঞ্জীত চতুষ্টযম্ || C. ||
ENM8.131a/ লোকসংব্যবহারার্থং যাঃ সংজ্ঞাঃ প্রথিতা ভুবি |
ENM8.131c/ তাম্ররূপ্যসুবর্ণানাং তাঃ প্রবক্ষ্যাম্যশেষতঃ || C. ||
ENM8.132a/ জালান্তরগতে ভানৌ যত্ সূক্ষ্মং দৃশ্যতে রজঃ |
ENM8.132c/ প্রথমং তত্ প্রমাণানাং ত্রসরেণুং প্রচক্ষতে || C. ||
ENM8.133a/ ত্রসরেণবোঽষ্টৌ বিজ্ঞেযা লিক্ষৈকা পরিমাণতঃ |
ENM8.133c/ তা রাজসর্ষপস্তিস্রস্তে ত্রযো গৌরসর্ষপঃ || C. ||
ENM8.134a/ সর্ষপাঃ ষড্ যবো মধ্যস্ত্রিযবং ত্বেককৃষ্ণলম্ |
ENM8.134c/ পঞ্চকৃষ্ণলকো মাষস্তে সুবর্ণস্তু ষোডশ || C. ||
ENM8.135a/ পলং সুবর্ণাশ্চত্বারঃ পলানি ধরণং দশ |
ENM8.135c/ দ্বে কৃষ্ণলে সমধৃতে বিজ্ঞেযো রৌপ্যমাষকঃ || C. || %[M.ruupyamaaShakaH ]

ENM8.136a/ তে ষোডশ স্যাদ্ ধরণং পুরাণশ্চৈব রাজতঃ |
ENM8.136c/ কার্ষাপণস্তু বিজ্ঞেযস্তাম্রিকঃ কার্ষিকঃ পণঃ || C. ||
ENM8.137a/ ধরণানি দশ জ্ঞেযঃ শতমানস্তু রাজতঃ |
ENM8.137c/ চতুঃসৌবর্ণিকো নিষ্কো বিজ্ঞেযস্তু প্রমাণতঃ || C. ||
ENM8.138a/ পণানাং দ্বে শতে সার্ধে প্রথমঃ সাহসঃ স্মৃতঃ |
ENM8.138c/ মধ্যমঃ পঞ্চ বিজ্ঞেযঃ সহস্রং ত্বেব চোত্তমঃ || C. ||
ENM8.139a/ ঋণে দেযে প্রতিজ্ঞাতে পঞ্চকং শতমর্হতি |
ENM8.139c/ অপহ্নবে তদ্ দ্বিগুণং তন্ মনোরনুশাসনম্ || C. ||
ENM8.140a/ বসিষ্ঠবিহিতাং বৃদ্ধিং সৃজেদ্ বিত্তবিবর্ধিনীম্ |
ENM8.140c/ অশীতিভাগং গৃহ্ণীযান্ মাসাদ্ বার্ধুষিকঃ শতে || C. ||
ENM8.141a/ দ্বিকং শতং বা গৃহ্ণীযাত্ সতাং ধর্মমনুস্মরন্ |
ENM8.141c/ দ্বিকং শতং হি গৃহ্ণানো ন ভবত্যর্থকিল্বিষী || C. ||
ENM8.142a/ দ্বিকং ত্রিকং চতুষ্কং চ পঞ্চকং চ শতং সমম্ |
ENM8.142c/ মাসস্য বৃদ্ধিং গৃহ্ণীযাদ্ বর্ণানামনুপূর্বশঃ || C. ||
ENM8.143a/ ন ত্বেবাধৌ সোপকারে কৌসীদীং বৃদ্ধিমাপ্নুযাত্ |
ENM8.143c/ ন চাধেঃ কালসংরোধাত্নিসর্গোঽস্তি ন বিক্রযঃ || C. ||
ENM8.144a/ ন ভোক্তব্যো বলাদাধির্ভুঞ্জানো বৃদ্ধিমুত্সৃজেত্ |
ENM8.144c/ মূল্যেন তোষযেচ্চৈনমাধিস্তেনোঽন্যথা ভবেত্ || C. ||
ENM8.145a/ আধিশ্চোপনিধিশ্চোভৌ ন কালাত্যযমর্হতঃ |
ENM8.145c/ অবহার্যৌ ভবেতাং তৌ দীর্ঘকালমবস্থিতৌ || C. ||
ENM8.146a/ সংপ্রীত্যা ভুজ্যমানানি ন নশ্যন্তি কদা চন |
ENM8.146c/ ধেনুরুষ্ট্রো বহন্নশ্বো যশ্চ দম্যঃ প্রযুজ্যতে || C. ||
ENM8.147a/ যত্ কিং চিদ্ দশবর্ষাণি সংনিধৌ প্রেক্ষতে ধনী |
ENM8.147c/ ভুজ্যমানং পরৈস্তূষ্ণীং ন স তত্লব্ধুমর্হতি || C. ||
ENM8.148a/ অজডশ্চেদপোগণ্ডো বিষযে চাস্য ভুজ্যতে |
ENM8.148c/ ভগ্নং তদ্ ব্যবহারেণ ভোক্তা তদ্ দ্রব্যমর্হতি || C. || %[M.tad.h dhanamarhati##) ##]

ENM8.149a/ আধিঃ সীমা বালধনং নিক্ষেপোপনিধিঃ স্ত্রিযঃ | %[M.nikShepaupanidhii]

ENM8.149c/ রাজস্বং শ্রোত্রিযস্বং চ ন ভোগেন প্রণশ্যতি || C. ||
ENM8.150a/ যঃ স্বামিনাঽননুজ্ঞাতমাধিং ভূঙ্ক্তেঽবিচক্ষণঃ |
ENM8.150c/ তেনার্ধবৃদ্ধির্মোক্তব্যা তস্য ভোগস্য নিষ্কৃতিঃ || C. ||
ENM8.151a/ কুসীদবৃদ্ধির্দ্বৈগুণ্যং নাত্যেতি সকৃদাহৃতা | %[M.sakR^idaahitaa##) ##]

ENM8.151c/ ধান্যে সদে লবে বাহ্যে নাতিক্রামতি পঞ্চতাম্ || C. ||
ENM8.152a/ কৃতানুসারাদধিকা ব্যতিরিক্তা ন সিধ্যতি |
ENM8.152c/ কুসীদপথমাহুস্তং পঞ্চকং শতমর্হতি || C. ||
ENM8.153a/ নাতিসাংবত্সরীং বৃদ্ধিং ন চাদৃষ্টাং পুনর্হরেত্ | %[M.vinirharet##) ##]

ENM8.153c/ চক্রবৃদ্ধিঃ কালবৃদ্ধিঃ কারিতা কাযিকা চ যা || C. ||
ENM8.154a/ ঋণং দাতুমশক্তো যঃ কর্তুমিচ্ছেত্ পুনঃ ক্রিযাম্ |
ENM8.154c/ স দত্ত্বা নির্জিতাং বৃদ্ধিং করণং পরিবর্তযেত্ || C. ||
ENM8.155a/ অদর্শযিত্বা তত্রৈব হিরণ্যং পরিবর্তযেত্ |
ENM8.155c/ যাবতী সংভবেদ্ বৃদ্ধিস্তাবতীং দাতুমর্হতি || C. ||
ENM8.156a/ চক্রবৃদ্ধিং সমারূঢো দেশকালব্যবস্থিতঃ |
ENM8.156c/ অতিক্রামন্ দেশকালৌ ন তত্ফলমবাপ্নুযাত্ || C. ||
ENM8.157a/ সমুদ্রযানকুশলা দেশকালার্থদর্শিনঃ |
ENM8.157c/ স্থাপযন্তি তু যাং বৃদ্ধিং সা তত্রাধিগমং প্রতি || C. ||
ENM8.158a/ যো যস্য প্রতিভূস্তিষ্ঠেদ্ দর্শনাযৈহ মানবঃ |
ENM8.158c/ অদর্শযন্ স তং তস্য প্রযচ্ছেত্ স্বধনাদ্ ঋণম্ || C. || %[M.tasya yateta##) ##]

ENM8.159a/ প্রাতিভাব্যং বৃথাদানমাক্ষিকং সৌরিকাং চ যত্ |
ENM8.159c/ দণ্ডশুল্কাবশেষং চ ন পুত্রো দাতুমর্হতি || C. ||
ENM8.160a/ দর্শনপ্রাতিভাব্যে তু বিধিঃ স্যাত্ পূর্বচোদিতঃ |
ENM8.160c/ দানপ্রতিভুবি প্রেতে দাযাদানপি দাপযেত্ || C. ||
ENM8.161a/ অদাতরি পুনর্দাতা বিজ্ঞাতপ্রকৃতাবৃণম্ |
ENM8.161c/ পশ্চাত্ প্রতিভুবি প্রেতে পরীপ্সেত্ কেন হেতুনা || C. ||
ENM8.162a/ নিরাদিষ্টধনশ্চেত্ তু প্রতিভূঃ স্যাদলংধনঃ |
ENM8.162c/ স্বধনাদেব তদ্ দদ্যান্নিরাদিষ্ট ইতি স্থিতিঃ || C. ||
ENM8.163a/ মত্তোন্মত্তার্তাধ্যধীনৈর্বালেন স্থবিরেণ বা |
ENM8.163c/ অসংবদ্ধকৃতশ্চৈব ব্যবহারো ন সিধ্যতি || C. ||
ENM8.164a/ সত্যা ন ভাষা ভবতি যদ্যপি স্যাত্ প্রতিষ্ঠিতা |
ENM8.164c/ বহিশ্চেদ্ ভাষ্যতে ধর্মাত্নিযতাদ্ ব্যবহারিকাত্ || C. ||
ENM8.165a/ যোগাধমনবিক্রীতং যোগদানপ্রতিগ্রহম্ |
ENM8.165c/ যত্র বাঽপ্যুপধিং পশ্যেত্ তত্ সর্বং বিনিবর্তযেত্ || C. ||
ENM8.166a/ গ্রহীতা যদি নষ্টঃ স্যাত্ কুটুম্বার্থে কৃতো ব্যযঃ | %[M.kuTumbe cha ]

ENM8.166c/ দাতব্যং বান্ধবৈস্তত্ স্যাত্ প্রবিভক্তৈরপি স্বতঃ || C. ||
ENM8.167a/ কুটুম্বার্থেঽধ্যধীনোঽপি ব্যবহারং যমাচরেত্ |
ENM8.167c/ স্বদেশে বা বিদেশে বা তং জ্যাযান্ন বিচালযেত্ || C. ||
ENM8.168a/ বলাদ্ দত্তং বলাদ্ ভুক্তং বলাদ্ যচ্চাপি লেখিতম্ |
ENM8.168c/ সর্বান্ বলকৃতানর্থানকৃতান্ মনুরব্রবীত্ || C. ||
ENM8.169a/ ত্রযঃ পরার্থে ক্লিশ্যন্তি সাক্ষিণঃ প্রতিভূঃ কুলম্ |
ENM8.169c/ চত্বারস্তূপচীযন্তে বিপ্র আঢ্যো বণিঙ্নৃপঃ || C. ||
ENM8.170a/ অনাদেযং নাদদীত পরিক্ষীণোঽপি পার্থিবঃ |
ENM8.170c/ ন চাদেযং সমৃদ্ধোঽপি সূক্ষ্মমপ্যর্থমুত্সৃজেত্ || C. ||
ENM8.171a/ অনাদেযস্য চাদানাদাদেযস্য চ বর্জনাত্ |
ENM8.171c/ দৌর্বল্যং খ্যাপ্যতে রাজ্ঞঃ স প্রেত্যৈহ চ নশ্যতি || C. ||
ENM8.172a/ স্বাদানাদ্ বর্ণসংসর্গাত্ ত্ববলানাং চ রক্ষণাত্ |
ENM8.172c/ বলং সঞ্জাযতে রাজ্ঞঃ স প্রেত্যৈহ চ বর্ধতে || C. ||
ENM8.173a/ তস্মাদ্ যম ইব স্বামী স্বযং হিত্বা প্রিযাপ্রিযে |
ENM8.173c/ বর্তেত যাম্যযা বৃত্ত্যা জিতক্রোধো জিতেন্দ্রিযঃ || C. ||
ENM8.174a/ যস্ত্বধর্মেণ কার্যাণি মোহাত্ কুর্যান্নরাধিপঃ |
ENM8.174c/ অচিরাত্ তং দুরাত্মানং বশে কুর্বন্তি শত্রবঃ || C. ||
ENM8.175a/ কামক্রোধৌ তু সংযম্য যোঽর্থান্ ধর্মেণ পশ্যতি |
ENM8.175c/ প্রজাস্তমনুবর্তন্তে সমুদ্রমিব সিন্ধবঃ || C. ||
ENM8.176a/ যঃ সাধযন্তং ছন্দেন বেদযেদ্ ধনিকং নৃপে |
ENM8.176c/ স রাজ্ঞা তত্চতুর্ভাগং দাপ্যস্তস্য চ তদ্ ধনম্ || C. ||
ENM8.177a/ কর্মণাঽপি সমং কুর্যাদ্ ধনিকাযাধমর্ণিকঃ |
ENM8.177c/ সমোঽবকৃষ্টজাতিস্তু দদ্যাত্শ্রেযাংস্তু তত্শনৈঃ || C. ||
ENM8.178a/ অনেন বিধিনা রাজা মিথো বিবদতাং নৃণাম্ |
ENM8.178c/ সাক্ষিপ্রত্যযসিদ্ধানি কার্যাণি সমতাং নযেত্ || C. ||
ENM8.179a/ কুলজে বৃত্তসংপন্নে ধর্মজ্ঞে সত্যবাদিনি |
ENM8.179c/ মহাপক্ষে ধনিন্যার্যে নিক্ষেপং নিক্ষিপেদ্ বুধঃ || C. ||
ENM8.180a/ যো যথা নিক্ষিপেদ্দ্ হস্তে যমর্থং যস্য মানবঃ |
ENM8.180c/ স তথৈব গ্রহীতব্যো যথা দাযস্তথা গ্রহঃ || C. ||
ENM8.181a/ যো নিক্ষেপং যাচ্যমানো নিক্ষেপ্তুর্ন প্রযচ্ছতি |
ENM8.181c/ স যাচ্যঃ প্রাড্বিবাকেন তত্নিক্ষেপ্তুরসংনিধৌ || C. ||
ENM8.182a/ সাক্ষ্যভাবে প্রণিধিভির্বযোরূপসমন্বিতৈঃ |
ENM8.182c/ অপদেশৈশ্চ সংন্যস্য হিরণ্যং তস্য তত্ত্বতঃ || C. ||
ENM8.183a/ স যদি প্রতিপদ্যেত যথান্যস্তং যথাকৃতম্ |
ENM8.183c/ ন তত্র বিদ্যতে কিং চিদ্ যত্ পরৈরভিযুজ্যতে || C. ||
ENM8.184a/ তেষাং ন দদ্যাদ্ যদি তু তদ্ হিরণ্যং যথাবিধি |
ENM8.184c/ উভৌ নিগৃহ্য দাপ্যঃ স্যাদিতি ধর্মস্য ধারণা || C. || %[M.sa nigR^ihyaubhayaM daapya iti dharmasya dhaaraNaa]

ENM8.185a/ নিক্ষেপোপনিধী নিত্যং ন দেযৌ প্রত্যনন্তরে |
ENM8.185c/ নশ্যতো বিনিপাতে তাবনিপাতে ত্বনাশিনৌ || C. ||
ENM8.186a/ স্বযমেব তু যৌ দদ্যান্ মৃতস্য প্রত্যনন্তরে |
ENM8.186c/ ন স রাজ্ঞাঽভিযোক্তব্যো ন নিক্ষেপ্তুশ্চ বন্ধুভিঃ || C. ||
ENM8.187a/ অচ্ছলেনৈব চান্বিচ্ছেত্ তমর্থং প্রীতিপূর্বকম্ |
ENM8.187c/ বিচার্য তস্য বা বৃত্তং সাম্নৈব পরিসাধযেত্ || C. ||
ENM8.188a/ নিক্ষেপেষ্বেষু সর্বেষু বিধিঃ স্যাত্ পরিসাধনে |
ENM8.188c/ সমুদ্রে নাপ্নুযাত্ কিং চিদ্ যদি তস্মান্ন সংহরেত্ || C. ||
ENM8.189a/ চৌরৈর্হৃতং জলেনোঢমগ্নিনা দগ্ধমেব বা |
ENM8.189c/ ন দদ্যাদ্ যদি তস্মাত্ স ন সংহরতি কিং চন || C. ||
ENM8.190a/ নিক্ষেপস্যাপহর্তারমনিক্ষেপ্তারমেব চ |
ENM8.190c/ সর্বৈরুপাযৈরন্বিচ্ছেত্শপথৈশ্চৈব বৈদিকৈঃ || C. ||
ENM8.191a/ যো নিক্ষেপং নার্পযতি যশ্চানিক্ষিপ্য যাচতে |
ENM8.191c/ তাবুভৌ চৌরবত্শাস্যৌ দাপ্যৌ বা তত্সমং দমম্ || C. ||
ENM8.192a/ নিক্ষেপস্যাপহর্তারং তত্সমং দাপযেদ্ দমম্ |
ENM8.192c/ তথোপনিধিহর্তারমবিশেষেণ পার্থিবঃ || C. ||
ENM8.193a/ উপধাভিশ্চ যঃ কশ্চিত্ পরদ্রব্যং হরেন্নরঃ |
ENM8.193c/ সসহাযঃ স হন্তব্যঃ প্রকাশং বিবিধৈর্বধৈঃ || C. ||
ENM8.194a/ নিক্ষেপো যঃ কৃতো যেন যাবাংশ্চ কুলসংনিধৌ |
ENM8.194c/ তাবানেব স বিজ্ঞেযো বিব্রুবন্ দণ্ডমর্হতি || C. ||
ENM8.195a/ মিথো দাযঃ কৃতো যেন গৃহীতো মিথ এব বা |
ENM8.195c/ মিথ এব প্রদাতব্যো যথা দাযস্তথা গ্রহঃ || C. ||
ENM8.196a/ নিক্ষিপ্তস্য ধনস্যৈবং প্রীত্যোপনিহিতস্য চ |
ENM8.196c/ রাজা বিনির্ণযং কুর্যাদক্ষিণ্বন্ন্যাসধারিণম্ ? ? || C. ||
ENM8.197a/ বিক্রীণীতে পরস্য স্বং যোঽস্বামী স্বাম্যসংমতঃ |
ENM8.197c/ ন তং নযেত সাক্ষ্যং তু স্তেনমস্তেনমানিনম্ || C. ||
ENM8.198a/ অবহার্যো ভবেত্চৈব সান্বযঃ ষট্শতং দমম্ |
ENM8.198c/ নিরন্বযোঽনপসরঃ প্রাপ্তঃ স্যাচ্চৌরকিল্বিষম্ || C. ||
ENM8.199a/ অস্বামিনা কৃতো যস্তু দাযো বিক্রয এব বা |
ENM8.199c/ অকৃতঃ স তু বিজ্ঞেযো ব্যবহারে যথা স্থিতিঃ || C. ||
ENM8.200a/ সংভোগো দৃশ্যতে যত্র ন দৃশ্যেতাগমঃ ক্ব চিত্ |
ENM8.200c/ আগমঃ কারণং তত্র ন সংভোগ ইতি স্থিতিঃ || C. ||