অর্থশাস্ত্র ১৩

কৌটিলীয অর্থশাস্ত্রং – ১৩

Book |
Chapt | উপজাপঃ
13.1.01 বিজিগীষুঃ পরগ্রামং অবাপ্তুকামঃ সর্বজ্ঞদৈবতসম্যোগখ্যাপনাভ্যাং স্বপক্ষং উদ্ধর্ষযেত্, পরপক্ষং চ উদ্বেজযেত্
13.1.02 সর্বজ্ঞখ্যাপনং তু – গৃহগুহ্যপ্রবৃত্তিজ্ঞানেন প্রত্যাদেশো মুখ্যানাং, কণ্টকশোধনাপসর্পাবগমেন প্রকাশনং রাজদ্বিষ্টকারিণাং, বিজ্ঞাপ্য উপাযনখ্যাপনং অদৃষ্টসংসর্গবিদ্যাসংজ্ঞাঽঽদিভিঃ, বিদেশপ্রবৃত্তিজ্ঞানং তদ্ অহরেব গৃহকপোতেন মুদ্রাসম্যুক্তেন
13.1.03 দৈবতসম্যোগখ্যাপনং তু – সুরুঙ্গামুখেনাগ্নিচৈত্যদৈবতপ্রতিমাচ্ছিদ্রান্ অনুপ্রবিষ্টৈরগ্নিচৈত্যদৈবতব্যঞ্জনৈঃ সম্ভাষণং পূজনং চ, উদকাদ্ উত্থিতৈর্বা নাগবরুণব্যঞ্জনৈঃ সম্ভাষণং পূজনং চ, রাত্রাবন্তর্.উদকে সমুদ্রবালুকাকোশং প্রণিধাযাগ্নিমালাদর্শনং, শিলাশিক্যাবগৃহীতে প্লবকে স্থানং, উদকবস্তিনা জরাযুণা বা শিরোঽবগূঢনাসঃ পৃষতান্ত্রকুলীরনক্রশিংশুমার উদ্রবসাভির্বা শতপাক্যং তৈলং নস্তঃ প্রযোগঃ
13.1.04 তেন রাত্রিগণশ্চরতি
13.1.05 ইত্যুদকচরণানি
13.1.06 তৈর্বরুণনাগকন্যাবাক্যক্রিযা সম্ভাষণং চ, কোপস্থানেষু মুখাদ্ অগ্নিধূম উত্সর্গঃ
13.1.07 তদ্ অস্য স্ববিষযে কার্তান্তিকনৈমিত্তিকমৌহূর্তিকপৌরাণিক ইক্ষণিকগূঢপুরুষাঃ সাচিব্যকরাঃ তদ্দর্শিনশ্চ প্রকাশযেযুঃ
13.1.08 পরস্য বিষযে দৈবতদর্শনং দিব্যকোশদণ্ড উত্পত্তিং চাস্য ব্রূযুঃ
13.1.09 দৈবতপ্রশ্ননিমিত্তবাযসাঙ্গবিদ্যাস্বপ্নমৃগপক্ষিব্যাহারেষু চাস্য বিজযং ব্রূযুঃ, বিপরীতং অমিত্রস্য
13.1.10 সদুন্দুভিং উল্কাং চ পরস্য নক্ষত্রে দর্শযেযুঃ
13.1.11 পরস্য মুখ্যান্ মিত্রত্বেন উপদিশন্তো দূতব্যঞ্জনাঃ স্বামিসত্কারং ব্রূযুঃ, স্বপক্ষবলাধানং পরপক্ষপ্রতিঘাতং চ
13.1.12 তুল্যযোগক্ষেমং অমাত্যানাং আযুধীযানাং চ কথযেযুঃ
13.1.13 তেষু ব্যসনাভ্যুদযাবেক্ষণং অপত্যপূজনং চ প্রযুঞ্জীত
13.1.14 তেন পরপক্ষং উত্সাহযেদ্ যথা উক্তং পুরস্তাত্
13.1.15 ভূযশ্চ বক্ষ্যামঃ
13.1.16 সাধারণগর্দভেন দক্ষান্, লকুটশাখাহননাভ্যাং দণ্ডচারিণঃ, কুল এডকেন চ উদ্বিগ্নান্, অশনিবর্ষেণ বিমানিতান্, বিদুলেনাবকেশিনা বাযসপিণ্ডেন কৈতবজমেঘেন ইতি বিহতাশান্ দুর্ভগালঙ্কারেণ দ্বেষিণা ইতি পূজাফলান্, ব্যাঘ্রচর্মণা মৃত্যুকূটেন চ উপহিতান্, পীলুবিখাদনেন করকযোষ্ট্রযা গর্দভীক্ষীরাঽভিমন্থনেন ইতি ধ্রুব উপকারিণ ইতি
13.1.17 প্রতিপন্নান্ অর্থমানাভ্যাং যোজযেত্
13.1.18 দ্রব্যভক্তচ্ছিদ্রেষু চ এনান্ দ্রব্যভক্তদানৈরনুগৃহ্ণীযাত্
13.1.19 অপ্রতিগৃহ্ণতাং স্ত্রীকুমারালঙ্কারান্ অভিহরেযুঃ
13.1.20 দুর্ভিক্ষস্তেনাটব্য্.উপঘাতেষু চ পৌরজানপদান্ উত্সাহযন্তঃ সত্ত্রিণো ব্রূযুঃ রাজানং অনুগ্রহং যাচামহে নিরনুগ্রহাঃ পরত্র গচ্ছামঃ ইতি
13.1.21ab তথা ইতি প্রতিপন্নেষু দ্রব্যধান্যান্যপরিগ্রহৈঃ |
13.1.21chd সাচিব্যং কার্যং ইত্যেতদ্ উপজাপাদ্ ভূতং মহত্ ( ইতি)

Chapt | যোগবামনম্
13.2.01 মুণ্ডো জটিলো বা পর্বতগুহাবাসী চতুর্বর্ষশতাযুর্ব্রুবাণঃ প্রভূতজটিলান্তেবাসী নগরাভ্যাশে তিষ্ঠেত্
13.2.02 শিষ্যাশ্চাস্য মূলফল উপগমনৈরমাত্যান্ রাজানং চ ভগবদ্দর্শনায যোজযেযুঃ
13.2.03 সমাগতাশ্চ রাজ্ঞা পূর্বরাজদেশাভিজ্ঞানানি কথযেত্, শতে শতে চ বর্ষাণাং পূর্ণেঽহং অগ্নিং প্রবিশ্য পুনর্বালো ভবামি, তদ্ ইহ ভবত্ সমীপে চতুর্থং অগ্নিং প্রবেক্ষ্যামি, অবশ্যং মে ভবান্ মানযিতব্যঃ, ত্রীন্ বরান্ বৃণীষ্ণ( বৃষীষ্ব) ইতি
13.2.04 প্রতিপন্নং ব্রূযাত্ সপ্তরাত্রং ইহ সপুত্রদারেণ প্রেক্ষাপ্রহবণপূর্বং বস্তব্যম্ ইতি
13.2.05 বসন্তং অবস্কন্দেত
13.2.06 মুণ্ডো বা জটিলো বা স্থানিকব্যঞ্জনঃ প্রভূতজটিলান্তেবাসী বস্তশোণিতদিগ্ধাং বেণুশলাকাং সুবর্ণচূর্ণেনাবলিপ্য বল্মীকে নিদধ্যাদ্ উপজিহ্বিকানুসরণার্থং, স্বর্ণনালিকাং বা
13.2.07 ততঃ সত্ত্রী রাজ্ঞঃ কথযেত্ অসৌ সিদ্ধঃ পুষ্পিতং নিধিং জানাতি ইতি
13.2.08 স রাজ্ঞা পৃষ্ঠঃ তথা ইতি ব্রূযাত্, তচ্চাভিজ্ঞানং দর্শযেত্, ভূযো বা হিরণ্যং অন্তর্ঽঅধায
13.2.09 ব্রূযাচ্চ এনং নাগরক্ষিতোঽযং নিধিঃ প্রণিপাতসাধ্যঃ ইতি
13.2.10 প্রতিপন্নং ব্রূযাত্ সপ্তরাত্রম্ ইতি সমানম্
13.2.11 স্থানিকব্যঞ্জনং বা রাত্রৌ তেজনাগ্নিযুক্তং একান্তে তিষ্ঠন্তং সত্ত্রিণঃ ক্রমাভীনীতং রাজ্ঞঃ কথযেযুঃ অসৌ সিদ্ধঃ সামেধিকঃ ইতি
13.2.12 তং রাজা যং অর্থং যাচেত তং অস্য করিষ্যমাণঃ সপ্তরাত্রম্ ইতি সমানম্
13.2.13 সিদ্ধব্যঞ্জনো বা রাজানং জম্ভকবিদ্যাভিঃ প্রলোভযেত্
13.2.14 তং রাজা ইতি সমানম্
13.2.15 সিদ্ধব্যঞ্জনো বা দেশদেবতাং অভ্যর্হিতাং আশ্রিত্য প্রহবণৈরভীক্ষ্ণং প্রকৃতিমুখ্যান্ অভিসংবাস্য ক্রমেণ রাজানং অতিসন্দধ্যাত্
13.2.16 জটিলব্যঞ্জনং অন্তর্.উদকবাসিনং বা সর্বশ্বেতং তটসুরুঙ্গাভূমিগৃহাপসরণং বরুণং নাগরাজং বা সত্ত্রিণঃ ক্রমাভিনীতং রাজ্ঞঃ কথযেযুঃ
13.2.17 তং রাজা ইতি সমানম্
13.2.18 জনপদান্তেবাসী সিদ্ধব্যঞ্জনো বা রাজানং শত্রুদর্শনায যোজযেত্
13.2.19 প্রতিপন্নং বিম্বং কৃত্বা শত্রুং আবাহযিত্বা নিরুদ্ধে দেশে ঘাতযেত্
13.2.20 অশ্বপণ্য উপযাতা বৈদেহকব্যঞ্জনাঃ পণ্য উপাযননিমিত্তং আহূয রাজানং পণ্যপরীক্ষাযাং আসক্তং অশ্বব্যতিকীর্ণং বা হন্যুঃ, অশ্বৈশ্চ প্রহরেযুঃ
13.2.21 নগরাভ্যাশে বা চৈত্যং আরুহ্য রাত্রৌ তীক্ষ্ণাঃ কুম্ভেষু নালীন্ বা বিদুলানি ধমন্তঃ স্বামিনো মুখ্যানাং বা মাংসানি ভক্ষযিষ্যামঃ, পূজা নো বর্ততাম্ ইত্যব্যক্তং ব্রূযুঃ
13.2.22 তদ্ এষাং নৈমিত্তিকমৌহূর্তিকব্যঞ্জনাঃ খ্যাপযেযুঃ
13.2.23 মঙ্গল্যে বা হ্রদে তটাকমধ্যে বা রাত্রৌ তেজনতৈলাভ্যক্তা নাগরূপিণঃ শক্তিমুসলান্যযোমযানি নিষ্পেষযন্তঃ তথৈব ব্রূযুঃ
13.2.24 ঋক্ষচর্মকঞ্চুকিনো বাঽগ্নিধূম উত্সর্গযুক্তা রক্ষোরূপং বহন্তঃ ত্রিরপসব্যং নগরং কুর্বাণাঃ শ্বসৃগালবাশিতান্তরেষু তথৈব ব্রূযুঃ
13.2.25 চৈত্যদৈবতপ্রতিমাং বা তেজনতৈলেনাভ্রপটলচ্ছন্নেনাগ্নিনা বা রাত্রৌ প্রজ্বাল্য তথৈব ব্রূযুঃ
13.2.26 তদ্ অন্যে খ্যাপযেযুঃ
13.2.27 দৈবতপ্রতিমানাং অভ্যর্হিতানাং বা শোণিতেন প্রস্রাবং অতিমাত্রং কুর্যুঃ
13.2.28 তদ্ অন্যে দেবরুধিরসংস্রাবে সঙ্গ্রামে পরাজযং ব্রূযুঃ
13.2.29 সন্ধিরাত্রিষু শ্মশানপ্রমুখে বা চৈত্যং ঊর্ধ্বভক্ষিতৈর্মনুষ্যৈঃ প্ররূপযেযুঃ
13.2.30 ততো রক্ষোরূপী মনুষ্যকং যাচেত
13.2.31 যশ্চাত্র শূরবাদিকোঽন্যতমো বা দ্রষ্টুং আগচ্ছেত্ তং অন্যে লোহমুসলৈর্হন্যুঃ, যথা রক্ষোভির্হত ইতি জ্ঞাযেত
13.2.32 তদ্ অদ্ভুতং রাজ্ঞঃ তদ্দর্শিনঃ সত্ত্রিণশ্চ কথযেযুঃ
13.2.33 ততো নৈমিতিত্কমৌহূর্তিকব্যঞ্জনাঃ শান্তিং প্রাযশ্চিত্তং ব্রূযুঃ অন্যথা মহদ্ অকুশলং রাজ্ঞো দেশস্য চ ইতি
13.2.34 প্রতিপন্নং এতেষু সপ্তরাত্রং এক একমন্ত্রবলিহোমং স্বযং রাজ্ঞা কর্তব্যম্ ইতি ব্রূযুঃ
13.2.35 ততঃ সমানম্
13.2.36 এতান্ বা যোগান্ আত্মনি দর্শযিত্বা প্রতিকুর্বীত পরেষাং উপদেশার্থম্
13.2.37 ততঃ প্রযোজযেদ্ যোগান্
13.2.38 যোগদর্শনপ্রতীকারেণ বা কোশাভিসংহরণং কুর্যাত্
13.2.39 হস্তিকামং বা নাগবনপালা হস্তিনা লক্ষণ্যেন প্রলোভযেযুঃ
13.2.40 প্রতিপন্নং গহনং একাযনং বাঽতিনীয ঘাতযেযুঃ, বদ্ধ্বা বাঽপহরেযুঃ
13.2.41 তেন মৃগযাকামো ব্যাখ্যাতঃ
13.2.42 দ্রব্যস্ত্রীলোলুপং আঢ্যবিধবাভির্বা পরমরূপযৌবনাভিঃ স্ত্রীভির্দাযনিক্ষেপার্থং উপনীতাভিঃ সত্ত্রিণঃ প্রলোভযেযুঃ
13.2.43 প্রতিপন্নং রাত্রৌ সত্ত্রচ্ছন্নাঃ সমাগমে শস্ত্ররসাভ্যাং ঘাতযেযুঃ
13.2.44 সিদ্ধপ্রব্রজিতচৈত্যস্তূপদৈবতপ্রতিমানাং অভীক্ষ্ণাভিগমনেষু বা ভূমিগৃহসুরুঙ্গারূঢভিত্তিপ্রবিষ্টাঃ তীক্ষ্ণাঃ পরং অভিহন্যুঃ
13.2.45ab যেষু দেশেষু যাঃ প্রেক্ষাঃ প্রেক্ষতে পার্থিবঃ স্বযম্ |
13.2.45chd যাত্রাবিহারে রমতে যত্র ক্রীডতি বাঽম্ভসি
13.2.46ab ধিগ্.উক্ত্য্ঽঅদিষু সর্বেষু যজ্ঞপ্রহবণেষু বা |
13.2.46chd সূতিকাপ্রেতরোগেষু প্রীতিশোকভযেষু বা |
13.2.47ab প্রমাদং যাতি যস্মিন্ বা বিশ্বাসাত্ স্বজন উত্সবে
13.2.47chd যত্রাস্যারক্ষিসঞ্চারো দুর্দিনে সঙ্কুলেষু বা |
13.2.48ab বিপ্রস্থানে প্রদীপ্তে বা প্রবিষ্টে নির্জনেঽপি বা |
13.2.48chd বস্ত্রাভরণমাল্যানাং ফেলাভিঃ শযনাসনৈঃ
13.2.49ab মদ্যভোজনফেলাভিঃ তূর্যৈর্বাঽভিগতাঃ সহ |
13.2.49chd প্রহরেযুররিং তীক্ষ্ণাঃ পূর্বপ্রণিহিতৈঃ সহ ( ইতি)
13.2.50ab যথৈব প্রবিশেযুশ্চ দ্বিষতঃ সত্ত্রহেতুভিঃ |
13.2.50chd তথৈব চাপগচ্ছেযুরিত্যুক্তং যোগবামনম্

Chapt | অপসর্পপ্রণিধিঃ
13.3.01 শ্রেণীমুখ্যং আপ্তং নিষ্পাতযেত্
13.3.02 স পরং আশ্র্ত্য পক্ষাপদেশেন স্ববিষযাত্ সাচিব্যকরসহায উপাদানং কুর্বীত
13.3.03 কৃতাপসর্প উপচযো বা পরং অনুমান্য স্বামিনো দূষ্যগ্রামং বীতহস্ত্য্ঽশ্বং দূষ্যামাত্যং দণ্ডং আক্রন্দং বা হত্বা পরস্য প্রেষযেত্
13.3.04 জনপদ একদেশং শ্রেণীং অটবীং বা সহায উপাদানার্থং সংশ্রযেত
13.3.05 বিশ্বাসং উপগতঃ স্বামিনঃ প্রেষযেত্
13.3.06 ততঃ স্বামী হস্তিবন্ধনং অটবীঘাতং বাঽপদিশ্য গূঢং এব প্রহরেত্
13.3.07 এতেনামাত্যাটবিকা ব্যাখ্যাতাঃ
13.3.08 শত্রুণা মৈত্রীং কৃত্বাঽমাত্যান্ অবক্ষিপেত্
13.3.09 তে তত্শত্রোঃ প্রেষযেযুঃ ভর্তারং নঃ প্রসাদয ইতি
13.3.10 স যং দূতং প্রেষযেত্, তং উপালভেত ভর্তা তে মাং অমাত্যৈর্ভেদযতি, ন চ পুনরিহাগন্তব্যম্ ইতি
13.3.11 অথ একং অমাত্যং নিষ্পাতযেত্
13.3.12 স পরং আশ্রিত্য যোগাপসর্পাপরক্তদূষ্যান্ অশক্তিমতঃ স্তেনাটবিকান্ উভয উপঘাতকান্ বা পরস্য উপহরেত্
13.3.13 আপ্তভাব উপগতঃ প্রবীরপুরুষ উপঘাতং অস্য উপহরেদ্ অন্তপালং আটবিকং দণ্ডচারিণং বা দৃঢং অসৌ চাসৌ চ তে শত্রুণা সন্ধত্তে ইতি
13.3.14 অথ পশ্চাদ্ অভিত্যক্তশাসনৈরেনান্ ঘাতযেত্
13.3.15 দণ্ডবলব্যবহারেণ বা শত্রুং উদ্যোজ্য ঘাতযেত্
13.3.16 কৃত্যপক্ষ উপগ্রহেণ বা পরস্যামিত্রং রাজানং আত্মন্যপকারযিত্বাঽভিযুঞ্জীত
13.3.17 ততঃ পরস্য প্রেষযেত্ অসৌ তে বৈরী মমাপকরোতি, তং এহি সম্ভূয হনিষ্যাবঃ, ভূমৌ হিরণ্যে বা তে পরিগ্রহঃ ইতি
13.3.18 প্রতিপন্নং অভিসত্কৃত্যাগতং অবস্কন্দেন প্রকাশযুদ্ধেন বা শত্রুণা ঘাতযেত্
13.3.19 অভিবিশ্বাসনার্থং ভূমিদানপুত্রাভিষেকরক্ষাঽপদেশেন বা গ্রাহযেত্
13.3.20 অবিষহ্যং উপাংশুদণ্ডেন বা ঘাতযেত্
13.3.21 স চেদ্ দণ্ডং দদ্যান্ন স্বযং আগচ্ছেত্ তং অস্য বৈরিণা ঘাতযেত্
13.3.22 দণ্ডেন বা প্রযাতুং ইচ্ছেন্ন বিজিগীষুণা তথাঽপ্যেনং উভযতঃসম্পীডনেন ঘাতযেত্
13.3.23 অবিশ্বস্তো বা প্রত্যেকশো যাতুং ইচ্ছেদ্ রাজ্য একদেশং বা যাতব্যস্যাদাতুকামঃ, তথাঽপ্যেনং বৈরিণা সর্বসন্দোহেন বা ঘাতযেত্
13.3.24 বৈরিণা বা সক্তস্য দণ্ড উপনযেন মূলং অন্যতো হারযেত্
13.3.25 শত্রুভূম্যা বা মিত্রং পণেত, মিত্রভূম্যা বা শত্রুম্
13.3.26 ততঃ শত্রুভূমিলিপ্সাযাং মিত্রেণাত্মন্যপকারযিত্বাঽভিযুঞ্জীত – ইতি সমানাঃ পূর্বেণ সর্ব এব যোগাঃ
13.3.27 শত্রুং বা মিত্রভূমিলিপ্সাযাং প্রতিপন্নং দণ্ডেনানুগৃহ্ণীযাত্
13.3.28 ততো মিত্রগতং অতিসন্দধ্যাত্
13.3.29 কৃতপ্রতিবিধানো বা ব্যসনং আত্মনো দর্শযিত্বা মিত্রেণামিত্রং উত্সাহযিত্বাঽঽত্মানং অভিযোজযেত্
13.3.30 ততঃ সম্পীডনেন ঘাতযেত্, জীবগ্রাহেণ বা রাজ্যবিনিমযং কারযেত্
13.3.31 মিত্রেণাশ্রিতশ্চেত্শত্রুরগ্রাহ্যে স্থাতুং ইচ্ছেত্ সামন্তাদিভির্মূলং অস্য হারযেত্
13.3.32 দণ্ডেন বা ত্রাতুং ইছেত্ তং অস্য ঘাতযেত্
13.3.33 তৌ চেন্ন ভিদ্যেযাতাং প্রকাশং এবান্যোন্যভূম্যা পণেত
13.3.34 ততঃ পরস্পরং মিত্রব্যঞ্জনা বা উভযবেতনা বা দূতান্ প্রেষযেযুঃ অযং তে রাজা ভূমিং লিপ্সতে শত্রুসংহিতঃ ইতি
13.3.35 তযোরন্যতরো জাতাশঙ্কারোষঃ, পূর্ববচ্চেষ্তেত
13.3.36 দুর্গরাষ্ট্রদণ্ডমুখ্যান্ বা কৃত্যপক্ষহেতুভিরভিবিখ্যাপ্য প্রব্রাজযেত্
13.3.37 তে যুদ্ধাবস্কন্দাবরোধব্যসনেষু শত্রুং অতিসন্দধ্যুঃ
13.3.38 ভেদং বাঽস্য স্ববর্গেভ্যঃ কুর্যুঃ
13.3.39 অভিত্যক্তশাসনৈঃ প্রতিসমানযেযুঃ
13.3.40 লুব্ধকব্যঞ্জনা বা মাংসবিক্রযেণ দ্বাহ্স্থা দৌবারিকাপাশ্রযাশ্চোরাভ্যাগমং পরস্য দ্বিঃ ত্রিরিতি নিবেদ্য লব্ধপ্রত্যযা ভর্তুরনীকং দ্বিধা নিবেশ্য গ্রামবধেঽবস্কন্দে চ দ্বিষতো ব্রূযুঃ আসন্নশ্চোরগণঃ, মহাংশ্চাক্রন্দঃ, প্রভূতং সৈন্যং আগচ্ছতু ইতি
13.3.41 তদ্ অর্পযিত্বা গ্রামঘাতদণ্ডস্য সৈন্যং ইতরদ্ আদায রাত্রৌ দুর্গদ্বারেষু ব্রূযুঃ হতশ্চোরগণঃ, সিদ্ধযাত্রং ইদং সৈন্যং আগতং, দ্বারং অপাব্রিযতাম্ ইতি
13.3.42 পূর্বপ্রণিহিতা বা দ্বারাণি দদ্যুঃ
13.3.43 তৈঃ সহ প্রহরেযুঃ
13.3.44 কারুশিল্পিপাষণ্ডকুশীলববৈদেহকব্যঞ্জনান্ আযুধীযান্ ব্বা পরদুর্গে প্রণিদধ্যাত্
13.3.45 তেষাং গৃহপতিকব্যঞ্জনাঃ কাষ্ঠতৃণধান্যপণ্যশকটৈঃ প্রহরণাবরণান্যভিহরেযুঃ, দেবধ্বজপ্রতিমাভির্বা
13.3.46 ততঃ তদ্ব্যঞ্জনাঃ প্রমত্তবধং অবস্কন্দপ্রতিগ্রহং অভিপ্রহরণং পৃষ্ঠতঃ শঙ্খদুন্দুভিশব্দেন বা প্রবিষ্টম্ ইত্যাবেদযেযুঃ
13.3.47 প্রাকারদ্বারাট্টালকদানং অনীকভেদং ঘাতং বা কুর্যুঃ
13.3.48 সার্থগণবাসিভিরাতিবাহিকৈঃ কন্যাবাহিকৈরশ্বপণ্যব্যবহারিভিরুপকরণহারকৈর্ধান্যক্রেতৃবিক্রেতৃভির্বা প্রব্রজিতলিঙ্গিভির্দূতৈশ্চ দণড্ঽতিনযনং, সন্ধিকর্মবিশ্বাসনার্থম্
13.3.49 ইতি রাজাপসর্পাঃ
13.3.50 এত এবাটবীনাং অপসর্পাঃ কণ্টকশোধন উক্তাশ্চ
13.3.51 ব্রজং অটব্য্ঽঅসন্নং অপসর্পাঃ সার্থং বা চোরৈর্ঘাতযেযুঃ
13.3.52 কৃতসঙ্কেতং অন্নপানং চাত্র মদনরসবিদ্ধং বা কৃত্বাঽপগচ্ছেযুঃ
13.3.53 গোপালকবৈদেহকাশ্চ ততশ্চোরান্ গৃহীতলোপ্ত্রভারান্ মদনরসবিকারকালেঽবস্কন্দযেযুঃ
13.3.54 সঙ্কর্ষণদৈবতীযো বা মুণ্ডজটিলব্যঞ্জনঃ প্রহবণকর্মণা মদনরসযোগেনাতিসন্দধ্যাত্
13.3.55 অথাবস্কন্দং দদ্যাত্
13.3.56 শৌণ্ডিকব্যঞ্জনো বা দৈবতপ্রেতকার্য উত্সবসমাজেষ্বাটবিকান্ সুরাবিক্রয উপাযননিমিত্তং মদনরসযোগেনাতিসন্দধ্যাত্
13.3.57 অথাবস্কন্দং দদ্যাত্
13.3.58ab গ্রামঘাতপ্রবিষ্টাং বা বিক্ষিপ্য বহুধাঽটবীম্ |
13.3.58chd ঘাতযেদ্ ইতি চোরাণাং অপসর্পাঃ প্রকীর্তিতাঃ ( ইতি)

Chapt | পর্যুপাসনকর্ম – অবমর্দঃ
13.4.01 কর্শনপূর্বং পর্যুপাসনকর্ম
13.4.02 জনপদং যথানিবিষ্টং অভযে স্থাপযেত্
13.4.03 উত্থিতং অনুগ্রহপরিহারাভ্যাং নিবেষযেত্, অন্যত্রাপসরতঃ
13.4.04 সঙ্গ্রামাদ্ অন্যস্যাং ভূমৌ নিবেশযেত্, একস্যাং বা বাসযেত্
13.4.05 ন হ্যজনো জনপদো রাজ্যং অজনপদং বা ভবতি ইতি কৌটিল্যঃ
13.4.06 বিষমস্থস্য মুষ্টিং সস্যং বা হন্যাদ্, বীবধপ্রসারৌ চ
13.4.07ab প্রসারবীবধচ্ছেদান্ মুষ্টিসস্যবধাদ্ অপি |
13.4.07chd বমনাদ্ গূঢঘাতাচ্চ জাযতে প্রকৃতিক্ষযঃ
13.4.08 প্রভূতগুণবদ্ধ( বদ্ধ) অন্যকুপ্যযন্ত্রশস্ত্রাবরণবিষ্টিরশ্মিসমগ্রং মে সৈন্যং, ঋতুশ্চ পুরস্তাত্, অপর্তুঃ পরস্য, ব্যাধিদুর্ভিক্ষনিচযরক্ষাক্ষযঃ ক্রীতবলনির্বেদো মিত্রবলনির্বেদশ্চ ইতি পর্যুপাসীত
13.4.09 কৃত্বা স্কন্ধাবারস্য রক্ষাং বীবধাসারযোঃ পথশ্চ, পরিক্ষিপ্য দুর্গং খাতসালাভ্যাং, দূষযিত্বা উদকং, অবস্রাব্য পরিখাঃ সম্পূরযিত্বা বা, সুরুঙ্গাবলকুটিকাভ্যাং বপ্রপ্রাকারৌ হারযেত্, দারং চ গুডেন
13.4.10 নিম্নং বা পাংসুমালযাঽঽচ্ছাদযেত্
13.4.11 বহুলারক্ষং যন্ত্রৈর্ঘাতযেত্
13.4.12 নিষ্কিরাদ্ উপনিষ্কৃষ্যাশ্বৈশ্চ প্রহরেযুঃ
13.4.13 বিক্রমান্তরেষু চ নিযোগবিকল্পসমুচ্চযৈশ্চ উপাযানাং সিদ্ধিং লিপ্সেত
13.4.14 দুর্গবাসিনঃ শ্যেনকাকনপ্তৃভাসশুকসারিক উলূককপোতান্ গ্রাহযিত্বা পুচ্ছেষ্বগ্নিযোগযুক্তান্ পরদুর্গে বিসৃজেত্
13.4.15 অপকৃষ্টস্কন্ধাবারাদ্ উচ্ছ্রিতধ্বজধন্বারক্ষো বা মানুষেণাগ্নিনা পরদুর্গং আদীপযেত্
13.4.16 গূঢপুর্ষাশ্চান্তর্দুর্গপালকা নকুলবানরবিডালশুনাং পুচ্ছেষ্বগ্নিযোগং আধায কাণ্ডনিচযরক্ষাবিধানবেশ্মসু বিসৃজেযুঃ
13.4.17 শুষ্কমত্স্যানাং উদরেষ্বগ্নিং আধায বল্লূরে বা বাযস উপহারেণ বযোভির্হারযেযুঃ
13.4.18 সরলদেবদারুপূতিতৃণগুগ্গুলুশ্রীবেষ্টকসর্জরসলাক্ষাগুলিকাঃ খর উষ্ট্রাজাবীনাং লেণ্ডং চাগ্নিধারণম্
13.4.19 প্রিযালচূর্ণং অবল্গুজমষীমধু.উচ্ছিষ্টং অশ্বখর উষ্ট্রগোলেণ্ডং ইত্যেষ ক্ষেপ্যোঽগ্নিযোগঃ
13.4.20 সর্বলোহচূর্ণং অগ্নিবর্ণং বা কুম্ভীসীসত্রপুচূর্ণং বা পারিভদ্রকপলাশপুষ্পকেশমষীতৈলমধু.উচ্ছিষ্টকশ্রীবেষ্টকযুক্তোঽগ্নিযোগো বিশ্বাসঘাতী বা
13.4.21 তেনাবলিপ্তঃ শণত্রপুসবল্কবেষ্টিতো বাণ ইত্যগ্নিযোগঃ
13.4.22 ন ত্বেব বিদ্যমানে পরাক্রমেঽগ্নিং অবসৃজেত্
13.4.23 অবিশ্বাস্যো হ্যগ্নির্দৈবপীডনং চ, অপ্রতিসঙ্খ্যাতপ্রাণিধান্যপশুহিরণ্যকুপ্যদ্রব্যক্ষযকরঃ
13.4.24 ক্ষীণনিচযং চাবাপ্তং অপি রাজ্যং ক্ষযায এব ভবতি ইতি পর্যুপাসনকর্ম
13.4.25 সর্বারম্ভ উপকরণবিষ্টিসম্পন্নোঽস্মি, ব্যাধিতঃ পর উপধাবিরুদ্ধপ্রকৃতিরকৃতদুর্গকর্মনিচযো বা, নিরাসারঃ সাসারো বা পুরা মিত্রৈঃ সন্ধত্তে ইত্যবমর্দকালঃ
13.4.26 স্বযং অগ্নৌ জাতে সমুত্থাপিতে বা প্রহবণে প্রেক্ষাঽনীকদর্শনসঙ্গসৌরিককলহেষু নিত্যযুদ্ধশ্রান্তবলে বহুলযুদ্ধপ্রতিবিদ্ধপ্রেতপুরুষে জাগরণক্লান্তসুপ্তজনে দুর্দিনে নদীবেগে বা নীহারসম্প্লবে বাঽবমৃদ্নীযাত্
13.4.27 স্কন্ধাবারং উত্সৃজ্য বা বনগূঢঃ শত্রুং নিষ্ক্রান্তং ঘাতযেত্
13.4.28 মিত্রাসারমুখ্যব্যঞ্জনো বা সম্রুদ্ধেন মৈত্রীং কৃত্বা দূতং অভিত্যক্তং প্রেষযেত্ – ইদং তে ছিদ্রং, ইমে দূষ্যাঃ সম্রোদ্ধুর্বা ছিদ্রং, অযং তে কৃত্যপক্ষঃ ইতি
13.4.29 তং প্রতিদূতং আদায নির্গচ্ছন্তং বিজিগীষুর্গৃহীত্বা দোষং অভিবিখ্যাপ্য প্রবাস্য অপগচ্ছেত্
13.4.30 ততো মিত্রাসারব্যঞ্জনো বা সম্রুদ্ধং ব্রূযাত্ মাং ত্রাতুং উপনির্গচ্ছ, মযা বা সহ সম্রোদ্ধারং জহি ইতি
13.4.31 প্রতিপন্নং উভযতঃসম্পীডনেন ঘাতযেত্, জীবগ্রাহেণ বা রাজ্যবিনিমযং কারযেত্
13.4.32 নগরং বাঽস্য প্রমৃদ্নীযাত্
13.4.33 সারবলং বাঽস্য বমযিত্বাঽভিহন্যাত্
13.4.34 তেন দণ্ড উপনতাটবিকা ব্যাখ্যাতাঃ
13.4.35 দণ্ড উপনতাটবিকযোরন্যতরো বা সম্রুদ্ধস্য প্রেষযেত্ – অযং সম্রোদ্ধা ব্যাধিতঃ, পার্ষ্ণিগ্রাহেণাভিযুক্তঃ, ছিদ্রং অন্যদ্ উত্থিতং, অন্যস্যাং ভূমাবপযাতুকামঃ ইতি
13.4.36 প্রতিপন্নে সম্রোদ্ধা স্কন্ধাবারং আদীপ্যাপযাযাত্
13.4.37 ততঃ পূর্ববদ্ আচরেত্
13.4.38 পণ্যসম্পাতং বা কৃত্বা পণ্যেন এনং রসবিদ্ধেনাতিসন্দধ্যাত্
13.4.39 আসারব্যঞ্জনো বা সম্রুদ্ধস্য দূতং প্রেষযেত্ – মযা বাহ্যং অভিহতং উপনির্গচ্ছাভিহন্তুম্ ইতি
13.4.40 প্রতিপন্নং পূর্ববদ্ আচরেত্
13.4.41 মিত্রং বন্ধুং বাঽপদিশ্য যোগপুরুষাঃ শাসনমুদ্রাহস্তাঃ প্রবিশ্য দুর্গং গ্রাহযেযুঃ
13.4.42 আসারব্যঞ্জ্ঞনো বা সম্রুদ্ধস্য প্রেষযেত্ – অমুষ্মিন্ দেশে কালে চ স্কন্ধাবারং অভিহনিষ্যামি, যুষ্মাভিরপি যোদ্ধব্যম্ ইতি
13.4.43 প্রতিপন্নং যথা উক্তং অভ্যাঘাতসঙ্কুলং দর্শযিত্বা রাত্রৌ দুর্গান্নিষ্ক্রান্তং ঘাতযেত্
13.4.44 যদ্ বা মিত্রং আবাহযেদ্ আটব্বিকং বা, তং উত্সাহযেত্ বিক্রম্য সম্রুদ্ধে ভূমিং অস্য প্রতিপদ্যস্ব ইতি
13.4.45 বিক্রান্তং প্রকৃতিভির্দূষ্যমুখ্য উপগ্রহেণ বা ঘাতযেত্, স্বযং বা রসেন মিত্রঘাতকোঽযম্ ইত্যবাপ্তার্থঃ
13.4.46 বিক্রমিতুকামং বা মিত্রব্যঞ্জনঃ পরস্যাভিশংসেত্
13.4.47 আপ্তভাব উপগতঃ প্রবীরপুরুষানস্য উপঘাতযেত্
13.4.48 সন্ধিং বা কৃত্বা জনপদং এনং নিবেশযেত্
13.4.49 নিবিষ্টং অস্য জনপদং অবিজ্ঞাতো হন্যাত্
13.4.50 অপকারযিত্বা দূষ্যাটবিকেষু বা বল একদেশং অতিনীয দুর্গং অবস্কন্দেন হারযেত্
13.4.51 দূষ্যামিত্রাটবিকদ্বেষ্যপ্রত্যপসৃতাশ্চ কৃতার্থমানসংজ্ঞাচিহ্নাঃ পরদুর্গং অবস্কন্দেযুঃ
13.4.52 পরদুর্গং অবস্কন্দ্য স্কন্ধাবারং বা পতিতপরান্মুখাভিপন্নং উক্তকেশশস্ত্রভযবিরূপেভ্যশ্চাভযং অযুধ্যমানেভ্যশ্চ দদ্যুঃ
13.4.53 পরদুর্গং অবাপ্য বিশুদ্ধশত্রুপক্ষং কৃত উপাংশুদণ্ডপ্রতীকারং অন্তর্বহিশ্চ প্রবিশেত্
13.4.54 এবং বিজিগীষুরমিত্রভূমিং লব্ধ্বা মধ্যমং লিপ্সেত, তত্সিদ্ধাবুদাসীনম্
13.4.55 এষ প্রথমো মার্গঃ পৃথিবীং জেতুম্
13.4.56 মধ্যম উদাসীনযোরভাবে গুণাতিশযেনারিপ্রকৃতীঃ সাধযেত্, তত উত্তরাঃ প্রকৃতীঃ
13.4.57 এষ দ্বিতীযো মার্গঃ
13.4.58 মণ্ডলস্যাভাবে শত্রুণা মিত্রং মিত্রেণ বা শত্রুং উভযতঃসম্পীডনেন সাধযেত্
13.4.59 এষতৃতীযো মার্গঃ
13.4.60 শক্যং একং বা সামন্তং সাধযেত্, তেন দ্বিগুণো দ্বিতীযং, ত্রিগুণঃ তৃতীযম্
13.4.61 এষ চতুর্থো মার্গঃ পৃথিবীং জেতুম্
13.4.62 জিত্বা চ পৃথিবীং বিভক্তবর্ণাশ্রমাং স্বধর্মেণ ভুঞ্জীত
13.4.63ab উপজাপোঽপসর্পশ্চ বামনং পর্যুপাসনম্ |
13.4.63chd অবমর্দশ্চ পঞ্চ এতে দুর্গলম্ভস্য হেতবঃ ( ইতি)

Chapt | লব্ধপ্রশমনম্
13.5.01 দ্বিবিধং বিজিগীষোঃ সমুত্থানং – অটব্য্ঽঅদিকং একগ্রামাদিকং চ
13.5.02 ত্রিবিধশ্চাস্য লম্ভঃ – নবো, ভূতপূর্বঃ, পিত্র্য ইতি
13.5.03 নবং অবাপ্য লাভং পরদোষান্ স্বগুণৈশ্ছাদযেত্, গুণান্ গুণদ্বৈগুণ্যেন
13.5.04 স্বধর্মকর্মানুগ্রহপরিহারদানমানকর্মভিশ্চ প্রকৃতিপ্রিযহিতান্যনুবর্তেত
13.5.05 যথাসম্ভাষিতং চ কৃত্যপক্ষং উপগ্রাহযেত্, ভূযশ্চ কৃতপ্রযাসম্
13.5.06 অবিশ্বাসো হি বিসংবাদকঃ স্বেষাং পরেষাং চ ভবতি, প্রকৃতিবিরুদ্ধাচারশ্চ
13.5.07 তস্মাত্ সমানশীলবেষভাষাঽঽচারতাং উপগছেত্
13.5.08 দেশদৈবতস্মাজ উত্সববিহারেষু চ ভক্তিং অনুবর্তেত
13.5.09 দেশগ্রামজাতিসঙ্ঘমুখ্যেষু চাভীক্ষ্ণং সত্ত্রিণঃ পরস্যাপচারং দর্শযেযুঃ, মাহাভাগ্যং ভক্তিং চ তেষু স্বামিনঃ, স্বামিসত্কারং চ বিদ্যমানম্
13.5.10 উচিতৈশ্চ এনান্ ভোগপরিহাররক্ষাঽবেক্ষণৈর্ভুঞ্জীত
13.5.11 সর্বদেবতাঽঽশ্রমপূজনং চ বিদ্যাবাক্যধর্মশূরপুরুষাণাং চ ভূমিদ্রব্যদানপরিহারান্ কারযেত্, সর্ববন্ধনমোক্ষণং অনুগ্রহং দীনানাথব্যাধিতানাং চ
13.5.12 চাতুর্মাস্যেষ্বর্ধমাসিকং অঘাতং, পৌর্ণমাসীষু চ চাতূরাত্রিকং রাজদেশনক্ষত্রেষ্বৈকরাত্রিকম্
13.5.13 যোনিবালবধং পুংস্ত্ব উপঘাতং চ প্রতিষেধযেত্
13.5.14 যচ্চ কোশদণ্ড উপঘাতকং অধর্মিষ্ঠং বা চরিত্রং মন্যেত তদ্ অপনীয ধর্ম্যব্যবহারং স্থাপযেত্
13.5.15 চোরপ্রকৃতীনাং ম্লেচ্ছজাতীনাং চ স্থানবিপর্যাসং অনেকস্থং কারযেত্, দুর্গরাষ্ট্রদণ্ডমুখ্যানাং চ
13.5.16 পরা উপগৃহীতানাং চ মন্ত্রিপুরোহিতানাং পরস্য প্রত্যন্তেষ্বনেকস্থং বাসং কারযেত্
13.5.17 অপকারসমর্থান্ অনুক্ষিযতো বা ভর্তৃবিনাশং উপাংশুদণ্ডেন প্রশমযেত্
13.5.18 স্বদেশীযান্ বা পরেণ বাঽপরুদ্ধান্ অপবাহিতস্থানেষু স্থাপযেত্
13.5.19 যশ্চ তত্কুলীনঃ প্রত্যাদেযং আদাতুং শক্তঃ, প্রত্যন্তাটবীস্থো বা প্রবাধিতুং অভিজাতঃ, তস্মৈ বিগুণাং ভূমিং প্রযচ্ছেত্, গুণবত্যাশ্চতুর্ভাগং বা কোশদণ্ডদানং অবস্থাপ্য, যদ্ উপকুর্বাণঃ পৌরজানপদান্ কোপযেত্
13.5.20 কুপিতৈঃ তৈরেনং ঘাতযেত্
13.5.21 প্রকৃতিভিরুপক্রুষ্টং অপনযেত্, ঔপঘাতিকে বা দেশে নিবেশযেত্ – ইতি
13.5.22 ভূতপূর্বে যেন দোষেণাপবৃত্তঃ তং প্রকৃতিদোষং ছাদযেত্, যেন চ গুণেন উপাবৃত্তঃ তং তীব্রীকুর্যাত্ – ইতি
13.5.23 পিত্র্যে পিতুর্দোষাংশ্ছাদযেত্, গুণাংশ্চ প্রকাশযেত্ – ইতি
13.5.24ab চরিত্রং অকৃতং ধর্ম্যং কৃতং চান্যৈঃ প্রবর্তযেত্ |
13.5.24chd প্রবর্তযেন্ন চাধর্ম্যং কৃতং চান্যৈর্নিবর্তযেত্ ( ইতি)