অর্থশাস্ত্র ১১

কৌটিলীয অর্থশাস্ত্রং – ১১

Book |
Chapt | ভেদ উপাদানানি – উপাংশুদণ্ডাঃ
11.1.01 সঙ্ঘলাভো দণ্ডমিত্রলাভানাং উত্তমঃ
11.1.02 সঙ্ঘা হি সংহতত্বাদ্ অধৃষ্যাঃ পরেষাম্
11.1.03 তান্ অনুগুণান্ ভুঞ্জীত সামদানাভ্যাং, বিগুণান্ ভেদদণ্ডাভ্যাম্
11.1.04 কাম্বোজসুরাষ্ট্রক্ষত্রিযশ্রেণ্য্ঽঅদযো বার্ত্তশস্ত্র উপজীবিনঃ
11.1.05 লিচ্ছিবিকবৃজিকমল্লকমদ্রককুকুরকুরুপাঞ্চালাদযো রাজশব্দ উপজীবিনঃ
11.1.06 সর্বেষাং আসন্নাঃ সত্ত্রিণঃ সঙ্ঘানাং পরস্পরন্যঙ্গদ্বেষবৈরকলহস্থানান্যুপলভ্য ক্রমাভিনীতং ভেদং উপচারযেযুঃ অসৌ ত্বা বিজল্পতি ইতি
11.1.07 এবং উভযতোবদ্ধরোষাণাং বিদ্যাশিল্পদ্যূতবৈহারিকেষ্বাচার্যব্যঞ্জনা বালকলহান্ উত্পাদযেযুঃ
11.1.08 বেশশৌণ্ডিকেষু বা প্রতিলোমপ্রশংসাভিঃ সঙ্ঘমুখ্যমনুষ্যাণাং তীক্ষ্ণাঃ কলহান্ উত্পাদযেযুঃ, কৃত্যপক্ষ উপগ্রহেণ বা
11.1.09 কুমারকান্ বিশিষ্টচ্ছিন্দিকযা হীনচ্ছিন্দিকান্ উত্সাহযেযুঃ
11.1.10 বিশিষ্টানাং চ একপাত্রং বিবাহং বা হীনেভ্যো বারযেযুঃ
11.1.11 হীনান্ বা বিশিষ্টৈরেকপাত্রে বিবাহে বা যোজযেযুঃ
11.1.12 অবহীনান্ বা তুল্যভাব উপগমনে কুলতঃ পৌরুষতঃ স্থানবিপর্যাসতো বা
11.1.13 ব্যবহারং অবস্থিতং বা প্রতিলোমস্থাপনেন নিশামযেযুঃ
11.1.14 বিবাদপদেষু বা দ্রব্যপশুমনুষ্যাভিঘাতেন রাত্রৌ তীক্ষ্ণাঃ কলহান্ উত্পাদযেযুঃ
11.1.15 সর্বেষু চ কলহস্থানেষু হীনপক্ষং রাজা কোশদণ্ডাভ্যাং উপগৃহ্য প্রতিপক্ষবধে যোজযেত্
11.1.16 ভিন্নান্ অপবাহযেদ্ বা
11.1.17 ভূমৌ চ এষাং পঞ্চকুলীং দশকুলীং বা কৃষ্যাযাং নিবেশযেত্
11.1.18 একস্থা হি শস্ত্রগ্রহণসমর্থাঃ স্যুঃ
11.1.19 সমবাযে চ এষাং অত্যযং স্থাপযেত্
11.1.20 রাজশব্দিভিরবরুদ্ধং অবক্ষিপ্তং বা কুল্যং অভিজাতং রাজপুত্রত্বে স্থাপযেত্
11.1.21 কার্তান্তিকাদিশ্চাস্য বর্গো রাজলক্ষণ্যতাং সঙ্ঘেষু প্রকাশযেত্
11.1.22 সঙ্ঘমুখ্যাংশ্চ ধর্মিষ্ঠান্ উপজপেত্ স্বধর্মং অমুষ্য রাজ্ঞঃ পুত্রে ভ্রাতরি বা প্রতিপদ্যধ্বম্ ইতি
11.1.23 প্রতিপন্নেষু কৃত্যপক্ষ উপগ্রহার্থং অর্থং দণ্ডং চ প্রেষযেত্
11.1.24 বিক্রমকালে শৌণ্ডিকব্যঞ্জনাঃ পুত্রদারপ্রেতাপদেশেন নৈSএচনিকম্ ইতি মদনরসযুক্তান্ মদ্যকুম্ভান্শতশঃ প্রযচ্ছেযুঃ
11.1.25 চৈত্যদৈবতদ্বাররক্ষাস্থানেষু চ সত্ত্রিণঃ সমযকর্মনিক্ষেপং সহিরণ্যাভিজ্ঞানমুদ্রাণি হিরণ্যভাজনানি চ প্ররূপযেযুঃ
11.1.26 দৃশ্যমানেষু চ সঙ্ঘেষু রাজকীযাঃ ইত্যাবেদযেযুঃ
11.1.27 অথাবস্কন্দং দদ্যাত্
11.1.28 সঙ্ঘানাং বা বাহনহিরণ্যে কালিকে গৃহীত্বা সঙ্ঘমুখ্যায প্রখ্যাতং দ্রব্যং প্রযচ্ছেত্
11.1.29 তদ্ এষাং যাচিতে দত্তং অমুষ্মৈ মুখ্যায ইতি ব্রূযাত্
11.1.30 এতেন স্কন্ধাবারাটবীভেদো ব্যাখ্যাতঃ
11.1.31 সঙ্ঘমুখ্যপুত্রং আত্মসম্ভাবিতং বা সত্ত্রী গ্রাহযেত্ অমুষ্য রাজ্ঞঃ পুত্রঃ ত্বং, শত্রুভযাদ্ ইহ ন্যস্তোঽসি ইতি
11.1.32 প্রতিপন্নং রাজা কোশদণ্ডাভ্যাং উপগৃহ্য সঙ্ঘেষু বিক্রমযেত্
11.1.33 অবাপ্তার্থঃ তং অপি প্রবাসযেত্
11.1.34 বন্ধকীপোষকাঃ প্লবকনটনর্তকসৌভিকা বা প্রণিহিতাঃ স্ত্রীভিঃ পরমরূপযৌবনাভিঃ সঙ্ঘমুখ্যান্ উন্মাদযেযুঃ
11.1.35 জাতকামানাং অন্যতমস্য প্রত্যযং কৃত্বাঽন্যত্র গমনেন প্রসভহরণেন বা কলহান্ উত্পাদযেযুঃ
11.1.36 কলহে তীক্ষ্ণাঃ কর্ম কুর্যুঃ হতোঽযং ইত্থং কামুকঃ ইতি
11.1.37 বিসংবাদিতং বা মর্ষযমাণং অভিসৃত্য স্ত্রী ব্রূযাত্ অসৌ মাং মুখ্যঃ ত্বযি জাতকামাং বাধতে, তস্মিঞ্জীবতি ন ইহ স্থাস্যামি ইতি ঘাতং অস্য প্রযোজযেত্
11.1.38 প্রসহ্যাপহৃতা বা বনান্তে ক্রিডাগৃহে বাঽপহর্তারং রাত্রৌ তীক্ষ্ণেন ঘাতযেত্, স্বযং বা রসেন
11.1.39 ততঃ প্রকাশযেত্ অমুনা মে প্রিযো হতঃ ইতি
11.1.40 জাতকামং বা সিদ্ধব্যঞ্জনঃ সাংবদনিকীভিরৌষধীভিঃ সংবাস্য রসেনাতিসন্ধাযাপগচ্ছেত্
11.1.41 তস্মিন্ন্ অপক্রান্তে সত্ত্রিণঃ পরপ্রযোগং অভিশংসেযুঃ
11.1.42 আঢ্যবিধবা গূঢাজীবা যোগস্ত্রিযো বা দাযনিক্ষেপার্থং বিবদমানাঃ সঙ্ঘমুখ্যান্ উন্মাদযেযুঃ, অদিতিকৌশিকস্ত্রিযো নর্তকীগাযনা বা
11.1.43 প্রতিপন্নান্ গূঢবেশ্মসু রাত্রিসমাগমপ্রবিষ্টাংঃ তীক্ষ্ণা হন্যুর্বদ্ধ্বা হরেযুর্বা
11.1.44 সত্ত্রী বা স্ত্রীলোলুপং সঙ্ঘমুখ্যং প্ররূপযেত্ অমুষ্মিন্ গ্রামে দরিদ্রকুল্লং অপসৃতং, তস্য স্ত্রী রাজার্হা, গৃহাণ এনাম্ ইতি
11.1.45 গৃহীতাযাং অর্ধমাসানন্তরং সিদ্ধব্যঞ্জনো দূষ্যসঙ্ঘমুখ্যমধ্যে প্রক্রোশেত্ অসৌ মে মুখ্যো ভার্যাং স্নুষাং ভগিনীং দুহিতরং বাঽধিচরতি ইতি
11.1.46 তং চেত্ সঙ্ঘো নিগৃহ্ণীযাত্, রাজা এনং উপগৃহ্য বিগুণেষু বিক্রমযেত্
11.1.47 অনিগৃহীতে সিদ্ধব্যঞ্জনং রাত্রৌ তীক্ষ্ণাঃ প্রবাসযেযুঃ
11.1.48 ততঃ তদ্ব্যঞ্জনাঃ প্রক্রোশেযুঃ অসৌ ব্রহ্মহা ব্রাহ্মণীজারশ্চ ইতি
11.1.49 কার্তান্তিকব্যঞ্জনো বা কন্যাং অন্যেন বৃতাং অন্যস্য প্ররূপযেত্ অমুষ্য কন্যা রাজপত্নী রাজপ্রসবিনী চ ভবিষ্যতি, সর্বস্বেন প্রসহ্য বা এনাং লভস্ব ইতি
11.1.50 অলভ্যমানাযাং পরপক্ষং উদ্ধর্ষযেত্
11.1.51 লব্ধাযাং সিদ্ধঃ কলহঃ
11.1.52 ভিক্ষুকী বা প্রিযভার্যং মুখ্যং ব্রূযাত্ অসৌ তে মুখ্যো যৌবন উত্সিক্তো ভার্যাযাং মাং প্রাহিণোত্, তস্যাহং ভযাল্লেখ্যং আভরণং গৃহীত্বাঽঽগতাঽস্মি, নির্দোষা তে ভার্যা, গূঢং অস্মিন্ প্রতিকর্তব্যং, অহং অপি তাবত্ প্রতিপত্স্যামি ইতি
11.1.53 এবংঽঅদিষু কলহস্থানেষু স্বযং উত্পন্নে বা কলহে তীক্ষ্ণৈরুত্পাদিতে বা হীনপক্ষং রাজা কোশদণ্ডাভ্যাং উপগৃহ্য বিগুণেষু বিক্রমযেদ্ অপবাহযেদ্ বা
11.1.54 সঙ্ঘেষ্বেবং একরাজো বর্তেত
11.1.55 সঙ্ঘাশ্চাপ্যেবং একরাজাদ্ এতেভ্যোঽতিসঙ্ঘান্ এভ্যো রক্ষযেযুঃ
11.1.56ab সঙ্ঘমুখ্যশ্চ সঙ্ঘেষু ন্যাযবৃত্তির্হিতঃ প্রিযঃ |
11.1.56chd দান্তো যুক্তজনঃ তিষ্ঠেত্ সর্বচিত্তানুবর্তকঃ ( ইতি)