অর্থশাস্ত্র ০২

কৌটিলীয অর্থশাস্ত্রং – ০২

Book | The activityof the head of departments
Chapt | Sec, 19: Settlement of the countryside
02.01.01 ভূতপূর্বং অভূতপূর্বং বা জনপদং পরদেশাপবাহনেন স্বদেশাভিষ্যন্দবমনেন বা নিবেশযেত্
02.01.02 শূদ্রকর্ষকপ্রাযং কুলশতাবরং পঞ্চকুলশতপরং গ্রামং ক্রোশদ্বিক্রোশসীমানং অন্যোন্যারক্ষং নিবেশযেত্
02.01.03 নলীশৈলবনভৃষ্টিদরীসেতুবন্ধশমীশাল্মলীক্ষীরবৃক্ষান্ অন্তেষু সীম্নাং স্থাপযেত্
02.01.04 অষ্টশতগ্রাম্যা মধ্যে স্থানীযং, চতুহ্শতগ্রাম্যা দ্রোণমুখং, দ্বিশতগ্রাম্যাঃ কার্বটিকং, দশগ্রামীসঙ্গ্রহেণ সঙ্গ্রহং স্থাপযেত্
02.01.05 অন্তেষ্বন্তপালদুর্গাণি জনপদদ্বারাণ্যন্তপালাধিষ্ঠিতানি স্থাপযেত্
02.01.06 তেষাং অন্তরাণি বাগুরিকশবরপুলিন্দচণ্ডালারণ্যচরা রক্ষেযুঃ
02.01.07a ঋত্বিগ্ঽঅচার্যপুরোহিতশ্রোত্রিযেভ্যো ব্রহ্মদেযান্যদণ্ডকরাণ্যভিরূপদাযাদকানি প্রযচ্ছেত্
02.01.07b অধ্যক্ষসঙ্খ্যাযকাদিভ্যো গোপস্থানিকানীকস্থচিকিত্সকাশ্বদমকজঙ্ঘাকারিকেভ্যশ্চ বিক্রযাধানবর্জানি
02.01.08 করদেভ্যঃ কৃতক্ষেত্রাণ্যৈকপুরুষিকাণি প্রযচ্ছেত্
02.01.09 অকৃতানি কর্তৃভ্যো নাদেযানি
02.01.10 অকৃষতাং আছিদ্যান্যেভ্যঃ প্রযচ্ছেত্
02.01.11 গ্রামভৃতকবৈদেহকা বা কৃষেযুঃ
02.01.12 অকৃষন্তো বাঽবহীনং দদ্যুঃ
02.01.13 ধান্যপশুহিরণ্যৈশ্চ এতান্ অনুগৃহ্ণীযাত্
02.01.14 তান্যনু সুখেন দদ্যুঃ
02.01.15 অনুগ্রহপরিহারৌ চ এতেব্ভ্যঃ কোশবৃদ্ধিকরৌ দদ্যাত্, কোশ উপঘাতকৌ বর্জযেত্
02.01.16 অল্পকোশো হি রাজা পৌরজানপদান্ এব গ্রসতে
02.01.17 নিবেশসমকালং যথাঽঽগতকং বা পরিহারং দদ্যাত্
02.01.18 নিবৃত্তপরিহারান্ পিতা ইবানুগৃহ্ণীযাত্
02.01.19 আকরকর্মান্তদ্রব্যহস্তিবনব্রজবণিক্পথপ্রচারান্ বারিস্থলপথপণ্যপত্তনানি চ নিবেশযেত্
02.01.20 সহ উদকং আহার্য উদকং বা সেতুং বন্ধযেত্
02.01.21 অন্যেষাং বা বধ্নতাং ভূমিমার্গবৃক্ষ উপকরণানুগ্রহং কুর্যাত্, পুণ্যস্থানারামাণাং চ
02.01.22 সম্ভূযসেতুবন্ধাদ্ অপক্রামতঃ কর্মকরবলীবর্দাঃ কর্ম কুর্যুঃ
02.01.23 ব্যযকর্মণি চ ভাগী স্যাত্, ন চাংশং লভেত
02.01.24 মত্স্যপ্লবহরিতপণ্যানাং সেতুষু রাজা স্বাম্যং গচ্ছেত্
02.01.25 দাসাহিতকবন্ধূন্ অশৃণ্বতো রাজা বিনযং গ্রাহযেত্
02.01.26 বালবৃদ্ধব্যসন্য্ঽনাথাংশ্চ রাজা বিভৃযাত্, স্ত্রিযং অপ্রজাতাং প্রজাতাযশ্চ পুত্রান্
02.01.27 বালদ্রব্যং গ্রামবৃদ্ধা বর্ধযেযুরা ব্যবহারপ্রাপণাত্, দেবদ্রব্যং চ
02.01.28 অপত্যদারং মাতাপিতরৌ ভ্রাতৄন্ অপ্রাপ্তব্যবহারান্ ভগিনীঃ কন্যা বিধবাশ্চাবিভ্রতঃ শক্তিমতো দ্বাদশপণো দণ্ডঃ, অন্যত্র পতিতেভ্যঃ, অন্যত্র মাতুঃ
02.01.29 পুত্রদারং অপ্রতিবিধায প্রব্রজতঃ পূর্বঃ সাহসদণ্ডঃ, স্ত্রিযং চ প্রব্রাজযতঃ
02.01.30 লুপ্তব্যাযামঃ প্রব্রজেদ্ আপৃচ্ছ্য ধর্মস্থান্
02.01.31 অন্যথা নিযম্যেত
02.01.32 বানপ্রস্থাদ্ অন্যঃ প্রব্রজিতভাবঃ, সজাতাদ্ অন্যঃ সঙ্ঘঃ, সামুত্থাযিকাদ্ অন্যঃ সমযানুবন্ধো বা নাস্য জনপদং উপনিবিশেত
02.01.33 ন চ তত্রারামা বিহারার্থা বা শালাঃ স্যুঃ
02.01.34 নটনর্তকগাযনবাদকবাগ্জীবনকুশীলবা ন কর্মবিঘ্নং কুর্যুঃ
02.01.35 নিরাশ্রযত্বাদ্ গ্রামাণাং ক্ষেত্রাভিরতত্বাচ্চ পুরুষাণাং কোশবিষ্টিদ্রব্যধান্যরসবৃদ্ধির্ভবতি
02.01.36ab পরচক্রাটবীগ্রস্তং ব্যাধিদুর্ভিক্ষপীডিতম্ .
02.01.36chd দেশং পরিহরেদ্ রাজা ব্যযক্রীডাশ্চ বারযেত্
02.01.37ab দণ্ডবিষ্টিকরাবাধৈ রক্ষেদ্ উপহতাং কৃষিম্ .
02.01.37chd স্তেনব্যালবিষগ্রাহৈর্ব্যাধিভিশ্চ পশুব্রজান্
02.01.38ab বল্লভৈঃ কার্মিকৈঃ স্তেনৈরন্তপালৈশ্চ পীডিতম্ .
02.01.38chd শোধযেত্ পশুসঙ্ঘৈশ্চ ক্ষীযমাণং বণিক্পথম্
02.01.39ab এবং দ্রব্যদ্বিপবনং সেতুবন্ধং অথাকরান্ .
02.01.39chd রক্ষেত্ পূর্বকৃতান্ রাজা নবাংশ্চাভিপ্রবর্তযেত্ ( ইতি)

Chapt | Disposal of non-agricultural land
02.2.01 অকৃষ্যাযাং ভূমৌ পশুভ্যো বিবীতানি প্রযচ্ছেত্
02.2.02 প্রদিষ্টাভযস্থাবরজঙ্গমানি চ ব্রহ্মসোমারণ্যানি তপস্বিভ্যো গোরুতপরাণি প্রযচ্ছেত্
02.2.03 তাবন্মাত্রং একদ্বারং খাতগুপ্তং স্বাদুফলগুল্মগুচ্ছং অকণ্টকিদ্রুমং উত্তানতোযাশযং দান্তমৃগচতুষ্পদং ভগ্ননখদংষ্ট্রব্যালং মার্গযুকহস্তিহস্তিনীকলভং মৃগবনং বিহারার্থং রাজ্ঞঃ কারযেত্
02.2.04 সর্বাতিথিমৃগং প্রত্যন্তে চান্যন্মৃগবনং ভূমিবশেন বা নিবেশযেত্
02.2.05 কুপ্যপ্রদিষ্টানাং চ দ্রব্যাণাং এক একশো বনানি নিবেশযেত্, দ্রব্যবনকর্মান্তান্ অটবীশ্চ দ্রব্যবনাপাশ্রযাঃ
02.2.06 প্রত্যন্তে হস্তিবনং অটব্য্ঽঅরক্ষং নিবেশযেত্
02.2.07 নাগবনাধ্যক্ষঃ পার্বতং নাদেযং সারসমানূপং চ নাগবনং বিদিতপর্যন্তপ্রবেশনিষ্কাসং নাগবনপালৈঃ পালযেত্
02.2.08 হস্তিঘাতিনং হন্যুঃ
02.2.09 দন্তযুগং স্বযংমৃতস্যাহরতঃ সপাদচতুষ্পণো লাভঃ
02.2.10 নাগবনপালা হস্তিপকপাদপাশিকসৈমিকবনচরকপারিকর্মিকসখা হস্তিমূত্রপুরীষচ্ছন্নগন্ধা ভল্লাতকীশাখাপ্রচ্ছন্নাঃ পঞ্চভিঃ সপ্তভির্বা হস্তিবন্ধকীভিঃ সহ চরন্তঃ শয্যাস্থানপদ্যালেণ্ডকূলঘাত উদ্দেশেন হস্তিকুলপর্যগ্রং বিদ্যুঃ
02.2.11 যূথচরং একচরং নির্যূথং যূথপতিং হস্তিনং ব্যালং মত্তং পোতং বন্ধমুক্তং চ নিবন্ধেন বিদ্যুঃ
02.2.12 অনীকস্থপ্রমাণৈঃ প্রশস্তব্যঞ্জনাচারান্ হস্তিনো গৃহ্ণীযুঃ
02.2.13 হস্তিপ্রধানং বিজযো রাজ্ঞঃ
02.2.14 পরানীকব্যূহদুর্গস্কন্ধাবারপ্রমর্দনা হ্যতিপ্রমাণশরীরাঃ প্রাণহরকর্মাণো হস্তিনঃ
02.2.15ab কালিঙ্গাঙ্গরজাঃ শ্রেষ্ঠাঃ প্রাচ্যাশ্চেদিকরূষজাঃ .
02.2.15chd দাশার্ণাশ্চাপরান্তাশ্চ দ্বিপানাং মধ্যমা মতাঃ
02.2.16ab সৌরাষ্ট্রিকাঃ পাঞ্চনদাঃ তেষাং প্রত্যবরাঃ স্মৃতাঃ .
02.2.16chd সর্বেষাং কর্মণা বীর্যং জবঃ তেজশ্চ বর্ধতে ( ইতি)

Chapt | Construction of forts
02.3.01 চতুর্দিশং জনপদান্তে সাম্পরাযিকং দৈবকৃতং দুর্গং কারযেত্, অন্তর্দ্বীপং স্থলং বা নিম্নাবরুদ্ধং ঔদকং, প্রাস্তরং গুহাং বা পার্বতং, নিরুদকস্তম্বং ইরিণং বা ধান্বনং, খঞ্জন উদকং স্তম্বগহনং বা বনদুর্গম্
02.3.02 তেষাং নদীপর্বতদুর্গং জনপদারক্ষস্থানং, ধান্বনবনদুর্গং অটবীস্থানং আপদ্যপসারো বা
02.3.03 জনপদমধ্যে সমুদযস্থানং স্থানীযং নিবেশযেত্, বাস্তুকপ্রশস্তে দেশে নদীসঙ্গমে হ্রদস্যাবিশোষস্যাঙ্কে সরসঃ তটাকস্য বা, বৃত্তং দীর্ঘং চতুর্ঽশ্রং বা বাস্তুবশেন বা প্রদক্ষিণ উদকং পণ্যপুটভেদনং অংসপথবারিপথাভ্যাং উপেতম্
02.3.04 তস্য পরিখাঃ তিস্রো দণ্ডান্তরাঃ কারযেত্ চতুর্দশ দ্বাদশ দশ ইতি দণ্ডান্ বিস্তীর্ণাঃ, বিস্তারাদ্ অবগাঢাঃ পাদ ঊনং অর্ধং বা, ত্রিভাগমূলাঃ, মূলচতুর্ঽশ্রা বা, পাষাণ উপহিতাঃ পাষাণ ইষ্টকাবদ্ধপার্শ্বা বা, তোযান্তিকীরাগন্তুতোযপূর্ণা বা সপরিবাহাঃ পদ্মগ্রাহবতীশ্চ
02.3.05 চতুর্দণ্ডাপকৃষ্টং পরিখাযাঃ ষড্দণ্ড উচ্ছ্রিতং অবরুদ্ধং তদ্দ্বিগুণবিষ্কম্ভং খাতাদ্ বপ্রং কারযেদ্ ঊর্ধ্বচযং মঞ্চপৃষ্ঠং কুম্ভকুক্ষিকং বা হস্তিভির্গোভিশ্চ ক্ষুণ্ণং কণ্টকিগুল্মবিষবল্লীপ্রতানবন্তম্
02.3.06 পাংসুশেষেণ বাস্তুচ্ছিদ্রং রাজভবনং বা পূরযেত্
02.3.07a বপ্রস্য উপরি প্রাকারং বিষ্কম্ভদ্বিগুণ উত্সেধং ঐষ্টকং দ্বাদশহস্তাদ্ ঊর্ধ্বং ওজং যুগ্মং বা আ চতুর্বিংশতিহস্তাদ্ ইতি কারযেত্
02.3.07b রথচর্যাসঞ্চারং তালমূলং মুরজকৈঃ কপিশীর্ষকৈশ্চাচিতাগ্রম্
02.3.08 পৃথুশিলাসংহতং বা শৈলং কারযেত্, ন ত্বেব কাষ্টমযম্
02.3.09 অগ্নিরবহিতো হি তস্মিন্ বসতি
02.3.10 বিষ্কম্ভচতুর্ঽশ্রং অট্টালকং উত্সেধসমাবক্ষেপসোপানং কারযেত্ ত্রিংশদ্দণ্ডান্তরং চ
02.3.11 দ্বযোরট্টালকযোর্মধ্যে সহর্ম্যদ্বিতলাং অধ্যর্ধাযাযামাং প্রতোলীং কারযেত্
02.3.12 অট্টালকপ্রতোলীমধ্যে ত্রিধানুষ্কাধিষ্ঠানং স-অপিধানচ্ছিদ্রফলকসংহতং ইন্দ্রকোশং কারযেত্
02.3.13 অন্তরেষু দ্বিহস্তবিষ্কম্ভং পার্শ্বে চতুর্গুণাযামং দেবপথং কারযেত্
02.3.14 দণ্ডান্তরা দ্বিদণ্ডান্তরা বা চর্যাঃ কারযেত্, অগ্রাহ্যে দেশে প্রধাবনিকাং নিষ্কিরদ্বারং চ
02.3.15 বহির্জানুভঞ্জনীশূলপ্রকরকূপকূটাবপাতকণ্টকপ্রতিসরাহিপৃষ্ঠতালপত্ত্রশৃঙ্গাটকশ্বদংষ্ট্রার্গল উপস্কন্দনপাদুকাম্বরীষ উদপানকৈঃ প্রতিচ্ছন্নং ছন্নপথং কারযেত্
02.3.16 প্রাকারং উভযতো মেণ্ঢকং অধ্যর্ধদণ্ডং কৃত্বা প্রতোলীষট্তুলাঽন্তরং দ্বারং নিবেশযেত্ পঞ্চদণ্ডাদ্ এক উত্তরং আঽষ্টদণ্ডাদ্ ইতি চতুর্ঽশ্রং ষড্ভাগং আযামাদ্ঽধিকং অষ্টভাগং বা
02.3.17 পঞ্চদশহস্তাদ্ এক উত্তরং আঽষ্টাদশহস্তাদ্ ইতি তল উত্সেধঃ
02.3.18 স্তম্ভস্য পরিক্ষেপঃ ষড্ঽঅযামো, দ্বিগুণো নিখাতঃ, চূলিকাযাশ্চতুর্ভাগঃ
02.3.19 আদিতলস্য পঞ্চভাগাঃ শালা বাপী সীমাগৃহং চ
02.3.20 দশভাগিকৌ দ্বৌ প্রতিমঞ্চৌ, অন্তরং আণীহর্ম্যং চ
02.3.21 সমুচ্ছ্রযাদ্ অর্ধতলে স্থূণাবন্ধশ্চ
02.3.22 অর্ধবাস্তুকং উত্তমাগারং, ত্রিভাগান্তরং বা, ইষ্টকাঽববদ্ধপার্শ্বং, বামতঃ প্রদক্ষিণসোপানং গূঢভিত্তিসোপানং ইতরতঃ
02.3.23 দ্বিহস্তং তোরণশিরঃ
02.3.24 ত্রিপঞ্চভাগিকৌ দ্বৌ কপাটযোগৌ
02.3.25 দ্বৌ পরিঘৌ
02.3.26 অরত্নিরিন্দ্রকীলঃ
02.3.27 পঞ্চহস্তং আণিদ্বারম্
02.3.28 চত্বারো হস্তিপরিঘাঃ
02.3.29 নিবেশার্ধং হস্তিনখম্
02.3.30 মুখসমঃ সঙ্ক্রমঃ সংহার্যো ভূমিমযো বা নিরুদকে
02.3.31 প্রাকারসমং মুখং অবস্থাপ্য ত্রিভাগগোধামুখং গোপুরং কারযেত্
02.3.32 প্রাকারমধ্যে বাপীং কৃত্বা পুষ্করিণীদ্বারং, চতুঃশালং অধ্যর্ধান্তরং সাণিকং কুমারীপুরং, মুণ্ডহর্ম্যদ্বিতলং মুণ্ডকদ্বারং, ভূমিদ্রব্যবশেন বা নিবেশযেত্
02.3.33 ত্রিভাগাধিকাযামা ভাণ্ডবাহিনীঃ কুল্যাঃ কারযেত্
02.3.34ab তাসু পাষাণকুদ্দালাঃ কুঠারীকাণ্ডকল্পনাঃ .
02.3.34chd মুষুণ্ঢীমুদ্গরা দণ্ডাশ্চক্রযন্ত্রশতঘ্নযঃ
02.3.35ab কার্যাঃ কার্মারিকাঃ শূলা বেধনাগ্রাশ্চ বেণবঃ .
02.3.35chd উষ্ট্রগ্রীব্যোঽগ্নিসম্যোগাঃ কুপ্যকল্পে চ যো বিধিঃ ( ইতি)

Chapt | Lay-out of the fortified citয্
02.4.01 ত্রযঃ প্রাচীনা রাজমার্গাঃ ত্রয উদীচীনা ইতি বাস্তুবিভাগঃ
02.4.02 স দ্বাদশদ্বারো যুক্ত উদকভ্রমচ্ছন্নপথঃ
02.4.03 চতুর্দণ্ডান্তরা রথ্যাঃ
02.4.04 রাজমার্গদ্রোণমুখস্থানীযরাষ্ট্রবিবীতপথাঃ সম্যানীযব্যূহশ্মশানগ্রামপথাশ্চাষ্টদণ্ডাঃ
02.4.05 চতুর্দণ্ডঃ সেতুবনপথঃ, দ্বিদণ্ডো হস্তিক্ষেত্রপথঃ, পঞ্চারত্নযো রথপথঃ, চত্বারঃ পশুপথঃ, দ্বৌ ক্ষুদ্রপশুমনুষ্যপথঃ
02.4.06 প্রবীরে বাস্তুনি রাজনিবেশশ্চাতুর্বর্ণ্যসমাজীবে
02.4.07 বাস্তুহৃদযাদ্ উত্তরে নবভাগে যথা উক্তবিধানং অন্তঃপুরং প্রান্মুখং উদন্মুখং বা কারযেত্
02.4.08 তস্য পূর্ব উত্তরং ভাগং আচার্যপুরোহিত ইজ্যাতোযস্থানং মন্ত্রিণশ্চাবসেযুঃ, পূর্বদক্ষিণং ভাগ্ং মহানসং হস্তিশালা কোষ্ঠাগারং চ
02.4.09 ততঃ পরং গন্ধমাল্যরসপণ্যাঃ প্রসাধনকারবঃ ক্ষত্রিযাশ্চ পূর্বাং দিশং অধিবসেযুঃ
02.4.10 দক্ষিণপূর্বং ভাগং ভাণ্ডাগারং অক্ষপটলং কর্মনিষদ্যাশ্চ, দক্ষিণপশ্চিমং ভাগং কুপ্যগৃহং আযুধাগারং চ
02.4.11 ততঃ পরং নগরধান্যব্যাবহারিককার্মান্তিকবলাধ্যক্ষাঃ পক্বান্নসুরামাংসপণ্যা রূপাজীবাঃ তালাবচরা বৈশ্যাশ্চ দক্ষিণাং দিশং অধিবসেযুঃ
02.4.12 পশ্চিমদক্ষিণং ভাগং খর উষ্ট্রগুপ্তিস্থানং কর্মগৃহং চ, পশ্চিম উত্তরং ভাগং যানরথশালাঃ
02.4.13 ততঃ পরং ঊর্ণাসূত্রবেণুচর্মবর্মশস্ত্রাবরণকারবঃ শূদ্রাশ্চ পশ্চিমাং দিশং অধিবসেযুঃ
02.4.14 উত্তরপশ্চিমং ভাগং পণ্যভৈষজ্যগৃহং, উত্তরপূর্বং ভাগং কোশো গবাশ্বং চ
02.4.15 ততঃ পরং নগররাজদেবতালোহমণিকারবো ব্রাহ্মণাশ্চ উত্তরাং দিশং অধিবসেযুঃ
02.4.16 বাস্তুচ্ছিদ্রানুশালেষু শ্রেণীপ্রপণিনিকাযা আবসেযুঃ
02.4.17 অপরাজিতাপ্রতিহতজযন্তবৈজযন্তকোষ্ঠান্ শিববৈশ্রবণাশ্বিশ্রীমদিরাগৃহাণি চ পুরমধ্যে কারযেত্
02.4.18 যথা উদ্দেশং বাস্তুদেবতাঃ স্থাপযেত্
02.4.19 ব্রাহ্মাইন্দ্রযাম্যসৈনাপত্যানি দ্বারাণি
02.4.20 বহিঃ পরিখাযা ধনুঃশতাপকৃষ্টাশ্চৈত্যপুণ্যস্থানবনসেতুবন্ধাঃ কার্যাঃ, যথাদিশং চ দিগ্দেবতাঃ
02.4.21 উত্তরঃ পূর্বো বা শ্মশানভাগো বর্ণ উত্তমানাং, দক্ষিণেন শ্মশানং বর্ণাবরাণাম্
02.4.22 তস্যাতিক্রমে পূর্বঃ সাহসদণ্ডঃ
02.4.23 পাষণ্ডচণ্ডালানাং শ্মশানান্তে বাসঃ
02.4.24 কর্মান্তক্ষেত্রবশেন কুটুম্বিনাং সীমানং স্থাপযেত্
02.4.25 তেষু পুষ্পফলবাটান্ ধান্যপণ্যনিচযাংশ্চানুজ্ঞাতাঃ কুর্যুঃ
02.4.26 দশকুলীবাটং কূপস্থানম্
02.4.27 সর্বস্নেহধান্যক্ষারলবণগন্ধভৈষজ্যশুষ্কশাকযবসবল্লূরতৃণকাষ্ঠলোহচর্মাঙ্গারস্নাযুবিষবিষাণবেণুবল্কলসারদারুপ্রহরণাবরণাশ্মনিচযান্ অনেকবর্ষ উপভোগসহান্ কারযেত্
02.4.28 নবেনানবং শোধযেত্
02.4.29 হস্তিঽশ্বরথপাদাতং অনেকমুখ্যং অবস্থাপযেত্
02.4.30 অনেকমুখ্যং হি পরস্পরভযাত্ পর উপজাপং ন উপৈতি
02.4.31 এতেনান্তপালদুর্গসংস্কারা ব্যাখ্যাতাঃ
02.4.32ab ন চ বাহিরিকান্ কুর্যাত্ পুরে রাষ্ট্র উপঘাতকান্ .
02.4.32chd ক্ষিপেজ্ জনপদে চ এতান্ সর্বান্ বা দাপযেত্ করান্ ( ইতি)

Chapt | The work of store-keeping by the director of stories
02.5.01 সম্নিধাতা কোশগৃহং পণ্যগৃহং কোষ্ঠাগারং কুপ্যগৃহং আযুধাগারং বন্ধনাগারং চ কারযেত্
02.5.02 চতুর্ঽশ্রাং বাপীং অন্-উদক উপস্নেহাং খানযিত্বা পৃথুশিলাভিরুভযতঃ পার্শ্বং মূলং চ প্রচিত্য সারদারুপঞ্জরং ভূমিসমং ত্রিতলং অনেকবিধানং কুট্টিমদেশস্থানতলং একদ্বারং যন্ত্রযুক্তসোপানং ভূমিগৃহং কারযেত্
02.5.03 তস্য উপরি উভযতোনিষেধং স-প্রগ্রীবং ঐষ্টকং ভাণ্ডবাহিনীপরিক্ষিপ্তং কোশগৃহং কারযেত্, প্রাসাদং বা
02.5.04 জনপদান্তে ধ্রুবনিধিং আপদ্ঽর্থং অভিত্যক্তৈঃ কারযেত্
02.5.05a পক্ব ইষ্টকাস্তম্ভং চতুঃশালং একদ্বারং অনেকস্থানতলং বিবৃতস্তম্ভাপসারং উভযতঃ পণ্যগৃহং কোষ্ঠাগারং চ
02.5.05b দীর্ঘবহুশালং কক্ষ্যাবৃতকুড্যং অন্তঃ কুপ্যগৃহং, তদ্ এব ভূমিগৃহযুক্তং আযুধাগারং
02.5.05ch পৃথগ্ধর্মস্থীযং মহামাত্রীযং বিভক্তস্ত্রীপুরুষস্থানং অপসারতঃ সুগুপ্তকক্ষ্যং বন্ধনাগারং কারযেত্
02.5.06 সর্বেষাং শালাঃ খাত উদপানবর্চস্নানগৃহাগ্নিবিষত্রাণমার্জারনকুলারক্ষাস্বদৈবতপূজনযুক্তাঃ কারযেত্
02.5.07 কোষ্ঠাগারে বর্ষমানং অরত্নিমুখং কুণ্ডং স্থাপযেত্
02.5.08 তত্জাতকরণাধিষ্ঠিতঃ পুরাণং নবং চ রত্নং সারং ফল্গু কুপ্যং বা প্রতিগৃহ্ণীযাত্
02.5.09 তত্র রত্ন উপধাবুত্তমো দণ্ডঃ কর্তুঃ কারযিতুশ্চ সার উপধৌ মধ্যমঃ, ফল্গুকুপ্য উপধৌ তত্ চ তাবত্ চ দণ্ডঃ
02.5.10 রূপদর্শকবিশুদ্ধং হিরণ্যং প্রতিগৃহ্ণীযাত্
02.5.11 অশুদ্ধং ছেদযেত্
02.5.12 আহর্তুঃ পূর্বঃ সাহসদণ্ডঃ
02.5.13 শুদ্ধং পূর্ণং অভিনবং চ ধান্যং প্রতিগৃহ্ণীযাত্
02.5.14 বিপর্যযে মূল্যদ্বিগুণো দণ্ডঃ
02.5.15 তেন পণ্যং কুপ্যং আযুধং চ ব্যাখ্যাতম্
02.5.16 সর্বাধিকরণেষু যুক্ত উপযুক্ততত্পুরুষাণাং পণাদিচতুষ্পণপরমাপহারেষু পূর্বমধ্যম উত্তমবধা দণ্ডাঃ
02.5.17 কোশাধিষ্ঠিতস্য কোশাবচ্ছেদে ঘাতঃ
02.5.18 তদ্বৈযাবৃত্যকরাণাং অর্ধদণ্ডাঃ
02.5.19 পরিভাষণং অবিজ্ঞাতে
02.5.20 চোরাণাং অভিপ্রধর্ষণে চিত্রো ঘাতঃ
02.5.21 তস্মাদ্ আপ্তপুরুবাধিষ্ঠিতঃ সম্নিধাতা নিচযান্ অনুতিষ্ঠেত্
02.5.22a বাহ্যং অভ্যন্তরং চাযং বিদ্যাদ্ বর্ষশতাদ্ অপি .
02.5.22b যথা পৃষ্টো ন সজ্জেত ব্যযে শেষে চ সঞ্চযে ( ইতি)

Chapt | section 24 The setting up of revenue by the administration
02.6.01 সমাহর্তা দুর্গং রাষ্ট্রং খনিং সেতুং বনং ব্রজং বণিক্পথং চাবেক্ষেত
02.6.02 শুল্কং দণ্ডঃ পৌতবং নাগরিকো লক্ষণাধ্যক্ষো মুদ্রাঽধ্যক্ষঃ সুরা সূনা সূত্রং তৈলং ঘৃতং ক্ষারঃ সৌবর্ণিকঃ পণ্যসংস্থা বেশ্যা দ্যূতং বাস্তুকং কারুশিল্পিগণো দেবতাঽধ্যক্ষো দ্বারবহিরিকাঽঽদেযং চ দুর্গম্
02.6.03 সীতা ভাগো বলিঃ করো বণিক্ নদীপালঃ তরো নাবঃ পত্তনং বিবিচিতং বর্তনী রজ্জুশ্চোররজ্জুশ্চ রাষ্ট্রম্
02.6.04 সুবর্ণরজতবজ্রমণিমুক্তাপ্রবালশঙ্খলোহলবণভূমিপ্রস্তররসধাতবঃ খনিঃ
02.6.05 পুষ্পফলবাটষণ্ডকেদারমূলবাপাঃ সেতুঃ
02.6.06 পশুমৃগদ্রব্যহস্তিবনপরিগ্রহো বনম্
02.6.07 গোমহিষং অজাবিকং খর উষ্ত্রং অশ্বাশ্বতরং চ ব্রজঃ
02.6.08 স্থলপথো বারিপথশ্চ বণিক্পথঃ
02.6.09 ইত্যাযশরীরম্
02.6.10 মূল্যং ভাগো ব্যাজী পরিঘঃ ক্ল্প্তম্( ক্লৃপ্তম্) রূপিকং অত্যযশ্চাযমুখম্
02.6.11 দেবপিতৃপূজাদানার্থং, স্বস্তিবাচনং, অন্তঃপুরং, মহানসং, দূতপ্রাবর্তিমং, কোষ্ঠাগারং, আযুধাগারং, পণ্যগৃহং, কুপ্যগৃহং, কর্মান্তো, বিষ্টিঃ, পত্তিঽশ্বরথদ্বিপপরিগ্রহো, গোমণ্ডলং, পশুমৃগপক্ষিব্যালবাটাঃ, কাষ্ঠতৃণবাটাশ্চ ইতি ব্যযশরীরম্
02.6.12 রাজবর্ষং মাসঃ পক্ষো দিবসশ্চ ব্যুষ্টং, বর্ষাহেমন্তগ্রীষ্মাণাং তৃতীযসপ্তমা দিবস ঊনাঃ পক্ষাঃ শেষাঃ পূর্ণাঃ, পৃথগ্ঽধিমাসকঃ, ইতি কালঃ
02.6.13 করণীযং সিদ্ধং শেষং আযব্যযৌ নীবী চ
02.6.14 সংস্থানং প্রচারঃ শরীরাবস্থাপনং আদানং সর্বসমুদযপিণ্ডঃ সঞ্জাতং – এতত্ করণীযম্
02.6.15 কোশার্পিতং রাজহারঃ পুরব্যযশ্চ প্রবিষ্টং পরমসংবত্সরানুবৃত্তং শাসনমুক্তং মুখাজ্ঞপ্তং চাপাতনীযং – এতত্ সিদ্ধম্
02.6.16 সিদ্ধিকর্মযোগঃ দণ্ডশেষং আহরণীযং বলাত্কৃতপ্রতিষ্টব্ধং অবমৃষ্টং চ প্রশোধ্যং – এতত্শেষং, অসারং অল্পসারং চ
02.6.17 বর্তমানঃ পর্যুষিতোঽন্যজাতশ্চাযঃ
02.6.18 দিবসানুবৃত্তো বর্তমানঃ
02.6.19 পরমসাংবত্সরিকঃ পরপ্রচারসঙ্ক্রান্তো বা পর্যুষিতঃ
02.6.20 নষ্টপ্রস্মৃতং আযুক্তদণ্ডঃ পার্শ্বং পারিহীণিকং ঔপাযনিকং ডমরগতকস্বং অপুত্রকং নিধিশ্চান্যজাতঃ
02.6.21 বিক্ষেপব্যাধিতান্তরারম্ভশেষং চ ব্যযপ্রত্যাযঃ
02.6.22 বিক্রিযে পণ্যানাং অর্ঘবৃদ্ধিরুপজা, মান উন্মানবিশেষো ব্যাজী, ক্রযসঙ্ঘর্ষে বার্ধবৃদ্ধিঃ – ইত্যাযঃ
02.6.23 নিত্যো নিত্য উত্পাদিকো লাভো লাভ উত্পাদিক ইতি ব্যযঃ
02.6.24 দিবসানুবৃত্তো নিত্যঃ
02.6.25 পক্ষমাসসংবত্সরলাভো লাভঃ
02.6.26 তযোরুত্পন্নো নিত্য উত্পাদিকো লাভ উত্পাদিক ইতি ব্যযঃ
02.6.27 সঞ্জাতাদ্ আযব্যযবিশুদ্ধা নীবী, প্রাপ্তা চানুবৃত্তা চ
02.6.28ab এবং কুর্যাত্ সমুদযং বৃদ্ধিং চাযস্য দর্শযেত্ .
02.6.28chd হ্রাসং ব্যযস্য চ প্রাজ্ঞঃ সাধযেচ্চ বিপর্যযম্ ( ইতি)

Chapt | The topic of accounts in the records and audit office
02.7.01 অক্ষপটলং অধ্যক্ষঃ প্রান্মুখং উদন্মুখং বা বিভক্ত উপস্থানং নিবন্ধপুস্তকস্থানং কারযেত্
02.7.02 তত্রাধিকরণানাং সঙ্খ্যাপ্রচারসঞ্জাতাগ্রং, কর্মান্তানাং দ্রব্যপ্রযোগবৃদ্ধিক্ষযব্যযপ্রযামব্যাজীযোগস্থানবেতনবিষ্টিপ্রমাণং, রত্নসারফল্গুকুপ্যানাং অর্ঘপ্রতিবর্ণকমানপ্রতিমান উন্মানাবমানভাণ্ডং, দেশগ্রামজাতিকুলসঙ্ঘানাং ধর্মব্যবহারচরিত্রসংস্থানং, রাজ উপজীবিনাং প্রগ্রহপ্রদেশভোগপরিহারভক্তবেতনলাভং, রাজ্ঞশ্চ পত্নীপুত্রাণাং রত্নভূমিলাভং নির্দেশ উত্পাতিকপ্রতীকারলাভং, মিত্রামিত্রাণাং চ সন্ধিবিগ্রহপ্রদানাদানং নিবন্ধপুস্তকস্থং কারযেত্
02.7.03 ততঃ সর্বাধিকরণানাং করণীযং সিদ্ধং শেষং আযব্যযৌ নীবীং উপস্থানং প্রচারং চরিত্রং সংস্থানং চ নিবন্ধেন প্রযচ্ছেত্
02.7.04 উত্তমমধ্যমাবরেষু চ কর্মসু তজ্জাতিকং অধ্যক্ষং কুর্যাত্, সামুদযিকেষ্ববক্লৃপ্তিকম্( অবকৢপ্তিকম্) যং উপহত্য রাজা নানুতপ্যেত
02.7.05 সহগ্রাহিণঃ প্রতিভুবঃ কর্ম উপজীবিনঃ পুত্রা ভ্রাতরো ভার্যা দুহিতরো ভৃত্যাশ্চাস্য কর্মচ্ছেদং বহেযুঃ
02.7.06 ত্রিশতং চতুঃপঞ্চাশত্ চাহোরাত্রাণাং কর্মসংবত্সরঃ
02.7.07 তং আষাঢীপর্যবসানং ঊনং পূর্ণং বা দদ্যাত্
02.7.08 করণাধিষ্ঠিতং অধিমাসকং কুর্যাত্
02.7.09 অপসর্পাধিষ্ঠিতঞ্চ প্রচারম্
02.7.10 প্রচারচরিত্রসংস্থানান্যনুপলভমানো হি প্রকৃতঃ সমুদযং অজ্ঞানেন পরিহাপযতি, উত্থানক্লেশাসহত্বাদ্ আলস্যেন, শব্দাদিষ্বিন্দ্রিযার্থেষু প্রসক্তঃ প্রমাদেন, সঙ্ক্রোশাধর্মানর্থভীরুভাযেন, কার্যার্থিষ্বনুগ্রহবুদ্ধিঃ কামেন, হিংসাবুদ্ধিঃ কোপেন, বিদ্যাদ্রব্যবল্লভাপাশ্রযাদ্ দর্পেণ, তুলামানতর্কগণিতান্তর উপধানাত্ লোভেন
02.7.11 তেষাং আনুপূর্ব্যা যাবান্ অর্থ উপঘাতঃ তাবান্ এক উত্তরো দণ্ডঃ ইতি মানবাঃ
02.7.12 সর্বত্রাষ্টগুণঃ ইতি পারাশরাঃ
02.7.13 দশগুণঃ ইতি বার্হস্পত্যাঃ
02.7.14 বিংশতিগুণঃ ইত্যৌশনসাঃ
02.7.15 যথাঽপরাধং ইতি কৌটিল্যঃ
02.7.16 গাণনিক্যানি আষাঢীং আগচ্ছেযুঃ
02.7.17 আগতানাং সমুদ্রপুস্তকভাণ্ডনীবীকানাং একত্রাসম্ভাষাঽবরোধং কারযেত্
02.7.18 আযব্যযনীবীনাং অগ্রাণি শ্রুত্বা নীবীং অবহারযেত্
02.7.19 যচ্চাগ্রাদ্ আযস্যান্তরপর্ণে নীব্যাং বর্ধেত ব্যযস্য বা যত্ পরিহাপযেত্, তদ্ অষ্টগুণং অধ্যক্ষং দাপযেত্
02.7.20 বিপর্যযে তং এব প্রতি স্যাত্
02.7.21 যথাকালং অনাগতানাং অপুস্তকভাণ্ডনীবীকানাং বা দেযদশবন্ধো দণ্ডঃ
02.7.22 কার্মিকে চ উপস্থিতে কারণিকস্যাপ্রতিবধ্নতঃ পূর্বঃ সাহসদণ্ডঃ
02.7.23 বিপর্যযে কার্মিকস্য দ্বিগুণঃ
02.7.24 প্রচারসমং মহামাত্রাঃ সমগ্রাঃ শ্রাবযেযুরবিষমমন্ত্রাঃ
02.7.25 পৃথগ্ভূতো মিথ্যাবাদী চ এষাং উত্তমং দণ্ডং দদ্যাত্
02.7.26 অকৃতাহোরূপহরং মাসং আকাঙ্ক্ষেত
02.7.27 মাসাদ্ ঊর্ধ্বং মাসদ্বিশত উত্তরং দণ্ডং দদ্যাত্
02.7.28 অল্পশেসলেখ্যনীবীকং পঞ্চরাত্রং আকাঙ্ক্ষেত
02.7.29 ততঃ পরং কোশপূর্বং অহোরূপহরং ধর্মব্যবহারচরিত্রসংস্থানসঙ্কলননির্বর্তনানুমানচারপ্রযোগৈরবেক্ষেত
02.7.30 দিবসপঞ্চরাত্রপক্ষমাসচাতুর্মাস্যসংবত্সরৈশ্চ প্রতিসমানযেত্
02.7.31 ব্যুষ্টদেশকালমুখ উত্পত্তিঽনুবৃত্তিপ্রমাণদাযকদাপকনিবন্ধকপ্রতিগ্রাহকৈশ্চাযং সমানযেত্
02.7.32 ব্যুষ্টদেশকালমুখলাভকারণদেযযোগপ্রমাণাজ্ঞাপক উদ্ধারকবিধাতৃকপ্রতিগ্রাহকৈশ্চ ব্যযং সমানযেত্
02.7.33 ব্যুষ্টদেশকালমুখানুবর্তনরূপলক্ষণপ্রমাণনিক্ষেপভাজনগোপাযকৈশ্চ নীবীং সমানযেত্
02.7.34 রাজার্থে কারণিকস্যাপ্রতিবধ্নতঃ প্রতিষেধযতো বাঽঽজ্ঞাং নিবন্ধাদ্ আযব্যযং অন্যথা নীবীং অবলিখতো দ্বিগুণঃ
02.7.35 ক্রমাবহীনং উত্ক্রমং অবিজ্ঞাতং পুনর্.উক্তং বা বস্তুকং অবলিখতো দ্বাদশপণো দণ্ডঃ
02.7.36 নীবীং অবলিখতো দ্বিগুণঃ
02.7.37 ভক্ষযতোঽষ্টগুণঃ
02.7.38 নাশযতঃ পঞ্চবন্ধঃ প্রতিদানং চ
02.7.39 মিথ্যাবাদে স্তেযদণ্ডঃ
02.7.40 পশ্চাত্প্রতিজ্ঞাতে দ্বিগুণঃ, প্রস্মৃত উত্পন্নে চ
02.7.41ab অপরাধং সহেতাল্পং তুষ্যেদ্ অল্পেঽপি চ উদযে .
02.7.41chd মহা উপকারং চাধ্যক্ষং প্রগ্রহেণাভিপূজযেত্ ( ইতি)

Chapt | Recovery of revenue misappropriated by state employees
02.8.01 কোশপূর্বাঃ সর্বারম্ভাঃ
02.8.02 তস্মাত্ পূর্বং কোশং অবেক্ষেত
02.8.03 প্রচারসমৃদ্ধিশ্চরিত্রানুগ্রহশ্চোরনিগ্রহো যুক্তপ্রতিষেধঃ সস্যসম্পত্ পণ্যবাহুল্যং উপসর্গপ্রমোক্ষঃ পরিহারক্ষযো হিরণ্য উপাযনং ইতি কোশবৃদ্ধিঃ
02.8.04 প্রতিবন্ধঃ প্রযোগো ব্যবহারোঽবস্তারঃ পরিহাপণং উপভোগঃ পরিবর্তনং অপহারশ্চ ইতি কোশক্ষযঃ
02.8.05 সিদ্ধীনাং অসাধনং অনবতারণং অপ্রবেশনং বা প্রতিবন্ধঃ
02.8.06 তত্র দশবন্ধো দণ্ডঃ
02.8.07 কোশদ্রব্যাণাং বৃদ্ধিপ্রযোগাঃ প্রযোগঃ
02.8.08 পণ্যব্যবহারো ব্যবহারঃ
02.8.09 তত্র ফলদ্বিগুণো দণ্ডঃ
02.8.10 সিদ্ধং কালং অপ্রাপ্তং করোতি অপ্রাপ্তং প্রাপ্তং বা ইত্যবস্তারঃ
02.8.11 তত্র পঞ্চবন্ধো দণ্ডঃ
02.8.12 ক্লৃপ্তম্( কৢপ্তম্) আযং পরিহাপযতি ব্যযং বা বিবর্ধযতি ইতি পরিহাপণম্
02.8.13 তত্র হীনচতুর্গুণো দণ্ডঃ
02.8.14 স্বযং অন্যৈর্বা রাজদ্রব্যাণাং উপভোজনং উপভোগঃ
02.8.15 তত্র রত্ন উপভোগে ঘাতঃ, সার উপভোগে মধ্যমঃ সাহসদণ্ডঃ, ফল্গুকুপ্য উপভোগে তচ্চ তাবত্ চ দণ্ডঃ
02.8.16 রাজদ্রব্যাণাং অন্যদ্রব্যেনাদানং পরিবর্তনম্
02.8.17 তদ্ উপভোগেন ব্যাখ্যাতম্
02.8.18 সিদ্ধং আযং ন প্রবেশযতি, নিবদ্ধং ব্যযং ন প্রযচ্ছতি, প্রাপ্তাং নীবীং বিপ্রতিজানীত ইত্যপহারঃ
02.8.19 তত্র দ্বাদশগুণো দণ্ডঃ
02.8.20 তেষাং হরণ উপাযাশ্চত্বারিংশত্
02.8.21a পূর্বং সিদ্ধং পশ্চাদ্ অবতারিতং, পশ্চাত্ সিদ্ধং পূর্বং অবতারিতং, সাধ্যং ন সিদ্ধং, অসাধ্যং সিদ্ধং, সিদ্ধং অসিদ্ধং কৃতং, অসিদ্ধং সিদ্ধং কৃতং, অল্পসিদ্ধং বহু কৃতং, বহুসিদ্ধং অল্পং কৃতং, অন্যত্ সিদ্ধং অন্যত্ কৃতং, অন্যতঃ সিদ্ধং অন্যতঃ কৃতং,
02.8.21b দেযং ন দত্তং, অদেযং দত্তং, কালে ন দত্তং, অকালে দত্তং, অল্পং দত্তং বহু কৃতং, বহু দত্তং অল্পং কৃতং, অন্যদ্ দত্তং অন্যত্ কৃতং, অন্যতো দত্তং অন্যতঃ কৃতং,
02.8.21ch প্রবিষ্টং অপ্রবিষ্টং কৃতং, অপ্রবিষ্টং প্রবিষ্টং কৃতং, কুপ্যং অদত্তমূল্যং প্রবিষ্টং, দত্তমূল্যং ন প্রবিষ্টং
02.8.21d সঙ্ক্ষেপো বিক্ষেপঃ কৃতঃ, বিক্ষেপঃ সঙ্ক্ষেপো বা, মহাঽর্ঘং অল্পার্ঘেণ পরিবর্তিতং, অল্পার্ঘং মহাঽর্ঘেণ বা
02.8.21e সমারোপিতোঽর্ঘঃ, প্রত্যবরোপিতো বা, সংবত্সরো মাসবিষমঃ কৃতঃ, মাসো দিবসবিষমো বা, সমাগমবিষমঃ, মুখবিষমঃ, কার্মিকবিষমঃ
02.8.21f নির্বর্তনবিষমঃ, পিণ্ডবিষমঃ, বর্ণবিষমঃ, অর্ঘবিষমঃ, মানবিষমঃ, মাপনবিষমঃ, ভাজনবিষমঃ – ইতি হরণ উপাযাঃ
02.8.22 তত্র উপযুক্তনিধাযকনিবন্ধকপ্রতিগ্রাহকদাযকদাপকমন্ত্রিবৈযাবৃত্যকরান্ এক একশোঽনুযুঞ্জীত
02.8.23 মিথ্যাবাদে চ এষাং যুক্তসমো দণ্ডঃ
02.8.24 প্রচারে চাবঘোষযেত্ অমুনা প্রকৃতেন উপহতাঃ প্রজ্ঞাপযন্তু ইতি
02.8.25 প্রজ্ঞাপযতো যথা উপঘাতং দাপযেত্
02.8.26 অনেকেষু চাভিযোগেষ্বপব্যযমানঃ সকৃদ্ এব পর উক্তঃ সর্বং ভজেত
02.8.27 বৈষম্যে সর্বত্রানুযোগং দদ্যাত্
02.8.28 মহত্যর্থাপহারে চাল্পেনাপি সিদ্ধঃ সর্বং ভজেত
02.8.29 কৃতপ্রতিঘাতাবস্থঃ সূচকো নিষ্পন্নার্থঃ ষষ্ঠং অংশং লভেত, দ্বাদশং অংশং ভৃতকঃ
02.8.30 প্রভূতাভিযোগাদ্ অল্পনিষ্পত্তৌ নিষ্পন্নস্যাংশং লভেত
02.8.31 অনিষ্পন্নে শারীরং হৈরণ্যং বা দণ্ডং লভেত, ন চানুগ্রাহ্যঃ
02.8.32ab নিষ্পত্তৌ নিক্ষিপেদ্ বাদং আত্মানং বাঽপবাহযেত্ .
02.8.32chd অভিযুক্ত উপজাপাত্ তু সূচকো বধং আপ্নুযাত্ ( ইতি)

Chapt | Inspection of the Rork of officers
02.9.01 অমাত্যসম্পদা উপেতাঃ সর্বাধ্যক্ষাঃ শক্তিতঃ কর্মসু নিযোজ্যাঃ
02.9.02 কর্মসু চ এষাং নিত্যং পরীক্ষাং কারযেত্, চিত্তানিত্যত্বাত্ মনুষ্যানাম্
02.9.03 অশ্বসধর্মাণো হি মনুষ্যা নিযুক্তাঃ কর্মসু বিকুর্বতে
02.9.04 তস্মাত্ কর্তারং করণং দেশং কালং কার্যং প্রক্ষেপং উদযং চ এষু বিদ্যাত্
02.9.05 তে যথাসন্দেশং অসংহতা অবিগৃহীতাঃ কর্মাণি কুর্যুঃ
02.9.06 সংহতা ভক্ষযেযুঃ, বিগৃহীতা বিনাশযেযুঃ
02.9.07 ন চানিবেদ্য ভর্তুঃ কঞ্চিদ্ আরম্ভং কুর্যুঃ, অন্যত্রাপত্প্রতীকারেভ্যঃ
02.9.08 প্রমাদস্থানেষু চ এষাং অত্যযং স্থাপযেদ্ দিবসবেতনব্যযদ্বিগুণম্
02.9.09 যশ্চ এষাং যথাঽঽদিষ্টং অর্থং সবিশেষং বা করোতি স স্থানমানৌ লভেত
02.9.10 অল্পাযতিশ্চেত্ মহাব্যযো ভক্ষযতি
02.9.11 বিপর্যযে যথাঽঽযতিব্যযশ্চ ন ভক্ষযতি ইত্যাচার্যাঃ
02.9.12 অপসর্পেণ এব উপলভ্যেত ইতি কৌটিল্যঃ
02.9.13 যঃ সমুদযং পরিহাপযতি স রাজার্থং ভক্ষযতি
02.9.14 স চেদ্ অজ্ঞানাদিভিঃ পরিহাপযতি তদ্ এনং যথাগুণং দাপযেত্
02.9.15 যঃ সমুদযং দ্বিগুণং উদ্ভাবযতি স জনপদং ভক্ষযতি
02.9.16 স চেদ্ রাজার্থং উপনযত্যল্পাপরাধে বারযিতব্যঃ, মহতি যথাঽপরাধং দণ্ডযিতব্যঃ
02.9.17 যঃ সমুদযং ব্যযং উপনযতি স পুরুষকর্মাণি ভক্ষযতি
02.9.18 স কর্মদিবসদ্রব্যমূল্যপুরুষবেতনাপহারেষু যথাঽপরাধং দণ্ডযিতব্যঃ
02.9.19 তস্মাদ্ অস্য যো যস্মিন্ন্ অধিকরণে শাসনস্থঃ স তস্য কর্মণো যাথাতথ্যং আযব্যযৌ চ ব্যাসসমাসাভ্যাং আচক্ষীত
02.9.20 মূলহরতাদাত্বিককদর্যাংশ্চ প্রতিষেধযেত্
02.9.21 যঃ পিতৃপৈতামহং অর্থং অন্যাযেন ভক্ষযতি স মূলহরঃ
02.9.22 যো যদ্ যদ্ উত্পদ্যতে তত্ তদ্ ভক্ষযতি স তাদাত্বিকঃ
02.9.23 যো ভৃত্যাত্মপীডাভ্যাং উপচিনোত্যর্থং স কদর্যঃ
02.9.24 স পক্ষবাংশ্চেদ্ অনাদেযঃ, বিপর্যযে পর্যাদাতব্যঃ
02.9.25 যো মহত্যর্থসমুদযে স্থিতঃ কদর্যঃ সম্নিধত্তেঽবনিধত্তেঽবস্রাবযতি বা – সম্নিধত্তে স্ববেশ্মনি, অবনিধত্তে পৌরজানপদেষু, অবস্রাবযতি পরবিষযে – তস্য সত্ত্রী মন্ত্রিমিত্রভৃত্যবন্ধুপক্ষং আগতিং গতিং চ দ্রব্যাণাং উপলভেত
02.9.26 যশ্চাস্য পরবিষযে সঞ্চারং কুর্যাত্ তং অনুপ্রবিশ্য মন্ত্রং বিদ্যাত্
02.9.27 সুবিদিতে শত্রুশাসনাপদেশেন এনং ঘাতযেত্
02.9.28 তস্মাদ্ অস্যাধ্যক্ষাঃ সঙ্খ্যাযকলেখকরূপদর্শকনীবীগ্রাহক উত্তরাধ্যক্ষসখাঃ কর্মণি কুর্যুঃ
02.9.29 উত্তরাধ্যক্ষা হস্তিঽশ্বরথারোহাঃ
02.9.30 তেষাং অন্তেবাসিনঃ শিল্পশৌচযুক্তাঃ সঙ্খ্যাযকাদীনাং অপসর্পাঃ
02.9.31 বহুমুখ্যং অনিত্যং চাধিকরণং স্থাপযেত্
02.9.32ab যথা হ্যনাস্বাদযিতুং ন শক্যং জিহ্বাতলস্থং মধু৭ বা বিষং বা .
02.9.32chd অর্থঃ তথা হ্যর্থচরেণ রাজ্ঞঃ স্বল্পোঽপ্যনাস্বাদযিতুং ন শক্যঃ
02.9.33ab মত্স্যা যথাঽন্তঃ সলিলে চরন্তো জ্ঞাতুং ন শক্যাঃ সলিলং পিবন্তঃ .
02.9.33chd যুক্তাঃ তথা কার্যবিধৌ নিযুক্তা জ্ঞাতুং ন শক্যা ধনং আদদানাঃ
02.9.34ab অপি শক্যা গতির্জ্ঞাতুং পততাং খে পতত্রিণাম্ .
02.9.34chd ন তু প্রচ্ছন্নভাবানাং যুক্তানাং চরতাং গতিঃ
02.9.35ab আস্রাবযেচ্চ উপচিতান্ বিপর্যস্যেচ্চ কর্মসু .
02.9.35chd যথা ন ভক্ষযন্ত্যর্থং ভক্ষিতং নির্বমন্তি বা
02.9.36ab ন ভক্ষযন্তি যে ত্বর্থান্ন্যাযতো বর্ধযন্তি চ .
02.9.36chd নিত্যাধিকারাঃ কার্যাঃ তে রাজ্ঞঃ প্রিযহিতে রতাঃ ( ইতি)

Chapt | On edicts
02.10.01 শাসনে শাসনং ইত্যাচক্ষতে
02.10.02 শাসনপ্রধানা হি রাজানঃ, তন্মূলত্বাত্ সন্ধিবিগ্রহযোঃ
02.10.03 তস্মাদ্ অমাত্যসম্পদা উপেতঃ সর্বসমযবিদ্ আশুগ্রন্থশ্চারুঽক্ষরো লেখনবাচনসমর্থো লেখকঃ স্যাত্
02.10.04 সোঽব্যগ্রমনা রাজ্ঞঃ সন্দেশং শ্রুত্বা নিশ্চিতার্থং লেখং বিদধ্যাত্ দেশাইশ্বর্যবংশনামধেয উপচারং ঈশ্বরস্য, দেশনামধেয উপচারং অনীশ্বরস্য
02.10.05ab জাতিং কুলং স্থানবযঃশ্রুতানি কর্ম.ঋদ্ধিশীলান্যথ দেশকালৌ .
02.10.05chd যৌনানুবন্ধং চ সমীক্ষ্য কার্যে লেখং বিদধ্যাত্ পুরুষানুরূপম্
02.10.06 অর্থক্রমঃ সম্বন্ধঃ পরিপূর্ণতা মাধুর্যং ঔদার্যং স্পষ্টত্বং ইতি লেখসম্পত্
02.10.07 তত্র যথাবদ্ অনুপূর্বক্রিযা প্রধানস্যার্থস্য পূর্বং অভিনিবেশ ইত্যর্থক্রমঃ
02.10.08 প্রস্তুতস্যার্থস্যানুপরোধাদ্ উত্তরস্য বিধানং আসমাপ্তেরিতি সম্বন্ধঃ
02.10.09 অর্থপদাক্ষরাণাং অন্যূনাতিরিক্ততা হেতু.উদাহরণদৃষ্টান্তৈরর্থ উপবর্ণনাঽশ্রান্তপদতা ইতি পরিপূর্ণতা
02.10.10 সুখ উপনীতচারুঽর্থশব্দাভিধানং মাধুর্যম্
02.10.11 অগ্রাম্যশব্দাভিধানং ঔদার্যম্
02.10.12 প্রতীতশব্দপ্রযোগঃ স্পষ্টত্বং ইতি
02.10.13 অকারাদযো বর্ণাঃ ত্রিষষ্টিঃ
02.10.14 বর্ণসঙ্ঘাতঃ পদম্
02.10.15 তচ্চতুর্বিধং নামাখ্যাত উপসর্গনিপাতাশ্চ ইতি
02.10.16 তত্র নাম সত্ত্বাভিধাযি
02.10.17 অবিশিষ্টলিঙ্গং আখ্যাতং ক্রিযাবাচি
02.10.18 ক্রিযাবিশেষকাঃ প্রাদয উপসর্গাঃ
02.10.19 অব্যযাশ্চাদযো নিপাতাঃ
02.10.20 পদসমূহো বাক্যং অর্থপরিসমাপ্তৌ
02.10.21 একপদাবরঃ ত্রিপদপরঃ পরপদার্থানুপরোধেন বর্গঃ কার্যঃ
02.10.22 লেখপরিসংহরণার্থ ইতিশব্দো বাচিকং অস্য ইতি চ
02.10.23ab নিন্দা প্রশংসা পৃচ্ছা চ তথাঽঽখ্যানং অথার্থনা .
02.10.23chd প্রত্যাখ্যানং উপালম্ভঃ প্রতিষেধোঽথ চোদনা
02.10.24ab সান্ত্বং অভ্যুপপত্তিশ্চ ভর্ত্সনানুনযৌ তথা .
02.10.24chd এতেষ্বর্থাঃ প্রবর্তন্তে ত্রযোদশসু লেখজাঃ
02.10.25 তত্রাভিজনশরীরকর্মণাং দোষবচনং নিন্দা
02.10.26 গুণবচনং এতেষাং এব প্রশংসা
02.10.27 কথং এতদ্ ইতি পৃচ্ছা
02.10.28 এবম্ ইত্যাখ্যানম্
02.10.29 দেহি ইত্যর্থনা
02.10.30 ন প্রযচ্ছামি ইতি প্রত্যাখ্যানম্
02.10.31 অননুরূপং ভবতঃ ইত্যুপালম্ভঃ
02.10.32 মা কার্ষীঃ ইতি প্রতিষেধঃ
02.10.33 ইদং ক্রিযতাম্ ইতি চোদনা
02.10.34 যোঽহং স ভবান্, যন্ মম দ্রব্যং তদ্ ভবতঃ ইত্যুপগ্রহঃ সান্ত্বম্
02.10.35 ব্যসনসাহায্যং অভ্যুপপত্তিঃ
02.10.36 সদোষং আযতিপ্রদর্শনং অভিভর্ত্সনম্
02.10.37 অনুনযঃ ত্রিবিধোঽর্থকৃতাবতিক্রমে পুরুষাদিব্যসনে চ ইতি
02.10.38ab প্রজ্ঞাপনাজ্ঞাপরিদানলেখাঃ তথা পরীহারনিসৃষ্টিলেখৌ .
02.10.38chd প্রাবৃত্তিকশ্চ প্রতিলেখ এব সর্বত্রগশ্চ ইতি হি শাসনানি
02.10.39ab অনেন বিজ্ঞাপিতং এবং আহ তদ্ দীযতাং চেদ্ যদি তত্ত্বং অস্তি .
02.10.39chd রাজ্ঞঃ সমীপে বরকারং আহ প্রজ্ঞাপনা এষা বিবিধা উপদিষ্টা
02.10.40ab ভর্তুরাজ্ঞা ভবেদ্ যত্র নিগ্রহানুগ্রহৌ প্রতি .
02.10.40chd বিশেষেণ তু ভৃত্যেষু তদ্ঽঅজ্ঞালেখলক্ষণম্
02.10.41ab যথাঽর্হগুণসম্যুক্তা পূজা যত্র উপলক্ষ্যতে .
02.10.41chd অপ্যাধৌ পরিদানে বা ভবতঃ তাবুপগ্রহৌ
02.10.42ab জাতের্বিশেষেষু পরেষু চৈব গ্রামেষু দেশেষু চ তেষু তেষু .
02.10.42chd অনুগ্রহো যো নৃপ্তের্নিদেশাত্ তজ্জ্ঞঃ পরীহার ইতি ব্যবস্যেত্
02.10.43ab নিসৃষ্টিস্থাঽঽপনা কার্যকরণে বচনে তথা .
02.10.43chd এষ বাচিকলেখঃ স্যাদ্ ভবেন্নৈসৃষ্টিকোঽপি বা
02.10.44ab বিবিধাং দৈবসম্যুক্তাং তত্ত্বজাং চৈব মানুষীম্ .
02.10.44chd দ্বিবিধাং তাং ব্যবস্যন্তি প্রবৃত্তিং শাসনং প্রতি
02.10.45ab দৃষ্ট্বা লেখং যথাতত্ত্বং ততঃ প্রত্যনুভাষ্য চ .
02.10.45chd প্রতিলেখো ভবেত্ কার্যো যথা রাজবচঃ তথা
02.10.46ab যত্র ঈশ্বরাংশ্চাধিকৃতাংশ্চ রাজা রক্ষা উপকারৌ পথিকার্থং আহ .
02.10.46chd সর্বত্রগো নাম ভবেত্ স মার্গে দেশে চ সর্বত্র চ বেদিতব্যঃ
02.10.47 উপাযাঃ সাম উপপ্রদানভেদদণ্ডাঃ
02.10.48 তত্র সাম পঞ্চবিধং – গুণসঙ্কীর্তনং, সম্বন্ধ উপাখ্যানং, পরস্পর উপকারসন্দর্শনং, আযতিপ্রদর্শনং, আত্ম উপনিধানং ইতি
02.10.49 তত্রাভিজনশরীরকর্মপ্রকৃতিশ্রুতদ্রব্যাদীনাং গুণগ্রহণং প্রশংসা স্তুতির্গুণসঙ্কীর্তনম্
02.10.50 জ্ঞাতিযৌনমৌখস্রৌবকুলহৃদযমিত্রসঙ্কীর্তনং সম্বন্ধ উপাখ্যানম্
02.10.51 স্বপক্ষপরপক্ষযোরন্যোন্য উপকারসঙ্কীর্তনং পরস্পর উপকারসন্দর্শনম্
02.10.52 অস্মিন্ন্ এবং কৃত ইদং আবযোর্ভবতি ইত্যাশাজননং আযতিপ্রদর্শনম্
02.10.53 যোঽহং স ভবান্, যন্ মম দ্রব্যং তদ্ ভবতা স্বকৃত্যেষু প্রযোজ্যতাম্ ইত্যাত্ম উপনিধানম্ | ইতি
02.10.54 উপপ্রদানং অর্থ উপকারঃ
02.10.55 শঙ্কাজননং নির্ভর্ত্সনং চ ভেদঃ
02.10.56 বধঃ পরিক্লেশোঽর্থহরণং দণ্ডঃ | ইতি
02.10.57 অকান্তির্ব্যাঘাতঃ পুনর্.উক্তং অপশব্দঃ সম্প্লব ইতি লেখদোষঃ
02.10.58 তত্র কালপত্ত্রকং অচারুবিষং অবিরাগাক্ষরত্বং অকান্তিঃ
02.10.59 পূর্বেণ পশ্চিমস্যানুপপত্তির্ব্যাঘাতঃ
02.10.60 উক্তস্যাবিশেষেণ দ্বিতীযং উচ্চারণং পুনর্.উক্তম্
02.10.61 লিঙ্গবচনকালকারকাণাং অন্যথাপ্রযোগোঽপশব্দঃ
02.10.62 অবর্গে বর্গকরণং চাবর্গক্রিযা গুণবিপর্যাসঃ সম্প্লবঃ | ইতি
02.10.63ab সর্বশাস্ত্রাণ্যনুক্রম্য প্রযোগং উপলভ্য চ .
02.10.63chd কৌটিল্যেন নর ইন্দ্রার্থে শাসনস্য বিধিঃ কৃতঃ ( ইতি)

Chapt | Examination of the precious articles to be received into the treasurয্
02.11.01 কোশাধ্যক্ষঃ কোশপ্রবেশ্যং রত্নং সারং ফল্গুং কুপ্যং বা তজ্জাতকরণাধিষ্ঠিতঃ প্রতিগৃহ্ণীযাত্
02.11.02 তাম্রপর্ণিকং পাণ্ড্যকবাটকং পাশিক্যং কৌলেযং চৌর্ণেযং মাহেন্দ্রং কার্দমিকং স্রৌতসীযং হ্রাদীযং হৈমবতং চ মৌক্তিকম্
02.11.03 শুক্তিঃ শঙ্খঃ প্রকীর্ণকং চ যোনযঃ
02.11.04 মসূরকং ত্রিপুটকং কূর্মকং অর্ধচন্দ্রকং কঞ্চুকিতং যমকং কর্তকং খরকং সিক্তকং কামণ্ডলুকং শ্যাবং নীলং দুর্বিদ্ধং চাপ্রশস্তম্
02.11.05 স্থূলং বৃত্তং নিস্তলং ভ্রাজিষ্ণু শ্বেতং গুরু স্নিগ্ধং দেশবিদ্ধং চ প্রশস্তম্
02.11.06 শীর্ষকং উপশীর্ষকং প্রকাণ্ডকং অবঘাটকং তরলপ্রতিবদ্ধং চ ইতি যষ্টিপ্রভেদাঃ
02.11.07 যষ্টীনাং অষ্টসহস্রং ইন্দ্রচ্ছন্দঃ
02.11.08 ততোঽর্ধং বিজযচ্ছন্দঃ
02.11.09 চতুষ্ষষ্টিরর্ধহারঃ
02.11.10 চতুষ্পঞ্চাশদ্ রশ্মিকলাপঃ
02.11.11 দ্বাত্রিংশদ্ গুচ্ছঃ
02.11.12 সপ্তবিংশতির্নক্ষত্রমালা
02.11.13 চতুর্বিংশতিরর্ধগুচ্ছঃ
02.11.14 বিংশতির্মাণবকঃ
02.11.15 ততোঽর্ধং অর্ধমাণবকঃ
02.11.16 এত এব মণিমধ্যাঃ তন্মাণবকা ভবন্তি
02.11.17 একশীর্ষকঃ শুদ্ধো হারঃ
02.11.18 তদ্বত্শেষাঃ
02.11.19 মণিমধ্যোঽর্ধমাণবকঃ
02.11.20 ত্রিফলকঃ ফলকহারঃ, পঞ্চফলকো বা
02.11.21 সূত্রং একাবলী শুদ্ধা
02.11.22 সা এব মণিমধ্যা যষ্টিঃ
02.11.23 হেমমণিচিত্রা রত্নাবলী
02.11.24 হেমমণিমুক্তাঽন্তরোঽপবর্তকঃ
02.11.25 সুবর্ণসূত্রান্তরং সোপানকম্
02.11.26 মণিমধ্যং বা মণিসোপানকম্
02.11.27 তেন শিরোহস্তপাদকটীকলাপজালকবিকল্পা ব্যাখ্যাতাঃ
02.11.28 মণিঃ কৌটোমালেযকঃ পারসমুদ্রকশ্চ
02.11.29 সৌগন্ধিকঃ পদ্মরাগোঽনবদ্যরাগঃ পারিজাতপুষ্পকো বালসূর্যকঃ
02.11.30 বৈডূর্যং উত্পলবর্ণঃ শিরীষপুষ্পক উদকবর্ণো বংশরাগঃ শুকপত্ত্রবর্ণঃ পুষ্যরাগো গোমূত্রকো গোমেদকঃ
02.11.31 ইন্দ্রনীলো নীলাবলীযঃ কলাযপুষ্পকো মহানীলো জম্ব্ব্ঽঅভো জীমূতপ্রভো নন্দকঃ স্রবন্মধ্যঃ
02.11.32 শুদ্ধস্ফটিকো মূলাটবর্ণঃ শীতবৃষ্টিঃ সূর্যকান্তশ্চ | ইতি মণযঃ
02.11.33 ষড্ঽশ্রশ্চতুর্ঽশ্রো বৃত্তো বা তীব্ররাগঃ সংস্থানবান্ অছঃ স্নিগ্ধো গুরুরর্চিষ্মান্ অন্তর্গতপ্রভঃ প্রভাঽনুলেপী চ ইতি মণিগুণাঃ
02.11.34 মন্দরাগপ্রভঃ স-শর্করঃ পুষ্পচ্ছিদ্রঃ খণ্ডো দুর্বিদ্ধো লেখাকীর্ণ ইতি দোষাঃ
02.11.35 বিমলকঃ সস্যকোঽঞ্জনমূলকঃ পিত্তকঃ সুলভকো লোহিতাক্ষো মৃগাশ্মকো জ্যোতীরসকো মালেযকোঽহিচ্ছত্রকঃ কূর্পঃ প্রতিকূর্পঃ সুগন্ধিকূর্পঃ ক্ষীরবকঃ শ্শুক্তিচূর্ণকঃ শিলাপ্রবালকঃ পুলকঃ শুক্লপুলক ইত্যন্তরজাতযঃ
02.11.36 শেষাঃ কাচমণযঃ
02.11.37 সভারাষ্ট্রকং তজ্জমারাষ্ট্রকং কাস্তীররাষ্ট্রকং শ্রীকটনকং মণিমন্তকং ইন্দ্রবানকং চ বজ্রম্
02.11.38 খনিঃ স্রোতঃ প্রকীর্ণকং চ যোনযঃ
02.11.39 মার্জারাক্ষকং শিরীষপুষ্পকং গোমূত্রকং গোমেদকং শুদ্ধস্ফটিকং মূলাটীবর্ণং মণিবর্ণানাং অন্যতমবর্ণং ইতি বজ্রবর্ণাঃ
02.11.40 স্থূলং গুরু প্রহারসহং সমকোটিকং ভাজনলেখি তর্কুভ্রামি ভ্রাজিষ্ণু চ প্রশস্তম্
02.11.41 নষ্টকোণং নিরাশ্রি পার্শ্বাপবৃত্তং চাপ্রশস্তম্
02.11.42 প্রবালকং আলকন্দকং বৈবর্ণিকং চ, রক্তং পদ্মরাগং চ করটগর্ভিণিকাবর্জং ইতি
02.11.43 চন্দনং সাতনং রক্তং ভূমিগন্ধি
02.11.44 গোশীর্ষকং কালতাম্রং মত্স্যগন্ধি
02.11.45 হরিচন্দনং শুকপত্ত্রবর্ণং আম্রগন্ধি, তার্ণসং চ
02.11.46 গ্রামেরুকং রক্তং রক্তকালং বা বস্তমূত্রগন্ধি
02.11.47 দৈবসভেযং রক্তং পদ্মগন্ধি, জাপকং চ
02.11.48 জোঙ্গকং রক্তং রক্তকালং বা স্নিগ্ধং, তৌরূপং চ
02.11.49 মালেযকং পাণ্ডুরক্তম্
02.11.50 কুচন্দনং রূক্ষং অগুরুকালং রক্তং রক্তকালং বা
02.11.51 কালপর্বতকং রক্তকালং অনবদ্যবর্ণং বা
02.11.52 কোশাগারপর্বতকং কালং কালচিত্রং বা
02.11.53 শীত উদকীযং পদ্মাভং কালস্নিগ্ধং বা
02.11.54 নাগপর্বতকং রূক্ষং শৈবলবর্ণং বা
02.11.55 শাকলং কপিলম্ | ইতি
02.11.56 লঘু স্নিগ্ধং অশ্যানং সর্পিঃস্নেহলেপি গন্ধসুখং ত্বগ্ঽনুসার্যনুল্বণং অবিরাগ্যুষ্ণসহং দাহগ্রাহি সুখস্পর্শনং ইতি চন্দনগুণাঃ
02.11.57 অগুরু জোঙ্গকং কালং কালচিত্রং মণ্ডলচিত্রং বা
02.11.58 শ্যামং দোঙ্গকম্
02.11.59 পারসমুদ্রকং চিত্ররূপং উশীরগন্ধি নবমালিকাগন্ধি বা | ইতি
02.11.60 গুরু স্নিগ্ধং পেশলগন্ধি নির্হার্যগ্নিসহং অসম্প্লুতধূমং বিমর্দসহং ইত্যগুরুগুণাঃ
02.11.61 তৈলপর্ণিকং অশোকগ্রামিকং মাংসবর্ণং পদ্মগন্ধি
02.11.62 জোঙ্গকং রক্তপীতকং উত্পলগন্ধি গোমূত্রগন্ধি বা
02.11.63 গ্রামেরুকং স্নিগ্ধং গোমূত্রগন্ধি
02.11.64 সৌবর্ণকুড্যকং রক্তপীতং মাতুলুঙ্গগন্ধি
02.11.65 পূর্ণকদ্বীপকং পদ্মগন্ধি নবনীতগন্ধি বা
02.11.66 ভদ্রশ্রিযং পারলৌহিত্যকং জাতীবর্ণম্
02.11.67 আন্তরবত্যং উশীরবর্ণম্
02.11.68 উভযং কুষ্ঠগন্ধি চ | ইতি
02.11.69 কালেযকঃ স্বর্ণভূমিজঃ স্নিগ্ধপীতকঃ
02.11.70 ঔত্তরপর্বতকো রক্তপীতকঃ ইতি সারাঃ |
02.11.71 পিণ্ডক্বাথধূমসহং অবিরাগি যোগানুবিধাযি চ
02.11.72 চন্দনাগুরুবচ্চ তেষাং গুণাঃ
02.11.73 কান্তনাবকং প্রৈযকং চ উত্তরপর্বতকং চর্ম
02.11.74 কান্তনাবকং মযূরগ্রীবাভম্
02.11.75 প্রৈযকং নীলপীতশ্বেতলেখাবিন্দুচিত্রম্
02.11.76 তদ্.উভযং অষ্টাঙ্গুলাযামম্
02.11.77 বিসী মহাবিসী চ দ্বাদশগ্রামীযে
02.11.78 অব্যক্তরূপা দুহিলিতিকা চিত্রা বা বিসী
02.11.79 পরুষা শ্বেতপ্রাযা মহাবিসী
02.11.80 দ্বাদশাঙ্গুলাযামং উভযম্
02.11.81 শ্যামিকা কালিকা কদলী চন্দ্র উত্তরা শাকুলা চারোহজাঃ
02.11.82 কপিলা বিন্দুচিত্রা বা শ্যামিকা
02.11.83 কালিকা কপিলা কপোতবর্ণা বা
02.11.84 তদ্ উভযং অষ্টাঙ্গুলাযামম্
02.11.85 পরুষা কদলী হস্তাযতা
02.11.86 সা এব চন্দ্রচিত্রা চন্দ্র উত্তরা
02.11.87 কদলীত্রিভাগা শাকুলা কোঠমণ্ডলচিত্রা কৃতকর্ণিকাঽজিনচিত্রা বা | ইতি
02.11.88 সামূরং চীনসী সামূলী চ বাহ্লবেযাঃ
02.11.89 ষট্ত্রিংশদ্ঽঙ্গুলং অঞ্জনবর্ণং সামূরম্
02.11.90 চীনসী রক্তকালী পাণ্ডুকালী বা
02.11.91 সামূলী গোধূমবর্ণা | ইতি
02.11.92 সান্তিনা নলতূলা বৃত্তপৃচ্ছা চৌদ্রাঃ
02.11.93 সাতিনা কৃষ্ণা
02.11.94 নলতূলা নলতূলবর্ণা
02.11.95 কপিলা বৃত্তপুচ্ছা চ ইতি চর্মজাতযঃ |
02.11.96 চর্মণাং মৃদু স্নিগ্ধং বহুলরোম চ শ্রেষ্ঠম্
02.11.97 শুদ্ধং শুদ্ধরক্তং পক্ষরক্তং চাবিকং, খচিতং বানচিত্রং খণ্ডসঙ্ঘাত্যং তন্তুবিচ্ছিন্নং চ
02.11.98 কম্বলঃ কৌচপকঃ কুলমিতিকা সৌমিতিকা তুরগাস্তরণং বর্ণকং তলিচ্ছকং বারবাণঃ পরিস্তোমঃ সমন্তভদ্রকং চাবিকম্
02.11.99 পিচ্ছিলং আর্দ্রং ইব চ সূক্ষ্মং মৃদু চ শ্রেষ্ঠম্
02.11.100 অষ্টপ্রোতিসঙ্ঘাত্যা কৃষ্ণা ভিঙ্গিসী বর্ষবারণং অপসারক ইতি নৈপালকম্
02.11.101 সম্পুটিকা চতুর্ঽশ্রিকা লম্বরা কটবানকং প্রাবরকঃ সত্তলিকা ইতি মৃগরোম
02.11.102 বাঙ্গকং শ্বেতং স্নিগ্ধং দুকূলম্
02.11.103 পৌণ্ড্রকং শ্যামং মণিস্নিগ্ধম্
02.11.104 সৌবর্ণকুড্যকং সূর্যবর্ণং মণিস্নিগ্ধ উদকবানং চতুর্ঽশ্রবানং ব্যামিশ্রবানং চ
02.11.105 এতেষাং একাংশুকং অধ্যর্ধদ্বিত্রিচতুর্ঽংশুকং ইতি
02.11.106 তেন কাশিকং পৌণ্ড্রকং চ ক্ষৌমং ব্যাখ্যাতম্
02.11.107 মাগধিকা পৌণ্ড্রিকা সৌবর্ণকুড্যকা চ পত্ত্র ঊর্ণা
02.11.108 নাগবৃক্ষো লিকুচো বকুলো বটশ্চ যোনযঃ
02.11.109 পীতিকা নাগবৃক্ষিকা
02.11.110 গোধূমবর্ণা লৈকুচী
02.11.111 শ্বেতা বাকুলী
02.11.112 শেষা নবনীতবর্ণা
02.11.113 তাসাং সৌবর্ণকুড্যকা শ্রেষ্ঠা
02.11.114 তযা কৌশেযং চীনপট্টাশ্চ চীনভূমিজা ব্যাখ্যাতাঃ
02.11.115 মাধুরং আপরান্তকং কালিঙ্গং কাশিকং বাঙ্গকং বাত্সকং মাহিষকং চ কার্পাসিকং শ্রেষ্ঠম্ | ইতি
02.11.116 অতঃ পরেষাং রত্নানাং প্রমাণং মূল্যলক্ষণম্ |
02.11.117 জাতিং রূপং চ জানীযান্নিধানং নবকর্ম চ
02.11.118 পুরাণপ্রতিসংস্কারং কর্ম গুহ্যং উপস্করান্ |
02.11.119 দেশকালপরীভোগং হিংস্রাণাং চ প্রতিক্রিযাম্ ( ইতি)

Chapt | Starting ore mines and factories
02.12.01 আকরাধ্যক্ষঃ শুল্বধাতুশাস্ত্ররসপাকমণিরাগজ্ঞঃ তজ্জ্ঞসখো বা তজ্জাতকর্মকর উপকরণসম্পন্নঃ কিট্টমূষাঙ্গারভস্মলিঙ্গং বাঽঽকরং ভূতপূর্বং অভুতপূর্বং বা ভূমিপ্রস্তররসধাতুং অত্যর্থবর্ণগৌরবং উগ্রগন্ধরসং পরীক্ষেত
02.12.02 পর্বতানাং অভিজ্ঞাত উদ্দেশানাং বিলগুহ উপত্যকালযনগূঢখাতেষ্বন্তঃ প্রস্যন্দিনো জম্বূচূততালফলপক্বহরিদ্রাভেদগুড( গূড? ) হরিতালমনঃশিলাক্ষৌদ্রহিঙ্গুলুকপুণ্ডরীকশুকমযূরপত্ত্রবর্ণাঃ সবর্ণ উদকোষধিপর্যন্তাশ্চিক্কণা বিশদা ভারিকাশ্চ রসাঃ কাঞ্চনিকাঃ
02.12.03 অপ্সু নিষ্ঠ্যূতাঃ তৈলবদ্বিসর্পিণঃ ষঙ্কমলগ্রাহিণশ্চ তাম্ররূপ্যযোঃ শতাদ্ উপরি বেদ্ধারঃ
02.12.04 তত্প্রতিরূপকং উগ্রগন্ধরসং শিলাজতু বিদ্যাত্
02.12.05 পীতকাস্তাম্রকাঃ তাম্রপীতকা বা ভূমিপ্রস্তরধাতবো ভিন্না নীলরাজীবন্তো মুদ্গমাষকৃসরবর্ণা বা দধিবিন্দুপিণ্ডচিত্রা হরিদ্রাহরীতকীপদ্মপত্ত্রশৈবলযকৃত্প্লীহানবদ্যবর্ণা ভিন্নাশ্চুঞ্চুবালুকালেখাবিন্দুস্বস্তিকবন্তঃ সুগুলিকা অর্চিষ্মন্তঃ তাপ্যমানা ন ভিদ্যন্তে বহুফেনধূমাশ্চ সুবর্ণধাতবঃ প্রতীবাপার্থাঃ তাম্ররূপ্যবেধনাঃ
02.12.06 শঙ্খকর্পূরস্ফটিকনবনীতকপোতপারাবতবিমলকমযূরগ্রীবাবর্ণাঃ সস্যকগোমেদকগুডমত্স্যণ্ডিকাবর্ণাঃ কোবিদারপদ্মপাটলীকলাযক্ষৌমাতসীপুষ্পবর্ণাঃ স-সীসাঃ সাঞ্জনা বিস্রা ভিন্নাঃ শ্বেতাভাঃ কৃষ্ণাঃ কৃষ্ণাভাঃ শ্বেতাঃ সর্বে বা লেখাবিন্দুচিত্রা মৃদবো ধ্মাযমানা ন স্ফুটন্তি বহুফেনধূমাশ্চ রূপ্যধাতবঃ
02.12.07 সর্বধাতূনাং গৌরববৃদ্ধৌ সত্ত্ববৃদ্ধিঃ
02.12.08 তেষাং অশুদ্ধা মূঢগর্ভা বা তীক্ষ্ণমূত্রক্ষরভাবিতা রাজবৃক্ষবটপীলুগোপিত্তরোচনামহিষখরকরভমূত্রলেণ্ডপিণ্ডবদ্ধাঃ তত্প্রতীবাপাঃ তদ্ঽবলেপা বা বিশুদ্ধাঃ স্রবন্তি
02.12.09 যবমাষতিলপলাশপীলুক্ষারৈর্গোক্ষীরাজক্ষীরৈর্বা কদলীবজ্রকন্দপ্রতীবপো মার্দবকরঃ
02.12.10ab মধুমধুকং অজাপযঃ স-তৈলং ঘৃতগুডকিণ্বযুতং স-কন্দলীকম্ |
02.12.10chd যদ্ অপি শতসহস্রধা বিভিন্নং ভবতি মৃদু ত্রিভিরেব তন্নিষেকৈঃ
02.12.11 গোদন্তশৃঙ্গপ্রতীবাপো মৃদুস্তম্ভনঃ
02.12.12 ভারিকঃ স্নিগ্ধো মৃদুশ্চ প্রস্তরধাতুর্ভূমিভাগো বা পিঙ্গলো হরিতঃ পাটলো লোহিতো বা তাম্রধাতুঃ
02.12.13 কাকমোচকঃ কপোতরোচনাবর্ণঃ শ্বেতরাজিনদ্ধো বা বিস্রঃ সীসধাতুঃ
02.12.14 ঊষরকর্বুরঃ পক্বলোষ্ঠবর্ণো বা ত্রপুধাতুঃ
02.12.15 খরুম্বঃ পাণ্ডুরোহিতঃ সিন্দুবারপুষ্পবর্ণো বা তীক্ষ্ণধাতুঃ
02.12.16 কাকাণ্ডভুজপত্ত্রবর্ণো বা বৈকৃন্তকধাতুঃ
02.12.17 অচ্ছঃ স্নিগ্ধঃ স-প্রভো ঘোষবান্ শীতঃ তীব্রঃ তনুরাগশ্চ মণিধাতুঃ
02.12.18 ধাতুসমুত্থং তজ্জাতকর্মান্তেষু প্রযোজযেত্
02.12.19 কৃতভাণ্ডব্যবহারং একমুখং, অত্যযং চান্যত্র কর্তৃক্রেতৃবিক্রেতৄণাং স্থাপযেত্
02.12.20 আকরিকং অপহরন্তং অষ্টগুণং দাপযেদ্ অন্যত্র রত্নেভ্যঃ
02.12.21 স্তেনং অনিসৃষ্ট উপজীবিনং চ বদ্ধং কর্ম কারযেত্, দণ্ড উপকারিণং চ
02.12.22 ব্যযক্রিযাভারিকং আকরং ভাগেন প্রক্রযেণ বা দদ্যাত্, লাঘবিকং আত্মনা কারযেত্
02.12.23 লোহাধ্যক্ষঃ তাম্রসীসত্রপুবৈকৃন্তকারকূটবৃত্তকংসতাললোহকর্মান্তান্ কারযেত্, লোহভাণ্ডব্যবহারং চ
02.12.24 লক্ষণাধ্যক্ষশ্চতুর্ভাগতাম্রং রূপ্যরূপং তীক্ষ্ণত্রপুসীসাঞ্জনানাং অন্যতমমাষবীজযুক্তং কারযেত্ – পণং অর্ধপণং পাদং, অষ্টভাগং ইতি, পাদাজীবং তাম্ররূপং – মাষকং অর্ধমাষকং কাকণীং অর্ধকাকণীং ইতি
02.12.25 রূপদর্শকঃ পণযাত্রাং ব্যাবহারিকীং কোশপ্রবেশ্যাং চ স্থাপযেত্
02.12.26 রূপিকং অষ্টকং শতং, পঞ্চকং শতং ব্যাজীং, পারীক্ষিকং অষ্টভাগিকং, শতং, পঞ্চবিংশতিপণং অত্যযং চ অন্যত্রকর্তৃক্রেতৃবিক্রেতৃপরীক্ষিতৃভ্যঃ
02.12.27 খন্য্ঽধ্যক্ষঃ শঙ্খবজ্রমণিমুক্তাপ্রবালক্ষারকর্মান্তান্ কারযেত্, পণনব্যবহারং চ
02.12.28 লবণাধ্যক্ষঃ পাকমুক্তং লবণভাগং প্রক্রযং চ যথাকালং সঙ্গৃহ্ণীযাদ্, বিক্রযাচ্চ মূল্যং রূপং ব্যাজীং চ
02.12.29 আগন্তুলবণং ষড্ভাগং দদ্যাত্
02.12.30 দত্তভাগবিভাগস্য বিক্রযঃ, পঞ্চকং শতং ব্যাজীং রূপং রূপিকং চ
02.12.31 ক্রেতা শুল্কং রাজপণ্যচ্ছেদানুরূপং চ বৈধরণং দদ্যাত্, অন্যত্র ক্রেতা ষট্ছতং অত্যযং চ
02.12.32 বিলবণং উত্তমং দণ্ডং দদ্যাদ্, অনিষৃষ্ট উপজীবী চান্যত্র বানপ্রস্থেভ্যঃ
02.12.33 শ্রোত্রিযাঃ তপস্বিনো বিষ্টযশ্চ ভক্তলবণং হরেযুঃ
02.12.34 অতোঽন্যো লবণক্ষারবর্গঃ শুল্কং দদ্যাত্
02.12.35ab এবং মূল্যং চ ভাগং চ ব্যাজীং পরিঘং অত্যযম্ |
02.12.35chd শুল্কং বৈধরণং দণ্ডং রূপং রূপিকং এব চ
02.12.36ab খনিভ্যো দ্বাদশবিধং ধাতুং পণ্যং চ সংহরেত্ |
02.12.36chd এবং সর্বেষু পণ্যেষু স্থাপযেন্ মুখসঙ্গ্রহম্
02.12.37ab আকরপ্রভঃ কোশঃ কোশাদ্ দণ্ডঃ প্রজাযতে |
02.12.37chd পৃথিবী কোশদণ্ডাভ্যাং প্রাপ্যতে কোশভূষণা ( ইতি)

Chapt | Superintendent of gold in the Rorkshop
02.13.01 সুবর্ণাধ্যক্ষঃ সুবর্ণরজতকর্মান্তানাং অসম্বন্ধাবেশনচতুঃশালাং একদ্বারাং অক্ষশালাং কারযেত্
02.13.02 বিশিখামধ্যে সৌবর্ণিকং শিল্পবন্তং অভিজাতং প্রাত্যযিকং চ স্থাপযেত্
02.13.03 জাম্বূনদং শাতকুম্ভং হাটকং বৈণবং শৃঙ্গশুক্তিজং জাতরূপং রসবিদ্ধং আকর উদ্গতং চ সুবর্ণম্
02.13.04 কিঞ্জল্কবর্ণং মৃদু স্নিগ্ধং অনাদি ভ্রাজিষ্ণু চ শ্রেষ্ঠং, রক্তপীতকং মধ্যমং, রক্তং অবরম্
02.13.05 শ্রেষ্ঠানাং পাণ্ডু শ্বেতং চাপ্রাপ্তকম্
02.13.06 তদ্ যেনাপ্রাপ্তকং তচ্চতুর্গুণেন সীসেন শোধযেত্
02.13.07 সীসান্বযেন ভিদ্যমানং শুষ্কপটলৈর্ধ্মাপযেত্
02.13.08 রূক্ষত্বাদ্ ভিদ্যমানং তৈলগোমযে নিSএচযেত্
02.13.09 আকর উদ্গতং সীসান্বযেন ভিদ্যমানং পাকপত্ত্রাণি কৃত্বা গণ্ডিকাসু কুট্টযেত্, কদলীবজ্রকন্দকল্কে বা নিSএচযেত্
02.13.10 তুত্থ উদ্গতং গৌডিকং কাম্বুকং চাক্রবালিকং চ রূপ্যম্
02.13.11 শ্বেতং স্নিগ্ধং মৃদু চ শ্রেষ্ঠম্
02.13.12 বিপর্যযে স্ফোটনং চ দুষ্টম্
02.13.13 তত্সীসচতুর্ভাগেন শোধযেত্
02.13.14 উদ্গতচূলিকং অচ্ছং ভ্রাজিষ্ণু দধিবর্ণং চ শুদ্ধম্
02.13.15 শুদ্ধস্য একো হারিদ্রস্য সুবর্ণো বর্ণকঃ
02.13.16 ততঃ শুল্বকাকণ্য্.উত্তরাপসারিতা আচতুঃসীমান্তাদ্ ইতি ষোডশ বর্ণকাঃ
02.13.17 সুবর্ণং পূর্বং নিকষ্য পশ্চাদ্ বর্ণিকাং নিকষযেত্
02.13.18 সমরাগলেখং অনিম্ন উন্নতে দেশে নিকষিতং, পরিমৃদিতং পরিলীঢং নখান্তরাদ্ বা গৈরিকেণাবচূর্ণিতং উপধিং বিদ্যাত্
02.13.19 জাতিহিঙ্গুলুকেন পুষ্পকাসীসেন বা গোমূত্রভাবিতেন দিগ্ধেনাগ্রহস্তেন সংস্পৃষ্টং সুবর্ণং শ্বেতীভবতি
02.13.20 স-কেসরঃ স্নিগ্ধো মৃদুর্ভাজিষ্ণুশ্চ নিকষরাগঃ শ্রেষ্ঠঃ
02.13.21 কালিঙ্গকঃ তাপীপাষাণো বা মুদ্গবর্ণো নিকষঃ শ্রেষ্ঠঃ
02.13.22 সমরাগী বিক্রযক্রযহিতঃ
02.13.23 হস্তিচ্ছবিকঃ সহরিতঃ প্রতিরাগী বিক্রযহিতঃ
02.13.24 স্থিরঃ পরুষো বিষমবর্ণশ্চাপ্রতিরাগী ক্রযহিতঃ
02.13.25 ছেদশ্চিক্কণঃ সমবর্ণঃ শ্লক্ষ্ণো মৃদুর্ভাজিষ্ণুশ্চ শ্রেষ্ঠঃ
02.13.26 তাপো বহির্ঽন্তশ্চ সমঃ কিঞ্জল্কবর্ণঃ কুরণ্ডকপুষ্পবর্ণো বা শ্রেষ্ঠঃ
02.13.27 শ্যাবো নীলশ্চাপ্রাপ্তকঃ
02.13.28 তুলাপ্রতিমানং পৌতবাধ্যক্ষে বক্ষ্যামঃ
02.13.29 তেন উপদেশেন রূপ্যসুবর্ণং দদ্যাদ্ আদদীত চ
02.13.30 অক্ষশালাং অনাযুক্তো ন উপগচ্ছেত্
02.13.31 অভিগচ্ছন্ন্ উচ্ছেদ্যঃ
02.13.32 আযুক্তো বা সরূপ্যসুবর্ণঃ তেন এব জীযেত
02.13.33 বিচিতবস্ত্রহস্তগুহ্যাঃ কাঞ্চনপৃষতত্বষ্টৃতপনীযকারবো ধ্মাযকচরকপাংসুধাবকাঃ প্রবিশেযুর্নিষ্কসেযুশ্চ
02.13.34 সর্বং চ এষাং উপকরণং অনিষ্ঠিতাশ্চ প্রযোগাঃ তত্র এবাবতিষ্ঠেরন্
02.13.35 গৃহীতং সুবর্ণং ধৃতং চ প্রযোগং করণমধ্যে দদ্যাত্
02.13.36 সাযং প্রাতশ্চ লক্ষিতং কর্তৃকারযিতৃমুদ্রাভ্যাং নিদধ্যাত্
02.13.37 ক্ষেপণো গুণঃ ক্ষুদ্রকং ইতি কর্মাণি
02.13.38 ক্ষেপণঃ কাচার্পণাদীনি
02.13.39 গুণঃ সূত্রবানাদীনি
02.13.40 ঘনং সুষিরং পৃষতাদিযুক্তং ক্ষুদ্রকং ইতি
02.13.41 অর্পযেত্ কাচকর্মণঃ পঞ্চভাগং কাঞ্চনং দশভাগং কটুমানম্
02.13.42 তাম্রপাদযুক্তং রূপ্যং রূপ্যপাদযুক্তং বা সুবর্ণং সংস্কৃতকং, তস্মাদ্ রক্ষেত্
02.13.43 পৃষতকাচকর্মণঃ ত্রযো হি ভাগাঃ পরিভাণ্ডং দ্বৌ বাস্তুকং, চত্বারো বা বাস্তুকং ত্রযঃ পরিভাণ্ডম্
02.13.44 ত্বষ্টৃকর্মণঃ শুল্বভাণ্ডং সমসুবর্ণেন সম্যূহযেত্
02.13.45 রূপ্যভাণ্ডং ঘনং সুষিরং বা সুবর্ণার্ধেনাবলেপযেত্
02.13.46 চতুর্ভাগসুবর্ণং বা বালুকাহিঙ্গুলুকস্য রসেন চূর্ণেন বা বাসযেত্ |
02.13.47 তপনীযং জ্যেষ্ঠং সুবর্ণং সুরাগং সমসীসাতিক্রান্তং পাকপত্ত্রপক্বং সৈন্ধবিকযা উজ্জ্বালিতং নীলপীতশ্বেতহরিতশুকপত্ত্রবর্ণানাং প্রকৃতির্ভবতি
02.13.48 তীক্ষ্ণং চাস্য মযূরগ্রীবাভং শ্বেতভঙ্গং চিমিচিমাযিতং পীতচূর্ণিতং কাকণিকঃ সুবর্ণরাগঃ
02.13.49 তারং উপশুদ্ধং বা – অস্থিতুত্থে চতুঃ সমসীসে চতুঃ শুষ্কতুত্থে চতুঃ কপালে ত্রির্গোমযে দ্বিরেবং সপ্তদশতুত্থাতিক্রান্তং সৈন্ধবিকযা উজ্জ্বালিতম্
02.13.50 এতস্মাত্ কাকণ্য্.উত্তরমাদ্ বিমাষাদ্ ইতি সুবর্ণে দেযং, পশ্চাদ্ রাগযোগঃ, শ্বেততারং ভবতি |
02.13.51 ত্রযোঽংশাঃ তপনীযস্য দ্বাত্রিংশদ্ভাগশ্বেততারং ঊর্চ্ছিতাঃ তত্ শ্বেতলোহিতকং ভবতি
02.13.52 তাম্রং পীতকং করোতি
02.13.53 তপনীযং উজ্জ্বাল্য রাগত্রিভাগং দদ্যাত্, পীতরাগং ভবতি
02.13.54 শ্বেততারভাগৌ দ্বাবেকঃ তপনীযস্য মুদ্গবর্ণং করোতি
02.13.55 কালাযসস্যার্ধভাগাভ্যক্তং কৃষ্ণং ভবতি
02.13.56 প্রতিলেপিনা রসেন দ্বিগুণাভ্যক্তং তপনীযং শুকপত্ত্রবর্ণং ভবতি
02.13.57 তস্যারম্ভে রাগবিশেষেষু প্রতিবর্ণিকাং গৃহ্ণীযাত্
02.13.58 তীক্ষ্ণতাম্রসংস্কারং চ বুধ্যেত
02.13.59 তস্মাদ্ বজ্রমণিমুক্তাপ্রবালরূপাণাং অপনেযিমানং চ রূপ্যসুবর্ণভাণ্ডবন্ধপ্রমাণানি চ
02.13.60ab সমরাগং সমদ্বন্দ্বং অসক্তপৃষতং স্থিরম্ |
02.13.60chd সুপ্রমৃষ্টং অসম্পীতং বিভক্তং ধারণে সুখম্
02.13.61ab অভিনীতং প্রভাযুক্তং সংস্থানং অধুরং সমম্ |
02.13.61chd মনোনেত্রাভিরামং চ তপনীযগুণাঃ স্মৃতাঃ ( ইতি)

Chapt | Activity of the goldsmitH in the market-highRaয্
02.14.01 সৌবর্ণিকঃ পৌরজানপদানাং রূপ্যসুবর্ণং আবেশনিভিঃ কারযেত্
02.14.02 নির্দিষ্টকালকার্যং চ কর্ম কুর্যুঃ, অনির্দিষ্টকালং কার্যাপদেশম্
02.14.03 কার্যস্যান্যথাকরণে বেতননাশঃ, তদ্দ্বিগুণশ্চ দণ্ডঃ
02.14.04 কালাতিপাতনে পাদহীনং বেতনং তদ্দ্বিগুণশ্চ দণ্ডঃ
02.14.05 যথাবর্ণপ্রমাণং নিক্ষেপং গৃহ্ণীযুঃ তথাবিধং এবার্পযেযুঃ
02.14.06 কালান্তরাদ্ অপি চ তথাবিধং এব প্রতিগৃহ্ণীযুঃ, অন্যত্র ক্ষীণপরিশীর্ণাভ্যাম্
02.14.07 আবেশনিভিঃ সুবর্ণপুদ্গললক্ষণপ্রযোগেষু তত্তজ্ জানীযাত্
02.14.08 তপ্তকলধৌতকযোঃ কাকণিকঃ সুবর্ণে ক্ষযো দেযঃ
02.14.09 তীক্ষ্ণকাকণী – রূপ্যদ্বিগুণঃ – রাগপ্রক্ষেপঃ, তস্য ষড্ভাগঃ ক্ষযঃ
02.14.10 বর্ণহীনে মাষাবরে পূর্বঃ সাহসদণ্ডঃ, প্রমাণহীনে মধ্যমঃ, তুলাপ্রতিমান উপধাবুত্তমঃ, কৃতভাণ্ড উপধৌ চ
02.14.11 সৌবর্ণিকেনাদৃষ্টং অন্যত্র বা প্রযোগং কারযতো দ্বাদশপণো দণ্ডঃ
02.14.12 কর্তুর্দ্বিগুণঃ স-অপসারশ্চেত্
02.14.13 অনপসারঃ কণ্টকশোধনায নীযেত
02.14.14 কর্তুশ্চ দ্বিশতো দণ্ডঃ পণচ্ছেদনং বা
02.14.15 তুলাপ্রতিমানভাণ্ডং পৌতবহস্তাত্ ক্রীণীযুঃ
02.14.16 অন্যথা দ্বাদশপণো দণ্ডঃ
02.14.17 ঘনং সুষিরং সম্যূহ্যং অবলেপ্যং সঙ্ঘাত্যং বাসিতকং চ কারুকর্ম
02.14.18 তুলাবিষমং অপসারণং বিস্রাবণং পেটকঃ পিঙ্কশ্চ ইতি হরণ উপাযাঃ
02.14.19 সম্নামিন্যুত্কীর্ণিকা ভিন্নমস্তক উপকণ্ঠী কুশিক্যা সকটুকক্ষ্যা পরিবেল্যাঽযস্কান্তা চ দুষ্টতুলাঃ
02.14.20 রূপ্যস্য দ্বৌ ভাগাবেকঃ শুল্বস্য ত্রিপুটকম্
02.14.21 তেনাকরোদ্ গতং অপসার্যতে তত্ত্রিপুটকাপসারিতম্
02.14.22 শুল্বেন শুল্বাপসারিতং, বেল্লকেন বেল্লকাপসারিতং, শুল্বার্ধসারেণ হেম্না হেমাপসারিতম্
02.14.23 মূকমূষা পূতিকিট্টঃ করটুকমুখং নালী সন্দংশো জোঙ্গনী সুবর্চিকালবণং তদ্ এব সুবর্ণং ইত্যপসারণমার্গাঃ
02.14.24 পূর্বপ্রণিহিতা বা পিণ্ডবালুকা মূষাভেদাদ্ অগ্নিষ্ঠাদ্ উদ্ধ্রিযন্তে
02.14.25 পশ্চাদ্ বন্ধনে আচিতকপত্ত্রপরীক্ষাযাং বা রূপ্যরূপেণ পরিবর্তনং বিস্রাবণং, পিণ্ডবালুকানাং লোহপিণ্ডবালুকাভির্বা
02.14.26 গাঢশ্চাভ্যুদ্ধার্যশ্চ পেটকঃ সম্যূহ্যাবলেপ্যসঙ্ঘাত্যেষু ক্রিযতে
02.14.27 সীসরূপং সুবর্ণপত্ত্রেণাবলিপ্তং অভ্যন্তরং অষ্টকেন বদ্ধং গাঢপেটকঃ
02.14.28 স এব পটলসম্পুটেষ্বভ্যুদ্ধার্যঃ
02.14.29 পত্ত্রং আশ্লিষ্টং যমকপত্ত্রং বাঽবলেপ্যেষু ক্রিযতে
02.14.30 শুল্বং তারং বা গর্ভঃ পত্ত্রাণাং সঙ্ঘাত্যেষু ক্রিযতে
02.14.31 শুল্বরূপং সুবর্ণপত্ত্রসংহতং প্রমৃষ্টং সুপার্শ্বং, তদ্ এব যমকপত্ত্রসংহতং প্রমৃষ্টং তাম্রতাররুপং চ উত্তরবর্ণকঃ
02.14.32 তদ্ উভযং তাপনিকষাভ্যাং নিহ্শব্দ উল্লেখনাভ্যাং বা বিদ্যাত্
02.14.33 অভ্যুদ্ধার্যং বদরাম্লে লবণ উদকে বা সাদযন্তি ইতি পেটকঃ
02.14.34 ঘনে সুষিরে বা রূপে সুবর্ণমৃন্মালুকাহিঙ্গুলুককল্পো বা তপ্তোঽবতিষ্ঠতে
02.14.35 দৃঢবাস্তুকে বা রূপে বালুকামিশ্রং জতু গান্ধারপঙ্কো বা তপ্তোঽবতিষ্ঠতে
02.14.36 তযোঃ তাপনং অবধ্বংসনং বা শুদ্ধিঃ
02.14.37 স-পরিভাণ্ডে বা রূপে লবণং উল্কযা কটুশর্করযা তপ্তং অবতিষ্ঠতে
02.14.38 তস্য ক্বাথনং শুদ্ধিঃ
02.14.39 অভ্রপটলং অষ্টকেন দ্বিগুণবাস্তুকে বা রূপে বধ্যতে
02.14.40 তস্যাপিহিতকাচকস্য উদকে নিমজ্জত একদেশঃ সীদতি, পটলান্তরেষু বা সূচ্যা ভিদ্যতে
02.14.41 মণযো রূপ্যং সুবর্ণং বা ঘনসুষিরাণাং পিঙ্কঃ
02.14.42 তস্য তাপনং অবধ্বংসনং বা শুদ্ধিঃ | ইতি পিঙ্কঃ
02.14.43 তস্মাদ্ বজ্রমণিমুক্তাপ্রবালরূপাণাং জাতিরূপবর্ণপ্রমাণপুদ্গললক্ষণান্যুপলভেত
02.14.44 কৃতভাণ্ডপরীক্ষাযাং পুরাণভাণ্ডপ্রতিসংস্কারে বা চত্বারো হরণ উপাযাঃ – পরিকুট্টনং অবচ্ছেদনং উল্লেখনং পরিমর্দনং বা
02.14.45 পেটকাপদেশেন পৃষতং গুণং পিটকাং বা যত্ পরিশাতযন্তি তত্পরিকুট্টনম্
02.14.46 যদ্দ্বিগুণবাস্তুকানাং বা রূপে সীসরূপং প্রক্ষিপ্যাভ্যন্তরং অবচ্ছিন্দন্তি তদ্ অবচ্ছেদনম্
02.14.47 যদ্ ঘনানাং তীক্ষ্ণেন উল্লিখন্তি তদ্ উল্লেখনম্
02.14.48 হরিতালমনঃশিলাহিঙ্গুলুকচূর্ণানাং অন্যতমেন কুরুবিন্দচূর্ণেন বা বস্ত্রং সম্যূহ্য যত্ পরিমৃদ্নন্তি তত্ পরিমর্দনম্
02.14.49 তেন সৌবর্ণরাজতানি ভাণ্ডানি ক্ষীযন্তে, ন চ এষাং কিঞ্চিদ্ অবরুগ্ণং ভবতি
02.14.50 ভগ্নখণ্ডঘৃষ্টানাং সম্যূহ্যানাং সদৃশেনানুমানং কুর্যাত্
02.14.51 অবলেপ্যানাং যাবদ্ উত্পাটিতং তাবদ্ উত্পাট্যানুমানং কুর্যাত্
02.14.52 বিরূপাণাং বা তাপনং উদকপেষণং চ বহুশঃ কুর্যাত্
02.14.53 অবক্ষেপঃ প্রতিমানং অগ্নির্গণ্ডিকা ভণ্ডিকাধিকরণী পিঞ্ছঃ সূত্রং চেল্লং বোল্লনং শির উত্সঙ্গো মক্ষিকা স্বকায ঈক্ষা দৃতিরুদকশরাবং অগ্নিষ্ঠং ইতি কাচং বিদ্যাত্
02.14.54 রাজতানাং বিস্রং মলগ্রাহি পরুষং প্রস্তীনং বিবর্ণং বা দুষ্টং ইতি বিদ্যাত্
02.14.55ab এবং নবং চ জীর্ণং চ বিরূপং চাপি ভাণ্ডকম্ |
02.14.55chd পরীক্ষেতাত্যযং চ এষাং যথা উদ্দিষ্টং প্রকল্পযেত্ ( ইতি)

Chapt | Superintendent of the magashin
02.15.01 কোষ্ঠাগারাধ্যক্ষঃ সীতারাষ্ট্রক্রযিমপরিবর্তকপ্রামিত্যকাপমিত্যকসংহনিকান্যজাতব্যযপ্রত্যায উপস্থানান্যুপলভেত্
02.15.02 সীতাঽধ্যক্ষ উপনীতঃ সস্যবর্ণকঃ সীতা
02.15.03 পিণ্ডকরঃ ষড্ভাগঃ সেনাভক্তং বলিঃ কর উত্সঙ্গঃ পার্শ্বং পারিহীণিকং ঔপাযনিকং কৌষ্ঠেযকং চ রাষ্ট্রম্
02.15.04 ধান্যমূল্যং কোশনির্হারঃ প্রযোগপ্রত্যাদানং চ ক্রযিমম্
02.15.05 সস্যবর্ণানাং অর্ঘান্তরেণ বিনিমযঃ পরিবর্তকঃ
02.15.06 সস্যযাচনং অন্যতঃ প্রামিত্যকম্
02.15.07 তদ্ এব প্রতিদানার্থং আপমিত্যকম্
02.15.08 কুট্টকরোচকসক্তুশুক্তপিষ্টকর্ম তজ্জীবনেষু তৈলপীডনমৌদ্রচাক্রিকেষ্বিক্ষূণাং চ ক্ষারকর্ম সংহনিকা
02.15.09 নষ্টপ্রস্মৃতাদিরন্যজাতঃ
02.15.10 বিক্ষেপব্যাধিতান্তরারম্ভশেষং চ ব্যযপ্রত্যাযঃ
02.15.11 তুলামানান্তরং হস্তপূরণং উত্করো ব্যাজী পর্যুষিতং প্রার্জিতং চ উপস্থানম্ | ইতি
02.15.12 ধান্যস্নেহক্ষারলবণানাং ধান্যকল্পং সীতাঽধ্যক্ষে বক্ষ্যামঃ
02.15.13 সর্পিস্তৈলবসামজ্জানঃ স্নেহাঃ
02.15.14 ফাণিতগুডমত্স্যণ্ডিকাখণ্ডশর্করাঃ ক্ষারবর্গঃ
02.15.15 সৈন্ধবসামুদ্রবিডযবক্ষারসৌবর্চল উদ্ভেদজা লবণবর্গঃ
02.15.16 ক্ষৌদ্রং মার্দ্বীকং চ মধু
02.15.17 ইক্ষুরসগুডমধুফাণিতজাম্ববপনসানাং অন্যতমো মেষশৃঙ্গীপিপ্পলীক্বাথাভিষুতো মাসিকঃ ষাণ্মাসিকঃ সাংবত্সরিকো বা চিদ্ভিটোর্বারুক ইক্ষুকাণ্ডাম্রফলামলকাবসুতঃ শুদ্ধো বা শুক্তবর্গঃ
02.15.18 বৃক্ষাম্লকরমর্দাম্রবিদলামলকমাতুলুঙ্গকোলবদরসৌবীরকপরূষকাদিঃ ফলাম্লবর্গঃ
02.15.19 দধিধান্যাম্লাদির্দ্রবাম্লবর্গঃ
02.15.20 পিপ্পলীমরিচশৃঙ্গিবেরাঽজাজীকিরাততিক্তগৌরসর্ষপকুস্তুম্বুরুচোরকদমনকমরুবকশিগ্রুকাণ্ডাদিঃ কটুকবর্গঃ
02.15.21 শুষ্কমত্স্যমাংসকন্দমূলফলশাকাদি চ শাকবর্গঃ
02.15.22 ততোঽর্ধং আপদ্ঽর্থং জানপদানাং স্থাপযেদ্, অর্ধং উপযুঞ্জীত
02.15.23 নবেন চানবং শোধযেত্
02.15.24 ক্ষুণ্ণঘৃষ্টপিষ্টভৃষ্টানাং আর্দ্রশুষ্কসিদ্ধানাং চ ধান্যানাং বৃদ্ধিক্ষযপ্রমাণানি প্রত্যক্ষীকুর্বীত
02.15.25 কোদ্রবব্রীহীণাং অর্ধং সারঃ, শালীনাং অর্ধভাগ ঊনঃ, ত্রিভাগ ঊনো বরকাণাম্
02.15.26 প্রিযঙ্গূণাং অর্ধং সারো নবভাগবৃদ্ধিশ্চ
02.15.27 উদারকঃ তুল্যঃ, যবা গোধূমাশ্চ ক্ষুণ্ণাঃ, তিলা যবা মুদ্গমাষাশ্চ ঘৃষ্টাঃ
02.15.28 পঞ্চভাগবৃদ্ধির্গোধূমঃ, সক্তবশ্চ
02.15.29 পাদ ঊনা কলাযচমসী
02.15.30 মুদ্গমাষাণাং অর্ধপাদ ঊনা
02.15.31 শৌম্ব্যানাং অর্ধং সারঃ, ত্রিভাগ ঊনো মসূরাণাম্
02.15.32 পিষ্টং আমং কুল্মাষাশ্চাধ্যর্ধগুণাঃ
02.15.33 দ্বিগুণো যাবকঃ, পুলাকঃ, পিষ্টং চ সিদ্ধম্
02.15.34 কোদ্রববরক উদারকপ্রিযঙ্গূণাং ত্রিগুণং অন্নং, চতুর্গুণং ব্রীহীণাং, পঞ্চগুণং শালীনাম্
02.15.35 তিমিতং অপরান্নং দ্বিগুণং, অর্ধাধিকং বিরূঢানাম্
02.15.36 পঞ্চভাগবৃদ্ধির্ভৃষ্টানাম্
02.15.37 কলাযো দ্বিগুণঃ, লাজা ভরুজাশ্চ
02.15.38 ষট্কং তৈলং অতসীনাম্
02.15.39 নিম্বকুশাম্রকপিত্থাদীনাং পঞ্চভাগঃ
02.15.40 চতুর্ভাগিকাঃ তিলকুসুম্ভমধূক ইঙ্গুদীস্নেহাঃ
02.15.41 কার্পাসক্ষৌমাণাং পঞ্চপলে পলং সূত্রম্
02.15.42 পঞ্চদ্রোণে শালীনাং দ্বাদশাঢকং তণ্ডুলানাং কলভভোজনং, একাদশকং ব্যালানাং, দশকং ঔপবাহ্যানাং নবকং সাম্নাহ্যানাং, অষ্টকং পত্তীনাং, সপ্তকং মুখ্যানাং, ষট্কং দেবীকুমারাণাং, পঞ্চকং রাজ্ঞাং, অখণ্ডপরিশুদ্ধানাং বা তুঅণ্ডুলানাং প্রস্থঃ
02.15.43 তণ্ডুলানাং প্রস্থঃ চতুর্ভাগঃ সূপঃ সূপষোডশো লবণস্যাংশঃ চতুর্ভাগঃ সর্পিষঃ তৈলস্য বা একং আর্যভক্তং পুংসঃ
02.15.44 ষড্ভাগঃ সূপঃ অর্ধস্নেহং অবরাণাম্
02.15.45 পাদ ঊনং স্ত্রীণাম্
02.15.46 অর্ধং বালানাম্
02.15.47 মাংসপলবিংশত্যা স্নেহার্ধকুডুবঃ পলিকো লবণস্যাংশঃ ক্ষারপলযোগো দ্বিধরণিকঃ কটুকযোগো দধ্নুশ্চার্ধপ্রস্থঃ
02.15.48 তেন উত্তরং ব্যাখ্যাতম্
02.15.49 শাকানাং অধ্যর্ধগুণঃ, শুষ্কাণাং দ্বিগুণঃ, স চৈব যোগঃ
02.15.50 হস্ত্য্ঽশ্বযোঃ তদ্ঽধ্যক্ষে বিধাপ্রমাণং বক্ষ্যামঃ
02.15.51 বলীবর্দানাং মাষদ্রোণং যবানাং বা পুলাকঃ, শেষং অশ্ববিধানম্
02.15.52 বিশেষো ঘাণপিণ্যাকতুলা, কণকুণ্ডকং দশাঢকং বা
02.15.53 দ্বিগুণং মহিষ উষ্ট্রাণাম্
02.15.54 অর্ধদ্রোণং খরপৃষতরোহিতানাম্
02.15.55 আঢকং এণকুরঙ্গাণাম্
02.15.56 অর্ধাঢকং অজ এডকবরাহাণাং, দ্বিগুণং বা কণকুণ্ডকম্
02.15.57 প্রস্থোদনঃ শুনাম্
02.15.58 হংসক্রৌঞ্চমযূরাণাং অর্ধপ্রস্থঃ
02.15.59 শেষাণাং অতো মৃগপশুপক্ষিব্যালানাং একভক্তাদ্ অনুমানং গ্রাহযেত্
02.15.60 অঙ্গারাংঃ তুষান্ লোহকর্মান্তভিত্তিলেপ্যানাং হারযেত্
02.15.61 কণিকা দাসকর্মকরসূপকারাণাং, অতোঽন্যদ্ ঔদনিকাপূপিকেভ্যঃ প্রযচ্ছেত্
02.15.62 তুলামানভাণ্ডং রোচনীদৃষন্মুসল উলূখলকুট্টকরোচকযন্ত্রপত্ত্রকশূর্পচালনিকাকণ্ডোলীপিটকসম্মার্জন্যশ্চ উপকরণানি
02.15.63 মার্জকরক্ষকধরকমাযকমাপকদাযকদাপকশলাকাপ্রতিগ্রাহকদাসকর্মকরবর্গশ্চ বিষ্টিঃ
02.15.64ab উচ্চৈর্ধান্যস্য নিক্ষেপো মূতাঃ ক্ষারস্য সংহতাঃ |
02.15.64chd মৃত্কাষ্ঠকোষ্ঠাঃ স্নেহস্য পৃথিবী লবণস্য চ ( ইতি)

Chapt | Director of trade
02.16.01 পণ্যাধ্যক্ষঃ স্থলজলজানাং নানাবিধানাং পণ্যানাং স্থলপথবারিপথ উপযাতানাং সারফল্গ্ব্ঽর্ঘান্তরং প্রিযাপ্রিযতাং চ বিদ্যাত্, তথা বিক্ষেপসঙ্ক্ষেপক্রযবিক্রযপ্রযোগকালান্
02.16.02 যচ্চ পণ্যং প্রচুরং স্যাত্ তদ্ একীকৃত্যার্ঘং আরোপযেত্
02.16.03 প্রাপ্তেঽর্ঘে বাঽর্ঘান্তরং কারযেত্
02.16.04 স্বভূমিজানাং রাজপণ্যানাং একমুখং ব্যবহারং স্থাপযেত্, পরভূমিজানাং অনেকমুখম্
02.16.05 উভযং চ প্রজানাং অনুগ্রহেণ বিক্রাপযেত্
02.16.06 স্থূলং অপি চ লাভং প্রজানাং ঔপঘাতিকং বারযেত্
02.16.07 অজস্রপণ্যানাং কাল উপরোধং সঙ্কুলদোষং বা ন উত্পাদযেত্
02.16.08 বহুমুখং বা রাজপণ্যং বৈদেহকাঃ কৃতার্ঘং বিক্রীণীরন্
02.16.09 ছেদানুরূপং চ বৈধরণং দদ্যুঃ
02.16.10 ষোডশভাগো মানব্যাজী, বিংশতিভাগঃ তুলামানং, গণ্যপণ্যানাং একাদশভাগঃ
02.16.11 পরভূমিজং পণ্যং অনুগ্রহেণাবাহযেত্
02.16.12 নাবিকসার্থবাহেভ্যশ্চ পরিহারং আযতিক্ষমং দদ্যাত্
02.16.13 অনভিযোগশ্চার্থেষ্বাগন্তূনাং, অন্যত্র সভ্যা উপকারিভ্যঃ
02.16.14 পণ্যাধিষ্ঠাতারঃ পণ্যমূল্যং একমুখং কাষ্ঠদ্রোণ্যাং একচ্ছিদ্রাপিধানাযাং নিদধ্যুঃ
02.16.15 অহ্নশ্চাষ্টমে ভাগে পণ্যাধ্যক্ষস্যার্পযেযুঃ – ইদং বিক্রীতং, ইদং শেষম্ ইতি
02.16.16 তুলামানভাণ্ডং চার্পযেযুঃ
02.16.17 ইতি স্ববিষযে ব্যাখ্যাতম্
02.16.18 পরবিষযে তু – পণ্যপ্রতিপণ্যযোরর্ঘং মূল্যং চাগময্য শুল্কবর্তন্যাঽঽতিবাহিকগুল্মতরদেযভক্তভাগব্যযশুদ্ধং উদযং পশ্যেত্
02.16.19 অসত্যুদযে ভাণ্ডনির্বহণেন পণ্যপ্রতিপণ্যানযনেন বা লাভং পশ্যেত্
02.16.20 ততঃ সারপাদেন স্থলব্যবহারং অধ্বনা ক্ষেমেণ প্রযোজযেত্
02.16.21 অটব্য্ঽন্তপালপুররাষ্ট্রমুখ্যৈশ্চ প্রতিসংসর্গং গচ্ছেদ্ অনুগ্রহার্থম্
02.16.22 আপদি সারং আত্মানং বা মোক্ষযেত্
02.16.23 আত্মনো বা ভূমিং প্রাপ্তঃ সর্বদেযবিশুদ্ধং ব্যবহরেত
02.16.24 বারিপথে বা যানভাগকপথ্য্ঽদনপণ্যপ্রতিপণ্যার্ঘপ্রমাণযাত্রাকালভযপ্রতীকারপণ্যপত্তনচারিত্রাণ্যুপলভেত
02.16.25ab নদীপথে চ বিজ্ঞায ব্যবহারং চরিত্রতঃ |
02.16.25chd যতো লাভঃ ততো গচ্ছেদ্ অলাভং পরিবর্জযেত্ ( ইতি)

Chapt | Director of forest produce
02.17.01 কুপ্যাধ্যক্ষো দ্রব্যবনপালৈঃ কুপ্যং আনাযযেত্
02.17.02 দ্রব্যবনকর্মান্তাংশ্চ প্রযোজযেত্
02.17.03 দ্রব্যবনচ্ছিদ্রাং চ দেযং অত্যযং চ স্থাপযেদ্ অন্যত্রাপদ্ভ্যঃ
02.17.04 কুপ্যবর্গঃ – শাকতিনিশধন্বনার্জুনমধূকতিলকসালশিংশপাঽরিমেদরাজাদনশিরীষখদিরসরলতালসর্জাশ্বকর্ণসোমবল্ককুশাম্রপ্রিযকধবাদিঃ সারদারুবর্গঃ
02.17.05 উটজচিমিযচাপবেণুবংশসাতিনকণ্টকভাল্লূকাদির্বেণুবর্গঃ
02.17.06 বেত্রশীকবল্লীবাশীশ্যামলতানাগলতাঽঽদির্বল্লীবর্গঃ
02.17.07 মালতীমূর্বাঽর্কশণগবেধুকাঽতস্য্ঽঅদির্বল্কবর্গঃ
02.17.08 মুঞ্জবল্বজাদি রজ্জুভাণ্ডম্
02.17.09 তালীতালভূর্জানাং পত্ত্রম্
02.17.10 কিংশুককুসুম্ভকুঙ্কুমানাং পুষ্পম্
02.17.11 কন্দমূলফলাদিরৌষধবর্গঃ
02.17.12 কালকূটবত্সনাভহালাহলমেষশৃঙ্গমুস্তাকুষ্ঠমহাবিষবেল্লিতকগৌরার্দ্রবালকমার্কটহৈমবতকালিঙ্গকদারদকাঙ্কোলসারক উষ্ট্রকাদীনি বিষাণি, সর্পাঃ কীটাশ্চ ত এব কুম্ভগতাঃ বিষবর্গঃ
02.17.13 গোধাসেরকদ্বীপ্য্.ঋক্ষশিংশুমারসিংহব্যাঘ্রহস্তিমহিষচমরসৃমরখড্গগোমৃগগবযানাং চর্মাস্থিপিত্তস্নায্ব্ঽক্ষিদন্তশৃঙ্গখুরপুচ্ছানি, অন্যেষাং বাঽপি মৃগপশুপক্ষিব্যালানাম্
02.17.14 কালাযসতাম্রবৃত্তকংসসীসত্রপুবৈকৃন্তকারকূটানি লোহানি
02.17.15 বিদলমৃত্তিকামযং ভাণ্ডম্
02.17.16 অঙ্গারতুষভস্মানি, মৃগপশুপক্ষিব্যালবাটাঃ কাষ্ঠতৃণবাটাশ্চ | ইতি
02.17.17ab বহিরন্তশ্চ কর্মান্তা বিভক্তাঃ সার্বভাণ্ডিকাঃ |
02.17.17chd আজীবপুররক্ষাঽর্থাঃ কার্যাঃ কুপ্য উপজীবিনা ( ইতি)

Chapt | Superintendent of the armourয্
02.18.01 আযুধাগারাধ্যক্ষঃ সাঙ্গ্রামিকং দৌর্গকর্মিকং পরপুরাভিঘাতিকং চ যন্ত্রং আযুধং আবরণং উপকরণং চ তজ্জাতকারুশিল্পিভিঃ কৃতকর্মপ্রমাণকালবেতনফলনিষ্পত্তিভিঃ কারযেত্, স্বভূমিষু চ স্থাপযেত্
02.18.02 স্থানপরিবর্তনং আতপপ্রবাতপ্রদানং চ বহুশঃ কুর্যাত্
02.18.03 ঊষ্ম উপস্নেহক্রিমিভিরুপহন্যমানং অন্যথা স্থাপযেত্
02.18.04 জাতিরূপলক্ষণপ্রমাণাগমমূল্যনিক্ষেপৈশ্চ উপলভেত
02.18.05 সর্বতোভদ্রজামদগ্ন্যবহুমুখবিশ্বাসঘাতিসঙ্ঘাটীযানকপর্জন্যকবাহু.ঊর্ধ্ববাহ্ব্ঽর্ধবাহূনি স্থিতযন্ত্রাণি
02.18.06 পাঞ্চালিকদেবদণ্ডসূকরিকামুসলযষ্টিহস্তিবারকতালবৃন্তমুদ্গরগদাস্পৃক্তলাকুদ্দালাস্ফাটিম উত্পাটিম উদ্ঘাটিমশতঘ্নিত্রিশূলচক্রাণি চলযন্ত্রাণি
02.18.07 শক্তিপ্রাসকুন্তহাটকভিণ্ডিপালশূলতোমরবরাহকর্ণকণযকর্পণত্রাসিকাদীনি চ হুলমুখানি
02.18.08 তালচাপদারবশার্ঙ্গাণি কার্মুককোদণ্ডদ্রূণা ধনূংষি
02.18.09 মূর্বাঽর্কশনগবেধুবেণুস্নাযূনি জ্যাঃ
02.18.10 বেণুশরশলাকাদণ্ডাসননারাচাশ্চ ইষবঃ
02.18.11 তেষাং মুখানি ছেদনভেদনতাডনান্যাযসাস্থিদারবাণি
02.18.12 নিস্ত্রিংশমণ্ডলাগ্রাসিযষ্টযঃ খড্গাঃ
02.18.13 খড্গমহিষবারণবিষাণদারুবেণুমূলানি ত্সরবঃ
02.18.14 পরশুকুঠারপট্টসখনিত্রকুদ্দালক্রকচকাণ্ডচ্ছেদনাঃ ক্ষুরকল্পাঃ
02.18.15 যন্ত্রগোষ্পণমুষ্টিপাষাণরোচনীদৃষদশ্চাশ্মাযুধানি
02.18.16 লোহজালিকাপট্টকবচসূত্রকঙ্কটশিংশুমারকখড্গিধেনুকহস্তিগোচর্মখুরশৃঙ্গসঙ্ঘাতং বর্মাণি
02.18.17 শিরস্ত্রাণকণ্ঠত্রাণকূর্পাসকঞ্চুকবারবাণপট্টনাগ উদরিকাঃ পেটীচর্মহস্তিকর্ণতালমূলধমনিকাকপাটকিটিকাঽপ্রতিহতবলাহকান্তাশ্চাবরণাণি
02.18.18 হস্তিরথবাজিনাং যোগ্যাভাণ্ডং আলঙ্কারিকং সম্নাহকল্পনাশ্চ উপকরণানি
02.18.19 ঐন্দ্রজালিকং ঔপনিষদিকং চ কর্ম
02.18.20ab কর্মান্তানাং চ – ইচ্ছাং আরম্ভনিষ্পত্তিং প্রযোগং ব্যাজং উদ্দযম্ |
02.18.20chd ক্ষযব্যযৌ চ জানীযাত্ কুপ্যানাং আযুধ ঈশ্বরঃ ( ইতি)

Chapt | Standardization of Rights and measures
02.19.01 পৌতবাধ্যক্ষঃ পৌতবকর্মান্তান্ কারযেত্
02.19.02 ধান্যমাষা দশ সুবর্ণমাষকঃ, পঞ্চ বা গুঞ্জাঃ
02.19.03 তে ষোডশ সুবর্ণঃ কর্ষো বা
02.19.04 চতুষ্কর্ষং পলম্
02.19.05 অষ্টাশীতির্গৌরসর্ষপা রূপ্যমাষকঃ
02.19.06 তে ষোডশ ধরণং, শৌম্ব্যানি বা বিংশতিঃ
02.19.07 বিংশতিতণ্ডুলং বজ্রধরণম্
02.19.08 অর্ধমাষকঃ মাষকঃ দ্বৌ চত্বারঃ অষ্টৌ মাষকাঃ সুবর্ণো দ্বৌ চত্বারঃ, অষ্টৌ সুবর্ণাঃ দশ বিংশতিঃ ত্রিংশত্ চত্বারিংশত্ শতং ইতি
02.19.09 তেন ধরণানি ব্যাখ্যাতানি
02.19.10 প্রতিমানান্যযোমযানি মাগধমেকলশৈলমযানি যানি বা ন উদকপ্রদেহাভ্যাং বৃদ্ধিং গচ্ছেযুরুষ্ণেন বা হ্রাসম্
02.19.11 ষডঙ্গুলাদ্ ঊর্ধ্বং অষ্টাঙ্গুল উত্তরা দশ তুলাঃ কারযেত্ লোহপলাদ্ ঊর্ধ্বং একপল উত্তরাঃ, যন্ত্রং উভযতঃশিক্যং বা
02.19.12 পঞ্চত্রিংশত্পললোহাং দ্বিসপ্তত্য্ঽঙ্গুলাযামাং সমবৃত্তাং কারযেত্
02.19.13 তস্যাঃ পঞ্চপলিকং মণ্ডলং বদ্ধ্বা সমকরণং কারযেত্
02.19.14 ততঃ কর্ষ উত্তরং পলং পল উত্তরং দশপলং দ্বাদশ পঞ্চদশ বিংশতিরিতি পদানি কারযেত্
02.19.15 তত আশতাদ্ দশ উত্তরং কারযেত্
02.19.16 অক্ষেষু নান্দীপিনদ্ধং কারযেত্
02.19.17 দ্বিগুণলোহাং তুলাং অতঃ ষণ্ণবত্য্ঽঙ্গুলাযামাং পরিমাণীং কারযেত্
02.19.18 তস্যাঃ শতপদাদ্ ঊর্ধ্বং বিংশতিঃ পঞ্চাশত্ শতং ইতি পদানি কারযেত্
02.19.19 বিংশতিতৌলিকো ভারঃ
02.19.20 দশধারণিকং পলম্
02.19.21 তত্পলশতং আযমানী
02.19.22 পঞ্চপলাবরা ব্যাবহারিকী ভাজন্যন্তঃপুরভাজনী চ
02.19.23 তাসাং অর্ধধরণাবরং পলং, দ্বিপলাবরং উত্তরলোহং, ষড্ঽঙ্গুলাবরাশ্চাযামাঃ
02.19.24 পূর্বযোঃ পঞ্চপলিকঃ প্রযামো মাংসলোহলবণমণিবর্জম্
02.19.25 কাষ্ঠতুলা অষ্টহস্তা পদবতী প্রতিমানবতী মযূরপদাধিষ্ঠিতা
02.19.26 কাষ্ঠপঞ্চবিংশতিপলং তণ্ডুলপ্রস্থসাধনম্
02.19.27 এষ প্রদেশো বহ্ব্ঽল্পযোঃ
02.19.28 ইতি তুলাপ্রতিমানং ব্যাখ্যাতম্
02.19.29 অথ ধান্যমাষদ্বিপলশতং দ্রোণং আযমানং, সপ্তাশীতিপলশতং অর্ধপলং চ ব্যাবহারিকং, পঞ্চসপ্ততিপলশতং ভাজনীযং, দ্বিষষ্টিপলশতং অর্ধপলং চান্তঃপুরভাজনীযম্
02.19.30 তেষাং আঢকপ্রস্থকুডুবাশ্চতুর্ভাগাবরাঃ
02.19.31 ষোডশদ্রোণা খারী
02.19.32 বিংশতিদ্রোণিকঃ কুম্ভঃ
02.19.33 কুম্ভৈর্দশভির্বহঃ
02.19.34 শুষ্কসারদারুমযং সমং চতুর্ভাগশিখং মানং কারযেত্, অন্তঃশিখং বা
02.19.35 রসস্য তু সুরাযাঃ পুষ্পফলযোঃ তুষাঙ্গারাণাং সুধাযাশ্চ শিখামানং দ্বিগুণ উত্তরা বৃদ্ধিঃ
02.19.36 স-পাদপণো দ্রোণমূল্যং আঢকস্য পাদ ঊনঃ, ষণ্মাষকাঃ প্রস্থস্য, মাষকঃ কুডুবস্য
02.19.37 দ্বিগুণং রসাদীনাং মানমূল্যম্
02.19.38 বিংশতিপণাঃ প্রতিমানস্য
02.19.39 তুলামূল্যং ত্রিভাগঃ
02.19.40 চতুর্মাসিকং প্রাতিবেধনিকং কারযেত্
02.19.41 অপ্রতিবিদ্ধস্যাত্যযঃ স-পাদঃ সপ্তবিংশতিপণঃ
02.19.42 প্রাতিবেধনিকং কাকণীকং অহরহঃ পৌতবাধ্যক্ষায দদ্যুঃ
02.19.43 দ্বাত্রিংশদ্ভাগঃ তপ্তব্যাজী সর্পিষঃ, চতুঃষষ্টিভাগঃ তৈলস্য
02.19.44 পঞ্চাশদ্ ভাগো মানস্রাবো দ্রবাণাম্
02.19.45 কুডুবার্ধচতুর্ঽষ্টভাগানি মানানি কারযেত্
02.19.46 কুডুবাশ্চতুর্ঽশীতির্বারকঃ সর্পিষো মতঃ
02.19.47 চতুঃষষ্টিঃ তু তৈলস্য পাদশ্চ ঘটিকাঽনযোঃ

Chapt | Measures of space and time
02.20.01 মানাধ্যক্ষ্যো দেশকালমানং বিদ্যাত্
02.20.02 অষ্টৌ পরমাণবো রথচক্রবিপ্রুট্
02.20.03 তা অষ্টৌ লিক্ষা
02.20.04 তা অষ্তৌ যূকা
02.20.05 তা অষ্টৌ যবমধ্যঃ
02.20.06 অষ্টৌ যবমধ্যা অঙ্গুলম্
02.20.07 মধ্যমস্য পুরুষস্য মধ্যমাযা অনুগুল্যা মধ্যপ্রকর্ষো বাঽঙ্গুলম্
02.20.08 চতুর্ঽঙ্গুলো ধনুর্গ্রহঃ
02.20.09 অষ্টাঙ্গুলা ধনুর্মুষ্টিঃ
02.20.10 দ্বাদশাঙ্গুলা বিতস্তিঃ, ছাযাপৌরুষং চ
02.20.11 চতুর্দশাঙ্গুলং শমঃ শলঃ পরীরযঃ পদং চ
02.20.12 দ্বিবিতস্তিররত্নিঃ প্রাজাপত্যো হস্তঃ
02.20.13 স-ধনুর্গ্রহঃ পৌতববিবীতমানম্
02.20.14 স-ধনুর্মুষ্টিঃ কুষ্কুঃ কংসো বা
02.20.15 দ্বিচত্বারিংশদ্ঽঙ্গুলঃ তক্ষ্ণঃ ক্রাকচনিককিষ্কুঃ স্কন্ধাবারদুর্গরাজপরিগ্রহমানম্
02.20.16 চতুষ্পঞ্চাশদ্ঽঙ্গুলঃ কূপ্যবনহস্তঃ
02.20.17 চতুর্ঽশীত্য্ঽঙ্গুলো ব্যামো রজ্জুমানং খাতপৌরুষং চ
02.20.18 চতুর্ঽরত্নির্দণ্ডো ধনুর্নালিকা পৌরুষং চ গার্হপত্যম্
02.20.19 অষ্টশতাঙ্গুলং ধনুঃ পথিপ্রাকারমানং পৌরুষং চাগ্নিচিত্যানাম্
02.20.20 ষট্কংসো দণ্ডো ব্রহ্মদেযাতিথ্যমানম্
02.20.21 দশদণ্ডো রজ্জুঃ
02.20.22 দ্বিরজ্জুকঃ পরিদেশঃ
02.20.23 ত্রিরজ্জুকং নিবর্তনং একতঃ
02.20.24 দ্বিদণ্ডাধিকো বাহুঃ
02.20.25 দ্বিধনুঃসহস্রং গোরুতম্
02.20.26 চতুর্গোরুতং যোজনম্
02.20.27 ইতি দেশমানম্
02.20.28 কালমানং অত ঊর্ধ্বম্
02.20.29 তুটো লবো নিমেষঃ কাষ্ঠা কল্লা নালিকা মুহূর্তঃ পূর্বাপরভাগৌ দিবসো রাত্রিঃ পক্ষো মাস ঋতুরযনং সংবত্সরো যুগং ইতি কালাঃ
02.20.30 দ্বৌ তুটৌ লবঃ
02.20.31 দ্বৌ লবৌ নিমেষঃ
02.20.32 পঞ্চনিমেষাঃ কাষ্ঠাঃ
02.20.33 ত্রিংশত্কাষ্ঠাঃ কলাঃ
02.20.34 চত্বারিংশত্কলাঃ নালিকা
02.20.35 সুবর্ণমাষকাশ্চত্বারশ্চতুর্ঽঙ্গুলাযামাঃ কুম্ভচ্ছিদ্রং আঢকং অম্ভসো বা নালিকা
02.20.36 দ্বিনালিকো মুহূর্তঃ
02.20.37 পঞ্চদশমুহূর্তো দিবসো রাত্রিশ্চ চৈত্রে চাশ্বযুজে চ মাসি ভবতঃ
02.20.38 ততঃ পরং ত্রিভির্মুহূর্তৈরন্যতরঃ ষণ্মাসং বর্ধতে হ্রসতে চ ইতি
02.20.39 ছাযাযাং অষ্টপৌরুষ্যাং অষ্টাদশভাগশ্ছেদঃ, ষট্পৌরুষ্যাং চতুর্দশভাগঃ, ত্রিপৌরুষ্যাং অষ্টভাগঃ, দ্বিপৌরুষ্যাং ষড্ভাগঃ, পৌরুষ্যাং চতুর্ভাগঃ, অষ্টাঙ্গুলাযাং ত্রযো দশভাগাঃ, চতুর্ঽঙ্গুলাযাং ত্রযোঽষ্টভাগাঃ, অচ্ছাযো মধ্যাহ্ন ইতি
02.20.40 পরাবৃত্তে দিবসে শেষং এবং বিদ্যাত্
02.20.41 আষাঢে মাসি নষ্টচ্ছাযো মধ্যাহ্নো ভবতি
02.20.42 অতঃ পরং শ্রাবণাদীনাং ষণ্মাসানাং দ্ব্য্ঽঙ্গুল উত্তরা মাঘাদীনাং দ্ব্য্ঽঙ্গুলাবরা ছাযা ইতি
02.20.43 পঞ্চদশাহোরাত্রাঃ পক্ষঃ
02.20.44 সোমাপ্যাযনঃ শুক্লঃ
02.20.45 সোমাবচ্ছেদনো বহুলঃ
02.20.46 দ্বিপক্ষো মাসঃ
02.20.47 ত্রিংশদ্ঽহোরাত্রঃ কর্মমাসঃ
02.20.48 স-অর্ধঃ সৌরঃ
02.20.49 অর্ধন্যূনশ্চান্দ্রমাসঃ
02.20.50 সপ্তবিংশতির্নাক্ষত্রমাসঃ
02.20.51 দ্বাত্রিংশদ্ বলমাসঃ
02.20.52 পঞ্চত্রিংশদ্ অশ্ববাহাযাঃ
02.20.53 চত্বারিংশদ্ধস্তিবাহাযাঃ
02.20.54 দ্বৌ মাসাবৃতুঃ
02.20.55 শ্রাবণঃ প্রৌষ্ঠপদশ্চ বর্ষাঃ
02.20.56 আশ্বযুজঃ কার্ত্তিকশ্চ শরত্
02.20.57 মার্গশীর্ষঃ পৌষশ্চ হেমন্তঃ
02.20.58 মাঘঃ ফাল্গুনশ্চ শিশিরঃ
02.20.59 চৈত্রো বৈশাখশ্চ বসন্তঃ
02.20.60 জ্যেষ্ঠামূলীয আষাঢশ্চ গ্রীষ্মঃ
02.20.61 শিশিরাদ্যুত্তরাযণম্
02.20.62 বর্ষাদি দক্ষিণাযনম্
02.20.63 দ্ব্য্ঽযনঃ সংবত্সরঃ
02.20.64 পঞ্চসংবত্সরো যুগম্ | ইতি
02.20.65ab দিবসস্য হরত্যর্কঃ ষষ্টিভাগং ঋতৌ ততঃ |
02.20.65chd করোত্যেকং অহশ্ছেদং তথা এব একং চ চন্দ্রমাঃ
02.20.66ab এবং অর্ধতৃতীযানাং অব্দানাং অধিমাসকম্ |
02.20.66chd গ্রীষ্মে জনযতঃ পূর্বং পঞ্চাব্দান্তে চ পশ্চিমম্ ( ইতি)

Chapt | Collector of chostums and tolls
02.21.01 শুল্কাধ্যক্ষঃ শুল্কশালাং ধ্বজং চ প্রান্মুখং উদন্মুখং বা মহাদ্বারাভ্যাশে নিবেশযেত্
02.21.02 শুল্কাদাযিনশ্চত্বারঃ পঞ্চ বা সার্থ উপযাতান্ বণিজো লিখেযুঃ – কে কুতস্ত্যাঃ কিযত্পণ্যাঃ ক্ব চাভিজ্ঞানং মুদ্রা বা কৃতা ইতি
02.21.03 অমুদ্রাণাং অত্যযো দেযদ্বিগুণঃ
02.21.04 কূটমুদ্রাণাং শুল্কাষ্টগুণো দণ্ডঃ
02.21.05 ভিন্নমুদ্রাণাং অত্যযো ঘটিকাস্থানে স্থানম্
02.21.06 রাজমুদ্রাপরিবর্তনে নামকৃতে বা স-পাদপণিকং বহনং দাপযেত্
02.21.07 ধ্বজমূল উপস্থিতস্য প্রমাণং অর্ঘং চ বৈদেহিকাঃ পণ্যস্য ব্রূযুঃ এতত্প্রমাণেনার্ঘেণ পণ্যং ইদং কঃ ক্রেতা ইতি
02.21.08 ত্রিরুদ্ধ উষিতং অর্থিভ্যো দদ্যাত্
02.21.09 ক্রেতৃসঙ্ঘর্ষে মূল্যবৃদ্ধিঃ স-শুল্কা কোশং গচ্ছেত্
02.21.10 শুল্কভযাত্ পণ্যপ্রমাণ মূল্যং বা হীনং ব্রুবতঃ তদ্ অতিরিক্তং রাজা হরেত্
02.21.11 শুল্কং অষ্টগুণং বা দদ্যাত্
02.21.12 তদ্ এব নিবিষ্টপণ্যস্য ভাণ্ডস্য হীনপ্রতিবর্ণকেনার্ঘাপকর্ষণে সারভাণ্ডস্য ফল্গুভাণ্ডেন প্রতিচ্ছাদনে চ কুর্যাত্
02.21.13 প্রতিক্রেতৃভযাদ্ বা পণ্যমূল্যাদ্ উপরি মূল্যং বর্ধযতো মূল্যবৃদ্ধিং রাজা হরেত্, দ্বিগুণং বা শুল্কং কুর্যাত্
02.21.14 তদ্ এবাষ্টগুণং অধ্যক্ষস্যচ্ | ছাদযতঃ
02.21.15 তস্মাদ্ বিক্রযঃ পণ্যানাং ধৃতো মিতো গণিতো বা কার্যঃ, তর্কঃ ফল্গুভাণ্ডানাং আনুগ্রাহিকাণাং চ
02.21.16 ধ্বজমূলং অতিক্রান্তানাং চাকৃতশুল্কানাং শুল্কাদ্ অষ্টগুণো দণ্ডঃ
02.21.17 পথিক উত্পথিকাঃ তদ্ বিদ্যুঃ
02.21.18 বৈবাহিকং অন্বাযনং ঔপাযিকং যজ্ঞকৃত্যপ্রসবনৈমিত্তিকং দেব ইজ্যাচৌল উপনযনগোদানব্রতদীক্ষাঽঽদিষু ক্রিযাবিশেষেষু ভাণ্ডং উচ্ছুল্কং গচ্ছেত্
02.21.19 অন্যথাবাদিনঃ স্তেযদণ্ডঃ
02.21.20 কৃতশুল্কেনাকৃতশুল্কং নির্বাহযতো দ্বিতীযং একমুদ্রযা ভিত্ত্বা পণ্যপুটং অপহরতো বৈদেহকস্য তচ্চ তাবচ্চ দণ্ডঃ
02.21.21 শুল্কস্থানাদ্ গোমযপলালং প্রমাণং কৃত্বাঽপহরত উত্তমঃ সাহসদণ্ডঃ
02.21.22 শস্ত্রবর্মকবচলোহরথরত্নধান্যপশূনাং অন্যতমং অনির্বাহ্যং নির্বাহযতো যথাঽবঘুষিতো দণ্ডঃ পণ্যনাশশ্চ
02.21.23 তেষাং অন্যতমস্যানযনে বহিরেব উচ্ছুল্কো বিক্রযঃ
02.21.24 অন্তপালঃ স-পাদপণিকাং বর্তনীং গৃহ্ণীযাত্ পণ্যবহনস্য, পণিকাং একখুরস্য, পশূনাং অর্ধপণিকাং ক্ষুদ্রপশূনাং পাদিকাং, অংসভারস্য মাষিকাম্
02.21.25 নষ্টাপহৃতং চ প্রতিবিদধ্যাত্
02.21.26 বৈদেশ্যং সার্থং কৃতসারফল্গুভাণ্ডবিচযনং অভিজ্ঞানং মুদ্রাং চ দত্ত্বা প্রেষযেদ্ অধ্যক্ষস্য
02.21.27 বৈদেহকব্যঞ্জনো বা সার্থপ্রমাণং রাজ্ঞঃ প্রেষযেত্
02.21.28 তেন প্রদেশেন রাজা শুল্কাধ্যক্ষস্য সার্থপ্রমাণং উপদিশেত্ সর্বজ্ঞখ্যাপনার্থম্
02.21.29 ততঃ সার্থং অধ্যক্ষোঽভিগম্য ব্রূযাত্ ইদং অমুষ্যাং উষ্য চ সারভাণ্ডং ফল্গুভাণ্ডং চ, ন নিহূহিতব্যং, এষ রাজ্ঞঃ প্রভাবঃ ইতি
02.21.30 নিহূহতঃ ফল্গুভাণ্ডং শুল্কাষ্টগুণো দণ্ডঃ, সারভাণ্ডং সর্বাপহারঃ
02.21.31ab রাষ্ট্রপীডাকরং ভাণ্ডং উচ্ছিন্দ্যাদ্ অফলং চ যত্ |
02.21.31chd মহা উপকারং উচ্ছুল্কং কুর্যাদ্ বীজং চ দুর্লভম্ ( ইতি)

Chapt | Tariff of duties and tolls
02.22.01 বাহ্যং আভ্যন্তরং চাতিথ্যম্
02.22.02 নিষ্ক্রাম্যং প্রবেশ্যং চ শুল্কম্
02.22.03 প্রবেশ্যানাং মূল্যপঞ্চভাগঃ
02.22.04 পুষ্পফলশাকমূলকন্দবাল্লিক্যবীজশুষ্কমত্স্যমাংসানাং ষড্ভাগং গৃহ্ণীযাত্
02.22.05 শঙ্খবজ্রমণিমুক্তাপ্রবালহারাণাং তজ্জাতপুরুষৈঃ কারযেত্ কৃতকর্মপ্রমাণকালবেতনফলনিষ্পত্তিভিঃ
02.22.06 ক্ষৌমদুকূলক্রিমিতানকঙ্কটহরিতালমনঃশিলাঽঞ্জনহিঙ্গুলুকলোহবর্ণধাতূনাং চন্দনাগুরুকটুককিণ্বাবরাণাং চর্মদন্তাস্তরণপ্রাবরণক্রিমিজাতানাং আজ এডকস্য চ দশভাগঃ পঞ্চদশভাগো বা
02.22.07 বস্ত্রচতুষ্পদদ্বিপদসূত্রকার্পাসগন্ধভৈষজ্যকাষ্ঠবেণুবল্কলচর্মমৃদ্ভাণ্ডানাং ধান্যস্নেহক্ষারলবণমদ্যপক্বান্নাদীনাং চ বিংশতিভাগঃ পঞ্চবিংশতিভাগো বা
02.22.08 দ্বারাদেযং শুল্কং পঞ্চভাগঃ আনুগ্রাহিকং বা যথাদেশ উপকারং স্থাপয্তেত্
02.22.09 জাতিভূমিষু চ পণ্যানাং বিক্রযঃ
02.22.10 খনিভ্যো ধাতুপণ্যাদানে ষট্ছতং অত্যযঃ
02.22.11 পুষ্পফলবাটেভ্যঃ পুষ্পফলাদানে চতুষ্পঞ্চাশত্পণো দণ্ডঃ
02.22.12 ষণ্ডেভ্যঃ শাকমূলকন্দাদানে পাদ ঊনং দ্বিপঞ্চাশত্পণো দণ্ডঃ
02.22.13 ক্ষেত্রেভ্যঃ সর্বসস্যাদানে ত্রিপঞ্চাশত্পণঃ
02.22.14 পণোঽধ্যর্ধপণশ্চ সীতাঽত্যযঃ
02.22.15ab অতো নবপুরাণাং দেশজাতিচরিত্রতঃ |
02.22.15chd পণ্যানাং স্থাপযেচ্শুক্লং অত্যযং চাপকারতঃ ( ইতি)

Chapt | Superintendent of yarns (and textiles)
02.23.01 সূত্রাধ্যক্ষঃ সূত্রবর্মবস্ত্ররজ্জুব্যবহারং তজ্জাতপুরুষৈঃ কারযেত্
02.23.02 ঊর্ণাবল্ককার্পাসতূলশণক্ষৌমাণি চ বিধবান্যঙ্গাকন্যাপ্রব্রজিতাদণ্ডপ্রতিকারিণীভী রূপাজীবামাতৃকাভির্বৃদ্ধরাজদাসীভির্ব্যুপরত উপস্থানদেবদাসীভিশ্চ কর্তযেত্
02.23.03 শ্লক্ষ্ণস্থূলমধ্যতাং চ সূত্রস্য বিদিত্বা বেতনং কল্পযেত্, বহ্ব্ঽল্পতাং চ
02.23.04 সূত্রপ্রমাণ জ্ঞাত্বা তৈলামলক উদ্বর্তনৈরেতা অনুগৃহ্ণীযাত্
02.23.05 তিথিষু প্রতিমানদানৈশ্চ কর্ম কারযিতব্যাঃ
02.23.06 সূত্রহ্রাসে বেতনহ্রাসো দ্রব্যসারাত্
02.23.07 কৃতকর্মপ্রমাণকালবেতনফলনিষ্পত্তিভিঃ কারুভিশ্চ কর্ম কারযেত্, প্রতিসংসর্গং চ গচ্ছেত্
02.23.08 ক্ষৌমদুকূলক্রিমিতানরাঙ্কবকার্পাসসূত্রবানকর্মান্তাংশ্চ প্রযুঞ্জানো গন্ধমাল্যদানৈরন্যৈশ্চাউপগ্রাহিকৈরারাধযেত্
02.23.09 বস্ত্রাস্তরণপ্রাবরণবিকল্পান্ উত্থাপযেত্
02.23.10 কঙ্কটকর্মান্তাংশ্চ তজ্জাতকারুশিল্পিভিঃ কারযেত্
02.23.11 যাশ্চানিষ্কাসিন্যঃ প্রোষিতা বিধবা ন্যঙ্গাঃ কন্যকা বাঽঽত্মানং বিভৃযুঃ তাঃ স্বদাসীভিরনুসার্য স-উপগ্রহং কর্ম কারযিতব্যাঃ
02.23.12 স্বযং আগচ্ছন্তীনাং বা সূত্রশালাং প্রত্যুষসি ভাণ্ডবেতনবিনিমযং কারযেত্
02.23.13 সূত্রপরীক্ষাঽর্থমাত্রঃ প্রদীপঃ
02.23.14 স্ত্রিযা মুখসন্দর্শনেঽন্যকার্যসম্ভাষাযাং বা পূর্বঃ সাহসদণ্ডঃ, বেতনকালাতিপাতনে মধ্যমঃ, অকৃতকর্মবেতনপ্রদানে চ
02.23.15 গৃহীত্বা বেতনং কর্মাকুর্বত্যা অঙ্গুষ্ঠসন্দংশং দাপযেত্, ভক্ষিতাপহৃতাবস্কন্দিতানাং চ
02.23.16 বেতনেষু চ কর্মকরাণাং অপরাধতো দণ্ডঃ
02.23.17 রজ্জুবর্তকৈর্বর্মকারৈশ্চ স্বযং সংসৃজ্যেত
02.23.18 ভাণ্ডানি চ বরত্রাদীনি বর্তযেত্
02.23.19ab সূত্রবল্কমযী রজ্জুর্বরত্রা বৈত্রবৈণবীঃ |
02.23.19chd সাম্নাহ্যা বন্ধনীযাশ্চ যানযুগ্যস্য করযেত্ ( ইতি)

Chapt | Director of agriculture
02.24.01 সীতাঽধ্যক্ষঃ কৃষিতন্ত্রশুল্ববৃক্ষাযুর্বেদজ্ঞঃ তজ্জ্ঞসখো বা সর্বধান্যপুষ্পফলশাককন্দমূলবাল্লিক্যক্ষৌমকার্পাসবীজানি যথাকালং গৃহ্ণীযাত্
02.24.02 বহুহলপরিকৃষ্টাযাং স্বভূমৌ দাসকর্মকরদণ্ডপ্রতিকর্তৃভির্বাপযেত্
02.24.03 কর্ষণযন্ত্র উপকরণবলীবর্দৈশ্চ এষাং অসঙ্গং কারযেত্, কারুভিশ্চ কর্মারকুট্টাকমেদকরজ্জুবর্তকসর্পগ্রাহাদিভিশ্চ
02.24.04 তেষাং কর্মফলবিনিপাতে তত্ফলহানং দণ্ডঃ
02.24.05 ষোডশদ্রোণং জাঙ্গলানাং বর্ষপ্রমাণং, অধ্যর্ধং আনূপানাং দেশবাপানাং, অর্ধত্রযোদশাশ্মকানাং, ত্রযোবিংশতিরবন্তীনাং, অমিতং অপরান্তানাং হৈমন্যানাং চ, কুল্যাঽঽবাপানাং চ কালতঃ
02.24.06 বর্ষত্রিভাগঃ পূর্বপশ্চিমমাসযোঃ, দ্বৌ ত্রিভাগৌ মধ্যমযোঃ – সুষমারূপম্
02.24.07 তস্য উপলধির্বৃহস্পতেঃ স্থানগমনগর্ভাধানেভ্যঃ শুক্র উদযাস্তমযচারেভ্যঃ সূর্যস্য প্রকৃতিবৈকৃতাচ্চ
02.24.08 সূর্যাদ্ বীজসিদ্ধিঃ, বৃহস্পতেঃ সস্যানাং স্তম্বকারিতা, শুক্রাদ্ বৃষ্টিঃ | ইতি
02.24.09ab ত্রযঃ সপ্তাহিকা মেঘা অশীতিঃ কণশীকরাঃ |
02.24.09chd ষষ্টিরাতপমেঘানাং এষা বৃষ্টিঃ সমা হিতা
02.24.10ab বাতং আতপযোগং চ বিভজন্ যত্র বর্ষতি |
02.24.10chd ত্রীন্ করীষাংশ্চ জনযংঃ তত্র সস্যাগমো ধ্রুবঃ
02.24.11 ততঃ প্রভূত উদকং অল্প উদকং বা সস্যং বাপযেত্
02.24.12 শালিব্রীহিকোদ্রবতিলপ্রিযঙ্গু.উদারকবরকাঃ পূর্ববাপাঃ
02.24.13 মুদ্গমাষশৈম্ব্যা মধ্যবাপাঃ
02.24.14 কুসুম্ভমসূরকুলত্থযবগোধূমকলাযাতসীসর্ষপাঃ পশ্চাদ্বাপাঃ
02.24.15 যথা.ঋতুবশেন বা বীজবাপাঃ
02.24.16 বাপাতিরিক্তং অর্ধসীতিকাঃ কুর্যুঃ, স্ববীর্য উপজীবিনো বা চতুর্থপঞ্চভাগিকাঃ
U2.24.17 যথা ইষ্টং অনবসিতভাগং দদ্যুঃ, অন্যত্র কৃচ্ছ্রেভ্যঃ
U2.24.18 স্বসেতুভ্যো হস্তপ্রাবর্তিমং উদকভাগং পঞ্চমং দদ্যুঃ, স্কন্ধপ্রাবর্তিমং চতুর্থং, স্রোতোযন্ত্রপ্রাবর্তিমং চ তৃতীযং, চতুর্থং নদীসরস্তটাককূপ উদ্ধাটম্
U2.24.19 কর্ম উদকপ্রমাণেন কৈদারং হৈমনং গ্রৈষ্মিকং বা সস্যং স্থাপযেত্
U2.24.20 শাল্য্ঽঅদি জ্যেষ্ঠং, ষণ্ডো মধ্যমঃ, ইক্ষুঃ প্রত্যবরঃ
02.24.21 ইক্ষবো হি বহ্ব্ঽঅবাধা ব্যযগ্রাহিণশ্চ
02.24.22 ফেনাঘাতো বল্লীফলানাং, পরীবাহান্তাঃ পিপ্পলীমৃদ্বীক ইক্ষূণাং, কূপপর্যন্তাঃ শাকমূলানাং, হরণীপর্যন্তা হরিতকানাং, পাল্যো লবানাং গন্ধভৈষজ্য উশীরহ্রীবেরপিণ্ডালুকাদীনাম্
02.24.23 যথাস্বং ভূমিষু চ স্থাল্যাশ্চানূপ্যাশ্চোষধীঃ স্থাপযেত্
02.24.24 তুষারপাযনমুষ্ণশোষণং চাসপ্তরাত্রাদ্ ইতি ধান্যবীজানাং, ত্রিরাত্রং বা পঞ্চরাত্রং বা কোশীধান্যানাং, মধুঘৃতসূকরবসাভিঃ শকৃদ্যুক্তাভিঃ কাণ্ডবীজানাং ছেদলেপো, মধুঘৃতেন কন্দানাং, অস্থিবীজানাং শকৃদ্ঽঅলেপঃ, শাখিনাং গর্তদাহো গোঽস্থিশকৃদ্ভিঃ কালে দৌহ্র্দং চ
02.24.25 প্ররূঢাংশ্চাশুষ্ককটুমত্স্যাংশ্চ স্নুহিক্ষীরেণ পাযযেত্
02.24.26ab কার্পাসসারং নির্মোকং সর্পস্য চ সমাহরেত্ |
02.24.26chd ন সর্পাঃ তত্র তিষ্ঠন্তি ধূমো যত্র এষ তিষ্ঠতি
02.24.27 সর্বজীজানাং তু প্রথমবাপে সুবর্ণ উদকসম্প্লুতাং পূর্বমুষ্টিং বাপযেদ্, অমুং চ মন্ত্রং ব্রূযাত্ – প্রজাপতযে কাশ্যপায দেবায চ নমঃ সদা | সীতা মে ঋধ্যতাং দেবী বীজেষু চ ধনেষু চ
02.24.28 ষণ্ডবাটগোপালকদাসকর্মকরেভ্যো যথাপুরুষপরিবাপং ভক্তং কুর্যাত্, স-পাদপণিকং চ মাসং দদ্যাত্
02.24.29 কর্মানুরূপং কারুভ্যো ভক্তবেতনম্
02.24.30 প্রশীর্ণং চ পুষ্পফলং দেবকার্যার্থং ব্রীহিযবং আগ্রযণার্থং শ্রোত্রিযাঃ তপস্বিনশ্চাহরেযুঃ, রাশিমূলং উঞ্ছবৃত্তযঃ
02.24.31ab যথাকালং চ সস্যাদি জাতং জাতং প্রবেশযেত্ |
02.24.31chd ন ক্ষেত্রে স্থাপযেত্ কিঞ্চিত্ পলালং অপি পণ্ডিতঃ
02.24.32ab প্রাকারাণাং সমুচ্ছ্রযান্ বলভীর্বা তথাবিধাঃ |
02.24.32chd ন সংহতানি কুর্বীত ন তুচ্ছানি শিরাংসি চ
02.24.33ab খলস্য প্রকরান্ কুর্যান্ মণ্ডলান্তে সমাশ্রিতান্ |
02.24.33chd অনগ্নিকাঃ স-উদকাশ্চ খলে স্যুঃ পরিকর্মিণঃ ( ইতি)

Chapt | Controller of spiritual liquors
02.25.01 সুরাঽধ্যক্ষঃ সুরাকিণ্বব্যবহারান্ দুর্গে জনপদে স্কন্ধাবারে বা তজ্জাতসুরাকিণ্বব্যবহারিভিঃ কারযেদ্, একমুখং অনেকমুখং বা বিক্রযক্রযবশেন বা
02.25.02 ষট্শতং অত্যযং অন্যত্র কর্তৃক্রেতৃবিক্রেতৄণাং স্থাপযেত্
02.25.03 গ্রামাদ্ অনির্ণযণং অসম্পাতং চ সুরাযাঃ, প্রমাদভযাত্ কর্মসু ঞ্জির্দিষ্টানাং, মর্যাদাতিক্রমভযাদ্ আর্যাণাং, উত্সাহভযাচ্চ তীষ্ক্ণানাম্
02.25.04 লক্ষিতং অল্পং বা চতুর্ভাগং অর্ধকুডুবং কুডুবং অর্ধপ্রস্থং প্রস্থং বা ইতি জ্ঞাতশৌচা নির্হরেযুঃ
02.25.05 পানাগারেষু বা পিবেযুরসঞ্চারিণঃ
02.25.06 নিক্ষেপ উপনিধিপ্রযোগাপহৃতানাং অনিষ্ট উপগতানাং চ দ্রব্যাণাং জ্ঞানার্থং অস্বামিকং কুপ্যং হিরণ্যং চ উপলভ্য নিষ্কেপ্তারং অন্যত্র ব্যপদেশেন গ্রাহযেদ্, অতিব্যযকর্তারং অনাযতিব্যযং চ
02.25.07 ন চানর্ঘেণ কালিকাং বা সুরাং দদ্যাদ্, অন্যত্র দুষ্টসুরাযাঃ
02.25.08 তাং অন্যত্র বিক্রাপযেত্
02.25.09 দাসকর্মকরেভ্যো বা বেতনং দদ্যাত্
02.25.10 বাহনপ্রতিপানং সূকরপোষণং বা দদ্যাত্
02.25.11 পানাগারাণ্য্ঽনেককক্ষ্যাণি বিভক্তশযনাসনবন্তি পান উদ্দেশানি গন্ধমাল্য উদকবন্তি ঋতুসুখানি কারযেত্
02.25.12 তত্রস্থাঃ প্রকৃত্য্ঽউত্পত্তিকৌ ব্যযৌ গূঢা বিদ্যুঃ, আগন্তূংশ্চ
02.25.13 ক্রেতৄণাং মত্তসুপ্তানাং অলঙ্কারাত্ছাদনহিরণ্যানি চ বিদ্যুঃ
02.25.14 তন্নাশে বণিজঃ তচ্চ তাবচ্চ দণ্ডং দদ্যুঃ
02.25.15 বণিজশঃ তু সংবৃতেষু কক্ষ্যাবিভাগেষু স্বদাসীভিঃ পেশলরূপাভিরাগন্তূনাং বাস্তব্যানাং চার্যরূপাণাং মত্তসুপ্তানাং ভাবং বিদ্যুঃ
02.25.16 মেদকপ্রসন্নাসবারিষ্টমৈরেযমধূনাম্
02.25.17 উদকদ্রোণং তণ্ডুলানাং অর্ধাঢকং ত্রযঃ প্রস্থাঃ কিণ্বস্য ইতি মেদকযোগঃ
02.25.18 দ্বাদশাঢকং পিষ্টস্য পঞ্চ প্রস্থাঃ কিণ্বস্য ক্রমুকত্বক্ফলযুক্তো বা জাতিসম্ভারঃ প্রসন্নাযোগঃ
02.25.19 কপিত্থতুলা ফাণিতং পঞ্চতৌলিকং প্রস্থো মধুন ইত্যাসবযোগঃ
U2.25.20 পাদ্ঽধিকো জ্যেষ্ঠঃ পাদহীনঃ কনিষ্ঠঃ
U2.25.21 চিকিত্সকপ্রমাণাঃ প্রত্যেকশো বিকারাণাং অরিষ্টাঃ
U2.25.22 মেষশৃঙ্গীত্বক্ক্বাথাভিষুতো গুডপ্রতীবাপঃ পিপ্পলীমরিচসম্ভারঃ ত্রিফলাযুক্তো বা মৈরেযঃ
U2.25.23 গুডযুক্তানাং বা সর্বেষাং ত্রিফলাসম্ভারঃ
U2.25.24 মৃদ্বীকারসো মধু
u2.25.25 তস্য স্বদেশো ব্যাখ্যানং কাপিশাযনং হারহূরকং ইতি
U2.25.26 মাষকলনীদ্রোণমামং সিদ্ধং বা ত্রিভাগাধিকতণ্ডুলং মোরটাদীনাং কার্ষিকভাগযুক্তং কিণ্ববন্ধঃ
02.25.27 পাঠালোঘ্রতেজোবত্য্.এলাবালুকমধুকমধুরসাপ্রিযঙ্গুদারুহরিদ্রামরিচপিপ্পলীনাং চ পঞ্চকার্ষিকঃ সম্ভারযোগো মেদকস্য প্রসন্নাযাশ্চ
02.25.28 মধুকনির্যূহযুক্তা কটশর্করা বর্ণপ্রসাদনী চ
02.25.29 চোচচিত্রকবিলঙ্গগজপিপ্পলীনাং চ কার্ষিকঃ ক্রমুকমধুকমুস্তালোধ্রাণাং দ্বিকার্ষিকশ্চাসবসম্ভারঃ
02.25.30 দশভাগশ্চ এষাং বীজবন্ধঃ
02.25.31 প্রসন্নাযোগঃ শ্বেতসুরাযাঃ
02.25.32 সহকারসুরা রস উত্তরা বীজ উত্তরা বা মহাসুরা সম্ভারিকী বা
02.25.33 তাসাং মোরটাপলাশপত্তূরমেষশৃঙ্গীকরঞ্জক্ষীরবৃক্ষকষাযভাবিতং দগ্ধকটশর্করাচূর্ণং লোঘ্রচিত্রকবিলঙ্গপাঠামুস্তাকলিঙ্গযবদারুহরিদ্র ইন্দীবরশতপুষ্পাপামার্গসপ্তপর্ণনিম্বাস্ফোতকল্কার্ধযুক্তং অন্তর্নখো মুষ্টিঃ কুম্ভীং রাজপেযাং প্রসাদযতি
02.25.34 ফাণিতঃ পঞ্চপলিকশ্চাত্র রসবৃদ্ধির্দেযঃ
02.25.35 কুটুম্বিনঃ কৃত্যেষু শ্বেতসুরাং, ঔষধার্থং বারিষ্টং, অন্যদ্ বা কর্তুং লভেরন্
02.25.36 উত্সবসমাজযাত্রাসু চতুর্ঽহঃ সৌরিকো দেযঃ
02.25.37 তেষ্বননুজ্ঞাতানাং প্রহবনান্তং দৈবসিকং অত্যযং গৃহ্ণীযাত্
02.25.38 সুরাকিণ্ববিচযং স্ত্রিযো বালাশ্চ কুর্যুঃ
02.25.39 অরাজপণ্যাঃ পঞ্চকং শতং শুল্কং দদ্যুঃ, সুরকামেদকারিষ্টমধুফলাম্লাম্লশীধূনাং চ
02.25.40ab অহ্নশ্চ বিক্রযং জ্ঞাত্বা ব্যাজীং মানহিরণ্যযোঃ |
02.25.40chd তথা বৈধরণং কুর্যাদ্ উচিতং চানুবর্তযেত্ ( ইতি)

Chapt | Supervisor of (animal-)slaughter
02.26.01 সূনাঽধ্যক্ষঃ প্রদিষ্টাভযানাং অভযবনবাসিনাং চ মৃগপশুপক্ষিমত্স্যানাং বন্ধবধহিংসাযাং উত্তমং দণ্ডং কারযেত্, কুটুম্বিনাং অভযবনপরিগ্রহেষু মধ্যমম্
02.26.02 অপ্রবৃত্তবধানাং মত্স্যপক্ষিণাং বন্ধবধহিংসাযাং পাদ ঊনসপ্তবিংশতিপণং অত্যযং কুর্যাত্, মৃগপশূনাং দ্বিগুণম্
02.26.03 প্রবৃত্তহিংসানাং অপরিগৃহীতানাং ষড্ভাগং গৃহ্ণীযাত্, মত্স্যপক্ষিণাং দশভাগং বাঽধিকং, মৃগপশূনাং শুল্কং বাঽধিকম্
02.26.04 পক্ষিমৃগাণাং জীবত্ ষড্ভাগং অভযবনেষু প্রমুঞ্চেত্
02.26.05 সামুদ্রহস্ত্য্ঽশ্বপুরুষবৃষগর্দভাকৃতযো মত্স্যাঃ সারসা নাদেযাঃ তটাককুল্যা উদ্ভবা বা ক্রৌঞ্চ উত্ক্রোশকদাত্যূহহংসচক্রবাকজীবঞ্জীবকভৃঙ্গরাজচকোরমত্তকোকিলমযূরশুকমদনশারিকা বিহারপক্ষিণো মঙ্গল্যাশ্চান্যেঽপি প্রাণিনঃ পক্ষিমৃগা হিংসাবাধেভ্যো রক্ষ্যাঃ
02.26.06 রক্ষাঽতিক্রমে পূর্বঃ সাহসদণ্ডঃ
02.26.07 মৃগপশূনাং অনস্থিমাংসং সদ্যোহতং বিক্রীণীরন্
02.26.08 অস্থিমতঃ প্রতিপাতং দদ্যুঃ
02.26.09 তুলাহীনে হীনাষ্টগুণম্
02.26.10 বত্সো বৃষো ধেনুশ্চ এষাং অবধ্যাঃ
02.26.11 ঘ্নতঃ পঞ্চাশত্কো দণ্ডঃ, ক্লিষ্টঘাতং ঘাতযতশ্চ
02.26.12 পরিশূনং অশিরঃপাদাস্থি বিগন্ধং স্বযংমৃতং চ ন বিক্রীণীরন্
02.26.13 অন্যথা দ্বাদশপণো দণ্ডঃ
02.26.14ab দুষ্টাঃ পশুমৃগব্যালা মত্স্যশ্চাভযচারিণঃ |
02.26.14chd অন্যত্র গুপ্তিস্থানেভ্যো বধবন্ধং অবাপ্নুযুঃ ( ইতি)

Chapt | Superintendent of courtesans
02.27.01 গণিকাঽধ্যক্ষো গণিকাঽন্বযাং অগণিকাঽন্বযাং বা রূপযৌবনশিল্পসম্পন্নাং সহস্রেণ গণিকাং কারযেত্, কুটুম্বার্ধেন প্রতিগণিকাম্
02.27.02 নিষ্পতিতাপ্রেতযোর্দুহিতা ভগিনী বা কুটুম্বং ভরেত, মাতা বা প্রতিগণিকাং স্থাপযেত্
02.27.03 তাসাং অভাবে রাজা হরেত্
02.27.04 সৌভাগ্যালঙ্কারবৃদ্ধ্যা সহস্রেণ বারং কনিষ্ঠং মধ্যমং উত্তমং বাঽঽরোপযেত্ ছত্রভৃঙ্গারব্যজনশিবিকাপীঠিকারথেষু চ বিশেষার্থম্
02.27.05 সৌভাগ্যভঙ্গে মাতৃকাং কুর্যাত্
02.27.06 নিষ্ক্রযশ্চতুর্বিংশতিসাহস্রো গণিকাযাঃ, দ্বাদশসাহস্রো গণিকাপুত্রস্য
02.27.07 অষ্টবর্ষাত্ প্রভৃতি রাজ্ঞঃ কুশীলবকর্ম কুর্যাত্
02.27.08 গণিকাদাসী ভগ্নভোগা কোষ্ঠাগারে মহানসে বা কর্ম কুর্যাত্
02.27.09 অবিশন্তী সপাদপণং অবরুদ্ধা মাসবেতনং দদ্যাত্
02.27.10 ভোগং দাযমাযং ব্যযং আযতিং চ গণিকাযা নিবন্ধযেত্, অতিব্যযকর্ম চ বারযেত্
02.27.11 মাতৃহস্তাদ্ অন্যত্র অভরণন্যাসে সপাদচতুষ্পণো দণ্ডঃ
02.27.12 স্বাপতেযং বিক্রযং আধানং বা নযন্ত্যাঃ সপাদপঞ্চাশত্পণঃ পণোঽর্ধপণচ্ছেদনে
02.27.13 অকামাযাঃ কুমার্যা বা সাহসে উত্তমো দণ্ডঃ, সকামাযাঃ পূর্বঃ সাহসদণ্ডঃ
02.27.14 গণিকাং অকামাং রুন্ধতো নিষ্পাতযতো বা ব্রণবিদারণেন বা রূপং.উপঘ্নতঃ সহস্রং দণ্ডঃ
02.27.15 স্থান্বিশেষেণ বা দণ্ডবৃদ্ধিঃ আনিষ্ক্রযদ্বিগুণাত্
02.27.16 প্রাপ্তাধিকারং গণিকাং ঘতযতো নিষ্ক্রযত্রিগুণো দণ্ডঃ
02.27.17 মাতৃকাদুহিতৃকারূপদাসীনাং ঘাতে উত্তমঃ সাহসদণ্ডঃ
02.27.18 সর্বত্র প্রথমেঽপরাধে প্রথমঃ, দ্বিতীযে দ্বিগুণঃ, তৃতীযে ত্রিগুণঃ, চতুর্থে যথাকামী স্যাত্
02.27.19 রাজাজ্ঞযা পুরুষং অনভিগচ্ছন্তী গণিকা শিফাসহস্রং লভীত, পঞ্চসহস্রং বা দণ্ডঃ
02.27.20 ভোগং গৃহীত্বা দ্বিষত্যা ভোগদ্বিগুণো দণ্ডঃ
02.27.21 বসতিভোগাপহারে ভোগং অষ্টগুণং দদ্যাদ্ অন্যত্র ব্যাধিপুরুষদোষেভ্যঃ
02.27.22 পুরুষং ঘ্নত্যাশ্চিতাপ্রতাপেঽপ্সু প্রবেশনং বা
02.27.23 গণিকাভরণং অর্থং ভোগং বাঽপহরতোঽষ্টগুণো দণ্ডঃ
02.27.24 গণিকা ভোগং আযতিং পুরুষং চ নিবেদযেত্
02.27.25 এতেন নটনর্তকগাযনবাদকবাগ্জীবনকুশীলবপ্লবকসৌভিকচারণানাং স্ত্রীব্যবহারিণাং স্ত্রিযো গূঢাজীবাশ্চ ব্যাখ্যাতাঃ
02.27.26 তেষাং তূর্যং আগন্তুকং পঞ্চপণং প্রেক্ষাবেতনং দদ্যাত্
02.27.27 রূপাজীবা ভোগদ্বযগুণং মাসং দদ্যুঃ
02.27.28 গীতবাদ্যপাঠ্যনৃত্যনাট্যাক্ষরচিত্রবীণাবেণুমৃদঙ্গপরচিত্তজ্ঞানগন্ধমাল্যসম্যূহনসংবাদনসংবাহনবৈশিককলাজ্ঞানানি গণিকা দাসী রঙ্গ উপজীবিনীশ্চ গ্রাহযতো রাজমণ্ডলাদ্ আজীবং কুর্যাত্
02.27.29 গণিকাপুত্রান্ রঙ্গ উপজীবিনাং চ মুখ্যান্নিষ্পাদযেযুঃ, সর্বতালাবচরাণাং চ
02.27.30ab সংজ্ঞাভাষাঽন্তরজ্ঞাশ্চ স্ত্রিযঃ তেষাং অনাত্মসু |
02.27.30chd চারঘাতপ্রমাদার্থং প্রযোজ্যা বন্ধুবাহনাঃ ( ইতি)

Chapt | Controller of shipping
02.28.01 নাব্ঽধ্যক্ষঃ সমুদ্রসম্যাননদীমুখতরপ্রচারান্ দেবসরোবিসরোনদীতরাংশ্চ স্থানীযাদিষ্ববেক্ষেত
02.28.02 তদ্বেলাকূলগ্রামাঃ ক্লৃপ্তং দদ্যুঃ
02.28.03 মত্স্যবন্ধকা নৌকাভাটকং ষড্ভাগং দদ্যুঃ
02.28.04 পত্তনানুবৃত্তং শুল্কভাগং বণিজো দদ্যুঃ, যাত্রাবেতনং রাজনৌভিঃ সম্পতন্তঃ
02.28.05 শঙ্খমুক্তাগ্রাহিণো নৌভাটকং দদ্যুঃ, স্বনৌভির্বা তরেযুঃ
02.28.06 অধ্যক্ষশ্চ এষাং খন্য্ঽধ্যক্ষেণ ব্যাখ্যাতঃ
02.28.07 পত্তনাধ্যক্ষনিবদ্ধং পণ্যপত্তনচারিত্রং নাব্ঽধ্যক্ষঃ পালযেত্
02.28.08 মূঢবাতাহতা নাবঃ পিতা ইবানুগৃহ্ণীযাত্
02.28.09 উদকপ্রাপ্তং পণ্যং অশুল্কং অর্ধশুল্কং বা কুর্যাত্
02.28.10 যথানির্দিষ্টাশ্চ এতাঃ পণ্যপত্তনযাত্রাকালেষু প্রেষযেত্
02.28.11 সম্যাতীর্নাবঃ ক্ষেত্রানুগতাঃ শুল্কং যাচেত্
02.28.12 হিংস্রিকা নির্ঘাতযেত্, অমিত্রবিষযাতিগাঃ পণ্যপত্তনচারিত্র উপঘাতিকাশ্চ
02.28.13 শাসকনির্যামকদাত্রর্অশ্মিগ্রাহক উত্সেচকাধিষ্ঠিতাশ্চ মহানাবো হেমন্তগ্রীষ্মতার্যাসু মহানদীষু প্রযোজযেত্, ক্ষুদ্রিকাঃ ক্ষুদ্রিকাসু বর্ষাস্রাবিণীষু
02.28.14 বাধতীর্থাশ্চ এতাঃ কার্যা রাজদ্বিষ্টকারিণাং তরণভযাত্
02.28.15 অকালেঽতীর্থে চ তরতঃ পূর্বঃ সাহসদণ্ডঃ
02.28.16 কালে তীর্থে চানিষৃষ্টতারিণঃ পাদ ঊনসপ্তবিংশতিপণঃ তরাত্যযঃ
02.28.17 কৈবর্তকাষ্টতৃণভারপুষ্পফলবাটষণ্ডগোপালকানাং অনত্যযঃ, সম্ভাব্যদূতানুপাতিনাং চ সেনাভাণ্ডপ্রযোগাণাং চ স্বতরণৈঃ তরতাং, বীজভক্তদ্রব্য উপস্করাংশ্চানূপগ্রামাণাং তারযতাম্
02.28.18 ব্রাহ্মণপ্রব্রজিতবালবৃদ্ধব্যাধিতশাসনহরগর্ভিণ্যো নাব্ঽধ্যক্ষমুদ্রাভিঃ তরেযুঃ
02.28.19 কৃতপ্রবেশাঃ পারবিষযিকাঃ সার্থপ্রমাণা বা প্রবিশেযুঃ
02.28.20 পরস্য ভার্যাং কন্যাং বিত্তং বাঽপহরন্তং শবিত্তং বাঽপহরন্তং শঙ্কিতং আবিগ্নং উদ্ভাণ্ডীকৃতং মহাভাণ্ডেন মূর্ধ্নি ভারেণাবচ্ছাদযন্তং সদ্যোগৃহীতলিঙ্গিনং অলিঙ্গিনং বা প্রব্রজিতং অলক্ষ্যব্যাধিতং ভযবিকারিণং গূঢসারভাণ্ডশাসনশস্ত্রাগ্নিযোগং বিষহস্তং দীর্ঘপথিকং অমুদ্রং চ উপগ্রাহযেত্
02.28.21 ক্ষুদ্রপশুর্মনুষ্যশ্চ সভারো মাষকং দদ্যাত্, শিরোভারঃ কাযভারো গবাশ্বং চ দ্বৌ, উষ্ট্রমহিষং চতুরঃ, পঞ্চ লভুযানং, ষড্ গোলিঙ্গং, সপ্ত শকটং, পন্যভারঃ পাদম্
02.28.22 তেন ভাণ্ডভারো ব্যাখ্যাতঃ
02.28.23 দ্বিগুণো মহানদীষু তরঃ
02.28.24 ক্লৃপ্তং আনূপগ্রামা ভক্তবেতনং দদ্যুঃ
02.28.25 প্রত্যন্তেষু তরাঃ শুল্কং আতিবাহিকং বর্তনীং চ গৃহ্ণীযুঃ, নির্গচ্ছতশ্চামুদ্রদ্রব্যস্য ভাণ্ডং হরেযুঃ, অতিভারেণাবেলাযাং অতির্থে তরতশ্চ
02.28.26 পুরুষ উপকরণহীনাযাং অসংস্কৃতাযাং বা নাবি বিপন্নাযাং নাব্ঽধ্হ্যক্ষো নষ্টং বিনষ্টং বাঽভ্যাবহেত্
02.28.27ab সপ্তাহবৃত্তাং আষাঢীং কার্ত্তিকীং চান্তরা তরঃ |
02.28.27chd কার্মিকঃ প্রত্যযং দদ্যান্নিত্যং চাহ্নিকং আবহেত্ ( ইতি)

Chapt | Superintendent of cattle
02.29.01 গোঽধ্যক্ষো বেতন উপগ্রাহিকং করপ্রতিকরং ভগ্ন উত্সৃষ্টকং ভাগানুপ্রবিষ্টকং ব্রজপর্যগ্রং নষ্টং বিনষ্টং ক্ষীরঘৃতসঞ্জাতং চ উপলভেত
02.29.02 গোপালকপিণ্ডারকদোহকমন্থকলুব্ধকাঃ শতং শতং ধেনূনাং হিরণ্যভৃতাঃ পালযেযুঃ
02.29.03 ক্ষীরঘৃতভৃতা হি বত্সান্ উপহন্যুঃ | ইতি বেতন উপগ্রাহিকম্
02.29.04 জরদ্গুধেনুগর্ভিণীপষ্ঠৌহীবত্সতরীণাং সমবিভাগং রূপশতং একঃ পালযেত্
02.29.05 ঘৃতস্যাষ্টৌ বারকান্ পণিকং পুচ্ছং অঙ্কচর্ম চ বার্ষিকং দদ্যাত্ | ইতি করপ্রতিকরঃ
02.29.06 ব্যাধিতান্যঙ্গাঽনন্যদোহীদুর্দোহাপুত্রঘ্নীনাং চ সমবিভাগং রূপশতং পালযন্তঃ তজ্জাতিকং ভাগং দদ্যুঃ | ইতি ভগ্ন উত্ষৃষ্টকম্
02.29.07 পরচক্রাটবীভযাদ্ অনুপ্রবিষ্টানাং পশূনাং পালনধর্মেণ দশভগং দদ্যুঃ | ইতি ভাগানুপ্রবিষ্টকম্
02.29.08 বত্সা বত্সতরা দম্যা বহিনো বৃষা উক্ষাণশ্চ পুঙ্গবাঃ, যুগবাহনশকটবহা বৃষভাঃ সূনামহিষাঃ পৃষ্টস্কন্ধবাহিনশ্চ মহিষাঃ, বত্সিকা বত্সতরী পষ্টহুহী গর্ভিণী ধেনুশ্চাপ্রজাতা বন্ধ্যাশ্চ গাবো মহিষ্যশ্চ, মাসদ্বিমাসজাতাঃ তাসাং উপজা বত্সা বত্সিকাশ্চ
02.29.09 মাসদ্বিমাসজাতান্ অঙ্কযেত্
02.29.10 মাসদ্বিমাসপর্যুষিতং অঙ্কযেত্
02.29.11 অঙ্কং চিহ্নং বর্ণং শৃঙ্গান্তরং চ লক্ষণং এবং উপজা নিবন্ধযেত্ | ইতি ব্রজপর্যগ্রম্
02.29.12 চোরহৃতং অন্যযূথপ্রবিষ্টং অবলীনং বা নষ্টম্
02.29.13 পঙ্কবিষমব্যাধিজরাতোযাহারাবসন্নং বৃক্ষতটকাষ্ঠশিলাঽভিহতং ঈশানব্যালসর্পগ্রাহদাবাগ্নিবিপন্নং বিনষ্টম্
02.29.14 প্রমাদাদ্ অভ্যাবহেযুঃ
02.29.15 এবং রূপাগ্রং বিদ্যাত্
02.29.16 স্বযং হন্তা ঘাতযিতা হর্তা হারযিতা চ বধ্যঃ
02.29.17 পরপশূনাং রাজাঙ্কেন পরিবর্তযিতা রূপস্য পূর্বং সাহসদণ্ডং দদ্যাত্
02.29.18 স্বদেশীযানাং চোরহৃতং প্রত্যানীয পণিতং রূপং হরেত্
02.29.19 পরদেশীযানাং মোক্ষযিতাঽর্ধং হরেত্
02.29.20 বালবৃদ্ধব্যাধিতানাং গোপালকাঃ প্রতিকুর্যুঃ
02.29.21 লুব্ধকশ্বগণিভিরপাস্তঃ তেনাব্যালপরাবাধভযং ঋতুবিভক্তং অরণ্যং চারযেযুঃ
02.29.22 সর্পব্যালত্রাসনার্থং গোচরানুপাতজ্ঞানার্থং চ ত্রস্নূনাং ঘণ্টাতূর্যং চ বধ্নীযুঃ
02.29.23 সমব্যূঢতীর্থং অকর্দমগ্রাহং উদকং অবতারযেযুঃ পালযেযুশ্চ
02.29.24 স্তেনব্যালসর্পগ্রাহগৃহীতং ব্যাধিজরাঽবসন্নং চাবেদযেযুঃ, অন্যথা রূপমূল্যং ভজেরন্
02.29.25 কারণমৃতস্যাঙ্কচর্ম গোমহিষস্য, কর্ণলক্ষণং অজাবিকানাং, পুচ্ছং অঙ্কচর্ম চাশ্বখর উষ্ট্রাণাং, বালচর্মবস্তিপিত্তস্নাযুদন্তখুরশৃঙ্গাস্থীনি চাহরেযুঃ
02.29.26 মাংসং আর্দ্রং শুষ্কং বা বিক্রীণীযুঃ
02.29.27 উদশ্বিত্শ্ববরাহেভ্যো দদ্যুঃ
02.29.28 কূর্চিকাং সেনাভক্তার্থং আহরেযুঃ
02.29.29 কিলাটো ঘাণপিণ্যাকক্লেদার্থঃ
02.29.30 পশুবিক্রেতা পাদিকং রূপং দদ্যাত্
02.29.31 বর্ষাশরদ্ধেমন্তান্ উভযতঃকালং দুহ্যুঃ, শিশিরবসন্তগ্রীষ্মান্ এককালম্
02.29.32 দ্বিতীযকালদোগ্ধুরঙ্গুষ্ঠচ্ছেদো দণ্ডঃ
02.29.33 দোহনকালং অতিক্রামতঃ তত্ফলহানং দণ্ডঃ
02.29.34 এতেন নস্যদম্যযুগপিঙ্গনবর্তনকালা ব্যাখ্যাতাঃ
02.29.35 ক্ষীরদ্রোণে গবাং ঘৃতপ্রস্থঃ, পঞ্চভাগাধিকো মহিষীণাং, দ্বিভাগাধিকোঽজাবীনাম্
02.29.36 মন্থো বা সর্বেষাং প্রমাণম্
02.29.37 ভূমিতৃণ উদকবিশেষাদ্দ্ হি ক্ষীরঘৃতবৃদ্ধির্ভবতি
02.29.38 যূথবৃষং বৃষেণাবপাতযতঃ পূর্বঃ সাহসদণ্ডঃ, ঘাতযত উত্তমঃ
02.29.39 বর্ণাবরোধেন দশতী রক্ষা
02.29.40 উপনিবেশদিগ্বিভাগো গোপ্রচারাদ্ বলান্বযতো বা গবাং রক্ষাসামর্থ্যাচ্চ
02.29.41 অজাবীনাং ষণ্মাসিকীমূর্ণাং গ্রাহযেত্
02.29.42 তেনাশ্বখর উষ্ট্রবরাহব্রজা ব্যাখ্যাতাঃ
02.29.43 বলীবর্দানাং নস্যাশ্বভদ্রগতিবাহিনাং যবসস্যার্ধভারঃ তৃণস্য দ্বিগুণং, তুলা ঘাণপিণ্যাকস্য, দশাঢকং কণকুণ্ডকস্য, পঞ্চপলিকং মুখলবনাং, তৈলকুডুবো নস্যং প্রস্থঃ পানং, মাংসতুলা, দধ্নশ্চাঢকং, যবদ্রোণং মাষাণাং বা পুলাকঃ, ক্ষীরদ্রোণং অর্ধাঢকং বা সুরাযাঃ স্নেহপ্রস্থঃ ক্ষারদশপলং শৃঙ্গিবেরপলং চ প্রতিপানম্
02.29.44 পাদ ঊনং অশ্বতরগোখরাণাং, দ্বিগুণং মহিষ উষ্ট্রাণাম্
02.29.45 কর্মকরবলীবর্দানাং পাযনার্থানাং চ ধেনূনাং কর্মকালতঃ ফলতশ্চ বিধাদানম্
02.29.46 সর্বেষাং তৃণ উদকপ্রাকাম্যম্
02.29.47 ইতি গোমণ্ডলং ব্যাখ্যাতম্
02.29.48ab পঞ্চ.ঋষভং খরাশ্বানাং অজাবীনাং দশ.ঋষভম্ |
02.29.48chd শত্যং গোমহিষ উষ্ট্রাণাং যূথং কুর্যাচ্চতুর্বৃষম্ ( ইতি)

Chapt | Superintendent of horses
02.30.01 অশ্বাধ্যক্ষঃ পণ্যাগারিকং ক্রয উপাগতং আহবলব্ধং আজাতং সাহায্যাগতকং পণস্থিতং যাবত্কালিকং বাঽশ্বপর্যগ্রং কুলবযোবর্ণচিহ্নবর্গাগমৈর্লেখযেত্
02.30.02 অপ্রশস্তন্যঙ্গব্যাধিতাংশ্চাবেদযেত্
02.30.03 কোশকোষ্ঠাগারাভ্যাং চ গৃহীত্বা মাসলাভং অশ্ববাহশ্চিন্তযেত্
02.30.04 অশ্ববিভবেনাযতাং অশ্বাযাং অদ্বিগুণবিস্তারাং চতুর্দ্বার উপাবর্তনমধ্যাং স-প্রগ্রীবাং প্রদ্বারাসনফলকযুক্তানাং বানরমযূরপৃষতনকুলচকোরশুকসারিকাকীর্ণাং শালাং নিবেশযেত্
02.30.05 অশ্বাযাং অচতুর্ঽশ্রশ্লক্ষ্ণফলকাস্তারং স-খাদনকোষ্ঠকং স-মূত্রপুরীষ উত্সর্গং এক একশঃ প্রান্মুখং উদন্মুখং বা স্থানং নিবেশযেত্
02.30.06 শালাবশেন বা দিগ্বিভাগং কল্পযেত্
02.30.07 বডবাবৃষকিশোরাণাং একান্তেষু
02.30.08 বডবাযাঃ প্রজতাযাঃ ত্রিরাত্রং ঘৃতপ্রস্থঃ পানম্
02.30.09 অত ঊর্ধ্বং সক্তুপ্রস্থঃ স্নেহভৈষজ্যপ্রতিপানং দশরাত্রম্
02.30.10 ততঃ পুলাকো যবসং আর্তবশ্চাহারঃ
02.30.11 দশরাত্রাদ্ ঊর্ধ্বং কিশোরস্য ঘৃতচতুর্ভাগঃ সক্তুকুডুবঃ ক্ষীরপ্রস্থশ্চাহার আষণ্মাসাত্
02.30.12 ততঃ পরং মাস উত্তরং অর্ধবৃদ্ধির্যবপ্রস্থ আত্রিবর্ষাত্, দ্রোণ আচতুর্বর্ষাত্
02.30.13 অত ঊর্ধ্বং চতুর্বর্ষঃ পঞ্চবর্ষো বা কর্মণ্যঃ পূর্ণপ্রমাণঃ
02.30.14 দ্বাত্রিংশদ্ঽঙ্গুলং মুখং উত্তমাশ্বস্য, পঞ্চমুখান্যাযামো, বিংশত্য্ঽঙ্গুলা জঙ্ঘা, চতুর্জঙ্ঘ উত্সেধঃ
02.30.15 ত্র্য্ঽঙ্গুলাবরং মধ্যমাবরযোঃ
02.30.16 শতাঙ্গুলঃ পরিণাহঃ
02.30.17 পঞ্চভাগাবরো মধ্যমাবরযোঃ
02.30.18 উত্তমাশ্বস্য দ্বিদ্রোণং শালিব্রীহিযবপ্রিযঙ্গূণাং অর্ধশুষ্কং অর্ধসিদ্ধং বা মুদ্গমাষাণাং বা পুলাকঃ স্নেহপ্রস্থশ্চ, পঞ্চপলং লবণস্য, মাংসং পঞ্চাশত্পলিকং রসস্যাঢকং দ্বিগুণং বা দধ্নঃ পিণ্ডক্লেদনার্থং, ক্ষারপঞ্চপলিকঃ সুরাযাঃ প্রস্থঃ পযসো বা দ্বিগুণঃ প্রতিপানম্
02.30.19 দীর্ঘপথভারক্লান্তানাং চ খাদনার্থং স্নেহপ্রস্থোঽনুবাসনং কুডুবো নস্যকর্মণঃ, যবসস্যার্ধভারঃ তৃণস্য দ্বিগুণঃ ষড্ঽরত্নিপরিক্ষেপঃ পুঞ্জীলগ্রহো বা
02.30.20 পাদাবরং এতন্ মধ্যমাবরযোঃ
02.30.21 উত্তমসমো রথ্যো বৃষশ্চ মধ্যমঃ
02.30.22 মধ্যমসমশ্চাবরঃ
02.30.23 পাদহীনং বডবানাং পারশমানাং চ
02.30.24 অতোঽর্ধং কিশোরাণাং চ
02.30.25 ইতি বিধাযোগঃ
02.30.26 বিধাপাচকসূত্রগ্রাহকচিকিত্সকাঃ প্রতিস্বাদভাজঃ
02.30.27 যুদ্ধব্যাধিজরাকর্মক্ষীণাঃ পিণ্ডগোচরিকাঃ স্যুঃ
02.30.28 অসমরপ্রযোগ্যাঃ পৌরজানপদানাং অর্থেন বৃষা বডবাস্বাযোজ্যাঃ
02.30.29 প্রযোগ্যানাং উত্তমাঃ কাম্বোজসৈন্ধবারট্টবনাযুজাঃ, মধ্যমা বাহ্লীকপাপেযকসৌবীরকতৈতলাঃ, শেষাঃ প্রত্যবরাঃ
02.30.30 তেষাং তীষ্ক্ণভদ্রমন্দবশেন সাম্নাহ্যং ঔপবাহ্যকং বা কর্ম প্রযোজযেত্
02.30.31 চতুর্ঽশ্রং কর্মাশ্বস্য সাম্নাহ্যম্
02.30.32 বল্গনো নীচৈর্গতো লঙ্ঘনো ঘোরণো নারোষ্ট্রশ্চাউপবাহ্যাঃ
02.30.33 তত্রাউপবেণুকো বর্ধমানকো যমক আলীঢপ্লুতঃ পৃথুগ্ঽস্ত্রিকচালী চ বল্গনঃ
02.30.34 স এব শিরঃকর্ণবিশুদ্ধো নীচৈর্গতঃ, ষোডশমার্গো বা
02.30.35 প্রকীর্ণকঃ প্রকীর্ণ উত্তরো নিষণ্ণঃ পার্শ্বানুবৃত্ত ঊর্মিমার্গঃ শরভক্রীডিতঃ শরভপ্লুতঃ ত্রিতালো বাহ্যানুবৃত্তঃ পঞ্চপাণিঃ সিংহাযতঃ স্বাধূতঃ ক্লিষ্টঃ শ্লিঙ্গিতো বৃংহিতঃ পুষ্পাভিকীর্ণশ্চ ইতি নীচৈর্গতমার্গঃ
02.30.36 কপিপ্লুতো ভেকপ্লুতেণপ্লুত একপাদপ্লুতঃ কোকিলসঞ্চার্য্.উরস্যো বকচারী চ লঙ্ঘনঃ
02.30.37 কাঙ্কো বারিকাঙ্কো মাযূরোঽর্ধমাযূরো নাকুলোর্ধনাকুলো বারাহোঽর্ধবারাহশ্চ ইতি ধোরণঃ
02.30.38 সংজ্ঞাপ্রতিকারো নার উষ্ট্র ইতি
02.30.39 ষণ্ণব দ্বাদশ ইতি যোজনান্য্ধ্বা রথ্যানাং, পঞ্চ যোজনান্যর্ধাষ্টমানি দশ ইতি পৃষ্ঠবাহিনাং অশ্বানাং অধ্বা
02.30.40 বিক্রমো ভদ্রাশ্বাসো ভারবাহ্য ইতি মার্গাঃ
02.30.41 বিক্রমো বল্গিতং উপকণ্ঠং উপজবো জবশ্চ ধারাঃ
02.30.42 তেষাং বন্ধন উপকরণং যোগ্যাচার্যাঃ প্রতিদিশেযুঃ, সাঙ্গ্রামিকং রথাশ্বালঙ্কারং চ সূতাঃ
02.30.43 অশ্বানাং চিকিত্সকাঃ শরীরহ্রাসবৃদ্ধিপ্রতীকারং ঋতুবিভক্তং চাহারম্
02.30.44 সূত্রগ্রাহকাশ্ববন্ধকযাবসিকবিধাপাচকস্থানপালকেশকারজাঙ্গুলীবিদশ্চ স্বকর্মভিরশ্বান্ আরাধযেযুঃ
02.30.45 কর্মাতিক্রমে চ এষাং দিবসবেতনচ্ছেদনং কুর্যাত্
02.30.46 নীরাজন উপরুদ্ধং বাহযতশ্চিকিত্সক উপরুদ্ধং বা দ্বাদশপণো দণ্ডঃ
02.30.47 ক্রিযাভৈষজ্যসঙ্গেন ব্যাধিবৃদ্ধৌ প্রতীকারদ্বিগুণো দণ্ডঃ
02.30.48 তদ্ঽপরাধেন বৈলোম্যে পত্ত্রমূল্যং দণ্ডঃ
02.30.49 তেন গোমণ্ডলং খর উষ্ট্রমহিষং অজাবিকং চ ব্যাখ্যাতম্
02.30.50ab দ্বিরহ্নঃ স্নানং অশ্বানাং গন্ধমাল্যং চ দাপযেত্ |
02.30.50chd কৃষ্ণসন্ধিষু ভূত ইজ্যাঃ শুক্লেষু স্বস্তিবাচনম্
02.30.51ab নীরাজনাং আশ্বযুজে কারযেন্নবমেঽহনি |
02.30.51chd যাত্রাঽঽদাববসানে বা ব্যাধৌ বা শান্তিকে রতঃ ( ইতি)

Chapt | Superintendent of elephants
02.31.01 হস্ত্য্ঽধ্যক্ষো হস্তিবনরক্ষাং দম্যকর্মক্ষান্তানাং হস্তিহস্তিনীকলভানাং শালাস্থানশয্যাকর্মবিধাযবসপ্রমাণং কর্মস্বাযোগং বন্ধন উপকরণং সাঙ্গ্রামিকং অলঙ্কারং চিকিত্সকানীকস্থাউপস্থাযিকবর্গং চানুতিষ্ঠেত্
02.31.02 হস্ত্য্ঽঅযামদ্বিগুণ উত্সেধবিষ্কম্ভাযামাং হস্তিনীস্থানাধিকাং সপ্রগ্রীবাং কুমারীসঙ্গ্রহাং প্রান্মুখীং উদন্মুখীং বা শালাং নিবেশযেত্
02.31.03 হস্ত্য্ঽঅযামচতুর্ঽশ্রশ্লক্ষ্ণালানস্তম্ভফলকাস্তরকং স-মূত্রপুরীষ উত্সর্গং স্থানং নিবেশযেত্
02.31.04 স্থানসমাং শয্যাং অর্ধাপাশ্রযাং দুর্গে সাম্নাহ্যাউপবাহ্যানাং বহির্দম্যব্যালানাম্
02.31.05 প্রথমসপ্তম অষ্টমভাগাবহ্নঃ স্নানকালৌ, তদ্ঽনন্তরং বিধাযাঃ
02.31.06 পূর্বাহ্নে ব্যাযামকালঃ, পশ্চাহ্নঃ প্রতিপানকালঃ
02.31.07 রাত্রিভাগৌ দ্বৌ স্বপ্নকালা, ত্রিভাগঃ সংবেশন উত্থানিকঃ
02.31.08 গ্রীষ্মে গ্রহণকালঃ
02.31.09 বিংশতিবর্ষো গ্রাহ্যঃ
02.31.10 বিক্কো মোঢো মক্কণো ব্যাথিতো গর্ভিণী ধেনুকা হস্তিনী চাগ্রাহ্যাঃ
02.31.11 সপ্তারত্নি উত্সেধো নবাযামো দশ পরিণাহঃ প্রমাণতশ্চত্বারিংশদ্বর্ষো ভবত্যুত্তমঃ, ত্রিংশদ্বর্ষো মধ্যমঃ, পঞ্চবিংশতিবর্ষোঽবরঃ
02.31.12 তযোঃ পাদাবরো বিধাবিধিঃ
02.31.13 অরত্নৌ তণুলদ্রোণঃ, অর্ধাঢকং তৈলস্য, সর্পিষঃ ত্রযঃ প্রস্থাঃ, দশপলং লবণস্য, মাংসং পঞ্চাশত্পলিকং, রসস্যাঢকং দ্বিগুণং বা দধ্নঃ পিণ্ডক্লেদনার্থং, ক্ষারদশপলিকং মদ্যস্যাঢকং দ্বিগুণং বা পযসঃ প্রতিপানং, গাত্রাবসেকঃ তৈলপ্রস্থঃ, শিরসোঽষ্টভাগঃ প্রাদীপিকশ্চ, যবসস্য দ্বৌ ভারৌ স-পাদৌ, শষ্পস্য শুষ্কস্যার্ধতৃতীযো ভারঃ, কডঙ্করস্যানিযমঃ
02.31.14 সপ্তারত্নিনা তুল্যভোজনোঽষ্টারত্নিরত্যরালঃ
02.31.15 যথাহস্তং অবশেষঃ ষড্ঽরত্নিঃ পঞ্চারত্নিশ্চ
02.31.16 ক্ষীরযাবসিকো বিক্কঃ ক্রীডাঽর্থং গ্রাহ্যঃ
02.31.17 সঞ্জাতলোহিতা প্রতিচ্ছন্না সম্লিপ্তপক্ষা সমকক্ষ্যা ব্যতিকীর্ণমাংসা সমতল্পতলা জাতদ্রোণিকা ইতি শোভাঃ
02.31.18ab শোভাবশেন ব্যাযামং ভদ্র্ম মন্দং চ কারযেত্ |
02.31.18chd মৃগং সঙ্কীর্ণলিঙ্গং চ কর্মস্বৃতুবশেন বা

Chapt | Activity of elephants
02.32.01 কর্মস্কন্ধাশ্চত্বারো দম্যঃ সাম্নাহ্য ঔপবাহ্যো ব্যালশ্চ
02.32.02 তত্র দম্যঃ পঞ্চবিধঃ স্কন্ধগতঃ স্তম্ভগতো বারিগতোঽবপাতগতো যূথগতশ্চ ইতি
02.32.03 তস্য উপবিচারো বিক্ককর্ম
02.32.04 সাম্নাহ্যঃ সপ্তক্রিযাপথ উপস্থানং সংবর্তনং সম্যানং বধাবধো হস্তিযুদ্ধং নাগরাযণং সাঙ্গ্রামিকং চ
02.32.05 তস্য উপবিচারঃ কক্ষ্যাকর্ম গ্রৈবেযকর্ম যূথকর্ম চ
02.32.06 ঔপবাহ্যোঽষ্টবিধ আচরণঃ কুঞ্জরাউপবাহ্যো ধোরণ আধানগতিকো যষ্ট্য্.উপবাহ্যঃ তোত্র উপবাহ্যঃ শুদ্ধ উপবাহ্যো মার্গযুকশ্চ ইতি
02.32.07 তস্য উপবিচারঃ শারদকর্ম হীনকর্ম নার উষ্ট্রকর্ম চ
02.32.08 ব্যাল একক্রিযাপথঃ শঙ্কিতোঽবরুদ্ধো বিষমঃ প্রভিন্নঃ প্রভিন্নবিনিশ্চযো মদহেতুবিনিশ্চযশ্চ
02.32.09 তস্য-উপবিচার আযম্য একরক্ষাকর্ম
02.32.10 ক্রিযাবিপন্নো ব্যালঃ শুদ্ধঃ সুব্রতো বিষমঃ সর্বদোষপ্রদুষ্টশ্চ
02.32.11 তেষাং বন্ধন উপকরণং অনীকস্থপ্রমাণম্
02.32.12 আলানগ্রৈবেযকক্ষ্যাপারাযণপরিক্ষেপ উত্তরাদিকং বন্ধনম্
02.32.13 অঙ্কুশবেণুযন্ত্রাদিকং উপকরণম্
02.32.14 বৈজযন্তীক্ষুরপ্রমালাস্তরণকুথাঽঽদিকং ভূষণম্
02.32.15 বর্মতোমরশরাবাপযন্ত্রাদিকঃ সাঙ্গ্রামিকালঙ্কারঃ
02.32.16 চিকিত্সকানীকস্থারোহকাধোরণহস্তিপকৌপচারিকবিধাপাচকযাবসিকপাদপাশিককুটীর্রক্ষকাউপশযৈকাদিরৌপস্থাযিকবর্গঃ
02.32.17 চিকিত্সককুটীরক্ষবিধাপাচকাঃ প্রস্থোদনং স্নেহপ্রসৃতিং ক্ষারলবণযোশ্চ দ্বিপলিকং হরেযুঃ, দশপলং মাংসস্য, অন্যত্র চিকিত্সকেভ্যঃ
02.32.18 পথিব্যাধিকর্মমদজরাঽভিতপ্তানাং চিকিত্সকাঃ প্রতিকুর্যুঃ
02.32.19 স্থানস্যাশুদ্ধির্যবসস্যাগ্রহণং স্থলে শাযনং অভাগে ঘাতঃ পরারোহণং অকালে যানং অভূমাবতীর্থেঽবতারণং তরুষণ্ড ইত্যত্যযস্থানানি
02.32.20 তং এষাং ভক্তবেতনাদ্ আদদীত
02.32.21ab তিস্রো নীরাজনাঃ কার্যাশ্চাতুর্মাস্য.ঋতুসন্ধিষু |
02.32.21chd ভূতানাং কৃষ্ণসন্ধী ইজ্যাঃ সেনান্যঃ শুক্লসন্ধুষু
02.32.22ab দন্তমূলপরীণাহদ্বিগুণং প্রোজ্ঝ্য কল্পযেত্ |
02.32.22chd অব্দে দ্ব্য্ঽর্ধে নদীজানাং পঞ্চাব্দে পর্বতোকসাম্ ( ইতি)

Chapt | Superintendent of chariots
Superintendent of foot-soldiers
Activity of the commandant of the armয্
02.33.01 অশ্বাধ্যক্ষেণ রথাধ্যক্ষো ব্যাখ্যাতঃ
02.33.02 স রথকর্মান্তান্ কারযেত্
02.33.03 দশপুরুষো দ্বাদশান্তরো রথঃ
02.33.04 তস্মাদ্ একান্তরাবরা আষড্ঽন্তরাদ্ ইতি সপ্ত রথাঃ
02.33.05 দেবরথপুষ্যরথসাঙ্গ্রামিকপারিযাণিকপরপুরাভিযানিকবৈনযিকাংশ্চ রথান্ কারযেত্
02.33.06 ইষ্ব্ঽস্ত্রপ্রহরণাবরণ উপকরণকল্পনাঃ সারথিরথিকরথ্যানাং চ কর্মস্বাযোগং বিদ্যাত্, আকর্মভ্যশ্চ ভক্তবেতনং ভৃতানাং অভৃতানাং চ যোগ্যারক্ষাঽনুষ্ঠানং অর্থমানকর্ম চ
02.33.07 এতেন পত্ত্য্ঽধ্যক্ষো ব্যাখ্যাতঃ
02.33.08 স মৌলভৃতশ্রেণিমিত্রামিত্রাটবীবলানাং সারফল্গুতাং বিদ্যাত্, নিম্নস্থলপ্রকাশকূটখনকাকাশদিবারাত্রিযুদ্ধব্যাযামং চ, আযোগং অযোগং চ কর্মসু
02.33.09 তেদ্ এব সেনাপতিঃ সর্বযুদ্ধপ্রহরণবিদ্যাবিনীতো হস্ত্য্ঽশ্বরথচর্যাসঙ্ঘুষ্টশ্চতুর্ঽঙ্গস্য বলস্যানুষ্ঠানাধিষ্ঠানং বিদ্যাত্
02.33.10 স্বভূমিং যুদ্ধকালং প্রত্যনীকং অভিন্নভেদনং ভিন্নসন্ধানং সংহতভেদনং ভিন্নবধং দুর্গবধং যাত্রাকালং চ পশ্যেত্
02.33.11ab তূর্যধ্বজপতাকাভির্ব্যূহসংজ্ঞাঃ প্রকল্পযেত্ |
02.33.11chd স্থানে যানে প্রহরণে সৈন্যানাং বিনযে রতঃ ( ইতি)

Chapt | Superintendent of passports
Superintendent of pasture lands
02.34.01 মুদ্রাঽধ্যক্ষো মুদ্রাং মাষকেণ দদ্যাত্
02.34.02 স-মুদ্রো জনপদং প্রবেষ্টুং নিষ্ক্রমিতুং বা লভেত
02.34.03 দ্বাদশপণং অমুদ্রো জানপদো দদ্যাত্
02.34.04 কূটমুদ্রাযাং পূর্বঃ সাহসদণ্ডঃ তিরোজনপদস্য উত্তমঃ
02.34.05 বিবীতাধ্যক্ষো মুদ্রাং পশ্যেত্
02.34.06 গ্রামান্তরেষু চ বিবীতং স্থাপযেত্
02.34.07 চোরব্যালভযান্নিম্নারণ্যানি শোধযেত্
02.34.08 অনুদকে কূপসেতুবন্ধ উত্সান্ স্থাপযেত্, পুষ্পফলবাটাংশ্চ
02.34.09 লুব্ধকশ্বগণিনঃ পরিব্রজেযুররণ্যানি
02.34.10 তস্করামিত্রাভ্যাগমে শঙ্খদুন্দুভিশব্দং অগ্রাহ্যাঃ কুর্যুঃ শৈলবৃক্ষাধিরূঢা বা শীঘ্রবাহনা বা
02.34.11 অমিত্রাটবীসঞ্চারং চ রাজ্ঞো গৃহকপোতৈর্মুদ্রাযুক্তৈর্হারযেত্, ধূমাগ্নিপরম্পরযা বা
02.34.12ab দ্রব্যহস্তিবনাজীবং বর্তনীং চোররক্ষণম্ |
02.34.12chd সার্থাতিবাহ্যং গোরক্ষ্যং ব্যবহারং চ কারযেত্ ( ইতি)

Chapt | Activity of the administrator
Secret agents in the disguise of householders, traders, and ascetics
02.35.01 সমাহর্তা চতুর্ধা জনাপ্দং বিভজ্য জ্যেষ্ঠমধ্যমকনিষ্ঠবিভাগেন গ্রামাগ্রং পরিহারকং আযুধীযং ধান্যপশুহিরণ্যকুপ্যবিষ্টিপ্রতিকরং ইদং এতাবদ্ ইতি নিবন্ধযেত্
02.35.02 তত্প্রদিষ্টঃ পঞ্চগ্রামীং দশগ্রামীং বা গোপশ্চিন্তযেত্
02.35.03 সীমাবরোধেন গ্রামাগ্রং, কৃষ্টাকৃষ্টস্থলকেদারারামষণ্ডবাটবনবাস্তুচৈত্যদেবগৃহসেতুবন্ধশ্মশানসত্ত্রপ্রপাপুণ্যস্থানবিবীতপথিসঙ্খ্যানেন ক্ষেত্রাগ্রং, তেন সীম্নাং ক্ষেত্রাণাং চ করদাকরদসঙ্খ্যানেন
02.35.04 তেষু চ এতাবচ্চাতুর্বার্ণ্যং, এতাবন্তঃ কর্ষকগোরক্ষকবৈদেহককারুকর্মকরদাসাশ্চ, এতাবচ্চ দ্বিপদচতুষ্পদং, ইদং চ এষু হিরণ্যল্বিষ্টিশুল্কদণ্ডং সমুত্তিষ্ঠতি ইতি
02.35.05 কুলানাং চ স্ত্রীপুরুষাণাং বালবৃদ্ধকর্মচরিত্রাজীবব্যযপরিমাণং বিদ্যাত্
02.35.06 এবং চ জনপদচতুর্ভাগং স্থানিকশ্চিন্তযেত্
02.35.07 গোপস্থানিকস্থানেষু প্রদেষ্টারঃ কার্যকরণং বলিপ্রগ্রহং চ কুর্যুঃ
02.35.08 সমাহর্তৃপ্রদিষ্টাশ্চ গৃহপতিকব্যঞ্জনা যেষু গ্রামেষু প্রণিহিতাঃ তেষাং গ্রামাণাং ক্ষেত্রগৃহকুলাগ্রং বিদ্যুঃ, মানসঞ্জাতাভ্যাং ক্ষেত্রাণি ভোগপরিহারাভ্যাং গৃহাণি বর্ণকর্মভ্যাং কুলানি চ
02.35.09 তেষাং জঙ্ঘাগ্রং আযব্যযৌ চ বিদ্যুঃ
02.35.10 প্রস্থিতাগতানাং চ প্রবাসাবাসকারণং, অনর্থ্যানাং চ স্ত্রীপুরুষাণাং চারপ্রচারং চ বিদ্যুঃ
02.35.11 এবং বৈদেহকব্যঞ্জনাঃ স্বভূমিজানাং রাজপণ্যানাং খনিসেতুবনকর্মান্তক্ষেত্রজানাং প্রমাণং অর্ঘং চ বিদ্যুঃ
02.35.12 পরভূমিজাতানাং বারিস্থলপথ উপযাতানাং সারফল্গুপুণ্যানাং কর্মসু চ শুল্কবর্তন্য্ঽঅতিবাহিকগুল্মতরদেযভাগভক্তপণ্যাগারপ্রমাণং বিদ্যুঃ
02.35.13 এবং সমাহর্তৃপ্রদিষ্টাঃ তাপসব্যঞ্জনাঃ কর্ষকগোরক্ষকবৈদেহকানাং অধ্যক্ষাণাং চ শৌচাশৌচং বিদ্যুঃ
02.35.14 পুরাণ চোরব্যঞ্জনাশ্চান্তেবাসিনশ্চৈত্যচতুষ্পথশূন্যপদ উদপাননদীনিপানতীর্থাযতনাশ্রমারণ্যশৈলবনগহনেষু স্তেনামিত্রপ্রবীরপুরুষাণাং চ প্রবেশনস্থানগমনপ্রযোজনান্যুপলভেরন্
02.35.15ab সমাহর্তা জনপদং চিন্তযেদ্ এবং উত্থিতঃ |
02.35.15chd চিন্তযেযুশ্চ সংস্থাঃ তাঃ সংস্থাশ্চান্যাঃ স্বযোনযঃ ( ইতি)

Chapt | Rules for the city-superintendent
02.36.01 সমাহর্তৃবন্নাগরিকো নগরং চিন্তযেত্
02.36.02 দশকুলীং গোপো বিংশতিকুলীং চত্বারিংশত্কুলীং বা
02.36.03 স তস্যাং স্ত্রীপুরুষাণাং জাতিগোত্রনামকর্মভিঃ জঙ্ঘাগ্রং আযব্যযৌ চ বিদ্যাত্
02.36.04 এবং দুর্গচতুর্ভাগং স্থানিকশ্চিন্তযেত্
02.36.05 ধর্মাবসথিনঃ পাষণ্ডিপথিকান্ আবেদ্য বাসযেযুঃ, স্বপ্রত্যযাশ্চ তপস্বিনঃ শ্রোত্রিযাংশ্চ
02.36.06 কারুশিল্পিনঃ স্বকর্মস্থানেষু স্বজনং বাসযেযুঃ, বৈদেহকাশ্চান্যোন্যং স্বকর্মস্থানেষু
02.36.07 পণ্যানাং অদেশকালবিক্রেতারং অস্বকরণং চ নিবেদযেযুঃ
02.36.08 শৌণ্ডিকপাক্বমাংসিকাউদনিকরূপাজীবাঃ পরিজ্ঞাতং আবাসযেযুঃ
02.36.09 অতিব্যযকর্তারং অত্যাহিতকর্মাণং চ নিবেদযেযুঃ
02.36.10 চিকিত্সকঃ প্রচ্ছন্নব্রণপ্রতীকারকারযিতারং অপথ্যকারিণং চ গৃহস্বামী চ নিবেদ্য গোপস্থানিকযোর্মুচ্যেত, অন্যথা তুল্যদোষঃ স্যাত্
02.36.11 প্রস্থিতাগতৌ চ নিবেদযেত্, অন্যথা রাত্রিদোষং ভজেত
02.36.12 ক্ষেমরাত্রিষু ত্রিপণং দদ্যাত্
02.36.13 পথিক উত্পথিকাশ্চ বহির্ঽন্তশ্চ নগরস্য দেবগৃহপুণ্যস্থানবনশ্মশানেষু স-ব্রণং অনিষ্ট উপকরণং উদ্ভাণ্ডীকৃতং আবিগ্নং অতিস্বপ্নং অধ্বক্লান্তং অপূর্বং বা গৃহ্ণীযুঃ
02.36.14 এবং অভ্যন্তরে শূন্যনিবেশাবেশনশৌণ্ডিকাউদনিকপাক্বমাংসিকদ্যূতপাষণ্ডাবাসেষু বিচযং কুর্যুঃ
02.36.15 অগ্নিপ্রতীকারং চ গ্রীষ্মে
02.36.16 মধ্যমযোরহ্নশ্চতুর্ভাগযোরষ্টভাগোঽগ্নিদণ্ডঃ
02.36.17 বহির্ঽধিশ্রযণং বা কুর্যুঃ
02.36.18 পাদঃ পঞ্চঘটীনাং কুম্ভদ্রোণিনিহ্শ্রেণীপরশুশূর্পাঙ্কুশকচগ্রহণীদৃতীনাং চাকরণে
02.36.19 তৃণকটচ্ছন্নান্যপনযেত্
02.36.20 অগ্নিজীবিন একস্থান্ বাসযেত্
02.36.21 স্বগৃহপ্রদ্বারেষু গৃহস্বামিনো বসেযুঃ অসম্পাতিনো রাত্রৌ
02.36.22 রথ্যাসু কুটব্রজাঃ সহস্রং তিষ্ঠেযুঃ, চতুষ্পথদ্বাররাজপরিগ্রহেষু চ
02.36.23 প্রদীপ্তং অনভিধাবতো গৃহস্বামিনো দ্বাদশপণো দণ্ডঃ, ষট্পণোঽবক্রযিণঃ
02.36.24 প্রমাদাদ্ দীপ্তেষু চতুষ্পঞ্চাশত্পণো দণ্ডঃ
02.36.25 প্রদীপিকোঽগ্নিনা বধ্যঃ
02.36.26 পাংসুন্যাসে রথ্যাযাং অষ্টভাগো দণ্ডঃ, পঙ্ক উদকসম্নিরোধে পাদঃ
02.36.27 রাজমার্গে দ্বিগুণঃ
02.36.28 পণ্যস্থান উদকস্থানদেবগৃহরাজপরিগ্রহেষু পণ উত্তরা বিষ্টাদণ্ডাঃ, মূত্রেষ্বর্ধদণ্ডাঃ
02.36.29 ভৈষজ্যব্যাধিভযনিমিত্তং অদণ্ড্যাঃ
02.36.30 মার্জারশ্বনকুলসর্পপ্রেতানাং নগরস্যান্তর্.উত্সর্গে ত্রিপণো দণ্ডঃ, খর উষ্ট্রাশ্বতরাশ্বপ্রেতানাং ষট্পণঃ, মনুষ্যপ্রেতানাং পঞ্চাশত্পণঃ
02.36.31 মার্গবিপর্যাসে শবদ্বারাদ্ অন্যতশ্চ শবনির্ণযনে পূর্বঃ সাহসদণ্ডঃ
02.36.32 দ্বাঃস্থানাং দ্বিশতম্
02.36.33 শ্মশানাদ্ অন্যত্র ন্যাসে দহনে চ দ্বাদশপণো দণ্ডঃ
02.36.34 বিষণ্ণালিকং উভযতোরাত্রং যামতূর্যম্
02.36.35 তূর্যশব্দে রাজ্ঞো গৃহাভ্যাশে সপাদপণংঽক্ষণতাডনং প্রথমপশ্চিমযামিকং, মধ্যমযামিকং দ্বিগুণং, অন্তশ্চতুর্গুণম্
02.36.36 শঙ্কনীযে দেশে লিঙ্গে পূর্বাপদানে চ গৃহীতং অনুযুঞ্জীত
02.36.37 রাজপরিগ্রহ উপগমনে নগররক্ষাঽঽরোহণে চ মধ্যমঃ সাহসদণ্ডঃ
02.36.38 সূতিকাচিকিত্সকপ্রেতপ্রদীপযাননাগরিকতূর্যপ্রেক্ষাঽগ্নিনিমিত্তং মুদ্রাভিশ্চাগ্রাহ্যাঃ
02.36.39 চাররাত্রিষু প্রচ্ছন্নবিপরীতবেষাঃ প্রব্রজিতা দণ্ডশস্ত্রহস্তাশ্চ মনুষ্যা দোষতো দণ্ড্যাঃ
02.36.40 রক্ষিণাং অবার্যং বারযতাং বার্যং চাবারযতাং ক্ষণদ্বিগুণো দণ্ডঃ
02.36.41 স্ত্রিযং দাসীং অধিমেহযতাং পূর্বঃ সাহসদণ্ডঃ, অদাসীং মধ্যমঃ, কৃতাবরোধাং উত্তমঃ, কুলস্ত্রিযং বধঃ
02.36.42 চেতনাচেতনিকং রাত্রিদোষং অশংসতো নাগরিকস্য দোষানুরূপো দণ্ডঃ, প্রমাদস্থানে চ
02.36.43 নিত্যং উদকস্থানমার্গভ্রমচ্ছন্নপথবপ্রপ্রাকাররক্ষাঽবেক্ষণং নষ্টপ্রস্মৃতাপসৃতানাং চ রক্ষণম্
02.36.44 বন্ধনাগারে চ বালবৃদ্ধব্যাধিতানাথানাং জাতনক্ষত্রপৌর্ণমাসীষু বিসর্গঃ
02.36.45 পণ্যশীলাঃ সমযানুবদ্ধা বা দোষনিষ্ক্রযং দদ্যুঃ
02.36.46ab দিবসে পঞ্চরাত্রে বা বন্ধনস্থান্ বিশোধযেত্ |
02.36.46chd কর্মণা কাযদণ্ডেন হিরণ্যানুগ্রহেণ বা
02.36.47ab অপূর্বদেশাধিগমে যুবরাজাভিSএচনে |
02.36.47chd পুত্রজন্মনি বা মোক্ষো বন্ধনস্য বিধীযতে ( ইতি)