শ্লোক সংগ্রহ ১

.. শ্লোক সংগ্রহ ১ ..

ॐ
বক্রতুংড মহাকায কোটিসূর্যসমপ্রভ .
নির্বিঘ্নং কুরু মে দেব সর্বকার্যেষু সর্বদা ..
যা কুন্দেন্দু তুষার্ হার ধবলা যা শুভ্রবস্ত্রাবৃতা .
যা বীণাবরদংড মংডিতকরা যা শ্বেতপদ্মাসনা .
যা ব্রহ্মাচ্যুতশংকরপ্রভ্রুতিভির্দেবৈ সদা বংদিতা .
সা মাং পাতু সরস্বতী ভগবতী নিঃশেষ জাড্যা পহা ..
গুরুব্রর্হ্মা গুরুর্বিষ্ণুঃ গুরুর্দেবো মহেশ্বরঃ .
গুরুঃ সাক্ষাত্পরব্রহ্ম তস্মৈ শ্রী গুরবেনমঃ ..
করাগ্রে বসতে লক্ষ্মীঃ করমধ্যে সরস্বতী .
করমূলে তু গোবিন্দঃ প্রভাতে করদর্শনং ..
সমুদ্রবসনে দেবি পর্বতস্তনমণ্ডলে .
বিষ্ণুপত্নি নমস্তুভ্যং পাদস্পর্শং ক্ষমস্ব মে ..
শাংতাকারং ভুজগশযনং পদ্মনাভং সুরেশং .
বিশ্বাধারং গগনসদৃশং মেঘবর্ণং শুভাঙ্গং .
লক্ষ্মীকাংতং কমলনযনং যোগিভিধ্যার্নগম্যং .
বংদে বিষ্ণুং ভবভযহরং সর্বলোকৈকনাথম্ ..
সর্বেঽপি সুখিনঃ সন্তু সর্বে সন্তু নিরামযাঃ .
সর্বে ভদ্রাণি পশ্যন্তু মা কশ্চিত্দুঃখভাগ্ভবেত্ ..
যা দেবী সর্বভূতেষু মাতৃরুপেণ সংস্থিতঃ .
যা দেবী সর্বভূতেষু শক্তিরুপেণ সংস্থিতঃ .
যা দেবী সর্বভূতেষু শান্তিরুপেণ সংস্থিতঃ .
নমস্তস্যৈঃ নমস্তস্যৈঃ নমস্তস্যৈঃ নমো নমঃ ..
ॐ ণমো অরিহংতাণং
ॐ ণমো সিদ্ধাণং
ॐ ণমো আযরিযাণং
ॐ ণমো উবজ্ঝাযাণং
ॐ ণমো লোএ সব্বসাহুণং
এসো পংচ ণমোকারো
সব্ব পাবপণাসণো
মংগলাণং চ সব্বেসিম্
পঢমং হবৈই মংগলং

সর্ব মংগল মাংগল্যে শিবে সর্বার্থ সাধিকে .
শরণ্যে ত্র্যংবকে গৌরী নারাযণী নমোস্তুতে ..
বসুদেব সুতং দেবং কংস চাণূরমর্দনং .
দেবকী পরমানংদং কৃষ্ণং বংদে জগদ্গুরুং ..
ব্রহ্মার্পণং ব্রহ্ম হবিঃ ব্রহ্মাগ্নৌ ব্রহ্মণা হুতম্ .
ব্রহ্মৈব তেন গন্তব্যং ব্রহ্মকর্মসমাধিনা ..
রাম রামেতি রামেতি রমে রামে মনোরমে .
সহস্রনাম তত্তুল্যং রামনাম বরাননে ..
শুভং করোতি কল্যাণং আরোগ্যং ধনসংপদা .
শত্রুবুধ্দিবিনাশায দীপজ্যোতি নমোঽস্তুতে ..
কর্মণ্যেবাধিকারস্তে মা ফলেষু কদাচন .
মা কর্মফলহেতুর্ভিঃ মা তে সঙ্গোস্ত্ব কর্মণি ..
করচরণ কৃতং বাক্কাযজং কর্মজং বা .
শ্রবণনযনজং বা মানসং বাপরাধং .
বিহিতমবিহিতং বা সর্বমেতত্ক্ষমস্ব .
জয জয করুণাব্ধে শ্রীমহাদেব শম্ভো ..
ॐ সহ নাববতু . সহ নৌভুনক্তু .
সহ বীর্যং করবাবহৈ .
তেজস্বি নাবধীতমস্তু . মা বিদ্বিষাবহৈ ..
ত্বমেব মাতা চ পিতা ত্বমেব .
ত্বমেব বন্ধুশ্চ সখা ত্বমেব .
ত্বমেব বিদ্যা দ্রবিণং ত্বমেব .
ত্বমেব সর্বং মম দেবদেব ..
ॐ অসতো মা সদ্গময . তমসো মা জ্যোতির্গময .
মৃত্যোমার্ অমৃতং গময ..
ॐ শাংতিঃ শাংতিঃ শাংতিঃ ..
ॐ পূর্ণমদঃ পূর্ণমিদং পূর্ণাত্ পূর্ণমুদচ্যতে .
পূর্ণস্য পূর্ণমাদায পূর্ণমেবাবশিষ্যতে ..

ॐ শাংতিঃ শাংতিঃ শাংতিঃ ..