শঙ্করাচার্যাষ্টোত্তরশতনামস্তোত্রম্

.. শ্রী শঙ্করাচার্যাষ্টোত্তরশতনামস্তোত্রম্ ..

শ্রীশংকরাচার্যবর্যো ব্রহ্মানন্দপ্রদাযকঃ |
অজ্ঞানতিমিরাদিত্যস্সুজ্ঞানাম্বুধিচন্দ্রমাঃ || ১||

বর্ণাশ্রমপ্রতিষ্ঠাতা শ্রীমান্মুক্তিপ্রদাযকঃ |
শিষ্যোপদেশনিরতো ভক্তাভীষ্টপ্রদাযকঃ || ২||

সূক্ষ্মতত্ত্বরহস্যজ্ঞঃ কার্যাকার্যপ্রবোধকঃ |
জ্ঞানমুদ্রাঞ্চিতকরশ্-শিষ্যহৃত্তাপহারকঃ || ৩||

পরিব্রাজাশ্রমোদ্ধর্তা সর্বতন্ত্রস্বতন্ত্রধীঃ |
অদ্বৈতস্থাপনাচার্যস্সাক্ষাচ্ছংকররূপভৃত্ || ৪||

ষন্মতস্থাপনাচার্যস্ত্রযীমার্গ প্রকাশকঃ |
বেদবেদান্ততত্ত্বজ্ঞো দুর্বাদিমতখণ্ডনঃ || ৫||

বৈরাগ্যনিরতশ্শান্তস্সংসারার্ণবতারকঃ |
প্রসন্নবদনাম্ভোজঃ পরমার্থপ্রকাশকঃ || ৬||

পুরাণস্মৃতিসারজ্ঞো নিত্যতৃপ্তো মহাঞ্ছুচিঃ |
নিত্যানন্দো নিরাতংকো নিস্সংগো নির্মলাত্মকঃ || ৭||

নির্মমো নিরহঙ্কারো বিশ্ববন্দ্যপদাম্বুজঃ |
সত্ত্বপ্রধানস্সদ্ভাবস্সঙ্খ্যাতীতগুণোজ্জ্বলঃ || ৮||

অনঘস্সারহৃদযস্সুধীসারস্বতপ্রদঃ |
সত্যাত্মা পুণ্যশীলশ্চ সাঙ্খ্যযোগবিলক্ষণঃ || ৯||

তপোরাশির্ মহাতেজো গুণত্রযবিভাগবিত্ |
কলিঘ্নঃ কালকর্মজ্ঞস্তমোগুণনিবারকঃ || ১০||

ভগবান্ভারতীজেতা শারদাহ্বানপণ্দিতঃ |
ধর্মাধর্মবিভাবজ্ঞো লক্ষ্যভেদপ্রদর্শকঃ || ১১||

নাদবিন্দুকলাভিজ্ঞো যোগিহৃত্পদ্মভাস্করঃ |
অতীন্দ্রিযজ্ঞাননিধির্নিত্যানিত্যবিবেকবান্ || ১২||

চিদানন্দশ্চিন্মযাত্মা পর্কাযপ্রবেশকৃত্ |
অমানুষচরিত্রাঢ্যঃ ক্ষেমদাযী ক্ষমাকরঃ || ১৩||

ভব্যো ভদ্রপ্রদো ভূরি মহিমা বিশ্বরঞ্জকঃ |
স্বপ্রকাশস্সদাধারো বিশ্ববন্ধুশ্শুভোদযঃ || ১৪||

বিশালকীর্তির্বাগীশস্সর্বলোকহিতোত্সুকঃ |
কৈলাসযাত্রসংপ্রাপ্ত চন্দ্রমৌলিপ্রপূজকঃ || ১৫||

কাংচ্যাং শ্রীচক্র রাজখ্য যন্ত্র স্থাপন দীক্ষিতঃ |
শ্রীচক্রাত্মক তাটঙ্ক তোষিতাম্বা মনোরথঃ || ১৬||

ব্রহ্মসূত্রোপনিষদ্ভাষ্যাদিগ্রন্থকল্পকঃ |
চতুর্দিক্চতুরাম্নাযপ্রতিষ্ঠাতা মহামতিঃ || ১৭||

দ্বিসপ্ততি মতোচ্ছেত্তা সর্বদিগ্বিজযপ্রভুঃ |
কাষাযবসনোপেতো ভস্মোদ্ধূলিতবিগ্রহঃ || ১৮||

জ্ঞানত্মকৈকদণ্ডাঢ্যঃ কমণ্ডলুলসত্করঃ |
গুরুভূমণ্ডলাচার্যো ভগবত্পাদসংজ্ঞকঃ || ১৯||

ব্যাসসংদর্শনপ্রীতঃ ঋষ্যশৃঙ্গপুরেশ্বরঃ |
সৌন্দর্যলহরী মুখ্য বহুস্তোত্র বিধাযকঃ || ২০||

চতুষ্ষষ্টিকলাভিজ্ঞো ব্রহ্মরাক্ষসপোষকঃ |
শ্রীমন্মণ্ডনমিশ্রাখ্যস্বংভূজযসন্নুতঃ || ২১||

তোটকাচার্যসম্পূজ্য পদ্মপাদর্চিতাঙ্ঘ্রিকঃ |
হস্তামলযোগিন্দ্র ব্রহ্মজ্ঞানপ্রদাযকঃ || ২২||

সুরেশ্বরাখ্য সচ্ছিষ্য সন্যাসাশ্রম দাযকঃ |
নৃসিংহভক্তস্সদ্রত্নগর্ভহেরম্বপূজকঃ || ২৩||

ব্যাখ্যসিংহাসনাধীশো জগত্পূজ্যো জগদ্গুরুঃ |
ইতি শ্রীমচ্ছংকরাচার্যসর্বলোকগুরোঃ পরম্ || ২৪||

নাম্নামষ্টোত্তরশতং ভুক্তিমুক্তিফলপ্রদং |
ত্রিসন্ধ্যং যঃ পঠেদ্ভক্ত্যা সর্বান্কামানবাপ্নুযাত্ ||

|| ইতি শ্রীমচ্ছংকরাচার্যাষ্টোত্তরশতনামস্তোত্রম্ ||