সর্ববেদান্তসিদ্ধান্তসারসংগ্রহ

.. সর্ববেদান্তসিদ্ধান্তসারসংগ্রহঃ ..
verses 1-3 Salutation to Brahman

.. ১ .. বন্দনম্ ..
অখণ্ডানন্দসম্বোধো বন্দনাদ্যস্য জাযতে .
গোবিন্দং তমহং বন্দে চিদানন্দতনুং গুরুম্ .. ১..
অখণ্ডং সচ্চিদানন্দমবাঙ্মনসগোচরম্ .
আত্মানমখিলাধারমাশ্রযেঽভীষ্টসিদ্ধযে .. ২..
যদালম্বো দরং হন্তি সতাং প্রত্যূহসংভবম্ .
তদালম্বে দযালম্বং লম্বোদরপদাম্বুজম্ .. ৩..

verses 4-15 The 4 indispensable qualifications
.. ২ .. সাধন-চতুষ্টয ..
বেদান্তশাস্ত্রসিদ্ধান্তসারসংগ্রহ উচ্যতে .
প্রেক্ষাবতাং মুমুক্ষূণাং সুখবোধোপপত্তযে .. ৪..
অস্য শাস্ত্রানুসারিত্বাদনুবন্ধচতুষ্টযম্ .
যদেব মূলং শাস্ত্রস্য নির্দিষ্টং তদিহোচ্যতে .. ৫..
অধিকারী চ বিষযঃ সম্বন্ধশ্চ প্রযোজনম্ .
শাস্ত্রারম্ভফলং প্রাহুরনুবন্ধচতুষ্টযম্ .. ৬..
চতুর্ভিঃ সাধনৈঃ সম্যক্সম্পন্নো যুক্তিদক্ষিণঃ .
মেধাবী পুরুষো বিদ্বানধিকার্যত্র সংমতঃ .. ৭..
বিষযঃ শুদ্ধচৈতন্যং জীবব্রহ্মৈক্যলক্ষণম্ .
যত্রৈব দৃশ্যতে সর্ববেদান্তানাং সমন্বযঃ .. ৮..
এতদৈক্যপ্রমেযস্য প্রমাণস্যাপি চ শ্রুতেঃ .
সম্বন্ধঃ কথ্যতে সদ্ভির্বোধ্যবোধকলক্ষণঃ .. ৯..
ব্রহ্মাত্মৈকবিজ্ঞানং সন্তঃ প্রাহুঃ প্রযোজনম্ .
যেন নিঃশেষসংসারবন্ধাত্সদ্যঃ প্রমুচ্যতে .. ১০..
প্রযোজনং সংপ্রবৃত্তেঃ কারণং ফললক্ষণম্ .
প্রযোজনমনুদ্দিশ্য ন মন্দোঽপি প্রবর্ততে .. ১১..
সাধনচতুষ্টযসংপত্তির্যস্যাস্তি ধীমতঃ পুংসঃ .
তস্যৈবৈতত্ফলসিদ্ধির্নান্যস্য কিংচিদূনস্য .. ১২..
চত্বারি সাধনান্যত্র বদন্তি পরমর্ষযঃ .
মুক্তির্যেষাং তু সদ্ভাবে নাভাবে সিদ্ধ্যতি ধ্রুবম্ .. ১৩..
আদ্যং নিত্যানিত্যবস্তুবিবেকঃ সাধনং মতম্ .
ইহামুত্রার্থফলভোগবিরাগো দ্বিতীযকম্ .. ১৪..
শমাদিষট্কসংপত্তিস্তৃতীযং সাধনং মতম্ .
তুরীযং তু মুমুক্ষুত্বং সাধনং শাস্ত্রসংমতম্ .. ১৫..

verses 16-21 Discrimination
.. ৩ .. বস্তু-বিবেক ..
ব্রহ্মৈব নিত্যমন্যত্তু হ্যনিত্যমিতি বেদনম্ .
সোঽযং নিত্যানিত্যবস্তুবিবেক ইতি কথ্যতে .. ১৬..
মৃদাদিকারণং নিত্যং ত্রিষু কালেষু দর্শনাত্ .
ঘটাদ্যনিত্যং তত্কার্যং যতস্তন্নাশ ঈক্ষ্যতে .. ১৭..
তথৈবতজ্জগত্সর্বমনিত্যং ব্রহ্মকার্যতঃ .
তত্কারণং পরং ব্রহ্ম ভবেন্নিত্যং মৃদাদিবত্ .. ১৮..
সর্গং বক্ত্যস্য তস্মাদ্বা এতস্মাদিত্যপি শ্রুতিঃ .
সকাশাদ্ব্রহ্মণস্তস্মাদনিত্যত্বে ন সংশযঃ .. ১৯..
সর্বস্যানিত্যত্বে সাবযবত্বেন সর্বতঃসিদ্ধে .
বৈকুণ্ঠাদিষু নিত্যত্বমতির্ভ্রম এব মূঢবুদ্ধিনাম্ .. ২০..
অনিত্যত্বং চ নিত্যত্বমেবং যচ্ছৃতিযুক্তিভিঃ .
বিবেচনং নিত্যানিত্যবিবেক ইতি কথ্যতে .. ২১..

verses 22-47 Desirelessness
.. ৪ .. নৈস্পৃহ্যম্ ..
ঐহিকামুষ্মিকার্থেষু হ্যনিত্যত্বেন নিশ্চযাত্ .
নৈঃস্পৃহ্যং তুচ্ছবুদ্ধ্যা যত্তদ্বৈরাগ্যমিতীর্যতে .. ২২..
নিত্যানিত্যপদার্থবিবেকাত্পুরুষস্য জাযতে সদ্যঃ .
স্রক্চন্দনবনিতাদৌ সর্বত্রানিত্যবস্তুনি বিরক্তিঃ .. ২৩..
কাকস্যবিষ্ঠাবদসহ্যবুদ্ধির্ভোগ্যেষু সা তীব্রবিরক্তিরিষ্যতে .
বিরক্তিতীব্রত্বনিদানমাহুর্ভোগ্যেষু দোষেক্ষণমেব সন্তঃ .. ২৪..
প্রদৃশ্যতে বস্তুনি যত্র দোষো ন তত্র পুংসোঽস্তি পুনঃ প্রবৃত্তিঃ .
অন্তর্মহারোগবতীং বিজানন্কো নাম বেশ্যামপি রূপিণীং ব্রজেত্ .. ২৫..
অত্রাপি চান্যত্র চ বিদ্যমানপদার্থসংমর্শনমেব কার্যম্ .
যথাপ্রকারার্থগুণাভিমর্ষনং সন্দর্শযত্যেব তদীযদোষম্ .. ২৬..
কুক্ষৌ স্বমাতুর্মলমূত্রমধ্যে স্থিতিং তদা বিট্কৃমিদংশনং চ .
তদীযকৌক্ষেযকবহ্নিদাহং বিচার্য কো বা বিরতিং ন যাতি .. ২৭..
স্বকীযবিণ্মূত্রবিসর্জনং তচ্চোত্তানগত্যা শযনং তদা যত্ .
বালগ্রহাদ্যাহতিভাক্চ শৈশবং বিচার্য কো বা বিরতিং ন যাতি .. ২৮..
স্বীযৈঃ পরৈস্তাডনমজ্ঞভাবমত্যন্তচাপল্যমসত্ক্রিযাং চ .
কুমারভাবে প্রতিষিদ্ধবৃত্তিং বিচার্য কো বা বিরতিং ন যাতি .. ২৯..
মদোদ্ধতিং মান্যতিরস্কৃতিং চ কামাতুরত্বং সমযাতিলঙ্ঘনম্ .
তাং তাং যুক্ত্বোদিতদুষ্টচেষ্টাং বিচার্য কো বা বিরতিং ন যাতি .. ৩০..
বিরূপতাং সর্বজনাদবজ্ঞাং সর্বত্র দৈন্যং নিজবুদ্ধিহৈন্যম্ .
বৃদ্ধত্বসংভাবিতদুর্দশাং তাং বিচার্য কো বা বিরতিং ন যাতি .. ৩১..
পিত্তজ্বরার্শঃক্ষযগুল্মশূলশ্লেষ্মাদিরোগোদিততীব্রদুঃখম্ .
দুর্গন্ধমস্বাস্থ্যমনূনচিন্তাং বিচার্য কো বা বিরতিং ন যাতি .. ৩২..
যমাবলোকোদিতভীতিকম্পমর্মব্যথোচ্ছ্বাসগতীশ্চ বেদনাম্ .
প্রাণপ্রযাণে পরিদৃশ্যমানাং বিচার্য কো বা বিরতিং ন যাতি .. ৩৩..
অঙ্গারনদ্যাং তপনে চ কুম্ভীপাকেঽপি বীচ্যামসিপত্রকাননে .
দূতৈর্যমস্য ক্রিযমাণবাধাং বিচার্য কো বা বিরতিং ন যাতি .. ৩৪..
পুণ্যক্ষযে পুণ্যকৃতো নভঃস্থৈর্নিপাত্যমানান্শিথিলীকৃতাঙ্গান্ .
নক্ষত্ররূপেণ দিবশ্চ্যুতংস্তান্বিচার্য কো বা বিরতিং ন যাতি .. ৩৫..
বায্বর্কবহ্নীন্দ্রমুখান্সুরেন্দ্রানীশোগ্রভীত্যা গ্রথিতান্তরঙ্গান্ .
বিপক্ষলোকৈঃ পরিদূযমানন্বিচার্য কো বা বিরতিং ন যাতি .. ৩৬..
শ্রুত্যা নিরুক্তং সুখতারতম্যং ব্রহ্মান্তমারভ্য মহীমহেশম্ .
ঔপাধিকং তত্তু ন বাস্তবং চেদালোচ্য কো বা বিরতিং ন যাতি .. ৩৭..
যত্রাস্তি লোকে গতিতারতম্যমুচ্চাবচত্বান্বিতমত্র তত্কৃতম্ .
যথেহ তদ্বত্খলু দুঃখমস্তীত্যালোচ্য কো বা বিরতিং ন যাতি .. ৩৯..
কো নাম লোকে পুরুষো বিবেকী বিনশ্বরে তুচ্ছসুখে গৃহাদৌ .
কুর্যাদ্রতিং নিত্যমবেক্ষমাণো বৃথৈব মোহান্ম্রিযমাণজন্তূম্ .. ৪০..
সুখং কিমস্ত্যত্র বিচার্যমাণে গৃহেঽপি বা যোষিতি বা পদার্থে .
মাযাতমোঽন্ধীকৃতচক্ষুষো যে ত এব মুহ্যন্তি বিবেকশূন্যাঃ .. ৪১..
অবিচারিতরমণীযং সর্বমুদুম্বরফলোপমং ভোগ্যম্ .
অজ্ঞানমুপভোগ্যং ন তু তজ্জ্ঞানাং যোষিতি বা পদার্থে .. ৪২..
গতেঽপি তোযে সুষিরং কুলীরো হাতুং হ্যশক্তো ম্রিযতে বিমোহাত্ .
যথা তথা গেহসুখানুষক্তো বিনাশমাযাতি নরো ভ্রমেণ .. ৪৩..
কোশক্রিমিস্তন্তুভিরাত্মদেহমাবেষ্ট্য চাবেষ্ট্য চ গুপ্তিমিচ্ছন্ .
স্বযং বিনির্গন্তুমশক্ত এব সংস্ততস্তদন্তে ম্রিযতে চ লগ্নঃ .. ৪৪..
যথা তথা পুত্রকলত্রমিত্রস্নেহানুবন্ধৈর্গ্রথিতো গৃহস্থঃ .
কদাপি বা তান্পরিমুচ্য গেহাদ্গন্তুং ন শক্তো ম্রিযতে মুধৈব .. ৪৫..
কারাগৃহস্যাস্য চ কো বিশেষঃ প্রদৃশ্যতে সাধু বিচার্যমাণে .
মুক্তেঃ প্রতীপত্বমিহাপি পুংসঃ কান্তাসুখাভ্যুত্থিতমোহপাশৈঃ .. ৪৬..
গৃহস্পৃহা পাদনিবদ্ধশৃঙ্খলা কান্তাসুতাশা পটুকণ্ঠপাশঃ .
শীর্ষে পতদ্ধূর্যশনির্হি সাক্ষাত্প্রাণান্তহেতুঃ প্রবলা ধনাশা .. ৪৭..

verses 48-69 Dispassionateness
.. ৫ .. অসক্তবুদ্ধিঃ ..
আশাপাশশতেন পাশিতপদো নোত্থাতুমেব ক্ষমঃ
কামক্রোধমদাদিভিঃ প্রতিভটৈঃ সংরক্ষমাণোঽনিশম্ .
সংমোহাবরণেন গোপনবতঃ সংসারকারাগৃহা-
ন্নির্গতুং ত্রিবিধেষণাপরবশঃ কঃ শক্নুযাদ্রাগিষু .. ৪৮..
কামান্ধকারেণ নিরুদ্ধদৃষ্টির্মুহ্যত্যসত্যপ্যবলাস্বরূপে .
ন হ্যন্ধদৃষ্টেরসতঃ সতো বা সুখত্বদুঃখত্ববিচারণাস্তি .. ৪৯..
শ্লেষোদ্গারি মুখং স্রবন্মলবতী নাসাশ্রুমল্লোচনম্
স্বেদস্রাবি মলাভিপূর্ণমভিতো দুর্গন্ধদুষ্টং বপুঃ .
অন্যদ্বক্তুমশক্যমেব মনসা মন্তুং ক্বচিন্নার্হতি
স্ত্রীরূপং কথমীদৃশং সুমনসাং পাত্রীভবেন্নেত্রযোঃ .. ৫০..
দূরাদবেক্ষ্যগ্নিশিখাং পতঙ্গো রম্যত্ববুদ্ধ্যা বিনিপত্য নশ্যতি .
যথা তথা নষ্টদৃগেষ কথং নিরীক্ষেত্ বিমুক্তিমার্গম্ .. ৫১..
কামেন কান্তাং পরিগৃহ্য তদ্বজ্জনোঽপ্যযং নশ্যতি নষ্টদৃষ্টিঃ .
মাংসাস্থিমজ্জামলমূত্রপাত্রং স্ত্রিযং স্বযং রম্যতযৈব পশ্যতি .. ৫২..
কাম এব যমঃ সাক্ষাত্কান্তা বৈতরণী নদী .
বিবেকিনং মুমুক্ষূণাং নিলযস্তু যমালযঃ .. ৫৩..
যমালযে বাপি গৃহেঽপি নো নৃণাং তাপত্রযক্লেশনিবৃত্তিরস্তি .
কিংচিত্সমালোক্য তু তদ্বিরামাং সুখাত্মনা পশ্যতি মূঢলোকঃ .. ৫৪..
যমস্য কামস্য চ তারতম্যং বিচার্যমাণে মহদস্তি লোকে .
হিতং করোত্যস্য যমোঽপ্রিযঃ সন্কামস্ত্বনর্থং কুরুতে প্রিযঃ সন্ .. ৫৫..
যমোঽসতামেব করোত্যনর্থং সতাং তু সৌখ্যং কুরুতে হিতঃ সন্ .
কামঃ সতামেব গতিং নিরুন্ধন্করোত্যনর্থং হ্যসতাং নু কা কথা .. ৫৬..
বিশ্বস্য বৃদ্ধি্ স্বযমেব কাংক্ষন্প্রবর্তকং কামিজনং সসর্জম্.
তেনৈব লোকঃ পরিমুহ্যমানঃ প্রবর্ধতে চন্দ্রমসেব চাব্ধিঃ .. ৫৭..
কামো নাম মহাঞ্জগদ্ভ্রমযিতা স্থিত্বান্তরঙ্গে স্বযম্
স্ত্রী পুংসাবিতরেতরাঙ্গকগুণৈর্হাসস্চ ভাবৈঃ স্ফুটম্ .
অন্যোন্যং পরিমোহ্য নৈজতমসা প্রেমানুবন্ধেন তৌ
বদ্ধ্বা ভ্রামযতি প্রপঞ্চরচনাং সংবর্ধযন্ব্রহ্মহা .. ৫৮..
অতোঽন্তরঙ্গস্থিতকামবেগাদ্ভোগ্যে প্র্বৃত্তিঃ স্বত এব সিদ্ধা .
সর্বস্য জন্তোর্ধ্রুবমন্যথা চেদবোধিতর্থেষু কথং প্রবৃত্তিঃ .. ৫৯..
তেনৈব সর্বজন্তূনাং কামনা বলবত্তরা .
জীর্যত্যপি চ দেহেঽস্মিন্কামনা নৈব জীর্যতে .. ৬০..
অবেক্ষ্য বিষযে দোষং বুদ্ধিযুক্তো বিচক্ষণঃ .
কামপাশেন যো মুক্তঃ স মুক্তেঃ পথি গোচরঃ .. ৬১..
কামস্য বিজযোপাযং সূক্ষ্মং বক্ষ্যমহং সতাম্ .
সংকল্পস্য পরিত্যাগ উপাযঃ সুলভো মতঃ .. ৬২..
শ্রুতে দৃষ্টেঽপি বা ভোগ্যে যস্মিন্কস্মিংশ্চ বস্তুনি .
সমীচীনত্বধীত্যাগাত্কামো নোদেতি কর্হিচিত্ .. ৬৩..
কামস্য বীজং সংকল্পঃ সংকল্পাদেব জাযতে .
বীজে নষ্টেঽঙ্কুর ইব তস্মিন্নষ্টে বিনশ্যতি .. ৬৪..
ন কোঽপি সম্যক্ত্বধিযা বিনৈব ভোগ্যং নরঃ কামযিতুং সমর্থঃ .
যতস্ততঃ কামজযেচ্ছুরেতাং সম্যক্ত্ববুদ্ধিং বিষযে নিহন্যাত্ .. ৬৫..
ভোগ্যে নরঃ কামজযেচ্ছুরেতাং সুখত্ববুদ্ধিং বিষযে নিহন্যাত্ .
যাবত্সুখত্বভ্রমধীঃ পদার্থে তাবন্ন জেতুং প্রভবেদ্ধি কামম্ .. ৬৬..
সংকল্পানুদযে হেতুর্যথাভূতার্থদর্শনম্ .
অনর্থচিন্তনং চাভ্যাং নাবকাশোঽস্য বিদ্যতে .. ৬৭..
রত্নে যদি শিলাবুদ্ধির্জাযতে বা ভযং ততঃ .
সমীচীনত্বধীর্নৈতি নোপাদেযত্বধীরপি .. ৬৮..
যতার্থদর্শনং বস্তুন্যনর্থস্যাপি চিন্তনম্ .
সংকল্পস্যাপি কামস্য তদ্বধোপায ইষ্যতে .. ৬৯..

verses 70-94 Non-covetousness
.. ৬ .. নির্লোভত্বম্ ..
ধনং ভযনিবন্ধনং সততদুঃখসংবর্ধনম্
প্রচণ্ডতরকর্দনং স্ফুটিতবন্ধুসংবর্ধনন্ .
বিশিষ্টগুণবাধনং কৃপণধীসমারাধনম্
ন মুক্তিগতিসাধনং ভবতি নাপি হৃচ্ছোধনম্ .. ৭০..
রাজ্ঞোভযং চোরমযং প্রমাদাদ্ভযং তথা জ্ঞাতিভযং চ বস্তুতঃ .
ধনং ভযগ্রস্তমনর্থমূলং সতাং নৈব সুখায কল্পতে .. ৭১..
আর্জনে রক্ষণে দানে ব্যযে বাপি চ বস্তুতঃ .
দুঃখমেব সদা নৄণাং ন ধনং সুখ সাধনম্ .. ৭২..
সতামপি পদার্থস্য লাভাল্লোভঃ প্রবর্ধতে .
বিবেকো লুপ্যতে লোভাত্তস্মিংল্লুপ্তে বিনশ্যতি .. ৭৩..
দহত্যলাভে নিঃসত্বং লাভে লোভো দহত্যমুম্ .
তস্মাত্সন্তাপকং বিত্তং কস্য সৌখ্যং প্রযচ্ছতি .. ৭৪..
ভোগেন মত্ততা জন্তোর্দানেন পুনরুদ্ভবঃ .
বৃথৈবোভযথা বিত্তং নাস্ত্যেব গতিরন্যথা .. ৭৫..
ধনেন মদবৃদ্ধিঃ স্যান্মদেন স্মৃতিনাশনম্ .
স্মৃতিনাশাদ্বুদ্ধিনাশো বুদ্ধিনাশাত্প্রণশ্যতি .. ৭৬..
সুখযতি ধনমেবেত্যন্তরাশাপিশাচ্যা
দৃঢতরমুপগূঢো মূঢলোকো জডাত্মা .
নিবসতি তদুপান্তে সন্ততং প্রেক্ষমাণো
ব্রজতি তদপি পশ্চাত্প্রাণমেতস্য হৃত্বা .. ৭৭..
সংপন্নোঽন্ধবদেব কিংচিদপরং নো বীক্ষতে চক্ষুষা
সদ্ভির্বর্জিতমার্গ এব চরতি প্রোত্সারিতো বালিশৈঃ .
তস্মিন্নেব মুহুঃ স্খলন্প্রতিপদং গত্বান্ধকূপে পত-
ত্যস্যান্ধত্বনিবর্তকৌষধমিদং দারিদ্র্যমেবাঞ্জনম্ .. ৭৮..
লোভঃ ক্রোধশ্চ দংভশ্চ মদো মত্সর এব চ .
বর্ধতে বিত্তসংপ্রাপ্ত্যা কথং তচ্চিত্তশোধনম্ ..৭৯..
অলাভাদ্দ্বিগুণং দুঃখং বিত্তস্য ব্যযসংভবে .
ততোঽপি ত্রিগুণং দুঃখং দুর্ব্যযে বিদুষামপি .. ৮০..
নিত্যাহিতেন বিত্তেন ভযচিন্তানপাযিনা .
চিত্তস্বাস্থ্যং কুতো জন্তোগৃহস্থেনাহিনা যথা .. ৮১..
কান্তারে বিজনে বনে জনপদে সেতৌ নিরীতৌ চ বা
চোরৈর্বাপি তথেতরৈর্নরবরৈর্যুক্তো বিযুক্তোঽপি বা .
নিঃস্বঃ স্বস্থতযা সুখেন বসতি হ্যাদ্রীযমাণো জনৈঃ
ক্লিশ্নাত্যেব ধনী সদাকুলমতির্ভীতশ্চ পুত্রাদপি .. ৮২..
তস্মাদনর্থস্য নিদানমর্থঃ পুমর্থসিদ্ধির্ন ভবত্যনেন .
ততো বনান্তে নিবসন্তি সন্তঃ সংন্যস্য সর্বং প্রতিকূলমর্থম্ .. ৮৩..
শ্রদ্ধাভক্তিমতিং সতীং গুণবতীং পুত্রাঞ্ছৃতান্সংমতা-
নক্ষয্যং বসুধানুভোগবিভবৈঃ শ্রীসুন্দরং মন্দিরম্ .
সর্বং নশ্বরমিত্যবেত্য কবযঃ শ্রুত্যুক্তিভির্যুক্তিভিঃ
সংন্যস্যন্ত্যপরে তু তত্সুখমিতি ভ্রাম্যন্তি দুঃখার্ণবে .. ৮৪..
সুখমিতি মলরাশৌ যে রমন্তেঽত্র গেহে
ক্রিময ইব কলত্রক্ষেত্রপুত্রানুষক্ত্যা .
সুরপদ ইব তেষাং নৈব মোক্ষপ্রসঙ্গ-
স্ত্বপি তু নিরযগর্ভাবাসদুঃখপ্রবাহঃ .. ৮৫..
যেষামাশা নিরাশা স্যাদ্দারাপত্যধনাদিষু .
তেষাং সিদ্ধ্যতি নান্যেষং মোক্ষাশাভিমুখী গতিঃ .. ৮৬..
সত্কর্মক্ষতপাপ্মনাং শ্রুতিমতাং সিদ্ধাত্মনাং ধীমতাম্
নিত্যানিত্যপদার্থশোধনমিদং যুক্ত্যা মুহুঃ কুর্বতাম্ .
তস্মাদুত্থমহাবিরক্ত্যসিমতাং মোক্ষৈককাঙ্ক্ষাবতাম্
ধন্যানাং সুলভং স্ত্রিযাদিবিষযেষ্বাশালতাচ্ছেদনম্ .. ৮৭..
সংসারমৃত্যোর্বলিনঃ প্রবেষ্টুং দ্বারাণি তু ত্রীণি মহান্তি লোকে .
কান্তা চ জিহ্বা কনকং চ তানি রুণদ্ধি যস্তস্য ভযং ন মৃত্যেঃ .. ৮৮..
মুক্তিশ্রীনগরস্য দুর্জযতরং দ্বারং যদস্ত্যাদিমম্
তস্য দ্বে অররে ধনং চ যুবতী তাভ্যাং পিনদ্ধং দৃঢম্ ..
কামাখ্যার্গলদারুণা বলবতা দ্বারং তদেতত্ত্রযম্
ধীরো যস্তু ভিনত্তি সোঽর্হতি সুখং ভোক্তুং বিমুক্তিশ্রিযঃ .. ৮৯..
আরূঢস্য বিবেকাশ্বং তীব্রবৈরাগ্যখড্গিনঃ .
তিতিক্ষাবর্মযুক্তস্য প্রতিযোগী ন দৃশ্যতে .. ৯০..
বিবেকজাং তীব্রবিরক্তিমেব
মুক্তের্নিদানং নিগদন্তি সন্তঃ .
তস্মাদ্বিবেকী বিরতিং মুমুক্ষুঃ
সম্পাদযেত্তাং প্রথমং প্রযত্নাত্ .. ৯১..
পুমানজাতনির্বেদো দেহবন্ধং জিহাসিতুম্ .
ন হি শক্নোতি নির্বেদো বন্ধভেদো মহানসৌ .. ৯২..
বৈরাগ্যরহিতা এব যমালয ইবালযে .
ক্লিশ্নন্তি ত্রিবিধৈস্তাপৈর্মোহিতা অপি পণ্ডিতাঃ .. ৯৩..
শমো দমস্তিতিক্ষোপরতিঃ শ্রদ্ধা ততঃ পরম্ .
সমাধানমিতি প্রোক্তং ষডেবৈতে শমাদযঃ .. ৯৪..

verses 95-103 Tranquillitয্
.. ৭ .. শমঃ..
একবৃত্ত্যৈব মনসঃ স্বলক্ষ্যে নিযতস্থিতিঃ .
শম ইত্যুচ্যতে সদ্ভিঃ শমলক্ষণবেদিভিঃ .. ৯৫..
উত্তমো মধ্যমশ্চৈব জঘন্য ইতি চ ত্রিধা .
নিরূপিতো বিপশ্চিদ্ভিঃ তত্তল্লক্ষণবেদিভিঃ .. ৯৬..
স্ববিকারং পরিত্যজ্য বস্তুমাত্রতযা স্থিতিঃ .
মনসঃ সোত্তমা শান্তির্ব্রহ্মনির্বাণলক্ষণা .. ৯৭..
প্রত্যক্প্রত্যযসন্তানপ্রবাহকরণং ধিযঃ .
যদেষা মধ্যমা শান্তিঃ শুদ্ধসত্ত্বৈকলক্ষণা .. ৯৮..
বিষযব্যাপৃতিং ত্যক্ত্বা শ্রবণৈকমনস্থিতিঃ .
মনসশ্চেতর শান্তির্মিশ্রসত্ত্বৈকলক্ষণা .. ৯৯..
প্রাচ্যোদীচ্যাঙ্গসদ্ভাবে শমঃ সিদ্ধ্যতি নানথা .
তীব্রা বিরক্তিঃ প্রাচ্যাঙ্গমুদীচ্যাঙ্গং দমাদযঃ .. ১০০..
কামঃ ক্রোধশ্চ লোভশচ মদো মোহশ্চ মত্সরঃ .
ন জিতাঃ ষডিভে যেন তস্য শান্তির্ন সিদ্ধ্যতি .. ১০১..
শব্দাদিবিষযেভ্যো যো বিষবন্ন নিবর্ততে .
তীব্রমোক্ষেচ্ছযা ভিক্ষোস্তস্য শান্তির্ন সিদ্ধ্যতি .. ১০২..
যেন নারাধিতো দেবো যস্য নো গুর্বনুগ্রহঃ .
ন বশ্যং হৃদযং যস্য তস্য শান্তির্ন সিদ্ধ্যতি .. ১০৩..

verses 104-150 Serenitয্
.. ৮ .. মনঃপ্রসাদঃ ..
মনঃপ্রসাদসিদ্ধ্যর্থং সাধনং শ্রূযতাং বুধৈঃ .
মনঃপ্রসাদো যত্সত্ত্বে যদভাবে ন সিদ্ধ্যতি .. ১০৪..
ব্রহ্মচর্যমহিংসা চ দযা ভূতেষ্ববক্রতা .
বিষযেষ্বতিবৈতৃষ্ণ্যং শৌচং দম্ভবিবর্জনম্ .. ১০৫..
সত্যং নির্মমতা স্থৈর্যমভিমানবিসর্জনম্ .
ঈশ্বরধ্যানপরতা ব্রহ্মবিদ্ভিঃ সহস্থিতিঃ .. ১০৬..
জ্ঞানশাস্ত্রৈকপরতা সমতা সুখদুঃখযোঃ .
মানানাসক্তিরেকান্তশীলতা চ মুমুক্ষুতা .. ১০৭..
যস্যৈতদ্বিদ্যতে সর্বং তস্য চিত্তং প্রসীদতি .
ন ত্বেতদ্ধর্মশূন্যস্য প্রকারান্তরকোটিভিঃ .. ১০৮..
স্মরণং দর্শনং স্ত্রীণাং গুণকর্মানুকীর্তনম্ .
সমীচীনত্বধীস্তাসু প্রীতিঃ সংভাষণং মিথঃ .. ১০৯..
সহবাসশ্চ সংসর্গোঽষ্টধা মৈথুনং বিদুঃ .
এতদ্বিলক্ষণং ব্রহ্মচর্যং চিত্তপ্রসাদকম্ .. ১১০..
অহিংসা বাঙ্মনঃকাযৈঃ প্রাণিমাত্রাপ্রপীডনম্ .
স্বাত্মবত্সর্বভূতেষু কাযেন মনসা গিরা .. ১১১..
অনুকংপা দযা সৈব প্রোক্তা বেদান্তবেদিভিঃ .
করণত্রিতযষ্বেকরূপতাঽবক্রতা মতা .. ১১২..
ব্রহ্মাদিস্থাবরান্তেষু বৈরাগ্যং বিষযেষ্বনু .
যথৈব কাকবিষ্ঠাযাং বৈরাগ্যং তদ্ধি নির্মলম্ .. ১১৩..
বাহ্যমাভ্যন্তরং চেতি দ্বিবিধং শৌচমুচ্যতে .
মৃজ্জলাভ্যাং কৃতং শৌচং বাহ্যং শারীরিকং স্মৃতম্ .. ১১৪..
অজ্ঞানদূরীকরণং মানসং শৌচমান্তরম্ .
অন্তঃশৌচে স্থিতে সম্যগ্বাহ্যং নাবশ্যকং নৃণাম্ .. ১১৫..
ধ্যানপূজাদিকং লোকে দ্রষ্টর্যেব করোতি যঃ .
পারমার্থিকধীহীনঃ স দংভাচার উচ্যতে .. ১১৬..
পুংসস্তথানাচরণমদংভিত্বং বিদুর্বুধাঃ .
যস্ত্বেন দৃষ্টং সম্যক্চ শ্রুতং তস্যৈব ভাষণম্ ..১১৭..
সত্যমিত্যুচ্যতে ব্রহ্ম সত্যমিত্যভিভাষণম্ .
দেহাদিষু স্বকীযত্বদৃঢবুদ্ধিবিসর্জনম্ .. ১১৮..
নির্মমত্বং স্মৃতং যেন কৈবল্যং লভতে বুধঃ .
গুরুবেদান্তবচনৈর্নিশ্চিতার্থে দৃঢস্থিতিঃ .. ১১৯..
তদেকবৃত্ত্যা তত্স্থৈর্যং নৈশ্চল্যং ন তু বর্ষ্মণঃ .
বিদ্যৈশ্বর্যতপোরূপকুলবর্ণাশ্রমাদিভিঃ .. ১২০..
সংজাতাহঙ্কৃতিত্যাগস্ত্বভিমানবিসর্জনম্ .
ত্রিভিশ্চ করণৈঃ সম্যগ্ধিত্বা বৈষযিকীং ক্রিযাম্ .. ১২১..
স্বাত্মৈকচিন্তনং যত্তদীশ্বরধ্যানভীরিতম্ .
ছাযেব সর্বদা বাসো ব্রহ্মবিদ্ধিঃ সহস্থিতিঃ .. ১২২..
যদ্যদুক্তং জ্ঞানশাস্ত্রে শ্রবণাদিকমেষু যঃ .
নিরতঃ কর্মধীহীনো জ্ঞাননিষ্ঠঃ স এব হি .. ১২৩..
ধনকান্তাজ্বরাদীনাং প্রাপ্তকালে সুখাদিভিঃ .
বিকারহীনতৈব স্যাত্সুখদুঃখসমানতা .. ১২৪..
শ্রেষ্ঠং পূজ্যং বিদিত্বা মাং মানযন্তু জনা ভুবি .
ইত্যাসক্ত্যা বিহীনত্বং মানানাসক্তিরুচ্যতে .. ১২৫..
সচ্চিন্তনস্য সম্বাধো বিঘ্নোঽযং নির্জনে ততঃ .
স্থেযমিত্যেক এবাস্তি চেত্সৈবৈকান্তশীলতা .. ১২৬..
সংসারবন্ধনির্মুক্তিঃ কদা ঝটিতি মে ভবেত্ .
ইতি যা সুদৃঢা বুদ্ধিরীরিতা সা মুমুক্ষুতা .. ১২৭..
ব্রহ্মচর্যাদিভির্ধমৈর্বুর্দ্ধের্দোশনিবৃত্তযে .
দণ্ডনং দম ইত্যাহুর্দমশব্দার্থকোবিদাঃ .. ১২৮..
তত্তদ্বৃত্তিনিরোধেন বাহ্যেন্দ্রিযবিনিগ্রহঃ .
যোগিনো দম ইত্যাহুর্মনসঃ শান্তিসাধনম্ .. ১২৯..
ইন্দ্রিযেষ্বিন্দ্রিযার্থেষু প্রবৃত্তেষু যদৃচ্ছযা .
অনুধাবতি তান্যেব মনো বাযুমিবানলঃ .. ১৩০..
ইন্দ্রিযেষু নিরুদ্ধেষু ত্যক্ত্বা বেগং মনঃ স্বযম্ .
সত্ত্বভাবমুপাদত্তে প্রসাদস্তেন জাযতে ..
প্রসন্নে সতি চিত্তেঽস্য মুক্তিঃ সিদ্ধ্যতি নান্যথা .. ১৩১..
মনঃপ্রসাদস্য নিদানমেব
নিরোধনং যত্সকলেন্দ্রিযাণাম্ .
বাহ্যেন্দ্রিযে সাধু নিরুধ্যমানে
বাহ্যার্থভোগে মনসো বিযুজ্যতে .. ১৩২..
তেন স্বদৌষ্ট্যং পরিমুচ্য চিত্তম্
শনৈঃ শনৈঃ শান্তিমুপাদদাতি .
চিত্তস্য বাহ্যার্থবিমোক্ষমেব
মোক্ষং বিদুর্মোক্ষণলক্ষণজ্ঞাঃ .. ১৩৩..
দমং বিনা সাধু মনঃপ্রসাদ-
হেতুং ন বিদ্মঃ সুকরং মুমুক্ষোঃ .
দমেন চিত্তং নিজদোষজাতং
বিসৃজ্য শান্তিং সমুপৈতি শীঘ্রম্ .. ১৩৪..
প্রাণাযামাদ্ভবতি মনসো নিশ্চলত্বং প্রসাদো
যস্যাপ্যস্য প্রতিনিযতদিগ্দেশকালাদ্যবেক্ষ্য .
সম্যগ্দৃষ্ট্যা ক্বচিদপি তযা নো দমো হন্যতে তত্
কুর্যাদ্ধীমান্দমমনলসশ্চিত্তশান্ত্যৈ প্রযত্নাত্ .. ১৩৫..
সর্বেন্দ্রিযাণাং গতিনিগ্রহেণ
ভোগ্যেষু দোষাদ্যবমর্শনেন .
ঈশপ্রসাদাচ্চ গুরোঃ প্রসাদা-
চ্ছান্তিং সমাযাত্যচিরেণ চিত্তম্ .. ১৩৬..
আধ্যাত্মিকাদি যদ্দুঃখং প্রাপ্তং প্রারব্ধবেগতঃ .
অচিন্তযা তত্সহনং তিতিক্ষেতি নিগদ্যতে .. ১৩৭..
রক্ষা তিতিক্ষাসদৃশী মুমুক্ষো-
র্ন বিদ্যতেঽসৌ পবিনা ন ভিদ্যতে .
যামেব ধীরাঃ কবচীব বিঘ্না-
ন্সর্বাংস্তৃণীকৃত্য জযন্তি মাযাম্ .. ১৩৮..
ক্ষমাবতামেব হি যোগসিদ্ধিঃ
স্বারাজ্যলক্ষ্মীসুখভোগসিদ্ধিঃ .
ক্ষমাবিহিনা নিপতন্তি বিঘ্নৈ-
র্বতৈর্হতা পর্ণচযা ইব দ্রুমাত্ .. ১৩৯..
তিতিক্ষযা তপোদানং যজ্ঞস্তীর্থং ব্রতং শ্রুতম্ .
ভূতিঃ স্বর্গোঽপবর্গশ্চ প্রাপ্যতে তত্তদর্থিভিঃ .. ১৪০..
ব্রহ্মচর্যমহিংসা চ সাধূনামপ্যগহর্ণম্ .
পরাক্ষেপাদিসহনং তিতিক্ষোরেব সিদ্ধ্যতি .. ১৪১..
সাধনেষ্বপি সর্বেষু তিতিক্ষোত্তমসাধনম্ .
যত্র বিঘ্নাঃ পলাযন্তে দৈবিকা অপি ভৌতিকাঃ .. ১৪২..
তিতিক্ষোরেব বিঘ্নেভ্যস্ত্বনিবর্তিতচেতসঃ .
সিদ্ধ্যন্তি সিদ্ধযঃ সর্বা অণিমাদ্যাঃ সমৃদ্ধযঃ .. ১৪৩..
তস্মান্মুমুক্ষোরধিকা তিতিক্ষা
সংপাদনীযেপ্সিতকার্যসিদ্ধ্যৈ .
তীব্রা মুমুক্ষা চ মহত্যুপেক্ষা
চোভে তিতিক্ষাসহকারিকারণম্ .. ১৪৪..
তত্তত্কালসমাগতামযততেঃ শান্ত্যৈ প্রবৃত্তো যদি
স্যত্তত্তত্পরিহারকৌষধরতস্তচ্চিন্তনে তত্পরঃ .
তদ্ভিক্ষুঃ শ্রবণাদিধর্মরহিতো ভূত্বা মৃতশ্চেত্ততঃ
কিং সিদ্ধং ফলমাপ্নুযাদুভযথা ভ্রষ্টো ভবেত্স্বার্থতঃ .. ১৪৫..
যোগমভ্যস্যতো ভিক্ষোর্যোগাচ্চলিতচেতসঃ .
প্রাপ্য পুণ্যকৃতাংলোকানিত্যাদি প্রাহ কেশবঃ .. ১৪৬..
ন তু কৃত্বৈব সংন্যাসং তূষ্ণিমেব মৃতস্য হি .
পুণ্যলোকগতিং ব্রূতে ভগবান্ন্যাসমাত্রতঃ .. ১৪৭..
ন চ সংন্যসনাদেব সিদ্ধিং সমধিগচ্ছতি .
ইত্যনুষ্ঠেযসংত্যাগাত্সিদ্ধ্যভাবমুবাচ চ .. ১৪৮..
তস্মাত্তিতিক্ষযা সোঢ্বা তত্তদ্দুঃখমুপাগতম্ .
কুর্যাচ্ছক্ত্যনুরূপেণ শ্রবণাদি শনৈঃ শনৈঃ .. ১৪৯..
প্রযোজনং তিতিক্ষাযাঃ সাধিতাযাঃ প্রযত্নতঃ .
প্রাপ্তদুঃখাসহিষ্ণুত্বে ন কিংচিদপি দৃশ্যতে .. ১৫০..

verses 151-209 sa.nnyaasaH
.. ৯ .. সংন্যাসঃ ..
সাধনত্বেন দৃষ্টানাং সর্বেষামপি কর্মণাম্ .
বিধিনা যঃ পরিত্যাগঃ স সংন্যাসঃ সতাং মতঃ .. ১৫১..
উপরমযতি কর্মাণীত্যুপরতিশব্দেন কথ্যতে ন্যাসঃ .
ন্যাসেন হি সর্বেষাং শ্রুত্যা প্রোক্তো বিকর্মণাং ত্যাগঃ .. ১৫২..
কর্মণা সাদ্ধ্যমানস্যানিত্যত্বং শ্রূযতে যতঃ .
কর্মণানেন কিং নিত্যফলেপ্সোঃ পরমার্থিনঃ .. ১৫৩..
উত্পাদ্যমাপ্যং সংস্কার্যং বিকার্যং পরিগণ্যতে .
চতুর্বিধং কর্মসাধ্যং ফলং নান্যদিতঃ পরম্ .. ১৫৪..
নৈতদন্যতরং ব্রহ্ম কদা ভবিতুমর্হতি .
স্বতঃসিদ্ধং সর্বদাপ্তং শুদ্ধং নির্মলমক্রিযম্ .. ১৫৫..
ন চাস্য কশ্চিজ্জনিতেত্যাগমেন নিষিধ্যতে .
কারণং ব্রহ্ম তত্তস্মাদ্ব্রহ্ম নোত্পাদ্যমিষ্যতে .. ১৫৬..
আপ্ত্রপ্যযোস্তু ভেদশ্চেদাপ্ত্রা চাপ্যমবাপ্যতে .
আপ্তৃস্বরূপমেবৈতদ্ব্রহ্ম নাপ্যং কদাচন .. ১৫৭..
মলিনস্যৈব সংস্কারো দর্পণাদেরিহেষ্যতে .
ব্যোমবন্নিত্যশুদ্ধস্য ব্রহ্মণো নৈব সংস্ক্রিযা .. ১৫৮..
কেন দুষ্টেন যুজ্জ্যেত বস্তু নির্মলমক্রিযম্ .
যদ্যোগাদাগতং দোষং সংস্কারো বিনিবর্তযেত্ .. ১৫৯..
নির্গুণস্য গুণাধানমপি নৈবোপপদ্যতে .
কেবলো নির্গুণশ্চেতি নৈর্গুণ্যং শ্রূযতে যতঃ .. ১৬০..
সাবযবস্য ক্ষীরাদের্বস্তুনঃ পরিণামিনঃ .
যেন কেন বিকারিত্বং স্যান্নো নিষ্কর্মবস্তুনঃ .. ১৬১..
নিষ্কলং নিষ্ক্রিযং শান্তং নিরবদ্যং নিরঞ্জনম্ .
ইত্যেব বস্তুনস্তত্ত্বং শ্রুতিযুক্তিব্যবস্থিতম্ .. ১৬২..
তস্মান্ন কর্মসাধ্যত্বং ব্রহ্মণোঽস্তি কুতশ্চন .
কর্মসাধ্যং ত্বনিত্যং হি ব্রহ্ম নিত্যং সনাতনম্ .. ১৬৩..
দেহাদিঃ ক্ষীযতে লোকে যথৈবং কর্মণা চিতঃ .
তথৈবামুষ্মিকো লোকঃ সংচিতঃ পুণ্যকর্মণা .. ১৬৪..
কৃতকত্বমনিত্যত্বে হেতুর্জাগর্তি সর্বদা .
তস্মাদনিত্যে স্বর্গাদৌ পণ্ডিতঃ কো নু মুহ্যতি .. ১৬৫..
জগদ্ধেতোস্তু নিত্যত্বং সর্বেষামপি সংমতম্ .
জগদ্ধেতুত্বমস্যৈব বাবদীতি শ্রুতির্মুহুঃ .. ১৬৬..
ঐতদাত্ম্যমিদং সর্বং তত্সত্যমিতি চ শ্রুতিঃ .
অস্যৈব নিত্যতাং ব্রূতে জগদ্ধেতোঃ সতঃ স্ফুটম্ .. ১৬৭..
ন কর্মণা ন প্রজযা ধনেনেতি স্বযং শ্রুতিঃ .
কর্মণো মোক্ষহেতুত্বং সাক্ষাদেব নিষেধতি .. ১৬৮..
প্রত্যগ্ব্রহ্মবিচারপূর্বমুভযোরেকত্ববোধাদ্বিনা
কৈবল্যং পুরুষস্য সিদ্ধ্যতি পরব্রহ্মাত্মতালক্ষণম্ .
ন স্নানৈরপি কীর্তনৈরপি জপৈর্নো কৃচ্ছ্রচান্দ্রাযণৈ-
র্নো বাপ্যধ্বরযজ্ঞদাননিগমৈর্নো মন্ত্রতন্ত্রৈরপি .. ১৬৯..
জ্ঞানাদেব তু কৈবল্যমিতি শ্রুত্যা নিগদ্যতে .
জ্ঞানস্য মুক্তিহেতুত্বমন্যব্যাবৃত্তিপূর্বকম্ .. ১৭০..
বিবেকিনো বিরক্তস্য ব্রহ্মনিত্যত্ববেদিনঃ .
তদ্ভাবেচ্ছোরনিত্যার্থে তত্সামগ্র্যে কুতো রতিঃ .. ১৭১..
তস্মাদনিত্যে স্বর্গাদৌ সাধনত্বেন চোদিতম্ .
নিত্যং নৈমিত্তিকং চাপি সর্বং কর্ম সসাধনম্ .. ১৭২..
মুমুক্ষুণা পরিত্যাজ্যং ব্রহ্মভাবমভীপ্সুনা .
মুমুক্ষোরপি কর্মাস্তু শ্রবণং চাপি সাধনম্ .. ১৭৩..
হস্তবদ্বযমেতস্য স্বকার্যং সাধযিষ্যতি .
যথা বিজৃংভতে দীপো ঋজুকরণকর্মণা .. ১৭৪..
যথা শ্রবণজো বোধঃ পুংসো বিহিতকর্মণা .
অতঃ সাপেক্ষিতং জ্ঞানমথবাপি সমুচ্চযম্ .. ১৭৫..
মোক্ষস্য সাধনমিতি বদন্তি ব্রহ্মবাদিনঃ .
মুমুক্ষোর্যুজ্যতে ত্যাগঃ কথং বিহিতকর্মণঃ .. ১৭৬..
ইতি শঙ্কা ন কর্তব্যা মূঢবত্পণ্ডিতোত্তমৈঃ .
কর্মণঃ ফলমন্যত্তু শ্রবণস্য ফলং পৃথক্ .. ১৭৭..
বৈলক্ষণ্যং চ সামগ্র্যোশ্চোভযত্রাধিকারণোঃ .
কামী,কর্মণ্যধিকৃতো নিষ্কামী শ্রবণে মতঃ .. ১৭৮..
অর্থী সমর্থ ইত্যাদি লক্ষণং কর্মিণো মতম্ .
পরীক্ষ্য লোকানিত্যাদি লক্ষণং মোক্ষকাঙ্ক্ষিণঃ .. ১৭৯..
মোক্ষাধিকারী সংন্যাসী গৃহস্থঃ কিল কর্মণি .
কর্মণঃ সাধনং ভার্যাস্রুক্স্রুবাদিপরিগ্রহঃ .. ১৮০..
নৈবান্যসাধনাপেক্ষা শুশ্রূষোস্তু গুরুং বিনা .
উপর্যুপর্যহংকারো বর্ধতে কর্মণা ভৃশম্ .. ১৮১..
অহংকারস্য বিচ্ছিত্তিঃ শ্রবণেন প্রতিক্ষণম্ .
প্রবর্তকং কর্মশাস্ত্রং জ্ঞানশাস্ত্রং নিবর্তকম্ .. ১৮২..
ইত্যাদিবৈপরীত্যং তত্সাধনে চাধিকারিণোঃ .
দ্বযোঃ পরস্পরাপেক্ষা বিদ্যতে ন কদাচন .. ১৮৩..
সামগ্র্যোশ্চোভযোস্তদ্বদুভযত্রাধিকারিণোঃ .
ঊর্ধ্বং নযতি বিজ্ঞানমধঃ প্রাপযতি ক্রিযা .. ১৮৪..
কথমন্যোন্যসাপেক্ষা কথং বাপি সসুচ্চযঃ .
যথাগ্নেস্তৃণকূটস্য তেজসস্তিমিরস্য চ .. ১৮৫..
সহযোগো ন ঘটতে তথৈব জ্ঞানকর্মণোঃ .
কিমূপকুর্যজ্জ্ঞানস্য কর্ম স্বপ্রতিযোগিনঃ ..
যস্য সংনিধিমাত্রেণ স্বযং ন স্ফূর্তিমৃচ্ছতি .. ১৮৬..
কোটীন্ধনাদ্রিজ্বলিতোঽপি বন্হিঃ
অর্কস্য নার্হত্যুপকর্তুভীষত্ .
যথা তথা কর্মসহস্রকোটিঃ
জ্ঞানস্য কিং নু স্বযমেব লীযতে .. ১৮৭..
এককর্তাশ্রযৌ হস্তৌ কর্মণ্যধিকৃতাবুভৌ .
সহযোগস্তযোর্যুক্তো ন তথা জ্ঞানকর্মণোঃ .. ১৮৯..
যথা বস্তু তথা জ্ঞানং প্রমাণেন বিজাযতে .
নাপেক্ষতে চ যকিংচিত্কর্ম বা যুক্তিকৌশলম্ .. ১৯০..
জ্ঞানস্য বস্তুতন্ত্রত্বে সংশযাদ্যুদযঃ কথম্ .
অতো ন বাস্তবং জ্ঞানমিতি নো শঙ্ক্যতাং বুধৈঃ .. ১৯১..
প্রমাণাসৌষ্ঠববৃতং সংশযাদি ন বাস্তবম্ .
শ্রুতিপ্রমাণসুষ্ঠুত্বে জ্ঞানং ভবতি বাস্তবম্ .. ১৯২..
বস্তু তাবত্পরং ব্রহ্ম নিত্যং সত্যং ধ্রুবং বিভু .
শ্রুতিপ্রমাণে তজ্জ্ঞানং স্যাদেব নিরপেক্ষকম্ .. ১৯৩..
রূপজ্ঞানং যথা সম্যগ্দৃষ্টৌ সত্যাং ভবেত্তথা .
শ্রুতিপ্রমাণে সত্যেব জ্ঞানং ভবতি বাস্তবম্ .. ১৯৪..
ন কর্ম যত্কিংচিদপেক্ষতে হি
রূপোপলব্ধৌ পুরুষস্য চক্ষুঃ .
জ্ঞানং তথৈব শ্রবণাদিজন্যং
বস্তুপ্রকাশে নিরপেক্ষমেব .. ১৯৫..
কর্তৃতন্ত্রং ভবেত্কর্ম কর্মতন্ত্রং শুভাশুভম্ .
প্রমাণতন্ত্রং বিজ্ঞানং মাযাতন্ত্রমিদং জগত্ .. ১৯৬..
বিদ্যাং চাবিদ্যাং চেতি সহোক্তিরিযমুপকৃতা সদ্ভিঃ .
সত্কর্মোপাসনযোর্ন ত্বাত্মজ্ঞানকর্মণোঃ ক্বাপি .. ১৯৭..
নিত্যানিত্যপদার্থবোধরহিতো যশ্চোভযত্র স্রগা-
দ্যর্থানামনুভূতিলগ্নহৃদযো নির্বিণ্ণবুদ্ধির্জনঃ .
তস্যৈবাস্য জডস্য কর্মং বিহিতং শ্রুত্যা বিরজ্যাভিতো .
মোক্ষেচ্ছোর্ন বিধীযতে তু পরমানন্দার্থিনো ধীমতঃ .. ১৯৮..
মোক্ষেচ্ছযা যদহরেব বিরজ্যতেঽসৌ
ন্যাসস্তদৈব বিহিতো বিদুষো মুমুক্ষোঃ .
শ্রুত্যা তযৈব পরযা চ ততঃ সুধীভিঃ
প্রামাণিকোঽযমিতি চেতসি নিশ্চিতব্যঃ .. ১৯৯..
স্বাপরোক্ষস্য বেদাদেঃ সাধনত্বং নিষেধতি .
নাহং বেদৈর্ন তপসেত্যাদিনা ভগবানপি .. ২০০..
প্রবৃত্তিশ্চ নিবৃত্তিশ্চ দ্বে এতে শ্রুতিগোচরে .
প্রবৃত্ত্যা বধ্যতে জন্তুর্নিবৃত্ত্যা তু বিমুচ্যতে .. ২০১..
যন্ন স্ববন্ধোঽভিমতো মূঢস্যাপি ক্বচিত্ততঃ .
নিবৃত্তিঃ কর্মসংন্যাসঃ কর্তব্যো মোক্ষকাঙ্ক্ষিভিঃ .. ২০২..
ন জ্ঞানকর্মণোর্যস্মাত্সহযোগস্তু যুজ্যতে .
তস্মাত্ত্যাজ্যং প্রযত্নেন কর্মং জ্ঞানেচ্ছুনা ধ্রুবম্ .. ২০৩..
ইষ্টসাধনতাবুদ্ধ্যা গৃহীতস্যাপি বস্তুনঃ .
বিজ্ঞায ফল্গুতাং পশ্চাত্কঃ পুনস্তত্প্রতীক্ষতে .. ২০৪..
উপরতিশব্দার্থো হ্যুপরমণং পূর্বদৃষ্টবৃত্তিভ্যঃ .
সোঽযং মুখ্যো গৌণশ্চেতি চ বৃত্ত্যা দ্বিরূপতাং ধত্তে .. ২০৫..
বৃত্তের্দৃশ্যপরিত্যাগো মুখ্যার্থ ইতি কথ্যতে .
গৌণার্থঃ কর্মস্ংন্যাসঃ শ্রুতেরঙ্গতযা মতঃ .. ২০৬..
পুংসঃ প্রধানসিদ্ধ্যর্থমঙ্গস্যাশ্রযণং ধ্রুবম্ .
কর্তব্যমঙ্গহীনং চেত্প্রধানং নৈব সিদ্ধ্যতি .. ২০৭..
সংন্যস্যেত্সুবিরক্তঃ সন্নিহামুত্রার্থতঃ সুখাত্ .
অবিরক্তস্য সংন্যাসো নিষ্ফলোঽযাজ্যযাগবত্ .. ২০৮..
সংন্যস্য তু যতিঃ কুর্যান্ন পূর্ববিষযস্মৃতিম্ .
তাং তাং তত্স্মরণে তস্য জুগুপ্সা জাযতে যতঃ .. ২০৯..

verses 210-217 shraddhaa
.. ১০ .. শ্রদ্ধা ..
গুরুবেদান্তবাক্যেষু বুদ্ধির্যা নিশ্চযাত্মিকা .
সত্যমিত্যেব সা শ্রদ্ধা নিদানং মুক্তিসিদ্ধযে .. ২১০..
শ্রদ্ধাবতামেব সতাং পুমর্থঃ
সমীরিতঃ সিদ্ধ্যতি নেতরেষাম্ .
উক্তং সুসূক্ষ্মং পরমার্থতত্ত্বং
শ্রদ্ধত্স্ব সোম্যেতি চ বক্তি বেদঃ .. ২১১..
শ্রদ্ধাবিহীনস্য তু ন প্রবৃত্তিঃ
প্রবৃত্তিশূন্যস্য ন সাধ্যসিদ্ধিঃ .
অশ্রদ্ধযৈবাভিহতাশ্চ সর্বে
মজ্জন্তি সংসারমহাসমুদ্রে .. ২১২..
দৈবে চ বেদে চ গুরৌ চ মন্ত্রে
তীর্থে মহাত্মন্যপি মেষজে চ .
শ্রদ্ধা ভবত্যস্য যথা যথান্ত-
স্তথা তথা সিদ্ধিরুদেতি পুংসাম্ .. ২১৩..
অস্তীত্যেবোপলব্ধব্যং বস্তুসদ্ভাবনিশ্চযাত্ .
সদ্ভাবনিশ্চযস্তস্য শ্রদ্ধযা শাস্ত্রসিদ্ধযা .. ২১৪..
তস্মাচ্ছ্রদ্ধা সুসংপাদ্যা গুরুবেদান্তবাক্যযোঃ .
মুমুক্ষঃ শ্রদ্দধানস্য ফলং সিদ্ধ্যতি নান্যথা .. ২১৫..
যথার্থবাদিতা পুংসাং শ্রদ্ধাজননকারণম্ .
বেদস্যেশ্বরবাক্যত্বাদ্যথার্থত্বে ন সংশযঃ .. ২১৬..
মুক্তস্যেশ্বররূপত্বাদ্গুরোর্বাগপি তাদৃশী .
তস্মাত্তদ্বাক্যযোঃ শ্রদ্ধা সতাং সিদ্ধ্যতি ধীমতাম্ .. ২১৭..

verses 218-225 Concentration
.. ১১ .. সম্যগাধানম্ ..
শ্রুত্যুক্তার্থাবগাহায বিদুষা জ্ঞেযবস্তুনি .
চিত্তস্য সম্যগাধানং সমাধানমিতীর্যতে .. ২১৮..
চিত্তস্য সাধ্যৈকপরত্বমেব
পুমর্থসিদ্ধ্যের্নিযমেন কারণম্ .
নৈবান্যথা সিদ্ধ্যতি সাধ্যমীষ-
ন্মনঃপ্রমাদে বিফলঃ প্রযত্নঃ .. ২১৯..
চিত্তং চ দৃষ্টিং করণং তথান্য-
দেকত্র বধ্নাতি হি লক্ষ্যভেত্তা .
কিংচিত্প্রমাদে সতি লক্ষ্যভেত্তু-
র্বাণপ্রযোগো বিফলো যথা তথা .. ২২০..
সিদ্ধেশ্চিত্তসমাধানমসাধারণকারণম্ .
যতস্ততো মুমুক্ষূণাং ভবিতব্যং সদামুনা .. ২২১..
অত্যন্ততীব্রবৈরাগ্যং ফললিপ্সা মহত্তরা .
তদেতদুভযং বিদ্যাত্সমাধানস্য কারণম্ .. ২২২..
বহিরঙ্গং শ্রুতিঃ প্রাহ ব্রহ্মচর্যাদি মুক্তযে .
শমাদিষট্কমেবৈতদন্তরঙ্গং বিদুর্বুধাঃ .. ২২৩..
অন্তরঙ্গং হি বলবদ্বহিরঙ্গাদ্যতস্ততঃ .
শমাদিষট্কং জিজ্ঞাসোরবশ্যং ভাব্যমান্তরম্ .. ২২৪..
অন্তরঙ্গবিহীনস্য কৃতশ্রবণকোটযঃ .
ন ফলন্তি যথা যোদ্ধুরধীরস্যাস্ত্রসংপদঃ .. ২২৫..

verses 226-296 mumuxutvam.h
.. ১২ .. মুমুক্ষুত্বম্..
ব্রহ্মাত্মৈকত্ববিজ্ঞানাদ্যদ্বিদ্বান্মোক্তুমিচ্ছতি .
সংসারপাশবন্ধং তন্মুমুক্ষুত্বং নিগদ্যতে .. ২২৬..
সাধনানাং তু সর্বেষাং মুমুক্ষা মূলকারণম্ .
অনিচ্ছোরপ্রবৃত্তস্য ক্ব শ্রুতিঃ ক্ব নু তত্ফলম্ .. ২২৭..
তীব্রমধ্যমমন্দাতিমন্দভেদাশ্চতুর্বিধাঃ .
মুমুক্ষা তত্প্রকারোঽপি কীর্ত্যতে শ্রূযতাং বুধৈঃ .. ২২৮..
তাপৈস্ত্রিভির্নিত্যমনেকরূপৈঃ
সংতপ্যমানো ক্ষুভিতান্তরাত্মা .
পরিগ্রহং সর্বমনর্থবুদ্ধ্যা
জহাতি সা তীব্রতরা মুমুক্ষা .. ২২৯..
তাপত্রযং তীব্রমবেক্ষ্য বস্তু
দৃষ্ট্বা কলত্রং তনযান্বিহাতুম্ .
মধ্যে দ্বযোর্লোডনমাত্মনো যত্
সৈষা মতা মাধ্যমিকী মুমুক্ষা .. ২৩০..
মোক্ষস্য কালোঽস্তি কিমদ্য মে ত্বরা
ভক্ত্যৈব ভোগান্কৃতসর্বকার্যঃ .
মুক্ত্যৈ যতিষ্যেঽহমথেতি বুদ্ধি-
রেষৈব মন্দা কথিতা মুমুক্ষা .. ২৩১..
মার্গে প্রযাতুর্মণিলাভবন্মে
লভেত মোক্ষো যদি তর্হি ধন্যঃ .
ইত্যাশযা মূঢধিযাং মতির্যা
সৈষাতিমন্দাভিমতা মুমুক্ষা .. ২৩২..
জন্মানেকসহস্রেষু তপসারাধিতেশ্বরঃ .
তেন নিঃশেষনির্ধূতহৃদযস্থিতকল্মষঃ .. ২৩৩..
শাস্ত্রবিদ্গুণদোষজ্ঞো ভোগ্যমাত্রে বিনিস্পৃহঃ .
নিত্যানিত্যপদার্থজ্ঞো মুক্তিকামো দৃঢব্রতঃ .. ২৩৪..
নিষ্টপ্তমগ্নিনা পাত্রমুদ্বাস্য ত্বরযা যথা .
জহাতি গেহং তদ্বচ্চ তীব্রমোক্ষেচ্ছযা দ্বিজঃ .. ২৩৫..
স এব সদ্যস্তরতি সংসৃতিং গুর্বনুগ্রহাত্ .
যস্তু তীব্রমুমুক্ষুঃ স্যাত্স জীবন্নেব মুচ্যতে .. ২৩৬..
জন্মান্তরে মধ্যমস্তু তদন্যস্তু যুগান্তরে .
চতুর্থঃ কল্পকোট্যাং বা নৈব বন্ধাদ্বিমুচ্যতে .. ২৩৭..
নৃজন্ম জন্তোরতিদুর্লভং বিদ্দু-
স্ততোঽপি পুংস্ত্বং চ ততো বিবেকঃ .
লব্ধ্বা তদেতত্ত্রিতযং মহাত্মা
যতেত মুক্ত্যৈ সহসা বিরক্তঃ .. ২৩৮..
পুত্রমিত্রকলত্রাদিসুখং জন্মনি জন্মনি .
মর্ত্যত্বং পুরুষত্বং চ বিবেকশ্চ ন লভ্যতে .. ২৩৯..
লব্ধ্বা সুদুর্লভতরং নরজন্ম জন্তু-
স্তত্রাপি পৌরুষমতঃ সদসদ্বিবেকম্ .
সংপ্রাপ্য চৈহিকসুখাভিরতো যদি স্যা-
দ্ধিক্তস্য জন্ম কুমতেঃ পুরুষাধমস্য .. ২৪০..
খাদতে মোদতে নিত্যং শুনকঃ সূকরঃ খরঃ .
তেষামেষাং বিশেষঃ কো বৃত্তির্যেষাং তু তৈঃ সমা .. ২৪১..
যাবন্নাশ্রযতে রোগো যাবন্নাক্রমতে জরা .
যাবন্ন ধীর্বিপর্যেতি যাবন্মৃত্যুং পশ্যতি .. ২৪২..
তাবদেব নরঃ স্বস্থঃ সারগ্রহণতত্পরঃ .
বিবেকী প্রযতেতাশু ভববন্ধবিমুক্তযে .. ২৪৩..
দেবর্ষিপিতৃমর্ত্যর্ণবন্ধমুক্তাস্তু কোটিশঃ .
ভববন্ধবিমুক্তস্তু যঃ কশ্চিদ্ব্রহ্মবিত্তমঃ .. ২৪৪..
অন্তর্বন্ধেন বদ্ধস্য কিং বহির্বন্ধমোচনৈঃ .
তদন্তর্বন্ধমুক্ত্যর্থং ক্রিযতাং কৃতিভিঃ কৃতিঃ .. ২৪৫..
কৃতিপর্যবসানৈব মতা তীব্রমুমুক্ষুতা .
অন্যা তু রঞ্জনামাত্রা যত্র নো দৃশ্যতে কৃতিঃ .. ২৪৬..
গেহাদিসর্বমপহায লঘুত্ববুদ্ধ্যা
সৌখ্যেচ্ছযা স্বপতিনানলমাবিবিক্ষোঃ .
কান্তাজনস্য নিযতা সুদৃঢা ত্বরা যা
সৈষা ফলান্তগমনে করণং মুমুক্ষোঃ .. ২৪৭..
নিত্যানিত্যবিবেকশ্চ দেহক্ষণিকতামতিঃ .
মৃত্যোর্ভীতিশ্চ তাপশ্চ মুমুক্ষাবৃদ্ধিকারণম্ .. ২৪৮..
শিরো বিবেকস্ত্বত্যন্তং বৈরাগ্যং বপুরুচ্যতে .
শমাদযঃ ষডঙ্গানি মোক্ষেচ্ছা প্রাণ ইষ্যতে .. ২৪৯..
ঈদৃশাঙ্গসমাযুক্তো জিজ্ঞাসুর্যুক্তিকোবিদঃ .
শূরো মৃত্যুং নিহন্ত্যেব সম্যগ্জ্ঞানাসিনা ধ্রুবম্ .. ২৫০..
উক্তসাধনসংপন্নো জিজ্ঞাসুর্যতিরাত্মনঃ .
জিজ্ঞাসাযৈ গুরুং গচ্ছেত্সমিত্পাণির্নযোজ্জলঃ .. ২৫১..
শ্রোত্রিযো ব্রহ্মনিষ্ঠো যঃ প্রশান্তঃ সমদর্শনঃ .
নির্মমো নিরহঙ্কারো নির্দ্বন্দ্বো নিষ্পরিগ্রহঃ .. ২৫২
অনপেক্ষঃ শুচির্দক্ষঃ করুণামৃতসাগরঃ .
এবংলক্ষণসংপন্নঃ স গুরুর্ব্রহ্মবিত্তমঃ ..
উপাসাদ্যঃ প্রযত্নেন জিজ্ঞাসোঃ স্বার্থসিদ্ধযে .. ২৫৩..
জন্মানেকশতৈঃ সদাদরযুজা ভক্ত্যা সমারাধিতো
ভক্তৈর্বৈদিকলক্ষণেন বিধিনা সংতুষ্ট ঈশ স্বযম্ .
সাক্ষাচ্ছ্রীগুরুমেত্য কৃপযা দৃগ্গোচরঃ সন্প্রভুঃ
তত্ত্বং সাধু বিবোধ্য তারযতি তন্সংসারদুঃখার্ণবাত্ .. ২৫৪..
অবিদ্যাহৃদযগ্রন্থিবিমোক্ষোঽপি ভবেদ্যতঃ .
তমেব গুরুরিত্যাহুর্গুরুশব্দার্থবেদিনঃ .. ২৫৫..
শিব এব গুরুঃ সাক্ষাত্ গুরুরেব শিবঃ স্বযম্ .
উভযোরন্তরং কিংচিন্ন দ্রষ্টব্যং মুমুক্ষুভিঃ .. ২৫৬..
বন্ধমুক্তং ব্রহ্মনিষ্ঠং কৃতকৃত্যং ভজেদ্গুরুম্ .
যস্য প্রসাদাত্সংসারসাগরো গোষ্পদাযতে .. ২৫৭..
শুশ্রূষযা সদা ভক্ত্যা প্রণামৈর্বিনযোক্তিভিঃ .
প্রসন্নং গুরুমাসাদ্য প্রষ্টব্যং জ্ঞেযমাত্মনঃ .. ২৫৮..
ভগবন্করুণাসিন্ধো ভবসিন্ধোর্ভবাংস্তরিঃ .
যমাশ্রিত্যাশ্রমেণৈব পরং পারং গতা বুধাঃ .. ২৫৯..
জন্মান্তরকৃতানন্তপুণ্যকর্মফলোদযঃ .
অদ্যে সংনিহিতো যস্মাত্ত্বত্কৃপাপাত্রমস্ম্যহম্ .. ২৬০..
সংপ্রীতিমক্ষ্ণোর্বদনপ্রসাদ-
মানন্দমন্তঃকরণস্য সদ্যঃ .
বিলোকনং ব্রহ্মবিদস্তনোতি
ছিনত্তি মোহং সুগতিং ব্যনক্তি .. ২৬১..
হুতাশনানাং শশিনামিনানা-
মপ্যর্বুদং বাপি ন যন্নিহন্তুম্ .
শক্নোতি তদ্ধান্তমনন্তমান্তরং
হন্ত্যাত্মবেত্তা সকৃদীক্ষণেন .. ২৬২..
দুষ্পারে ভবসাগরে জনিমৃতিব্যাধ্যাদিদুঃখোত্কটে
ঘোরে পুত্রকলত্রমিত্রবহুলগ্রাহাকরে ভীকরে .
কর্মোত্তুঙ্গতরঙ্গভঙ্গনিকরৈরাকৃষ্যমাণো মুহু-
র্যাতাযাতগতির্ভ্রমেণ শরণং কিংচিন্ন পশ্যাম্যহম্ .. ২৬৩..
কেন বা পুণ্যশেষেণ তব পাদাংবুজদ্বযম্ .
দৃষ্টবানস্মি মামার্তং মৃত্যোস্ত্রাহি দযাদৃশা .. ২৬৪..
বদন্তমেবং ত্বং শিষ্যং দৃষ্ট্যৈব দযযা গুরুঃ .
দদ্যাদভযমেতস্মৈ মা ভৈষ্টেতি মুহুর্মুহুঃ .. ২৬৫..
বিদ্বন্মৃত্যুভযং জহীহি ভবতো নাস্ত্যেব মৃত্যুঃ ক্বচি-
ন্নিত্যস্য দ্বযবর্জিতস্য পরমানন্দাত্মনো ব্রহ্মণঃ .
ভ্রান্ত্যা কিংচিদবেক্ষ্য ভীতমনসা মিথ্যা ত্বযা কথ্যতে .
মাং ত্রাহীতি হি সুপ্তবত্প্রলপনং শূন্যাত্মকং তে মৃষা .. ২৬৬..
নিদ্রাগাঢতমোবৃতঃ কিল জনঃ স্বপ্নে ভুজঙ্গাদিনা
গ্রস্তং স্বং সমবেক্ষ্য যত্প্রলপতি ত্রাসাদ্ধতোঽস্মীত্যলম্ .
আপ্তেন প্রতিবোধিতঃ করতলেনাতড্য পৃষ্টঃ স্বযং
কিংচিন্নেতি বদত্যমুষ্য বচনং স্যাত্তত্কিমর্থং বদ .. ২৬৭..
রজ্জোস্তু তত্ত্বমনবেক্ষ্য গৃহীতসর্প-
ভাবঃ পুমানযমহির্বসতীতি মোহাত্ .
আক্রোশতি প্রতিবিভেতি চ কংপতে ত-
ন্মিথ্যৈব নাত্র ভুজগোঽস্তি বিচার্যমাণে .. ২৬৮..
তদ্বত্ত্বযাপ্যাত্মন উক্তমেত-
জ্জন্মাপ্যযব্যাধিজরাধিদুঃখম্ .
মৃষৈব সর্বং ভ্রমকল্পিতং তে
সম্যগ্বিচার্যাত্মনি মুঞ্চ ভীতিম্ .. ২৬৯..
ভবাননাত্মনো ধর্মানাত্মন্যারোপ্য শোচতি .
তদজ্ঞানকৃতং সর্বং ভযং ত্যক্ত্বা সুখী ভব .. ২৭০..
শিষ্যঃ –
শ্রীমদ্ভিরুক্তং সকলং মৃষেতি
দৃষ্টান্ত এব হ্যুপপদ্যতে তত্ .
দার্ষ্ট্রাঽন্তিকেনৈব ভবাদিদুঃখং
প্রত্যক্ষতঃ সর্বজনপ্রসিদ্ধম্ .. ২৭১..
প্রত্যক্ষেণানুভূতার্থঃ কথং মিথ্যাত্বমর্হতি .
চক্ষুষো বিষযং কুম্ভং কথং মিথ্যা করোম্যহম্ .. ২৭২..
বিদ্যমানস্য মিথ্যাত্বং কথং নু ঘটতে প্রভো .
প্রত্যক্ষং খলু সর্বেষাং প্রমাণং প্রস্ফুটার্থকম্ .. ২৭৩..
মর্ত্যস্য মম জন্মাদিদুঃখভাজোঽল্পজীবিনঃ .
ব্রহ্মত্বমপি নিত্যত্বং পরমানন্দতা কথম্ .. ২৭৪..
ক আত্মা কস্ত্বনাত্মা চ কিমু লক্ষণমেতযোঃ .
আত্মন্যনাত্মধর্মাণামারোপঃ ক্রিযতে কথম্ .. ২৭৫..
কিমজ্ঞানং তদুত্পন্নভযত্যাগোঽপি বা কথম্ .
কিমু জ্ঞানং তদুত্পন্নসুখপ্রাপ্তিশ্চ বা কথম্ .. ২৭৬..
সর্বমেতদ্যথাপূর্বং করামলকবত্স্ফুটম্ .
প্রবিপাদয মে স্বামিন্ শ্রীগুরো করুণানিধে .. ২৭৭..
শ্রীগুরুঃ –
ধন্যঃ কৃতার্থস্ত্বমহো বিবেকঃ
শিবপ্রসাদস্তব বিদ্যতে মহান্ .
বিসৃজ্য তু প্রাকৃতলোকমার্গং
ব্রহ্মাবগন্তুং যতসে যতস্ত্বম্ .. ২৭৮..
শিবপ্রসাদেন বিনা ন সিদ্ধিঃ
শিবপ্রসাদেন বিনা ন বুদ্ধিঃ .
শিবপ্রসাদেন বিনা ন যুক্তিঃ
শিবপ্রসাদেনবিনা ন মুক্তিঃ .. ২৭৯..
যস্য প্রসাদেন বিমুক্তসঙ্গাঃ
শুকাদযঃ সংসৃতিবন্ধমুক্তাঃ .
তস্য প্রসাদো বহুজন্ম লভ্যো
ভক্ত্যৈকগম্যো ভবমুক্তিহেতুঃ .. ২৮০..
বিবেকো জন্তূনাং প্রভবতি জনিষ্বেব বহুষু
প্রসাদাদেবৈশাদ্বহুসুকৃতপাকোদযবশাত্ .
যতস্তস্মাদেব ত্বমপি পরমার্থাবগমনে
কৃতারম্ভঃ পুংসামিদমিহ বিবেকস্য তু ফলম্ .. ২৮১..
মর্ত্যত্বসিদ্ধ্যেরপি পুংস্ত্বসিদ্ধে-
র্বিপ্রত্বসিদ্ধেশ্চ বিবেকসিদ্ধেঃ .
বদন্তি মুখ্যং ফলমেব মোক্ষং
ব্যর্থং সমস্তং যদি চেন্ন মোক্ষঃ .. ২৮২..
প্রশ্নঃ সমীচীনতরস্তবাযং
যদাত্মতত্ত্বাবগমে প্রবৃত্তিঃ .
ততস্তবৈতত্সকলং সমূলং
নিবেদযিষ্যামি মুদা শৃণুষ্ব .. ২৮৩..
মর্ত্যত্বং ত্বযি কল্পিতং ভ্রমবশাত্তেনৈব জন্মাদতঃ
তত্সম্ভাবিতমেব দুঃখমপি তে নো বস্তুতস্তন্মৃষা .
নিদ্রমোহবশাদুপাগতসুখং দুঃখং চ কিং নু ত্বযা
সত্যত্বেন বিলোকিতং ক্বচিদপি ব্রূহি প্রবোধাগমে .. ২৮৪..
নাশেষলোকৈরনুভূযমানঃ
প্রত্যক্ষতোঽযং সকলপ্রপঞ্চঃ .
কথং মৃষা স্যাদিতি শঙ্কনীযং
বিচারশূন্যেন বিমুহ্যতা ত্বযা .. ২৮৫..
দিবান্ধদৃষ্টেস্তু দিবান্ধকারঃ
প্রত্যক্ষসিদ্ধোঽপি স কিং যথার্থঃ .
তদ্বদ্ভ্রমেণাবগতঃ পদার্থো
ভ্রান্তস্য সত্যঃ সুমতের্মৃষৈব .. ২৮৬..
ঘটোঽযমিত্যত্র ঘটাভিধানঃ
প্রত্যক্ষতঃ কশ্চিদুদেতি দৃষ্টেঃ .
বিচার্যমাণে স তু নাস্তি তত্র
মৃদস্তি তদ্ভাববিলক্ষণা সা .. ২৮৭..
প্রাদেশমাত্রঃ পরিদৃশ্যতেঽর্কঃ
শাস্ত্রেণ সংদর্শিতলক্ষযোজনঃ .
মানান্তরেণ ক্বচিদেতি বাধাং
প্রত্যক্ষমপ্যত্র হি ন ব্যবস্থা .. ২৮৮..
তস্মাত্ত্বযীদং ভ্রমতঃ প্রতীতং
মৃষৈব নো সত্যমবেহি সাক্ষাত্ .
ব্রহ্ম ত্বমেবাসি সুখস্বরূপং
ত্বত্তো ন ভিন্নং বিচিনুষ্ব বুদ্ধৌ .. ২৮৯..
লোকান্তরে বাত্র গুহান্তরে বা
তীর্থান্তরে কর্মপরম্পরান্তরে .
শাস্ত্রান্তরে নাস্ত্যনুপশ্যতামিহ
স্বযংপরং ব্রহ্ম বিচার্যমাণে .. ২৯০..
তত্ত্বমাত্মস্থমজ্ঞাত্বা মূঢঃ শাস্ত্রেষু পশ্যতি .
গোপঃ কক্ষগতং ছাগং যথা কূপেষু দুর্মতিঃ .. ২৯১..
স্বমাত্মানং পরং মত্বা পরমাত্মানমন্যথা .
বিমৃগ্যতে পুনঃ স্বাত্মা বহিঃ কোশেষু পণ্ডিতৈঃ .. ২৯২..
বিস্মৃত্য বস্তুনস্তত্বমধ্যারোপ্য চ বস্তুনি .
অবস্তুতাং চ তদ্ধর্মান্মুধা শোচতি নান্যথা .. ২৯৩..
আত্মানাত্মবিবেকং তে বক্ষ্যামি শ্রুণু সাদরম্ .
যস্য শ্রবণমাত্রেণ মুচ্যতেঽনাত্মবন্ধনাত্ .. ২৯৪..
ইত্যুক্ত্বাভিমুখীকৃত্য শিষ্যং করুণযা গুরুঃ .
অধ্যারোপাপবাদাভ্যাং নিষ্প্রপঞ্চং প্রপঞ্চযন্ .. ২৯৫..
সম্যক্প্রাবোধযত্তত্বং শাস্ত্রদৃষ্টেন বর্ত্মনা .
সর্বেষামুপকারায তত্প্রকারোঽত্র দর্শ্যতে .. ২৯৬..

verses 297-309 Superimposition
.. ১৩ .. অধ্যারোপঃ..
বস্তুন্যবস্ত্বারোপো যঃ সোঽধ্যারোপ ইতীর্যতে .
অসর্পভূতে রজ্জ্বাদৌ সর্পত্বারোপণং যথা .. ২৯৭..
বস্তু তাবত্পরং ব্রহ্ম সত্যজ্ঞানাদিলক্ষণম্ .
ইদমারোপিতং যত্র ভাতি খে নীলতাদিবত্ .. ২৯৮..
তত্কারণং যদজ্ঞানং সকার্যং সদ্বিলক্ষণম্ .
অবস্ত্বিত্যুচ্যতে সদ্ভির্যস্য বাধা প্রদৃশ্যতে .. ২৯৯..
অবস্তু তত্প্রমাণৈর্যদ্বাধ্যতে শুক্তিরৌপ্যবত্ .
ন বাধ্যতে যত্তদ্বস্তু ত্রিষু কালেষু শুক্তিবত্ .. ৩০০..
শুক্তের্বাধা ন খল্বস্তি রজতস্য যথা তথা .
অবস্তুসংজ্ঞিতং যত্তজ্জগদধ্যাসকারণম্ .. ৩০১..
সদসদ্ভ্যামনির্বাচ্যমজ্ঞানং ত্রিগুণাত্মকম্ .
বস্তু তত্ত্বাববোধৈকবাধ্যং তদ্ভাবলক্ষণম্ .. ৩০২..
মিথ্যাসংবন্ধতস্তত্র ব্রহ্মণ্যাশ্রিত্য তিষ্ঠতি .
মণৌ শক্তির্যথা তদ্বন্নৈতদাশ্রযদূষকম্ .. ৩০৩..
সদ্ভাবে লিঙ্গমেতস্য কার্যমেতচ্চরাচরম্ .
মানং শ্রুতিঃ স্মৃতিশ্চাজ্ঞোঽহমিত্যনুভবোঽপি চ .. ৩০৪..
অজ্ঞানং প্রকৃতিঃ শক্তিরবিদ্যেতি নিগদ্যতে .
তদেতত্সন্ন ভবতি নাসদ্বা শুক্তিরৌপ্যবত্ .. ৩০৫..
সতো ভিন্নমভিন্নং বা ন দীপস্য প্রভা যথা .
ন সাবযবমন্যদ্বা বীজস্যাঙ্কুরবত্ক্বচিত্ .. ৩০৬..
অত এতদনির্বাচ্যমিত্যেব কবযো বিদুঃ .
সমষ্টিব্যষ্টিরূপেণ দ্বিধাজ্ঞানং নিগদ্যতে .. ৩০৭..
নানাত্বেন প্রতীতানামজ্ঞানানামভেদতঃ .
একত্বেন সমষ্টিঃ স্যাদ্ভূরুহাণাং বনং যথা .. ৩০৮..
ইযং সমষ্টিরুত্কৃষ্টা সত্ত্বাংশোত্কর্ষতঃ পুরা .
মাযেতি কথ্যতে তজ্জ্ঞৈঃ শুদ্ধসত্ত্বৈকলক্ষণা .. ৩০৯..

verses 310-317 Ishvara
.. ১৪ .. ঈশ্বরঃ..
মাযোপহিতচৈতন্যং সাভাসং সত্ত্ববৃংহিতম্ .
সর্বজ্ঞত্বাদিগুণকং সৃষ্টিস্থিত্যন্তকারণম্ .. ৩১০..
অব্যাকৃতং তদব্যক্তমীশ ইত্যপি গীযতে .
সর্বশক্তিগুণোপেতঃ সর্বজ্ঞানাবভাসকঃ .. ৩১১..
স্বতন্ত্রঃ সত্যসংকল্পঃ সত্যকামঃ স ঈশ্বরঃ .
তস্যৈতস্য মহাবিষ্ণোর্মহাশক্তের্মহীযসঃ .. ৩১২..
সর্বজ্ঞত্বেশ্বরত্বাদিকারণত্বান্মনীষিণঃ .
কারণং বপুরিত্যাহুঃ সমষ্টিং সত্ত্ববৃংহিতম্ .. ৩১৩..
আনন্দপ্রচুরত্বেন সাধকত্বেন কোশবত্ .
সৈষানন্দমযঃ কোশ ইতীশস্য নিগদ্যতে .. ৩১৪..
সর্বোপরমহেতুত্বাত্সুষুপ্তিস্থানমিষ্যতে .
প্রাকৃতঃ প্রলযো যত্র শ্রাব্যতে শ্রুতিভির্মৃহুঃ .. ৩১৫..
অজ্ঞানং ব্যষ্ট্যভিপ্রাযাদনেকত্বেন ভিদ্যতে .
অজ্ঞানবৃত্তযো নানা তত্তদ্গুণবিলক্ষণাঃ .. ৩১৬..
বনস্য ব্যষ্ট্যভিপ্রাযাদ্ভূরুহা ইত্যনেকতা .
যথা তথৈবাজ্ঞানস্য ব্যষ্টিতঃ স্যাদেনকতা .. ৩১৭..

verses 318-329 Pratyagatman
.. ১৫ .. প্রত্যগাত্মন্..
ব্যষ্টির্মলিনসত্ত্বৈষা রজসা তমসা যুতা .
ততো নিকৃষ্টা ভবতি যোপাধিঃ প্রত্যগাত্মনঃ .. ৩১৮..
চৈতন্যং ব্যষ্ট্যবচ্ছিন্নং প্রত্যগাত্মেতি গীযতে .
সাভাসং ব্যষ্ট্যুপহিতং সত্তাদাত্ম্যেন তদ্গুণৈঃ .. ৩১৯..
অভিভূতঃ স এবাত্মা জীব ইত্যভিধীযতে .
কিংচিজ্জ্ঞত্বানীশ্বরত্বসংসারিত্বাদিধর্মবান্ .. ৩২০..
অস্য ব্যষ্টিরহঙ্কারকারণত্বেন কারণম্ .
বপুস্তত্রাভিমান্যাত্মা প্রাজ্ঞ ইত্যুচ্যতে বুধৈঃ .. ৩২১..
প্রাজ্ঞত্বমস্যৈকাজ্ঞানভাসকত্বেন সংমতম্ .
ব্যষ্টের্নিকৃষ্টত্বেনাস্য নানেকাজ্ঞানভাসনম্ .. ৩২২..
স্বরূপাচ্ছাদকত্বেনাপ্যানন্দপ্রচুরত্বতঃ .
কারণং বপুরানন্দমযঃ কোশ ইতীর্যতে .. ৩২৩..
অস্যাবস্থা সুষুপ্তিঃ স্যাদ্যত্রানন্দঃ প্রকৃশ্যতে .
এষোঽহং সুখমস্বাপ্সং ন তু কিংচিদবেদিষম্ .. ৩২৫..
অভেদ এব নো ভেদো জাত্যেকত্বেন বস্তুতঃ .
অভেদ এব জ্ঞাতব্যস্তথেশপ্রাজ্ঞযোরপি .. ৩২৬..
সত্যুপাধ্যোরভিন্নত্বে ক্ব ভেদস্তদ্বিশিষ্টযোঃ .
একীভাবে তরঙ্গাব্ধ্যোঃ কো ভেদঃ প্রতিবিম্বযোঃ .. ৩২৭..
অজ্ঞানতদবচ্ছিন্নাভাসযোরুভযোরপি .
আধারং শুদ্ধচৈতন্যং যত্তত্তুর্যমিতীর্যতে .. ৩২৮..
এতদেবাবিবিক্তং সদুপাদিভ্যাং চ তদ্গুণৈঃ .
মহাবাক্যস্য বাচ্যার্থো বিবিক্তং লক্ষ্য ইষ্যতে .. ৩২৯..

verses 330-333 Ishvara,the cause of the universe
.. ১৬ .. ঈশ্বরঃ..
অনন্তশক্তিসংপন্নো মাযোপাধিক ঈশ্বরঃ .
ঈক্ষামাত্রেণ সৃজতি বিশ্বমেতচ্চরাচরম্ .. ৩৩০..
অদ্বিতীযস্বমাত্রোঽসৌ নিরুপাদান ঈশ্বরঃ .
স্বযমেব কথং সর্বং সৃজতীতি ন শঙ্ক্যতাম্ .. ৩৩১..
নিমিত্তমপ্যুপাদানং স্বযমেব ভবন্প্রভুঃ .
চরাচরাত্মকং বিশ্বং সৃজত্যবতি লিম্পতি .. ৩৩২..
স্বপ্রাধান্যেন জগতো নিমিত্তমপি কারণম্ .
উপাদানং ততোপাধিপ্রাধান্যেন ভবত্যযম্ ..৩৩৩..

verses 334-337 Creation of the Five Elements
.. ১৭ .. পঞ্চভূতসৃষ্টিঃ ..
যথা লূতা নিমিত্তং চ স্বপ্রধানতযা ভবেত্ .
স্বশরীরপ্রধানত্বেনোপাদানং তথেশ্বরঃ .. ৩৩৪..
তমঃপ্রধানপ্রকৃতিবিশিষ্টাত্পরমাত্মনঃ .
অভূত্সকাশাদাকাশমাকাশাদ্বাযুরুচ্যতে .. ৩৩৫..
বাযোরগ্নিস্তথৈবাগ্নেরাপোঽদ্ভ্যঃ পৃথিবী ক্রমাত্ .
শক্তেস্তমঃপ্রধানত্বং তত্কার্যে জাড্যদর্শনাত্ .. ৩৩৬..
আরভন্তে কার্যগুণান্যে কারণগুণা হি তে .
এতানি সূক্ষ্মভূতানি ভূতমাত্রা অপি ক্রমাত্ .. ৩৩৭..

verses 338-341 The Subtle Bodয্
.. ১৮ .. সূক্ষ্মদেহঃ..
এতেভ্যঃ সূক্ষ্মভূতেভ্যঃ সূক্ষ্মদেহা ভবন্ত্যপি .
স্থূলান্যপি চ ভূতানি চান্যোন্যংশবিমেলনাত্ .. ৩৩৮..
অপঞ্চীকৃতভূতেভ্যো জাতং সপ্তদশাঙ্গকম্ .
সংসারকারণং লিঙ্গমাত্মনো ভোগসাধনম্ .. ৩৩৯..
শ্রোত্রাদিপঞ্চকং চৈব বাগাদীনাং চ পঞ্চকম্ .
প্রাণাদিপঞ্চকং বুদ্ধিমনসী লিঙ্গমুচ্যতে .. ৩৪০..
শ্রোত্রবক্চক্ষুর্জিব্হাঘ্রাণানি পঞ্চ জাতানি .
আকাশাদীনাং সত্ত্বাংশেভ্যো ধীন্দ্রিযাণ্যনুক্রমতঃ .. ৩৪১..

verses 342-349 The Internal Organ
.. ১৯ .. অন্তঃকরণম্ ..
আকাশাদিগতাঃ পঞ্চ সাত্বিকাংশাঃ পরস্পরম্ .
মিলিত্বৈবান্তঃকরণমভবত্সর্বকারণম্ .. ৩৪২..
প্রকাশকত্বাদেতেশাং সাত্বিকাংশত্বমিষ্যতে .
প্রকাশকত্বং সত্ত্বস্য স্বচ্ছত্বেন যতস্ততঃ .. ৩৪৩..
তদন্তঃকরণং বৃত্তিভেদেন স্যাচ্চতুর্বিধম্ .
মনো বুদ্ধিরহঙ্কারশ্চিত্তং চেতি তদুচ্যতে .. ৩৪৪..
সংকল্পান্মন ইত্যাহুর্বুদ্ধিরর্থস্য নিশ্চযাত্ .
অভিমানাদহঙ্কারশ্চিত্তমর্থস্য চিন্তনাত্ .. ৩৪৫..
মনস্যপি চ বুদ্ধৌ চ চিত্তাহঙ্কারযোঃ ক্রমাত্ .
অন্তর্ভাবোঽত্র বোদ্ধব্যো লিঙ্গলক্ষণসিদ্ধযে .. ৩৪৬..
চিন্তনং চ মনোধর্মঃ সংকল্পাদির্যথা তথা .
অন্তর্ভাবো মনস্যেব সম্যক্চিত্তস্য সিদ্ধ্যতি .. ৩৪৭..
দেহাদাবহমিত্যেব ভাবো দৃঢতরো ধিযঃ .
দৃষ্যতেঽহঙ্কৃতেস্তস্মাদন্তর্ভাবোঽত্র যুজ্যতে .. ৩৪৮..
তস্মাদেব তু বুদ্ধেঃ কর্তৃত্বং তদিতরস্য করণত্বম্ .
সিদ্ধ্যত্যাত্মন উভযাদ্বিদ্যাত্সংসারকারণং মোহাত্ .. ৩৪৯..

verses 350-354 Vijnaanamayakosha
.. ২০ .. বিজ্ঞানমযকোশ..
বিজ্ঞানমযকোশঃ স্যাত্ বুদ্ধৈর্জ্ঞানেন্দ্রিযৈঅঃ সহ .
বিজ্ঞানপ্রচুরত্বেনাপ্যাচ্ছাদকতযাত্মনঃ .. ৩৫০..
বিজ্ঞানমযকোশোঽযমিতি বিদ্বদ্ভিরুচ্যতে .
অযং মহানহঙ্কারবৃত্তিমান্কর্তৃলক্ষণঃ .. ৩৫১..
অহং মমেত্যেব সদাভিমানং
দেহেন্দ্রিযাদৌ কুরুতে গৃহাদৌ .
জীবাভিমানঃ পুরুষোঽযমেব
কর্তা চ ভোক্তা চ সুখী চ দুঃখী .. ৩৫২..
স্ববাসনাপ্রেরিত এব নিত্যং
করোতি কর্মোভযলক্ষণং চ .
ভুঙ্ক্তে তদুত্পন্নফলং বিশিষ্টং
সুখং চ দুঃখং চ পরত্র চাত্র .. ৩৫৩..
নানাযোনিসহস্রেষু জাযমানো মুহুর্মুহুঃ .
ম্রিযমাণো ভ্রমত্যেষ জীবঃ সংসারমণ্ডলে .. ৩৫৪..

verses 355-374 Manomayakosha
.. ২১ .. মনোমযকোশঃ..
মনো মনোমযঃ কোশো ভবেজ্জ্ঞানেন্দ্রিযৈঃ সহ .
প্রাচুর্য মনসো যত্র দৃশ্যতেঽসৌ মনোমযঃ .. ৩৫৫..
চিন্তাবিষাদহর্ষাদ্যাঃ কামাদ্যা অস্য বৃত্তযঃ .
মনুতে মনসৈবৈষ ফলং কামযতে বহিঃ .
যততে কুরুতে ভুঙ্ক্তে তন্মনঃ সর্বকারণম্ .. ৩৫৬..
মনো হ্যমুষ্য প্রবণস্য হেতু-
রন্তর্বহিশ্চার্থমনেন বেত্তি .
শৃণোতি জিঘ্রত্যমুনৈব চেক্ষতে
বক্তি স্পৃশত্যত্তি করোতি সর্বম্ .. ৩৫৭..
বন্ধশ্চ মোক্ষো মনসৈব পুংসা-
মর্থোঽপ্যনর্থোঽপ্যমুনৈব সিদ্ধ্যতি .
শুদ্ধেন মোক্ষো মলিনেন বন্ধো
বিবেকতোঽর্থোঽপ্যবিবেকতোন্যঃ .. ৩৫৮..
রজস্তমোভ্যাং মলিনং ত্বশুদ্ধ-
মজ্ঞানজং সত্ত্বগুণেন রিক্তম্ .
মনস্তমোদোষসমন্বিতত্বা-
জ্জডত্বমোহালসতাপ্রমাদৈঃ .
তিরস্কৃতং সন্ন তু বেত্তি বাস্তবং
পদার্থতত্ত্বং হ্যুপলভ্যমানম্ .. ৩৫৯..
রজোদোষৈর্যুক্তং যদি ভবতি বিক্ষেপকগুণৈঃ
প্রতীপৈঃ কামাদ্যৈরনিশমভিভূতং ব্যথযতি .
কথংচিত্সূক্ষ্মার্থাবগতিমদপি ভ্রাম্যতি ভৃশং
মনোদীপো যদ্বত্প্রবলমরুতা ধ্বস্তমহিমা .. ৩৬০..
ততো মুমুক্ষুর্ভববন্ধমুক্ত্যৈ
রজস্তমোভ্যাং চ তদীযকার্যৈঃ .
বিযোজ্য চিত্তং পরিশুদ্ধসত্ত্বং
প্রিযং প্রযত্নেন সদৈব কুর্যাত্ .. ৩৬১..
গর্ভাবাসজনিপ্রণাশনজরাব্যাধ্যাদিষু প্রাণিনাং
যদ্দুঃখং পরিদৃশ্যতে চ নরকে তচ্চিন্তযিত্বা মুহুঃ .
দোষানেব বিলোক্য সর্ববিষযেষ্বাষাং বিমুচ্যাভিত-
শ্চিত্তগ্রন্থিবিমোচনায সুমতিঃ সত্ত্বং সমালম্বতাম্ .. ৩৬২..
যমেষু নিরতো যস্তু নিযমেষু চ যত্নতঃ .
বিবেকিনস্তস্য চিত্তং প্রসাদমধিগচ্ছতি .. ৩৬৩..
আসুরীং সম্পদং ত্যক্ত্বা ভজেদ্যো দৈবসম্পদম্ .
মোক্ষৈককাঙ্ক্ষযা নিত্যং তস্য চিত্তং প্রসীদতি .. ৩৬৪..
পরদ্রব্যপরদ্রোহপরনিন্দাপরস্ত্রিযঃ .
নালম্বতে মনো যস্য তস্য চিত্তং প্রসীদতি .. ৩৬৫..
আত্মবত্সর্বভূতেষু যঃ সমত্বেন পশ্যতি .
সুখং দুঃখং বিবেকেন তস্য চিত্তং প্রসীদতি .. ৩৬৬..
অত্যন্তং শ্রদ্ধযা ভক্ত্যা গুরুমীশ্বরমাত্মনি .
যো ভজত্যনিশং ক্ষান্তস্তস্য চিত্তং প্রসীদতি .. ৩৬৭..
শিষ্টন্নমীশার্চনমার্যসেবাং
তীর্থাটনং স্বাশ্রমধর্মনিষ্ঠাম্ .
যমানুষক্তিং নিযমানুবৃত্তিং
চিত্তপ্রসাদায বদন্তি তজ্জ্ঞাঃ .. ৩৬৮..
কট্বম্ললবণাত্যুষ্ণতীক্ষ্ণরূক্ষবিধাযিনাম্ .
পূতিপর্যুষিতাদীনাং ত্যাগঃ সত্ত্বায কল্পতে .. ৩৬৯..
শ্রুত্যা সত্ত্বপুরাণানাং সেবযা সত্ত্ববস্তুনঃ .
অনুবৃত্ত্যা চ সাধূনাং সত্ত্ববৃত্তিঃ প্রজাযতে .. ৩৭০..
যস্য চিত্তং নির্বিষযং হৃদযং যস্য শীতলম্ .
তস্য মিত্রং জগত্সর্বং তস্য মুক্তিঃ করস্থিতা .. ৩৭১..
হিতপরিমিতভোজী নিত্যমেকান্তসেবী
সকৃদুচিতহিতোক্তিঃ স্বল্পনিদ্রাবিহারঃ .
অনুনিযমনশীলো যো ভজত্যুক্তকালে
স লভত ইহ শীঘ্রং সাধু চিত্তপ্রসাদম্ .. ৩৭২..
চিত্তপ্রসাদেন বিনাবগন্তুং
বন্ধং ন শক্নোতি পরাত্মতত্ত্বম্ .
তত্ত্বাবগত্যা তু বিনা বিমুক্তি-
র্ন সিদ্ধ্যতি ব্রহ্মসহস্রকোটিষু .. ৩৭৩..
মনঃপ্রমাদঃ পুরুষস্য বন্ধো
মনঃপ্রসাদো ভববন্ধমুক্তিঃ .
মনঃপ্রসাদাধিগমায তস্মা-
ন্মনোনিরাসং বিদধীত বিদ্বান্ .. ৩৭৪..

verses 375-408 Pranamayakosha
.. ২২ .. প্রাণমযকোশঃ..
পঞ্চানামেব ভূতানাং রজোংশেভ্যোঽভবন্ ক্রমাত্ .
বাক্পাণিপাদপাযূপস্থানি বর্মেন্দ্রিযাণ্যনু .. ৩৭৫..
সমস্তেভ্যো রজোংশেভ্যো ব্যোমাদীনাং ক্রিযাত্মকাঃ .
প্রাণাদযঃ সমুত্পন্নাঃ পঞ্চাপ্যান্তরবাযবঃ .. ৩৭৬..
প্রাণঃ প্রাগ্গমনেন স্যাদপানোঽর্বাগ্গমনেন চ .
ব্যানস্তু বিষ্বগ্গমনাদুত্ক্রান্ত্যোদান ইষ্যতে .. ৩৭৭..
অশিতানরসাদীনাং সমীকরণধর্মতঃ .
সমান ইত্যভিপ্রেতো বাযুর্যস্তেষু পঞ্চমঃ .. ৩৭৮..
ক্রিযৈব দিশ্যতে প্রাযঃ প্রাণকর্মেন্দ্রিযেষ্বলম্ .
ততস্সেষাং রজোংশেভ্যো জনিরঙ্গীকৃতা বুধৈঃ .. ৩৭৯..
রাজসীং তু ক্রিযাশক্তিং তমঃশক্তিং জডাত্মিকাম্ .
প্রকাশরূপিণীং সত্ত্বশক্তিং প্রাহুর্মহর্ষযঃ .. ৩৮০..
এতে প্রাণাদযঃ পঞ্চ পঞ্চকর্মেন্দিযৈঃ সহ .
ভবেত্প্রাণমযঃ কোশঃ স্থূলো যেনৈব চেষ্টতে .. ৩৮১..
যদ্যান্নিষ্পাদ্যতে কর্ম পুণ্যং বা পাপমেব বা .
বাগাদিভিশ্চ বপুষা তত্প্রাণমযকর্তৃকম্ .. ৩৮১..
বাযুনোচ্চালিতো বৃক্ষো নানারূপেণ চেষ্টতে .
তস্মিন্বিনিশ্চলে সোঽপি নিশ্চলঃ স্যাদ্যথা তথা .. ৩৮২..
প্রাণকর্মেন্দ্রিযৈদেহঃ প্রের্যমাণঃ প্রবর্ততে .
নানাক্রিযাসু সর্বত্র বিহিতাবিহিতাদিষু .. ৩৮৪..
কোশত্রযং মিলিত্বৈতদ্বপুঃ স্যাত্সূক্ষ্মমাত্মনঃ .
অতিসূক্ষ্মতযা লীনস্যাত্মনো গমকত্বতঃ .. ৩৮৫..
লিঙ্গমিত্যুচ্যতে স্থূলাপেক্ষযা সূক্ষ্মমিষ্যতে .
সর্বং লিঙ্গবপুর্জাতমেকধীবিষযত্বতঃ .. ৩৮৬..
সমষ্টিঃ স্যাত্তরুগণঃ সামান্যেন বনং যথা .
এতত্সমষ্ট্যুপহিতং চৈতন্যং সফলং জগুঃ .. ৩৮৭..
হিরণ্যগর্ভঃ সূত্রাত্মা প্রাণ ইত্যপি পণ্ডিতাঃ .
হিরণ্মযে বুদ্ধিগর্মে প্রচকাস্তি হিরণ্যবত্ .. ৩৮৮..
হিরণ্যগর্ভ ইত্যস্য ব্যপদেশস্ততো মতঃ .
সমস্ত লিঙ্গদেহেষু সূত্রবন্মণিপঙ্তিষু .
ব্যাপ্য স্থিতত্বাত্সূত্রাত্মা প্রাণনাত্প্রাণ উচ্যতে .. ৩৮৯..
নৈকধীবিষযত্বেন লিঙ্গং ব্যষ্টিভবত্যথ .
যদেতদ্ব্যষ্ট্যুপহিতং চিদাভাসসমন্বিতম্ .. ৩৯০..
চৈতন্যং তৈজস ইতি নিগদন্তি মনীষিণঃ .
তেজোমযান্তঃকরণোপাদিত্বেনৈব তৈজসঃ .. ৩৯১..
স্থূলাত্সূক্ষ্মতযা ব্যষ্টিরস্য সূক্ষ্মবপুর্মতম্ .
অস্য জাগরসংস্কারমযত্বাদ্বপুরুচ্যতে .. ৩৯২..
স্বপ্নে জাগরকালীনবাসনাপরিকল্পিতান্ .
তৈজসো বিষযান্ভুঙ্ক্তে সূক্ষ্মার্থান্সূক্ষ্মবৃত্তিভিঃ .. ৩৯৩..
সমষ্টেরপি চ ব্যষ্টেঃ সামান্যেনৈব পূর্ববত্ .
অভেদ এব জ্ঞাতব্যো জাত্যৈকত্বে কুতো ভিদা .. ৩৯৪..
দ্বযোরুপাধ্যোরেকত্বে তযোরপ্যভিমানিনোঃ .
সূত্রান্মনস্তৈজসস্যাপ্যভেদঃ পূর্ববন্মতঃ .. ৩৯৫..
এবং সূক্ষ্মপ্রপঞ্চস্য প্রকারঃ শাস্ত্রসংমতঃ .
অথ স্থূলপ্রপঞ্চস্য প্রকারঃ কথ্যতে শৃণু .. ৩৯৬..
তান্যেব সূক্ষ্মভূতানি ব্যোমাদীনি পরস্পরম্ .
পঞ্চীকৃতানি স্থূলানি ভবন্তি শৃণু তত্ক্রমম্ .. ৩৯৭..
খাদীনাং ভূতমেকৈকং সমমেব দ্বিধা দ্বিধা .
বিভজ্য ভাগং তত্রাদ্যং ত্যক্ত্বা ভাগং দ্বিতীযকম্ .. ৩৯৮..
চতুর্ধা সুবিভজ্যাথ তমেকৈকং বিনিক্ষিপেত্ .
চতুর্ণা প্রথমে ভাগে ক্রমেণ স্বার্ধমন্তরা .. ৩৯৯..
ততো ব্যোমাদিভূতানাং ভাগাঃ পঞ্চ ভবন্তি তে .
স্বস্বার্ধভাগেনান্যেভ্যঃ প্রাপ্তং ভাগচতুষ্টযম্ .. ৪০০..
সংযোজ্য স্থূলতাং যন্তি ব্যোমাদীনি যথাক্রমম্ .
অমুষ্য পঞ্চীকরণস্যাপ্রামাণ্যং ন শঙ্ক্যতাম্ .. ৪০১..
উপলক্ষণমস্যাপি তত্ত্রিবৃত্করণশ্রুতিঃ .
পঞ্চানামপি ভূতানাং শ্রূযতেঽন্যত্র সংভবঃ .. ৪০২..
ততঃ প্রামাণিকং পঞ্চীকরণং মন্যতাং বুধৈঃ .
প্রত্যক্ষাদিবিরোধঃ স্যাদন্যথা ক্রিযতে যদি .. ৪০৩..
আকাশবায্বোধর্মর্স্তু বহ্ন্যাদাবুপলভ্যতে .
যথা তথাকাশবায্বোর্নাগ্ন্যাদের্ধমর্ ঈক্ষ্যতে .. ৪০৪..
অতোঽপ্রামাণিকমিতি ন কিঞ্চিদপি চিন্ত্যতাম্ .
খাংশব্যাপ্তিশ্চ খব্যাপ্তির্বিদ্যতে পাবকাদিষু .. ৪০৫..
তেনোপলভ্যতে শব্দঃ কারণস্যাতিরেকতঃ .
তথা নভস্বতো ধর্মোঽপ্যগ্ন্যাদাবুপলভ্যতে .. ৪০৬..
ন তথা বিদ্যতে ব্যাপ্তির্বহ্ন্যাদেঃ খনভস্বতোঃ .
সূক্ষ্মত্বাদংশকব্যাপ্তেস্তদ্ধর্মো নোপলভ্যতে .. ৪০৭..
কারণস্যানুরূপেণ কার্যং সর্বত্র দৃশ্যতে .
তস্মাত্প্রামাণ্যমেষ্টব্যং বুধৈঃ পঞ্চীকৃতেরপি .. ৪০৮..

verses 409-416 The quintuplication of the Elements
.. ২৩ ..পঞ্চীকরণম্ ..
অনেনোদ্ভূতগণকং ভূতং বক্ষ্যেঽবধারয .
শব্দৈকগুণমাকাশং শব্দস্পর্শগুণোঽনিলঃ .. ৪০৯..
তেজঃ শব্দস্পর্শরূপৈর্গুণবত্কারণং ক্রমাত্ .
আপশ্চতুর্গুগঃ শব্দস্পর্শরূপরসৈঃ ক্রমাত্ .. ৪১০..
এতৈশ্চতুর্ভির্গন্ধেন সহ পঞ্চ্গুণা মহী .
আকাশাংশতযা শ্রোত্রং শব্দং গৃহ্ণাতি তদ্গুণম্ .. ৪১১..
ত্বঙ্মরুতাংশকতযা স্পর্শং গৃহ্ণাতি তদ্গুণম্ .
তেজোংশকতযা চক্ষূ রূপং গৃহ্ণাতি তদ্গুণম্ .. ৪১২..
অবংশকতযা জিহ্বা রসং গৃহ্ণাতি তদ্গুণম্ .
ভূম্যংশকতযা ঘ্রাণং গন্ধং গৃহ্ণাতি তদ্গুণম্ .. ৪১৩..
করোতি খাংশকতযা বাক্ষব্দোচ্চারণক্রিযাম্ .
বায্বংশকতযা পাদৌ গমনাদিক্রিযাপরৌ .. ৪১৪..
তেজোংশকতযা পাণী বহ্ন্যাদ্যর্চনতত্পরৌ .
জলাংশকতযোপস্থো রেতোমূত্রবিসর্গকৃত্ .. ৪১৫..
ভূম্যন্শকতযা পাযুঃ কঠিনং মলমুত্সৃজেত্ .
শ্রিত্রস্য দৈবতং দিক্স্যাত্ত্বচো বাযুদৃর্শো রবিঃ .. ৪১৬..

verses 417-429 The deities presiding over the senses
.. ২৪ ..ইন্দ্রিযদেবতাঃ ..
জিহ্বাযা বরুণো দৈবং ঘ্রাণস্য ত্বশ্বিনাবুভৌ .
বাচোঽগ্নিহর্স্তযোরিন্দ্রঃ পাদযোস্তু ত্রিবিক্রমঃ .. ৪১৭..
ষাযোর্মৃত্যুরুপস্থস্য ত্বধিদৈবং প্রজাপতিঃ .
মনসো দৈবতং চন্দ্রো বুদ্ধের্দৈবং বৃহস্পতিঃ .. ৪১৮..
রুদ্রস্ত্বহংকৃতের্দৈবং ক্ষেত্রজ্ঞশ্চিত্তদৈবতম্ .
দিগাদ্যা দেবতাঃ সর্বাঃ খাদিসত্ত্বাংশসংভবাঃ .. ৪১৯..
সংমিতা ইন্দ্রিযস্থানেষ্বিন্দ্রিযাণাং সমন্ততঃ .
নিগৃহ্ণন্ত্যনুগৃহ্ণন্তি প্রাণিকর্মানুরূপতঃ .. ৪২০..
শরীরকরণগ্রামপ্রাণাহমধিদেবতাঃ .
পঞ্চৈতে হেতবঃ প্রোক্তা নিষ্পত্তৌ সর্বকর্মণাম্ .. ৪২১..
কর্মানুরূপেণ গুণোদযো ভবে-
দ্গুণানুরূপেণ মনঃপ্রবৃত্তিঃ .
মনোনুবৃত্তৈরুভযাত্মকেন্দ্রিযৈ-
নির্বর্ত্যর্তে পুণ্যমপুণ্যমত্র .. ৪২২..
করোতি বিজ্ঞানমযোঽভিমানং
কর্তাহমেবেতি তদাত্মনা স্থিতঃ .
আত্মা তু সাক্ষী ন করোতি কিঞ্চি-
ন্ন কারযত্যেব তটস্থবত্সদা .. ৪২৩..
দ্রষ্টা শ্রোতা বক্তা কর্তা ভোক্তা ভবত্যহঙ্কারঃ .
স্বযমেতদ্বিকৃতীনাং সাক্ষী নির্লেপ এবাত্মা .. ৪২৪..
আত্মনঃ সাক্ষিমাত্রত্বং ন কর্তৃত্বং ন ভোক্তৃতা .
রবিবত্প্রাণিভির্লোকে ক্রিযমাণেষু কর্মসু .. ৪২৫..
ন হ্যর্কঃ কুরুতে কর্ম ন কারযতি জন্তবঃ .
স্বস্বভাবনুরোধেন বর্তন্তে স্বস্বকর্মসু .. ৪২৬..
তথৈব প্রত্যগাত্মাপি রবিবন্নিষ্ক্রিযাত্মনা .
উদাসীনতযৈবাস্তে দেহাদীনাং প্রবৃত্তিষু.. ৪২৭..
অজ্ঞাত্বৈবং পরং তত্ত্বং মাযামোহিতচেতসঃ .
স্বাত্মন্যারোপযন্ত্যেতত্কর্তৃত্বাদ্যন্যগোচরম্ .. ৪২৮..
আত্মস্বরূপমবিচার্য বিমূঢবুদ্ধি-
রারোপযত্যখিলমেতদনাত্মকার্যম্ .
স্বাত্মন্যসঙ্গচিতিনিষ্ক্রিয এব চন্দ্রে
দূরস্থমেঘকৃতধাবনবদ্ভ্রমেণ .. ৪২৯..

verses 430-433 The Creation of the gross Universe
.. ২৫ .. জগদুত্পত্তিঃ..
আত্মানাত্মবিবেকং স্ফুটতরমগ্রে নিবেদযিষ্যামঃ .
ইমমাকর্ণয বিদ্বন্ জগদুত্পত্তিপ্রকারমাবৃত্ত্যা .. ৪৩০..
পঞ্চীকৃতেভ্যঃ খাদিভ্যো ভূতেভ্যস্ত্বীক্ষযেশিতুঃ .
সমুত্পানমিদং স্থূলং ব্রহ্মাণ্ডং সচরাচরম্ .. ৪৩১..
ব্রীহ্যাদ্যোষধযঃ সর্বা বাযুতেজোম্বুভূমযঃ .
সর্বেষামপ্যভূদন্নং চতুর্বিধশরীরিণাম্ .. ৪৩২..
কেচিন্মারুতভোজনাঃ খলু পরে চন্দ্রার্কতেজোশনাঃ
কেচিত্তোযকণাশিনোঽপরিমিতাঃ কেচিত্তু মৃদ্ভক্ষকাঃ .
কেচিত্পর্ণশিলাতৃণাদনপরাঃ কেচিত্তু মাংসাশিনঃ
কেচিদ্ব্রীহিযবান্নভোজনপরা জীবন্ত্যমী জন্তবঃ .. ৪৩৩..

verses 434-456 The four different kinds of beings
.. ২৬ .. চতুর্বিধং ভূতজাতম্ ..
জরাযুজাণ্ডজস্বেদজোদ্ভিজ্জাদ্যাশ্চতুর্বিধাঃ .
স্বস্বকর্মানুরূপেণ জাতাস্তিষ্ঠন্তি জন্তবঃ .. ৪৩৪..
যত্র জাতা জরাযুভ্যস্তে নরাদ্যা জরাযুজাঃ .
অণ্ডজাস্তে স্যুরণ্ডেভ্যো জাতা যে বিহগাদযঃ .. ৪৩৫..
স্বেদাজ্জাতাঃ স্বেদজাস্তে যূকা লূক্ষাদযোঽপি চ .
ভূমিমুদ্ধিদ্য যে জাতা উদ্ধিজ্জাস্তে দ্রুমাদযঃ .. ৪৩৬..
ইদং স্থূলবপুর্জাতং ভৌতিকং চ চতুর্বিধম্ .
সামান্যেন সমষ্টিঃ স্যাআদেকধীবিষযত্বতঃ .. ৪৩৭..
এতত্সমষ্ট্যবচ্ছিন্নং চৈতন্যং ফলসংযুতম্ .
প্রাহুর্বৈষ্বানর ইতি বিরাডিতি চ বৈদিকাঃ .. ৪৩৮..
বৈশ্বানরো বিশ্বনরেষ্বাত্মত্বেনাভিমানতঃ .
বিরাট্ স্যাদ্বিবিধত্বেন স্বযমেব বিরাজনাত্ .. ৪৩৯..
চতুর্বিধং ভূতজাতং তত্তজ্জাতিবিশেষতঃ .
নৈকধীবিষযত্বেন পূর্ববদ্ব্যষ্টিরিষ্যতে .. ৪৪০..
সাভাসং ব্যষ্ট্যুপহিতং তত্তাদাত্ম্যমুপগতম্ .
চৈতন্যং বিশ্ব ইত্যাহুর্বেদান্তনযকোবিদাঃ .. ৪৪১..
বিশ্বোঽস্মিন্স্থূলদেহেঽত্র স্বাভিমানেন তিষ্ঠতি .
যতস্ততো বিশ্ব ইতি নাম্না সার্থো ভবত্যযম্ .. ৪৪২..
ব্যষ্টিরেষাস্য বিশ্বস্য ভবতি স্থূলবিগ্রহঃ .
উচ্চ্যতেঽন্নবিকারিত্বাত্কোশোঽন্নময ইত্যযম্ .. ৪৪৩..
দেহোঽযং পিতৃভুক্তান্নবিকারাচ্ছুক্ল শোণিতাত্ .
জাতঃ প্রবর্ধতেঽন্নেন তদভাবে বিনশ্যতি .. ৪৪৪..
তস্মাদন্নবিকারিত্বেনাযন্নমযো মতঃ .
আচ্ছাদকত্বাদেতস্যাপ্যসেঃ কোশবদাত্মনঃ .. ৪৪৫..
আত্মনঃ স্থূলভোগানামেতদাযতনং বিদুঃ .
শব্দাদিবিষযান্ভুঙ্ক্তে স্থূলান্স্থূলাত্মনি স্থিতঃ .. ৪৪৬..
বহিরাত্মা ততঃ স্থূলভোগাযতনমুচ্যতে .
ইন্দ্রিযৈরুপনীতানাং শব্দাদীনামযং স্বযম্ .
দেহেন্দ্রিযমনোযুক্তো ভোক্তেত্যাহুর্মনীষিণঃ .. ৪৪৭..
একাদশদ্বারবতীহ দেহে
সৌধে মহারাজ ইবাক্ষবর্গৈঃ .
সংসেব্যমানো বিষযোপভোগা-
নুপাদিসংস্থো বুভুজেঽযমাত্মা .. ৪৪৮..
জ্ঞানেন্দ্রিযাণি নিজদৈবতচোদিতানি
কর্মেন্দ্রিযাণ্যপি তথা মন আদিকানি .
স্বস্বপ্রযোজনবিধৌ নিযতানি সন্তি
যত্নেন কিঙ্করজনা ইব তং ভজন্তে .. ৪৪৯..
যত্রোপভুঙ্ক্তে বিষযান্স্থূলানেষ মহামতিঃ .
অহং মমেতি সৈষাস্যাবস্থা জাগ্রদিতীর্যতে .. ৪৫০..
এতত্সমষ্টিব্যষ্ট্যোশ্চোভযোরপ্যভিমানিনোঃ .
তদ্বিশ্ববৈশ্বানরযোরভেদঃ পূর্ববন্মতঃ .. ৪৫১..
স্থূলসূক্ষ্মকারণাখ্যাঃ প্রপঞ্চা যে নিরূপিতাঃ .
তে সর্বেঽপি মিলিত্বৈকঃ প্রপঞ্চোঽপি মহান্ভবেত্ .. ৪৫২..
মহাপ্রপঞ্চাবচ্ছিন্নং বিশ্বপ্রাজ্ঞাদিলক্ষণম্ .
বিরাডাদীশপর্যন্তং চৈতন্যং চৈকমেব তত্ .. ৪৫৩..
যদনাদ্যন্তমব্যক্তং চৈতন্যমজমক্ষরম্ .
মহাপ্রপঞ্চেন সহাবিবিক্তং সদযোঽগ্নিবত্ .. ৪৫৪..
তত্সর্বং খল্বিদং ব্রহ্মেত্যস্য বাক্যস্য পণ্ডিতৈঃ .
বাচ্যার্থ ইতি নির্ণীতং বিবিক্তং লক্ষ ইত্যপি .. ৪৫৫..
স্থূলাদ্যজ্ঞানপর্যন্তং কার্যকারণলক্ষণম্ .
দৃশ্যং সর্বমনাত্মেতি বিজানীহি বিচক্ষণ .. ৪৫৬..

verses 457-509 The nature of the Atman described
.. ২৭ .. আত্মন্ ..
অন্তঃকরণতদ্বৃত্তিদ্রষ্টৃ নিত্যমবিক্রিযম্ .
চৈতন্যং যত্তদাত্মেতি বুদ্ধ্যা বুধ্যস্ব সূক্ষ্মযা .. ৪৫৭..
এষ প্রত্যক্স্বপ্রকাশো নিরংশোঽ-
সংগঃ শুদ্ধঃ সর্বদৈকস্বভাবঃ .
নিত্যাখণ্ডানন্দরূপো নিরীহঃ
সাক্ষী চেতা কেবলো নির্গুণশ্চ .. ৪৫৮..
নৈব প্রত্যগ্জাযতে বর্ধতে নো
কিংচিন্নাপক্ষীযতে নৈব নাশম্ .
আত্মা নিত্যঃ শাশ্বতোঽযং পুরাণো
নাসৌ হন্যো হন্যমানে শরীরে .. ৪৫৯..
জন্মাস্তিত্ববিবৃদ্ধযঃ পরিণতিশ্চাপক্ষতির্নাশনম্
দৃশ্যস্যৈব ভবন্তি ষড্বিকৃতযো নানাবিধা ব্যাধযঃ .
স্থূলত্বাদি চ নীলতাদ্যপি মিতির্বণার্শ্রমাদিপ্রথা
দৃশ্যন্তে বপুষো ন চাত্মন ইমে তদ্বিক্রিযাসাক্ষিণঃ .. ৪৬০..
অস্মিন্নাত্মন্যনাত্মত্বমনাত্মন্যাত্মতাং পুনঃ .
বিপরীততযাধ্যস্য সংসরন্তি বিমোহতঃ .. ৪৬১..
ভ্রান্ত্যা মনুষ্যোঽহমহং দ্বিজোঽহম্
তজ্জ্ঞোঽহমজ্ঞোঽহমতীব পাপী .
ভ্রষ্টোঽস্মি শিষ্টোঽস্মি সুখী চ দুঃখী-
ত্যেব বিমুহ্যাত্মনি কল্পযন্তি .. ৪৬২..
অনাত্মনো জন্মজরামৃতিক্ষুধা-
তৃষ্ণাসুখক্লেশভযাদিধর্মান্ .
বিপর্যযেণ হ্যতথাবিধেঽস্মি-
ন্নরোপযন্ত্যাত্মনি বুদ্ধিদোষাত্ .. ৪৬৩..
ভ্রান্ত্যা যত্র যদধ্যাসস্তত্কৃতেন গুণেন বা .
দোষেণাপ্যগুমাত্রেণ স ন সম্বধ্যতে ক্বচিত্ .. ৪৬৪..
কিং মরুন্মৃগতৃষ্ণাম্বুপূরেণাদ্রর্ত্বমৃচ্ছতি .
দৃষ্টিসংস্থিতপীতেন শঙ্খঃ পীতাযতে কিমু .. ৪৬৫..
বাতকল্পিতনৈল্যেন ব্যোম কিং মলিনাযতে .
শিষ্যঃ —
প্রত্যগাত্মন্যবিষযেঽনাত্মাধ্যাসঃ কথং প্রভো .. ৪৬৬..
পুরো দৃষ্টে হি বিষযেঽধ্যস্যন্তি বিষযান্তরম্ .
তদ্দৃষ্টং শুক্তিরজ্জ্বাদৌ সাদৃশ্যাদ্যনুবন্ধতঃ .. ৪৬৭..
পরত্র পূর্বদৃষ্টস্যাবভাসঃ স্মৃতিলক্ষণঃ .
অধ্যাসঃ স কথং স্বামিন্ ভবেদাত্মন্যগোচরে .. ৪৬৮..
নানুভূতঃ কদাপ্যাত্মাননুভূতস্য বস্তুনঃ .
সাদৃশ্যং সিদ্ধ্যতি কথমনাত্মনি বিলক্ষণে .. ৪৬৯..
অনাত্মন্যাত্মতাধ্যাসঃ কথমেষ সমাগতঃ .
নিবৃত্তিঃ কথমেতস্য কেনোপাযেন সিদ্ধ্যতি .. ৪৭০..
উপাধিযোগ উভযোঃ সম এবেশজীবযোঃ .
জীবস্যৈব কথং বন্ধো নেশ্বরস্যাস্তি তত্কথম্ .. ৪৭১..
এতত্সর্বং দযাদৃষ্ট্যা করামলকবত্স্ফুটম্ .
প্রতিপাদয সর্বজ্ঞ শ্রীগুরো করুণানিধে .. ৪৭২..
শ্রীগুরুঃ —
ন সাবযব একস্য নাত্মা বিষয ইষ্যতে .
অস্যাস্মত্প্রত্যার্থত্বাদপরোক্ষাচ্চ সর্বশঃ .. ৪৭৩..
প্রসিদ্ধিরাত্মনোঽস্ত্যেব ন কস্যাপি চ দৃশ্যতে .
প্রত্যযো নাহমস্মীতি ন হ্যস্তি প্রত্যগাত্মনি .. ৪৭৪..
ন কস্যাপি স্বসদ্ভাবে প্রমাণমভিকাঙ্ক্ষ্যতে .
প্রমাণানাং চ প্রামাণ্যং যন্মূলং কিং তু বোধযেত্ .. ৪৭৫..
মাযাকার্যৈস্তিরোভূতো নৈষ আত্মানুভূযতে .
মেঘবৃন্দৈর্যথা ভানুস্তথাযমহমাদিভিঃ .. ৪৭৬..
পুরস্থ এব বিষযে বস্তুন্যধ্যস্যতামিতি .
নিযমো ন কৃতঃ সদ্ভির্ভ্রান্তিরেবাত্র কারণম্ .. ৪৭৭..
দৃগাদ্যবিষযে ব্যোম্নি নীলতাদি যথা বুধাঃ .
অধ্যস্যন্তি তথৈবাস্মিন্নত্মন্যপি মতিভ্রমাত্ .. ৪৭৮..
অনাত্মন্যাত্মতাধ্যাসে ন সাদৃশ্যমপেক্ষতে .
পীতোঽযং শঙ্খ ইত্যাদৌ সাদৃশ্যং কিমপেক্ষিতম্ .. ৪৭৯..
নিরুপাধিভ্রমেষ্বস্মিন্নেবাপেক্ষা প্রদৃশ্যতে .
সোপাধিষ্বেব তদ্দৃষ্টং রজ্জুসর্পভ্রমাদিষু .. ৪৮০..
তথাপি কিঞ্চিদ্বক্ষ্যামি সাদৃশ্যং শ্রুণু তত্পরঃ .
অত্যন্তনির্মলঃ সূক্ষ্ম আত্মাযমতিভাস্বরঃ .. ৪৮১..
বুদ্ধিস্তথৈব সত্ত্বাত্মা সাভাসা ভাস্বরামলা .
সাংনিধ্যাদাত্মবদ্ভাতি সূর্যবত্স্ফটিকো যথা .. ৪৮২..
আত্মাভাসং ততো বুদ্ধির্বুদ্ধ্যাভাসং ততো মনঃ .
অক্ষাণি মন আভাসান্যক্ষাভাসমিদং বপুঃ .
অত এবাত্মতাবুদ্ধির্দেহাক্ষাদবনাত্মনি .. ৪৮৩..
মূঢানাং প্রতিবিম্বাদৌ বালানামিব দৃশ্যতে .
সাদৃশ্যং বিদ্যতে বুদ্ধাবাত্মনোঽধ্যাসকারণম্ .. ৪৮৪..
অনাত্মন্যহমিত্যেব যোঽযমধ্যাস ঈরিতঃ .
স্যাদুত্তরোত্তরাধ্যাসে পূর্বপূর্বস্তু কারণম্ .. ৪৮৫..
সুপ্তিমূর্ছোত্থিতেষ্বেব দৃষ্টঃ সংসারলক্ষণঃ .
অনাদিরেষবিদ্যাতঃ সংস্কারোঽপি চ তাদৃশঃ .. ৪৮৬..
অধ্যাসবাধাগমনস্য কারণম্
শ্রুণু প্রবক্ষ্যামি সমাহিতাত্মা .
যস্মাদিদং প্রাপ্তমনর্থজাতম্
জন্মাপ্যযব্যাধিজরাধিদুঃখম্ .. ৪৮৭..
আত্মোপাধেরবিদ্যাযা অস্তি শক্তিদ্বযং মহত্ .
বিক্ষেপ আবৃতিশ্চেতি যাভ্যাং সংসার আত্মনঃ .. ৪৮৮..
আবৃতিস্তমসঃ শক্তিস্তদ্ধ্যাবরণকারণম্ .
মূলাবিদ্যেতি সা প্রোক্তা যযা সংমোহিতং জগত্ .. ৪৮৯..
বিবেকবানপ্যতিযৌক্তিকোঽপি
শ্রুতাত্মতত্ত্বোঽপি চ পণ্ডিতোঽপি .
শক্ত্যা যযা সংবৃতবোধদৃষ্টি-
রাত্মানমাত্মস্থমিমং ন বেদ .. ৪৯০..
বিক্ষেপনাম্নী রজসস্তু শক্তিঃ
প্রবৃত্তিহেতুঃ পুরুষস্য নিত্যম্ .
স্থূলাদিলিঙ্গান্তমশেষমেতদ্-
যযা সদাত্মন্যসদেব সূযতে .. ৪৯১..
নিদ্রা যথা পূরুষমপ্রমত্তম্
সমাবৃণোতীযমপি প্রতীচম্ .
তথা বৃণোত্যাবৃতিশক্তিরন্ত-
র্বিক্ষেপশক্তিং পরিজৃম্ভযন্তি. .. ৪৯২..
শক্ত্যা মহত্যাবরণাভিধানযা
সমাবৃতে সত্যমলস্বরূপে .
পুমাননাত্মন্যহমেষ এবে-
ত্যাত্মত্ববুদ্ধিং বিদধাতি মোহাত্ .. ৪৯৩..
যথা প্রসুপ্তিপ্রতিভাসদেহে
স্বাত্মত্বধীরেষ যথা হ্যনাত্মনঃ .
জন্মাপ্যযক্ষুদ্ভযতৃট্ছ্রমাদী-
নারোপযত্যাত্মনি তস্য ধর্মান্ .. ৪৯৫..
অধ্যাসদোষাত্সমুপাগতোঽযম্
সংসারবন্ধঃ প্রবলঃ প্রতীচঃ .
যদ্যোগতঃ ক্লিশ্যতি গর্ভবাস-
জন্মাপ্যযক্লেশভযৈরজস্রম্ .. ৪৯৬..
অধ্যাসো নাম খল্বেষ বস্তুনো যোঽন্যথাগ্রহঃ .
স্বাভাবিকভ্রান্তিমূলং সংসৃতেরাদিকারণম্ .. ৪৯৭..
সর্বানর্থস্য তদ্বীজং যোঽন্যথাগ্রহ আত্মনঃ .
ততঃ সংসারসম্পাতঃ সংততক্লেশলক্ষণঃ .. ৪৯৮..
অধ্যাসাদেব সংসারো নষ্টেঽধ্যাসে ন দৃশ্যতে .
তদেতদুভযং স্পষ্টং পশ্য ত্বং বদ্ধমুক্তযোঃ .. ৪৯৯..
বদ্ধং প্রবৃত্তিতো বিদ্ধি মুক্তং বিদ্ধি নিবৃত্তিতঃ .
প্রবৃত্তিরেব সংসারো নিবৃত্তির্মুক্তিরিষ্যতে .. ৫০০..
আত্মনঃ সোঽযমধ্যাসো মিথ্যাজ্ঞানপুরঃসরঃ .
অসত্কল্পোঽপি সংসারং তনুতে রজ্জুসর্পবত্ .. ৫০১..
উপাধিযোগসাম্যেঽপি জীববত্পরমাত্মনঃ .
উপাধিভেদান্নো বন্ধস্তত্কার্যমপি কিঞ্চন .. ৫০২..
অস্যোপাধিঃ শুদ্ধসত্ত্বপ্রধানা
মাযা যত্র ত্বস্য নাস্ত্যল্পভাবঃ .
সত্ত্বস্যৈবোত্কৃষ্টতা তেন বন্ধো
নো বিক্ষেপস্তত্কৃতো লেশমাত্রঃ .. ৫০৩..
সর্বজ্ঞোঽপ্রতিবদ্ধবোধবিভবস্তেনৈব দেবঃ স্বযম্
মাযাং স্বামবলম্ব্য নিশ্চলতযা স্বচ্ছন্দবৃত্তিঃ প্রভুঃ .
সৃষ্টিস্থিত্যদনপ্রবেশযমনব্যাপারমাত্রেচ্ছযা
কুর্বন্ক্রীডতি তদ্রজস্তম উভে সংস্তভ্য শক্ত্যা ত্বযা .. ৫০৪..
তস্মাদাবৃতিবিক্ষেপৌ কিংচিত্কর্তুং ন শক্নুতঃ .
স্বযমেব স্বতন্ত্রোঽসৌ তত্প্রবৃত্তিনিরোধযোঃ .. ৫০৫..
তমেব সা ধীকর্মেতি শ্রুতির্বক্তি মহেশিতুঃ .
নিগ্রহানুগ্রহে শক্তিরাবৃতিক্ষেপযোর্যতঃ .. ৫০৬..
রাজসস্তমসশ্চৈব প্রাবল্যং সত্ত্বহানতঃ .
জীবোপাধৌ তথা জীবো তত্কার্যং বলবত্তরম্ .. ৫০৭..
তেন বন্ধোঽস্য জীবস্য সংসারোঽপি চ তত্কৃতঃ .
সংপ্রাপ্তঃ সর্বদা যত্র দুঃখং ভূযঃ স ঈক্ষতে .. ৫০৯..

verses 510-519 Knowledge destroys Ignorance, not Action
.. ২৮ .. অজ্ঞাননিবৃত্তিঃ ..

অজ্ঞানস্য নিবৃত্তিস্তু জ্ঞানেনৈব ন কর্মণা .
অবিরোধিতযা কর্ম নৈবাজ্ঞানস্য বাধকম্ .. ৫১০..
কর্মণা জাযতে জন্তুঃ কর্মণৈব প্রলীযতে .
কর্মণঃ কার্যমেবৈষা জন্মমৃত্যুপরম্পরা .. ৫১১..
নৈতস্মাত্কর্মণঃ কার্যমন্যদস্তি বিলক্ষণম্ .
অজ্ঞানকার্যং তত্কর্ম যতোঽজ্ঞানেন বর্ধতে .. ৫১২..
যদ্যেন বর্ধতে তেন নাশাস্তস্য ন সিদ্ধ্যতি .
যেন যস্য সহাবস্থা নিরোধায ন কল্পতে .. ৫১৩..
নাশকত্বং তদুভযোঃ কো নু কল্পযিতুং ক্ষমঃ .
সর্বং কর্মাবিরুদ্ধ্যৈব সদাজ্ঞানস্য সর্বদা .. ৫১৪..
ততোঽজ্ঞানস্য বিচ্ছিত্তিঃ কর্মণা নৈব সিদ্ধ্যতি .
যস্য প্রধ্বস্তজনকো যত্সংযোগোঽস্তি তত্ক্ষণে .. ৫১৫..
তযোরেব বিরোধিত্বং যুক্তং ভিন্নস্বভাবযোঃ .
তমপ্রকাশযোর্যদ্বত্পরস্পরবিরোধিতা .. ৫১৬..
অজ্ঞানজ্ঞানযোস্তদ্বদুভযোরেব দৃষ্যতে .
ন জ্ঞানেন বিনা নাশস্তস্য কেনাপি সিদ্ধ্যতি .. ৫১৭..
তস্মাদজ্ঞানবিচ্ছিত্ত্যৈ জ্ঞানং সম্পাদযেত্সুধীঃ .
আত্মানাত্মবিবেকেন জ্ঞানং সিদ্ধ্যতি নান্যথা.. ৫১৮..
যুক্তাত্মানাত্মনোস্তস্মাত্করণীযং বিবেচনম্ .
অনাত্মন্যাত্মতাবুদ্ধিগ্রন্থির্যেন বিদীর্যতে .. ৫১৯..

verses 520-611 Refutation of the false doctrines
.. ২৯ .. কুমত খণ্ডনম্ .. ৫২০-৬১১

আত্মানাত্মবিবেকার্থং বিবাদোঽযং নিরূপ্যতে .
যেনাত্মানাত্সনোস্তত্ত্বং বিবিক্তং প্রস্ফুটাযতে .. ৫২০..
মূঢা অশ্রুতবেদান্তাঃ স্বযং পণ্ডিতমানিনঃ .
ঈশপ্রসাদরহিতঃ সদ্গুরোশ্চ বহির্মুখাঃ .. ৫২১..
বিবদন্তি প্রকারং তং শ্রুণু বক্ষ্যামি সাদরম্ .
অত্যন্তপামরঃ কশ্চিত্পুত্র আত্মেতি মন্যতে .. ৫২২..
আত্মনীব স্বপুত্রেঽপি প্রবলপ্রীতিদর্শনাত্ .
পুত্রে তু পুষ্টে পুষ্টোঽহং নষ্টে নষ্টোঽহমিত্যতঃ .. ৫২৩..
অনুভূতিবলাচ্চাপি যুক্তিতোঽপি শ্রুতেরপি .
আত্মা বৈ পুত্রনামাসীত্যেবং চ বদতি শ্রুতিঃ .. ৫২৪..
দীপাদ্দীপো যথা তদ্বত্পিতুঃ পুত্রঃ প্রজাযতে .
পিতুর্গুণানাং তনযে বীজাঙ্কুরবদীক্ষণাত্ .. ৫২৫..
অতোঽযং পুত্র আত্মেতি মন্যতে ভ্রান্তিমত্তমঃ .
তন্মতং দূষযত্যন্যঃ পুত্র আত্মা কথং ত্বিতি .. ৫২৬..
প্রীতিমাত্রাত্কথং পুত্র আত্মা ভবিতুমহর্তি .
অন্যত্রাপীক্ষ্যতে প্রীতিঃ ক্ষেত্রপাত্র ধনাদিষু ..৫২৭..
পুত্রাদ্বিশিষ্টা দেহেঽস্মিন্প্রাণিনাং প্রীতিরিষ্যতে .
প্রদীপ্তে ভবনে পুত্রং ত্যক্ত্বা জন্তুঃ পলাযতে .. ৫২৮..
তং বিক্রীণাতি দেহার্থং প্রতিকূলং নিহন্তি চ .
তস্মাদাত্মাতু তনযো ন ভবেচ্চ কদাচন .. ৫২৯..
গুণরূপাদিসাদৃশ্যং দীপবান্ন সুতে পিতুঃ .
অব্যঙ্গাজ্জাযতে ব্যঙ্গঃ সুগুণাদপি দুর্গুণঃ .. ৫৩০..
আভাসমাত্রাস্তাঃ সর্বা যুক্তযোঽপ্যুক্তযোঽপি চ .
পুত্রস্য পুত্রবদ্গেহে সর্বকার্যেষু বস্তুষু .. ৫৩১..
স্বামিত্বদ্যোতনাযাস্মিন্নাত্মত্বমুপচর্যতে .
শ্রুত্যা তু মুখ্যযা বৃত্ত্যা পুত্র আত্মেতি নোচ্যতে .. ৫৩২..
ঔপচারিকমাত্মত্বং পুত্রে তস্মান্ন মুখ্যতঃ .
অহংপদপ্রত্যযার্থে দেহ এব ন চেতরঃ .. ৫৩৩..
প্রত্যক্ষঃ সর্বজন্তূনাং দেহোঽহমিতি নিশ্চযঃ .
এষ পুরুষোঽন্নরসময ইত্যপি চ শ্রুতিঃ .. ৫৩৪..
পুরুষত্বং বদত্যস্য স্বাত্মা হি পুরুষস্ততঃ .
আত্মাযং দেব এবেতি চার্বাকেণ বিনিশ্চিতম্ .. ৫৩৫..
তন্মতং দূষবত্বন্যোঽসহমানঃ পৃথগ্জনঃ .
দেহ আত্মা কথং নু স্যাত্পরতন্ত্রো হ্যচেতনঃ .. ৫৩৬..
ইন্দ্রিযৈশ্চাল্যমানোঽযং চেষ্টতে ন স্বতঃ ক্বচিত্ .
আশ্রযচক্ষুরাদীনাং গৃহবদ্গৃহমেধিনাম্ .. ৫৩৭..
বাল্যাদিনানাবস্থাবাঞ্শুক্লশোণিতসম্ভবঃ .
অতঃ কদাপি দেহস্য নাত্মত্বমুপপদ্যতে .. ৫৩৮..
বধিরোঽহং চ কাণোঽহং মূক ইত্যনুভূতিতঃ .
ইন্দ্রিযাণি ভবন্ত্যাত্মা যেষামস্ত্যর্থবেদনম্ .. ৫৩৯..
ইন্দ্রিযাণাং চেতনত্বং দেহে প্রাণাঃ প্রজাপতিম্ .
এতমেতেত্যূচুরিতি শ্রুত্যৈব প্রতিপাদ্যতে .. ৫৪০..
যতস্তস্মাদিন্দ্রিযাণাং যুক্তমাত্মত্বমিত্যমুম্ .
নিশ্চযং দূষযত্যন্যোঽসহমানঃ পৃথগ্জনঃ .. ৫৪১..
ইন্দ্রিযাণি কথং ত্বাত্মা করণানি কুঠারবত্ .
করণস্য কুঠারাদেশ্চেতনত্বং ন হীক্ষ্যতে .. ৫৪২..
শ্রুত্যাধিদেবতামেবেন্দ্রিযেষুপচর্যতে .
ন তু সাক্ষাদিন্দ্রিযাণাং চেতনত্বমুদীর্যতে .. ৫৪৩..
অচেতনস্য দীপাদেরর্থা ভাসকতা যথা .
তথৈব চক্ষুরাদীনাং জডানামপি সিদ্ধ্যতি .. ৫৪৪..
ইন্দ্রিযাণাং চেষ্টযিতা প্রাণোঽযং পঞ্চবৃত্তিকঃ .
সর্বাবস্থাস্ববস্থাবান্সোঽযমাত্মত্বমহর্তি .
অহং ক্ষুধাবাংস্তৃষ্ণাবানিত্যাদ্যনুভবাদপি .. ৫৪৫..
শ্রুত্যান্যোঽন্তর আত্মা প্রাণময ইতীর্যতে যস্মাত্ .
তস্মাত্প্রাণমস্যাত্মত্বং যুক্তং নো করণসংজ্ঞানাং ক্বাপি .. ৫৪৬..
ইতি নিশ্চযমেতস্য দূষযত্যপরো জডঃ .
ভবত্যাত্মা কথং প্রাণো বাযুরেবৈষ আন্তরঃ ..৫৪৭..
বহির্যাত্যন্তরাযাতি ভস্ত্রিকাবাযুবন্মুহুঃ .
ন হিতং বাঽহিতং বা স্বমন্যদ্বা বেদ কিঞ্চন .. ৫৪৮ ..
জডস্বভাবশ্চপলঃ কর্মযুক্তশ্চ সর্বদা .
প্রাণস্য ভানং মনসি স্থিতে সুপ্তে ন দৃশ্যতে .. ৫৪৯..
মনস্তু সর্বং জানাতি সর্ববেদনকারণম্ .
যত্তস্মান্মন এবাত্মা প্রাণস্তু ন কদাচন .. ৫৫০..
সংকল্পবানহং চিন্তাবানহং চ বিকল্পবান্ .
ইত্যাদ্যনুভবাদন্যোঽন্তর আত্মা মনোমযঃ .. ৫৫১..
ইত্যাদিশ্রুতিসদ্ভাবাদ্যুক্তা মনস আত্মতা .
ইতি নিশ্চযমেতস্য দূষযত্যপরো জডঃ .. ৫৫২..
কথং মনস আত্মত্বং করণস্য দৃগাদিবত্ .
কর্তৃপ্রযোজ্যং করণং ন স্বযং তু প্রবর্ততে .. ৫৫৩..
করণপ্রযোক্তা যঃ কর্তা তস্যৈবাত্মত্বমর্হতি .
আত্মা স্বতংত্রঃ পুরুষো ন প্রযোজ্যঃ কদাচন .. ৫৫৪..
অহং কর্তাস্ম্যহং ভোক্তা সুখীত্যনুভবাদপি .
বুদ্ধিরাত্মা ভবত্যেব বুদ্ধিধর্মো হ্যহংকৃতিঃ .. ৫৫৫..
অন্যোঽন্তর আত্মা বিজ্ঞানময ইতি বদতি নিগমঃ .
মনসোঽপি চ ভিন্নং বিজ্ঞানমযং কর্তৃরূপমাত্মানম্ .. ৫৫৬..
বিজ্ঞানং যজ্ঞং তনুতে কর্মানি তনুতেঽপি চ .
ইত্যস্য কর্তৃতা শ্রুত্যা মুখতঃ প্রতিপাদ্যতে .
তস্মাদ্যুক্তাত্মতা বুদ্ধেরিতি বৌদ্ধেন নিশ্চিতম্ .. ৫৫৭..
প্রাভাকরতার্কিকশ্চ তাবুভাবপ্যমর্ষযা .
তন্নিশ্চযং দূষযতো বুদ্ধিরাত্মা কথং ন্বিতি .. ৫৫৮..
বুদ্ধেরজ্ঞানকার্যত্বাদ্বিনাশিত্বাত্প্রতিক্ষণম্ .
বুদ্ধ্যাদীনাং চ সর্বেষমজ্ঞানে লযদর্শনাত্ .. ৫৫৯..
অজ্ঞোঽহমিত্যনুভবাদাস্ত্রীবালাদিগোচরাত্ .
ভবত্যজ্ঞানমেবাত্মা ন তু বুদ্ধিঃ কদাচন .. ৫৬০..
বিজ্ঞানমযাদন্যং ত্বানন্দমযং পরং তথাত্মানম্ .
অন্যোঽন্তর আত্মানন্দময ইতি বদতি বেদোঽপি .. ৫৬১..
দুঃখপ্রত্যযশূন্যত্বাদানন্দমযতা মতা .
অজ্ঞানে সকলং সুপ্তৌ বুদ্ধ্যাদি প্রবিলীযতে .. ৫৬২..
দুঃখিনোঽপি সুষুপ্তৌ ত্বানন্দমযতা ততঃ .
সুপ্তৌ কিংচিন্ন জানামীত্যনুভূতিশ্চ দৃশ্যতে .. ৫৬৩..
যত এবমতো যুক্তা হ্যজ্ঞানস্যাত্মতা ধ্রুবম্ .
ইতি তন্নিশ্চযং ভাট্টা দূষযন্তি স্বযুক্তিভিঃ .. ৫৬৪..
কথমজ্ঞানমেবাত্মা জ্ঞানং চাপ্যুপলভ্যতে .
জ্ঞানাভাবে কথং বিদ্যুরজ্ঞোঽহমিতি চাজ্ঞতাম্ .
অস্বাপ্সং সুখমেবাহং ন জানাম্যত্র কিংচন .. ৫৬৫..
ইত্যজ্ঞানমপি জ্ঞানং প্রবুদ্ধেষু প্রদৃশ্যতে .
প্রজ্ঞানঘন এবানন্দময ইত্যপি শ্রুতিঃ .. ৫৬৬..
প্রব্রবীত্যুভযাত্মত্বমাত্মনঃ স্বযমেব সা .
আত্মাশ্চিজ্জডতনুঃ খদ্যোত ইব সংমতঃ .. ৫৬৭..
ন কেবলাজ্ঞানমযো ঘটকুড্যাদিবজ্জডঃ .
ইতি নিশ্চযমেতেষাং দূষযত্যপরো জডঃ .. ৫৬৮..
জ্ঞানাজ্ঞানমযস্ত্বাত্মা কথং ভবিতুমর্হতি .
পরস্পরবিরুদ্ধত্বাত্তেজস্তিমিরবত্তযোঃ .. ৫৬৯..
সামানাধিকরণ্যং বা সংযোগো বা সমাশ্রযঃ .
তমঃপ্রকাশবজ্জ্ঞানাজ্ঞানযোর্ন হি সিদ্ধ্যতি .. ৫৭০..
অজ্ঞানমপি বিজ্ঞানং বুদ্ধির্বাপি চ তদ্গুণাঃ .
সুষুপ্তৌ নোপলভ্যতে যত্কিংচিদপি বাপরম্ .. ৫৭১..
মাত্রাদিলক্ষণং কিং নু শূন্যমেবোপলভ্যতে .
সুষুপ্তৌ নান্যদস্ত্যেব নাহমপ্যাসমিত্যনু .. ৫৭২..
সুপ্তোত্থিতজনৈঃ সর্বৈঃ শূন্যমেবানুস্মর্যতে .
যত্ততঃ শূন্যমেবাত্মা ন জ্ঞানাজ্ঞানলক্ষণঃ .. ৫৭৩..
বেদেনাপ্যসদেবেদমগ্র আসীদিতি স্ফুটম্ .
নিরুচ্যতে যতস্তস্মাচ্ছূন্যস্যৈবাত্মতা মতা .. ৫৭৪..
অসন্নেব ঘটঃ পূর্বং জাযমানঃ প্রদৃশ্যতে .
ন হি কুম্ভঃ পুরৈবান্তঃ স্থিত্বোদেতি বহির্মুখঃ .. ৫৭৫..
যত্তস্মাদসতঃ সর্বং সদিদং সমজাযত .
ততঃ সর্বাত্মনা শূন্যস্যৈবাত্মত্বং সমর্হতি .. ৫৭৬..
ইত্যেবং পণ্ডিতমন্যৈঃ পরস্পরবিরোধিভিঃ .
তত্তন্মতানুরূপাল্পশ্রুতিযুক্ত্যনুভূতিভিঃ .. ৫৭৭..
নির্ণীতমতজাতানি খণ্ডিতান্যেব পণ্ডিতৈঃ .
শ্রুতিভিশ্চাপ্যনুভবৈর্বাধকঃ প্রতিবাদিনাম্ .. ৫৭৮..
যতস্তস্মাত্তু পুত্রাদেঃ শূন্যান্তস্য বিশেষতঃ .
সুসাধিতমনাত্মত্বং শ্রুতিযুক্ত্যনুভূতিভিঃ .. ৫৭৯..
ন হি প্রমাণান্তরবাধিতস্য
যাথার্থ্যমঙ্গীক্রিযতে মহদ্ব্ভিঃ .
পুত্রাদিশূন্যান্তমনাত্মতত্ত্ব-
মিত্যেব বিস্পষ্টমতঃ সুজাতম্ .. ৫৮০..
শিষ্যঃ :
সুষুপ্তিকালে সকলে বিহীনে
শূন্যং বিনা নান্যদিহোপলভ্যতে .
শূন্যং ত্বমাত্মা ন ততঃ পরঃ
কোঽপ্যাত্মাভিধানস্ত্বনুভূযতেঽর্থঃ .. ৫৮১..
যদ্যস্তি চাত্মা কিমু নোপলভ্যতে
সুপ্তৌ যথা তিষ্ঠতি কিং প্রমাণম্ .
কিং লক্ষণোঽসৌ স কথং ন বাধ্যতে
প্রবাধ্যমানেষ্বহমাদিষু স্বযম্ .. ৫৮২..
এতত্সংশযজাতং মে হৃদযগ্রন্থিলক্ষণম্ .
ছিন্ধি যুক্তিমহাখড্গধারযা কৃপযা গুরো .. ৫৮৩..
শ্রীগুরুঃ :
অতিসূক্ষ্মতরঃ প্রশ্নস্তবাযং সদৃশো মতঃ .
সূক্ষ্মার্থদর্শনং সূক্ষ্মবুদ্ধিশ্বেব প্রদৃশ্যতে .. ৫৮৪..
শ্রুণু বক্ষ্যামি সকলং যদ্যত্পৃষ্টং ত্বযাধুনা .
রহস্যং পরমং সূক্ষ্মং জ্ঞাতব্যং চ মুমুক্ষিভিঃ .. ৫৮৫..
বুদ্ধ্যাদি সকলং সুপ্তাবনুলীনং স্বকারণে .
অব্যক্তে বটবদ্বীজে তিষ্ঠত্যবিকৃতাত্মনা .. ৫৮৬..
তিষ্ঠত্যেব স্বরূপেণ ন তু শূন্যাতে জগত্ .
ক্বচিদঙ্কুররূপেণ ক্বচিদ্বীজাত্মনা বটঃ .
কার্যকারণরূপেণ যথা তিষ্ঠত্যদস্তথা .. ৫৮৭..
অব্যাকৃতাত্মনাবস্থাং জগতো বদতি শ্রুতিঃ .
সুষুপ্ত্যাদিষু তদ্ধেদং তর্হ্যব্যাকৃতমিত্যসৌ .. ৫৮৮..
ইমমর্তমবিজ্ঞায নির্ণীতং শ্রুতিযুক্তিভিঃ .
জগতো দর্শনং শূন্যমিতি প্রাহুরতদ্বিদঃ .. ৫৮৯..
নাসতঃ সত উত্পত্তিঃ শ্রূযতে ন চ দৃশ্যতে .
উদেতি নরশ্রুঙ্গাত্কিং খপুষ্পাত্কিং ভবিষ্যতি .. ৫৯০..
প্রভবতি ন হি কুম্ভোঽবিদ্যমানোমৃদশ্চেত্
প্রভবতু সিকতাযা বাথবা বারিণো বা .
ন হি ভবতি চ তাভ্যাং সর্বথা ক্বাপি তস্মা-
দ্যত উদযতি যোঽর্থোঽস্ত্যত্রতস্য স্বভাবঃ .. ৫৯১..
অন্যথা বিপরীতং স্যাত্কার্যকারণলক্ষণম্ .
নিযতং সর্বশাস্ত্রেষু সর্বলোকেষু সর্বতঃ .. ৫৯২..
কথমসতঃ সজ্জাযেতে শ্রুত্যা নিষিদ্ধ্যতে তস্মাত্ .
অসতঃ সজ্জননং নো ঘটতে মিথ্যৈব শূন্যশব্দার্থঃ .. ৫৯৩..
অব্যক্তশব্দিতে প্রাজ্ঞে সত্যাত্মন্যত্র জাগ্রতি .
কথং সিদ্ধ্যতি শূন্যত্বং তস্য ভ্রান্তশিরোমণে .. ৫৯৪..
সুষুপ্তৌ শূন্যমেবেতি কেন পুংসা তবেরিতম্ .
হেতুনানুমিতং কেন কথং জ্ঞাতং ত্বযোচ্যতাম্ .. ৫৯৫..
ইতি পৃষ্টো মূঢতমো বদিষ্যতি কিমুত্তরম্ .
নৈবানুরূপকং লিঙ্গং বক্তা বা নাস্তি কশ্চন .
সুষুপ্তিস্থিতশূন্যস্য বোদ্ধা কোঽত্বাত্মনঃ পরঃ .. ৫৯৬..
স্বেনানুভূতং স্বযমেব বক্তি
স্বসুপ্তিকালে স্থিতশূন্যভাবম্ .
তত্র স্বসত্তামনবেক্ষ্য মূঢঃ
স্বস্যাপি শূন্যত্বমযং ব্রবীতি .. ৫৯৭..
অবেদ্যমানঃ স্বযমন্যলোকৈঃ
সৌষুপ্তিকং ধর্মমবৈতি সাক্ষাত্ .
বুদ্ধ্যাদ্যভাবস্য চ যোঽত্র বোদ্ধা
স এব আত্মা খলু নির্বিকারঃ .. ৫৯৮..
যস্যেদং সকলং বিভাতি মহসা তস্য স্বযংজ্যোতিষঃ
সূর্যস্যেব কিমস্তি ভাসকমিহ প্রজ্ঞাদি সর্বং জডম্ .
ন হ্যর্কস্য বিভাসকং ক্ষিতিতলে দৃষ্টং তথৈবাত্মনো
নান্যঃ কোঽপ্যনুভাসকোঽনুভবিতা নাতঃ পরঃ কশ্চন ..৫৯৯..
যেনানুভূযতে সর্বং জাগ্রত্স্বপ্নসুষুপ্তিষু .
বিজ্ঞাতারমিমং কো নু কথং বেদিতুমর্হতি .. ৬০০..
সর্বস্য দাহকো বহ্নির্বহ্নের্নান্যোঽস্তি দাহকঃ .
যথা তথাত্মনো জ্ঞাতুর্জ্ঞাতা কোঽপি ন দৃশ্যতে .. ৬০১..
উপলভ্যেত কেনাযং হ্যুপলব্ধা স্বযং ততঃ .
উপলব্ধ্যন্তরাভাবান্নাযমাত্মোপলভ্যতে .. ৬০২..
বুদ্ধ্যাদিবেদ্যবিলযাদযমেক এব
সুপ্তৌ ন পশ্যতি শ্রুণোতি ন বেত্তি কিংচিত্ .
সৌষুপ্তিকস্য তমসঃ স্বযমেব সাক্ষী
ভূত্বাত্র তিষ্ঠতি সুখেন চ নির্বিকল্পঃ .. ৬০৩..
সুষুপ্তাবাত্মসদ্ভাবে প্রমাণং পণ্ডিতোত্তমাঃ .
বিদুঃ স্বপ্রত্যভিজ্ঞামাবালবৃদ্ধসংমতম্ .. ৬০৪..
প্রত্যভিজ্ঞাযমানত্বাল্লিঙ্গমাত্রানুমাপকম্ .
স্মর্যমাণস্য সদ্ভাবঃ সুখমস্বাপ্সমিত্যযম্ .. ৬০৫..
পুরানুভূতো নো চেএত্তু স্মৃতেরনুদযো ভবেত্ .
ইত্যাদিতর্কযুক্তিশ্চ সদ্ভাবে মানমাত্মনঃ .. ৬০৬..
যত্রাত্মনোঽকামযিতৃত্ববুদ্ধিঃ
স্বপ্নানপেক্ষাপি চ তত্সুষুপ্তম্ .
ইত্যাত্ম সদ্ভাব উদীর্যতেঽত্র
শ্রুত্যাপি তস্মাচ্ছ্রুতিরত্র মানম্ .. ৬০৭..
অকামযিতৃতা স্বপ্নাদ্দর্শনং ঘটতে কথম্ .
অবিদ্যমানস্য তত আত্মাস্তিত্বং প্রতীযতে .. ৬০৮..
এতৈঃ প্রমাণৈরস্তীতি জ্ঞাতঃ সাক্ষিতযা বুধৈঃ .
আত্মাযং কেবলঃ শুদ্ধঃ সচ্চিদানন্দলক্ষণঃ .. ৬০৯..
সত্ত্বচিত্ত্বানন্দতাদিলক্ষণং প্রত্যগাত্মনঃ .
কালত্রযেঽপ্য বাধ্যত্বং সত্যং নিত্যস্বরূপতঃ .. ৬১০..
শুদ্ধচৈতন্যরূপত্বং চিত্ত্বং জ্ঞানস্বরূতঃ .
অখণ্ডসুখরূপত্বাদানন্দত্বমিতীর্যতে .. ৬১১..

verses 612-617 The eternal nature of the Atman
.. ৩০ .. শাশ্বতলক্ষণম্ ..

অনুস্যূতাত্মনঃ সত্তা জাগ্রত্স্বপ্নসুষুপ্তিষু .
অহমস্মীত্যতো নিত্যো ভবত্যাত্মাযমব্যযঃ .. ৬১২..
সর্বদাপ্যাসমিত্যেবাভিন্নপ্রত্যয ঈক্ষ্যতে .
কদাপি নাসমিত্যস্মাদাত্মনো নিত্যতা মতা .. ৬১৩..
আযাতাসু গতাসু শৈশবমুখাবস্থাসু জাগ্রন্মুখা-
স্বন্যাস্বপ্যখিলাসু বৃত্তিষু ধিযো দুষ্টাস্বদুষ্টাস্বপি .
গঙ্গাভঙ্গপরম্পরাসু জলবত্সত্তানুবৃত্তাত্মন-
স্তিষ্ঠত্যেব সদা স্থিরাহমহমিত্যেকাত্মতা সাক্ষিণঃ .. ৬১৪..
প্রতিপদমহমাদযো বিভিন্নাঃ
ক্ষণপরিণামিতযা বিকারিণস্তে .
ন পরিণতিরমুষ্য নিষ্কলত্বা-
দযমবিকার্যত এব নিত্য আত্মা .. ৬১৫..
যঃ স্বপ্নমদ্রাক্ষমহং সুখং যোঽ-
স্বাপ্সং স এবাস্ম্যথ জাগরূকঃ .
ইত্যেবমচ্ছিন্নতযানুভূযতে
সত্তাত্মনো নাস্তি হি সংশযোঽত্র .. ৬১৬..
শ্রুত্যুক্তাঃ ষোডশকলাশ্চিদাভাস্য নাত্মনঃ .
নিষ্কলত্বান্নাস্য লযস্তস্মান্নিত্যত্বমাত্মনঃ .. ৬১৭..

verses 618-622 The intelligent nature of the Atman
.. ৩১ .. চিত্স্বরূপম্ ..

জডপ্রকাশকঃ সূর্যঃ প্রকাশাত্মৈব নো জডঃ .
বুদ্ধ্যাদিভাসকস্তস্মাচ্চিত্স্বরূপস্তথা মতঃ .. ৬১৮..
কুড্যাদেস্তু জডস্য নৈব ঘটতে ভানং স্বতঃ সর্বদা
সূর্যাদিপ্রভযা বিনা ক্বচিদপি প্রত্যক্ষমেতত্তথা .
বুদ্ধ্যাদেরপি ন স্বতোঽস্ত্যণুরপি স্ফূর্তিবির্নৈরাত্মনা
সোঽযং কেবলচিন্মযশ্রুতিমতো ভানুর্যথা রুঙ্মযঃ .. ৬১৯..
স্বভাসনে বান্যপদার্থভাসনে
নার্কঃ প্রকাশান্তরমীষদিচ্ছতি .
স্ববোধনে বাপ্যহমাদিবোধনে
তথৈব চিদ্ধাতুরযং পরাত্মা .. ৬২০..
অন্যপ্রকাশং ন কিমপ্যপেক্ষ্য
যতোঽযমাভাতি নিজাত্মনৈব .
ততঃ স্বযংজ্যোতিরযং চিদাত্মা
ন হ্যাত্মভানে পরদীপ্ত্যপেক্ষা .. ৬২১..
যং ন প্রকাশযতি কিংচিদিনোঽপি চন্দ্রঃ
নো বিদ্যুতঃ কিমুত বহ্নিরযং মিতাভঃ .
যং ভান্তমেতমনুভাতি জগত্সমস্তম্
সোঽযং স্বযং স্ফুরতি সর্বদশাসু চাত্মা .. ৬২২..

verses 623-634 The blissful nature of the Atman
.. ৩২ আনন্দস্বরূপম্ ..

আত্মনঃ সুখস্বরূপাদানন্দত্বং স্বলক্ষণম্ .
পরপ্রেমাস্পদত্বেন সুখরূপত্বমাত্মনঃ ..৬২৩..
সুখহেতুষু সর্বেষাং প্রীতিঃ সাবধিরীক্ষ্যতে .
কদাপি নাবধিঃ প্রীতেঃ স্বাত্মনি প্রাণিনাং ক্বচিত্ .. ৬২৪..
ক্ষীণেন্দ্রিযস্য জীর্ণস্য সংপ্রাপ্তোত্ক্রমণস্য বা .
অস্তি জীবিতুমেবাশা স্বাত্মা প্রিযতমো যতঃ .. ৬২৫..
আত্মাতঃ পরমপ্রেমাস্পদঃ সর্বশরীরিণাম্ .
যস্য শেষতযা সর্বমুপাদেযত্বমৃচ্ছতি .. ৬২৬..
এষ এব প্রিযতমঃ পুত্রাদপি ধনাদপি .
অন্যস্মাদপি সর্বস্মাদাত্মাযং পরমান্তরঃ .. ৬২৭..
প্রিযত্বেন মতং যত্তু তত্সদা নাপ্রিযং নৃণাম্ .
বিপাত্তাবপি সংপত্তৌ যথাত্মা ন তথাপরঃ .. ৬২৮..
আত্মা খলু প্রিযতমোঽসুভৃতাং যদর্থা
ভার্যাত্মজাপ্তগৃহবিত্তমুখাঃ পদার্থাঃ .
বাণিজ্যকর্ষণ গবাবনরাজসেবা-
ভৈষজ্যকপ্রভৃতযো বিবিধাঃ ক্রিযাশ্চ .. ৬২৯..
প্রবৃত্তিশ্চ নিবৃত্তিশ্চ যচ্চ যাবচ্চ চেষ্টিতম্ .
আত্মার্থমেব নান্যার্থং নাতঃ প্রিযতমঃ পরঃ ..৬৩০..
তস্মাদাত্মা কেবলানন্দরূপো
যঃ সর্বস্মাদ্বস্তুনঃ প্রেষ্ঠ উক্তঃ .
যো বা অস্মান্মন্যতেঽন্যং প্রিযং যং
সোঽযং তস্মাচ্ছোকমেবানুভুঙ্ক্তে .. ৬৩১..
শিষ্যঃ _
অপরঃ ক্রিযতে প্রশ্নো মযাযং ক্ষম্যতাং প্রভো .
অজ্ঞবাগপরাধায কল্পতে ন মহাত্মনাম্ .. ৬৩২..
আত্মান্যঃ সুখমন্যচ্চ নাত্মনঃ সুখরূপতা .
আত্মনঃ সুখমাশাস্যং যততে সকলো জনঃ .. ৬৩৩..
আত্মনঃ সুখরূপত্বে প্রযত্নঃ কিমু দেহিনাম্ .
এষ মে সংশযঃ স্বামিন্ কৃপযৈব নিরস্যতাম্ .. ৬৩৪..

verses 635-672 Atman the only way to happiness
.. ৩৩ .. দুঃখপ্রদং বস্তু সুখং দাতুং ন সমর্হতি .. ৬৩৫-৬৭২

শ্রীগুরুঃ :
আনন্দরূপমাত্মানমজ্ঞাত্বৈব পৃথগ্জনঃ .
বহিঃসুখায যততে ন তু কশ্চিদ্বিদন্বুধঃ .. ৬৩৫..
অজ্ঞাত্বৈব হি নিক্ষেপং ভিক্ষামটতি দুর্মতিঃ .
স্ববেশ্মনি নিধিং জ্ঞাত্বা কো নু ভিক্ষামটেত্সুধীঃ .. ৬৩৬..
স্থূলং চ সূক্ষ্মং চ বপুঃ স্বভাবতো
দুঃখাত্মকং স্বাত্মতযা গৃহীত্বা .
বিস্মৃত্য চ স্বং সুখরূপমাত্মনো
দুঃখপ্রদেভ্যঃ সুখমজ্ঞ ইচ্ছতি .. ৬৩৭..
নহি দুঃখপ্রদং বস্তু সুখং দাতুং সমর্হতি .
কিং বিষং পিবতো জন্তোরমৃতত্বং প্রযচ্ছতি .. ৬৩৮..
আত্মান্যঃ সুখমন্যচ্চেত্যেবং নিশ্চিত্য পামরঃ .
বহিঃসুখায যততে সত্যমেব ন সংশযঃ .. ৬৩৯..
ইষ্টস্য বস্তুনো ধ্যানদর্শনাদ্যুপভুক্তিষু .
প্রতীযতে য আনন্দঃ সর্বেষামিহ দেহিনাম্ .. ৬৪০..
স বস্তুধর্মো নো তস্মান্মনস্যেবোপলভ্যতে .
বস্তুধর্মস্য মনসি কথং স্যাদুপলম্ভনম্ .. ৬৪১..
অন্যত্র ত্বন্যধর্মাণামুপলম্ভো ন দৃশ্যতে .
তস্মান্ন বস্তুধর্মোঽযমমানন্দস্তু কদাচন .. ৬৪২..
নাপ্যেষ ধর্মো মনসোঽসত্যর্থে তদদর্শনাত্ .
অসতি ব্যঞ্জকে ব্যঙ্গ্যং নোদেতীতি ন মন্যতাম্ .. ৬৪৩..
সত্যর্থেঽপি চ নোদেতি হ্যানন্দস্তূক্তলক্ষণঃ .
সত্যপি ব্যঞ্জকে ব্যঙ্গ্যানুদযো নৈব সংমতঃ .. ৬৪৪..
দুরদৃষ্টাদিকং নাত্র প্রতিবন্ধঃ প্রকল্প্যতাম্ .
প্রিযস্য বস্তুনো লাভে দুরদৃষ্টং ন সিদ্ধ্যতি .. ৬৪৫..
তস্মান্ন মানসো ধর্মো নির্গুণত্বান্ন চাত্মনঃ .
কিং তু পুণ্যস্য সাংন্নিধ্যাধিষ্টস্যাপি চ বস্তুনঃ .. ৬৪৬..
সত্ত্বপ্রধানে চিত্তেঽস্মিংস্ত্বাত্মৈব প্রতিবিম্বতি .
আনন্দলক্ষণঃ স্বচ্ছে পযসীব সুধাকরঃ .. ৬৪৭..
সোঽযমাভাস আনন্দশ্চিত্তে যঃ প্রতিবিম্বিতঃ .
পুণ্যোত্কর্ষাপকর্ষভ্যাং ভবত্যুচ্চাবচঃ স্বযম্ ..৬৪৮..
সার্বভৌমাদিব্রহ্মান্তং শ্রুত্যা যঃ প্রতিপাদিতঃ .
স ক্ষযিণ্ণুঃ সাতিশযঃ প্রক্ষীণে কারণে লযম্ .. ৬৪৯..
যাত্যেষ বিষযানন্দো যস্তু পুণ্যৈকসাধনঃ .
যে তু বৈষযিকানন্দং ভুঞ্জতে পুণ্যকারিণঃ .. ৬৫০..
দুঃখং চ ভোগকালেঽপি তেষামন্তে মহত্তরম্ .
সুখং বিষযসংপৃক্তং বিষসংপৃক্তভক্তবত্ .. ৬৫১..
ভোগকালেঽপি ভোগান্তে দুঃখমেব প্রযচ্ছতি .
সুখমুচ্চাবচত্বেন ক্ষযিষ্ণুত্বভযেন চ .. ৬৫২..
ভোগকালে ভবেন্নৄণাং ব্রহ্মাদিপদভাজিনাম্ .
রাজস্থানপ্রবিষ্টানাং তারতম্যং মতং যথা .. ৬৫৩..
তথৈব দুঃখ জন্তূনাং ব্রহ্মাদিপদভাজিনাম্ .
ন কাঙ্ক্ষণীযং বিদুষা তস্মাদ্বৈষযিকং সুখম্ .. ৬৫৪..
যো বিম্বভূত আনন্দঃ স আত্মানন্দলক্ষণঃ .
শাশ্বতো নির্দ্বযঃ পূর্ণো নিত্য একোঽপি নির্ভযঃ .. ৬৫৫..
লক্ষ্যতে প্রতিবিম্বেনাভাসানন্দেন বিম্ববত্ .
প্রতিবিম্বো বিম্বমূলো বিনা বিম্বং ন সিদ্ধ্যতি .. ৬৫৬..
যত্ততো বিম্ব আনন্দঃ প্রতিবিম্বেন লক্ষ্যতে .
যুক্ত্যৈব পণ্ডিতজনৈর্ন কদাপ্যনুভূযতে .. ৬৫৭..
অবিদ্যাকার্যকরণসংঘাতেষু পুরোদিতঃ .
আত্মা জাগ্রত্যপি স্বপ্নে ন ভবত্যেষ গোচরঃ .. ৬৫৮..
স্থূলস্যাপি চ সূক্ষ্মস্য দুঃখরূপস্য বর্ষ্মণঃ .
লযে সুষুপ্তৌ স্ফুরতি প্রত্যগানন্দলক্ষণঃ .. ৬৫৯..
ন হ্যত্র বিষযঃ কশ্চিন্নাপি বুদ্ধ্যাদি কিংচন .
আত্মৈব কেবলানন্দমাত্রস্তিষ্ঠস্তি নির্দ্বযঃ .. ৬৬০..
প্রত্যভিজ্ঞাযতে সর্বৈরেষ সুপ্তোত্থিতৈর্জনৈঃ .
সুখমাত্রতযা নাত্র সংশযং কর্তুমর্হসি ..৬৬১..
ত্বযাপি প্রত্যভিজ্ঞাতং সুখমাত্রত্বমাত্মনঃ .
সুষুপ্তাদুত্থিতবতা সুখমস্বাপ্সমিত্যনু .. ৬৬২..
দুঃখাভাবঃ সুখমিতি যদুক্তং পূর্ববাদিনা .
অনাঘ্রাতোপনিষদা তদসারং মৃষা বচঃ ..৬৬৩..
দুঃখাভাবস্তু লোষ্টাদৌ বিদ্যতে নানুভূযতে .
সুখলেশোঽপি সর্বেষাং প্রত্যক্ষং তদিদং খলু .. ৬৬৪..
সদযং হ্যেষ এবেতি প্রস্তুত্য বদতি শ্রুতিঃ .
সদ্ধনোঽযং চিদ্ধনোঽযমানন্দঘন ইত্যপি .. ৬৬৫..
আনন্দঘনতামস্য স্বরূপং প্রত্যগাত্মনঃ .
ধন্যৈর্মহাত্মভিধীরৈর্ব্রহ্মবিদ্ভিঃ সদুত্তমৈঃ .. ৬৬৬..
অপরোক্ষযৈবাত্মা সমাধাবনুভূযতে .
কেবলানন্দমাত্রত্বেনৈবমত্র ন সংশযঃ .. ৬৬৭..
স্বস্বোপাধ্যনুরূপেণ ব্রহ্মাদ্যাঃ সর্বজন্তবঃ .
উপজীবন্ত্যমুষ্যেব মাত্রামানন্দলক্ষণাম্ ..৬৬৮..
আস্বাদ্যতে যো ভক্ষ্যেষু সুখকৃন্মধুরো রসঃ .
স গুডস্যৈব নো তেষাং মাধুর্যং বিদ্যতে ক্বচিত্ .. ৬৬৯..
তদ্বদ্বিষযসাংনিধ্যাদানন্দো যঃ প্রতীযতে .
বিম্বানন্দাংশবিস্ফূর্তিরেবাসৌ ন জডাত্মনাম্ .. ৬৭০..
যস্য কস্যাপি যোগেন যত্র কুত্রাপি দৃশ্যতে .
আনন্দঃ স পরস্যৈব ব্রহ্মণঃ স্ফূর্তিলক্ষণঃ .. ৬৭১..
যথা কুবলযোল্লাসশ্চন্দ্রস্যৈব প্রসাদতঃ .
তথানন্দোদযোঽপ্যেষাং স্ফুরণাদেব বস্তুনঃ .. ৬৭২..

verses 673-702 The non-dual nature of the Atman
.. ৩৪ .. অদ্বিতীযত্বম্ ..

সত্ত্বং চিত্তং তথানন্দস্বরূপং পরমাত্মনঃ .
নির্গুণস্য গুণাযোগাদ্গুণাস্তু ন ভবন্তি তে .. ৬৭৩..
বিশেষণং তু ব্যাবৃত্তযৈ ভবেদ্দ্র্ব্যান্তরে সতি .
পরমাত্মাদ্বিতীযোঽযং প্রপঞ্চস্য মৃষাত্বতঃ .. ৬৭৪..
বস্ত্বন্তরস্যাভাবেন ন ব্যাবৃত্ত্যঃ কদাচন .
কেবলো নির্গুণস্চেতি নির্গুণত্বং নিরুচ্যতে .. ৬৭৫..
শ্রুতৈব ন ততস্তেষাং গুণত্বমুপপদ্যতে .
উষ্ণত্বং চ প্রকাশশ্চ যথা বহ্নেস্তথাত্মনঃ .. ৬৭৬..
সত্ত্বচিত্ত্বানন্দতাদি স্বরূপমিতি নিশ্চিতম্ .
অত এব সজাতীযবিজাতীযাদিলক্ষণঃ .. ৬৭৭..
ভেদো ন বিদ্যতে বত্তুন্যদ্বিতীযে পরাত্মনি .
প্রপঞ্চস্যাপবাদেন বিজাতীযকৃতা ভিদা .. ৬৭৮..
নেষ্যতে তত্প্রকারং তে বক্ষ্যামি শ্রুণু সাদরম্ .
অহেগুণবিবর্তস্য গুণমাত্রস্য বস্তুতঃ .. ৬৭৯..
বিবর্তস্যাস্য জগতঃ সন্মাত্রত্বেন দর্শনম্ .
অপবাদ ইতি প্রাহুরদ্বৈতব্রহ্মদর্শিনঃ .. ৬৮০..
ব্যুত্ক্রমেণ তদুত্পত্তের্দ্রষ্টব্যং সূক্ষ্মবুদ্ধিভিঃ .
প্রতীতস্যাস্য জগতঃ সন্মাত্রত্বং সুযুক্তিভিঃ .. ৬৮১..
চতুর্বিধং স্থূলশরীরজাতম্
তদ্ভোজ্যমন্নাদি তদাশ্রযাদি .
ব্রহ্মাণ্ডমেতত্সকলং স্থবিষ্ঠ-
মীক্ষেত পঞ্চীকৃতভূতমাত্রম্ .. ৬৮২..
যত্কার্যরূপেণ যদীক্ষ্যতে ত-
ত্তন্মাত্রমেবাত্র বিচার্যমাণে .
মৃত্কার্যভূতং কলশাদি সম্য-
গ্বিচারিতং সন্ন মৃদো বিভিদ্যতে .. ৬৮৩..
অন্তর্বহিশ্চাপি মৃদেব দৃশ্যতে
মৃদো ন ভিন্নং কলশাদি কিংচন .
গ্রীবাদিমদ্যত্কলশং তদিত্থং
ন বাচ্যমেতচ্চ মৃদেব নান্যত্ .. ৬৮৪..
স্বরূপতস্তত্কলশাদিনাম্না
মৃদেব মূঢৈরভিধীযতে ততঃ .
নাম্নো হি ভেদো ন তু বস্তুভেদঃ
প্রদৃশ্যতে তত্র বিচার্যমাণে .. ৬৮৫..
তস্মাদ্ধি কার্যং ন কদাপি ভিন্নম্
স্বকারণাদস্তি যতস্ততোঽঙ্গঃ .
যদ্ভৌতিকং সর্বমিদং তথৈব
তদ্ভূতমাত্রং ন ততোঽপি ভিন্নম্ .. ৬৮৬..
তচ্চাপি পঞ্চীকৃতভূতজাতং
শব্দাদিভিঃ স্বস্বগুণৈশচ সার্ধম্
বপূংষি সূক্ষ্মাণি চ সর্বমেত-
দ্ভবত্যপঞ্চীকৃতভূতমাত্রম্ .. ৬৮৭..
তদপ্যপঞ্চীকৃতভূতজাতং
রজস্তমঃসত্ত্বগুণৈশ্চ সার্ধম্ .
আধারভূতং যদখণ্ডমাদ্যং
শুদ্ধং পরং ব্রহ্ম সদৈকরূপম্ .
সন্মাত্রমেবাস্ত্যথ নো বিকল্পঃ
সতঃ পরং কবলমেব বস্তু .. ৬৮৯..
একশ্চন্দ্রঃ সদ্বিতীযো যথা স্যা-
দ্দৃষ্টের্দোষদেব পুংসস্তথৈকম্ .
ব্রহ্মাস্তেতদ্বুদ্ধিদোষেণ নানা
দোষে নষ্টে ভাতি বস্ত্বেকমেব .. ৬৯০..
রজ্জোঃ স্বরূপাধিগমে ন সর্পধী
রজ্জ্বাং বিলীনা তু যথা তথৈব .
ব্রহ্মাবগত্যা তু জগত্প্রতীতি-
স্তত্রৈব লীনা তু সহ ভ্রমেণ .. ৬৯১..
ভ্রান্যোদিতদ্বৈতমতিপ্রশান্ত্যা
সদৈকমেবাস্তি সদাদ্বিতীযম্ .
ততো বিজতীযকৃতোঽত্র ভেদো
ন বিদ্যতে ব্রহ্মণি নির্বিকল্পে .. ৬৯২..
যদাস্ত্যুপাধিস্তদভিন্ন আত্মা
তদা সজাতীয ইবাবভাতি .
স্বপ্নার্থতস্তস্য মৃষাত্মকত্বা-
ত্তদপ্রতীতৌ স্বযমেষ আত্মা .
ব্রহ্মৈক্যতামেতি পৃথঙ্ ন ভাতি
ততঃ সজাতীযকৃতো ন ভেদঃ .. ৬৯৩..
ঘটাভাবে ঘটাকাশো মহাকাশো যথা তথা .
উপাধ্যভাবে ত্বাত্মৈষ স্বযং ব্রহ্মৈব কেবলম্ .. ৬৯৪..
পূর্ণ এব সদাকাশো ঘটে সত্যপ্যসত্যপি .
নিত্যপূর্ণস্য নভসো বিচ্ছেদঃ কেন সিদ্ধ্যতি .. ৬৯৫..
অচ্ছিন্নশ্ছিন্নবদ্ভাতি পামরাণাং ঘটাদিনা .
গ্রামক্ষেত্রাদ্যবধিভির্ভিন্নেব বসুধা যথা .. ৬৯৬..
তথৈব পরমং ব্রহ্ম মহতাং চ মহত্তমম্ .
পরিচ্ছিন্নমিবাভাতি ভ্রান্ত্যা কল্পিতবস্তুনা .. ৬৯৭..
তস্মাদ্ব্রহ্মাত্মনোর্ভেদঃ কল্পিতো ন তু বাস্তবঃ .
অত এব মুহুঃ শ্রুত্যাপেকত্বং প্রতিপাদ্যতে .. ৬৯৮..
ব্রহ্মাত্মনোস্তত্ত্বমসীত্যদ্বযত্বোপপত্তযে .
প্রত্যক্ষাদিবিরোধেন বাচ্যযোর্নোপযুজ্যতে .
তত্ত্বংপদার্থযোরৈক্যং লক্ষ্যযোরেব সিদ্ধ্যতি .. ৬৯৯..
শিষ্যঃ –
স্যাত্তত্ত্বংপদযোঃ স্বামিনর্থঃ কতিবিধো মতঃ .
পদযোঃ কো নু বাচ্যার্থো লক্ষ্যার্থ উভযোশ্চ কঃ .. ৭০০..
বাচ্যৈকত্ববিবক্ষাযাং বিরোধঃ কঃ প্রতীযতে .
লক্ষ্যার্থযোরভিন্নত্বে স কথং বিনিবর্ততে .. ৭০১..
একত্বকথনে কা বা লক্ষণাত্রোররীকৃতা .
এতত্সর্বং করুণযা সম্যক্ত্বং প্রতিপাদয .. ৭০২..

verses 703-708 The meaning of the words ‘That’ and ‘Thou’
.. ৩৫ .. তত্ত্বংপদযোরর্থঃ ..

শ্রুণুষ্বাবহিতো বিদ্বন্নদ্য তে ফলিতং তপঃ .
বাক্যার্তহশ্রুতিমাত্রেণ সম্যগ্জ্ঞানং ভবিষ্যতি .. ৭০৩..
যাবন্ন তত্ত্বংপদযোরর্থঃ সম্যগ্বিচার্যতে .
তাবদেব নৃণাং বন্ধো মৃত্যুসংসারলক্ষণঃ .. ৭০৪..
অবস্থা সচ্চিদানন্দাখণ্ডৈকরসরূপিণী .
মোক্ষঃ সিদ্ধ্যতি বাক্যার্থাপরোক্ষজ্ঞানতঃ সতাম্ .. ৭০৫..
বাক্যার্থ এব জ্ঞাতব্যো মুমুক্ষোর্ভবমুক্তযে .
তস্মাদবহিতো ভূত্বা শ্রুণু বক্ষ্যে সমাসতঃ .. ৭০৬..
অর্থা বহুবিধাঃ প্রোক্তা বাক্যানাং পণ্ডিতোত্তমৈঃ .
বাচ্যলক্ষ্যাদিভেদেন প্রস্তুতং শ্রূযতাং ত্বযা .. ৭০৭..
বাক্যে তত্ত্বমসীত্যত্র বিদ্যতে যত্পদত্রযম্ .
তত্রাদৌ বিদ্যমানস্য তত্পদস্য নিগদ্যতে .. ৭০৮..

verses 709-732 The direct meaning of the word ‘That’
.. ৩৬ .. তত্পদস্য সম্যগর্থঃ ..
শাস্ত্রার্থকোবিদৈরর্থো বাচ্যো লক্ষ্য ইতি দ্বিধা .
বাচ্যার্থং তে প্রবক্ষ্যামি পণ্ডিতৈর্য উদীরিতঃ .. ৭০৯..
সমষ্টিরূপমজ্ঞানং সামাসং সত্ত্ববৃংহিতম্ .
বিযদদিবিরাডন্তং স্বকার্যেণ সমন্বিতম্ .. ৭১০..
চৈতন্যং তদবচ্ছিন্নং সত্যজ্ঞানাদিলক্ষণম্ .
সর্বজ্ঞত্বেশ্বরত্বান্তর্যামিত্বাদিগুণৈর্যুতম্ .. ৭১১..
জগত্স্রষ্টৃত্বপাতৃত্বসংহতৃর্ত্বাদিধর্মকম্ .
সর্বাত্মনা ভাসমানং যদমেযং গুণৈশ্চ তত্ .. ৭১২..
অব্যক্তমপরং ব্রহ্ম বাচ্যার্থ ইতি কথ্যতে .
নীলমুত্পলমিত্যত্র যথা বাক্যার্থসংগতিঃ .. ৭১৩..
তথা তাত্বমসীত্যত্র নাস্তি বাক্যার্থসংগতিঃ .
পটাদ্ব্যাবর্ততে নীল উত্পলেন বিশেষিতঃ .. ৭১৪..
শৌক্ল্যাদ্ব্যাবর্ততে নীলেনোত্পলং তু বিশেষিতম্ .
ইত্থমন্যোন্যভেদস্য ব্যাবর্তকতযা তযোঃ .. ৭১৫..
বিশেষণবিশেষ্যত্বং সংসর্গস্যেতরস্য বা .
বাক্যার্থত্বে প্রমাণান্তরবিরোধো ন বিদ্যতে .. ৭১৬..
অতঃ সংগচ্ছতে সম্যগ্বাক্যার্থো বাধবর্জিতঃ .
এবং তত্ত্বমসীত্যত্র বাক্যার্থো ন সমঞ্জসঃ .. ৭১৭..
তদর্থস্য পরোক্ষত্বাদিবিশিষ্টচিতেরপি .
ত্বমর্থস্যাপরোক্ষত্বাদিবিশিষ্টচিত্তেরপি .. ৭১৮..
তথৈবান্যোন্যভেদস্য ব্যাবর্তকতযা তযোঃ .
বিশেষণবিশেষস্য সংসর্গস্যেতরস্য বা .. ৭১৯..
বাক্যার্থত্বে বিরোধোঽস্তি প্রত্যক্ষাদিকৃতস্ততঃ .
সংগচ্ছতে ন বাক্যার্থস্তদ্বিরোধং চ বচ্মি তে .. ৭২০..
সর্বেশত্বস্বতন্ত্রত্বসর্বজ্ঞত্বাদিভির্গুণৈঃ .
সর্বোত্তমঃ সত্যকামঃ সত্যসংকল্প ঈশ্বরঃ .. ৭২১..
তত্পদার্থস্ত্বমর্থস্তু কিংচিজ্জ্ঞো দুঃখজীবনঃ .
সংসার্যযং তদ্গতিকো জীবঃ প্রাকৃতলক্ষণঃ .. ৭২২..
কথমেকত্বমনযোর্ঘটতে বিপরীতযোঃ .
প্রত্যক্ষেণ বিরোধোঽযমুভযোরুপলভ্যতে .. ৭২৩..
বিরুদ্ধধর্মাক্রান্তত্বাত্পরস্পরবিলক্ষণৌ .
জীবেশৌ বহ্নিতুহিনাবিব শব্দার্থতোঽপি চ .. ৭২৪..
প্রত্যক্ষাদিবিরোধঃ স্যাদিত্যৈক্যে তযোঃ পরিত্যক্তে .
শ্রুতিবচনবিরোধো ভবতি মহান্স্মৃতিবচনবিরোধশ্চ .. ৭২৫..
শ্রুত্যাপেকত্বমনযোস্তাত্পর্যেণ নিগদ্যতে .
মুহুস্তত্ত্বমসীত্যস্মাদঙ্গীকার্যং শ্রুতের্বচঃ .. ৭২৬..
বাক্যার্থত্বে বিশিষ্টস্য সংসর্গস্য চ বা পুনঃ .
অযথার্থতযা সোঽযং বাক্যার্থো ন মতঃ শ্রুতেঃ .. ৭২৭..
অখণ্ডৈকরসত্বেন বাক্যার্থঃ শ্রুতিসংমতঃ .
স্থূলসূক্ষ্মপ্রপঞ্চস্য সন্মাত্রত্বং পুনঃ পুনঃ .. ৭২৮..
দর্শযিত্বা সুষুপ্তৌ তদ্ব্রহ্মাভিন্নত্বমাত্মনঃ .
উপপাদ্য সদৈকত্বং প্রদর্শযিতুমিচ্ছযা .. ৭২৯..
ঐতদাত্ম্যমিদং সর্বমিত্যুক্তৈব সদাত্মনোঃ .
ব্রবীতি শ্রুতিরেকত্বং ব্রহ্মণোঽদ্বৈতসিদ্ধযে .. ৭৩০..
সতি প্রপঞ্চে জীবে বাদ্বৈতত্বং ব্রহ্মণঃ কুতঃ .
অতস্তযোরখণ্ডত্বমেকত্বং শ্রুতিসংমতম্ .. ৭৩১..
বিরুদ্ধাংশপরিত্যাগাত্প্রত্যক্ষাদির্ন বাধতে .
অবিরুদ্ধাংশগ্রহণান্ন শ্রুত্যাপি বিরুধ্যতে .. ৭৩২..

verses 733-759 The indirect meaning ascertained
.. ৩৭ .. বাচ্যার্থানুপপত্তিঃ ..
লক্ষণা উপগন্তব্যা ততো বাক্যার্থসিদ্ধযে .
বাচ্যার্থানুপপত্ত্যৈব লক্ষণাভ্যুপগম্যতে ..৭৩৩..
সংবদ্ধানুপপত্ত্যা চ লক্ষণেতি জগুর্বুধাঃ .
গঙ্গাযাং ঘোষ ইত্যাদৌ যা জহল্লক্ষণা মতা ..৭৩৪..
ন সা তত্ত্বমসীত্যত্র বাক্য এষা প্রবর্ততে .
গঙ্গাযা অপি ঘোষস্যাধারাধেযত্বলক্ষণম্ .. ৭৩৫..
সর্বো বিরুদ্ধবাক্যার্থস্তত্র প্রত্যক্ষতস্ততঃ .
গঙ্গাসংবন্ধবত্তীরে লক্ষণা সংপ্রবর্ততে .. ৭৩৬..
তথা তত্ত্বমসীত্যত্র চৈতন্যৈকত্বলক্ষণে .
বিবক্ষিতে তু বাক্যার্থেঽপরোক্ষত্বাদিলক্ষণঃ .. ৭৩৭..
বিরুধ্যতে ভাগ্যমাত্রো ন তু সর্বো বিরুধ্যতে .
তস্মাজ্জহল্লক্ষণাযাঃ প্রবৃত্তির্নাত্র যুজ্যতে .. ৭৩৮..
বাচ্যার্থস্য তু সর্বস্য ত্যাগে ন ফলমীক্ষ্যতে .
নালিকেরফলস্যেব কঠিনত্বধিযা নৃণাম্ .. ৭৩৯..
গঙ্গাপদং যথা স্বার্থং ত্যক্ত্বা লক্ষযতে তটম্ .
তত্পদং ত্বংপদং বাপি ত্যক্ত্বা স্বার্থং যথাখিলম্ .. ৭৪০..
তদর্থং বা ত্বমর্থং বা যদি লক্ষযতি স্বযম্ .
তদা জহল্লক্ষণাযাঃ প্রবৃত্তিরুপপদ্যতে .. ৭৪১..
ন শঙ্কনীযমিত্যার্যৈজ্ঞার্তার্থে ন হি লক্ষণা .
তত্পদং ত্বংপদং বাপি শ্রূযতে চ প্রতীযতে .. ৭৪২..
তদর্থে চ কথং তত্র সংপ্রবর্তেত লক্ষণা .
অত্র শোণো ধাবতীতি বাক্যবন্ন প্রবর্ততে .. ৭৪৩..
অজহল্লক্ষণা বাপি সা জহল্লক্ষণা যথা .
গুণস্য গমনং লোকে বিরুদ্ধং দ্রব্যমন্তরা .. ৭৪৪..
অতস্তমপরিত্যজ্য তদ্গুণাশ্রযলক্ষণঃ .
লক্ষ্যাদির্লক্ষ্যতে তত্র লক্ষণাসৌ প্রবর্ততে .. ৭৪৫..
বাক্যে তত্ত্বমসীত্যত্র ব্রহ্মাত্মৈকত্ববোধকে .
পরোক্ষত্বাপরোক্ষত্বাদিবিশিষ্টচিতোর্দ্বযোঃ .. ৭৪৬..
একত্বরূপবাক্যার্থো বিরুদ্ধাংশাবিবর্জনাত্ .
ন সিদ্ধ্যতি যতস্তস্মান্নাজহল্লক্ষণা মতা .. ৭৪৭..
তত্পদং ত্বংপদং চাপি স্বকীযার্থবিরোধিনম্ .
অংশং সম্যক্পরিত্যজ্য স্বাবিরুদ্ধাংশসংযুতম্ .. ৭৪৮..
তদর্থং বা ত্বমর্থং বা সম্যগ্লক্ষযতঃ স্বযম্ .
ভাগলক্ষণযা সাধ্যং কিমাস্তীতি ন শঙ্ক্যতাম্ .. ৭৪৯..
অবিরুদ্ধং পদার্থান্তরাংশং স্বাংশং চ তত্কথম্ .
একং পদং লক্ষণযা সংলক্ষযিতুমর্হতি .. ৭৫০..
পদান্তরেণ সিদ্ধাযাং পদার্থপ্রমিতৌ স্বতঃ .
তদর্থপ্রত্যযাপেক্ষা পুনর্লক্ষণযা কুতঃ .. ৭৫১..
তস্মাত্তত্ত্বমসীত্যত্র লক্ষণা ভাগলক্ষণা .
বাক্যার্থসত্ত্বাখণ্ডৈকরসতাসিদ্ধযে মতা .. ৭৫২..
ভাগং বিরুদ্ধং সংত্যজ্যাবিরোধো লক্ষ্যতে যদা .
সা ভাগলক্ষণেত্যাহুর্লক্ষণজ্ঞা বিচক্ষণাঃ .. ৭৫৩..
সোঽযং দেবদত্ত ইতি বাক্যং বাক্যার্থ এব বা .
দেবদত্তৈকরূপস্ববাক্যার্থানববোধকম্ .. ৭৫৪..
দেষকালাদিবৈশিষ্ট্যং বিরুদ্ধাংশং নিরস্য চ .
অবিরুদ্ধং দেবদত্তদেহমাত্রং স্বলক্ষণম্ .. ৭৫৫..
ভাগলক্ষণযা সম্যগ্লক্ষযত্যনযা যথা .
তথা তত্ত্বমসীত্যত্র বাক্যং বাক্যার্থ এব বা .. ৭৫৬..
পরোক্ষত্বাপরোক্ষত্বাদিবিশিষ্টচিতোর্দ্বযোঃ .
একত্বরূপবাক্যার্থবিরুদ্ধাংশমুপস্থিতম্ .. ৭৫৭..
পরোক্ষত্বাপরোক্ষত্বসর্বজ্ঞত্বাদিলক্ষণম্ .
বুদ্ধ্যাদিস্থূলপর্যন্তমাবিদ্যকমনাত্মকম্ .. ৭৫৮..
পরিত্যজ্য বিরুদ্ধাংশং শুদ্ধচৈতন্যলক্ষণম্ .
বস্তু কেবলসন্মাত্রং নির্বিকল্পং নিরঞ্জনম্ .. ৭৫৯..

verses 760-794 The unified meaning
.. ৩৮ .. অর্থসমন্বযঃ ..

লক্ষযত্যনযা সম্যগ্ভাগ্যলক্ষণযা ততঃ .
সর্বোপাধিবিনির্মুক্তং সচ্চিদানন্দমুদ্বযম্ .. ৭৬০..
নির্বিশেষং নিরাভাসমতাদৃশমনীদৃশম্ .
অনির্দেশ্যমনাদ্যন্তমনন্তং শান্তমচ্যুতম্ .
অপ্রতর্ক্যমবিজ্ঞেযং নির্গুণং ব্রহ্ম শিষ্যতে .. ৭৬১..
উপাধিবৈশিষ্ট্যকৃতো বিরোধো
ব্রহ্মাত্মনোরেকতযাধিগত্যা .
উপাধিবৈশিষ্ট্য উদস্যমানে
ন কশ্চিদপ্যস্তি বিরোধ এতযোঃ .. ৭৬২..
তযোরুপাধিশ্চ বিশিষ্টতা চ
তদ্ধর্মভাক্ত্বং চ বিলক্ষণত্বম্ .
ভ্রান্ত্যা কৃতং সর্বমিদং মৃষৈব
স্বপ্নার্থবজ্জাগ্রতি নৈব সত্যম্ .. ৭৬৩..
নিদ্রাসূতশরীরধর্মসুখদুঃখাদিপ্রপঞ্চোঽপি বা
জীবেশাদিভিদাপি বা ন চ ঋতং কর্তুং ক্বচিচ্ছক্যতে .
মাযাকল্পিতদেশকালজগদীশাদিভ্রমস্তাদৃশঃ
কো ভেদোঽস্ত্যনযোর্দ্বযোস্তু কতমঃ সত্যোঽন্যতঃ কো ভবেত্ .. ৭৬৪..
ন স্বপ্নজাগরণযোরুভযোর্বিশেষঃ
সংদৃশ্যতে ক্বচিদপি ভ্রমজৈর্বিকল্পৈঃ .
যদ্দৃষ্টদর্শনমুখৈরত এব মিথ্যা
স্বপ্নো যথা ননু তথৈব হি জাগরোঽপি .. ৭৬৫..
অবিদ্যাকার্যতস্তুল্যৌ দ্বাবপি স্বপ্নজাগরৌ .
দৃষ্টদর্শনদৃষ্যাদিকল্পনোভযতঃ সমা .. ৭৬৬..
অভাব উভযোঃ সুপ্তৌ সর্বৈরপ্যনুভূযতে .
ন কশ্চিদনযোর্মেদস্তস্মান্মিথ্যাত্বমর্হতঃ .. ৭৬৭..
ভ্রান্ত্যা ব্রহ্মণি ভেদোঽযং সজাতীযাদিলক্ষণঃ .
কালত্রযেঽপি হে বিদ্বন্ বস্তুতো নৈব কশ্চন .. ৭৬৮..
যত্র নান্যত্পশ্যতীতি শ্রুতির্দ্বৈতং নিষেধতি .
কল্পিতস্য ভ্রমাদ্ভূম্নি মিথ্যাত্বাবগমায তত্ .. ৭৬৯..
যতস্ততো ব্রহ্ম সদাদ্বিতীযং
বিকল্পশূন্যং নিরুপাধি নির্মলম্ .
নিরন্তরানন্দঘনং নিরীহং
নিরাস্পদং কেবলমেকমেব .. ৭৭০..
নৈবাস্তি কাচন ভিদা ন গুণপ্রতীতি-
র্নো বাক্প্রবৃত্তিরপি বা ন মনঃপ্রবৃত্তিঃ .
যত্কেবলং পরমশান্তমনন্তমাদ্য-
মানন্দমাত্রমবভাতি সদদ্বিতীযম্ .. ৭৭১..
যদিদং পরমং সত্যং তত্ত্বং সচ্চিত্সুখাত্মকম্ .
অজরামরণং নিত্যং সত্যমেতদ্বচো মম .. ৭৭২..
ন হি ত্বং দেহোঽসবসুরপি চ বাপ্যক্ষনিকরো
মনো বা বুদ্ধির্বা ক্বচিদপি তথাহংকৃতিরপি .
ন চৈষং সংঘাতস্ত্বমু ভবতি বিদ্বন্ শ্রুণু পরং
যদেতেষং সাক্ষী স্ফুরণমমলং তত্ত্বমসি হি .. ৭৭৩..
যজ্জাযতে বস্তু তদেব বর্ধতে
তদেব মৃত্যুং সমুপৈতি কালে .
জন্মৈব তে নাস্তি তথৈব মৃত্যু-
র্নাস্ত্যেব নিত্যস্য বিভোরজস্য .. ৭৭৪..
য এষ দোহো জনিতঃ স এব
সমেধতে নশ্যতি কর্মযোগাত্ .
ত্বমেতদীযাস্বখিলাস্ববস্থা-
স্ববস্থিতঃ সাক্ষ্যসি বোধমাত্রঃ .. ৭৭৫..
যত্স্বপ্রকাশমখিলাত্মকমাসুষুপ্তে-
রেকাত্মনাহমহমিত্যবভাতি নিত্যম্ .
বুদ্ধেঃ সমস্তবিকৃতেরবিকারি বোদ্ধৃ
যদ্ব্রহ্ম তত্ত্বমসি কেবলবোধমাত্রম্ .. ৭৭৬..
স্বাত্মন্যনস্তমযসংবিদি কল্পিতস্য
ব্যোমাদিসর্বজগতঃ প্রদদাতি সত্তাম্ .
স্ফূর্তিং স্বকীযমহসা বিতনোতি সাক্ষাত্
যদ্ব্রহ্ম তত্ত্বমসি কেবলবোধমাত্রম্ .. ৭৭৭..
সম্যক্সমাধিনিরতৈর্বিমলান্তরঙ্গে
সাক্ষাদবেক্ষ্য নিজতত্ত্বমপারসৌখ্যম্ .
সন্তুষ্যতে পরমহংসকুলৈরজস্রম্
যদ্ব্রহ্ম তত্ত্বমসি কেবলবোধমাত্রম্ .. ৭৭৮..
অন্তর্বহিঃ স্বযমখণ্ডিতমেকরূপ-
মারোপিতার্থবদুদঞ্চতি মূঢবুদ্ধেঃ .
মৃত্স্নাদিবদ্বিগতবিক্রিযমাত্মবেদ্যং
যদ্ব্রহ্ম তত্ত্বমসি কেবলবোধমাত্রম্ .. ৭৭৯..
শ্রুত্যুক্তমব্যযমনন্তমনাদিমধ্য-
মব্যক্তমক্ষরমনাশ্রযমপ্রমেযম্ .
আনন্দসদ্ধনমনামযমদ্বিতীযং
যদ্ব্রহ্ম তত্ত্বমসি কেবলবোধমাত্রম্ .. ৭৮০..
শরীরতদ্যোগতদীযধর্মা-
দ্যারোপণং ভ্রান্তিবশাত্ত্বযীদম্ .
ন বস্তুতঃ কিংচিদতস্ত্বজস্ত্বং
মৃত্যোর্ভযং ক্বাস্তি তবাসি পূর্ণঃ .. ৭৮১..
যদ্যদ্দৃষ্টং ভ্রান্তিমত্যা স্বদৃষ্ট্যা
তত্তত্সম্যগ্বস্তুদৃষ্ট্যা ত্বমেব .
ত্বত্তো নান্যদ্বস্তু কিংচিত্তু লোকে
কস্মাদ্ভীতিস্তে ভবেদদ্বযস্য .. ৭৮২..
পশ্যতস্ত্বহমেবেদং সর্বমিত্যাত্মনাখিলম্ .
ভযং স্যাদ্বিদুষঃ কস্মাত্স্বস্মান্ন ভযমিষ্যতে .. ৭৮৩..
তস্মাত্ত্বমভযং নিত্যং কেবলানন্দলক্ষণম্ .
নিষ্কলং নিষ্ক্রিযং শান্তং ব্রহ্মৈবাসি সদাদ্বযম্ .. ৭৮৪..
জ্ঞাতৃজ্ঞানদেযবিহীনং জ্ঞাতুরভিন্নং জ্ঞানমখণ্ডম্ .
জ্ঞেযাজ্ঞেযত্বাদিবিমুক্তং শুদ্ধং বুদ্ধং তত্ত্বমসি ত্বম্ .. ৭৮৫..
অন্তঃপ্রজ্ঞত্বাদিবিকল্পৈরস্পৃষ্টং যত্তদ্দৃশিমাত্রম্ .
সত্তামাত্রং সমরসমেকং শুদ্ধং বুদ্ধং তত্ত্বমসি ত্বম্ .. ৭৮৬..
সর্বাকারং সর্বমসর্বং সর্বনিষেধাবধিভূতং যত্ .
সত্যং শাশ্বতমেকমনন্তং শুদ্ধং বুদ্ধং তত্ত্বমসি ত্বম্ .. ৭৮৭..
নিত্যানন্দাখণ্ডৈকরসং নিষ্কলমক্রিযমস্তবিকারম্ .
প্রত্যগভিন্নং পরমব্যক্তং শুদ্ধং বুদ্ধং তত্ত্বমসি ত্বম্ .. ৭৮৮..
ত্বং প্রত্যস্তাশেশবিশেষং ব্যোমেবান্তর্বহিরপি পূর্ণম্ .
ব্রহ্মানন্দং পরমদ্বৈতং শুদ্ধং বুদ্ধং তত্ত্বমসি ত্বম্ .. ৭৮৯..
ব্রহ্মৈবাহমহং ব্রহ্ম নির্গুণং নির্বিকল্পকম্ .
ইত্ত্যেবাখণ্ডযা বৃত্ত্যা তিষ্ঠ ব্রহ্মণি নিষ্ক্রিযে .. ৭৯০..
অখণ্ডামেবৈতাং ঘটিতপরমানন্দলহরীং
পরিধ্বস্তদ্বৈতপ্রমিতিমমলাং বৃত্তিমনিশম্ .
অমুঞ্চানঃ স্বাত্মন্যনুপমসুখে ব্রহ্মণি পরে
রমস্ব প্রারব্ধং ক্ষপয সুখবৃত্ত্য ত্বমনযা .. ৭৯১..
ব্রহ্মানন্দরসাস্বাদতত্পরেণৈব চেতসা .
সমাধিনিষ্ঠতো ভূত্বা তিষ্ঠ বিদ্বন্সদা মুনে .. ৭৯২..
শিষ্যঃ –
অখণ্ডাখ্যা বৃত্তিরেষা বাক্যার্থশ্রুতিমাত্রতঃ .
শ্রোতুঃ সংজাযতে কিং বা ক্রিযান্তরমপেক্ষতে .. ৭৯৩..
সমাধিঃ কঃ কতিবিধস্তত্সিদ্ধেঃ কিমু সাধনম্ .
সমাধেরন্তরাযাঃ কে সর্বমেতন্নিরুপ্যতাম্ .. ৭৯৪..

verses 795-818 The fitness of the aspirant
.. ৩৯ .. অধিকারঃ ..
শ্রীগুরুঃ –
মুখ্যগৌণাদিভেদেন বিদ্যন্তেঽত্রাধিকারিণঃ .
তেষং প্রজ্ঞানুসারেণাখণ্ডা বৃত্তিরুদেষ্যতে .. ৭৯৫..
শ্রদ্ধাভক্তিপুরঃসরেণ বিহিতেনৈবেশ্বরং কর্মণা
সংতোষ্যার্জিততত্প্রসাদমহিমা জন্মান্তরষ্বেব যঃ .
নিত্যানিত্যবিবেকতীব্রবিরতিন্যাসাদিভিঃ সাধনৈ-
র্যুক্তঃ সঃ শ্রবণে সতামভিমতো মুখ্যাধিকারি দ্বিজঃ .. ৭৯৬..
অধ্যারোপাপবাদক্রমমনুসরতা দেশিকেনাত্র বেত্রা
বাক্যার্থে বোধ্যমানে সতি সপদি সতঃ শুদ্ধবুদ্ধেরমুষ্য .
নিত্যানন্দাদ্বিতীযং নিরুপমমমলং যত্পরং তত্ত্বমেকম্
তদ্ব্রহ্মৈবাহমস্মীত্যুদযতি পরমাখণ্ডতাকারবৃত্তিঃ .. ৭৯৭..
অখণ্ডাকারবৃত্তিঃ সা চিদাভাসসমন্বিতা .
আত্মাভিন্নং পরং ব্রহ্ম বিষযীকৃত্য কেবলম্ .. ৭৯৮..
বাধতে তদ্গতাজ্ঞানং যদাবরণলক্ষণম্ .
অখণ্ডাকারযা বৃত্ত্যা ত্বজ্ঞানে বাধিতে সতি .. ৭৯৯..
তত্কার্যং সকলং তেন সমং ভবতি বাধিতম্ .
তন্তুদাহে তু তত্কার্যপটদাহো যথা তথা .. ৮০০..
তস্য কার্যতযা জীববৃত্তির্ভবতি বাধিতা .
উপপ্রভা যথা সূর্যং প্রকাশযিতুমক্ষমা .. ৮০১..
তদ্বদেব চিদাভাসচৈতন্যং বৃত্তিসংস্থিতম্ .
স্বপ্রকাশং পরং ব্রহ্ম প্রকাশযিতুমক্ষমম্ .. ৮০২..
প্রচাণ্ডাতপমধ্যস্থদীপবন্নষ্টদীধিতিঃ .
তত্তেজসাভিভূতং সল্লীনোপাধিতযা ততঃ .. ৮০৩..
বিম্বভূতপরব্রহ্মমাত্রং ভবতি কেবলম্ .
যথাপনীতে ত্বাদর্শে প্রতিবিম্বমুখং স্বযম্ .. ৮০৪..
মুখমাত্রং ভবেত্তদ্বদেতচ্চোপাধিসংক্ষযাত্ .
ঘটাজ্ঞানে যথা বৃত্ত্যা ব্যাপ্তযা বাধিতে সতি .. ৮০৫,,
ঘটং বিস্ফুরযত্যেষঃ চিদাভাসঃ স্বতেজসা .
ন তথা স্বপ্রভে ব্রহ্মণ্যাভাস উপযুজ্যতে .. ৮০৬..
অত এব মতং বৃত্তিব্যাপ্যত্বং বস্তুনঃ সতাম্ .
ন ফলব্যাপ্যতা তেন ন বিরোধঃ পরস্পরম্ .. ৮০৭..
শ্রুত্যোদিতস্ততো ব্রহ্ম জ্ঞেযং বুদ্ধ্যৈব সূক্ষ্মযা .
প্রজ্ঞামান্দ্যং ভবেদ্যেষাং তেষাং ন শ্রুতিমাত্রতঃ .. ৮০৮..
স্যাদখণ্ডাকারবৃত্তির্বিনা তু মননাদিনা .
শ্রবণান্মননাদ্ধ্যানাত্তাত্পর্যেণ নিরন্তরম্ .. ৮০৯..
বুদ্ধেঃ সূক্ষ্মত্বমাযাতি ততো বস্তূপলভ্যতে .
মন্দপ্রজ্ঞাবতাং তস্মাত্করণীযং পুনঃ পুনঃ .. ৮১০..
শ্রবণং মননং ধ্যানং সম্যগ্বস্তূপলব্ধযে .
সর্ববেদান্তবাক্যানাং ষড্ভির্লিঙ্গৈঃ সদদ্বযে .. ৮১১..
পরে ব্রহ্মণি তাত্পর্যনিশ্চযং শ্রবণং বিদুঃ .
শ্রুতস্যৈবাদ্বিতীযস্য বস্তুনঃ প্রত্যগাত্মনঃ .. ৮১২..
বেদান্তবাক্যানুগুণযুক্তিভিস্ত্বনুচিন্তনম্ .
মননং তত্চ্ছৃতার্থস্য সাক্ষাত্করণকারণম্ .. ৮১৩..
বিজাতীযশরীরাদিপ্রত্যযত্যাগপূর্বকম্ .
সজাতীযাত্মবৃত্তীনাং প্রবাহকরণং যথা .. ৮১৪..
তৈলধারাবদচ্ছিন্নবৃত্ত্যা তদ্ধ্যানমিষ্যতে .
তাবত্কালং প্রযত্নেন কর্তব্যং শ্রবণং সদা .. ৮১৫..
প্রমাণসংশযো যাবত্স্ববুদ্ধের্ন নিবর্ততে .
প্রমেযসংশযো যাবত্তাবত্তু শ্রুতিযুক্তিভিঃ .. ৮১৬..
আত্মযাতার্থ্যনিশ্চিত্ত্যৈ কর্তব্যং মননং মুহুঃ .
বিপরীতাত্মধীর্যাবন্ন বিনশ্যতি চেতসি .
তাবন্নিরন্তরং ধ্যানং কর্তব্যং মোক্ষমিচ্ছতা .. ৮১৭..
যাবন্ন তর্কেণ নিরাসিতোঽপি
দৃশ্যপ্রপঞ্চস্ত্বপরোক্ষবোধাত্ .
বিলীযতে তাবদমুষ্য ভিক্ষো-
র্ধ্যানাদি সম্যক্করণিযমেব .. ৮১৮..

verses 819-826 Samadhi, absolute and relative
.. ৪০ .. সবিকল্পঃ-নির্বিকল্পঃ সমাধিঃ ..
সবিকল্পো নির্বিকল্প ইতি দ্বেধা নিগদ্যতে .
সমাধিঃ সবিকল্পস্য লক্ষণং বচ্মি তচ্ছৃণু .. ৮১৯..
জ্ঞাত্রাদ্যবিলযেনৈব জ্ঞেযে ব্রহ্মণি কেবলে .
তদাকারাকারিতযা চিত্তবৃত্তেরবস্থিতিঃ .. ৮২০..
সদ্ভিঃ স এব বিজ্ঞেযঃ সমাধিঃ সবিকল্পকঃ .
মৃদ এবাবভানেঽপি মৃণ্মযদ্বিপভানবত্ .. ৮২১..
সন্মাত্রবস্তুভানেঽপি ত্রিপুটী ভাতি সন্মযী .
সমাধিরত এবাযং সবিকল্প বিতীর্যতে .. ৮২২..
জ্ঞাত্রাদিভবমুত্সৃজ্য জ্ঞেযমাত্রস্থিতির্দৃঢা .
মনসো নির্বিকল্পঃ স্যাত্সমাধির্যোগসংজ্ঞিতঃ .. ৮২৩..
জলে নিক্ষিপ্তলবণং জলমাত্রতযা স্থিতম্ .
পৃথঙ্ ন ভাতি কিং ত্বম্ভ একমেবাবভাসতে .. ৮২৪..
যথা তথৈব সা বৃত্তির্ব্রহ্মমাত্রতযা স্থিতা .
পৃথঙ্ ন ভাতি ব্রহ্মৈবাদ্বিতীযমবভাসতে .. ৮২৫..
জ্ঞাত্রাদিকল্পনাভাবান্মতোঽযং নির্বিকল্পকঃ .
বৃত্তেঃ সদ্ভাববাধাভ্যামুভযোর্ভেদ ইষ্যতে .. ৮২৬..

verses 827-865 The internal nature of samadhi
.. ৪১ .. সমাধিলক্ষণম্ ..
সমাধিসুপ্ত্যোর্ধ্যানং চাজ্ঞানং সুপ্ত্যাত্র নেষ্যতে .
সবিকল্পো নির্বিকল্পঃ সমাধির্দ্বাবিমৌ হৃদি .. ৮২৭..
মুমুক্ষোর্যত্নতঃ কার্যৌ বিপরীতনিবৃত্তযে .
কৃতেঽস্মিন্বিপরীতাযা ভাবনাযা নিবর্তনম্ .. ৮২৮..
জ্ঞানস্যাপ্রতিবদ্ধত্ত্বং সদানন্দশ্চ সিদ্ধ্যতি .
দৃশ্যানুবিদ্ধঃ শব্দানুবিদ্ধশ্চেতি দ্বিধা মতঃ .. ৮২৯..
সবিকল্পস্তযোর্যত্তলক্ষণং বচ্মি তচ্ছৃণু .
কামাদিপ্রত্যযৈর্দৃশ্যৈঃ সংসর্গো যত্র দৃশ্যতে .. ৮৩০..
সোঽযং দৃশ্যানুবিদ্ধঃ স্যাত্সমাধিঃ সবিকল্পকঃ .
অহংমমেদমিত্যাদিকামক্রোধাদিবৃত্তযঃ .. ৮৩১..
দৃশ্যন্তে যেন সংদৃষ্টা দৃশ্যাঃ স্যুরহমাদযঃ .
কামাদিসর্ববৃত্তীনাং দ্রষ্টারমবিকারণম্ .. ৮৩২..
সাক্ষিণং স্বং বিজানীযাদ্যস্তাঃ পশ্যতি নিষ্ক্রিযঃ .
কামাদীনামহং সাক্ষী দৃশ্যন্তে তে মযা ততঃ .. ৮৩৩..
ইতি সাক্ষিতযাত্মানং জানাত্যাত্মনি সাক্ষিণম্ .
দৃশ্যং কামাদি সকলং স্বাত্মন্যেব বিলাপযেত্ ..
নাহং দেহো নাপ্যসুর্নাক্ষবর্গো
নাহংকারো নো মনো নাপি বুদ্ধিঃ .
অন্তস্তেষাং চাপি তদ্বিক্রিযাণাং
সাক্ষী নিত্যঃ প্রত্যগেবাহমস্মি .. ৮৩৫..
বাচঃ সাক্ষী প্রাণবৃত্তেশ্চ সাক্ষী
বুদ্ধেঃ সাক্ষী বুদ্ধিবৃত্তেশ্চ সাক্ষী .
চক্ষুঃশ্রোত্রাদীন্দ্রিযাণাং চ সাক্ষী
সাক্ষী নিত্যঃ প্রত্যগেবাহমস্মি .. ৮৩৬..
নাহং স্থূলো নাপি সূক্ষ্মো ন দীর্ঘো
নাহং বালো নো যুবা নাপি বৃদ্ধঃ .
নাহং কাণো নাপি মূকো ন ষণ্ডঃ
সাক্ষী নিত্যঃ প্রত্যগেবাহমস্মি .. ৮৩৭..
নাস্ম্যাগন্তা নাপি গন্তা ন হন্তা
নাহং কর্তা ন প্রযোক্তা ন বক্তা .
নাহং ভোক্তা নো সুখী নৈব দুঃখী
সাক্ষী নিত্যঃ প্রত্যগেবাহমস্মি .. ৮৩৮..
নাহং যোগী নো বিযোগী ন রাগী
নাহং ক্রোধী নৈব কামী ন লোভী .
নাহং বদ্ধো নাপি যুক্তো ন মুক্তঃ
সাক্ষী নিত্যঃ প্রত্যগেবাহমস্মি .. ৮৩৯..
নান্তঃপ্রজ্ঞো নো বহিঃপ্রজ্ঞকো বা
নৈব প্রজ্ঞো নাপি চাপ্রজ্ঞ এষঃ .
নাহং শ্রোতা নাপি মন্তা ন বোদ্ধা
সাক্ষী নিত্যঃ প্রত্যগেবাহমস্মি .. ৮৪০..
ন মেঽস্তি দেহেন্দ্রিযবুদ্ধিযোগো
ন পুণ্যলেশোঽপি ন পাপলেশঃ .
ক্ষুধাপিপাসাদিষডূর্মিদূরঃ
সদা বিমুক্তোঽস্মি চিদেব কেবলঃ .. ৮৪১..
অপাণিপাদোঽহমবাগচক্ষুষী
অপ্রাণ এবাস্ম্যমনা হ্যবুদ্ধিঃ .
ব্যোমেব পূর্ণোঽস্মি বিনির্মলোঽস্মি
সদৈকরূপোঽস্মি চিদেব কেবলঃ .. ৮৪২..
ইতি স্বমাত্মানমবেক্ষমাণঃ
প্রতীতদৃশ্যং প্রবিলাপযন্সদা .
জহাতি বিদ্বান্বিপরীতভাবং
স্বাভাবিকং ভ্রান্তিবশাত্প্রতীতম্ .. ৮৪৩..
বিপরীতাত্মতাস্ফূর্তিরেব মুক্তিরিতীর্যতে .
সদা সমাহিতস্যৈব সৈষা সিদ্ধ্যতি নান্যথা .. ৮৪৪..
ন বেষভাষাভিরমুষ্য মুক্তি-
র্যা কেবলাখণ্ডচিদাত্মনা স্থিতিঃ .
তত্সিদ্ধযে স্বাত্মনি সর্বদা স্থিতো
জহ্যাদহংতাং মমতামুপাধৌ .. ৮৪৫..
স্বাত্মতত্ত্বং সমালম্ব্য কুর্যাত্প্রকৃতিনাশনম্ .
তেনৈব মুক্তো ভবতি নান্যথা কর্মকোটিভিঃ .. ৮৪৬..
জ্ঞাত্বা দেবং সর্বপাশাপহানিঃ
ক্ষীণৈঃ ক্লেশৈর্জন্মমৃত্যুপ্রহানিঃ .
ইত্যেবৈষা বৈদিকী বাগ্ব্রবীতি
ক্লেশক্ষত্যাং জন্মমৃত্যুপ্রহানিম্ .. ৮৪৭..
ভূযো জন্মাদ্যপ্রসক্তির্বিমুক্তিঃ
ক্লেশক্ষত্যাং ভাতি জন্মাদ্যভাবঃ .
ক্লেশক্ষত্যা হেতুরাত্মৈকনিষ্ঠা
তস্মাত্কার্যা হ্যাত্মনিষ্ঠা মুমুক্ষোঃ .. ৮৪৮..
ক্লেশাঃ স্যুর্বাসনা এব জন্তোর্জন্মাদিকারণম্ .
জ্ঞাননিষ্ঠাগ্নিনা দাহে তাসাং নো জন্মহেতুতা .. ৮৪৯..
বীজান্যগ্নিপ্রদগ্ধানি ন রোহন্তি যথা পুনঃ .
জ্ঞানদগ্ধৈস্তথা ক্লেশৈর্নাত্মা সংপদ্যতে পুনঃ .. ৮৫০..
তস্মান্মুমুক্ষোঃ কর্তব্যা জ্ঞাননিষ্ঠা প্রযত্নতঃ .
নিঃশেষবাসনাক্ষত্যৈ বিপরীতনিবৃত্তযে .. ৮৫১..
জ্ঞাননিষ্ঠাতত্পরস্য নৈব কর্মোপযুজ্যতে .
কর্মণো জ্ঞাননিষ্ঠাযা ন মিধ্যতি সহস্থিতিঃ .. ৮৫২..
পরস্পরবিরুদ্ধত্বাত্তযোর্ভিন্নস্বভাবযোঃ .
কর্তৃত্বভাবনাপূর্বং কর্ম জ্ঞানং বিলক্ষণম্ .. ৮৫৩..
দেহাত্মবুদ্ধের্বিচ্ছিত্ত্যৈ জ্ঞানং কর্ম বিবৃদ্ধযে .
অজ্ঞানমূলকং কর্ম জ্ঞানং তু ভযনাশকম্ .. ৮৫৪..
জ্ঞানেন কর্মণো যোগঃ কথং সিদ্ধ্যতি বৈরিণা .
সহযোগো ন ঘটতে যথা তিমিরতেজসোঃ .. ৮৫৫..
নিমেষোন্মেষযোর্বাপি তথৈব জ্ঞানকর্মণোহ্ .
প্রতীচিং পশ্যতঃ পুংসাং কুতঃ প্রচীবিলোকনম্ .
প্রত্যক্প্রবণচিত্তস্য কুতঃ কর্মণি যোগ্যতা .. ৮৫৬..
জ্ঞানৈকনিষ্ঠানিরতস্য ভিক্ষো-
র্নৈবাবকাশোঽস্তি হি কর্মতন্ত্রে .
তদেব কর্মাস্য তদেব সন্ধ্যা
তদেব সর্বং ন ততোঽন্যদস্তি .. ৮৫৭..
বুদ্ধিকল্পিতমালিন্যক্ষালনং স্নানমাত্মনঃ .
তেনৈব শুদ্ধিরেতস্য ন মৃদা ন জলেন চ .. ৮৫৮..
স্বস্বরূপে মনঃস্থানমনুষ্ঠানং তদিষ্যতে .
করণত্রযসধ্যং যত্তন্মৃষা তদসত্যতঃ .. ৮৫৯..
বিনিষিধ্যাখিলং দৃশ্যং স্বস্বরূপেণ যা স্থিতিঃ .
সা সন্ধ্যা তদনুষ্ঠানং তদ্দানং তদ্ধি ভোজনম্ .. ৮৬০..
বিজ্ঞাতপরমার্থানাং শুদ্ধসত্ত্বাত্মনাং সতাম্ .
যতীনাং কিমনুষ্ঠানং স্বানুসন্ধিং বিনাপরম্ .. ৮৬১..
তস্মাত্ক্রিযান্তরং ত্যক্ত্বা জ্ঞাননিষ্ঠাপরো যতিঃ .
সদাত্মনিষ্ঠযা তিষ্ঠেন্নিশ্চলস্তত্পরাযণঃ .. ৮৬২..
কর্তব্যং স্বোচিতং কর্ম যোগমারোঢুমিচ্ছতা .
আরোহণং কুর্বতস্তু কর্ম নারোহণং মতম্ .. ৮৬৩..
যোগং সমারোহতি যো মুমুক্ষুঃ
ক্রিযান্তরং তস্য ন যুক্তমীষত্ .
ক্রিযান্তরাসক্তমনাঃ পতত্যসৌ
তালদ্রুমারোহণকর্তৃবদ্ধ্রুবম্ .. ৮৬৪..
যোগারূঢস্য সিদ্ধস্য কৃতকৃত্যস্য ধীমতঃ .
নাস্ত্যেব হি বহির্দৃষ্টিঃ কা কথা তত্র কর্মণাম্ .
দৃশ্যানুবিদ্ধঃ কথিতঃ সমাধিঃ সবিকল্পকঃ .. ৮৬৫..

verses 866-898 Deep concentration blended with the sruti
.. ৪২ .. শ্রুত্যবগম্যং তথ্যম্ ..
শুদ্ধোঽহং বুদ্ধোঽহং প্রত্যগ্রূপেণ নিত্যসিদ্ধোঽহম্ .
শান্তোঽহমনন্তোঽহং সততপরানন্দসিন্ধুরেবাহম্ .. ৮৬৬..
আদ্যোঽহমনাদ্যোঽহং বাঙ্মনসা সাধ্যবস্তুমাত্রোঽহম্ .
নিগমবচোবেদ্যোঽহমনবদ্যাখণ্ডবোধরূপোঽহম্ .. ৮৬৭..
বিদিতাবিদিতান্যোঽহং মাযাতত্কার্যলেশশূন্যোঽহম্ .
কেবলদৃগাত্মকোঽহং সংবিন্মাত্রঃ সকৃদ্বিভাতোঽহম্ .. ৮৬৮..
অপরোঽহমনপরোঽহং বহিরন্তশ্চাপি পূর্ণ এবাহম্ .
অজরোঽহমক্ষরোঽহং নিত্যানন্দোঽহমদ্বিতীযোঽহম্ .. ৮৬৯..
প্রত্যগভিন্নখণ্ডং সত্যজ্ঞাদিলক্ষণং শুদ্ধম্ .
শ্রুত্যবগম্যং তথ্যং ব্রহ্মৈবাহং পরং জ্যোতিঃ .. ৮৭০..
এবং সন্মাত্রগাহিন্যা বৃত্ত্যা তন্মাত্রগাহকৈঃ .
শব্দৈঃ সমর্পিতং বস্তু ভাবযেন্নিশ্চলো যতিঃ .. ৮৭১..
কামাদিদৃশ্যপ্রবিলাপপূর্বকং
শুদ্ধোঽহমিত্যাদিকশব্দমিশ্রঃ .
দৃশ্যেব নিষ্ঠস্য য এষ ভাবঃ
শব্দানুবিদ্ধঃ কথিতঃ সমাধিঃ .. ৮৭২..
দৃশ্যাস্যাপি চ সাক্ষিত্বাত্সমুল্লেখনমাত্মনি .
নিবর্তকমনোবস্থা নির্বিকল্প ইতীর্যতে .. ৮৭৩..
সবিকল্পসমাধিং যো দীর্ঘকালং নিরন্তরম্ .
সংস্কারপূর্বকং কুর্যান্নির্বিকল্পোঽস্য সিদ্ধ্যতি .. ৮৭৪..
নির্বিকল্পকসমাধিনিষ্ঠযা
তিষ্ঠতো ভবতি নিত্যতা ধ্রুবম্ .
উদ্ভবাদ্যপগতির্নিরগলা
নিত্যনিশ্চলনিরতনির্বৃতিঃ .. ৮৭৫..
বিদ্বানহমিদমিতি বা কিংচি-
দ্বাহ্য্যাভ্যন্তরবেদনশূন্যঃ .
স্বানন্দামৃতসিন্ধুনিমগ্ন-
স্তূষ্ণীমাস্তে কশ্চিদনন্যঃ .. ৮৭৬..
নির্বিকল্পং পরং ব্রহ্ম যত্তস্মিন্নেব নিষ্ঠিতাঃ .
এতে ধন্যা এব মুক্তা জীবন্তোঽপি বহির্দৃশাম্ .. ৮৭৭..
যথা সমাধিত্রিতযং যত্নেন ক্রিযতে হৃদি .
তথৈব বাহ্যদেশেঽপি কার্যং দ্বৈতনিবৃত্তযে .. ৮৭৮..
তত্প্রকারং প্রবক্ষ্যামি নিশাময সমাসতঃ .
অধিষ্ঠনং পরং ব্রহ্ম সচ্চিদানন্দলক্ষণম্ .. ৮৭৯..
তত্রাধ্যস্তমিদং ভাতি নামরূপাত্মকং জগত্ .
সত্ত্বং চিত্ত্বং তথানন্দরূপং যদ্ব্রহ্মণস্ত্রযম্ .. ৮৮০..
অধ্যস্তজগতো রূপং নামরূপমিদং দ্বযম্ .
এতানি সচ্চিন্দানন্দনামরূপাণি পঞ্চ চ .. ৮৮১..
একীকৃত্যোচ্যতে মূর্খৈরিদং বিশ্বমিতি ভ্রমাত্ .
শৈত্যং শ্বেতং রসং দ্রাব্যং তরঙ্গ ইতি নাম চ .. ৮৮২..
একীকৃত্য তরঙ্গোঽযমিতি নির্দিশ্যতে যথা .
আরোপিতে নামরূপে উপেক্ষ্য ব্রহ্মণঃ সতঃ .. ৮৮৩..
স্বরূপমাত্রগ্রহণং সমাধির্বাহ্য আদিমঃ .
সচ্চিদানন্দরূপস্য সকাশাদ্ব্রহ্মণো যতিঃ .. ৮৮৪..
নামরূপে পৃথক্কৃত্বা ব্রহ্মণ্যেব বিলাপযন্ .
অধিষ্ঠানং পরং ব্রহ্ম সচ্চিদানন্দমদ্বযম্ .
যত্তদেবাহমিত্যেব নিশ্চিতাত্মা ভবেদ্ধ্রুবম্ .. ৮৮৫..
ইযং ভূর্ন সন্নাপি তোযং ন তেজো
ন বাযুর্ন খং নাপি তত্কার্যজাতম্ .
যদেষামধিষ্ঠানভূতং বিশুদ্ধং
সদেকং পরং সত্তদেবাহমস্মি .. ৮৮৬..
ন শব্দো ন রূপং ন চ স্পর্শকো বা
তথা ন রসো নাপি গন্ধো ন চান্যঃ .
যদেষামধিষ্ঠানভূতং বিশুদ্ধং
সদেকং পরং সত্তদেবাহমস্মি .. ৮৮৭..
ন সদ্দ্রব্যজাতং গুণা ন ক্রিযা বা
ন জাতির্বিশেষো ন চান্যঃ কদাপি .
যদেষমধিষ্ঠানভূতং বিশুদ্ধং
সদেকং পরং সত্তদেবাহমস্মি .. ৮৮৮..
ন দেহো ন চাক্ষাণি ন প্রাণবাযু-
র্মনো নাপি বুদ্ধির্ন চিত্তং হ্যহংধীঃ .
যদেষমধিষ্ঠানভূতং বিশুদ্ধং
সদেকং পরং সত্তদেবাহমস্মি .. ৮৮৯..
ন দেশো ন কালো ন দিগ্বাপি সত্স্যা-
ন্ন বস্ত্বন্তরং স্থূলসূক্ষ্মাদিরূপম্ .
যদেষামধিষ্ঠানভূতং বিশুদ্ধং
সদেকং পরং সত্তদেবাহমস্মি .. ৮৯০..
এতদ্দৃশ্যং নামরূপাত্মকং যঃ
অধিষ্ঠানং তদ্ব্রহ্ম সত্যং সদেতি .
গচ্ছংস্তিষ্ঠন্বা শযানোঽপি নিত্যং
কুর্যাদ্বিদ্বান্বাহ্যদৃশ্যানুবিদ্ধম্ .. ৮৯১..
অধ্যস্তনামরূপাদিপ্রবিলাপেন নির্মলম্ .
অদ্বৈতং পরমানন্দং ব্রহ্মৈবাস্মীতি ভাবযেত্ .. ৮৯২..
নির্বিকারং নিরাকারং নিরঞ্জনমনামযম্ .
আদ্যন্তরহিতং পূর্ণং ব্রহ্মৈবাহং ন সংশযঃ .. ৮৯৩..
নিষ্কলঙ্কং নিরাতঙ্কং ত্রিবিধচ্ছেদবর্জিতম্ .
আনন্দমক্ষরং মুক্তং ব্রহ্মৈবাস্মীতি ভাবযেত্ .. ৮৯৪..
নির্বিশেষং নিরাভাসং নিত্যমুক্তমবিক্রিযম্ .
প্রজ্ঞানৈকরসং সত্যং ব্রহ্মৈবাস্মীতি ভাবযেত্ .. ৮৯৫..
শুদ্ধং বুদ্ধং তত্ত্বসিদ্ধং পরং প্রত্যগখণ্ডিতম্ .
স্বপ্রকাশং পরাকাশং ব্রহ্মৈবাস্মীতি ভাবযেত্ .. ৮৯৬..
সুসূক্ষ্মমস্তিতামাত্রং নির্বিকল্পং মহত্তমম্ .
কেবলং পরমাদ্বৈতং ব্রহ্মৈবাস্মীতি ভাবযেত্ .. ৮৯৭..
ইত্যেবং নির্বিকাদিশব্দমাত্রসমর্পিতম্ .
ধ্যাযতঃ কেবলং বস্তু লক্ষ্যে চিত্তং প্রতিষ্ঠতি .. ৮৯৮..

verses 899-908 Nirvikalpa samadhi, absolute concentration
.. ৪৩ .. সমাধিরকল্পকঃ ..
ব্রহ্মানন্দরসাবেশাদেকীভূয তদাত্মনা .
বৃত্তের্যা নিশ্চলাবস্থা স সমাধিরকল্পকঃ .. ৮৯৯..
উত্থানে বাপ্যনুত্থানেঽপ্যপ্রমত্তো জিতেন্দ্রিযঃ .
সমাধিষট্কং কুর্বীত সর্বদা প্রযতো যতিঃ .. ৯০০..
বিপরিতার্থধীর্যাবন্ন নিঃশেষং নিবর্ততে .
স্বরূপস্ফুরণং যাবন্ন প্রসিদ্ধ্যর্থনির্গলম্ .
তাবত্সমাধিষট্কেন নযেত্কালং নিরন্তরম্ .. ৯০১..
ন প্রমাদোঽত্র কর্তব্যো বিদুষা মোক্ষমিচ্ছতা .
প্রমাদে জৃম্ভতে মাযা সূর্যাপাযে তমো যথা .. ৯০২..
স্বানুভূতিং পরিত্যজ্য ন তিষ্ঠন্তি ক্ষণং বুধাঃ .
স্বানুভূতৌ প্রমাদো যঃ স মৃত্যুর্ন যমঃ সতাম্ .. ৯০৩..
অস্মিন্সমাধৌ কুরুতে প্রযাসং
যস্তস্য নৈবাস্তি পুনর্বিকল্পঃ .
সর্বাত্মভাবোঽপ্যমুনৈব সিদ্ধেত্
সর্বাত্মভাবঃ খলু কেবলত্বম্ .. ৯০৪..
সর্বাত্মভাবো বিদুষো ব্রহ্মবিদ্যাফলং বিদুঃ .
জীবন্মুক্তস্য তস্যৈব স্বানন্দানুভবঃ ফলম্ .. ৯০৫..
যোঽহং মমেত্যাদ্যসদাত্মগাহকো
গ্রন্থির্লযং যাতি স বাসনামযঃ .
সমাধিনা নশ্যতি কর্মবন্ধো
ব্রহ্মাত্মবোধোঽপ্রতিবন্ধ ইষ্যতে .. ৯০৬..
এষ নিষ্কণ্টকঃ পন্থা মুক্তের্ব্রহ্মাত্মনা স্থিতেঃ .
শুদ্ধাত্মনাং মুমুক্ষূণাং যত্সদেকত্বদর্শনম্ .. ৯০৭..
তস্মাত্ত্বং চাপ্যপ্রমত্তঃ সমাধী-
ন্কৃত্বা গ্রন্থিং সাধু নির্দহ্য যুক্তঃ .
নিত্যং ব্রহ্মানন্দপীযূষসিন্ধৌ
মজ্জন্ক্রীডন্মোদমানো রমস্ব .. ৯০৮..

verses 909-921 Yoga, or union with Brahman
.. ৪৪ .. যোগঃ ..
নির্বিকল্প সমাধির্যো বৃত্তির্নৈশ্চল্যলক্ষণা .
তমেব যোগ ইত্যাহুর্যোগশাস্ত্রার্থকোবিদাঃ .. ৯০৯..
অষ্টাবঙ্গানি যোগস্য যমো নিযম আসনম্ .
প্রাণাযামস্তথা প্রত্যাহারশ্চাপি চ ধারণা .. ৯১০..
ধ্যানং সমাধিরিত্যেব নিগদন্তি মনীষিণঃ .
সর্বং ব্রহ্মেতি বিজ্ঞানাদিন্দ্রিযগ্রামসংযমঃ .. ৯১১..
যমোঽযমিতি সংপ্রোক্তোঽভ্যসনীযো মুহুর্মুহুঃ .
সজাতীযপ্রবাহশ্চ বিজাতীযতিরস্কৃতিঃ .. ৯১২..
নিযমো হি পরানন্দো নিযমাত্ক্রিযতে বুধৈঃ .
সুখেনৈব ভবেদ্যস্মিন্নজস্রং ব্রহ্মচিন্তনম্ .. ৯১৩..
আসনং তদ্বিজানীযাদিতরত্সুখনাশনম্ .
চিত্তাদিসর্বভাবেষু ব্রহ্মত্বেনৈব ভাবনাত্ .. ৯১৪..
নিরোধঃ সর্ববৃত্তীনাং প্রাণাযামঃ স উচ্যতে .
নিষেধনং প্রপঞ্চস্য রেচকাখ্যঃ সমীরণঃ .. ৯১৫..
ব্রহ্মৈবাস্মীতি যা বৃত্তিঃ পূরকো বাযুরীরিতঃ .
ততস্তদ্বৃত্তিনৈশ্চল্যং কুম্ভকঃ প্রাণসংযমঃ .. ৯১৬..
অযং চাপি প্রবুদ্ধানামজ্ঞানাং প্রাণপীডনম্ .
বিষযেষ্বাত্মতাং ত্যক্ত্বা মনসশ্চিতি মজ্জনম্ .. ৯১৭..
প্রত্যাহারঃ স বিজ্ঞেযোঽভ্যসনীযো মুমুক্ষুভিঃ .
যত্র যত্র মনো যাতি ব্রহ্মণস্তত্র দর্শনাত্ .. ৯১৮..
মনসো ধারণং চৈব ধারণা সা পরা মতা .
ব্রহ্মৈবাস্মীতি সদ্বৃত্ত্যা নিরালম্বতযা স্থিতিঃ .. ৯১৯..
ধ্যানশব্দেন বিখ্যাতা পরমানন্দদাযিনি .
নির্বিকার তযা বৃত্ত্যা ব্রহ্মাকারতযা পুনঃ .. ৯২০..
বৃত্তিবিস্মরণং সম্যক্সমাধির্ধ্যানসংজ্ঞিকঃ .
সমাধৌ ক্রিযমাণে তু বিঘ্না হ্যাযন্তি বৈ বলাত্ .. ৯২১..

verses 922-923 The obstacles to yoga
.. ৪৫ .. যোগবিঘ্নাঃ ..
জনুসংধ্যানরাহিত্যমালস্যং ভোগলালসম্ .
ভযং তমশ্চ বিক্ষেপস্তেজস্পন্দশ্চ শূন্যতা .. ৯২২
এবং যদ্বিঘ্নবাহুল্যং ত্যাজ্যং তদ্ব্রহ্মবিজ্জনৈঃ .
বিঘ্নানেতান্পরিত্যক্ত্বা প্রমাদরহিতো বশী .
সমাধিনিষ্ঠযা ব্রহ্ম সাক্ষাদ্ভবিতুমর্হসি .. ৯২৩..

verses 924-937 Direct experience gained by right knowledge
.. ৪৬ .. স্বানুভূতিঃ ..
ইতি গুরুবচনাচ্ছৃতিপ্রমাণা-
ত্পরমবগম্য স্বতত্ত্বমাত্মযুক্ত্যা .
প্রশমিতকরণঃ সমাহিতাত্মা
ক্বচিদচলাকৃতিরাত্মনিষ্ঠিতোঽভূত্ .. ৯২৪..
বহুকালং সমাধায স্বস্বরূপে তু মানসম্ .
উত্থায পরমানন্দাদ্গুরুমেত্য পুনর্মুদা .. ৯২৫..
প্রমাণপূর্বকং ধীমান্সগদ্গদমুবাচ হ .
নমো নমস্তে গুরবে নিত্যানন্দস্বরূপিণে .. ৯২৬..
মুক্তসঙ্গায শান্তায ত্যক্তাহন্তায তে নমঃ .
দযাধাম্নে নমো ভূম্নে মহিম্নঃ পারমস্য তে .
নৈবাস্তি যত্কটাক্ষেণ ব্রহ্মৈবাভবমদ্বযম্ .. ৯২৭..
কিং করোমি ক্ব গচ্ছামি কিং গৃহ্ণামি ত্যজামি কিম্ .
যন্মযা পূরিতং বিশ্বং মহাকল্পাম্বুনা যথা .. ৯২৮..
মযি সুখবোধপযোধৌ মহতি ব্রহ্মাণ্ডবুদ্বুদসহস্রম্ .
মাযামযেন মরুতা ভূত্বা ভূত্বা পুনস্তিরোধত্তে .. ৯২৯..
নিত্যানন্দস্বরূপোঽহমাত্মাহং ত্বদনুগ্রহাত্ .
পূর্ণোঽহমনবদ্যোঽহং কেবলোঽহং চ সদ্গুরো .. ৯৩০..
অকর্তাহমভোক্তাহমবিকারোঽহমক্রিযঃ .
আনন্দঘন এবাহমসঙ্গোঽহং সদাশিবঃ .. ৯৩১..
ত্বত্কটাক্ষবরচান্দ্রচন্দ্রিকাপাতধূতভবতাপজঃ শ্রমঃ .
প্রাপ্তবানহমখণ্ডবৈভবানন্দমাত্মপদমক্ষযং ক্ষণাত্ .. ৯৩২..
ছাযযা স্পৃষ্টমুষ্ণং বা শীতং বা দুষ্টু সুষ্ঠু বা .
ন স্পৃশত্যেব যত্কিংচিত্পুরুষং তদ্বিলক্ষণম্ .. ৯৩৩..
ন সাক্ষিণং সাক্ষ্যধর্মা ন স্পৃশন্তি বিলক্ষণম্ .
অবিকারমুদাসীনং গৃহধর্মাঃ প্রদীপবত্ .. ৯৩৪..
রবের্যথা কর্মণি সাক্ষিভাবো
বহ্নের্যথা বাযসি দাহকত্বম্ .
রজ্জোর্যথারোপিতবস্তুসঙ্গ-
স্তথৈব কূটস্থচিদাত্মনো মে .. ৯৩৫..
ইত্যুক্ত্বা স গুরুং স্তুত্বা প্রশ্রযেণ কৃতানতিঃ .
মুমুক্ষোরুপকারায প্রষ্টব্যাংশমপৃচ্ছত .. ৯৩৬..
জীবন্মুক্তস্য ভগবন্ননুভূতেশ্চ লক্ষণম্ .
বিদেহমুক্তস্য চ মে কৃপযা ব্রূহি তত্ত্বতঃ .. ৯৩৭..

verses 938-948 The seven states of the mind
.. ৪৭ .. সপ্তভূমিকাঃ ..
শ্রীগুরুঃ –
বক্ষ্যে তুভ্যং জ্ঞানভূমিকাযা লক্ষণমাদিতঃ .
জ্ঞাতে যস্মিংস্ত্বযা সর্বং জ্ঞাতং স্যাত্ পৃষ্টমদ্য যত্ .. ৯৩৮..
জ্ঞানভূমিঃ শুভেচ্ছা স্যাত্প্রথমা সমুদীরিতা .
বিচারণা দ্বিতীযা তু তৃতীযা তনুমানসী .. ৯৩৯..
সত্ত্বাপত্তিশ্চতুর্থী স্যাত্ততোঽসংসক্তিনামিকা .
পদার্থভাবনা ষষ্ঠী সপ্তমী তুর্যগা স্মৃতা .. ৯৪০..
স্থিতঃ কিং মূঢ এবাস্মি প্রেক্ষ্যোঽহং শাস্ত্রসজ্জনৈঃ .
বৈরাগ্যপূর্বমিচ্ছেতি শুভেচ্ছা চোচ্যতে বুধৈঃ .. ৯৪১..
শাস্ত্রসজ্জনসংপর্কবৈরাগ্যাভাসপূর্বকম্ .
সদাচারপ্রবৃত্তির্যা প্রোচ্যতে সা বিচারণা .. ৯৪২..
বিচারণাশুভেচ্ছাভ্যামিন্দ্রিযার্থেষ্বরক্ততা .
যত্র সা তনুতামেতি প্রোচ্যতে তনুমানসী .. ৯৪৩..
ভূমিকাত্রিতযাভ্যাসাচ্চিত্তেঽর্থবিরতের্বশাত্ .
সত্ত্বাত্মনি স্থিতে শুদ্ধে সত্ত্বাপতীরুদাহৃতা .. ৯৪৪..
দশাচতুষ্টযাভ্যাসাদসংসর্গফলা তু যা .
রূঢসত্ত্বচমত্কারা প্রোক্তা সংসক্তিনামিকা .. ৯৪৫..
ভূমিকাপঞ্চিকাভ্যাসাত্স্বাত্মারামতযা ভৃশম্ .
আভ্যন্তরাণাং বাহ্যানাং পদার্থানামভাবনাত্ .. ৯৪৬..
পরপ্রযুক্তেন চিরপ্রযত্নেনাববোধনম্ .
পদার্থভাবনা নাম ষষ্ঠী ভবতি ভূমিকা .. ৯৪৭..
ষড্ভূমিকাচিরাভ্যাসাদ্ভেদস্যানুপলম্ভনাত্ .
যত্স্বভাবৈকনিষ্ঠত্বং সা জ্ঞেযা তুর্যগা গতিঃ .. ৯৪৮..

verses 949-978 The nature of knowledge
.. ৪৮ .. জ্ঞানলক্ষণম্ ..
ইদং মমেবি সর্বেষু দৃশ্যভাবেষ্বভাবনা .
জাগ্রজ্জাগ্রদিতি প্রাহুর্মহান্তো ব্রহ্মবিত্তমাঃ .. ৯৪৯..
বিদিত্বা সচ্চিদানন্দে মযি দৃশ্য পরম্পরাম্ .
নামরূপপরিত্যাগো জাগ্রত্স্বপ্নঃ সমীর্যতে .. ৯৫০..
পরিপূর্ণ চিদাকাশে মযি বোধাত্মতাং বিনা .
ন কিংচিদন্যদস্তীতি জাগ্রত্সুপ্তিঃ সমীর্যতে .. ৯৫১..
মূলাজ্ঞানবিনাশেন কারণাভাসচেষ্টিতৈঃ .
বন্ধো ন মেঽতিস্বল্পোঽপি স্বপ্নজাগ্রদিতীর্যতে .. ৯৫২..
কারণাজ্ঞাননাশাদ্যদ্দ্রষ্টৃদর্শনদৃশ্যতা .
ন কার্যমস্তি তজ্জ্ঞানং স্বপ্নস্বপ্নঃ সমীর্যতে .. ৯৫৩..
অতিসূক্ষ্মবিমর্শেন স্বধীবৃত্তিরচঞ্চলা .
বিলীযতে যদা বোধে স্বপ্নসুপ্তিরিতীর্যতে .. ৯৫৪..
চিন্মযাকারমতযো ধীবৃত্তিপ্রসরৈর্গতঃ .
আনন্দানুভবো বিদ্বন্ সুপ্তিজাগ্রদিতীর্যতে .. ৯৫৫..
বৃত্তৌ চিরানুভূতান্তরানন্দারুভবস্থিতৌ .
সমাত্মতাং যো যাত্যেষ সুপ্তিস্বপ্ন ইতীর্যতে .. ৯৫৬..
দৃশ্যধীবৃত্তিরেতস্য কেবলীভাবভাবনা .
পরং বোধৈকতাবাপ্তিঃ সুপ্তিসুপ্তিরিতীর্যতে .. ৯৫৭..
পরব্রহ্মবদাভাতি নির্বিকারৈকরূপিণীঃ .
সর্বাবস্থাসু ধারৈকা তুর্যাখ্যা পরিকীর্তিতা .. ৯৫৮..
ইত্যবস্থাসমুল্লাসং বিমৃশন্মুচ্যতে সুখী .
শুভেচ্ছাদিত্রযং ভূমিভেদাভেদযুতং স্মৃতম্ ..৯৫৯..
যথাবদ্ভেদবুদ্ধেদং জগজ্জাগ্রদিতীর্যতে .
অদ্বৈতে স্থৈর্যমাযাতে দ্বৈতে চ প্রশমং গতে .. ৯৬০..
শযন্তি স্বপ্নবল্লোকং তুর্যভূমিসুযোগতঃ .
পঞ্চমীং ভূমিমারুহ্য সুষুপ্তিপদনামিকাম্ .. ৯৬১..
শান্তাশেষবিশেষাংশস্তিষ্ঠেদদ্বৈতমাত্রকে .
অন্তর্মুখতযা নিত্যং ষষ্ঠীং ভূমিমুপাশ্রিতঃ .. ৯৬২..
পরিশ্রান্ততযা গাঢনিদ্রা লুরিব লক্ষ্যতে .
কুর্বন্নভ্যাসমেতস্যাং ভূম্যাং সম্যগ্বিবাসনঃ .. ৯৬৩..
তুর্যাবস্থাং সপ্তভূমিং ক্রমাত্প্রাপ্নোতি যোগিরাট্ .
বিদেহমুক্তিরেবাত্র তুর্যাতীতদশোচ্যতে .. ৯৬৪..
যত্র নাসন্ন সচ্চাপি নাহং নাপ্যনহংকৃতিঃ .
কেবলং ক্ষীণমনন আস্তেঽদ্বৈতেঽতিনির্ভযঃ .. ৯৬৫..
অন্তঃশূন্যো বহিঃশূন্যঃ শূন্যকুম্ভ ইবাম্বরে .
অন্তঃপূর্ণো বহিঃপূর্ণঃ পূর্ণকুম্ভ ইবার্ণবে .. ৯৬৬..
যথাস্থিতমিদং সর্বং ব্যবহারবতোঽপি চ .
অস্তং গতং স্থিতং ব্যোম স জীবন্মুক্ত উচ্যতে .. ৯৬৭..
নোদেতি নাস্তমাযাতি সুখদুঃখে মনঃ প্রভা .
যদাপ্রাপ্তস্থিতির্যস্য স জীবন্মুক্ত উচ্যতে .. ৯৬৮..
যো জাগর্তি সুষুপ্তিস্থো যস্য জাগ্রন্ন বিদ্যতে .
যস্য নির্বাসনো বোধঃ স জীবন্মুক্ত উচ্যতে .. ৯৬৯..
রাগদ্বেষভযাদীনামনুরূপং চরন্নপি .
যোঽন্তর্ব্যোমবদত্যচ্ছঃ স জীবন্মুক্ত উচ্যতে .. ৯৭০..
যস্য নাহংকৃতো ভাবো বুদ্ধির্যস্য ন লিপ্যতে .
কুর্বতোঽকুর্বতো বাপি স জীবন্মুক্ত উচ্যতে .. ৯৭১..
যঃ সমস্তার্থজালেষু ব্যবহার্থপি শীতলঃ .
পরার্থেষ্বিব পূর্ণাত্মা স জীবন্মুক্ত উচ্যতে .. ৯৭২..
দ্বৈতবর্জিতচিন্মাত্রে পদে পরমপাবনে .
অক্ষুব্ধচিত্তবিশ্রান্তঃ স জীবন্মুক্ত উচ্যতে .. ৯৭৩..
ইদং জগদযং সোঽযং দৃশ্যজাতমবাস্তবম্ .
যস্য চিত্তে ন স্ফুরতি স জীবন্মুক্ত উচ্যতে .. ৯৭৪..
চিদাত্মাহং পরাত্মাহং নির্গুণোঽহং পরাত্পরঃ .
আত্মমাত্রেণ যস্তিষ্ঠেত্স জীবন্মুক্ত উচ্যতে .. ৯৭৫..
দেহত্রযাতিরিক্তোঽহং শুদ্ধচৈতন্যমস্ম্যহম্ .
ব্রহ্মাহমিতি যস্যান্তঃ স জীবন্মুক্ত উচ্যতে .. ৯৭৬..
যস্য দেহাদিকং নাস্তি যস্য ব্রহ্মেতি নিশ্চযঃ .
পরমানন্দপূর্ণো যঃ স জীবন্মুক্ত উচ্যতে .. ৯৭৭..
অহং ব্রহ্মাস্ম্যহং ব্রহ্মাস্ম্যহং ব্রহ্মেতি নিশ্চযঃ .
চিদহং চিদহং চেতি স জীবন্মুক্ত উচ্যতে .. ৯৭৮..

verses 978-1006 Videhamukti, incorporeal liberation
.. ৪৯ .. বিদেহমুক্তিঃ ..
জীবন্মুক্তিপদং ত্যক্ত্বা স্বদেহে কালসাত্কৃতে .
বিশ্ত্যদেহমুক্তিত্বং পবনোঽস্পন্দতামিব .. ৯৭৯..
ততস্তত্সংবভূবাসৌ যদ্গিরামপ্যগোচরম্ .
যচ্ছুন্যবাদিনাং শূন্যং ব্রহ্ম ব্রহ্মবিদাং চ যত্ .. ৯৮০..
বিজ্ঞানং বিজ্ঞানবিদাং মলানাং চ মলাত্মকম্ .
পুরুষঃ সাংখ্যদৃষ্টীনামীশ্বরোযোগবাদিনাম্ .. ৯৮১..
শিবঃ শিবগমস্থানাং কালঃ কালৈকবাদিনাম্ .
যত্সর্বশাস্ত্রসিদ্ধান্তং যত্সর্বহৃদযানুগম্ .
যত্সর্বং সর্বগং বস্তু তত্তত্ত্বংতদসৌ স্মিতঃ .. ৯৮২..
ব্রহ্মৈবাহং চিদেবাহমেবং বাপি ন চিন্ত্যতে .
চিন্মাত্রমেব যস্তিষ্ঠেদ্বিদেহো মুক্ত এব সঃ .. ৯৮৩..
যস্য প্রপঞ্চভানং ন ব্রহ্মাকারমপীহ ন .
অতীতাতীতভাবো যো বিদেহো মুক্ত এব সঃ .. ৯৮৪..
চিত্তবৃত্তিরতীতো যশ্চিত্তবৃত্ত্যাবভাসকঃ .
চিত্তবৃত্তিবিহীনো যো বিদেহো মুক্ত এব সঃ .. ৯৮৫..
জীবাত্মেতি পরাত্মেতি সর্বচিন্তাবিবর্জিতঃ .
সর্বসংকল্পহীনাত্মা বিদেহো মুক্ত এব সঃ .. ৯৮৬..
ওংকারবাচ্যহীনাত্মা সর্ববাচ্যবিবর্জিতঃ .
অবস্থাত্রযহীনাত্মা বিদেহো মুক্ত এব সঃ .. ৯৮৭..
অহিনিল্বযনীসর্পনির্মোকো জীববর্জিতঃ .
বল্মীকে পতিতস্তিষ্ঠেত্তং সর্পো নাভিমন্যতে .. ৯৮৮..
এবং স্থূলং চ সূক্ষ্মং চ শরীরং নাভিমন্যতে .
প্রত্যগ্জ্ঞানশিখিধ্বস্তে মিথ্যাজ্ঞানে সহেতুকে .. ৯৮৯..
নেতি নেতীত্যরূপত্বাদশরীরো ভবত্যযম্ .
বিশ্বশ্চ তৈজসশ্চৈব প্রাজ্ঞশ্চেতি চ তে ত্রযম্ .. ৯৯০..
বিরাঙ্ হিরণ্যগর্ভশ্চ ঈশ্বরশ্চেতি চ তে ত্রযম্ .
ব্রহ্মাণ্ডং চৈব পিণ্ডাণ্ডং লোকা ভূরাদযঃ ক্রমাত্ .. ৯৯১..
স্বস্বোপাধিলযাদেব লীযন্তে প্রত্যগাত্মনি .
তূষ্ণীমেব ততস্তূষ্ণীং তূষ্ণীং সত্যং ন কিংচন .. ৯৯২..
কালভেদং বস্তুভেদং দেশভেদং স্বভেদকম্ .
কিংচিদ্ভেদং ন তস্যাস্তি কিংচিদ্বাপি ন বিদ্যতে .. ৯৯৩..
জীবেশ্বরেতি বাক্যে চ বেদশাস্ত্রেষ্বহং ত্বিতি .
ইদং চৈতন্যমেবেত্যহং চৈতন্যমিত্যপি .. ৯৯৪..
ইতি নিশ্চযশূন্যো যো বিদেহো মুক্ত এব সঃ .
ব্রহ্মৈব বিদ্যতে সাক্ষাদ্বস্তুতোঽবস্তুতোঽপি চ .. ৯৯৫..
তদ্বিদ্যাবিষযং ব্রহ্ম সত্যজ্ঞানসুখাত্মকম্ .
শান্তং চ তদতীতং চ পরং ব্রহ্ম তদুচ্যতে .. ৯৯৬..
সিদ্ধান্তোঽধ্যাত্মশাস্ত্রাণাং সর্বাপহ্নব এব হি .
নাবিদ্যাস্তীহ নো মাযা শান্তং ব্রহ্মৈব তদ্বিনা .. ৯৯৭..
প্রিযেষু স্বেষু সুকৃতমপ্রিযেষু চ দুষ্কৃতম্ .
বিসৃজ্য ধ্যানযোগেন ব্রহ্মাপ্যেতি সনাতনম্ .. ৯৯৮..
যাবদ্যবচ্চ সদ্বুদ্ধে স্বযং সংত্যজ্যতেঽখিলম্ .
তাবত্তাবত্পরানন্দঃ পরমাত্মৈব শিষ্যতে .. ৯৯৯..
যত্র যত্র মৃতো জ্ঞানী পরমাক্ষরবিত্সদা .
পরে ব্রহ্মণি লীযেত ন তস্যোত্কান্তিরিষ্যতে .. ১০০০..
যদ্যত্স্বামিমতং বস্তু তত্ত্যজন্মোক্ষমশ্নুতে .
অসংকল্পেন শস্ত্রেণ ছিন্নং চিত্তমিদং যদা .. ১০০১..
সর্বং সর্বগতং শান্তং ব্রহ্ম সংপদ্যতে তদা .
ইতি শ্রুত্বা গুরোর্বাক্যং শিষ্যস্তু ছিন্নসংশযঃ .. ১০০২..
জ্ঞাতজ্ঞেযঃ সংপ্রণম্য সদ্গুরোশ্চরণাংবুজম্ .
স তেন সমনুজ্ঞাতো যযৌ নির্মুক্তবন্ধনঃ .. ১০০৩..
গুরুরেষ সদানন্দসিন্ধৌ নির্মগ্নমানসঃ .
পাবযন্সুধাং সর্বং বিচচার নিরুত্তরঃ .. ১০০৪..
ইত্যাচার্যস্য শিষ্যস্য সংবাদেনাত্মলক্ষণম্ .
নিরূপিতং মুমুক্ষূণাং সুখবোধোপপত্তযে .. ১০০৫..
সর্ববেদান্তসিদ্ধান্তসারসংগ্রহনামকঃ .
গ্রন্থোঽযং হৃদযগ্রন্থিবিচ্ছিত্ত্যৈ রচিতঃ সতাম্ .. ১০০৬..
ইতি
শ্রীমত্পরমহংসপরিব্রাজকাচার্যস্য
শ্রীগোবিন্দভগবত্পূজ্যপাদশিষ্যস্য
শ্রীমচ্ছঙ্করভগবতঃ কৃতৌ
সর্ববেদান্তসিদ্ধান্তসারসংগ্রহঃ
সংপূর্ণঃ ..

.. ইতি..