পঞ্চিকরণং

.. পঞ্চিকরণং ..

ॐ
  শ্রীমচ্ছংকরাচার্যবিরচিতম্
  পঞ্চীকরণম্

ॐ পঞ্চীকৃতংপঞ্চমহাভূতানি তত্কার্যং
  চ সর্বং বিরাডিত্যুচ্যতে .
এতত্স্থুলশরিরমাত্মনঃ .
  ঈন্দ্রিযৈরর্থোপলব্ধির্জাগরিতম্ .
  তদুভযাভিমান্যাত্মা বিশ্বঃ .
এতত্ ত্রযমকারঃ .. ১..

অপঞ্চীকৃতপঞ্চমহাভূতানি পঞ্চতন্মাত্রণি
  তত্কার্যং চ পঞ্চ প্রাণাঃ দশেন্দ্রিযাণি
  মনোবুদ্ধিশ্চেতি সপ্তদশকং লিংজম্ ভৌতিকং
  হিরণ্যগর্ভ ইত্যুচ্যতে .
এতত্সূক্ষ্মশরিরমাত্মনঃ .. ২..

করণেষূপসংহৃতেষু জাগরিতসংস্কারজঃ প্রত্যযঃ
  সবিষযঃ স্বপ্ন ইত্যুচ্যতে .
যদুভযাভিমান্যাত্মা তৈজসঃ .
এতত্ ত্রযমুকারঃ .. ৩..

শরীরদ্বযকারণমাত্মাজ্ঞানং
সাভাসমব্যাকৃতমিত্যুচ্যতে .
  এতত্ কারণশরীরমাত্মনঃ .
তচ্চ ন সন্নাসন্নাপি সদসন্ন ভিন্নং নাভিন্নং
  নাপি ভিন্নাভিন্নং কুতশ্চিত্
ন নিরবযবং ন সাবযবং
  নোভযং কিংতু
কেবলব্রহ্মাত্মৈকত্বজ্ঞানাপনোদ্যম্ .. ৪..

সর্বপ্রকারজ্ঞানোপসংহারে বুদ্ধেঃ
  কারণাত্মনাঽবস্থানং সুষুপ্তিঃ .
  তদুভযামিমান্যাত্মা প্রাজ্ঞঃ .
এতত্ ত্রযম্ মকারঃ .. ৫..

অকার উকারে উকারো মকারে মকার ওংকারে
ওংকারোঽহম্যেব .
অহমাত্মা সাক্ষী কেবলশ্চিন্মাত্রস্বরূপঃ
  নাজ্ঞানং নাপি তত্কার্যং কিংতু
  নিত্যশুদ্ধবুদ্ধমুক্তসত্যস্ভাবং
  পরমানন্দাদ্বযং প্রত্যগ্ভূতচৈতন্যং ব্রহ্মৈ
  বাহমস্মীত্যভেদেনাবস্থানং সমাধিঃ .. ৬..

তত্ত্বমসি ব্রহ্মহমস্মি প্রজ্ঞানমানন্দং ব্রহ্ম
  অযমাত্মা ব্রহ্ম ইত্যাদিশ্রুতিভ্যঃ .. ৭..

ইতি পঞ্চীকরণং ভবতি ..
  ইতি শ্রীশঙ্করাচার্যবিরচিতং পঞ্চীকরণম্ ..

continued

পঞ্চীকরণবার্ত্তিকম্
  শ্রীসুরেশ্বরাচার্যকৃত

ওংকারঃ সর্ববেদানাং সারস্তত্ত্বপ্রকাশকঃ .
তেন চিত্তসমাধানং মুমুক্ষূণাং প্রকাশ্যতে .. ১..

আসীদেকং পরং ব্রহ্ম নিত্যমুক্তমবীক্রিযম্ .
তত্স্বমাযাসমাবেশাদ্ বীজমব্যাকৃতাত্মকম্ .. ২..

তস্মাদাকাশমুত্পন্নং শব্দতন্মাত্ররূপকম্ .
স্পর্শাত্মকস্ততো বাযুস্তেজোরূপাত্মকং ততঃ .. ৩..

আপো রসাত্মিকাস্তস্মাত্তাভ্যো গন্ধাত্মিকা মহি .
শব্দৈকগুণমাকাশং শব্দস্পর্শগুণো মরূত্ .. ৪..

শব্দস্পর্শরূপগুণৈস্ত্রিগুণং তেজ উচ্যতে .
শব্দস্পর্শরূপরসগুণৈরাপশ্চতুর্গুণাঃ .. ৫..

শব্দশর্থরূপরসগন্ধৈঃ পঞ্চগুণা মহী .
তেভ্যঃ সমভবত্সূত্রং ভূতং সর্বাত্মকং মহত্ .. ৬..

ততঃ স্থূলানি ভূতানি পঞ্চ তেভ্যো বিরাডভূত্ .
পঞ্চীকৃতানি ভূতানি স্থূলানীত্যুচ্যতে বুধৈঃ .. ৭..

পৃথিব্যাদীনি ভূতানি প্রত্যেকং বিভজেদ্ দ্বিধা .
একৈকং ভাগমাদায চতুর্ধা বিভজেত্পুনঃ .. ৮..

একৈকং ভাগমেকস্মিন্ ভূতে সংবেশযেত্ক্রমাত্ .
ততশ্চাকাশভূতস্য ভাগাঃ পঞ্চ ভবন্তি হি .. ৯..

বায্বাদিভাগাশ্চ্ত্বারো বায্বাদিষ্বেবমাদিশেত্ .
পঞ্চীকরণমেতত্স্যাদিত্যহুস্তত্ত্ববেদিনঃ .. ১০..

পঞ্চকৃতানি ভূতানি তত্কার্যং চ বিরাড্ ভবেত্ .
স্থূলং শরীরমেতত্স্যাদশরীরস্য চাত্মনঃ .. ১১..

অধিদৈবতমধ্যাত্মমধিভূতমিতি ত্রিধা .
একং ব্রহ্ম বিভাগেন ভ্রমাদ্মাতি ন তত্ত্বত্তঃ .. ১২..

ইন্দ্রিযৈরর্থবিজ্ঞানং দেবতানুগ্রহান্তিবতৈঃ .
শব্দাদিবিষযং জ্ঞানং তজ্জাগরিতমুচ্যতে .. ১৩..

শ্রোত্রমধ্যাত্মমিত্যুক্তং শ্রোতব্যং শব্দলক্ষণম্ .
অধিভূতং তদিত্যুক্তং দিশস্তত্রাধিদৈবতম্ .. ১৪..

ত্বগধ্যাত্মমিতি প্রোক্তং স্প্রষ্টব্যং স্পর্শলক্ষণম্
অধিভূতং তদিত্যুক্তং বাযুস্তত্রধিদৈবতম্ .. ১৫..

চক্ষুরধ্যাত্মমিত্যুক্তং দ্রষ্টব্যং রূপলক্ষণম্ .
অধিভূতং তদিত্যুক্তমাদিত্যোওঽত্রাধিদৈবতম্ .. ১৬..

জিহ্বাঽধ্যাত্মং তযাঽস্বাদ্যমাধিভূতং রসাত্মকম্ .
বরূণো দেবতা তত্র জিহ্বাযামধিদৈবতম্ .. ১৭..

ধ্রাণমধ্যাত্মমিত্যুক্তং ধ্রাতব্যং গন্ধলক্ষণম্ .
অধিভূতং তদিত্যুক্তং পৃথিব্যত্রাধিদৈবতম্ .. ১৮..

বাগধ্যাত্মমিতি প্রোক্তং বক্ত্বযং শব্দলক্ষণম্ .
অধিভূতং তদিত্যুক্তমগ্নিস্তত্রাধিদৈবতম্ .. ১৯..

হস্তাবধ্যাত্মমিত্যুক্তমাদাতব্যং চ যদ্মবেত্ .
অধিভূতং তদিত্য্যুক্তমিন্দ্রস্তত্রাধিদৈচতম্ .. ২০..

পাদাবধ্যাত্মমিত্যুক্তং গন্তব্যং তত্র যদ্মবেত্ .
অধিভূতং তদিত্যুক্তং বিষ্ণুস্তত্রাধিদৈবতম্ .. ২১..

পাযুরিন্দ্রিযমধ্যাত্মং বিসর্গস্তত্র যো ভবেত্ .
অধিভূতং তদিত্যুক্তম্ং মৃত্যুস্তত্রাধিদৈবতম্ .. ২২..

উপস্থেন্দ্রিযমধ্যাত্মং স্ত্র্যাদ্যানন্দস্য কারণম্
অদিভূতং তদিত্যুক্তমধিদৈবং প্রজাপতিঃ .. ২৩..

মনোঽধ্যাত্মমিতি প্রোক্তং মন্তব্যং তত্র যদ্মবেত্ .
অধিভূতং তদিত্যুক্তং চন্দ্রস্তত্রাধিদৈবতম্ .. ২৪..

বুদ্ধিরধ্যাত্মমিত্যুক্তং বোদ্ধব্যং তত্র যদ্মবেত্ .
অধিভূতং তদিত্যুক্তমধিদৈবং বৃহস্পতিঃ .. ২৫..

অহংকারস্তথাঽধ্যাত্মমহংকর্তব্যমেব চ .
অধিভূতং তদিত্যুক্তং রূদ্রস্তত্রাধিদৈবতম্ .. ২৬..

চিতমধ্যাত্মমিত্যুক্তং চেতব্যং তত্র যদ্মবেত্ .
অধিভূতং তদিত্যুক্তং ক্ষেত্রজ্ঞোঽত্রাঅধিদৈবতম্ .. ২৭..

তমোঽধ্যাত্মমত্মিতি প্রোক্তং বিকারস্তত্র যো ভবেত্ .
অধিভূতং তদিত্যুক্তমীশ্বরোঽত্রাধিদৈবতম্ .. ২৮..

বাহ্যান্তঃকরণৈরেবং দেবতানুগ্রহান্বিতৈঃ .
স্বং স্বং চ বিষ্যজ্ঞানং তজ্জাগরিতমুচ্যতে .. ২৯

যেযং জাগরিতাবস্থা শরীরং করণাশ্রযম্ .
যস্তযোরভিমানী স্যদ্বিশ্ব ইত্যভিধীযতে স্ .. ৩০..

বিশ্বং বৈরাজরূপেণ পশ্যেদ্মেদনিবৃত্তযে .
জ্ঞানেন্দ্রিযাণি পঞ্চিঅব পঞ্চ কর্মেন্দ্রিযাণি চ .. ৩১..

শ্রোত্রত্বঙ্নযনঘ্রাণজিহ্বা ধীন্দ্রিযপঞ্চকম্ .
বাক্পাণিপাদপাযূপস্থাঃ কর্মেন্দ্রিযপঞ্চকম্ .. ৩২..

মনোবুদ্ধিরহংকারশ্চিত্তং চেতি চতুষ্টযম্ .
সংকল্পারব্যং মনোরূপং বুদ্ধির্নিশ্চযরূপিণী .. ৩৩..

অভিমানাঅত্মকস্তদ্বদহংকারঃ প্রকীর্তিতঃ .
অনুসংধানরূপম্ং চ চিত্তমিত্যভিধীযতে .. ৩৪..

প্রাণোঽপানস্তথা ব্যান উদানারব্যস্তথৈব চ .
সমানশ্চেতি পঞ্চৈতাঃ কির্তিতাঃ প্রণবৃত্তযঃ .. ৩৫..

স্বং বায্বগ্ন্যম্বুক্ষিতযো ভূতসূক্ষ্মাণি পঞ্চ চ .
অবিদ্যাকামকর্মাণি লিঙ্গং পুযেষ্টকং বিদুঃ .. ৩৬..

এতত্সূক্ষ্মশরীরং স্যান্মাযিকং প্রাত্যগাত্মনঃ .
করণোপরমে জাজ্রত্সংকারোত্থং প্রবোধবত্ .. ৩৭..

গ্রাহ্যগ্রাহকরূপেণ স্ফুরণং স্বপ্ন উচ্যতে .
অভিমানী তযোর্যস্তু তৈজসঃ পরিকীর্তিতঃ .. ৩৮..

হিরণ্যগর্ভরূপেণ তৈজসং চিন্তযেদ্ বুধঃ .
চৈতন্যাভাসখচিতং শরীরদ্বযকারণম্ .. ৩৯..

আঅত্মাজ্ঞানং তদব্যক্তমব্যাকৃতমিতীর্যতে .
ন সন্নাসন্ন সদসদ্মিন্নাভিন্নং ন চাত্মনঃ .. ৪০..

ন সভাগং নির্ভাগং ন চাপ্যুভযরূপকম্ .
ব্রহ্মাত্মৈকত্ববিজ্ঞানহেযং মিথ্যাত্বকারণাত্ .. ৪১..

জ্ঞানানামুপসংহারো বুদ্বেঃ করণতাস্থিতিঃ .
বটবীজে সটস্যেব সুষুপ্তিরভিধীযতে .. ৪২..

অভিমানী তযোর্যস্তু প্রাজ্ঞ ইত্যভিধীযতে .
জগত্কারণরূপেণ প্রাজ্ঞাত্মানং বিচিন্তযেত্ .. ৪৩..

বিশ্বতৈজসসৌষুপ্ত বিরাট্ সূত্রাক্ষরাত্মভিঃ .
বিভিন্নমিব সংমোহাদেকং তত্ত্বং চিদাত্মকম্ .. ৪৪..

বিশ্বাদিকত্রযং যস্মাদ্বৈরাজাদিত্রযাত্মকম্ .
একত্বেনৈব সংপশ্যেদন্যাভাবপ্রসিদ্ধযে .. ৪৫..

ॐকারমাত্রমখিলং বিশ্বপ্রাজ্ঞাদিলক্ষণম্ .
বাচ্যবাচকতাভেদাদ্মে দেনানুপলাব্ধিতঃ .. ৪৬..

অকারমাত্রং বিশ্বঃ স্যাদুকারস্তৈজসঃ স্মৃতঃ .
প্রাজ্ঞো মকার ইত্যেবং পরিপশ্যেত্ক্রমেণ তু .. ৪৭..

সমাধিকালাত্প্রগেবং বিচিন্ত্যাতিপ্রযত্নতঃ .
স্থূলসূক্ষ্মক্রমাত্সর্বং চিদাত্মনি বিলাপযেত্ .. ৪৮..

অকারং পুরূষং বিশ্বমুকারে প্রবিলাপযেত্ .
অকারং তৈজসং সূক্ষ্মং মকারে প্রবিলাপযেত্ .. ৪৯..

মকারং করণং প্রাজ্ঞং চিদাত্মনি বিলাপযেত্ .
চিদাত্মাঽহং নিত্যশুদ্ধবুদ্ধমুক্তসদদ্বযঃ .. ৫০..

পরমানন্দসংদোহবাসুদেবোঽহমোমিতি .
জ্ঞাত্বা বিবেচকং চিত্তং তত্সাক্ষিণি বিলাপযেত্ .. ৫১..

চিদাত্মনি বিলীনং চেত্তচ্চিত্তং নৈব চালযেত্ .
পূর্ণবোধাত্মনাঽসীত পূর্ণাচলসমুদ্রবত্ .. ৫২..

এবং সমাহিতো যোগী শ্রদ্ধভক্তিসমন্বিতঃ .
জিতেন্দ্রিযো জিতক্রোধঃ পশ্যেদাত্মানমদ্বযম্ .. ৫৩..

আদিমধ্যাবসানেষু দুঃখং সর্বমিদং যতঃ .
তস্মাত্সর্বং পরিত্যজ্য তত্ত্বনিষ্ঠো ভবেত্সদা .. ৫৪..

যঃ পশ্যেত্সর্বগং শান্তমানন্দাত্মানমদ্বযম্ .
ন তেন কিংচিদাপ্তত্যং জ্ঞাতব্যং বাবশিষ্যতে .. ৫৫..

কৃতকৃত্যো ভবেদ্বিদ্বাঞ্জীবন্মুক্তো ভবেত্সদা .
আত্মন্যেবারূঢভাবো জগদেতন্ন বীক্ষতে .. ৫৬..

কদাচিদব্যবহারে তু দ্বৈতং যদ্যপি পশ্যতি .
বোধাত্মব্যতিরেকেণ ন পশ্যতি চিদন্বযাত্ .. ৫৭..

কিন্তু পশ্যতি মিথযৈব দিঙ্ মোওহেন্দুবিভাগবত্ .
প্রতিভাসঃ শরীরস্য তদাঽপ্রারব্ধসংক্ষযাত্ .. ৫৮..

তস্য তাবদেব চিরমিত্যাদি শ্রুতিরব্রবীত্ .
প্রারব্ধস্যানুবৃত্তিস্তু মুক্তস্যাভাসমাত্রতঃ .. ৫৯..

সর্বদা মুক্ত এব স্যাজ্জ্ঞাততত্ত্বঃ পুমানসৌ .
প্রারব্ধভোগশেষস্য সংক্ষযে তদনন্তরম্ .. ৬০..

অবিদ্যাতিমিরাতীতং সর্বাভাসবিবর্জিতম্ .
আনন্দমমলং শুদ্ধং মনোবাচামগোচরম্ .. ৬১..

বাচ্যবাচকনির্মুক্তং হেযোপাদেযবর্জিতম্ .
প্রজ্ঞানঘনমানন্দং বৈষ্ণবং পদমশ্নুতে .. ৬২..

ইদং প্রকরণং যত্নাজ্জ্ঞাতব্যং ভগবত্তমৈঃ .
অমানিত্বাদিনিযমৈর্গুরূভক্তিপ্রসাদতহ্ .. ৬৩..

ইমাং বিদ্যাং প্রযত্নেন যোগী সংধ্যাসু সর্বদা .
সমভ্যসেদিহামুত্রভোগানাসক্তধীঃ সুধীঃ .. ৬৪..

ইতি শ্রীমত্সুরেশ্বরাচার্যবিরচিতং পঞ্চীকরণবার্ত্তিকং সংপূর্ণম্ ..