অনাত্ম শ্রী বিগর্হণম্

.. অনাত্ম শ্রী বিগর্হণম্ ..

অনাত্মশ্রীবিগর্হণপ্রকরণম্ ..
লব্ধা বিদ্যা রাজমান্যা ততঃ কিং
প্রাপ্তা সম্পত্প্রাভবাঢ্যা ততঃ কিম্ .
ভুক্তা নারী সুন্দরাঙ্গী ততঃ কিং
যেন স্বাত্মা নৈব সাক্ষাত্কৃতোঽভূত্ .. ১..
কেযূরাদ্যৈর্ভূষিতো বা ততঃ কিং
কৌশেযাদ্যৈরাবৃতো বা ততঃ কিম্ .
তৃপ্তো মৃষ্টান্নদিনা বা ততঃ কিং
যেন স্বাত্মানৈব সাক্ষাত্কৃতোঽভূত্ .. ২..
দৃষ্টা নানা চারুদেশাস্ততঃ কিং
পুষ্টাশ্চেষ্টা বন্ধু বর্গাস্ততঃ কিম্ .
নষ্ট.ম্ দারিদ্র্যাদিদুঃখ.ম্ ততঃ কিং
যেন স্বাত্মা নৈব সাক্ষাত্কৃতোঽভূত্ .. ৩..
স্নাতস্তীর্থে জহ্নুজাদৌ ততঃ কিং
দানং দত্তং দ্ব্যষ্টস.ম্খ্যং ততঃ কিম্ .
জপ্তা মন্ত্রাঃ কোটিশো বা ততঃ কিং
যেন স্বাত্মা নৈব সাক্ষাত্কৃতোঽভূত্ .. ৪..
গোত্র.ম্ সম্যগ্ভূষিতং বা ততঃ কিং
গাত্রং ভস্মাচ্ছাদিতং বা ততঃ কিম্ .
রুদ্রাক্ষাদিঃ সদ্ধৃতো বা ততঃ কিং
যেন স্বাত্মা নৈব সাক্ষাত্কৃতোঽভূত্ .. ৫..
অন্নৈর্বিপ্রাস্তর্পিতা বা ততঃ কিং
যজ্ঞৈর্দেবাস্তোষিতা বা ততঃ কিম্ .
কীর্ত্যা ব্যাপ্তাঃ সর্বলোকাস্ততঃ কিং
যেন স্বাত্মা নৈব সাক্ষাত্কৃতোঽভূত্ .. ৬..
কাযঃ ক্লিষ্টশ্চোপবাসৈস্ততঃ কিং
লব্ধা পুত্রাঃ স্বীযপত্ন্যাস্ততঃ কিম্ .
প্রাণাযামঃ সাধিতো বা ততঃ কিং
যেন স্বাত্মা নৈব সাক্ষাত্কৃতোঽভূত্ .. ৭..
যুদ্ধে শত্রুর্নিজিতো বা ততঃ কিং
ভূযো মিত্রৈঃ পূরিতো বা ততঃ কিম্ .
যোগৈঃ প্রাপ্তাঃ সিদ্ধযো বা ততঃ কিং
যেন স্বাত্মা নৈব সাক্ষাত্কৃতোঽভূত্ .. ৮..
অব্ধিঃ পদ্ভ্যাং লঙ্ঘিতো বা ততঃ কিং
বাযুঃ কুম্ভে স্থাপিতো বা ততঃ কিম্ .
মেরুঃ পাণাবুদ্ধৃতো বা ততঃ কিং
যেন স্বাত্মা নৈব সাক্ষাত্কৃতোঽভূত্ .. ৯..
ক্ষ্বেলঃ পীতো দুগ্ধবদ্বা ততঃ কিং
বহ্নির্জগ্ধো লাজবদ্বা ততঃ কিম্ .
প্রাপ্তশ্চারঃ পক্ষিবত্খে ততঃ কিং
যেন স্বাত্মা নৈব সাক্ষাত্কৃতোঽভূত্ .. ১০..
বদ্ধা সম্যক্পাবকাদ্যাস্ততঃ কিং
সাক্ষাদ্বিদ্ধা লোহবর্যাস্ততঃ কিম্ .
লব্ধো নিক্ষেপোঽঞ্জনাদ্যৈস্ততঃ কিং
যেন স্বাত্মা নৈব সাক্ষাত্কৃতোঽভূত্ .. ১১..
ভূপেন্দ্রত্বং প্রাপ্তমুর্ব্যাং ততঃ কিং
দেবেন্দ্রত্বং স.ম্ভৃতং বা ততঃ কিম্ .
মুন্ডীন্দ্রত্বং চোপলব্ধং ততঃ কিং
যেন স্বাত্মা নৈব সাক্ষাত্কৃতোঽভূত্ .. ১২..
মন্ত্রৈঃ সর্বঃ স্তম্ভিতো বা ততঃ কিং
বাণৈর্লক্ষ্যো ভেদিতো বা ততঃ কিম্ .
কালজ্ঞানং চাপি লব্ধং ততঃ কিং
যেন স্বাত্মা নৈব সাক্ষাত্কৃতোঽভূত্ .. ১৩..
কামাতঙ্কঃ খণ্ডিতো বা ততঃ কিং
কোপাবেশঃ কুণ্ঠিতো বা ততঃ কিম্ .
লোভাশ্লেষো বর্জিতো বা ততঃ কিং
যেন স্বাত্মা নৈব সাক্ষাত্কৃতোঽভূত্ .. ১৪..
মোহধ্বান্তঃ পোষিতো বা ততঃ কিং
জাতো ভূমৌ নির্মদো বা ততঃ কিম্ .
মাত্সর্যাতির্মীলিতা বা ততঃ কিং
যেন স্বাত্মা নৈব সাক্ষাত্কৃতোঽভূত্ .. ১৫..
ধাতুর্লোকঃ সাধিতো বা ততঃ কিং
বিষ্ণোর্লোকো বীক্ষিতো বা ততঃ কিম্ .
শম্ভোর্লোকঃ শাসিতো বা ততঃ কিং
যেন স্বাত্মা নৈব সাক্ষাত্কৃতোঽভূত্ .. ১৬..
যস্যেদং হৃদযে সম্যগনাত্মশ্রীবিগর্হণম্ .
সদোদেতি স এবাত্মসাক্ষাত্কারস্য ভাজনম্ .. ১৭..
অন্যে তু মাযিক জগদ্ভ্রান্তিব্যামোহমোহিতাঃ.
ন তেষাং জাযতে ক্বাপি স্বাত্মসাক্ষাত্কৃতির্ভুবি .. ১৮..
ইতি শ্রীমত্পরমহংসপরিব্রাজকাচার্যস্য
শ্রীগোবিন্দভগবত্পূজ্যপাদশিষ্যস্য
শ্রীমচ্ছঙ্করভগবতঃ কৃতৌ অনাত্মশ্রীবিগর্হণপ্রকরণং
সংপূর্ণম্ ..