পঞ্চ দেবতা পূজা

.. পঞ্চ দেবতা পূজা ..
.. শ্রীগণেশায নমঃ ..
.. অথ পঞ্চ দেবতা- পূজন- বিধি ..
স্নাতঃ শ্বেতবস্ত্রপরিধানং কৃত্বা কুশহস্তো যজমানঃ

ॐ যজ্ঞোপবীতং পরমং পবিত্রং প্রজাপতের্যত্সহজং পুরস্তাত্ .
আযুষ্যমগ্র্যং প্রতিমুঞ্চ শুভ্রং যজ্ঞোপবীতং বলমস্তু তেজঃ ..
ॐ যজ্ঞোপবীতমসি যজ্ঞস্য ত্বা যজ্ঞোপবীতেনোপনহ্যামি ..

ইতি মংত্রেণ যজ্ঞোপবীতধারণং কৃত্বা আসনো পরি
উপবিষ্টঃ চন্দন- লেপনং কুর্যাত্.

তিলকং চন্দনস্যাথ পবিত্রং পাপনাশনং .
যঃ কুর্যাত্ প্রত্যহং স্নাত্বা লক্ষ্মীর্বসতি তদ্গৃহে ..

ততঃ- –
ॐ অপবিত্রঃ পবিত্রো বা সর্বাস্থাং গতোঽপি বা .
যঃ স্মরেত্পুণ্ডরীকাক্ষং স বাহ্যাভ্যন্তরঃ শুচিঃ ..

ইতি জলেন্ আত্মানং পুজোপকরণানি চ অভিষিঞ্চেত্ .

ॐ পৃত্বী ত্বযা ধৃতা লোকা দেবী ত্বং বিষ্ণুনা ধৃতা .
ত্বঞ্চ ধারয মাং দেবি পবিত্রং কুরু চাসনম্ ..

ইতি প্রণম্য ত্রিকোণমণ্ডলং বিধায জলগন্ধাক্ষতপুষ্পৈ .

ॐ পৃথিব্যৈ নমঃ. ॐ আধারশক্তযে নমঃ. ॐ কুর্মায
নমঃ. ॐ অনন্তায নমঃ. ॐ শেষনাগায নমঃ.

সম্পূজ্য.

ততঃ শ্বেতসর্ষপানাদায
ॐ গংগে চ যমুনে চৈব গোদাবরি সরস্বতী.
নর্মদে সিন্ধু কাবেরি জলেঽস্মিন্সন্নিধি কুরু..
ইত্যধোপোপাত্রে গঙ্গাদিতির্থান্যাহূয.

ॐ গংগাদিসরিদ্ভ্যো নমঃ .

ইতি গন্ধাক্ষতপুষ্পৈঃ সম্পূজ্যবদ্ধাঞ্জলির্ভূত্বা প্রার্থযেত্ .

ॐ সূর্য্যস্সোমো যমঃ কালঃ সন্ধ্যে ভূতান্যহঃ ক্ষমা .
পবনো দিক্পতির্ভূমি রাকা শংখশ্চরামরাঃ.
ব্রহ্মেশাসনমাস্থায কল্প্যধ্বমিহ সন্নিধিম্ .
তদ্বিষ্ণোঃ পরমং ধাম সদা পশ্যন্তি সূরযঃ ..

ॐ বিষ্ণুর্বিষ্ণুর্বিষ্ণুঃ শ্রীমদ্ভগবতো মহাপুরুষস্য বিষ্ণোরাজ্ঞযা
প্রবর্তমানস্য অদ্য শ্রীব্রহ্মণোহ্নি দ্বিতিযপরার্দ্ধে শ্রীশ্বেতবারাহকল্পে
বৈবস্বতমন্বন্তরে অষ্টাবিংশতিতমে কলিযুগে কলিপ্রথমচরণো
ভারতবর্ষে ভরতখণ্ডে শালিবাহনশকে বৌধাবতারে অমুকসম্বত্সরে
অমুকমাসে অমুকপক্ষে অমুকতিথৌ অমুকবাসরে অমুকগোত্রোঽহং অমুকশর্মাঽহং
অমুকপ্রধানদেবার্চনদ্বারা মম সপরিবারস্য সকুটুম্বস্য সকলদুরিতোপশমনার্থং
সর্বাপদাং শান্ত্যর্থং বিপুলধনধান্য সুখসৌভাগ্যাদি- নিখিলসদভিষ্ট- সংসিদ্ধযে
চ অমুক প্রধান দেবতা পূজনং ব্রাহ্মণবরণং স্বস্ত্যাহবাচনং কলশস্থানং গণেশাদি
পঞ্চদেবতানবগ্রহ- দিক্পালাদি- সর্বদেবৈর্দেবোভিশ্চ সহ অমুকপ্রাধান দেবতাপূজনং করিষ্যে ..
ইতি সংকল্পঃ

ততঃ স্বস্ত্যযনম্
ॐ স্বস্তি নঽ ইন্দ্রো বৃদ্ধশ্রবাঃ স্বস্তিনঃ পূষা বিশ্ববেদাঃ
স্বস্তিনস্তার্ক্ষ্যোঽরিষ্টনেমিঃস্বস্তিনো বৃহস্পতির্দধাতু ..
ॐ পৃশ্নিমাতরঃ শুভংযাবানো বিদথেষু জগ্মযঃ
অগ্নির্জিহ্বা মনবঃ সূরচক্ষসো বিশ্বেনো দেবাঽবসাগমন্নিহ ..
ॐ ভদ্রংকর্ণেভি শৃণুযাম দেবা ভদ্রম্পশ্যেমাক্ষভির্যজত্রাঃ
স্থিরৈরংগৈস্তুষ্টুবাং সস্তনূভির্ব্যশেমহি দেবহিতং যদাযুঃ ..
শতমিন্নু শরদো অন্তি দেবা যাত্রানশ্চক্রা জরসন্তনূনাম্
পুত্রাসো যত্র পিতরো ভবন্তি মানো মদ্যারী রিষতাযুর্গন্তোঃ ..
আদিতির্দ্যৌরদিরন্তরিক্ষমদিতির্মাতা সপিতা সপুত্রঃ
বিশ্বেদেবা অদিতিঃ পঞ্চজনা অদিতির্জাতমাদিতির্জনিত্বম্ ..
দীর্ঘাযুত্বায বলায বর্চসে সুপ্রজাস্বায সহসা অথো জীব
শরদশ্শতম্ ॐ দ্যৌঃ শান্তিরন্তরিক্ষ্ ঁ শান্তি পৃথিবী
শান্তিরাপঃ শান্তোষধযঃ শান্তিঃ .
বনস্পতযঃশান্তির্ব্বিশ্বেদেবাঃ শান্তির্ব্রহ্ম শান্তি সর্ব্ব ঁ
শান্তিঃ শান্তিরেব শান্তিঃ সামা শান্তিরেধি ..
মংগলং ভগবান্ বিষ্ণুঃ মংগলং গরুডধ্বজঃ .
মংগলং পুণ্ডরীকাক্ষঃ মংগলাযতনো হরিঃ .
ॐ যং ব্রহ্ম বেদান্তবিদো বদন্তি পরং প্রধানং পুরুষং তথান্যে .
বিশ্বসৃতেঃ কারণমিশ্বরং বা তস্মৈ নমো বিঘ্নবিনাশনায..

ততঃ কলশসংস্থাপনম্ .

ॐ ভূরসি ভূমিরস্য দিতিরসি বিশ্বধাযাবিশ্বশ্য ভুবনস্য ধর্ত্রী.
পৃথিবীযচ্ছ পৃথিবীং দৃর্ঠংহ পৃথিবীম্ মাহির্ঠংসীঃ ..

ইতি ভূমিস্পর্শঃ.

ॐ মানস্তোকে তনযে মান আযুষিমানো গোষুমানো অশ্বেষেরীরিষঃ
মানো বীরান্ রুদ্র ভামিনো বধীর্হবিষ্মন্তঃ সদামিত্বাহবামহে ..

ইতি গোমযস্পর্শঃ.

ॐ ধান্যমসি ধিনুহি দেবান্প্রাণযত্বোদানাযত্বা
ব্যানাযত্বা দির্ঘামনুপ্রসিতি মাযুষে ধান্দেবো বঃ সবিতা
হিরণ্যপাণিঃ প্রতিগৃভ্ণ ত্বচ্ছিদ্রেণ পাণিনা চক্ষুষেত্বা
মহীনাং পযোসি..

ইতি ধান্য স্পর্শঃ.

ॐ আজিঘ্রকলশং মহ্যাত্বাবিশন্ত্বিন্দবঃ পুনরূর্জানিবর্ত্তস্বসানঃ
সহস্রং ধুক্ষ্বোরুধারা পযস্বতী পুনর্মা বিহতান্দ্রযিঃ ..

ইতি কলশস্পর্শঃ

ॐ বরুণস্যোত্তম্ভনমসি ব্বরুণস্যকম্ভ সর্জনীথো বরুণস্য ঋতসদন্যসি বরুণস্য
ঋত সদনমসি বরুণস্য ঋত সদনমসি বরুণস্য্ ঋতসদনমাসীত্ ..

ॐ যাঃ ফলিনীর্যা অফলা অপুষ্পাযাশ্চ পুষ্পিণীঃ
বৃহস্পতিপ্রসূতাস্তানো মুঞ্চত্বর্ঠংহসঃ ..

ইতি ফলং .

ॐ কাণ্ডাত্কাণ্ডাত্প্ররোহন্তি পরুষঃ পরষস্পরি এবানো দুর্বে প্রতনু সহস্রেণ শতেন চ ..

ইতি দূর্বা

ॐ পবিত্রেস্থো বৈষ্ণব্যৌ সবিতুর্বঃ প্রসব উত্পুনাম্যচ্ছিদ্রেণ পবিত্রেণ সূর্য্যস্য রশ্মিভিঃ
তস্যতে পবিত্রাপতে পবিত্র পূতস্য যত্কামঃ পুনেতচ্ছকেযম্ ..

ॐ হিরণ্যগর্ভঃ সমবর্ত্ততাগ্রে ভূতস্য জাতঃ পতিরেকঽআসীত্ সদাধার
পৃথিবীং দ্যামুতে মাং কস্মৈ দেবায হবিষা ব্বিধেম..

ইতি হিরণ্যদক্ষিণাম্ ..

ॐ অম্বেঽম্বিকেঽম্বালিকেঽনমানযতিকশ্চ নসসস্ত্যশ্বকঃ সুভদ্রিকাঙ্কাম্পিলবাসিনীম্ ..

ইত্যাম্রাদি পল্লবান্

ॐ পূর্ণাদবি পরাপত সুপুর্ণা পুনরাপত বস্নেব বিক্রীণা বহা ইষমূর্জং শতক্রতোঃ ..

ইতি পূর্ণপাত্রম্ পুর্ণপাত্রায ধান্যমসি পঠিত্বা নারিকেলং শ্রীশ্চতে পঠিত্বা .

শ্রীশ্চতে লক্ষ্মীশ্চ পত্ন্যা বহো রাত্রে পার্শ্বে নক্ষত্রাণি রূপমশ্বিনৌ ব্যাত্তম্
ইষ্ণন্নিষাণামুম্ম ইষাণসর্বলোকম্ম ইষাণ ..

ইতি বস্ত্রম্

ॐ অগ্নির্জ্যোতির্জ্যোতিরগ্নিঃ স্বাহা সূর্যো জ্যোতির্জ্যোতিঃ সূর্যঃ স্বাহা
অগ্নিবর্চো জ্যোতিবর্চঃ স্বাহা সূর্যোবর্চো জ্যোতিবর্চঃ স্বাহা
জ্যোতিঃ সূর্য্য সূর্যো জ্যোতিঃ স্বাহা ..

ইতি দীপম্

ॐ দধিক্ক্রাব্ণোঽ অকারিষঞ্জিষ্ণোরশ্বস্য ব্ব্যাজিনঃ .
সুরভিনো মুখাকর্ত্প্রণ আযুঁষিতারিষত্ ..

ইতি সদধি জলম্

আকৃষ্ণেতি মংত্রেণ বস্ত্রসমর্পণম্

ॐ মনো জুতির্জুষতামাজ্যস্য বৃহস্পতির্যজ্ঞমিমন্তনোত্বরিষ্টঁ যজ্ঞং সমিমন্দধাতু.
বিশ্বেদেবা স ইহ মাদযন্তামোম্প্রতিষ্ঠ ..

ॐ গন্ধদ্বারাং দুরাধর্ষাং নিত্যপুষ্টাং করীষিণীম্ .
ঈশ্বরীং সর্বভূতানান্তামিহোপহ্বযে শ্রিযম্ .

ইতি চন্দনম্

ততঃ কলশাবাহনং পঠেত্

সর্বে সমুদ্রাঃ সরিতস্তীর্থানি জলদানদাঃ.
আযাংতুদেবপুজর্থং দুরিতক্ষযকারকাঃ
কলশস্য মুখে বিষ্ণুঃ কণ্ঠে রুদ্রঃ সমাশ্রিতঃ .
মূলে ত্বস্য স্থিতো ব্রহ্মা মধ্যে মাতৃগণাঃ স্মৃতাঃ ..
কুক্ষৌ তু সাগরাঃ সর্বে সপ্তদ্বীপা বসুন্ধরা .
ঋগ্বেদোঽথ যজুর্বেদঃ সামবেদো হ্যথর্বণঃ .
অংগৈশ্চ সহিতাঃ সর্বে কলশন্তু সমাশ্রিতাঃ ..

ॐ মনো জুতির্জুষতামাজ্যস্য বৃহস্পতির্যজ্ঞমিমন্তনোত্বরিষ্টঁ যজ্ঞং সমিমন্দধাতু.
বিশ্বেদেবা স ইহ মাদযন্তামোম্প্রতিষ্ঠ .. ইতি..

ততঃ কলশ- পূজা .

ইদং পাদ্যং ইদং অর্ঘ্যং ইদং স্নানীযং জলং ব্রহ্মণে নমঃ ..
অন্নপূর্ণাযৈ নমঃ .
লক্ষ্ম্যৈ নমঃ .
গাযত্র্যৈ নমঃ .
সর্বতীর্থেভ্যো নমঃ .
সর্বক্ষেত্রেভ্যো নমঃ ..

এবমেব গন্ধাক্ষত- পুষ্প কুংকুমাদি দ্রব্যৈঃ সম্পূজ্য
বদ্ধাঞ্জলিঃ প্রার্থযেত্ .

কলশাধিষ্ঠাতৃদেবতা পূজিতাঃ প্রসন্নো ভবত

সতঃ কলশপুরো ভাগে কস্মিংশ্চিত্পাত্রে পঞ্চদেবপূজামারভেত্
তত্রাদৌ পুষ্পাঞ্জলিং কৃত্বা ধ্যাযেত্.

ॐ সর্বস্থূলতনুং গজেন্দ্রবদনং লম্বোদরং সুন্দরং
প্রস্পন্দং মদগন্ধলুব্ধমধুপব্যালোলগণ্ডস্থলম্ .
দন্তাঘাতবিদারিতারিরুধিরৈঃ সিন্দূরশোভাকরং
বন্দে শৈলসুতাসুতং গণপতিং সিধিপ্রদং কামদং .

ॐ ভগবন্ গণেশ স্বগণসংযুত ইহাগচ্ছ ইহ
তিষ্ঠ এতাং পূজাং গৃহাণ্ .
ইত্যাবহ্য ইদং পাদ্যং ইদমর্ঘ্যং ইদং স্নানীযমাচনিযঞ্চ
জলং সমর্পযামি.
ততঃ সাযুধায সবাহনায সপরিবারায ॐ ভগবতে গণেশায নমঃ .
ইদং চন্দনমিদং সিন্দূরমেতানক্ষতাংশ্চ সমর্পযামি সাযুধায
সবাহনায সপরিবারায ॐ ভগবতে গণেশায নমঃ .
ইদং পুষ্পং
দুর্বাদলং ধূপং দীপঞ্চ সমর্পযামি সাযুধায সবাহনায
সপরিবারায ॐ ভগবতে গণেশায নমঃ .
ইদং নৈবেদ্যং পুনরাচমনীযং
জলং তাম্বূলং পূগিফলং দক্ষিণাদ্রব্যঞ্চ সমর্পযামি সাযুধায
সবাহনায সপরিবারায ॐ ভগবতে গণেশায নমঃ .

এবং সমস্তদেবপূজনং কার্যম্
ততো শ্রধাঞ্জলিঃ

ॐ দেবেন্দ্র মৌলিমন্দারমকরন্দকণারুণাঃ .
বিঘ্নং হরন্তু হেরম্ব চরণাম্বুজরেণবঃ .

ভগবান্ গণেশঃ সংপূজিতঃ প্রসন্নো ভবতু .
ইতি প্রণমেত্ .
পুনঃ পুষ্পং গৃহীত্বা .

ॐ রক্তাব্জযুগ্মামযদানহস্তং কেযূর হারাংগদ
কুণ্ডলাঢ্যম্ .
মাণিক্যমৌলিং দিননাথমোঢ্যং বন্ধুককান্তিং
বিলসত্ ত্রিনেত্রম্ .

ইতি ধ্যাত্বা

ভগবান্ সূর্যনারযণ ইহাগচ্ছ ইহ তিষ্ঠ
মত্খৃতা পূজাং গৃহাণ
ইত্যাবাহ্য .

পূর্বত্পূজোওপকরণানি সমর্প্যং

ॐ নমস্সবিত্রে জগদেকচক্ষুষে জগত্প্রসূতিস্থিতিনাশহেতবে .
ত্রযিমযায ত্রিগুণাত্মধারিণে বিরঞ্চিনারাযণ শঙ্করাত্মনে ..

ইতি প্রণমেত্
পুনঃ পুষ্পমাদায .

ॐ শান্তাকারং ভুজগশযনং পদ্মনাভং সুরেশং
বিশ্বাধারং গগনসদৃশং মেঘবর্ণং শুভাংগম্ .
লক্ষ্মীকান্তং কমলনযনং যোগিভির্ধ্যানগম্যং বন্দে
বিষ্ণুং ভবভযহরং সর্বলোকৈকনাথম্ .

ইতি ধ্যাত্বা

ভগবন্ বিষ্ণো ইহাগচ্ছ ইহ তিষ্ঠ মত্কৃতাং পূজাং গৃহাণ
ইত্যাবাহনাদি পূর্ববত্ ॐ বিষ্ণবে নমঃ ॐ নারাযণায নমঃ .

ইতি পূজোপকারণানি সমর্প্য

ॐ কৃষ্ণায বাসুদেবায হরযে পরমাত্মনে
প্রণতক্লেশনাশায গোবিন্দায নমোঃ নমঃ .

ইতি প্রণমেত্ .

পুনঃ পুষ্পমাদয .

ॐ ধ্যাযেন্নিত্যং মহেশং রজতগিরিনিভং চারুচন্দ্রাবতংসং
রত্নাকল্পোজ্জ্বলাংগং পরশুমৃগবরাভিতিহস্তং প্রসন্নম্ .
পদ্মাসীনং সমন্তাত্স্তুতমমরগণৈর্ব্যাঘ্রকৃতি বসানং বিশ্বাদ্যং
বিশ্ববন্দ্যং নিখিলভযহরং পঞ্চবক্ত্রং ত্রিনেত্রম্ ..

ইতি ধ্যাত্বা

ভগবন্ মহাদেব ইহাগচ্ছ ইহ তিষ্ঠ মত্কৃতা পূজাং গৃহাণ .

ইত্যাবাহ্য সম্পূজ্য

ॐ বাণেশ্বরায নরকার্ণাবতারনায জ্ঞানপ্রদায করুণামযসাগরায .
কর্পূরকুন্দধবলেন্দুজটাধরায দারিদ্র্যদুঃখদহনায নমঃ শিবায ..

ইতি প্রণমেত্

পুনঃ পুষ্পমাদয

ॐ কালাভ্রাভাং কাটাক্ষৈররিকুলভযদাং মৌলিবদ্ধেন্দুরেখাং শংখং চক্রং
কৃপাণং ত্রিশিখমপি করৈরুদ্বহন্তীং ত্রিনেত্রাং .
সিংহস্কন্ধাধিরূঢাং ত্রিভুবনমখিলং তেজসা পূরযন্তীং ধ্যাযে দুর্গাং জযাখ্যাং
ত্রিদশঃ পরিবৃতাং সেবিতাং সিধিকামৈঃ .

ইতি ধ্যাত্বা

ॐ ভগবতি দুর্গে স্বগণসংযুতে ইহাগচ্ছ ইহা তিষ্ঠ মত্কৃতাং পূজাং
গৃহাণ- ইত্যাবাহ্য সাযুধাযৈ সবাহনাযৈ সপরিবারাযৈ ॐ ভগবত্যৈ
দুর্গাযৈ নমঃ .

ইতি পুজোপকরণানি সমর্প্য

ॐ সর্বমংগলমাংগল্যে শিবে সর্বার্থসাধিকে .
শরণ্যে ত্র্যম্বকে গৌরি নারযণি নমোঽস্তুতে.

ইতি প্রণমেত্

পুনঃ পুষ্পমাদায

ॐ আকৃষ্ণেন রজসাবর্তমানো নিবেশযন্নমৃতং মর্ত্যং চ
হিরণ্যেন সবিতা রথেনা দেবো যাতি ভুবনানি পশ্যন্ .
ॐ ভগবন্তঃ সুর্যাদযো নবগ্রহেন্দ্রাদিলোকপালাঃ গ্রামদেবতাঃ
কুলদেবতা সর্বদেব্যশ্চ ইহাগচ্ছত অত্র তিষ্টত মত্কৃতাং পূজাং গৃহীত

ইত্যাবাহ্য

ইদং পাদ্যং ইদমর্ঘ্যম্ .
ইদং স্নানীযমিদং পুনরাচমনীযং জলং চ সমর্পযামি .
ইদং চন্দনং এতানক্ষতাংশ্চ সমর্পযামি .
এতাণি পুষ্পাণি বিল্বপত্রাণি ধূপং
দীপং নৈবেদ্যং পুনরাচমনীযং জলং চ সমর্পযামি .
ॐ সূর্যাদি নবগ্রহেভ্যো নমঃ .
ॐ ইন্দ্রাদি লোকপালেভ্যো নমঃ .
ॐ গ্রামদেবেভ্যো নমঃ .
ॐ কুলদেবেভ্যো নমঃ .
ॐ ইষ্টদেবেভ্যো নমঃ .
সর্বেভ্যোঃ দেবেভ্যস্তথা চ সর্বাভ্যো দেবেভ্যো নমোঃ নমঃ –

ইতি পূজোপকরণানি সমর্প্যং

ॐ সর্বে দেবাস্সর্বা দেব্যশ্চ পূজিতাঃ প্রসন্ন ভবত .

শিবস্য গণপতের্বিষ্ণোর্সূর্যস্য দুর্গাযা বা প্রধানদেবতাযাঃ পূর্বোক্ত- ধ্যানবাক্যেন
ধ্যানং ধৃত্বা পূর্বত্ আবাহ্য পূজোপকরণানি সমর্প্য .
ॐ কর্পূরবর্তিসংযুক্তং গোঘৃতেন চ পূরিতম্ .
নীরাজনং মযা দত্তং গৃহাণ পরমেশ্বর ..

ইতি নীরাজনং নিবেদ্য

ॐ অজ্ঞানাদ্বিস্মৃতের্ভ্রান্ত্যা যন্ন্যূনমধিকং কৃতম্ .
বিপরীতঞ্চ তত্সর্বং ক্ষমস্ব পরমেশ্বর ..
আবাহনং ন জানামি ন জানামি বিসর্জনম্ .
পূজাঞ্চৈব ন জানামি ক্ষম্যতাং পরমেশ্বর ..
ॐ অপরাধসহস্রাণি ক্রিযন্তে ঽহনিশং মযা .
দাসোঽযমিতি মাং জ্ঞাত্বা ক্ষমস্ব জগদীশ্বর ..

ইত্যপরাধমার্জনং ত্রিপুষ্পাঞ্জলির্নিবেদ্য শংখঘণ্টাবাদনৈর্দেবাদিকং স্তুত্বা প্রণম্য.

ॐ যান্তু দেবগণাস্সর্বে পূজামাদায মামকীম্ .
পূজারাধনকালেষু পুনরাগমনায চ ..
ॐ গচ্ছ্ গচ্ছ্ পরং স্থানং স্বং ধাম পরমেশ্বর .
আবাহনস্য সমযে যথা স্যাত্পুনরাগমঃ ..

ইতি সংহার মুদ্রযা বিসর্জনং কৃত্বা .

ॐ কৃতৈতদমুকদেবতাপূজনকর্মণঃ সাঙ্গতাসিদ্ধ্যর্থং ব্রাহ্মণায দক্ষিণাং সম্প্রদদে .
ইতি পঞ্চদেবতা পূজা পদ্ধতি .