চৈতন্যসহস্রনাম স্তোত্র

.. শ্রী- কৃষ্ণ- চৈতন্য- চন্দ্রস্য- সহস্র- নাম- স্তোত্রম্ ..

নমস্তস্মৈ ভগবতে চৈতন্যায মহাত্মনে |
কলিকল্মষনাশায ভবাব্ধিতারণায চ || ১||
ব্রহ্মণা হরিদাসেন শ্রীরূপায প্রকাশিতম্ |
তত্সর্বং কথযিষ্যামি সাবধানং নিশাময || ২||
শ্রুত্বৈবং বৈষ্ণবাঃ সর্বে প্রহৃষ্টাঃ প্রেমবিহ্বলাঃ |
সাদরং পরিপপ্রচ্ছুঃ প্রেমগদ্গদযা গিরা || ৩||
বৈষ্ণবানাং হি কৃপযা স্মৃত্বা বাক্যং পিতুস্তদা |
সণোন্ত্য ভগবদ্রূপং নামানি কথযামি বৈ || ৪||
ধ্যানম্ |
ॐ অস্য শ্রীকৃষ্ণচৈতন্যসহস্রনামস্তোত্রস্য
নারাযণঃ ঋষিঃ অনুষ্টুপ্ ছন্দঃ শ্রীমদ্ভগবদ্ভক্তির্দেবতা
শ্রীরাধাকৃষ্ণপ্রীতযে শ্রীকৃষ্ণচৈতন্য নামসহস্রপথে বিনিযোগঃ .
ॐ নমঃ প্রেমসমুচ্চযায গোপীজনবল্লভায মহাত্মনে .
ॐ বিশ্বম্ভরঃ সদানন্দো বিশ্বজিদ্বিশ্বভাবনঃ |
মহানুভাবো বিশ্বাত্মা গৌরাঙ্গো গৌরভাবনঃ || ৫||
হেমপ্রভো দীর্ঘবাহুর্দীর্ঘগ্রীবঃ শুচির্বসুঃ |
চৈতন্যশ্চেতনশ্চেতশ্চিত্তরূপী প্রভুঃ স্বযম্ || ৬||
রাধাঙ্গী রাধিকাভাবো রাধান্বেশী প্রিযংবদঃ |
নীতিজ্ঞঃ সর্বধর্মজ্ঞো ভক্তিমান্ পুরুষোত্তমঃ || ৭||
অনুভাবী মহাধৈর্যঃ শাস্ত্রজ্ঞো নিত্যনূতনঃ |
প্রভাবী ভগবান্ কৃষ্ণশ্চৈতন্যো রসবিগ্রহঃ || ৮||
অনাদিনিধনো ধাতা ধরণীমন্দনঃ শুচিঃ |
বরাঙ্গশ্চঞ্চলো দক্ষঃ প্রতাপী সাধুসঙ্গতঃ || ৯||
উন্মাদী উন্মদো বীরো ধীরগ্রাণী রসপ্রিযঃ |
রক্তাম্বরো দণ্ডধরঃ সংন্যাসী যতিভূষণঃ || ১০||
দণ্ডী ছত্রী চক্রপাণিঃ কৃপালুঃ সর্বদর্শনঃ |
নিরাযুধঃ সর্বশাস্তা কলিদোষপ্রনাশনঃ || ১১||
গুরুবর্যঃ কৃপাসিন্ধুর্বিক্রমী চ জনার্দনঃ |
ম্লেচ্ছগ্রাহী কুনীতিঘ্নো দুষ্টহারী কৃপাকুলঃ || ১২||
ব্রহ্মচারী যতিবরো ব্রহ্মণ্যো ব্রাহ্মণঃ সুধীঃ |
দ্বিজরাজশ্চক্রবর্তী কবিঃ কৃপণবত্সলঃ || ১৩||
নিরীহঃ পাবকোঽর্থজ্ঞো নির্ধূমঃ পাবকোপমঃ |
নারবন্দ্যো হরাকারো ভবিষ্ণুর্নরনাযকঃ || ১৪||
দানবীরো যুদ্ধবীরো দযাবীরো বৃকোদরঃ |
জ্ঞানবীরো মহাবীরঃ শান্তিবীরঃ প্রতাপনঃ || ১৫||
শ্রীজিষ্ণুর্ভ্রমিকো জিষ্ণুঃ সহিষ্ণুশ্চারুদর্শনঃ |
নরো বরীযান্ দুর্দর্শো নবদ্বীপসুধাকরঃ || ১৬||
চন্দ্রহাস্যশ্চন্দ্রনখো বলিমদুদরো বলী |
সূর্যপ্রভঃ সূর্যকাংশুঃ সূর্যাঙ্গো মণিভূষণঃ || ১৭||
কম্ভুকণ্ঠঃ কপোলশ্রীর্নিম্ননাভিঃ সুলোচনঃ |
জগন্নাথসুতো বিপ্রো রত্নাঙ্গো রত্নভূষণঃ || ১৮||
তীর্থার্থী তীর্থদস্তীর্থস্তীর্থাঙ্গস্তীর্থসাধকঃ |
তীর্থাস্পদস্তীর্থবাসস্তীর্থসেবী নিরাশ্রযঃ || ১৯||
তীর্থালাদী তীর্থপ্রদো ব্রাহ্মকো ব্রহ্মণো ভ্রমী |
শ্রীবাসপণ্ডিতানন্দো রামানন্দপ্রিযঙ্করঃ || ২০||
গদাধরপ্রিযো দাসো বিক্রমী শঙ্করপ্রিযঃ |
যোগী যোগপ্রদো যোগো যোগকারী ত্রিযোগকৃত্ || ২১||
সর্বঃ সর্বস্বদো ভূমা সর্বাঙ্গঃ সর্বসম্ভবঃ |
বাণির্বাণাযুধো বাদী বাচস্পতিরযোনিজঃ || ২২||
বুদ্ধিঃ সত্যং বলং তেজো ধৃতিমান্ জঙ্গমকৃতিঃ |
মুরারির্বর্ধনো ধাতা নৃহরিঃ মানবর্ধনঃ || ২৩||
নিষ্কর্মা কর্মদো নাথঃ কর্মজ্ঞঃ কর্মনাশকঃ |
অনর্ঘঃ কারকঃ কর্ম ক্রিযার্হঃ কর্মবাধকঃ || ২৪||
নির্গুণো গুণবানীশো বিধাতা সামগোঽজিতঃ |
জিতশ্বাসো জিতপ্রাণো জিতানঙ্গো জিতেন্দ্রিযঃ || ২৫||
কৃষ্ণভাবী কৃষ্ণনামী কৃষ্ণাত্মা কৃষ্ণনাযকঃ |
অদ্বৈতো দ্বৈতসাহিত্যো দ্বিভাবঃ পালকো বশী || ২৬||
শ্রীবাসঃ শ্রীধরাহব্যো হলনাযকসারবিত্ |
বিশ্বরূপানুজশ্চন্দ্রো বরীযান্ মাধবোঽচ্যুতঃ || ২৭||
রূপাসক্তঃ সদাচারো গুণজ্ঞো বহুভাবকঃ |
গুণহীনো গুণাতীতো গুণগ্রাহী গুণার্ণবঃ || ২৮||
ব্রহ্মানন্দো নিত্যানন্দঃ প্রেমানন্দোঽতিনন্দকঃ |
নিন্দ্যহারী নিন্দ্যবর্জী নিন্দ্যঘ্নঃ পরিতোষকঃ || ২৯||
যজ্ঞবাহুর্বিনীতাত্মা নামযজ্ঞপ্রচারকঃ |
কলিবর্যঃ সুচিনাংশুঃ পর্যাংসুঃ পাবকোপমঃ || ৩০||
হিরণ্যগর্ভঃ সূক্ষ্মাত্মা বৈরাজ্যো বিরজাপতিঃ |
বিলাসী প্রভাবী স্বাংশী পরাবস্থঃ শিরোমণিঃ || ৩১||
মাযাঘ্নো মাযিকো মাযী মাযাবাদী বিচক্ষণঃ |
কৃষ্ণাচ্ছাদী কৃষ্ণজল্পী বিষযঘ্নো নিরাকৃতিঃ || ৩২||
সঙ্কল্পশূন্যো মাযীশো মাযাদ্বেশী ব্রজপ্রিযঃ |
ব্রজাধীশো ব্রজপতির্গোপগোকুলনন্দনঃ || ৩৩||
ব্রজবাসী ব্রজভাবো ব্রজনাযকসত্তমঃ |
গুপ্তপ্রিযো গুপ্তভাবো বাঞ্ছিতঃ সত্কুলাশ্রযঃ || ৩৪||
রাগানুগো রাগসিন্ধূ রাগাত্মা রাগবর্ধনঃ |
রাগোদ্গতঃ প্রেমসাক্ষী ভট্টনাথঃ সনাতনঃ || ৩৫||
গোপালভট্টগঃ প্রীতো লোকনাথপ্রিযঃ পটুঃ |
দ্বিভুজঃ ষড্ভুজো রূপী রাজদর্পবিনাশনঃ || ৩৬||
কাশিমিশ্রপ্রিযো বন্দ্যো বন্দনীযঃ শচিপ্রসূঃ |
মিশ্রপুরন্দরাধিসো রঘুনাথপ্রিযো রযঃ || ৩৭||
সার্বভৌমদর্পহারী অমোঘারির্বসুপ্রিযঃ |
সহজঃ সহজাধীশঃ শাশ্বতঃ প্রণযাতুরঃ || ৩৮||
কিলকিঞ্চিদভাবার্তঃ পাণ্ডুগণ্ডঃ শুচাতুরঃ |
প্রলাপী বহুবাক্ শুদ্ধঃ ঋজুর্বক্রগতিঃ শিবঃ || ৩৯||
ঘত্তাযিতোঽরবিন্দাক্ষঃ প্রেমবৈচিত্যলক্ষকঃ |
প্রিযাভিমানী চতুরঃ প্রিযাবর্তী প্রিযোন্মুখঃ || ৪০||
লোমাঞ্চিতঃ কম্পধরঃ অশ্রুমুখো বিশোকহা |
হাস্যপ্রিযো হাস্যকারী হাস্যযুগ্ হাস্যনাগরঃ || ৪১||
হাস্যগ্রামী হাস্যকরস্ত্রিভঙ্গী নর্তনাকুলঃ |
ঊর্ধ্বলোমা ঊর্ধ্বহস্ত ঊর্ধ্বরাবী বিকারবান্ || ৪২||
ভবোল্লাসী ধীরশান্তো ধীরঙ্গো ধীরনাযকঃ |
দেবাস্পদো দেবধামা দেবদেবো মনোভবঃ || ৪৩||
হেমাদ্রির্হেমলাবণ্যঃ সুমেরুর্ব্রহ্মসাদনঃ |
ঐরাবতস্বর্ণকান্তিঃ শরঘ্নো বাঞ্ছিতপ্রদঃ || ৪৪||
করোভোরূঃ সুদীর্ঘাক্ষঃ কম্পভ্রূচক্ষুনাসিকঃ |
নামগ্রন্থী নামসঙ্খ্যা ভাববদ্ধস্তৃষাহরঃ || ৪৫||
পাপাকর্ষী পাপহারী পাপঘ্নঃ পাপশোধকঃ |
দর্পহা ধনদোঽরিঘ্নো মানহা রিপুহা মধুঃ || ৪৬||
রূপহা বেশহা দিব্যো দীনবন্ধুঃ কৃপামযঃ |
সুধক্ষরঃ সুধাস্বাদী সুধামা কমনীযকঃ || ৪৭||
নির্মুক্তো মুক্তিদো মুক্তো মুক্তাখ্যো মুক্তিবাধকঃ |
নিঃশঙ্কো নিরহঙ্কারো নির্বৈরো বিপদাপহঃ || ৪৮||
বিদগ্ধো নবলাবণ্যো নবদ্বীপদ্বিজ প্রভুঃ |
নিরঙ্কুশো দেববন্দ্যঃ সুরাচার্যঃ সুরারিহা || ৪৯||
সুরবর্যো নিন্দ্যহারী বাদঘ্নঃ পরিতোষকঃ |
সুপ্রকাশো বৃহদ্বাহুর্মিত্রজ্ঞঃ কবিভূষণঃ || ৫০||
বরপ্রদো বরপাঙ্গো বরযুগ্ বরনাযকঃ |
পুষ্পহাসঃ পদ্মগন্ধিঃ পদ্মরাগঃ প্রজাগরঃ || ৫১||
ঊর্ধ্বগঃ সত্পথাচারী প্রাণদ ঊর্ধ্বগাযকঃ |
জনপ্রিযো জনাহ্লাদো জনকঋষি জনস্পৃহঃ || ৫২||
অজন্মা জন্মনিলযো জনানদো জনার্দ্রধীঃ |
জগন্নাথো জগদ্বন্ধুর্জগদ্দেবো জগত্পতিঃ || ৫৩||
জনকারী জনামোদো জনকানন্দসাগ্রহঃ |
কলিপ্রিযঃ কলিশ্লাঘ্যঃ কলিমানবিবর্ধনঃ || ৫৪||
কলিবর্যঃ সদানন্দঃ কলিকৃত্ কলিধন্যমান্ |
বর্ধামনঃ শ্রুতিধরঃ বর্ধনো বৃদ্ধিদাযকঃ || ৫৫||
সম্পদঃ শারণো দক্ষো ঘৃণাঙ্গী কলিরক্ষকঃ |
কলিধন্যঃ সমযজ্ঞঃ কলিপুণ্যপ্রকাশকঃ || ৫৬||
নিশ্চিন্তো ধীরললিতো ধীরবাক্ প্রেযসীপ্রিযঃ |
বামাস্পর্শী বামভাবো বামরূপো মনোহরঃ || ৫৭||
অতীন্দ্রিযঃ সুরাধ্যক্ষো লোকাধ্যক্ষঃ কৃতকৃতঃ |
যুগাদিকৃদ্ যুগকরো যুগজ্ঞো যুগনাযকঃ || ৫৮||
যুগাবর্তো যুগাসীমঃ কালবান্ কালশক্তিধৃক্ |
প্রণযঃ শাশ্বতো হৃষ্টো বিশ্বজিদ্ বুদ্ধিমোহনঃ || ৫৯||
সন্ধ্যাতা ধ্যানকৃদ্ ধ্যানী ধ্যানমঙ্গলসন্ধিমান্ |
বিস্রুতাত্মা হৃদিস্থিরো গ্রামনিযপ্রগ্রাহকঃ || ৬০||
স্বরমূর্চ্ছী স্বরালাপী স্বরমূর্তিবিভূষণঃ |
গানগ্রাহী গানলুব্ধো গাযকো গানবর্ধনঃ || ৬১||
গানমান্যো হ্যপ্রমেযঃ সত্কর্তা বিশ্বধৃক্ সহঃ |
ক্ষীরাব্ধিকমথাকারঃ প্রেমগর্ভঝষাকৃতিঃ || ৬২||
বীভত্সুর্ভাবহৃদযঃ অদৃশ্যো বর্হিদর্শকঃ |
জ্ঞানরুদ্ধো ধীরবুদ্ধিরখিলাত্মপ্রিযঃ সুধীঃ || ৬৩||
অমেযঃ সর্ববিদ্ভানুর্বভ্রূর্বহুশিরো রুচিঃ |
উরুশ্রবাঃ মহাদীর্ঘো বৃষকর্মা বৃষাকৃতিঃ || ৬৪||
শ্রুতিস্মৃতিধরো বেদঃ শ্রুতিজ্ঞঃ শ্রুতিবাধকঃ |
হৃদিস্পৃশ আস আত্মা শ্রুতিসারো বিচক্ষণঃ || ৬৫||
কলাপী নিরনুগ্রাহী বৈদ্যবিদ্যাপ্রচারকঃ |
মীমাংসকারির্বেদাঙ্গ বেদার্থপ্রভবো গতিঃ || ৬৬||
পরাবরজ্ঞো দুষ্পারো বিরহাঙ্গী সতাং গতিঃ |
অসঙ্খ্যেযোঽপ্রমেযাত্মা সিদ্ধিদঃ সিদ্ধিসাধনঃ || ৬৭||
ধর্মসেতুর্ধর্মপরো ধর্মাত্মা ধর্মভাবনঃ |
উদীর্ণসংশযচ্ছিন্নো বিভূতিঃ শাশ্বতঃ স্থিরঃ || ৬৮||
শুদ্ধাত্মা শোভনোত্কণ্ঠোঽনির্দেশ্যঃ সাধনপ্রিযঃ |
গ্রন্থপ্রিযো গ্রন্থমযঃ শাস্ত্রযোনির্মহাশযঃ || ৬৯||
অবর্ণো বর্ণনিলযো নাশ্রমী চতুরাশ্রমঃ |
অবিপ্র বিপ্রকৃত্ স্তুত্যো রাজন্যো রাজ্যনাশকঃ || ৭০||
অবশ্যো বশ্যতাধীনঃ শ্রীভক্তিব্যবসাযকঃ |
মনোজবঃ পুরযিতা ভক্তিকীর্তিরনামযঃ || ৭১||
নিধিবর্জী ভক্তিনিধির্দুর্লভো দুর্গভাবকৃত্ |
কর্তনীঃ কীর্তিরতুলঃ অমৃতো মুরজপ্রিযঃ || ৭২||
শৃঙ্গারঃ পঞ্চমো ভাবো ভাবযোনিরনন্তরঃ |
ভক্তিজিত্ প্রেমভোজী চ নবভক্তিপ্রচারকঃ || ৭৩||
ত্রিগর্তস্ত্রিগুণামোদস্ত্রিবাঞ্ছী প্রীতিবর্ধনঃ |
নিযন্তা শ্রমগোঽতীতঃ পোষণো বিগতজ্বরঃ || ৭৪||
প্রেমজ্বরো বিমানার্হঃ অর্থহা স্বপ্ননাশনঃ |
উত্তারণো নামপুণ্যঃ পাপপুণ্যবিবর্জিতঃ || ৭৫||
অপরাধহরঃ পাল্যঃ স্বস্তিদঃ স্বস্তিভূষণঃ |
পূতাত্মা পূতগঃ পূতঃ পূতভাবো মহাস্বনঃ || ৭৬||
ক্ষেত্রজ্ঞঃ ক্ষেত্রবিজযী ক্ষেত্রবাসো জগত্প্রসূঃ |
ভযহা ভযদো ভাস্বান্ গৌণভাবসমন্বিতঃ || ৭৭||
মণ্ডিতো মণ্ডলকরো বৈজযন্তীপবিত্রকঃ |
চিত্রাঙ্গশ্চিত্রিতশ্চিত্রো ভক্তচিত্তপ্রকাশকঃ || ৭৮||
বুদ্ধিগো বুদ্ধিদো বুদ্ধির্বুদ্ধিধৃগ্ বুদ্ধিবর্ধনঃ |
প্রেমাদ্রিধৃক্ প্রেমবহো রতিবোঢ রতিস্পৃশঃ || ৭৯||
প্রেমচক্ষুঃ প্রেমগহ্নঃ প্রেমহৃত্ প্রেমপূরকঃ |
গম্ভীরগো বহির্বাসো ভাবানুষ্ঠিতগো পতিঃ || ৮০||
নৈকরূপো নৈকভাবো নৈকাত্মা নৈকরূপধৃক্ |
শ্লথসন্ধিঃ ক্ষীণধর্মস্ত্যক্তপাপ উরুশ্রবঃ || ৮১||
উরুগায উরুগ্রীব উরুভাব উরুক্রমঃ |
নির্ধূতো নির্মলো ভাবো নিরীহো নিরনুগ্রহঃ || ৮২||
নির্ধূমোঽগ্নিঃ সুপ্রতাপস্তীব্রতাপো হুতাশনঃ |
একো মহদ্ভূতব্যাপী পৃথগ্ভূতঃ অনেকশঃ || ৮৩||
নির্ণযী নিরনুজ্ঞাতো দুষ্টগ্রামনিবর্তকঃ |
বিপ্রবন্ধুঃ প্রিযো রুচ্যো রোচকাঙ্গো নরাধিপঃ || ৮৪||
লোকাধ্যক্ষঃ সুবর্ণাভঃ কনকাব্জঃ শিখামণিঃ |
হেমকুম্ভো ধর্মসেতুর্লোকনাথো জগদ্গুরুঃ || ৮৫||
লোহিতাক্ষো নামকর্মা ভাবস্থো হৃদ্গুহাশযঃ |
রসপ্রাণো রতিজ্যেষ্ঠো রসাব্ধিরতিরাকুলঃ || ৮৬||
ভাবসিন্ধুর্ভক্তিমেঘো রসবর্ষী জনাকুলঃ |
পীতাব্জো নীলপীতাভো রতিভোক্তা রসাযনঃ || ৮৭||
অব্যক্তঃ স্বর্ণরাজীবো বিবর্ণী সাধুদর্শনঃ |
অমৃত্যুঃ মৃত্যুদোঽরুদ্ধঃ সন্ধাতা মৃত্যুবঞ্চকঃ || ৮৮||
প্রেমোন্মত্তঃ কীর্তনর্ত্তঃ সঙ্কীর্তনপিতা সুরঃ |
ভক্তিগ্রামঃ সুসিদ্ধার্থঃ সিদ্ধিদঃ সিদ্ধিসাধনঃ || ৮৯||
প্রেমোদরঃ প্রেমবাহূ লোকভর্তা দিশাম্পতিঃ |
অন্তঃ কৃষ্ণো বহির্গৌরো দর্শকো রতিবিস্তরঃ || ৯০||
সঙ্কল্পসিদ্ধো বাঞ্ছাত্মা অতুলঃ সচ্ছরীরভৃত্ |
ঋড্ধার্থঃ করুণাপাঙ্গো নদকৃদ্ ভক্তবত্সলঃ || ৯১||
অমত্সরঃ পরানন্দঃ কৌপীনী ভক্তিপোষকঃ |
অকৈতবো নামমালী বেগবান্ পূর্ণলক্ষণঃ || ৯২||
মিতাশনো বিবর্তাক্ষো ব্যবসাযা ব্যবস্থিতঃ |
রতিস্থানো রতিবনঃ পশ্চাত্তুষ্টঃ শমাকুলঃ || ৯৩||
ক্ষোভণো বিরভো মার্গো মার্গধৃগ্ বর্ত্মদর্শকঃ |
নীচাশ্রমী নীচমানী বিস্তারো বীজমব্যযঃ || ৯৪||
মোহকাযঃ সূক্ষ্মগতির্মহেজ্যঃ সত্ত্রবর্ধনঃ |
সুমুখঃ স্বাপনোঽনাদিঃ সুকৃত্ পাপবিদারণঃ || ৯৫||
শ্রীনিবাসো গভীরাত্মা শৃঙ্গারকনকাদৃতঃ |
গভীরো গহনো বেধা সাঙ্গোপাঙ্গো বৃষপ্রিযঃ || ৯৬||
উদীর্ণরাগো বৈচিত্রী শ্রীকরঃ স্তবনার্হকঃ |
অশ্রুচক্ষুর্জলাব্যঙ্গ পূরিতো রতিপূরকঃ || ৯৭||
স্তোত্রাযণঃ স্তবাধ্যক্ষঃ স্তবনীযঃ স্তবাকুলঃ |
ঊর্ধ্বরেতঃ সন্নিবাসঃ প্রেমমূর্তিঃ শতানলঃ || ৯৮||
ভক্তবন্ধুর্লোকবন্ধুঃ প্রেমবন্ধুঃ শতাকুলঃ |
সত্যমেধা শ্রুতিধরঃ সর্বশস্ত্রভৃতাংবরঃ || ৯৯||
ভক্তিদ্বারো ভক্তিগৃহঃ প্রেমাগারো নিরোধহা |
উদ্ঘূর্ণো ঘূর্ণিতমনা আঘূর্নিতকলেবরঃ || ১০০||
ভবভ্রান্তিজসন্দেহঃ প্রেমরাশিঃ শুচাপহঃ |
কৃপাচার্যঃ প্রেমসঙ্গো বযুনঃ স্থিরযৌবনঃ || ১০১||
সিন্ধুগঃ প্রেমসঙ্গাহঃ প্রেমবশ্যো বিচক্ষণঃ |
পদ্মকিঞ্জল্কসঙ্কাশঃ প্রেমাদারো নিযামকঃ || ১০২||
বিরক্তো বিগতারাতির্নাপেক্ষো নারদদৃতঃ |
নতস্থো দক্ষিণঃ ক্ষামঃ শঠজীবপ্রতারকঃ || ১০৩||
নামপ্রবর্তকোঽনর্থো ধর্মোগুর্বাদিপুরুষঃ |
ন্যগ্রোধো জনকো জাতো বৈনত্যো ভক্তিপাদপঃ || ১০৪||
আত্মমোহঃ প্রেমলীধঃ আত্মভাবানুগো বিরাট্ |
মাধুর্যবত্ স্বাত্মরতো গৌরখ্যো বিপ্ররূপধৃক্ || ১০৫||
রাধারূপী মহাভাবী রাধ্যো রাধনতত্পরঃ |
গোপীনাথাত্মকোঽদৃশ্যঃ স্বাধিকারপ্রসাধকঃ || ১০৬||
নিত্যাস্পদো নিত্যরূপী নিত্যভাবপ্রকাশকঃ |
সুস্থভাবশ্চপলধীঃ স্বচ্ছগো ভক্তিপোষকঃ || ১০৭||
সর্বত্রগস্তীর্থভূতো হৃদিস্থঃ কমলাসনঃ |
সর্বভাবানুগাধীশঃ সর্বমঙ্গলকারকঃ || ১০৮||
ইত্যেতত্কথিতং নিত্যং সাহস্রং নামসুন্দরম্ |
গোলোকবাসিনো বিষ্ণোর্গৌররূপস্য শার্ঙ্গিনঃ || ১০৯||
ইদং গৌরসহস্রাখ্যাম্ আমযঘ্নং শুচাপহম্ |
প্রেমভক্তিপ্রদং নৃণাং গোবিন্দাকর্ষকং পরম্ || ১১০||
প্রাতঃকালে চ মধ্যাহ্নে সন্ধ্যাযাং মধ্যরাত্রিকে |
যঃ পঠেত্প্রযতো ভক্ত্যা চৈতন্যে লভতে রতিম্ || ১১১||
নামাত্মকো গৌরদেবো যস্য চেতসি বর্ততে |
স সর্বং বিষযং ত্যক্ত্বা ভাবানন্দো ভবেদ্ধ্রুবম্ || ১১২||
যস্মৈ কস্মৈ ন দাতব্যম্ দানে তু ভক্তিহা ভবেত্ |
বিনীতায প্রশান্তায গৌরভক্তায ধীমতে || ১১৩||
তস্মৈ দেযং ততো গ্রাহ্যমিতি বৈষ্ণবশাসনম্ ||
ইতি শ্রীকবিকর্ণপূরবিরচিতম্
শ্রীকৃষ্ণচৈতন্যচন্দ্রস্য
সহস্রনামস্তোত্রং সংপূর্ণম্ ||