শ্রীরাধাকবচম্

.. শ্রীরাধাকবচম্ ..

মহেশ্বর উবাচ |
শ্রীজগন্মঙ্গলস্যাস্য কবচস্য প্রজাপতিঃ || ১||
ঋষিশ্চন্দোঽস্য গাযত্রী দেবী রাসেশ্বরী স্বযম্ |
শ্রীকৃষ্ণভক্তিসম্প্রাপ্তৌ বিনিযোগঃ প্রকীর্তিতঃ || ২||
শিষ্যায কৃষ্ণভক্তায ব্রহ্মণায প্রকাশ্যেত্ |
শঠায পরশিষ্যায দত্ত্বা মৃত্যুমবাপ্নুযাত্ || ৩||
রাজ্যং দেযং শিরো দেযং ন দেযং কবচং প্রিযে |
কণ্ঠে ধৃতমিদং ভক্ত্যা কৃষ্ণেন পরমাত্মনা || ৪||
মযা দৃষ্টং চ গোলোকে ব্রহ্মণা বিষ্ণুনা পুরা |
৐ রাধেতি চতুর্থ্যন্তং বহ্নিজাযান্তমেব চ || ৫||
কৃষ্ণেনোপাসিতো মন্ত্রঃ কল্পবৃক্ষঃ শিরোঽবতু |
৐ হ্রীং শ্রীং রাধিকাঙেন্তং বহ্নিজাযান্তমেব চ || ৬||
কপালং নেত্রযুগ্মং চ শ্রোত্রযুগ্মং সদাবতু |
৐ রাং হ্রীং শ্রীং রাধিকেতি ঙেন্তং বহ্নি জাযান্তমেব চ || ৭||
মস্তকং কেশসংঘাংশ্চ মন্ত্ররাজঃ সদাবতু |
৐ রাং রাধেতি চতুর্থ্যন্তং বহ্নিজাযান্তমেব চ || ৮||
সর্বসিদ্ধিপ্রদঃ পাতু কপোলং নাসিকাং মুখম্ |
ক্লীং শ্রীং কৃষ্ণপ্রিযাঙেন্তং কণ্ঠং পাতু নমোঽন্তকম্ || ৯||
৐ রাং রাসেশ্বরীঙেন্তং স্কন্ধং পাতু নমোঽন্তকম্ |
৐ রাং রাসবিলাসিন্যৈ স্বাহা পৃষ্ঠং সদাবতু || ১০||
বৃন্দাবনবিলাসিন্যৈ স্বাহা বক্ষঃ সদাবতু |
তুলসীবনবাসিন্যৈ স্বাহা পাতু নিতম্বকম্ || ১১||
কৃষ্ণপ্রাণাধিকাঙেন্তং স্বাহান্তং প্রণবাদিকম্ |
পাদযুগ্মং চ সর্বাঙ্গং সংততং পাতু সর্বতঃ || ১২||
রাধা রক্ষতু প্রাচ্যাং চ বহ্নৌ কৃষ্ণপ্রিযাবতু |
তুলসীবনবাসিন্যৈ স্বাহা পাতু নিতম্বকম্ || ১৩||
পশ্চিমে নির্গুণা পাতু বাযব্যে কৃষ্ণপূজিতা |
উত্তরে সংততং পাতু মূলপ্রকৃতিরীশ্বরী || ১৪||
সর্বেশ্বরী সদৈশান্যাং পাতু মাং সর্বপূজিতা |
জলে স্থলে চান্তরিক্ষে স্বপ্নে জাগরণে তথা || ১৫||
মহাবিষ্ণোশ্চ জননী সর্বতঃ পাতু সংততং |
কবচং কথিতং দুর্গে শ্রীজগন্মঙ্গলং পরম্ || ১৬||
যস্মৈ কস্মৈ ন দাতব্য গুঢাদ্ গুঢতরং পরম্ |
তব স্নেহান্মযাখ্যাতং প্রবক্তং ন কস্যচিত্ || ১৭||
গুরুমভ্যর্চ্য বিধিবদ্ বস্ত্রালংকারচন্দনৈঃ |
কণ্ঠে বা দক্ষিণে বাহৌ ধৃত্বা বিষ্ণোসমো ভবেত্ || ১৮||
শতলক্ষজপেনৈব সিদ্ধং চ কবচং ভবেত্ |
যদি স্যাত্ সিদ্ধকবচো ন দগ্ধো বহ্নিনা ভবেত্ || ১৯||
এতস্মাত্ কবচাদ্ দুর্গে রাজা দুর্যোধনঃ পুরা |
বিশারদো জলস্তম্ভে বহ্নিস্তম্ভে চ নিশ্চিতম্ || ২০||
মযা সনত্কুমারায পুরা দত্তং চ পুষ্করে |
সূর্যপর্বণি মেরৌ চ স সান্দীপনযে দদৌ || ২১||
বলায তেন দত্তং চ দদৌ দুর্যোধনায সঃ |
কবচস্য প্রসাদেন জীবন্মুক্তো ভবেন্নরঃ || ২২||
নিত্যং পঠতি ভক্ত্যেদং তন্মন্ত্রোপাসকশ্চ যঃ |
বিষ্ণুতুল্যো ভবেন্নিত্যং রাজসূযফলং লভেত্ || ২৩||
স্নানেন সর্বতীর্থানাং সর্বদানেন যত্ফলম্ |
সর্বব্রতোপবাসে চ পৃথিব্যাশ্চ প্রদক্ষিণে || ২৪||
সর্বযজ্ঞেষু দীক্ষাযাং নিত্যং চ সত্যরক্ষণে |
নিত্যং শ্রীকৃষ্ণসেবাযাং কৃষ্ণনৈবেদ্যভক্ষণে || ২৫||
পাঠে চতুর্ণাং বেদানাং যত্ফলং চ লভেন্নরঃ |
যত্ফলং লভতে নূনং পঠনাত্ কবচস্য চ || ২৬||
রাজদ্বারে শ্মশানে চ সিংহব্যাঘ্রান্বিতে বনে |
দাবাগ্নৌ সংকটে চৈব দস্যুচৌরান্বিতে ভযে || ২৭||
কারাগারে বিপদ্গ্রস্তে ঘোরে চ দৃঢবন্ধনে |
ব্যাধিযুক্তো ভবেন্মুক্তো ধারণাত্ কবচস্য চ || ২৮||
ইত্যেতত্কথিতং দুর্গে তবৈবেদং মহেশ্বরি |
ত্বমেব সর্বরূপা মাং মাযা পৃচ্ছসি মাযযা || ২৯||
শ্রীনারাযণ উবাচ |
ইত্যুক্ত্বা রাধিকাখ্যানং স্মারং চ মাধবম্ |
পুলকাঙ্কিতসর্বাঙ্গঃ সাশ্রুনেত্রো বভুব সঃ || ৩০||
ন কৃষ্ণসদৃশো দেবো ন গঙ্গাসদৃশী সরিত্ |
ন পুষ্করসমং তীর্থং নাশ্রামো ব্রাহ্মণাত্ পর || ৩১||
পরমাণুপরং সূক্ষ্মং মহাবিষ্ণোঃ পরো মহান্ |
নভ পরং চ বিস্তীর্ণং যথা নাস্ত্যেব নারদ || ৩২||
তথা ন বৈষ্ণবাদ্ জ্ঞানী যিগীন্দ্রঃ শংকরাত্ পরঃ |
কামক্রোধলোভমোহা জিতাস্তেনৈব নারদ || ৩৩||
স্বপ্নে জাগরণে শশ্বত্ কৃষ্ণধ্যানরতঃ শিবঃ |
যথা কৃষ্ণস্তথা শম্ভুর্ন ভেদো মাধবেশযোঃ || ৩৪||
যথা শম্ভুর্বৈষ্ণবেষু যথা দেবেষু মাধবঃ |
তথেদং কবচং বত্স কবচেষু প্রশস্তকম্ || ৩৫||
ইতি শ্রীব্রহ্মবৈবর্তে শ্রীরাধিকাকবচং সম্পূর্নম্ |