ব্রহ্মেশশেষাদিকৃতং শ্রীরাধাস্তোত্রং

.. ব্রহ্মেশশেষাদিকৃতং শ্রীরাধাস্তোত্রং ..

|| অথ ব্রহ্মেশশেষাদিকৃতম্ শ্রীরাধাস্তোত্রম্ ||
ষষ্টিবর্ষসহস্রাণি দিব্যানি পরমেশ্বরি |
পুষ্করে চ তপস্তপ্তং পুণ্যক্ষেত্রে চ ভারতে || ১ ||
ত্বত্পাদপদ্মমধুরমধুলুব্ধেন চেতসা |
মধুব্রতেন লোভেন প্রেরিতেন মযা সতি || ২ ||
তথাপি ন মযা লব্ধং ত্বদ্পাদপদমীপ্সিতম্ |
ন দৃষ্টমপি স্বপ্নেঽপি জাতা বাগশরীরিণী || ৩ ||
বারাহে ভারতে বর্ষে পুণ্যে বৃন্দাবনে বনে |
সিদ্ধাশ্রমে গণেশস্য পাদপদ্মং চ দ্রক্ষ্যসি || ৪ ||
রাধামাধবযোর্দাস্যং কুতো বিষযিণস্তব |
নিবর্তস্ব মহাভাগ পরমেতত্ সুদুর্লভম্ || ৫ ||
ইতি শ্রুত্বা নিবৃত্তোঽহং কুতো বিষযিণস্তব |
নিবর্তস্ব মহাভাগ পরমেতত্ সুদুর্লভম্ || ৬ ||
শ্রীমহাদেব উবাচ |
পদ্মৈঃ পদ্মার্চিতং পাদপদ্মং যস্য সুদুর্লভম্ |
ধ্যাযন্তে ধ্যাননিষ্টাশ্চ শশ্বদ্ ব্রহ্মাদযঃ সুরাঃ || ৭ ||
মুনযো মনবশ্চৈব সিদ্ধাঃ সন্তশ্চ যোগিনঃ |
দ্রষ্টুং নৈব ক্ষমাঃ স্বপ্নে ভবতী তস্য বক্ষসি || ৮ ||
অনত উবাচ |
বেদাশ্চ বেদমাতা চ পুরাণানি চ সুব্রতে |
অহং সরস্বতী সন্তঃ স্তোতুং নালং চ সন্ততম্ || ৯ ||
অস্মাকং স্তবনে যস্য ভ্রভঙ্গশ্চ সুদুর্লভভঃ |
তবৈব ভর্ত্সনে ভীতশ্চাবযোরন্তরং হরিঃ || ১০ ||
|| ইতি শ্রীব্রহ্মবৈবর্তে ব্রহ্মেশশেষাদিকৃতং
শ্রীরাধাস্তোত্রং সম্পূর্ণম্ ||