রাধাপ্রার্থনা উদ্ধবকৃত

.. উদ্ধবকৃতা শ্রীরাধাপ্রার্থনা ..

উদ্ধব উবাচ |
চেতনং কুরু কল্যাণি জগন্মাতর্নমোঽস্তুতে |
ত্বমেব প্রাক্তনং সর্বং কৃষ্ণং দ্রক্ষ্যসি সাম্প্রতম্ || ১||
ত্বত্তো বিশ্বং পবিত্রং চ ত্বত্পাদরজসা মহী |
সুপবিত্রং ত্বদ্বদনং পুণ্যবত্যশ্চ গোপিকাঃ || ২||
লোকাস্ত্বামেব গাযন্তি গীতৈর্মঙ্গলসংস্তবৈঃ |
ত্বত্সুকীর্তিং চ বেদাশ্চ সনকাদ্যাশ্চ সংততম্ || ৩||
কৃতপাপহরাং পুণ্যাং তীর্থপুজাং চ নির্মলাম্ |
হরিভক্তিপ্রদাং ভদ্রাং সর্ববিঘ্নবিনাশিনীম্ || ৪||
ত্বমেব রাধা ত্বং কৃষ্ণস্ত্বং পুমান্ প্রকৃতিঃ পরা |
রাধামাধবযোর্ভেদো ন পুরাণে শ্রুতৌ তথা || ৫ ||
|| ইতি শ্রীব্রহ্মবৈবর্তে পুরাণে শ্রীকৃষ্ণজন্মখণ্ডে
উদ্ধবক্রিতা শ্রীরাধা প্রার্থনা সম্পূর্ণা ||