সুব্রহ্মণ্য পঞ্চরত্নম্

.. শ্রী সুব্রহ্মণ্যপঞ্চরত্নম্ ..

ষডাননং চন্দনলেপিতাঙ্গং
মহোরসং দিব্যমযূরবাহনম্ .
রুদ্রস্য সূনুং সুরলোকনাথং
ব্রহ্মণ্যদেবং শরণং প্রপদ্যে .. ১..

জাজ্বল্যমানং সুরবৃন্দবন্দ্যং
কুমার ধারাতট মন্দিরস্থম্ .
কন্দর্পরূপং কমনীযগাত্রং
ব্রহ্মণ্যদেবং শরণং প্রপদ্যে .. ২..

দ্বিষড্ভুজং দ্বাদশদিব্যনেত্রং
ত্রযীতনুং শূলমসী দধানম্ .
শেষাবতারং কমনীযরূপং
ব্রহ্মণ্যদেবং শরণং প্রপদ্যে .. ৩..

সুরারি ঘোরাহবশোভমানং
সুরোত্তমং শক্তিধরং কুমারম্ .
সুধার শক্ত্যাযুধ শোভিহস্তং
ব্রহ্মণ্যদেবং শরণং প্রপদ্যে .. ৪..

ইষ্টার্থসিদ্ধিপ্রদমীশপুত্রং
মিষ্টান্নদং ভূসুর কামধেনুম্ .
গঙ্গোদ্ভবং সর্বজনানুকূলং
ব্রহ্মণ্যদেবং শরণং প্রপদ্যে .. ৫..

যঃ শ্লোকপঞ্চমিদং পঠতীহ ভক্ত্যা
ব্রহ্মণ্যদেব বিনিবেশিত মানসঃ সন্ .
প্রাপ্নোতি ভোগমখিলং ভুবি যদ্যদিষ্ট-
মন্তে স গচ্ছতি মুদা গুহসাম্যমেব ..

.. ইতি শ্রী সুব্রহ্মণ্যপঞ্চরত্নং সমাপ্তম্ ..