ষট্বিংশত্তত্ত্ব সন্দোহ

.. ষট্বিংশত্তত্ত্ব সন্দোহ ..

ষট্ত্রিংশত্তত্ত্ব সন্দোহ

যদযমনুত্তরমূর্তির্নিজেচ্ছযাখিলমিদং জগত্স্রষ্টুং .
পস্পন্দে স স্পন্দঃ প্রথমশ্শিবতত্ত্বমুচ্যতে তজ্জ্ঞৈঃ .. ১..

ইহ হি স্বতংত্রশিবাদ্বযদর্শনে
পরমেশ্বরস্স্বতংত্রশ্চিদ্ঘনসংবিত্স্বভাবস্স্বযা
স্বাতংত্র্যাখ্যযা
শক্ত্যা সততং শিবাদিধরণ্যন্ততত্তদ্ভুবনভূততত্ত্বাত্মনা
ক্রীডনাদিশীলত্বাত্ কৃত্যপঞ্চকবিধাযী বস্তুতঃ
ক্রমরাহিত্যেঽপি
বিশ্বসৃষ্টৌ আভাসনমাত্রসারেণ
পারমার্থিককার্যকারণভাবেন
ক্রমমপি উদ্ভাবযন্ অনাখ্যত্বেঽপি স্বেচ্ছযৈব স্বাত্মভিত্তৌ
তত্তচ্ছিবাদি
তত্ত্বাভিখ্যামবভাসযতি . তথাত্বেঽপি
ষট্ত্রিংশত্তত্ত্বমযকুলস্বরূপপরামর্শনাতাখণ্ড্যেন
স্বচমত্কারবিমর্শসারামনুত্তর আনংদধনাবস্থান্নোজ্ঝতীতি
বাস্তবাশযাববোধনায কশ্চিংমহামাহেশ্বরঃ
পরমেশশক্তিপাতানুগৃহীতঃ
তত্ত্বক্রমপ্রক্রিযামার্যাভিরেকবিংশত্যা
সমুপনিববন্ধ যদযমিত্যাদিনা . অনুত্তরমূর্তেভগবতঃ
পরমেশ্বরস্য
প্রকাশঘনস্বাত্মৈকাত্ভ্যেনাবস্থিতং বিশ্বং সিসৃক্ষোঃ
দর্পণনগরবত স্বেচ্ছযৈব স্বাত্মন্যাদ্যা
প্রোংমিমীলযিষাবস্থা
শিবতত্ত্বব্যপদেশ্যা পঞ্চশক্তিনির্ভরত্বাত্স্বাতংত্রিযাত্
চিদাদিপ্রাধান্যেন ক্রমশঃ শুদ্ধাধ্বনি
তত্ত্বসৃষ্ট্যবভাসনং
মাযাবিদ্যাদেস্ সংবিত্প্রকাশঘনপরমশিবাত্
ব্যতিরেকানতিরেকবিকল্পৈরুপহতত্বাত্
স্বতংত্রিযমেব কেবলং বিশ্বোত্পত্তিসংহরণাদৌ
মূর্ধাভিষিক্তং
তত্তদনন্তশক্তিনিযমানাং ক্রোডীকারিত্বাত্ বক্ষ্যমাণেঽপি
তত্তদ্রূপোপগ্রহণে স্বতংত্র্যামুক্তত্বান্ন
প্রাচ্যস্বভাবাপাযঃ .. ১..

ইচ্ছা সৈবস্বচ্ছা সংততসমবাযিনী সতী শক্তিঃ .
সচরাচরস্য জগতো বীজং নিখিলস্য নিজনিলীনস্য .. ২..

তস্য স্বাভিন্না স্বতংত্রেচ্ছাশক্তিরেবোদ্ভবিষ্যতো বিশ্বস্য
স্বাংতর্নিলীনত্বাত্বীজভূতা শক্তিতত্ত্বতাং
যাতি শক্তেশ্শক্তিমদ্ধর্মত্বেঽপি
নাংযদর্শনাভিমতবত্তস্মাত্ব্যতিরেকঃ
নৈষ্কর্ম্যেণাত্রেচ্ছাযাস্স্বচ্ছত্বাত্
হৃদযসারোর্মিপ্রভৃতিভিঃ সংজ্ঞাভি তত্তদ্দর্শনেষু অভিধানং .
পরমেশ্বর এব হি স্বৈশ্বর্যোচ্ছলত্তযা
পূর্ণাহন্তাচমত্কারতারতম্যেন
শক্তিদর্শামধিশেতে ইত্যত্রানন্দশক্তিপ্রাধান্যং .. ২..

স্বেচ্ছাশক্ত্যুদ্গীর্ণং জগদাত্মতযা সমাচ্ছাদ্য .
নিবসন্স এব নিখিলানুগ্রহনিরতস্সদাশিবোঽমিহিতঃ .. ৩..

তস্যৈব পরমেশ্বরস্য স্বস্বাতন্ত্র্যোদ্ভাসিতস্য বিশ্বস্য
বিশুদ্ধসংবিন্মাত্রাধিকরণ্যেন স্বাত্মন্যেব
সমুল্লাসনাত্সদিত্যাখ্যানাত্সদাশিবতত্ত্বাবস্থাতস্স
ভাবিনস্সমস্তভাবরাশেস্সম্যক্
বহিরববিভাসযিষালক্ষণক্রীডারসিকত্বাতনুগ্রহনিরততদ্ভূমিকাং
গৃহ্ণাতীত্যতো নিবসন্নিত্যুক্তং .. ৩..

বিশ্বং পশ্চাত্পশ্যন্ ইদন্তযা নিখিলমীশ্বরো জাতঃ .
সা ভবতি শুদ্ধবিদ্যা যেদন্তাহন্তযোরভেদমতিঃ .. ৪..

এবং ক্রমাবভাসনাত্বিশ্বস্য শুদ্ধসংবিন্মাত্রাধিকরণ
এব স্ফুটতযা পরামৃশ্যমানস্যাহমংশে
অভিষেচনাত্স এব পরমেশ্বর ঈশ্বরতত্ত্বদশামধিশ্রযত্যত্র
বেদ্যজাতস্য স্ফুটাবভাসনাজ্জ্ঞানশক্ত্যুদ্রেকঃ .
আন্তরদশায উদ্রিক্তত্বাত্সদাশিবাবস্থা
বর্হিভাবপরতোদ্রেকাত্ তু ঈশ্বরাবস্থা ইত্যনযোর্বিশেষঃ .
প্ররূঢভেদস্য ইদন্তাংশস্য
সমধৃততুলাপুটন্যাযেনাহমংশস্ফুরণাযাং
শুদ্ধবিদ্যাতত্ত্বং .
অত্র বিশ্বস্য স্ফুটতরং পরামর্শনাত্ক্রিযাশক্তিঃ প্রধানা .
ইযতি চ শুদ্ধস্বাতংত্র্যমেব তত্তদ্বৈচিত্র্যেণ প্রস্ফুরতীতি
শুদ্ধোধ্বা .. ৪..

মাযা বিভেদ বুদ্ধির্নিজাংশজাতেষু নিখিলজীবেষু .
নিত্যং তস্য নিরঙ্কুশবিভবং বেলেব বারিধে রুন্ধে .. ৫..

অশুদ্ধে পুনরধ্বনি পরমেশ্বরৈব
স্বাত্মপ্রচ্ছাদনসামক্রীষযাধোরভট্টারকভূমিং
মন্ত্রমহেশ্বররূপাং গৃহীত্বা দুর্ঘটসম্পাদনসামর্থ্যেন
মাযাশক্ত্যা স্বতোঽন্যোন্যতশ্চ ভিন্নমণুনাং ভোগসিদ্ধযে
কলাদিক্ষিত্যন্তং জডাজডবর্গং ক্রমতোঽক্রমতোঽপ্যবভাসযতি
তত্র ভিন্নভিন্নপ্রথাত্মকমযীযমলেন স্বাঙ্গকল্পেষ্বপি
জডবেদ্যবর্গেষু বিভিন্নতযা বুদ্ধিরেব মাযাখ্যং তত্ত্বং যেন
তস্য
নিরর্গলং স্বাতংত্র্যং প্রতিহংযতে বেলযেবাব্ধিতরঙ্গাণাং
বৈভবং .. ৫..

স তযা পরিমিতমূর্তিস্সঙ্কুচিতসমস্তশক্তিরেষ পুমান্ .
রবিরিব সংধ্যারক্তস্সংহৃতশক্তিস্স্বভাসনেঽপ্যপটুঃ .. ৬..

অবিকার্যস্যাপি তস্য চিদাত্মনঃ স্বশক্তীনাং
সঙ্কোচনপুরঃ সরং শক্তিদারিদ্র্যমাপন্নস্যাণ্বপর
পর্যাযা পুরুষসংজ্ঞা সংহৃতশক্তিত্বেন পরিমিতাত্মা
স স্বাত্মৈশ্বর্যামপি প্রত্যভিজ্ঞাতুমপটুঃ সঞ্চরতি
বিভিন্নযোনিষু .
যদা
পুনশ্শক্তিপাততারতংযাত্বিজ্ঞাপিতৈশ্বর্যস্স্বাঙ্গকল্পমেব
বিশ্বং প্রত্যভিজানীযাত্ তদা জীবত্ শিবভাবং প্রত্যাপদ্যতে .. ৬..

সংপূর্ণকর্তৃতাদ্যা বহ্ব্যস্সন্ত্যস্য শক্তযস্তস্য .
সঙ্কোচাত্সঙ্কুচিতাঃ কলাদিরূপেণ রূঢযন্ত্যেবং .. ৭..

শত্তযন্তরক্রোডীকারিণ্যা স্বাতন্ত্রশক্ত্যাবিযুক্তত্বাদেব
পরমেশ্বরস্য বহুশক্তিত্বং সঙ্কোচগ্রহণাদেব
সর্বাস্তচ্ছক্তযস্সঙ্কুচিতীভূয কলাদিতত্ত্বপঞ্চকেন
প্ররোহমুপগচ্ছন্তী . তা যথা
সর্তা সর্বজ্ঞতা তৃপ্তিঃ নিত্যতা স্বাতন্ত্র্যমিত্যেতত্পঞ্চকং
শুদ্ধাশুদ্ধভেদেন দ্বিধা পরমেশবিষযতযা শুদ্ধং
সংসারবিষযতযা তু অশুদ্ধং .. ৭..

তত্সর্বকর্তৃতা সা সঙ্কুচিতা কতিপযার্থমাত্রপরা .
কিঞ্চিত্কর্তারমমুং কলযন্তি কীর্ত্যতে কলা নাম .. ৮..

গোপিতস্বরূপত্বান্নিরুদ্ধশক্তেঃ পরমেশ্বরস্য
সর্বকর্তৃতাশক্তিঃ প্রাণাদিপরিমিতপ্রমাতৃভাবে কিঞ্চিত্
কর্তৃতোদ্বলনাত্মনা কলনেন কলাতত্ত্বাত্মতাং যাতি
যদ্বশাত্কিঞ্চিদেব কর্তুমুত্সহতে অণুঃ ন সর্বত্র কর্তৃত্বমিতি .. ৮..

সর্বজ্ঞতাস্য শক্তিঃ পরিমিততনুরল্পবেদ্যমাত্রপরা .
জ্ঞানমুত্পাদযন্তী বিদ্যেতি নিগদ্যতে বুধৈরাদ্যৈঃ .. ৯..

এবং তস্যৈব সর্বজ্ঞতাশক্তিস্সঙ্কোচং গৃহীতবতী
কিঞ্চিজ্জ্ঞেযমাত্রপরত্বেন জ্ঞানোত্পাদনাত্বিদ্যাতত্ত্বং
বিদ্যযৈব বুদ্ধিদর্পণে প্রতিফলিতা ভাবা বিবিচ্যংতে
গুণসঙ্কীর্ণনতযা তস্য বিবেক্তুমক্ষমত্বাত্তস্মাত্
বিদ্যযৈবার্থবিবেকঃ .. ৯..

নিত্যপরিপূর্ণতৃপ্তিঃ শক্তিস্তস্যৈব পরমিতা তু সতী .
ভোগেষু রজ্জযন্তী সততমমুং রাগতত্ত্বতাং যাতা .. ১০..

পরমেশ্বরস্য নিত্যপরিপূর্ণতৃপ্তির্নাম শক্তিঃ পারমিত্য
যাতা যত্র ক্বচন উপাদেযাদ্যভিমতে
কিঞ্চন্মে ভূযাত্ ইতি সামান্যেন অভিষ্বঙ্গমাত্রাদাপদ্যতে
রাগতত্ত্বং .
বিশেষাভিষ্বঙ্গস্তু অস্যৈব পল্লবিতপ্রাযেত্যেতদেব কলাবিদ্যযোঃ
প্রাগুক্তযোঃ কিঞ্চিদ্ভাগে নিমিত্তং .. ১০..

সা নিত্যতাস্য শক্তির্নিকৃষ্য নিধনোদযপ্রদানেন .
নিযতপরিচ্ছেদকরী ক্লৃপ্তা স্যাত্কালতত্ত্বরূপেণ .. ১১..

অকালকলিতস্য চিদাত্মনো নিত্যত্বাখ্যা
শক্তিন্যগ্ভাবমাশ্রিত্য কার্যারূষিতকর্তৃত্বকলনয
আণুং তুট্যাদিক্রমাভাসনাত্মনা কালেন সংযোজ্য
কালতত্ত্বব্যপদেশ্যা কল্প্যতে যেনাযমণুঃ
ভূতাদিক্রিযাক্রমকলিতঃ
কালবশতামপদ্যতে .. ১১..

যাস্য স্বতন্ত্রতাখ্যা শক্তিস্সঙ্কোচশালিনী সৈব .
কৃত্যাকৃত্যেষ্ববশং নিযতমমুং নিযমন্ত্যভূন্নিযতিঃ .. ১২..

স্বতংত্র্যমেবাস্য পরপ্রমাতুস্সঙ্কুচন্নিযতিতত্ত্ব তামাভাসযতি
যতঃ কার্যাকার্যেষু নিযমাধানাত্
বিশিষ্টে কার্যে বিশিষ্তং কারণং এবাদধ্যান্ নানিযতং ইতি .
এতেন কলাদিনা কঞ্চুকেনা বৃতোঽযং শক্তিদারিদ্র্যমনুভূয
কলাদি
মুখেনৈব স্ববৈভবাত্ প্রতিবিতীর্ণকিঞ্চিদংশঃ পশুরিত্যুচ্যতে .. ১২..

ইচ্ছাদিত্রিসমষ্টিশ্শক্তিশ্শান্তাস্য সঙ্কুচদ্রূপা .
সঙ্কলিতেচ্ছাদ্যাত্যকসত্ত্বাদিক সাম্যরূপিণী তু সতী .. ১৩..

বুদ্ধ্যাদিসামরস্যস্বরূপচিত্তাত্মিকা গতা প্রকৃতিঃ .
ইচ্ছাস্য রজোরূপাহঙ্কৃতিরাসীদহং প্রতীতিকরী .. ১৪..

অস্য শান্তাখ্যাশক্তিরক্ষুব্ধত্বাতিচ্ছাদীনাং
শক্তীনাং গর্ভীকরণাত্সমষ্টিরূপা পারমিত্যগ্রহণাচ্চ
গুণানামবিভাগাবস্থা প্রকৃতিতত্ত্বং .
গুণানামিচ্ছাদিশক্তিত্রিকেনান্বারব্ধত্বাত্ত্রিত্বং যত্প্রক্ষোভাত্
প্রকৃতিকসর্গস্য প্রসরঃ . তত্র চিত্তাত্মকে বুদ্ধযকৃন্মনাংসি
সম্যাবস্থামধিশ্রিযন্তি . অত্র তত্ত্বক্রমপ্রসরে
শিবাদিসকলান্তেষু
প্রভাতৃবর্গেষু জ্ঞানক্রিযাশক্তী এব মুখ্যমুপকরণং তে এব
সঙ্কুচিদ্রূপে ঈশ্বরশুদ্ধবিদ্যে সঙ্কুচিতে বিদ্যাকলে
অত্যন্তসঙ্কুচিতে
বুদ্ধিকর্মেন্দ্রিযাণি ক্রিযাযাঃ সঙ্কোচসীম্নি ভূতসূক্ষ্মাদি ইতি
বিজ্ঞেযং . অণোঃ রজঃ পরিণামিনী ইচ্ছশক্তি
অহমিত্যাভিমানলক্ষণা অহঙ্কৃতিঃ .. ১৩-১৪..

জ্ঞানাপি সত্ত্বরূপা নির্ণযবোধস্য কারণং বুদ্ধিঃ .
তস্য ক্রিযা তমোমযমূর্তির্মনোচ্যতে বিকল্পকরী .. ১৫..

সত্ত্বপরিণামিনী জ্ঞানশক্তিরেবার্থাধ্যবসাযলক্ষণা
বুদ্ধিঃ . তমঃ পরিণামিনী ক্রিযাশক্তিঃ .
বিকল্পকরণলক্ষণং
মনস্তত্ত্বমুচ্যতে .. ১৫..

বামাদিপঞ্চভেদস্সৈব সঙ্কুচিতবিগ্রহো দেবঃ .
জ্ঞানক্রিযোপরাগপ্রাধান্যাদ্বিবিধবিষরূপোঽভূত্ .. ১৬..

সৈব ক্রীডাসতত্ত্বো বামোদেবাদিপঞ্চমূর্তিতত্ত্বাত্ সঙ্কুচিতো
ভূত্বা জ্ঞানশক্ত্যুপরঞ্জনপ্রধানতযা
জ্ঞানেন্দ্রিযতদ্বিষযশরীরতাং ক্রিযাশক্ত্যুপাধিপ্রাধান্যাত্
কর্মেন্দ্রিযব্যাপারবত্ত্বং চ উপাদত্তে . শক্তিপঞ্চকোপাদানাত্
করণানাং পঞ্চধাত্বং বোধ্যং .. ১৬..

শ্রোত্রং চক্ষুস্স্পর্শনজিহ্বাঘ্রাণানি বোধকরণানি .
শদ্বস্পর্শরূপরসগন্ধৌ চেতি ভূতসুক্ষ্মাণি .. ১৭..

শ্রোত্রাদীনি জ্ঞানেন্দ্রিযাণি শব্দাদীনি তন্মাত্রাণি .. ১৭..

অযমেবাতিনিকৃষ্টো জাতো ভূতাত্মনাপি ভূতেশঃ .
গগনমনিলশ্চ তেজস্সলিলং ভূমিশ্চ পঞ্চভূতানি .. ১৮..

অত্যন্তসঙ্কোচগ্রহণাতচিদ্রূপতামবভাস্যাকাশদীনি
পঞ্চভূতানি .. ১৮..

শ্রোত্রাদিকরণবেদ্যাশ্শব্দাদ্যাস্তানি বেদকান্যেষাং .
বচনকরী বাগাসীত্ পাণিস্স্যাত্করণভূতাদানে .. ১৯..

শব্দাদিজ্ঞানসাধনানি শ্রোত্রাদিকরণানি
বচনাদিক্রিযাসাধনানি
বাগাদীনি কর্মেংদ্রিযাণি .. ১৯..

গমনবিসর্গানন্দত্রিতযে পাদাদিকং করণং .
গন্ধবতী ভূমিস্স্যাদাপস্সাংসিদ্ধিকদ্রবাস্তেজঃ .. ২০..

উষ্ণস্পর্শমরূপস্পর্শো বাযুরম্বরং সশব্দং .
ষট্ত্রিংশত্তত্ত্বমযং বন্দে কুলাতিগং শংভুং .. ২১..

আদিনা পাযূপস্থৌ গৃহ্যেতে . গংধবত্ত্বং ভূমের্লক্ষণং
সাংসিদ্ধিকদ্রবত্বমব্লক্ষণমুষ্ণ স্পর্শেন তেজো
লক্ষ্যতে অরূপস্পর্শো বাযুলক্ষণং শব্দাকশস্যেতি প্রত্যেকং
মুখ্যগুণনির্দেশঃ . তত্ত্বানামুত্তরোত্তরং ব্যাপ্যব্যাপকভাবেন
ভূমির্ব্যাপ্যা জলাদিশিবান্তং ব্যাপকানি পঞ্চত্রিংশতেবং
ভূতসৃষ্টৌ ব্যোমাদিগুণা ব্যামকত্বেনানুগতাস্সংতি .
পরমশিবতত্ত্বস্য
সর্বত্রানুগতত্বাত্বিশ্বমযতদুত্তীর্ণযামলকৌলস্বরূপমেব
ভক্তানামিতি বন্দনোপসংহারোক্যযোপক্ষিপ্তমিতি শিবং .. ২০ -২১..