বৃত্রগীতা

.. বৃত্রগীতা ..

২৭০
য্
ধন্যা ধন্যা ইতি জনাঃ সর্বেঽস্মান্প্রবদন্ত্যুত .
ন দুঃখিততরঃ কশ্চিত্পুমানস্মাভিরস্তি হ .. ১..
লোকসম্ভাবিতৈর্দুঃখং যত্প্রাপ্তং কুরুসত্তম .
প্রাপ্য জাতিং মনুষ্যেষু দেবৈরপি পিতামহ .. ২..
কদা বযং করিষ্যামঃ সংন্যাসং দুঃখসঞ্জ্ঞকম্ .
দুঃখমেতচ্ছরীরাণাং ধারণং কুরুসত্তম .. ৩..
বিমুক্তাঃ সপ্তদশভির্হেতুভূতৈশ্চ পঞ্চভিঃ .
ইন্দ্রিযার্থৈর্গুণৈশ্চৈব অস্তাভিঃ প্রপিতামহ .. ৪..
ন গচ্ছন্তি পুনর্ভাবং মুনযঃ সংশিতব্রতাঃ .
কদা বযং ভবিষ্যামো রাজ্যং হিত্বা পরন্তপ .. ৫..
ভী
নাস্ত্যনন্তং মহারাজ সর্বং সঙ্খ্যান গোচরম্ .
পুনর্ভাবোঽপি সঙ্খ্যাতো নাস্তি কিং চিদিহাচলম্ .. ৬..
ন চাপি গম্যতে রাজন্নৈষ দোষঃ প্রসঙ্গতঃ .
উদ্যোগাদেব ধর্মজ্ঞ কালেনৈব গমিষ্যথ .. ৭..
ঈশোঽযং সততং দেহী নৃপতে পুণ্যপাপযোঃ .
তত এব সমুত্থেন তমসা রুধ্যতেঽপি চ .. ৮..
যথাঞ্জন মযো বাযুঃ পুনর্মানঃ শিলং রজঃ .
অনুপ্রবিশ্য তদ্বর্ণো দৃশ্যতে রঞ্জযন্দিশঃ .. ৯..
তথা কর্মফলৈর্দেহী রঞ্জিতস্তমসাবৃতঃ .
বিবর্ণো বর্মমাশ্রিত্য দেহেষু পরিবর্ততে .. ১০..
জ্ঞানেন হি যদা জন্তুরজ্ঞানপ্রভবং তমঃ .
ব্যপোহতি তদা ব্রহ্ম প্রকাশেত সনাতনম্ .. ১১..
অযত্ন সাধ্যং মুনযো বদন্তি
যে চাপি মুক্তাস্ত উপাসিতব্যাঃ .
ত্বযা চ লোকেন চ সামরেণ
তস্মান্ন শাম্যন্তি মহর্ষিসঙ্ঘাঃ .. ১২..
অস্মিন্নর্থে পুরা গীতং শৃণুষ্বৈক মনা নৃপ .
যথা দৈত্যেন বৃত্রেণ ভ্রষ্টৈশ্বর্যেণ চেষ্টিতম্ .. ১৩..
নির্জিতেনাসহাযেন হৃতরাজ্যেন ভারত .
অশোচতা শত্রুমধ্যে বুদ্ধিমাস্থায কেবলাম্ .. ১৪..
ভ্রষ্টৈশ্বর্যং পুরা বৃত্রমুশনা বাক্যমব্রবীত্ .
কচ্চিত্পরাজিতস্যাদ্য ন ব্যথা তেঽস্তি দানব .. ১৫..
ব্র্ত্র
সত্যেন তপসা চৈব বিদিত্বা সঙ্ক্ষযং হ্যহম্ .
ন শোচামি ন হৃষ্যামি ভূতানামাগতিং গতিম্ .. ১৬..
কালসঞ্চোদিতা জীবা মজ্জন্তি নরকেঽবশাঃ .
পরিদৃষ্টানি সর্বাণি দিব্যান্যাহুর্মনীষিণঃ .. ১৭..
ক্ষপযিত্বা তু তং কালং গণিতং কালচোদিতাঃ .
সাবশেষেণ কালেন সম্ভবন্তি পুনঃ পুনঃ .. ১৮..
তির্যগ্যোনিসহস্রাণি গত্বা নরকমেব চ .
নির্গচ্ছন্ত্যবশা জীবাঃ কালবন্ধন বন্ধনাঃ .. ১৯..
এবং সংসরমাণানি জীবান্যহমদৃষ্টবান্ .
যথা কর্ম তথা লাভ ইতি শাস্ত্রনিদর্শনম্ .. ২০..
তির্যগ্গচ্ছন্তি নরকং মানুষ্যং দৈবমেব চ .
সুখদুঃখে প্রিযদ্বেষ্যে চরিত্বা পূর্বমেব চ .. ২১..
কৃতান্তবিধিসংযুক্তং সর্বলোকঃ প্রপদ্যতে .
গতং গচ্ছন্তি চাধ্বানং সর্বভূতানি সর্বদা .. ২২..
ভী
কালসঙ্খ্যান সঙ্খ্যাতং সৃষ্টি স্থিতি পরাযনম্ .
তং ভাসমানং ভগবানুশনাঃ প্রত্যভাসত .
ভীমান্দুষ্টপ্রলাপাংস্ত্বং তাত কস্মাত্প্রভাসসে .. ২৩..
ব্র্ত্র
প্রত্যক্ষমেতদ্ভবতস্তথান্যেষাং মনীসিনাম্ .
মযা যজ্জয লুব্ধেন পুরা তপ্তং মহত্তপঃ .. ২৪..
গন্ধানাদায ভূতানাং রসাংশ্চ বিবিধানপি .
অবর্ধং ত্রীন্সমাক্রম্য লোকান্বৈ স্বেন তেজসা .. ২৫..
জ্বালামালা পরিক্ষিপ্তো বৈহাযসচরস্তথা .
অজেযঃ সর্বভূতানামাসং নিত্যমপেতভীঃ .. ২৬..
ঐশ্বর্যং তপসা প্রাপ্তং ভ্রষ্টং তচ্চ স্বকর্মভিঃ .
ধৃতিমাস্থায ভগবন্ন শোচামি ততস্ত্বহম্ .. ২৭..
যুযুত্সতা মহেন্দ্রেণ পুরা সার্ধং মহাত্মনা .
ততো মে ভগবান্দৃষ্টো হরির্নারাযণঃ প্রভুঃ .. ২৮..
বৈকুণ্ঠঃ পুরুষো বিষ্ণুঃ শুক্লোঽনন্তঃ সনাতনঃ .
মুঞ্জকেশো হরিশ্মশ্রুঃ সর্বভূতপিতামহঃ .. ২৯..
নূনং তু তস্য তপসঃ সাবশেষং মমাস্তি বৈ .
যদহং প্রস্তুমিচ্ছামি ভবন্তং কর্মণঃ ফলম্ .. ৩০..
ঐশ্বর্যং বৈ মহদ্ব্রহ্মন্কস্মিন্বর্ণে প্রতিষ্ঠিতম্ .
নিবর্ততে চাপি পুনঃ কথমৈশ্বর্যমুত্তমম্ .. ৩১..
কস্মাদ্ভূতানি জীবন্তি প্রবর্তন্তেঽথ বা পুনঃ .
কিং বা ফলং পরং প্রাপ্য জীবস্তিষ্ঠতি শাশ্বতঃ .. ৩২..
কেন বা কর্মণা শক্যমথ জ্ঞানেন কেন বা .
ব্রহ্মর্ষে তত্ফলং প্রাপ্তুং তন্মে ব্যাখ্যাতুমর্হসি .. ৩৩..
ইতীদমুক্তঃ স মুনিস্তদানীং
প্রত্যাহ যত্তচ্ছৃণু রাজসিংহ .
মযোচ্যমানং পুরুষর্ষভ ত্বম্
অনন্যচিত্তঃ সহ সোদরীযৈঃ .. ৩৪..
২৭১
উজনস্
নমস্তস্মৈ ভগবতে দেবায প্রভবিষ্ণবে .
যস্য পৃথ্বী তলং তাত সাকাশং বাহুগোচরম্ .. ১..
মূর্ধা যস্য ত্বনন্তং চ স্থানং দানব সত্তম .
তস্যাহং তে প্রবক্ষ্যামি বিষ্ণোর্মাহাত্ম্যমুত্তমম্ .. ২..
ভী
তযোঃ সংবদতোরেবমাজগাম মহামুনিঃ .
সনত্কুমারো ধর্মাত্মা সংশয ছেদনায বৈ .. ৩..
স পূজিতোঽসুরেন্দ্রেণ মুনিনোশনসা তথা .
নিষসাদাসনে রাজন্মহার্হে মুনিপুঙ্গবঃ .. ৪..
তমাসীনং মহাপ্রাজ্ঞমুশনা বাক্যমব্রবীত্ .
ব্রূহ্যস্মৈ দানবেন্দ্রায বিন্সোর্মাহাত্ম্যমুত্তমম্ .. ৫..
সনত্কুমারস্তু ততঃ শ্রুত্বা প্রাহ বচোঽর্থবত্ .
বিষ্ণোর্মাহাত্ম্য সংযুক্তং দানবেন্দ্রায ধীমতে .. ৬..
শৃণু সর্বমিদং দৈত্য বিন্সোর্মাহাত্ম্যমুত্তমম্ .
বিষ্ণৌ জগত্স্থিতং সর্বমিতি বিদ্ধি পরন্তপ .. ৭..
সৃজত্যেষ মহাবাহো ভূতগ্রামং চরাচরম্ .
এষ চাক্ষিপতে কালে কালে বিসৃজতে পুনঃ .
অস্মিন্গচ্ছন্তি বিলযমস্মাচ্চ প্রভবন্ত্যুত .. ৮..
নৈষ দানবতা শক্যস্তপসা নৈব চেজ্যযা .
সম্প্রাপ্তুমিন্দ্রিযাণাং তু সংযমেনৈব শক্যতে .. ৯..
বাহ্যে চাভ্যন্তরে চৈব কর্মণা মনসি স্থিতঃ .
নির্মলী কুরুতে বুদ্ধ্যা সোঽমুত্রানন্ত্যমশ্নুতে .. ১০..
যথা হিরণ্যকর্তা বৈ রূপ্যমগ্নৌ বিশোধযেত্ .
বহুশোঽতিপ্রযত্নেন মহতাত্ম কৃতেন হ .. ১১..
তদ্বজ্জাতিশতৈর্জীবঃ শুধ্যতেঽল্পেন কর্মণা .
যত্নেন মহতা চৈবাপ্যেকজাতৌ বিশুধ্যতে .. ১২..
লীলযাল্পং যথা গাত্রাত্প্রমৃজ্যাদাত্মনো রজঃ .
বহু যত্নেন মহতা দোষনির্হরনং তথা .. ১৩..
যথা চাল্পেন মাল্যেন বাসিতং তিলসর্ষপম্ .
ন মুঞ্চতি স্বকং গন্ধং তদ্বত্সূক্ষ্মস্য দর্শনম্ .. ১৪..
তদেব বহুভির্মাল্যৈর্বাস্যমানং পুনঃ পুনঃ .
বিমুঞ্চতি স্বকং গন্ধং মাল্যগন্ধেঽবতিষ্ঠতি .. ১৫..
এবং জাতিশতৈর্যুক্তো গুণৈরেব প্রসঙ্গিষু .
বুদ্ধ্যা নিবর্ততে দোষো যত্নেনাভ্যাসজেন বৈ .. ১৬..
কর্মণা স্বেন রক্তানি বিরক্তানি চ দানব .
যথা কর্মবিশেষাংশ্চ প্রাপ্নুবন্তি তথা শৃণু .. ১৭..
যথা চ সম্প্রবর্তন্তে যস্মিংস্তিষ্ঠন্তি বা বিভো .
তত্তেঽনুপূর্ব্যা ব্যাখ্যাস্যে তদিহৈকমনাঃ শৃণু .. ১৮..
অনাদি নিধনং শ্রীমান্হরির্নারাযণঃ প্রভুঃ .
স বৈ সৃজতি ভূতানি স্থাবরাণি চরাণি চ .. ১৯..
এষ সর্বেষু ভূতেষু ক্ষরশ্চাক্ষর এব চ .
একাদশ বিকারাত্মা জগত্পিবতি রশ্মিভিঃ .. ২০..
পাদৌ তস্য মহীং বিদ্ধি মূর্ধানং দিবমেব চ .
বাহবস্তু দিশো দৈত্য শ্রোত্রমাকাশমেব চ .. ২১..
তস্য তেজোমযঃ সূর্যো মনশ্ চন্দ্রমসি স্থিতম্ .
বুদ্ধির্জ্ঞানগতা নিত্যং রসস্ত্বাপ্সু প্রবর্ততে .. ২২..
ভ্রুবোরনন্তরাস্তস্য গ্রহা দানব সত্তম .
নক্ষত্রচক্রং নেত্রাভ্যাং পাদযোর্ভূশ্চ দানব .. ২৩..
রজস্তমশ্চ সত্ত্বং চ বিদ্ধি নারাযণাত্মকম্ .
সোঽঽশ্রমাণাং মুখং তাত কর্মণস্তত্ফলং বিদুঃ .. ২৪..
অকর্মণঃ ফলং চৈব স এব পরমব্যযঃ .
ছন্দাংসি তস্য রোমাণি অক্ষরং চ সরস্বতী .. ২৫..
বহ্বাশ্রযো বহু মুখো ধর্মো হৃদি সমাশ্রিতঃ .
স ব্রহ্ম পরমো ধর্মস্তপশ্চ সদসচ্চ সঃ .. ২৬..
শ্রুতিশাস্ত্রগ্রহোপেতঃ ষোডশর্ত্বিক্ক্রতুশ্চ সঃ .
পিতামহশ্চ বিষ্ণুশ্চ সোঽশ্বিনৌ স পুরন্দরঃ .. ২৭..
মিত্রশ্চ বরুণশ্চৈব যমোঽথ ধনদস্তথা .
তে পৃথগ্দর্শনাস্তস্য সংবিদন্তি তথৈকতাম্ .
একস্য বিদ্ধি দেবস্য সর্বং জগদিদং বশে .. ২৮..
নানা ভূতস্য দৈত্যেন্দ্র তস্যৈকত্বং বদত্যযম্ .
জন্তুঃ পশ্যতি জ্ঞানেন ততঃ সত্ত্বং প্রকাশতে .. ২৯..
সংহার বিক্ষেপসহস্রকোতীস্
তিষ্ঠন্তি জীবাঃ প্রচরন্তি চান্যে .
প্রজা বিসর্গস্য চ পারিমাণ্যং
বাপী সহস্রাণি বহূনি দৈত্য .. ৩০..
বাপ্যঃ পুনর্যোজনবিস্তৃতাস্তাঃ
ক্রোশং চ গম্ভীরতযাবগাধাঃ .
আযামতঃ পঞ্চশতাশ্চ সর্বাঃ
প্রত্যেকশো যোজনতঃ প্রবৃত্থাঃ .. ৩১..
বাপ্যা জলং ক্ষিপ্যতি বালকোত্যা
ত্বহ্না সকৃচ্চাপ্যথ ন দ্বিতীযম্ .
তাসাং ক্ষযে বিদ্ধি কৃতং বিসর্গং
সংহারমেকং চ তথা প্রজানাম্ .. ৩২..
সো জীব বর্গাঃ পরমং প্রমাণং
কৃষ্ণো ধূম্রো নীলমথাস্য মধ্যম্ .
রক্তং পুনঃ সহ্যতরং সুখং তু
হারিদ্র বর্ণং সুসুখং চ শুক্লম্ .. ৩৩..
পরং তু শুক্লং বিমলং বিশোকং
গতক্লমং সিধ্যতি দানবেন্দ্র .
গত্বা তু যোনিপ্রভবানি দৈত্য
সহস্রশঃ সিদ্ধিমুপৈতি জীবঃ .. ৩৪..
গতিং চ যাং দর্শনমাহ দেবো
গত্বা শুভং দর্শনমেব চাহ .
গতিঃ পুনর্বর্ণকৃতা প্রজানাং
বর্ণস্তথা কালকৃতোঽসুরেন্দ্র .. ৩৫..
শতং সহস্রাণি চতুর্দশেহ
পরা গতির্জীব গুণস্য দৈত্য .
আরোহণং তত্কৃতমেব বিদ্ধি
স্থানং তথা নিঃসরণং চ তেষাম্ .. ৩৬..
কৃষ্ণস্য বর্ণস্য গতির্নিকৃষ্টা
স মজ্জতে নরকে পচ্যমানঃ .
স্থানং তথা দুর্গতিভিস্তু তস্য
প্রজা বিসর্গান্সুবহূন্বদন্তি .. ৩৭..
শতং সহস্রাণি ততশ্চরিত্বা
প্রাপ্নোতি বর্ণং হরিতং তু পশ্চাত্ .
স চৈব তস্মিন্নিবসত্যনীশো
যুগক্ষযে তমসা সংবৃতাত্মা .. ৩৮..
স বৈ যদা সত্ত্বগুণেন যুক্তস্
তমো ব্যপোহন্ঘততে স্ববুদ্ধ্যা .
স লোহিতং বর্ণমুপৈতি নীলো
মনুষ্যলোকে পরিবর্ততে চ .. ৩৯..
স তত্র সংহার বিসর্গমেব
স্বকর্মজৈর্বন্ধনৈঃ ক্লিশ্যমানঃ .
ততঃ স হারিদ্রমুপৈতি বর্ণং
সংহার বিক্ষেপশতে ব্যতীতে .. ৪০..
হারিদ্র বর্ণস্তু প্রজা বিসর্গান্
সহস্রশস্তিষ্ঠতি সঞ্চরন্বৈ .
অবিপ্রমুক্তো নিরযে চ দৈত্য
ততঃ সহস্রাণি দশাপরানি .. ৪১..
গতীঃ সহস্রাণি চ পঞ্চ তস্য
চত্বারি সংবর্তকৃতানি চৈব .
বিমুক্তমেনং নিরযাচ্চ বিদ্ধি
সর্বেষু চান্যেষু চ সম্ভবেষু .. ৪২..
স দেবলোকে বিহরত্যভীক্ষ্ণং
ততশ্চ্যুতো মানুষতাম্ উপৈতি .
সংহার বিক্ষেপশতানি চাষ্টৌ
মর্ত্যেষু তিষ্ঠন্নমৃতত্বমেতি .. ৪৩..
সোঽস্মাদথ ভ্রশ্যতি কালযোগাত্
কৃষ্ণে তলে তিষ্ঠতি সর্বকস্তে .
যথা ত্বযং সিধ্যতি জীবলোকস্
তত্তেঽভিধাস্যাম্যসুরপ্রবীর .. ৪৪..
দৈবানি স ব্যূহ শতানি সপ্ত
রক্তো হরিদ্রোঽথ তথৈব শুক্লঃ .
সংশ্রিত্য সন্ধাবতি শুক্লমেতম্
অস্তাপরানর্চ্যতমান্স লোকান্ .. ৪৫..
অষ্টৌ চ ষষ্টিং চ শতানি যানি
মনো বিরুদ্ধানি মহাদ্যুতীনাম্ .
শুক্লস্য বর্ণস্য পরা গতির্যা
ত্রীণ্যেব রুদ্ধানি মহানুভাব .. ৪৬..
সংহার বিক্ষেপমনিষ্টমেকং
চত্বারি চান্যানি বসত্যনীশঃ .
সস্থস্য বর্ণস্য পরা গতির্যা
সিদ্ধা বিশিষ্টস্য গতক্লমস্য .. ৪৭..
সপ্তোত্তরং তেষু বসত্যনীশঃ
সংহার বিক্ষেপশতং সশেষম্ .
তস্মাদুপাবৃত্য মনুষ্যলোকে
ততো মহান্মানুষতাম্ উপৈতি .. ৪৮..
তস্মাদুপাবৃত্য ততঃ ক্রমেণ
সোঽগ্রে স্ম সন্তিষ্ঠতি ভূতসর্গম্ .
স সপ্তকৃত্বশ্চ পরৈতি লোকান্
সংহার বিক্ষেপকৃতপ্রবাসঃ .. ৪৯..
সপ্তৈব সংহারমুপপ্লবানি
সম্ভাব্য সন্তিষ্ঠতি সিদ্ধলোকে .
ততোঽব্যযং স্থানমনন্তমেতি
দেবস্য বিষ্ণোরথ ব্রহ্মণশ্ চ .
শেষস্য চৈবাথ নরস্য চৈব
দেবস্য বিষ্ণোঃ পরমস্য চৈব .. ৫০..
সংহার কালে পরিদগ্ধ কাযা
ব্রহ্মাণমাযান্তি সদা প্রজা হি .
চেষ্টাত্মনো দেবগণাশ্ চ সর্বে
যে ব্রহ্মলোকাদমরাঃ স্ম তেঽপি .. ৫১..
প্রজা বিসর্গং তু সশেষকালং
স্থানানি স্বান্যেব সরন্তি জীবাঃ .
নিঃশেষাণাং তত্পদং যান্তি চান্তে
সর্বাপদা যে সদৃশা মনুষ্যাঃ .. ৫২..
যে তু চ্যুতাঃ সিদ্ধলোকাত্ক্রমেণ
তেষাং গতিং যান্তি তথানুপূর্ব্যা .
জীবাঃ পরে তদ্বলবেষরূপা
বিধিং স্বকং যান্তি বিপর্যযেন .. ৫৩..
স যাবদেবাস্তি সশেষভুক্তে
প্রজাশ্চ দেবৌ চ তথৈব শুক্লে .
তাবত্তদা তেষু বিশুদ্ধভাবঃ
সংযম্য পঞ্চেন্দ্রিয রূপমেতত্ .. ৫৪..
শুদ্ধাং গতিং তাং পরমাং পরৈতি
শুদ্ধেন নিত্যং মনসা বিচিন্বন্ .
ততোঽব্যযং স্থানুমুপৈতি ব্রহ্ম
দুষ্প্রাপমভ্যেতি স শাশ্বতং বৈ .
ইত্যেতদাখ্যাতমহীনসত্ত্ব
নারাযণস্যেহ বলং মযা তে .. ৫৫..
ব্র্ত্র
এবঙ্গতে মে ন বিষাদোঽস্তি কশ্ চিত্
সম্যক্চ পশ্যামি বচস্তবৈতত্ .
শ্রুত্বা চ তে বাচমদীনসত্ত্ব
বিকল্মষোঽস্ম্যদ্য তথা বিপাপ্মা .. ৫৬..
প্রবৃত্তমেতদ্ভগবন্মহর্ষে
মহাদ্যুতেশ্চক্রমনন্ব বীর্যম্ .
বিষ্ণোরনন্তস্য সনাতনং তত্
স্থানং সর্গা যত্র সর্বে প্রবৃত্তাঃ .
স বৈ মহাত্মা পুরুষোত্তমো বৈ
তস্মিঞ্জগত্সর্বমিদং প্রতিষ্ঠিতম্ .. ৫৭..
ভী
এবমুক্ত্বা স কৌন্তেয বৃত্রঃ প্রানানবাসৃজত্ .
যোজযিত্বা তথাত্মানং পরং স্থানমবাপ্তবান্ .. ৫৮..
য্
অযং স ভগবান্দেবঃ পিতামহ জনার্দনঃ .
সনত্কুমারো বৃত্রায যত্তদাখ্যাতবান্পুরা .. ৫৯..
ভী
মূলস্থাযী স ভগবান্স্বেনানন্তেন তেজসা .
তত্স্থঃ সৃজতি তান্ভাবান্নানারূপান্মহাতপঃ .. ৬০..
তুরীযার্ধেন তস্যেমং বিদ্ধি কেশবমচ্যুতম্ .
তুরীযার্ধেন লোকাংস্ত্রীন্ভাবযত্যেষ বুদ্ধিমান্ .. ৬১..
অর্বাক্স্থিতস্তু যঃ স্থাযী কল্পান্তে পরিবর্ততে .
স শেতে ভগবানপ্সু যোঽসাবতিবলঃ প্রভুঃ .
তান্বিধাতা প্রসন্নাত্মা লোকাংশ্চরতি শাশ্বতান্ .. ৬২..
সর্বাণ্যশূন্যানি করোত্যনন্তঃ
সনত্কুমারঃ সঞ্চরতে চ লোকান্ .
স চানিরুদ্ধঃ সৃজতে মহাত্মা
তত্স্থং জগত্সর্বমিদং বিচিত্রম্ .. ৬৩..
য্
বৃত্রেণ পরমার্থজ্ঞ দৃষ্টা মন্যেঽঽত্মনো গতিঃ .
শুভা তস্মাত্স সুখিতো ন শোচতি পিতামহ .. ৬৪..
শুক্লঃ শুক্লাভিজাতীযঃ সাধ্যো নাবর্ততেঽনঘ .
তির্যগ্গতেশ্চ নির্মুক্তো নিরযাচ্চ পিতামহ .. ৬৫..
হারিদ্র বর্ণে রক্তে বা বর্তমানস্তু পার্থিব .
তির্যগেবানুপশ্যেত কর্মভিস্তামসৈর্বৃতঃ .. ৬৬..
বযং তু ভৃশমাপন্না রক্তাঃ কস্ত মুখেঽসুখে .
কাং গতিং প্রতিপত্স্যামো নীলাং কৃষ্ণাধমাম্ অথ .. ৬৭..
ভী
শুদ্ধাভিজনসম্পন্নাঃ পাণ্ডবাঃ সংশিতব্রতাঃ .
বিহৃত্য দেবলোকেষু পুনর্মানুষ্যমেষ্যথ .. ৬৮..
প্রজা বিসর্গং চ সুখেন কালে
প্রত্যেত্য দেবেষু সুখানি ভুক্ত্বা .
সুখেন সংযাস্যথ সিদ্ধসঙ্খ্যাং
মা বো ভযং ভূদ্বিমলাঃ স্থ সর্বে .. ৬৯..

.. ইতি বৃত্রগীতা সমাপ্তা ..