বোধ্যগীতা

.. বোধ্যগীতা ..

.. বোধ্যগীতা..
অত্রাপ্যুদাহরন্তীমমিতিহাসং পুরাতনম্ .
গীতং বিদেহরাজেন জনকেন প্রশাম্যতা .. ৫৫..
অনন্তং বত মে বিত্তং যস্য মে নাস্তি কিং চন .
মিথিলাযাং প্রদীপ্তাযাং ন মে দহ্যতি কিং চন .. ৫৬..
অত্রৈবোদাহরন্তীমং বোধ্যস্য পদসঞ্চযম্ .
নির্বেদং প্রতি বিন্যস্তং প্রতিবোধ যুধিষ্ঠির .. ৫৭..
বোধ্যং দান্তমৃষিং রাজা নহুষঃ পর্যপৃচ্ছত .
নির্বেদাচ্ছান্তিমাপন্নং শান্তং প্রজ্ঞান তর্পিতম্ .. ৫৮..
উপদেশং মহাপ্রাজ্ঞ শমস্যোপদিশস্ব মে .
কাং বুদ্ধিং সমনুধ্যায শান্তশ্চরসি নির্বৃতঃ .. ৫৯..
বোধ্য
উপদেশেন বর্তামি নানুশাস্মীহ কং চন .
লক্ষণং তস্য বক্ষ্যেঽহং তত্স্বযং প্রবিমৃশ্যতাম্ .. ৬০..
পিঙ্গলা কুররঃ সর্পঃ সারঙ্গান্বেষণং বনে .
ইষুকারঃ কুমারী চ স এতে গুরবো মম .. ৬১..
.. ইতি বোধ্যগীতা সমাপ্তা ..