জীবন্মুক্তি গীতা

.. জীবন্মুক্তি গীতা ..

অসতো মা সদ্গময |
তমসো মা জ্যোতির্গময |
মৃত্যোর্মা অমৃতংগময ||

সর্বভূতান্তরস্থ্যায নিত্যমুক্তচিদাত্মনে |
প্রত্যচ্চৈতন্যরূপায মহ্যমেব নমো নমঃ ||

সর্বভূতানর্বর্তিনে নিত্যমুক্তচিদ্স্বরূপিণে সর্বসাক্ষিণে মহ্যমেব
স্বাত্মন এব নমঃ | নম ইতি দ্বিরুক্তিঃ আদরার্থম্ ||

জীবন্মুক্তিশ্ মুক্তো চ যা মুক্তিঃ সা মুক্তিঃ পিণ্ডপাতনে |
যা মুক্তিঃ পিণ্ডপাতনে সা মুক্তিঃ শুনিশূকরে সূকরে || ১||
জীবন্মুক্তিরিতি যা মুক্তিরুচ্যতে সা যদি পিণ্ডপাতন পরা তর্হি
সা মুক্তিঃ সূকরাদিষ্বপি প্রসক্তা ভবতীত্যর্থঃ |
পিণ্ডপাতনং ন জীবন্মুক্তিরিতি ভাবঃ ||

জীবঃ শিবঃ সর্বমেব ভূতেষ্বেবং ভূতে ভূতে ব্যবস্থিতঃ |
এবমেবাভিপশ্যন্ হি এবমেব পশ্যতি যো জীবন্মুক্তঃ স উচ্যতে || ২||
জীব ইতি যঃ সঃ সর্বভূতেষ্বপি শিবত্বেনৈব ব্যবস্থিতঃ শিব এব |
তজ্জ্ঞানী জীবন্মুক্ত ইত্যর্থঃ ||

এবং ব্রহ্ম জগত্সর্বমখিলং ভাসতে রবিঃ |
সংস্থিতং সর্বভূতানাং জীবন্মুক্তঃ স উচ্যতে || ৩||
যথা রবিঃ সর্বং জগদ্ভাসতে এবং ব্রহ্ম সর্বভূতানামাত্মত্বেন
সংস্থিতং সদখিলং ভাসতে প্রকাশ্যতি | এবমেবান্হিপশ্যন্ ইত্যনুবর্ততে |
সঃ তাদৃশঃ জ্ঞানী জীবন্মুক্ত ইত্যুচ্যতে ইত্যর্থঃ ||

একধা বহুধা চৈব দৃশ্যতে জলচন্দ্রবত্ |
আত্মজ্ঞানী তথৈবৈকো জীবন্মুক্তঃ স উচ্যতে || ৪||
জলচন্দ্রবজ্জলে চন্দ্রঃ যথানেকধা দৃশ্যতে তথৈব একঃ আত্ম |
উপাধিভেদেন ইত্যধ্যাহারঃ. . . . একধা বহুধা চৈব দৃশ্যতে | এবমাত্মানং
যো জানাতি সঃ আত্মজ্ঞানী জীবন্মুক্ত ইত্যুচ্যতে ||

সর্বভূতে স্থিতং ব্রহ্ম ভেদাভেদো ন বিদ্যতে |
একমেবাভিপশ্যংশ্চ পশ্যতি জীবন্মুক্তঃ স উচ্যতে || ৫||
ব্রহ্ম সর্বভূতস্থিতম্ | যত্র ভেদোঽভেদঃ ভেদাভেদো ন বিদ্যতে |
তদেকমেব | এবমভিপশ্যংশ্চ যঃ স জীবন্মুক্ত ইত্যুচ্যতে ||

তত্ত্বং ক্ষেত্রং ব্যোমাতীতমহং ক্ষেত্রজ্ঞ উচ্যতে |
অহং কর্তা চ ভোক্তা চ অহং কর্তা অহং ভোক্তা জীবন্মুক্তঃ স উচ্যতে || ৬||
তত্ত্বস্বরূপমেবাস্তি | ক্ষেত্রমাকাশাতীতং, পরমাত্ম ক্ষেত্রজ্ঞঃ |
কর্তৃত্বং ভোক্তৃত্বং চ তস্যৈব | এবং যো বিজানাতি সঃ জীবন্মুক্ত উচ্যতে ||

কর্মেন্দ্রিযপরিত্যাগী ধ্যানবর্জিতচেতসঃ চেতসম্ |
অত্মজ্ঞানী তথৈবেকো জীবন্মুক্তঃ স উচ্যতে || ৭||
কর্মেন্দ্রিযপরিত্যাগী স্বস্বব্যাপাররহিতানি জ্ঞানেন্দ্রিযাণি কর্মেন্দ্রিযাণি
চকুর্বন্ তানি পরিত্যজতীত্যর্থঃ | তথ্হা চেতোঽপি বিষযধ্যানবর্জিতং
করোত্যেবমদ্বযং জানাতি যঃ সঃ জীবন্মুক্তঃ ||
তত্ত্বং কেবলং কর্ম কর্মো শোকমোহাদিবর্জিতম্ |

শুভাশুভপরিত্যাগী জীবন্মুক্তঃ স উচ্যতে || ৮||
জ্ঞানিনা যত্কর্ম ক্রিযতে তচ্ছোকমোহাদিবর্জিতম্ | তচ্চ কেবলং
শারীরপরিরক্ষণাযৈব | এবং তেন শুভাশুভাদিকং
পরিত্যক্তং ভবতি | স জীবন্মুক্ত উচ্যতে ||

কর্মসর্বত্র আদিষ্টং ন জানামি চ কিংচন |
কর্ম ব্রহ্ম বিজানাতি জীবন্মুক্তঃ স উচ্যতে || ৯||
যঃ আদিষ্টং বিধ্যুক্তম্ কর্ম ন জানাতি কর্তৃত্বারোপেণ কর্মন
করোতীত্যর্থঃ | অত এব কর্ম ব্রহ্মস্বরূপমেবেতি
বিজানাতি সঃ জীবন্মুক্তঃ ||

চিন্মযং ব্যাপিতং সর্বমাকাশং জগদীশ্বরম্ |
সহিতং সংস্থিতম্ সর্বভূতানাং জীবন্মুক্তঃ স উচ্যতে || ১০||
যঃ জগদীশ্বরং চিত্স্বরূপমিত্যাকাশব্যাপিনমিতি সর্বভূতসহিতমিত্যপি
জানাতি সঃ জীবন্মুক্ত উচ্যতে ||

অনাদিবর্তি ভূতানাং অনাদ্য ব্যক্তভূতানাং জীবঃ শিবো ন হন্যতে |
নির্বৈরঃ সর্বভূতেষু সর্বভূতানাং জীবন্মুক্তঃ স উচ্যতে || ১১||
সর্বেষু ভূতেষু যঃ অনাদিঃ জীবঃ সঃ শিব এব | অত এব সঃ ন হন্যতে |
অতঃ সর্বেষু ভূতেষু নির্বৈরো যঃ জীবন্মুক্ত উচ্যতে ||

আত্মা গুরুস্ত্বং বিশ্বং গুরুস্ত্বদ্বিশ্বংচ চিদাকাশো ন লিপ্যতে |
গতাগতং যতাগতঃ দ্বযোর্নাস্তি জীবন্মুক্তঃ স উচ্যতে || ১২||
যঃ গুরুঃ আত্মা সঃ ত্বং এব | স এব নির্লিপ্তঃ চিদাকাশঃ | তদ্ এব
সর্বম্ | অত এব তস্য গতাগতং গতমাগতমাগতং গতং বা ন বিদ্যতে |
এবং যঃ আত্মানং সঃ জীবন্মুক্ত ইত্যুচ্যতে ||

গর্ভ অন্তর্ ধ্যানেন পশ্যন্তি জ্ঞানীনাং মন উচ্যতে |
সোঽহং মনো বিলীযন্তে জীবন্মুক্তঃ স উচ্যতে || ১৩||
গর্ভধ্যানেন অন্তর্ধ্যানেন ইত্যর্থঃ | এতাদৃশধ্যানেন জ্ঞানিনঃ যত্পশ্যন্তি
তদেব জ্ঞানিনাং মন উচ্যতে | ইদমেব সোঽহং মনঃ | এতাদৃশমনোবিশিষ্টাঃ
জ্ঞানিনঃ | চিদাকাশ ইত্যনুবর্ততে | তত্র বিলীযন্তে | তে তত্র বিলযং
যান্তীত্যর্থঃ | এবং স্থিতস্য আত্মতত্ত্বস্য জ্ঞানীত্যনুবর্ততে |
সঃ জীবন্মুক্ত ইত্যুচ্যতে ||

ঊর্ধ্বধ্যানেন পশ্যন্তি বিজ্ঞানং মন উচ্যতে |
শূন্যং লযং চ বিলযং জীবন্মুক্তঃ স উচ্যতে || ১৪||
জ্ঞানিনঃ ঊর্ধ্বধ্যানেন সমাধিনা যত্পশ্যন্তি তদ্বিজ্ঞানম্ | তত্তেষাং মন
উচ্যতে | তদেব শূন্যং লযম্ | তদেব বিজ্ঞানম্ | তথাত্মজ্ঞান্যাত্মানং জানাতি
যঃ সঃ জীবন্মুক্ত উচ্যতে ||

অভ্যাসে আভাষে রমতে নিত্যং মনো ধ্যানলযং গতম্ |
বন্ধমোক্ষদ্বযং নাস্তি জীবন্মুক্তঃ স উচ্যতে || ১৫||
যস্য জ্ঞানিনঃ মনঃ নিত্যমভ্যাসে শ্রবণমনননিদিধ্যাসনাখ্যতপসি
রমতে ক্রীডতি | যস্য মনঃ ধ্যানলযং ধ্হ্যানে লযং গতং; যস্য
বন্ধমোক্ষদ্বন্দ্বং নাস্তি সঃ জিবন্মুক্ত উচ্যতে ||

এককী রমতে নিত্যং স্বভাবগুণবর্জিতম্ |
ব্রহ্মজ্ঞানরসাস্বাদী রসাস্বাদো জীবন্মুক্তঃ স উচ্যতে || ১৬||

যস্য জ্ঞানিনঃ মনঃ ইত্যনুবর্ততে | নিত্যং স্বভাবগুণবর্জিতং
প্রকৃতি গুণাতীতং, সঃ জ্ঞানী একাকী রমতে আত্মন্যেব ক্রীডতি |
ব্রহ্মজ্ঞানরসাস্বাদী ব্রহ্মাখ্যজ্ঞানরসাস্বাদী সঃ জীবন্মুক্ত ইত্যুচ্যতে ||

হৃদি ধ্যানেন পশ্যন্তি প্রকাশং ক্রিযতে মনঃ |
সোঽহং হংসেতি পশ্যন্তি জীবন্মুক্তঃ স উচ্যতে || ১৭||
যে জ্ঞানিনঃ হৃদি ধ্যানেন প্রকাশং পশ্যন্তি তৈঃ মনঃ ক্রিযতে তেষাং
মনোঽভিব্যক্তং ভবতীতি যাবত্ | তদা তে সোঽহং হংসঃ ইতি পশ্যন্তি |
এবমাত্মতত্ত্বং পশ্যন্ জীবন্মুক্ত ইত্যুচ্যতে ||

শিবশক্তিসমাত্মানং পিণ্ডব্রহ্মাণ্ডম্ শিবশক্তির্মমাত্মানো পিণ্ডনি ব্রহ্মাণ্ডম্ |
চিদাকাশং হৃদং মোহং কৃতং সোঽহং জীবন্মুক্তঃ স উচ্যতে || ১৮||
জ্ঞানিনঃ শিবশক্তিসমাত্মানং শিবশক্তিসমঃ যঃ আত্মা তমাত্মানং
মহাত্মানম্ | পিণ্ডঃ শারীরম্ | তেন সহিতং ব্রহ্মাণ্ডং হৃদং হৃত্স্থং
বন্ধকং মোহং চ চিদাকাশমিতি চৈতন্যমেব পশ্যন্তি, য
এবমাত্মতত্ত্বজ্ঞানী সঃ জীবন্মুক্ত ইত্যুচ্যতে ||

জাগ্রত্স্বপ্নসুষুপ্তিং চ তুরীযাবস্থিতং সদা |
সোঽহং মনো বিলীযেত বিলীযতে জীবন্মুক্তঃ স উচ্যতে || ১৯||
যস্য জ্ঞানিনঃ সোঽহং মনঃ সোঽহমিতি ধ্যানৈকাপরং মনঃ
জাগ্রত্স্বপ্নসুষুপ্তিমতীত্য সদা তুরীযাবস্থিতং সচ্চিদাকাশপরমাত্মনি
বিলীযেত সঃ জ্ঞানী জীবন্মুক্ত ইত্যুচ্যতে ||

সোঽহং স্থিতং জ্ঞানমিদং সূত্রেষু মণিবত্পরম্ জ্যোতিরূপং নির্মলং সূত্রমভিত উত্তরম্ |
সোঽহং ব্রহ্ম নিরাকারং জীবন্মুক্তঃ স উচ্যতে || ২০||
ইদং সোঽহং স্থিতং জ্ঞানং সূত্রেষু মণিবচ্চিদাকাশে স্থিতমিত্যন্বযঃ |
সোঽহং পরং ব্রহ্ম নিরাকারম্ | এবমাত্মজ্ঞানী যঃ সঃ
জীবন্মুক্ত ইত্যুচ্যতে ||

মন এব মনুষ্যাণাং ভেদাভেদস্য কারণম্ |
বিকল্পনৈব সংকল্পং সংকল্পো জীবন্মুক্তঃ স উচ্যতে || ২১||
বিকল্পনা ইদমিত্থমেবেত্যাদি তত্ত্ববিরুদ্ধা কল্পনা স এব সংকল্প ইতি
প্রসিদ্ধঃ | তদেব মনোরূপং সন্মনুষ্যানামহং মমেত্যাদি
ভেদাভেদব্যবহারকারণম্ | এবং যো জানাতি জ্ঞানফলং চ
সংকল্পরাহিত্যং তথা চ যঃ সর্বথা সংকল্পরহিতঃ |
সঃ জীবন্মুক্ত ইত্যুচ্যতে ||

মন এব বিদুঃ প্রাজ্ঞাঃ সিদ্ধসিদ্ধান্ত বিদুঃপ্রাজ্ঞাসিদ্ধসিদ্ধান্ত |
যদা সদা দৃঢং তদা মোক্ষো মোক্ষ জীবন্মুক্তঃ স উচ্যতে || ২২||
যত্প্রাজ্ঞাঃ জ্ঞানিনঃ বিদুঃ কিমিতি | যদা মনঃ সদা দৃঢং ভবতি তদৈব
মোক্ষ ইতি | স এব চ সিদ্ধসিদ্ধান্তঃ | য এবং সিদ্ধান্তং
বেদ সঃ জীবন্মুক্ত উচ্যতে ||

যোগাভ্যাসী মনঃ শ্রেষ্ঠোঽন্তস্ত্যাগী বহির্জডঃ |
অন্তস্ত্যাগী বহিস্ত্যাগী জীবন্মুক্তঃ স উচ্যতে || ২৩||
যো যো যোগাভ্যাসী যোগমভ্যসতি স সো মনঃ শ্রেষ্ঠঃ মনসা শ্রেষ্ঠঃ |
এবং বিধোঽযমন্তস্ত্যাগী অন্তস্থং সর্বমপি মাযাসংভূতং
ত্যজতীত্যন্তস্ত্যাগী | অত এব সঃ বহিঃ জডবদাচরতি | এবং চ
সোঽন্তস্ত্যাগী বহিস্ত্যাগী চ | স এব জীবন্মুক্ত ইত্যুচ্যতে ||

ইতি বেদান্তকেসরিণা শ্রীদত্তাত্রেয বিরচিতা জীবন্মুক্তগীতা সমাপ্তা ||
ইতি শ্রীজযচামরাজেন্দ্রবিরচিতা জীবন্মুক্তগীতাব্যাখ্যা সমাপ্তা ||