সুবাল

.. সুবালোপনিষত্ ..

বীজাজ্ঞানমহামোহাপহ্নবাদ্যদ্বিশিষ্যতে .
নির্বীজং ত্রৈপদং তত্ত্বং তদস্মীতি বিচিন্তযে ..
ॐ পূর্ণমদঃ পূর্ণমিদং পূর্ণাত্পূর্ণমুদচ্যতে .
পূর্ণস্য পূর্ণমাদায পূর্ণমেবাবশিষ্যতে ..
ॐ শান্তিঃ শান্তিঃ শান্তিঃ ..
ॐ তদাহুঃ কিং তদাসীত্তস্মৈ স হোবাচ
ন সন্নসন্ন সদসদিতি তস্মাত্তমঃ সঞ্জাযতে
তমসো ভূতাদির্ভূতাদেরাকাশমাকাশা-
দ্বাযুর্বায্রগ্নিরগ্নেরাপোঽদ্ভ্যঃ পৃথিবী তদণ্ডং
সমভবত্তত্সংবত্সরমাত্রমুষিত্বা দ্বিধাকরো-
দধস্তাদ্ভূমিমুপরিষ্টাদাকাশং মধ্যে পুরুষো
দিব্যঃ সহস্রশীর্ষা পুরুষঃ সহস্রাক্ষঃ সহস্রপাত্ .
সহস্রবাহুরিতি সোঽগ্রে ভূতানাং মৃত্যুমসৃজন্ত্র্যক্ষরং
ত্রিশিরস্কং ত্রিপাদং খণ্ডপরশুং তস্য ব্রহ্মাভিধেতি
স ব্রহ্মাণমেব বিবেশ স মানসান্সপ্ত পুত্রানসৃজত্তেহ
বিরাজঃ সত্যমানসানসৃজন্তেহ প্রজাপতযো ব্রাহ্মণোঽস্য
মুখমাসীদ্বাহূ রাজন্যঃ কৃতঃ .
ঊরূ তদস্য যদ্বৈশ্যঃ পদ্ভ্যাং শূদ্রো অজাযত ..
চন্দ্রমা মনসো জাতশ্চক্ষোঃ সূর্যো অজাযত .
শ্রোত্রাদ্বাযুশ্চ প্রাণশ্চ হৃদযাত্সর্বমিদং জাযতে ..
ইতি প্রথমঃ খণ্ডঃ ..
অপানান্নিষাদা যক্ষরাক্ষসগন্ধর্বাশ্চাস্থিভ্যঃ
পর্বতা লোমভ্য ওষধিবনস্পতযো ললাটাত্ক্রোধজো রুদ্রো
জাযতে তস্যৈতস্য মহতো ভূতস্য নিঃশ্বসিতমেবৈতদ্যদৃগ্বদো
যজুর্বেদঃ সামবেদোঽথর্ববেদঃ শিক্ষা কল্পো ব্যাকরণং
নিরুক্তং ছন্দো জ্যোতিষামযনং ন্যাযো মীমাংসা ধর্মশাস্ত্রাণি
ব্যাখ্যানান্যুপব্যাখ্যানানি চ সর্বাণি চ ভূতানি
হিরণ্যজ্যোতির্যস্মিন্নযমাত্মাধিক্ষিযন্তি ভুবনানি বিশ্বা ..
আত্মানং দ্বিধাকরোদর্ধেন স্ত্রী অর্ধেন পুরুষো দেবো ভূত্বা
দেবানসৃজদৃষির্ভূত্বা ঋষীন্যক্ষরাক্ষসগন্ধর্বান্-
গ্রাম্যানারণ্যাংশ্চ পশূনসৃজদিতরা গৌরিতরোঽনড্বানিতরো
বডবেতরোঽশ্ব ইতরা গর্দভীতরো গর্দভ ইতরা বিশ্বম্ভরীতরো
বিশ্বম্ভরঃ সোঽন্তে বৈশ্বানরো ভূত্বা সন্দগ্ধ্বা সর্বাণি
ভূতানি পৃথিব্যপ্সু প্রলীযত আপস্তেজসি প্রলীযন্তে তেজো বাযৌ
বিলীযতে বাযুরাকাশে বিলীযত আকাশমিন্দ্রিযেষ্বিন্দ্রিযাণি
তন্মাত্রেষু তন্মাত্রাণি ভূতাদৌ বিলীযন্তে ভূতাদির্মহতি
বিলীযতে মহানব্যক্তে বিলীযতেঽব্যক্তমক্ষরে বিলীযতে অক্ষরং
তমসি বিলীযতে তমঃ পরে দেব একীভবতি পরস্তান্ন সন্নাসন্নাসদ-
সদিত্যেতন্নির্বাণানুশাসনমিতি বেদানুশাসনমিতি বেদানুশাসনম্ ..
ইতি দ্বিতীযঃ খণ্ডঃ .. ২..
অসদ্বা ইদমগ্র আসীদজাতমভূতমপ্রতিষ্ঠিত-
মশব্দমস্পর্শমরূপমরসমগন্ধমব্যযম-
মহান্তমবৃহন্তমজমাত্মানং মত্বা ধীরো ন শোচতি ..
অপ্রমাণমমুখমশ্রোত্রমবাগমনোঽতেজস্কমচক্ষু-
ষ্কমনামগোত্রমশিরস্কমপাণিপাদমস্নিগ্ধমলোহিত-
মপ্রমেযমহ্রস্বমদীর্ঘমস্থূলমনণ্বনল্পমপার-
মনির্দেশ্যমনপাবৃতমপ্রতর্ক্যমপ্রকাশ্যমসংবৃত-
মনন্তরমবাহ্যং ন তদশ্নাতি কিংচন ন তদশ্নাতি
কশ্চনৈতদ্বৈ সত্যেন দানেন তপসাঽনাশকেন ব্রহ্মচর্যেণ
নির্বেদনেনানাশকেন ষডঙ্গেনৈব সাধযেদেতত্রযং
বীক্ষেত দমং দানং দযামিতি ন তস্য প্রাণা উত্ক্রামন্ত্যত্রৈব
সমবলীযন্তে ব্রহ্মৈব সন্ব্রহ্মাপ্যেতি য এবং বেদ ..
ইতি তৃতীযঃ খণ্ডঃ .. ৩..
হৃদযস্য মধ্যে লোহিতং মাংসপিণ্ডং
যস্মিংস্তদ্দহরং পুণ্ডরীকং কুমুদমিবানেকধা
বিকসিতং হৃদযস্য দশ ছিদ্রাণি ভবন্তি যেষু
প্রাণাঃ প্রতিষ্ঠিতাঃ স যদা প্রাণেন সহ
সংযুজ্যতে তদা পশ্যতি নদ্যো নগরাণি বহূনি
বিবিধানি চ যদা ব্যানেন সহ সংযুজ্যতে তদা পশ্যতি
দেবাংশ্চ ঋষীংশ্চ যদাপানেন সহ সংযুজ্যতে
তদা পশ্যতি যক্ষরাক্ষসগন্ধর্বান্যদা উদানেন
সহ সংযুজ্যতে তদা পশ্যতি দেবলোকান্দেবান্স্কন্দং
জযন্তং চেতি যদা সমানেন সহ সংযুজ্যতে তদা
পশ্যতি দেবলোকান্ধনানি চ যদা বৈরম্ভেণ সহ
সংযুজ্যতে তদা পশ্যতি দৃষ্টং চ শ্রুতং চ ভুক্তং
চাভুক্তং চ সচ্চাসচ্চ সর্বং পশ্যতি অথেমা
দশ দশ নাড্যো ভবন্তি তাসামেকৈকস্য দ্বাসপ্ততির্দ্বাসপ্ততিঃ
শাখা নাডীসহস্রাণি ভবন্তি যস্মিন্নযমাত্মা স্বপিতি
শব্দানাং চ করোত্যথ যদ্দ্বিতীযে সঙ্কোশে স্বপিতি তদেমং
চ লোকং পরং চ লোকং পশ্যতি সর্বাঞ্ছব্দান্বিজানাতি
স সম্প্রসাদ ইত্যাচক্ষতে প্রাণঃ শরীরং পরিরক্ষতি হরিতস্য
নীলস্য পীতস্য লোহিতস্য শ্বেতস্য নাড্যো রুধিরস্য পূর্ণা
অথাত্রৈতদ্দহরং পুণ্ডরীকং কুমুদমিবানেকধা বিকসিতং
যথা কেশঃ সহস্রধা ভিন্নস্তথা হিতা নাম নাড্যো ভবন্তি
হৃদ্যাকাশে পরে কোশে দিব্যোঽযমাত্মা স্বপিতি যত্র সুপ্তো ন
কঞ্চন কামং কামযতে ন কঞ্চন স্বপ্নং পশ্যতি
ন তত্র দেবা ন দেবলোকা যজ্ঞা ন যজ্ঞা বা ন মাতা
ন পিতা ন বন্ধুর্ন বান্ধবো ন স্তেনো ন ব্রহ্মহা
তেজস্কাযমমৃতং সলিল এবেদং সলিলং বনং ভূযস্তেনৈব
মার্গেণ জাগ্রায ধাবতি সম্রাডিতি হোবাচ ..
ইতি চতুর্থঃ খণ্ডঃ .. ৪..
স্থানানি স্থানিভ্যো যচ্ছতি নাডী তেষাং
নিবন্ধনং চক্ষুরধ্যাত্মং দ্রষ্টব্যমধিভূতমাদিত্যস্তত্রাধিদৈবতং
নাডী তেষাং নিবন্ধনং যশ্চক্ষুষি যো দ্রষ্টব্যে য আদিত্যে
যো নাড্যাং যঃ প্রাণে যো বিজ্ঞানে য আনন্দে যো
হৃদ্যাকাশে য এতস্মিন্সর্বস্মিন্নন্তরে সংচরতি সোঽযমাত্মা
তমাত্মানমুপাসীতাজরমমৃতমভযমশোকমনন্তম্ ..
শ্রোত্রমধ্যাত্মং শ্রোতব্যমধিভূতং দিশস্তত্রাধিদৈবতং
নাডী তেষাং নিবন্ধনং যঃ শ্রোত্রে যঃ শ্রোতব্যে যো দিক্ষু
যো নাড্যাং যঃ প্রাণে যো বিজ্ঞানে য আনন্দে যো
হৃদ্যাকাশে য এতস্মিন্সর্বস্মিন্নন্তরে সংচরতি সোঽযমাত্মা
তমাত্মানমুপাসীতাজরমমৃতমভযমশোকমনন্তম্ ..
নাসাধ্যাত্মং ঘ্রাতব্যমধিভূতং পৃথিবী তত্রাধিদৈবতং
নাডী তেষাং নিবন্ধনং যো নাসাযাং যো ঘ্রাতব্যে যঃ
পৃথিব্যাং যো নাড্যাং যঃ প্রাণে যো বিজ্ঞানে য আনন্দে যো
হৃদ্যাকাশে য এতস্মিন্সর্বস্মিন্নন্তরে সংচরতি সোঽযমাত্মা
তমাত্মানমুপাসীতাজরমমৃতমভযমশোকমনন্তম্ ..
জিহ্বাধ্যাত্মং রসযিতব্যমধিভূতং বরুণস্তত্রাধিদৈবতং
নাডী তেষাং নিবন্ধনং যস্ত্বচি যঃ স্পর্শযিতব্যে
যো বরুণে যো নাড্যাং যঃ প্রাণে যো বিজ্ঞানে য আনন্দে যো
হৃদ্যাকাশে য এতস্মিন্সর্বস্মিন্নন্তরে সংচরতি সোঽযমাত্মা
তমাত্মানমুপাসীতাজরমমমৃতমভযমশোকমনন্তম্ ..
ত্বগধ্যাত্মং স্পর্শযিতব্যমধিভূতং বাযুস্তত্রাধিদৈবতং
নাডী তেষাং নিবন্ধনং যস্ত্বচি যঃ স্পর্শযিতব্যে যো বাযৌ
যো নাড্যাং যঃ প্রাণে যো বিজ্ঞানে য আনন্দে যো হৃদ্যাকাশে
য এতস্মিন্সর্বস্মিন্নন্তরে সংচরতি সোঽযমাত্মা
তমাত্মানমুপাসীতাজরমমৃতমভযমশোকমনন্তম্ ..
মনোঽধ্যাত্মং মন্তব্যমধিভূতং চন্দ্রস্তত্রাধিদৈবতং
নাডী তেষাং নিবন্ধনং যো মনসি যো মন্তব্যে যশ্চন্দ্রে
যো নাড্যাং যঃ প্রাণে যো বিজ্ঞানে য আনন্দে যো হৃদ্যাকাশে
য এতস্মিন্সর্বস্মিন্নন্তরে সংচরতি সোঽযমাত্মা
তমাত্মানমুপাসীতাজরমমৃতমভযমশোকমনন্তম্ ..
বুদ্ধিরধ্যাত্মং বোদ্ধব্যমধিভূতং ব্রহ্মা তত্রাধিদৈবতং
নাডী তেষাং নিবন্ধনং যো বুদ্ধৌ যো বোদ্ধব্যে যো ব্রহ্মণি
যো নাড্যাং যঃ প্রাণে যো বিজ্ঞানে য আনন্দে যো হৃদ্যাকাশে
য এতস্মিন্সর্বস্মিন্নন্তরে সংচরতি সোঽযমাত্মা
তমাত্মানমুপাসীতাজরমমৃতমভযমশোকমনন্তম্ ..
অহঙ্কারোঽধ্যাত্মমহংকর্তব্যমধিভূতং
রুদ্রস্তত্রাধিদৈবতং নাডী তেষাং নিবন্ধনং
যোঽহঙ্কারে যোঽহংকর্তব্যে যো রুদ্রে যো নাড্যাং
যঃ প্রাণে যো বিজ্ঞানে য আনন্দে যো হৃদ্যাকাশে
য এতস্মিন্সর্বস্মিন্নন্তরে সংচরতি সোঽযমাত্মা
তমাত্মানমুপাসীতাজরমমৃতমভযমশোকমনন্তম্ ..
চিত্তমধ্যাত্মং চেতযিতব্যমধিভূতং
ক্ষেত্রজ্ঞস্তত্রাধিদৈবতং নাডী তেষাং নিবন্ধনং
যশ্চিত্তে যশ্চেতযিতব্যে যঃ ক্ষেত্রজ্ঞে যো নাড্যাং
যঃ প্রাণে যো বিজ্ঞানে য আনন্দে যো হৃদ্যাকাশে
য এতস্মিন্সর্বস্মিন্নন্তরে সংচরতি সোঽযমাত্মা
তমাত্মানমুপাসীতাজরমমৃতমভযমশোকমনন্তম্ ..
বাগধ্যাত্মং বক্তব্যমধিভূতমগ্নিস্তত্রাধিদৈবতং
নাডী তেষাং নিবন্ধনং যো বাচি যো বক্তব্যে যোঽগ্নৌ
যো নাড্যাং যঃ প্রাণে যো বিজ্ঞানে য আনন্দে যো হৃদ্যাকাশে
য এতস্মিন্সর্বস্মিন্নন্তরে সংচরতি সোঽযমাত্মা
তমাত্মানমুপাসীতাজরমমৃতমভযমশোকমনন্তম্ ..
হস্তাবধ্যাত্মমাদাতব্যমধিভূতমিন্দ্রস্তত্রাধিদৈবতং
নাডী তেষাং নিবন্ধনং যো হস্তে য আদাতব্যে য ইন্দ্রে যো নাড্যাং
যঃ প্রাণে যো বিজ্ঞানে য আনন্দে যো হৃদ্যাকাশে য
এতস্মিন্সর্বস্মিন্নন্তরে সংচরতি সোঽযমাত্মা
তমাত্মানমুপাসীতাজরমমৃতমভযমশোকমনন্তম্ ..
পাদাবধ্যাত্মং গন্তব্যমধিভূতং বিষ্ণুস্তত্রাধিদৈবতং
নাডী তেষাং নিবন্ধনং যঃ পাদে যো গন্তব্যে যো বিষ্ণৌ
যো নাড্যাং যঃ প্রাণে যো বিজ্ঞানে য আনন্দে যো হৃদ্যাকাশে
য এতস্মিন্সর্বস্মিন্নন্তরে সংচরতি সোঽযমাত্মা
তমাত্মানমুপাসীতাজরমমৃতমভযমশোকমনন্তম্ ..
পাযুরধ্যাত্মং বিসর্জযিতব্যমধিভূতং
মৃত্যুস্তত্রাধিদৈবতং নাডী তেষাং নিবন্ধনং
যঃ পাযৌ যো বিসর্জযিতব্যে যো মৃত্যৌ যো নাড্যাং
যঃ প্রাণে যো বিজ্ঞানে য আনন্দে যো হৃদ্যাকাশে
য এতস্মিন্সর্বস্মিন্নন্তরে সংচরতি সোঽযমাত্মা
তমাত্মানমুপাসীতাজরমমৃতমভযমশোকমনন্তম্ ..
উপস্থোঽধ্যাত্মমানন্দযিতব্যমধিভূতং
প্রজাপতিস্তত্রাধিদৈবতং নাডী তেষাং নিবন্ধনং
য উপস্থে য আনন্দযিতব্যে যঃ প্রজাপতৌ যো নাড্যাং
যঃ প্রাণে যো বিজ্ঞানে য আনন্দে যো হৃদ্যাকাশে
য এতস্মিন্সর্বস্মিন্নন্তরে সংচরতি সোঽযমাত্মা
তমাত্মানমুপসীতাজরমমৃতমভযমশোকমনন্তম্ ..
এষ সর্বজ্ঞ এষ সর্বেশ্বর এষ সর্বাধিপতিরেষোঽন্তর্যাম্যেষ
যোনিঃ সর্বস্য সর্বসৌখ্যেরুপাস্যমানো ন চ সর্বসৌখ্যান্যুপাস্যতি
বেদশাস্ত্রৈরুপাস্যমানো ন চ বেদশাস্ত্রাণ্যুপাস্যতি
যস্যানমিদং সর্বে ন চ যোঽন্নং ভবত্যতঃ পরং সর্বনযনঃ
প্রশাস্তান্নমযো ভূতাত্মা প্রাণময ইন্দ্রিযাত্মা মনোমযঃ
সংকল্পাত্মা বিজ্ঞানমযঃ কালাত্মানন্দমযো লযাত্মৈকত্বং
নাস্তি দ্বৈতং কুতো মর্ত্যং নাস্ত্যমৃতং কুতো নান্তঃপ্রজ্ঞো
ন বহিঃপ্রজ্ঞো নোভযতঃপ্রজ্ঞো ন প্রজ্ঞাঘনো ন প্রজ্ঞো
নাপ্রজ্ঞোঽপি নো বিদিতং বেদ্যং নাস্তীত্যেতন্নির্বাণানুশাসনমিতি
বেদানুশাসনমিতি বেদানুশাসনম্ ..
ইতি পঞ্চমঃ খণ্ডঃ .. ৫..
নৈবেহ কিংচনাগ্র আসীদমূলমনাধারমিমাঃ
প্রজাঃ প্রজাযন্তে দিব্যো দেব একো নারাযণশ্চক্ষুশ্চ
দ্রষ্টব্যং চ নারাযণঃ শ্রোত্রং চ শ্রোতব্যং চ
নারাযণো ঘ্রাণং চ ঘ্রাতব্যং চ নারাযণো জিহ্বা চ
রসযিতব্যং চ নারাযণস্ত্বক্ চ স্পর্শযিতব্যং চ
নারাযণো মতশ্চ মন্তব্যং চ নরাযণো বুদ্ধিশ্চ
বোদ্ধব্যং চ নারাযণোঽহঞ্কারশ্চাহংকার্তব্যং চ
নারাযণশ্চিত্তং চ চেতযিতব্যং চ নারাযণো বাক্ চ
বক্তব্যং চ নারাযণো হস্তৌ চাদাতব্যং চ নারাযণঃ
পাদৌ চ গন্তব্যং চ নারাযণঃ পাযুশ্চ বিসর্জযিতব্যং
চ নারাযণ উপস্থশ্চানন্দযিতব্যং চ নারাযণো ধাতা
বিধাতা কর্তা বিকর্তা দিব্যো দেব একো নারাযণ আদিত্যা রুদ্রা
মরুতো বসবোঽশ্বিনাবৃচো যজূংষি সামানি মন্ত্রোঽগ্নি-
রাজ্যাহুতির্নারাযণ উদ্ভবঃ সম্ভবো দিব্যো দেব একো নারাযণো
মাতা পিতা ভ্রাতা নিবাসঃ শরণং সুহৃদ্গতির্নারাযণো বিরাজা
সুদর্শনাজিতাসোম্যামোঘাকুমারামৃতাসত্যামধ্যমানা-
সীরাশিশুতাসূরাসূর্যাস্বরাবিজ্ঞেযানি নাডীনামানি দিব্যানি
গর্জতি গাযতি বাতি বর্ষতি বরুণোঽর্যমা চন্দ্রমাঃ কলা
কলির্ধাতা ব্রহ্মা প্রজাপতির্মঘবা দিবসাশ্চার্ধদিবসাশ্চ
কলাঃ কল্পাশ্চোর্ধ্বং চ দিশশ্চ সর্বং নারাযণঃ ..
পুরুষ এবেদং সর্বং যদ্ভূতং যচ্চ ভব্যম্ .
উতামৃতত্বস্যেশানো যদন্নেনতিরোহতি ..
তদ্বিষ্ণোঃ পরমং পদং সদা পশ্যন্তি সূরযঃ . দিবীব চক্ষুরাততম্ ..
তদ্বিপ্রাসো বিপন্যবো জাগৃবাংসঃ সমিন্ধতে . বিষ্ণোর্যত্পরমং পদম্ ..
তদেতন্নির্বাণানুশাসনমিতি বেদনুশাসনমিতি বেদানুশাসনম্ ..
ইতি ষষ্ঠঃ খণ্ডঃ .. ৬..
অন্তঃশরীরে নিহিতো গুহাযামজ একো নিত্যো যস্য পৃথিবী
শরীরং যঃ পৃথিবীমন্তরে সংচরন্ যং পৃথিবী ন বেদ ..
যস্যাপঃ শরীরং যোঽপোন্তরে সংচরন্যমাপো ন বিদুঃ ..
যস্য তেজঃ শরীরং যস্তেজোন্তরে সংচরন্ যং তেজো ন বেদ ..
যস্য বাযুঅঃ শরীরং যো বাযুমন্তরে সংচরন্ য বাযুর্ন বেদ ..
যস্যাকাশঃ শরীরং য আকাশমন্তরে সংচরন্ যমাকাশো ন বেদ ..
যস্য মনঃ শরীরং যো মনোন্তরে সংচরন্ যং মনো ন বেদ ..
যস্য বুদ্ধিঃ শরীরং যো বুদ্ধিমন্তরে সংচরন্ যং বুদ্ধির্ন বেদ ..
যস্যাহঙ্কারঃ শরীরং যোঽহঙ্কারমন্তরে সংচরন্ যমহঙ্কারো ন বেদ ..
যস্য চিত্তং শরীরং যশ্চিত্তমন্তরে সংচরন্ যং চিত্তং ন বেদ ..
যস্যাব্যক্তং শরীরং যোঽব্যক্তমন্তরে সংচরন্ যমব্যক্তং ন বেদ ..
যস্যাক্ষরং শরীরং যোঽক্ষরমন্তরে সংচরন্ যমক্ষরং ন বেদ ..
যস্য মৃত্যুঃ শরীরং যো মৃত্যুমন্তরে সংচরন্ যং মৃত্যুর্ন বেদ ..
স এষ সর্বভূতান্তরাত্মাপহতপাপ্মা দিব্যো দেব একো নারাযণঃ ..
এতাং বিদ্যামপান্তরতমায দদাবপান্তরতমো ব্রহ্মণে দদৌ ব্রহ্মা
ঘোরাঙ্গিরসে দদৌ ঘোরাঙ্গিরা রৈক্বায দদৌ রৈক্বো রামায দদৌ
রামঃ সর্বেভ্যো ভূতেভ্যো দদাবিত্যেবং নির্বাণানুশাসনমিতি
বেদানুশাসনমিতি বেদানুশাসনম্ ..
ইতি সপ্তমঃ খণ্ডঃ .. ৭..
অন্তঃশরীরে নিহিতো গুহাযাং শুদ্ধঃ সোঽযমাত্মা
সর্বস্য মেদোমাংসক্লেদাবকীর্ণে শরীরমধ্যেঽত্যন্তোপহতে
চিত্রভিত্তিপ্রতীকাশে গন্ধর্বনগরোপমে কদলীগর্ভবন্নিঃসারে
জলবুদ্বুদবচ্চঞ্চলে নিঃসৃতমাত্মানমচিন্ত্যরূপং
দিব্যং দেবমসঙ্গং শুদ্ধং তেজস্কাযমরূপং
সর্বেশ্বরমচিন্ত্যমশরীরং নিহিতং গুহাযামমৃতং
বিভ্রাজমানমানন্দং তং পশ্যন্তি বিদ্বাংসস্তেন লযে ন পশ্যন্তি ..
ইতি অষ্টমঃ খণ্ডঃ .. ৮..
অথ হৈনং রৈক্বঃ পপ্রচ্ছ ভগবন্কস্মিন্সর্বেঽস্তং
গচ্ছন্তীতি .. তস্মৈ স হোবাচ চক্ষুরেবাপ্যেতি
যচ্চক্ষুরেবাস্তমেতি দ্রষ্টব্যমেবপ্যেতি যো
দ্রষ্টব্যমেবাস্তমেত্যাদিত্যমেবাপ্যেতি য আদিত্যমেবাস্তমেতি
বিরাজমেবাপ্যেতি যো বিরাজমেবাস্তমেতি প্রাণমেবাপ্যেতি যঃ
প্রাণমেবাস্তমেতি বিজ্ঞানমেবাপ্যেতি যো বিজ্ঞানমেবাস্তমে-
ত্যানন্দমেবাপ্যেতি য আনন্দমেবাস্তমেতি তুরীযমেবাপ্যেতি
যস্তুরীযমেবাস্তমেতি তদমৃতমভযমশোকমনন্ত-
নির্বীজমেবাপ্যেতীতি হোবাচ ..
শ্রোত্রমেবাপ্যেতি যঃ শ্রোত্রমেবাস্তমেতি শ্রোতব্যএবাপ্যেতি
যঃ শ্রোতব্যমেবাস্তমেতি দিশমেবাপ্যেতি যো দিশমেবাস্তমেতি
সুদর্শনামেবাপ্যেতি যঃ সুদর্শনামেবাস্তমেত্যপানমেবাপ্যেতি
যোঽপানমেবাস্তমেতি বিজ্ঞানমেবাপ্যেতি যো বিজ্ঞানমেবাস্তমেতি
তদমৃতমভযমশোকমনন্তনির্বীজমেবাপ্যেতীতি হোবাচ ..
নাসমেবাপ্যেতি যো নাসামেবাস্তমেতি ঘ্রাতব্যমেবাপ্যেতি
যো ঘ্রাতব্যমেবাস্তমেতি পৃথিবিমেএবাপ্যেতি যঃ পৃথিবীএবাস্তমেতি
জিতামেবাপ্যেতি যো জিতামেবাস্তমেতি ব্যানমেবাপ্যেতি যো
ব্যানমেবাস্তমেতি বিজ্ঞানমেবাপ্যেতি
তদমৃতমভযমশোকমনন্তনির্বীজমেবাপ্যেতীতি হোবাচ ..
জিহ্বামেবাপ্যেতি যো জিহ্বামেবাস্তমেতি রসযিতব্যমেবাপ্যেতি
যো রসযিতব্যমেবাস্তমেতি বরুণমেবাপ্যেতি যো বরুণমেবাস্তমেতি
সৌম্যামেবাপ্যেতি যঃ সৌম্যামেবাস্তমেত্যুদানমেবাপ্যেতি
য উঅদানমেবাস্তমেতি বিজ্ঞানমেবাপ্যেতি
তদমৃতমভযমশোকমনন্তনির্বীজমেবাপ্যেতীতি হোবাচ ..
ত্বচমেবাপ্যেতি যস্ত্বচমেবাস্তমেতি স্পর্শযিতব্যমেবাপ্যেতি
যঃ স্পর্শৈতব্যমেবাস্তমেতি বাযুমেবাপ্যেতি যো বাযুমেবাস্তমেতি
মোধামেবাপ্যেতি যো মোধামেবাস্তমেতি সমানমেবাপ্যেতি
যঃ সমানমেবাস্তমেতি বিজ্ঞানএবাপ্যেতি
তদমৃতমভযমশোকমনন্তনির্বীজমেবাপ্যেতীতি হোবাচ ..
বাচমেবাপ্যেতি যো বাচমেবাস্তমেতি বক্তব্যমেবাপ্যেতি
যো বক্তব্যমেবাস্তমেত্যগ্নিমেবাপ্যেতি যোঽগ্নিমেবাস্তমেতি
কুমারামেবাপ্যেতি যঃ কুমারামেবাস্তমেতি বৈরম্ভ-
মেবাপ্যেতি যো বৈরম্ভমেবাস্তমেতি বিজ্ঞানমেবাপ্যেতি
তদমৃতমভযমশোকমনন্তনির্বীজমেবাপ্যেতীতি হোবাচ ..
হস্তমেবাপ্যেতি যো হস্তমেবাস্তমেত্যাদাতব্যমেবাপ্যেতি
য আদাতব্যমেবাস্তমেতীন্দ্রমেবাপ্যেতি য ইন্দ্রমেবাস্ত-
মেত্যমৃতামেবাপ্যেতি যোঽমৃতামেবাস্তমেতি মুখ্যমেবাপ্যেতি
যো মুখ্যমেবাস্তমেতি বিজ্ঞানমেবাপ্যেতি
তদমৃতমভযমশোকমনন্তনির্বীজমেবাপ্যেতীতি হোবাচ ..
পাদমেবাপ্যেতি যঃ পাদমেবাস্তমেতি গন্তব্যমেবাপ্যেতি
যো গন্তব্যমেবাস্তমেতি বিষ্ণুমেবাপ্যেতি যো বিষ্ণুমেবাস্তমেতি
সত্যামেবাপ্যেতি যঃ সত্যামেবাস্তমেত্ত্যন্তর্যামমেবাপ্যেতি
যোঽন্তর্যামমেবাস্তমেতি বিজ্ঞানমেবাপ্যেতি
তদমৃতমভযমশোকমনন্তনির্বীজমেবাপ্যেতীতি হোবাচ ..
পাযুমেবাপ্যেতি যঃ পাযুমেবাস্তমেতি বিসর্জযিতব্যমেবাপ্যেতি
যো বিসর্জযিতব্যমেবাস্তমেতি মৃত্যুমেবাপ্যেতি যো মৃত্যুমেবাস্তমেতি
মধ্যমামেবাপ্যেতি যো মধ্যমামেবাস্তমেতি
প্রভঞ্জনমেবাপ্যেতি যঃ প্রভঞ্জনমেবাস্তমেতি বিজ্ঞানমেবাপ্যেতি
তদমৃতমভযমশোকমনন্তনির্বীজমেবাপ্যেতীতি হোবাচ ..
উপস্থমেবাপ্যেতি য উপস্থমেবাস্তমেত্যানন্দযিতব্যমেবাপ্যেতি
য আনন্দযিতব্যমেবাস্তমেতি প্রজাপতিমেবাপ্যেতি যঃ প্রজাপতি-
মেবাস্তমেতি নাসীরামেবাপ্যেতি যো নাসীরামেবাস্তমেতি
কুমারমেবাপ্যেতি যঃ কুমারমেবাস্তমেতি বিজ্ঞানমেবাপ্যেতি
তদমৃতমভযমশোকমনন্তনির্বীজমেবাপ্যেতীতি হোবাচ ..
মন এবাপ্যেতি যো মন এবাস্তমেতি মন্তব্যমেবাপ্যেতি
যো মন্তব্যমেবাস্তমেতি চন্দ্রমেবাপ্যেতি যশ্চন্দ্রমেবাস্তমেতি
শিশুমেবাপ্যেতি যঃ শিশুমেবাস্তমেতি শ্যেনমেবাপ্যেতি যঃ
শ্যেনমেবাস্তমেতি বিজ্ঞানমেবাপ্যেতি
তদমৃতমভযমশোকমনন্তনির্বীজমেবাপ্যেতীতি হোবাচ ..
বুদ্ধিমেবাপ্যেতি যো বুদ্ধিমেবাস্তমেতি বোদ্ধব্যমেবাপ্যেতি
যো বোদ্ধব্যমেবাস্তমেতি ব্রহ্মাণমেবাপ্যেতি যো
ব্রহ্মাণমেবাস্তমেতি সূর্যামেবাস্তমেতি যঃ সূর্যামেবাস্তমেতি
কৃষ্ণমেবাপ্যেতি যঃ কৃষ্ণমেবাস্তমেতি বিজ্ঞানমেবাপ্যেতি
তদমৃতমভযমশোকমনন্তনির্বীজমেবাপ্যেতীতি হোবাচ ..
অহঙ্কারমেবাপ্যেতি যোঽহঙ্কারমেবাস্তমে-
ত্যহঙ্কর্তব্যমেবাপ্যেতি যোঽহঙ্কর্তব্যমেবাস্তমেতি
রুদ্রমেবাপ্যেতি যো রুদ্রমেবাস্তমেত্যসুরামেবাপ্যেতি
যোঽসুরামেবাস্তমেতি শ্বেতমেবাপ্যেতি যঃ শ্বেতমেবাস্তমেতি
বিজ্ঞানমেবাপ্যেতি তদমৃতমভযমশোকমনন্ত-
নির্বীজমেবাপ্যেতীতি হোবাচ ..
চিত্তমেবাপ্যেতি যশ্চিত্তমেবাস্তমেতি চেতযিতব্যমেবাপ্যেতি
যশ্চেতযিতব্যমেবাস্তমেতি ক্ষেত্রজ্ঞমেবাপ্যেতি যঃ
ক্ষেত্রজ্ঞমেবাস্তমেতি ভাস্বতীমেবাপ্যেতি যো ভাস্বতী-
মেবাস্তমেতি নাগমেবাপ্যেতি যো নাগমেবাস্তমেতি বিজ্ঞান-
মেবাপ্যেতি যো বিজ্ঞামেবাস্তমেত্যানন্দমেবাপ্যেতি য
আনন্দমেবাস্তমেতি তুরীযমেবাপ্যেতি যস্তুরীযমেবাস্তমেতি
তদমৃতমভযমশোকমনন্তং নির্বীজমেবাপ্যেতি
তদমৃতমভযমশোকমনন্তনির্বীজমেবাপ্যেতীতি হোবাচ ..
য এবং নির্বীজং বেদ নির্বীজ এব স ভবতি ন জাযতে
ন ম্রিযতে ন মুহ্যতে ন ভিদ্যতে ন দহ্যতে ন ছিদ্যতে
ন কম্পতে ন কুপ্সতে সর্বদহনোঽযমাত্মেত্যাচক্ষতে
নৈবমাত্মা প্রবচনশতেনাপি লভ্যতে ন বহুশ্রুতেন
ন বুদ্ধিজ্ঞানাশ্রিতেন ন মেধযা ন বেদৈর্ন যজ্ঞৈর্ন
তপোভিরুগ্রৈর্ন সাংখ্যৈর্ন যোগৈর্নাশ্রমৈর্নান্যৈরাত্মা-
নমুপুলভন্তে প্রবচনেন প্রশংসযা ব্যুত্থানেন তমেতং
ব্রাহ্মণা শুশ্রুবাংসোঽনূচানা উপলভন্তে শান্তো
দান্ত উপরতস্তিতিক্ষুঃ সমাহিতো ভূত্বাত্মন্যেবাত্মানং
পশ্যতি সর্বস্যাত্মা ভবতি য এবং বেদ ..
ইতি নবমঃ খণ্ডঃ .. ৯..
অথ হৈনং রৈক্বঃ পপ্রচ্ছ ভগবন্কস্মিন্সর্বে
সংপ্রতিষ্ঠিতা ভবন্তীতি রসাতললোকেষ্বিতি হোবাচ
কস্মিন্রসাতললোকা ওতাশ্চ প্রোতাশ্চেতি ভূর্লোকেষ্বিতি
হোবাচ কস্মিন্ভূর্লোকা ওতাশ্চ প্রোতাশ্চেতি
ভুবর্লোকেষ্বিতি হোবাচ কস্মিন্ভুবর্লোকা ওতাশ্চ
প্রোতাশ্চেতি সুবর্লোকেষ্বিতি হোবাচ কস্মিন্সুবর্লোকা
ওতাশ্চ প্রোতাশ্চেতি মহর্লোকেষ্বিতি হোবাচ কস্মিন্মহর্লোকা
ওতাশ্চ প্রোতাশ্চেতি জনোলোকেষ্বিতি হোবাচ কস্মিন্ জনোলোকা
ওতাশ্চ প্রোতাশ্চেতি তপোলোকেষ্বিতি হোবাচ কস্মিংস্তপোলোকা
ওতাশ্চ প্রোতাশ্চেতি সত্যলোকেষ্বিতি হোবাচ কস্মিন্সত্যলোকা
ওতাশ্চ প্রোতাশ্চেতি প্রজাপতিলোকেষ্বিতি হোবাচ
কস্মিন্প্রজাপতিলোকা ওতাশ্চ প্রোতাশ্চেতি ব্রহ্মলোকেষ্বিতি
হোবাচ কস্মিন্ব্রহ্মলোকা ওতাশ্চ প্রোতাশ্চেতি সর্বলোকা
আত্মনি ব্রহ্মণি মণয ইবৌতাশ্চ প্রোতাশ্চেতি
স হোবাচৈবমেতান্ লোকানাত্মনি প্রতিষ্ঠিতান্বেদাত্মৈব
স ভবতীত্যেতন্নির্বাণানুশাসনমিতি বেদানুশাসনমিতি
বেদানুশাসনম্ ..
ইতি দশমঃ খণ্ডঃ .. ১০..
অথ হৈনং রৈক্বঃ পপ্রচ্ছ ভগবন্বোঽযং
বিজ্ঞানঘন উত্ক্রামন্স কেন কতরদ্বাব
স্থানমুত্সৃজ্যাপক্রামতীতি তস্মৈ স হোবাচ
হৃদযস্থ মধ্যে লোহিতং মাংসপিণ্ডং
যস্মিঽন্স্তদ্দহরং পুণ্ডরীকং কুমুদমিবানেকধা
বিকসিতং তস্য মধ্যে সমুদ্রঃ সমুদ্রস্য মধ্যে
কোশস্তস্মিন্ন্নাড্যশ্চতস্রো ভবন্তি রমারমেচ্ছাঽপুনর্ভবেতি
তত্র রমা পুণ্যেন পুণ্যং লোকং নযত্যরমা পাপেন
পাপমিচ্ছযা যত্স্মরতি তদভিসংপদ্যতে অপুনর্ভবযা
কোশং ভিনত্তি কোশং ভিত্ত্বা শীর্ষকপালং ভিনত্তি
শীর্ষকপালং ভিত্ত্বা পৃথিবীং ভিনত্তি পৃথিবীং ভিত্ত্বাপো
ভিনত্ত্যাপো ভিত্ত্বা তেজো ভিনত্তি তেজো ভিত্ত্বা বাযুং ভিনত্তি বাযুং
ভিত্ত্বাকাশং ভিনত্ত্যাকাশং ভিত্ত্বা মনো ভিনত্তি
মনো ভিত্ত্বা ভূতাদিং ভিনত্তি ভূতাদিং ভিত্ত্বা মহান্তং
ভিনত্তি মহান্তং ভিত্ত্বাব্যক্তং ভিনত্ত্যব্যক্তং ভিত্ত্বাক্ষরং
ভিনত্ত্যক্ষরং ভিত্ত্বা মৃত্যুং ভিনত্তি মৃত্যুর্বৈ পরে দেব
একীভবতীতি পরস্তান্ন সন্নাসন্ন সদসদিত্যেতন্নির্বাণা-
নুশাসনমিতি বেদানুশাসনমিতি বেদানুশাসনম্ ..
ইত্যেকাদশঃ খণ্ডঃ .. ১১..
ॐ নারাযণাদ্বা অন্নমাগতং পক্বং ব্রহ্মলোকে
মহাসংবর্তকে পুনঃ পক্বমাদিত্যে পুনঃ পক্বং
ক্রব্যাদি পুনঃ পক্বং জালকিলক্লিন্নং পর্যুষিতং
পূতমন্নমযাচিতমসংক্লৃপ্তমশ্নীযান্ন কংচন যাচেত ..
ইতি দ্বাদশঃ খণ্ডঃ .. ১২..
বাল্যেন তিষ্ঠাসেদ্বালস্বভাবোঽসঙ্গো নিরবদ্যো
মৌনেন পাণ্ডিত্যেন নিরবধিকারতযোপলভ্যেত
কৈবল্যমুক্তং নিগমনং প্রজাপতিরুবাচ মহত্পদং
জ্ঞাত্বা বৃক্ষমূলে বসেত কুচেলোঽসহায একাকী
সমাধিস্থ আত্মকাম আপ্তকামো নিষ্কামো
জীর্ণকামো হস্তিনি সিংহে দংশে মশকে নকুলে
সর্পরাক্ষসগন্ধর্বে মৃত্যো রূপাণি বিদিত্বা ন বিভেতি
কুতশ্চনেতি বৃক্ষমিব তিষ্ঠাসেচ্ছিদ্যমানোঽপি
ন কুপ্যেত ন কম্পেতোত্পলমিব তিষ্ঠাসেচ্ছিদ্যমানোঽপি
ন কুপ্যেত ন কম্পেতাকাশমিব তিষ্ঠাসেচ্ছিদ্যমানোঽপি
ন কুপ্যেত ন কম্পেত সত্যেন তিষ্ঠাসেত্সত্যোঽযমাত্মা
সর্বেষামেব গন্ধানাং পৃথিবী হৃদযং সর্বেষামেব
রসানামাপো হৃদযং সর্বেশামেব রূপাণাং তেজো
হৃদযং সর্বেষামেব স্পর্শানাং বাযুর্হৃদযং
সর্বেষামেব শব্দানামাকাশং হৃদযং সর্বেষামেব
গতীনামব্যক্তং হৃদযং সর্বেষামেব সত্ত্বানাং
মৃত্যুর্হৃদযং মৃত্যুর্বৈ পরে দেব একীভবতীতি পরস্তান্ন
সন্নাসন্ন সদসদিত্যেতন্নির্বাণানুশাসনমিতি
বেদানুশাসনমিতি বেদানুশাসনম্ ..
ইতি ত্রযোদশঃ খণ্ডঃ .. ১৩..
ॐ পৃথিবী বান্নমাপোঽন্নাদা আপো বান্নং
জ্যোতিরন্নাদং জ্যোতির্বান্নং বাযুরন্নাদো
বাযুর্বান্নমাকাশোঽন্নাদ আকাশো
বান্নমিন্দ্রিযাণ্যন্নাদানীন্দ্রিযাণি বান্নং
মনোঽন্নাদং মনো বান্নং বুদ্ধিরন্নাদা
বুদ্ধির্বানমব্যক্তমন্নদমব্যক্তং
বান্নমক্ষরমন্নাদমক্ষরং বান্নং
মৃত্যুরন্নাদো মৃত্যুর্বৈ পরে দেব একীভবতীতি
পরস্তান্ন সন্নাসন্ন সদসদিত্যেতন্নির্বাণা-
নুশাসনমিতি বেদানুশাসনমিতি বেদানুশাসনম্ ..
ইতি চতুর্দশঃ খণ্ডঃ .. ১৪..
অথ হৈনং রৈক্বঃ পপ্রচ্ছ ভগবন্যোঽযং
বিজ্ঞানঘন উত্ক্রামন্স কেন কতরদ্বাব
স্থানং দহতীতি তস্মৈ স হোবাচ যোঽযং
বিজ্ঞানঘন উত্ক্রামন্প্রাণং দহত্যপানং
ব্যানমুদানং সমানং বৈরম্ভং মুখ্য-
মন্তর্যামং প্রভঞ্জনং কুমারং শ্যেনং
শ্বেতং কৃষ্ণং নাগং দহতি পৃথিব্যাপস্তেজো-
য্বাকাশং দহতি জাগরিতং স্বপ্নং সুষুপ্তং
তুরীযং চ মহতাং চ লোকং পরং চ লোকং
দহতি লোকালোকং দহতি ধর্মাধর্মং দহত্যভাস্কর-
মমর্যাদং নিরালোকমতঃ পরং দহতি মহান্তং
দহত্যব্যক্তং দহত্যক্ষরং দহতি মৃত্যুং দহতি
মৃত্যুর্বৈ পরে দেব একীভবতীতি পরস্তান্ন সন্নাসন্ন
সদসদিত্যেতন্নির্বাণানুশাসনমিতি বেদানুশাসনমিতি
বেদানুশাসনম্ ..
ইতি পঞ্চদশঃ খণ্ডঃ .. ১৫..
সৌবালবীজব্রহ্মোপনিষন্নাপ্রশান্তায
দাতব্যা নাপুত্রায নাশিষ্যায নাসংবত্সর-
রাত্রোষিতায নাপরিজ্ঞাতকুলশীলায দাতব্যা নৈব
চ প্রবক্তব্যা . যস্য দেবে পরা ভক্তির্যথা দেবে
তথা গুরৌ . তস্যৈতে কথিতা হ্যর্থাঃ প্রকাশন্তে
মহাত্মন ইত্যেতন্নির্বাণানুশাসনমিতি
বেদানুশাসনমিতি বেদানুশাসনম্ ..
ইতি ষোডশঃ খণ্ডঃ .. ১৬..
ॐ পূর্ণমদঃ পূর্ণমিদং পূর্ণাত্পূর্ণমুদচ্যতে .
পূর্ণস্য পূর্ণমাদায পূর্ণমেবাবশিষ্যতে ..
ॐ শান্তিঃ শান্তিঃ শান্তিঃ ..
.. ইতি সুবালোপনিষত্সমাপ্তা ..