সাবিত্রী

.. সাবিত্র্যুপনিষদ্ ..

সাবিত্র্যুপনিষদ্বেদ্যচিত্সাবিত্রপদোজ্জ্বলম্ .
প্রতিযোগিবিনির্মুক্তং রামচন্দ্রপদং ভজে .. ১..

সাবিত্র্যাত্না পাশুপতং পরং ব্রহ্মাবধূতকম্ .
ত্রিপুরাতপনং দেবী ত্রীপুরা কঠভাবনা .. ২..

ॐ আপ্যাযন্তু মমান্গানি বাক্প্রাণশ্চক্ষুঃ শ্রোত্রমথো
বল-মিন্দ্রিযাণি চ . সর্বাণি সর্বং ব্রহ্মোপনিষদং মাহং ব্রহ্ম
নি-রাকুর্যাং মা মা ব্রহ্ম নিরাকরোদনিরাকরণম-স্ত্বনিরাকরণং
মেঽস্তু . তদাত্মনি নিরতে য উপনিষত্সু ধর্মাস্তে মযি সন্তু তে মযি
সন্তু ..

ॐ শান্তিঃ শান্তিঃ শান্তিঃ ..

হরিঃ ॐ ..

কঃ সবিতা ক সাবিত্রী অগ্নিরেব সবিতা পৃথিবী সাবিত্রী স
যত্রাগ্নিস্তত্পৃথিবী যত্র বৈ পৃথিবী তত্রাগ্নিস্তে দ্বে যোনী
তদেকং মিথুনম্ ..~১..

কঃ সবিতা কা সবিত্রী বরুণ এব সবিতাপঃ সাবিত্রী স যত্র
বরুণ-স্তদাপো যত্র বা আপস্তদ্বরুণস্তে দ্বে যোনিস্তদেকং
মিথুনম্ ..~২..

কঃ সবিতা ক সাবিত্রী বাযুরেব সবিতাকাশঃ সাবিত্রী স যত্র
বাযুস্তদাকাশো যত্র বা আকাশস্তদ্বাযুস্তে দ্বে যোনিস্তদেকং
মিথুনম্ ..~৩..

কঃ সবিতা কা সাবিত্রী যজ্ঞ এব সবিতা চন্দাংসি সাবিত্রী স
যত্র যজ্ঞস্তত্র চন্দাংসি যত্র বা চন্দাংসি স যজ্ঞস্তে দ্বে
যোনিস্তদেকং মিথুনম্ .. ৪..

কঃ সবিতা কা সাবিত্রী স্তনযিত্রুরেব সবিতা বিদ্যুত্সাবিত্রী স
যত্র স্তনযিত্রুস্তদ্বিদ্যুত্ যত্র বা বিদ্যুত্তত্র স্তনযিত্রুস্তে দ্বে
যোনিস্তদেকং মিথুনম্ .. ৫..

কঃ সবিতা কা সাবিত্রী আদিত্য এব সবিতা দ্যৌঃ সাবিত্রী স
যত্রাদিত্যস্তদ্দ্যৌর্যত্র বা দ্যৌস্তদাদিত্যস্তে দ্বে যোনিস্তদেকং
মিথুনম্ .. ৬..

কঃ সবিতা কা সাবিত্রী চন্দ্র এব সবিতা নক্ষত্রাণি সাবিত্রী
স যত্র চন্দ্রস্তন্নক্ষত্রাণি যত্র বা নক্ষত্রাণে স চন্দ্রমাস্তে
দ্বে যোনিস্তদেকং মিথুনম্ .. ৭..

কঃ সবিতা কা সাবিত্রী মন এব সবিতা বাক্ সাবিত্রী স যত্র
মনস্তদ্বাক্ যত্র বা বাক্ তন্মনস্তে দ্বে যোনিস্তদেকং
মিথুনম্ .. ৮..

কঃ সবিতা কা সাবিত্রী পুরুপ এব সবিতা স্ত্রী সাবিত্রী স যত্র
পুরুষস্তত্স্ত্রী যত্র বা স্ত্রী স পুরুষস্তে দ্বে যোনিস্তদেকং
মিথুনম্ ..~৯..

তস্যা এব প্রথমঃ পাদো ভূস্তত্সবিতুর্বরেণ্যমিত্যগ্নির্বৈ
বরেণ্যমাপো বরেণ্যং চন্দ্রমা বরেণ্যম্ . তস্যা এব দ্বিতীযঃ
পাদো ভর্গমযোঽপি ভুব্প্ ভর্গো দেবস্য ধীমহীত্যগ্নির্বৈ ভর্গ
আদিত্যো বৈ ভর্গশ্চন্দ্রমা বৈ ভর্গঃ . তস্যা এষ তৃতীযঃ
পাদঃ স্বর্ধিযো যো নঃ প্রচোদযাদিতি স্ত্রী চৈব পুরুষশ্চ
প্রজনযতো যো বা এতাং সাবিত্রীমেবং বেদ স পুনর্মৃত্যুং
জযতি বলাতিবলযোর্বিরাট্ পুরুষঃ . গাযত্রী চন্দঃ .
গাযত্রী দেবতা . অকারোকারমকারা বীজাদ্যাঃ .
ক্ষুধাদিনিরসনে বিনিযোগঃ . ক্লামিত্যাদিষডন্গন্যাসঃ .
দ্যানম্ . অমৃতকরতলার্দ্রৌ
সর্বসংজীবনাঢ্যাবঘহরণসুদক্ষৌ বেদসারে মযূখে .
প্রণবমযবিকারৌ ভাস্করাকারদেহৌ সততমনূভবে্অং তৌ
বলাতিবলান্তৌ ..

ॐ হ্রীং বলে মহাদেবি হ্রীং মহাবলে ক্লীং
চতুর্বিধপুরুষার্থসিদ্ধিপ্রদে তত্সবিতুর্বরদাত্মিকে
হ্রীং বরেণ্যং ভর্গো দেবস্য বরদাত্মিকে অতিবলে সর্বদযামূর্তে
বলে সর্বক্ষুদ্ভ্রমোপনাশিনি ধীমহি ধিযো যো নো জাতে প্রচুর্যঃ
যা প্রচোদযাদাত্মিকে প্রণবশিরস্কাত্মিকে হুং ফট্ স্বাহা .
এবং বিদ্বান্ কৃতকৃত্যো ভবতি সাবিত্র্যা এব সলোকতাং
জযতীত্যুপনি-ষত্ ..

ॐ আপ্যাযন্তু মমান্গানি বাক্প্রাণশ্চক্ষুঃ শ্রোত্রমথো
বল-মিন্দ্রিযাণি চ . সর্বাণি সর্বং ব্রহ্মোপনিষদং মাহং ব্রহ্ম
নি-রাকুর্যাং মা মা ব্রহ্ম নিরাকরোদনিরাকরণম-স্ত্বনিরাকরণং
মেঽস্তু . তদাত্মনি নিরতে য উপনিষত্সু ধর্মাস্তে মযি সন্তু তে মযি
সন্তু ..

ॐ শান্তিঃ শান্তিঃ শান্তিঃ ..

হরিঃ ॐ তত্সত্ ..

ইতি সাবিত্র্যুপনিষত্সমাপ্তা ..