যাজ্ঞিক্যুপনিষদ্

.. যাজ্ঞিক্যুপনিষদ্বিবরণম্ ..

তৈত্তিরীযোপনিষদি
যাজ্ঞিক্যুপনিষদ্বিবরণম্
শ্রীপুরুষোত্তমানন্দতীর্থবিরচিতম্

শ্রীরামং কাশিকাকান্তং শংকরাচার্যমুত্তমম্ |
সুরেশং বার্তিকাচার্যং নৌমি বিদ্যাগুরূনপি || ১ ||
ব্রহ্মামৃতপ্রচুরশংকররস্যরাজদ্রামাযণামৃতরসজ্ঞরসজ্ঞবিজ্ঞান্
|
শ্বঃশ্রেযসপ্রদকৃপানিলযান্ প্রণৌমি শ্বঃশ্রেযসায মহতে
শিবরামতীর্থান্ || ২ ||

অম্ভস্য পারে ভুবনস্য মধ্যে
নাকস্য পৃষ্ঠে মহতো মহীযান্ |
শুক্রেণ জ্যোতীঁষি সমনুপ্রবিষ্টঃ
প্রজাপতিশ্চরতি গর্ভে অন্তঃ || 1.1

আদাবাদ্যানুবাকস্য ব্রহ্মতত্ত্বাববোধিকাঃ || ৮ ||
ঋচঃ কাশ্চন তত্রৈষা প্রথমা সংপ্রবর্ততে |
জলস্য পরতীরে যো লোকালোকাদিকো মহান্ || ৯ ||
যঃ পৃথিব্যাদিলোকস্য মধ্যে মের্বাদিকো মহান্ |
স্বর্গলোকস্য পৃষ্ঠে যো ব্রহ্মলোকাদিকো মহান্ || ১০ ||
ততোঽপ্যস্মাত্সমন্তাচ্চ মহেশঃ স্যান্মহত্তরঃ |
অনুপ্রবিষ্টশ্চেতাংসি জীবচৈতন্যরূপতঃ || ১১ ||
গর্ভে ব্রহ্মাণ্ডরূপেঽন্তর্বিরাড্রূপোঽবতিষ্ঠতে |
মাযযা ব্যাপকোঽপীশো ব্রহ্মাণ্ডস্থো বিরাট্তযা || ১২ ||
দেহেষু জীবরূপেণ স্থিত ইত্যর্থ ঈরিতঃ |

জলস্য; সমুদ্রজলত্যেত্যর্থঃ |  বিরাট্তযা; বিরাড্রূপেণেত্যর্থঃ |

অগ্নির্মূর্ধা চক্ষুষীতি বিরাড্রূপং চ মুণ্ডকে || ১৩ ||
অগ্নিঃ প্রকাশসংযুক্তো দ্যুলোকোঽত্রাভিধীযতে |

ইতি মুণ্ডকে কথিতমিত্যর্থঃ |

যস্মিন্নিদঁ সং চ বি চৈতি সর্বং
যস্মিন্ দেবা অধিবিশ্বে নিষেদুঃ |
তদেব ভূতং তদু ভব্যমা ইদং
তদক্ষরে পরমে ব্যোমন্ || 1.2

সমেতি চ ব্যেতিচেদং যস্মিন্নব্যাকৃতে জগত্ || ১৪ ||
সমুত্পন্নং সংগতং স্যাত্সৃষ্টকালেঽথ সংহৃতৌ |
বিলীনং বিগতং চ স্যাদ্যস্মিন্নব্যাকৃতেঽধকে || ১৫ ||
অধিশব্দোঽধিকার্যঃ স্যাদধিকা ইতি যুজ্যতে |
দেবা হিরণ্যগর্ভাদ্যা নিষেদুর্নিতরাং শ্রিতাঃ || ১৬ ||
তদেবাব্যাকৃতং ভূতমতীতং যগদুচ্যতে |
ভবিষ্যদ্বর্তমানং চ তদেবাসীদিদং জগত্ || ১৭ ||
আসীদর্থক আকারো যদ্বাশ্চর্যস্য বাচকঃ |
তদপ্যব্যাকৃতং নিত্যে সমুত্কৃষ্টে পরাত্মনি || ১৮ ||

শ্রুতৌ শং চেতি পাঠে সুখমপি প্রাপ্নোতীত্যর্থঃ | ব্যত্যযেন বা সমিতি
দ্রষ্টব্যম্ |

যেনাবৃতং খং চ দিবং মহী চ
যেনাদিত্যস্তপতি তেজসা ভ্রাজসা চ |
যমন্তঃ সমুদ্রে কবযো বযন্তি
যদক্ষরে পরমে প্রজাঃ || 1.3

পূর্বমব্যাকৃতং প্রোক্তং পরব্রহ্মসমাশ্রিতম্ |
তেনোপহিতচৈতন্যং যগদ্ধেতুরিহোচ্যতে || ১৯ ||
যেনান্তরিক্ষলোকশ্চ দ্যুলোকো ব্যাপ্ত উচ্যতে |
ভূলোকশ্চ চকারাভ্যাং দেহাস্তল্লোকবাসিনঃ || ২০ ||
তপত্যনুগৄহীতঃ সন্ যেনেশেনাখিলং জগত্ |
স্বীযভাস্বররূপেণ কুরুতে সংপ্রকাশিতম্ || ২১ ||
রশ্মিলক্ষণদীপ্ত্যা চ সংতপ্তং কুরুতে রবিঃ |
তত্ত্বজ্ঞ জগতো মধ্যে তন্তূনিব বযন্তি যম্ || ২২ ||
যথা পটস্বরূপে চ তন্তবোঽনুগতাস্তথা |
জগত্যনুগতং ব্রহ্ম সদা পশ্যন্তি সূরযঃ || ২৩ ||
তদ্ব্রহ্ম নিত্যে পরমে স্বস্মিন্ স্থিত্বা সৃজেত্প্রজাঃ |
স্বরূপেঽবস্থিতিশ্চাস্য স্বে মহিম্নীতি সংশুতা || ২৪ ||
আধারান্তররাহিত্যং ভবেত্স্বস্মিন্নবস্থিতঃ |

যতঃ প্রসূতা জগতঃ প্রসূতী
তোযেন জীবান্ ব্যচসর্জ ভূম্যাম্ |
যদোষধীভিঃ পুরুষান্ পশূঁশ্চ
বিবেশ ভূতানি চরাচরাণি || 1.4

পূর্বমব্যাকৃতোপাধি যচ্চৈতন্যং সমীরিতম্ || ২৫ ||
জগত্কারণতা তস্য মন্ত্রেঽস্মিন্ সংপ্রপঞ্চ্যতে |
যস্মাত্প্রসূতির্জগতোঽব্যাকৃতোপহিতাত্মনঃ || ২৬ ||
প্রসূতা সংপ্রবৃত্তা স্যাদীকারশ্ছান্দসঃ শ্রুতৌ |
তত্পঞ্চভূতৈরসৃজদ্ দেহান্ ভূম্যাং নরাদিকান্ || ২৭ ||

ব্যচসর্জেতি পাঠেঽপি ব্যসসর্জেত্যেব বিজ্ঞেযম্ |
বিশেষেণাসৃজদিত্যর্থঃ |

যদ্ ব্রীহ্যাদ্যুপলক্ষ্যান্নং ভূত্বা দেহাংশ্চরাচরান্ |
বিবেশ নরপশ্চাদীন্ বৃক্ষাদৌ বৃষ্টিরূপতঃ || ২৮ ||
প্রবেশোঽভ্যুপগন্তব্যস্তেনেদং পালিতং জগত্ |
শ্রুতাবপেক্ষিতং পূরযতি — তেনেতি | চৈতন্যেনেত্যর্থঃ |
শ্রুতিস্থভূতানীত্যস্য
ব্যাখ্যা দেহানিতি |

অতঃ পরং নান্যদণীযসঁ হি
পরাত্পরং যন্মহতো মহান্তম্ |
যদেকমব্যক্তমনন্তরূপং
বিশ্বং পুরাণং তমসঃ পরস্তাত্ || 1.5

নিরূপ্যতেঽত্র শুদ্ধং তত্কারণত্বোপলক্ষিতম্ || ২৯ ||
হিরণ্যগর্ভাদ্যুত্কৃষ্টাদ্যদ্বস্তূত্কৃষ্টমুচ্যতে |
মহতো গগনাদের্যন্মহান্তং মহদীরিতম্ || ৩০ ||
সজাতীযাদিরহিতমিন্দ্রিযাদেরগোচরম্ ||
অপরিচ্ছন্নরূপং চ সমস্তজগদাত্মকম্ || ৩১ ||
অনাদিসিদ্ধং তমসঃ পৃথগ্যদ্বস্তু বর্ততে |
অতোঽন্যত্পরমুত্কৃষ্টমতিদুর্লক্ষ্যবস্তু ন || ৩২ ||

ন,নাস্তীত্যর্থঃ |

তদেবর্তং তদু সত্যমাহুস্তদেব
ব্রহ্ম পরমং কবীনাম্ |
ইষ্টাপূর্তং বহুধা জাতং জাযমানং
বিশ্বং বিভর্তি ভুবনস্য নাভিঃ || 1.6

সমস্তজগদাত্মত্বমুক্তং যত্তত্প্রপঞ্চ্যতে |
যচ্চিন্তনং যথাবস্তু তদ্দতং পরিকীর্তিতম্ || ৩৩ ||
বাচা তদুক্তিঃ সত্যং স্যাদ্ভবেদ্ব্রহ্মৈব তদ্ দ্বযম্ |
বিবুধানাং পরং শ্রেষ্ঠং প্রমাণত্বেন সত্কৃতম্ || ৩৪ ||
ব্রহ্ম বেদাত্মকং বস্তু তদেব ব্রহ্ম কীর্তিতম্ |
যাগাদি বৈদিকং স্মার্তং বাপীকূপাদী কর্ম চ || ৩৫ ||
ব্রহ্মৈব লোকস্যাধারো দধাতি সকলং জগত্ |
অতোঽধিষ্ঠানরূপং স্যাদাধেযং সকলং জগত্ || ৩৬ ||

ভুবনস্য নাভিরিত্যস্যার্থমাহ — লোকস্যাধার ইতি | বহুধেত্যাদি
বিভর্তীত্যন্তস্যার্থমাহ — দধাতীতি | ধত্ত ইতিযর্থঃ |

তদেবাগ্নিস্তদ্বাযুস্তত্সূর্যস্তদু চন্দ্রমাঃ |
তদেব শুক্রমমৃতং তদ্ব্রহ্ম তদাপঃ স প্রজাপতিঃ || 1.7

তদেবাগ্ন্যাদিকং শুক্রং নক্ষত্রাদ্যমৃতং সুধা |
হিরণ্যগর্ভব্রহ্মাপি তদেব পরিকীর্তিতম্ || ৩৭ ||
আপঃ পঞ্চাপি ভূতানি বিরাডাখ্যপ্রজাপতিঃ |
তদেব তদধিষ্ঠানং ব্রহ্মৈব পরিকীর্ত্যতে || ৩৮ ||
অবিদ্যাদ্দষ্টিতো যদ্যদ্ভাতি নানাবিধং জগত্ |
বিদ্যাদ্দষ্ট্যা সমস্তং তদ্ব্রহ্মৈবাখণ্ডমুচ্যতে || ৩৯ ||

তদেবাগ্নিরিত্যদি চন্দ্রমা ইত্যন্তস্যাথমাহ — তদেবেতি |
ব্রহ্মৈবেত্যর্থঃ |
শুক্রামৃতপদযোরর্থমাহ — শুক্রমিত্যাদিসুধেত্যন্তেন | শুক্রং
দীপ্যমানমিতি
বাচ্যার্থঃ ||

সর্বে নিমেষা জজ্ঞিরে বিদ্যুতঃ পুরুষাদধি |
কলা মুহূর্তাঃ কাষ্ঠাশ্চাহোরাত্রাশ্চ সর্বশঃ || 1.8

অর্ধমাসা মাসা ঋতবঃ সংবত্সরশ্চ কল্পন্তাম্ |
স আপঃ প্রদুধে উভে ইমে অন্তরিক্ষমথো সুবঃ 1.9
footnote given by the word suvaH: অথো সুবঃ ইতেব প্রাযিকঃ পাঠঃ

” প্রকৃতিঃ পুরুষশ্চৈব নিত্যৌ কালশ্চ সত্তম |  “
ইতি কলস্য নিত্যত্বাদ্ ব্রহ্মতাস্য ন হীতি চেত্ || ৪০ ||
অবিদ্যাদ্দষ্টিবিষযং পুরাণবচনং হি তত্ |
বিদ্যাদ্দষ্ট্যা তু কালস্য ব্রহ্মরূপত্বমিষ্যতে || ৪১ ||
ইত্যভিপ্রেত্য তস্যাপি তস্মাদুত্পত্তিরুচ্যতে |
নিমির্বসতি যেষ্বক্ষ্ণঃ পক্ষ্মপাতেষু তে স্মৃতাঃ || ৪২ ||
নিমিষা নিমিষা এব নিমেষাঃ পরিকীর্তিতাঃ |

নিমির্নাম জনকস্য পূর্বজ আদ্যো মিথিলেশ্বর আসীদিত্যুপনিষদি
বর্ততে | স দেববরপ্রসাদাত্ পক্ষ্মপাতেষু তিষ্ঠতীতি জ্ঞেযম্ |

পক্ষ্মপাতপ্রমাণোঽযং কালো নিমিষশব্দিতঃ || ৪৩ ||
তে স্বপ্রকাশাত্সংপূর্ণাত্পরেশাদধিজজ্ঞিরে |
নিমেষেভ্যোঽধিকাঃ কাষ্ঠাঃ কলাস্তাভ্যোঽধিকা মতাঃ || ৪৪ ||
অষ্টাদশ নিমেষাস্তু কাষ্ঠা ইত্যাদিকস্মৃতেঃ |
চকারাভ্যামনুক্তস্য লবাদেরপি সংগ্রহঃ || ৪৫ ||
তচ্চ সর্বশ ইত্যুক্ত্যা বিস্পষ্টং পরিকীর্তিতম্ |
লবত্রুট্যাদিকাঃ সর্বে সমুত্পন্নাঃ পরাত্মনঃ || ৪৬ ||
নলিনীপত্রসংহত্যাং সূক্ষ্মসূচ্যা বিভেদনে |
দলে দুলে তু জঃ কালঃ স কালো লববাচকঃ || ৪৭ ||
লবৈস্ত্রুটিঃ স্যাত্ ত্রিংশদ্ভিরিত্যাদ্যুক্তং মনীষিভিঃ |
পক্ষমাসাদযঃ সর্বে মহেশাদধিজজ্ঞিরে || ৪৮ ||
সংবত্সরো মহেশানাত্কল্পতাং প্রভবাদিকঃ |
সমুত্পন্নোঽত এবাযং সমর্থঃ স্বপ্রযোজনে || ৪৯ ||

কল্পন্তামিতি পাঠেঽপি সর্বে কালবিশেষাঃ স্বস্বপ্রযোজনসমর্থা ইতি
যোজ্যম্ |

স কালোপহিতস্তত্তত্কালৌচিত্যেন দুগ্ধবান্ |
জলোপলক্ষিতাং পৃথ্বীং প্রাণিনামভিকাঙ্ক্ষিতম্ || ৫০ ||
ভোগ্যং সংপাদযামাস পৃথিব্যাং পরমেশ্বরঃ |

স আপঃ প্রদুঘ ইত্যস্য তাত্পর্যমাহ — প্রাণিনামিত্যাদিনা |

অন্তরিক্ষং সুবঃ স্বর্গমপি চেমে উভে অপি || ৫১ ||
প্রদুঘে স্থানযোর্ভোগ্যং তযোরজনযত্প্রভুঃ |

অপিচেতি অথোশব্দার্থঃ |

নৈনমূর্ধ্বং ন তির্যঞ্চং ন মধ্যে পরিজগ্রভত্ |
ন তস্যেশে কশ্চন তস্য নাম মহদ্যশঃ 1.10
ন সংদৃশে তিষ্ঠতি রূপমস্য 
ন চক্ষুষা পশ্যতি কশ্চনৈনম্ |
হৃদা মনীশা মনসাভিকৢপ্তো
য এনং বিদুরমৃতাস্তে ভবন্তি || 1.11

কালাদিসর্বহেতুত্বাত্সর্বত্রানুগতত্বতঃ || ৫২||
কুতো ন গৃহ্যতে সর্বৈরিতি চেতন্ন যুজ্যতে |
ঊর্ধ্বাদ্যাকাররাহিত্যাদ্রূপাদেরপ্যভাবতঃ || ৫৩ ||
পুরুষঃ কশ্চিদপ্যেনং ন গৃহ্ণাত্যূর্ধ্বতাকৃতিম্ |
তির্যগাকারযুক্তং বা ক্বচিন্মধ্যে স্থিতং চ বা || ৫৪ ||
তস্যাত্মনো ন কোঽপীশো নেষ্ট ইত্যর্থ ঈরিতঃ |
মম গ্রহণসিদ্ধ্যর্থং ত্বমীদৃগ্রূপবান্ ভব || ৫৫ ||
ইতি তং পরমাত্মনং নিযন্তু ন হি শক্নুযাত্ |
অত এবাত্মনো নাম মহদ্যশ ইতি স্থিতম্ || ৫৬ ||
অতিস্বাতন্ত্র্যতস্তস্য যশমোঽভ্যধিকত্বতঃ |
ন দৃষ্টবিষযে রূপং তিষ্ঠত্যস্য পরাত্মনঃ || ৫৭ ||
কুশলোঽপি পুমান্ কশ্চিচ্চক্ষুষা তং ন পশ্যতি |
কথং ব্রহ্মাববোধঃ স্যাদিতি চেদভিধীযতে || ৫৮ ||
লৌকিকার্থমনোবৃত্তীর্যদীষ্টে তেন চেতসা |
নিশ্চিতো হৃদযস্থেনপরমাত্মা ভবেদযম্ || ৫৯ ||
মনো হি যোগযুক্তং সদ্বৃত্তীরণ্যা নিযচ্ছতি |
তেনৈকাগ্রেণ মনসা পরমাত্মানুভূযতে || ৬০ ||
একাগ্রমনসৈনং যে সাক্ষাত্কুর্বন্তি তে নরাঃ |
দেহাত্প্রাণবিনিষ্ক্রান্তির্মরণং তদ্বিবর্জিতাঃ || ৬১ ||

অদ্ভ্যঃ সংভূতো হিরণ্যগর্ভ ইত্যষ্টৌ || second line following 1.11
the internet version continues with a subdivision into 15 verses not
mentioned in the book

উক্থার্তস্য দৃঢত্বায প্রদেশান্তরবর্তিনঃ |
মন্ত্রানুদাহরত্যদ্ভ্যঃ সংভূত ইতি বাক্যতঃ || ৬২ ||
অদ্ভ্যঃ সংভূত ইত্যেতত্প্রতীকগ্রহণং কৃতম্ |
তত্রানুবাকে প্রোক্তং হি য এবমিতি বাক্যতঃ |
মরণেন বিহীনত্বং ব্রহ্মবিজ্ঞানশালিনঃ || ৬৩ ||

“য এনং বিদ্বনমৃত ইহ ভবতি “ইতি বাক্যেনেত্যর্থঃ |

হিরণ্যগর্ভ ইত্যাদ্যা ঋচোঽষ্টৌ যাঃ সমীরিতাঃ |
সংহিতাযাং চতুর্থে হি কাণ্ডে ত্বাদ্যপ্রপাঠকে || ৬৪ ||
আত্মোপলক্ষকত্বেন সূত্রাদেরভিধানতঃ |
তা অপ্যত্রোপযুক্তাঃ স্যুরিত্যেবমবগম্যতাম্ || ৬৬ ||

প্রপাঠকে যা উত্তাস্ত অপ্যত্রোপযুক্তাঃ | তত্র হেতুঃ ,আত্মেত্যাদিঃ ||

এষ হি দেবঃ প্রদিশোঽনু সর্বাঃ  
পূর্বো হি জাতঃ স উ গর্ভে অন্তঃ |
স বিজাযমানঃ স জনিষ্যমাণঃ
প্রত্যঙ্মুখাস্তিষ্ঠতি বিশ্বতোমুখঃ || 1.12
বিশ্বতশ্চক্ষুরুত বিশ্বতো মুখো
বিশ্বতো হস্ত উত বিশ্বতস্পাত্ |
সং বাহুভ্যাং নমতি সং পতত্রৈর্দ্যাবাপৃথিবী
জনযন্ দেব একঃ || 1.13

যথা হিরণ্যগর্ভাদ্যাঃ পরমাত্মোপলক্ষকাঃ |
তথা জগদ্বিরাট্ চৈনমাত্মনমুপলক্ষযেত্ || ৬৭||
এষ স্বযংপ্রকাশাত্মা প্রাচ্যাদ্যাঃ সকলা দিশঃ |
অনুপ্রবিশ্য স্থিতবান্ প্রসিদ্ধং হি প্রবেশনম্ || ৬৮ ||
হিরণ্যগর্ভরূপত্বাত্পূর্বোত্পন্নঃ স এষ হি |
ব্রহ্মাণ্ডরূপগর্ভস্য মধ্যেঽসাবেব বর্ততে || ৬৯ ||
প্রত্যড্ঙন্নমযাদিভ্যোঽপ্যান্তরঃ স মহেশ্বরঃ |
মোখা মুখ্যস্য দেহাদেরধ্যক্ষত্বেন সোঽচ্যুতঃ || ৭০ ||
রূপাদিবুদ্ধিদ্বারাণি চক্ষুরাদীনি সর্বতঃ |
যস্যাসৌ তাদৃশস্তিষ্ঠত্যধিষ্ঠানতযাস্য চ ||

অস্য;জগত ইত্যর্থঃ |

ব্রহ্মাণ্ডদেহবত্ত্বেন সর্বদেহাত্মহত্বতঃ |
তদক্ষ্যাদিযুতত্বাত্স বিশ্বতশ্চক্ষুরাদিনাম্ || ৭২ ||
ধর্মাধর্মাখ্যবাহুভ্যাং সর্বং সংনমতীশ্বরঃ |
বশী করোতি সর্বং চ জগদিত্যর্থ ঈরিতঃ || ৭৩ ||
পতত্রৈঃ পতযিষ্ণুত্বান্মহাভূতৈশ্চ পঞ্চভিঃ |
সর্বং সংনমতীশানো জগদুত্পাদযত্যযম্ ||৭৪ ||
এবং দেবঃ স্বপ্রকাশো দ্যাবাভূম্যাদিকং প্রভুঃ |
উত্পাদযঞ্জগত্কৃত্স্নমেক এবাবতিষ্ঠতে || ৭৫ ||

বেনস্তত্পশ্যন্ বিশ্বা ভুবনানি 
বিদ্বান্ যত্র বিশ্বং ভবত্যেকনীডম্ |
যস্মিন্নিদঁসং চ বি চৈকঁস
ওতঃ প্রোতশ্চ বিভুঃ প্রজাসু || 1.14
প্র তদ্বোচে অমৃতং নু বিদ্বান্
গন্ধর্বো নাম নিহিতং গুহাসু |
ত্রীণি পদা নিহিতা গুহাসু
যস্তদ্বেদ সবিতুঃ পিতা সত্ || 1.15

শ্রদ্ধাপ্রকর্ষমুক্তেঽর্থে কর্তুং মন্ত্রদ্বযেন চ |
সংদর্শযতি বৃত্তান্তং গন্ধর্বস্য শ্রুতিঃ স্বযম্ || ৭৬ ||
জগত্সমস্তং যাত্রাত্মন্যেকনীডং ভবত্যদঃ |
একত্বেন স্থিতিং গচ্ছত্তদাত্ম্যং প্রতিপদ্যতে || ৭৭ ||
তদ্বস্ত্বনুভবন্ সাক্ষাত্সর্বাণি ভুবনানি চ |
বিদ্বান্যো বর্ততে জানন্নত্মত্বেনাখিলং জগত্ || ৭৮ ||
আত্মস্সাক্ষাত্কৃতৌ সর্বং তদ্রূপমিতি ভাতি হি |
স বেনসন্.জ্ঞো গন্ধর্বঃ সর্বেষাং বুদ্ধিষু স্থিতম্ || ৭৯ ||
অমৃতং নাশরহিতং তদ্বস্তু স্বানুভূতিতঃ |
বিধ্বান্ প্রবোচে শিষ্যেভ্যহ্: প্রোবাচ খলু সাদরম্ || ৮০ ||

স্বানুভবেন বিদ্বানিত্যর্থঃ | নুশব্দার্থঃ খল্বিতি |

বেনেন দৃষ্টে যস্মিংশ্চ পরমাত্মানি বস্তুনি |
ইদং সর্বং সমুত্পন্নং বিলীনং চ ভবেজ্জগত্ || ৮১ ||
একমদ্বযতত্ত্বাত্মা স ব্যাপী সন্মহেশ্বরঃ |
দীর্ঘতন্তুবদোতঃ স্যাত্প্রজাসু সকলাস্বপি || ৮২ ||
প্রোতস্তির্যক্তন্তবচ্চ সর্বত্রৈবাবতিষ্টতে |
জাগ্রত্স্বপ্নাদিরূপাণি ত্রীণি স্থানানি বুদ্ধিষু || ৮৩ ||
স্থিতানি যস্তু গন্ধর্বস্তদধিষ্টানমীশ্বরম্ |
বিজানাতি স গন্ধর্বো ভবতি স্বপিতুঃ পিতা || ৮৪ ||
ব্রহ্মজ্ঞো ব্রহ্মরূপেণ জগদুত্পাদকত্বতঃ |
ভবত্যুত্পাদকস্যাপি স্বযমুত্পাদকঃ পিতুঃ || ৮৫ ||
যস্তা বিজানাত্সবিতুঃ পিতা সদিতি হি শ্রুতিঃ |

তদিতি ; জাগরাদ্যধিষ্টানমিত্যর্থঃ ||

স নো বন্ধুর্জনিতা স বিধাতা  ধামানি বেদ ভুবনানি বিশ্বা |
যত্র দেবা অমৃতমানশানাস্তৃতীযে ধামান্যভ্যৈরযন্ত || 1.16
পরি দ্যাবাপৃথিবী যন্তি সদ্যঃ পরি লোকান্
পরি দিশঃ পরি সুবঃ |
ঋতস্য তন্তুং বিততং বিচৃত্য
তদপশ্যত্ তদভবত্প্রজাসু || 1.17

ব্যবহারদশাযাং চ সর্বপ্রাণ্যুপকারিতা  || ৮৬ ||
তদ্দর্শিমুক্তিদত্বং চ মন্ত্রাভ্যাং তস্য কথ্যতে |
স নো বন্ধুঃ স্বপুণ্যেন হিতকৃত্তবান্মহেশ্বরঃ || ৮৭ ||
জনিতা সর্বহেতুত্বাত্ স নির্মাতাখিলস্য সন্ |
সর্বানুচ্চাবচাল্ল্ঁলোকাংস্তেষু স্থানানি যানি চ || ৮৮ ||
     I had to use a double l in order to reproduce the original.
     It probably reads (without sandhi) … বচ্চান্ লোকান্
যোগ্যানি দেবতাদীনাংতানি জাতানি সর্বদ্দক্ |
যত্র তৃতীযে স্বর্গাখ্যে দেবা ইন্দ্রাদযোঽমৃতম্ || ৮৯ ||
পিবন্তঃ প্রাপ্তবন্তশ্চ স্বীযস্থানানি সর্বতঃ |
তত্সমস্তং বিদিত্বাযং তত্তত্কর্মানুসারতঃ || ৯০ ||
ফলং প্রযচ্চ্চতীত্যর্থো মন্ত্রস্যাস্য প্রকীর্তিতঃ |
যে স্যুর্মুমুক্ষবস্তে তু ব্রহ্মতত্ত্বার্থ্বেদিনঃ || ৯১ ||
দ্যবাভূমীদ্বযং সদ্যহ্ পরিতো ব্যাপ্নুবন্তি চ |
অন্তরিক্ষাদিকাল্ল্ঁলোকান্প্রাচ্যাদ্যাঃ সকলা দিশঃ || ৯২ ||
     same here: ইক্ষাদিকান্ লোকান্ .
স্বর্গলোকং চ পরিতো যন্তি সর্বাত্মকত্বতঃ |
সত্যস্য ব্রহ্মণস্তন্তুমবিচ্ছেদেন সংস্থিতম্ || ৯৩ ||
বিস্থীর্ণং স্যাদ্যথা শাস্ত্রান্নিশ্চিত্য গুরুতশ্চ তত্ |
যঃ সাক্ষাত্কৃতবান্ ব্রহ্ম স প্রজাস্বভবচ্চ তত্ || ৯৪ ||
শ্রুত্যন্তরং ব্রহ্ম বেদ ব্রহ্মএব ভবতীতি হি |

পরীত্য লোকান্ পরীত্য ভূতানি
পরীত্য সর্বাঃ প্রদিশো দিশশ্চ |
প্রজাপতিঃ প্রথমজা ঋতস্যাত্মনাত্মানমভিসংবভূব || 1.18

অম্ভস্যেত্যাদিনা প্রোক্তা ব্র্হমবিদ্যা নিগম্যতে || ৯৫ ||
সত্যস্য ব্রহ্মণো হ্যাদ্যকার্যরূপং প্রজাপতিঃ |
হিরণ্যগর্ভো ভূরাদীন্ লোকান্দেবনরাদিকান্ || ৯৬ ||
দেহান্পরীত্যবিদিশঃ প্রাচ্যাদুকদিশোঽপি চ |
সর্বতো ব্যাপ্য সমযে সৃষ্টেঃ সৃষ্ট্বাখিলং জগত্ || ৯৭ ||
স্থিতিকাক্লে চ রক্ষিত্বা সত্যাদ্যাত্মানমাপ্তবান্ |
আত্মনা স্বস্বরূপেণ তদ্গোচরবিবোধতঃ || ৯৮ ||

সদসস্পতিমদ্ভুতং প্রিযমিন্দ্রস্য কাম্যম্ |
সনিং মেধামযাসিষম্ || 1.19

প্রার্থ্যতে ব্রহ্মলাভার্থমন্তর্যামী মহেশ্বরঃ |
সীদত্যস্মিঞ্জগত্সর্বমিত্যব্যাকৃতমুচ্যতে || ৯৯ ||
সদঃশব্দেন তস্যাযং পতিঃ পালযিতা স্মৃতঃ |
অন্তর্যামী তমীশানং প্রাপ্তবানস্ম্যযাসীষম্ || ১০০ ||
শীঘ্রং সংপ্রাপ্নবানীতি মত্বা ভূতার্থকীর্ততম্ | possibly
kiirtitam.h?

ইতি মত্বা; ইতি বিবক্ষযেত্যর্থঃ |

অচিন্ত্যচিত্রজগতোঽনাযাসেন কৃতত্বতঃ || ১০১ ||
আশ্চর্যরূপমিন্দ্রস্য দেবরাজস্য চ প্রিযম্ |
কদা লপ্স্যেঽহমিত্যেবমিন্দ্রোঽপ্যাশাস্তি হীশ্বরম্ || ১০২ ||
সর্বৈরণ্যৈরপেক্ষ্যং চ সনিং কর্মফলাত্মকম্ |
ক্রিযাফলপ্রদাতারং শ্রুতাধীতস্য ধারণে || ১০৩ ||
শক্তিং মেধাং প্রযচ্ছন্তমিত্যধ্যাহৃতিরিষ্যতে |

উদ্দীপ্যস্ব জাতবেদোঽপঘ্নন্নিঋতিং মম |
পশূঁশ্চ মহ্যমমাবহ জীবনং চ দিশো দিশ || 1.20

বহ্ন্যুপাধির্মহেশানঃ প্রার্থ্যতেঽভীষ্টলব্ধযে || ১০৪ ||
জাতে প্রাণিশরীরে যো জাঠরাগ্নিস্বরূপতঃ |
বিদ্যতে তিষ্ঠতীত্যেবং জাতবেদাঃ স উচ্যতে || ১০৫ ||
উত্পন্নান্যজমানান্বা ফলদানায চেতসি |
বিনিশ্চিনোতি বেত্তীতি জাতবেদাঃ প্রকীর্তিতঃ || ১০৬ ||
জাতবেদঃ প্রকর্ষেণ দীপ্যস্বানুগ্রহ্হয মে |
মমানিষ্টং প্রকুর্বাণাং নিরৃতিং পাপদেবতম্ || ১০৭||
বিনাশযন্বিনাশ্যৈতাং পশূন্মহ্যং গবাদিকান্ |
জীবনং চ চকারভ্যাং ভোগ্যজাতমশেষতঃ || ১০৮ ||
সংপাদয নিবাসার্থং দিশঃ প্রাচ্যাদিদিগ্গাতান্ |
নিবাসান্ দিশ দেহীতি মন্ত্রার্থঃ পরিকীর্তিতঃ || ১০৯ ||

মা নো হিঁসীজ্জাতবেদো গামশ্বং পুরুষং জগত্ |
অবিভ্রদগ্ন আগহি শ্রিযা মা পরিপাতয || 1.21

সংপাদিতগদীনাং প্রার্থ্যতেঽত্রাবিনাশানম্ |
হে জাতবেদো গামশ্বং ত্বত্প্রসাদাগ্দবাদিকম্ || ১১০ ||
মামকীনং চ মা হিংসীন্মা নাশযতু নিরৃতিঃ |
জগচ্ছব্দাগ্দবাদ্যন্যগৃহক্ষেত্রাদিকীর্তিতম্ || ১১১ ||
অগ্নেঽস্মদপরাধং ত্বং মনস্যস্থাপযন্প্রভো |
আগচ্ছানুগ্রহার্থং মে শ্রিযা মা পরিপাতয || ১১২ ||
ধনধান্যসমৃদ্ধ্যা মাং সর্বতঃ প্রাপযেশ্বর |

পুরুষস্য বিদ্মহে সহস্রাক্ষস্য মহাদেবস্য ধীমহি |
তন্নো রুদ্রঃ প্রচোদযাত্ || 1.22

ইতঃ পরং তেষু তেষু দেশেষ্বতিবিলক্ষণঃ || ১১৩ ||
শ্রিতুপাঠস্তত্র পূর্বৈর্দ্রাবিডঃ পাঠ আদৃতঃ |
তস্মার্রদনুসারেণ শ্রুতিব্যাখ্যাধুনোচ্যতে || ১১৪ ||
জাযত্রীষট্কতো দেবাঃ প্রার্থ্যন্তে জ্ঞানহেতবঃ |
বিশ্বরূপধরো রুদ্র? ঃ প্রার্থ্যতে তত্র চাদিতঃ || ১১৫ ||
বিশ্বতশ্চক্ষুরিত্যুক্তঃ সহস্রাক্ষো বিরাট্ পুমান্ |
তস্য স্বরূপং দেবস্য জানীমহি লভেমহি || ১১৬ ||
তদর্থং তস্য দেবস্য রূপং ধ্যাযেম ধীমহি |
তস্মিন্ ধ্যানে বিরাড্ রুদ্রো নোঽস্মিন্ প্রেরযতু প্রভুঃ || ১১৭ ||

“বিভ্রদ্দোর্ভিঃ কুটারং সৃগমভযবরৌ সুপ্রসন্নো মহেশঃ “
        ইত্যাদ্যাগমপ্রসিদ্ধমূর্তিধরং মহেশং প্রার্তযতে —-

তত্পুরুষায বিদ্মহে মহাদেবায ধীমহি |
তন্নো রুদ্রঃ প্রচোদযাত্ 1.23

তমাগমেষু প্রথিতং পুরুষাকৃতিমীশ্বরম্ |
জানীমহি মহাদেবং ধ্যাযেম সততং বযম্ || ১১৮ ||
প্রচোদযতু নো রুদ্রস্তস্মিন্ ধ্যনে নিরণ্তরম্ |

“বীজাপূরগদেক্ষুকার্মুক —– “
ইত্যাধ্যাগমপ্রসিদ্ধমূর্তিধরং
বিনাযকং প্রার্থযতে

তত্পুরুষায বিদ্মহে বক্রতুণ্ডায ধীমহি |
তন্নো দন্তিঃ প্রচোদযাত্ 1.24

জগতুল্যমুখস্ত্বেন দীর্ঘতুণ্ডস্য বক্রতা || ১১৯ ||
যো রত্নকলশস্তস্য ধারণাযেতি মন্যতাম্ |
দন্তির্মহাদন্তযুক্ত ইত্যর্থঃ পরিকীর্তিতঃ || ১২০ ||

পুরাণাদিপ্রসিদ্ধং পক্ষিরাজমূর্তিধরং দেবং প্রার্থযতে—–

তত্পুরুষায বিদ্মহে সুবর্ণপক্ষায ধীমহি |
তন্নো গরুডঃ প্রচোদযাত্

স্পষ্টার্থত্বেন মন্ত্রস্য ন ব্যাখ্যা বার্ত্তিকাত্মিকা |

“হেমপ্রখ্যামিন্দুখণ্ডাত্তমৌলিম্ ”    (প্রপঞ্চসারঃ ১৪ –
২৩)
ইত্যাদ্যাগমপ্রসিদ্ধমূর্তিধরাং দুর্গাং প্রার্থযতে—-

কাত্যাযনায বিদ্মহে কন্যাকুমারি ধীমহি |
তন্নো দুর্গিঃ প্রচোদযাত্ 1.33

কাত্যঃ কৃত্তিং বস্ত ইতি শ্রীরুদ্রঃ পরিকীর্তিতঃ || ১২১ ||
স এব যস্যা অযনমধিষ্ঠানং তথোচ্যতে |
কুমারী কুত্সিতারিষ্টমারিকা পরিকীর্তিতা || ১২২ ||
কন্যা চ কমনীযাসৌ কুম্মারী চ তথোদিতা |
দুর্গির্দুর্গৈব লিঞ্গাদের্ব্যত্যযশ্ছান্দসো ভবেত্ || ১২৩ ||

“অকোর্দ্দীপ্যত্কিরীটান্বিতমকরলসত্কুণ্ডকম্”
ইত্যাদ্যাগমপ্রসিদ্ধমূর্তিধরং
দেবং প্রার্থযতে——-

নারাযণায বিদ্মহে বাসুদেবায ধীমহি |
তন্নো বিষ্ণুঃ প্রচোদযাত্ 1.29!

নার্শব্দিতুমুখ্যাপো যস্য বিষ্ণোঃ সমাশ্রযঃ |
সমুদ্রজলসংবাসী স নারাযণ উব্হ্যতে || ১২৪ ||
বসুদেবাদভিব্যক্তঃসোঽবতরবিশেষতঃ |
পরমব্রহ্মরূপেণ ব্যাপিত্বাদ্বিষ্ণুরুচ্যতে || ১২৫ ||
জপ্যা এতাশ্চ গাযত্র্যো দেবতাধ্যানপূর্বকম্ |
অন্তঃকরংঅশুদ্ধ্যর্থং সদা সূরিভিরাদরাত্ (1)|| ১২৬ ||
(1) ইতঃ পরং “সহস্রপরমা দেবী “ইত্যারভ্য
পঞ্চমানুবাকপর্যন্তংগ্রন্থকৃতা ন বিবৃতম্ | ——-]

  ইতি প্রথমোঽনুবাকঃ
——————————————————————————–

যশ্ছন্দসামৃষভো বিশ্বরূপশ্ছন্দোভ্যশ্চন্দাঁস্যাবিবেশ |
সতাঁশিক্যঃ প্রোবাচোপনিষদিন্দ্রো জ্যেষ্ঠ ইন্দ্রিযায ঋষিভ্যো
নমো
দেবেভ্যঃ স্বধা পিতৃভ্যো ভূর্ভুবঃ সুবরোম্
8.1, says “bhuurbhuvassuvashchhanda om.h” at the end

সর্ববেদান্তলাভায জপ্যো মন্ত্র উদীর্যতে |
বেদানাং প্রণবঃ শ্রেষ্ঠো যঃ সর্বজগদাত্মকঃ || ১২৭ ||
প্রাদুর্ভূতঃ স বেদেভ্যঃ প্রতিভাতঃ প্রজাপতেঃ |
বেদসারতযেত্যর্থঃ প্রবিবেশঃ পুনশ্চ সঃ || ১২৮ ||
গাযত্র্যাদীনি মন্ত্রেষু প্রযোজ্যস্তদ্যতেষু হি |

মন্ত্রেস্বিতি ;ছন্দোভিরূপলক্ষিতেষু প্রযোক্তব্যঃ | তদুক্তং
প্রপঞ্চসারে ——
“অস্য তু বেদাদিত্বাত্ সর্বমনূনাং প্রযুজ্যতে হ্যাদৌ ”   (১৯ –
৩৫)ইতি ||

সতাং শিক্যঃ কর্মভিশ্চোপাসাকৈর্জ্ঞানশালিভিঃ || ১২৯ ||
প্রাপ্তং শক্যঃ কারণত্বাজ্জ্যেষ্ঠঃ প্রথম উচ্যতে |
ইন্দ্রঃ প্রণববাচ্যাত্মা পরমৈশ্চর্যসংজুতঃ || ১৩০ ||
ঋসযোঽন্তর্মুখাস্তেষাং জ্ঞানসামর্থ্যসিদ্ধযে |
ব্রহ্মবিদ্যাং জগৌ তস্মাত্প্রতিবন্ধনিবৃত্তযে || ১৩১ ||
মনস্করোমি দেবেভ্যঃ পিতৃভ্যশ্চাহমাদরাত্ |
ভূর্ভুবঃ সুবরোংবেদাংস্ত্রিলোকস্থানবাপ্নুযাম্ || ১৩২ ||
অত এব পঠন্ত্যন্যে ছন্দ ওমিতি মানবাঃ |

ভূর্ভুবঃ সুবশ্ছন্দ ওমিত্যর্থঃ ||

  ইতি ষষ্ঠোঽনুবাকঃ book doesn’t mention 2-5
——————————————————————————–

নমো ব্রহ্মণে ধারণং মে অস্ত্বনিরাকরণং ধারযিতা ভূযাসং
কর্ণযোঃ শ্রুতং মা চ্যোঢ্বং মমামুষ্য ওম্ ||
9.1, says “chyoDhaM”

অবাপ্তবেদাবিস্মৃত্যৈ জপ্যমন্ত্র উদীর্যতে || ১৩৩ ||
মনোঽস্তু সর্বজগতাং হেতবে পরমাত্মনে |
গ্রন্থস্য চ তদর্থস্য ধারণং মেঽস্তু চেতসি || ১৩৪ ||
অনিরাকরণং নামাবিস্মৃতিঃ সা যথা ভবেত্ |
তথা ধারযিতাহং স্যাং পরমেষ্ঠিপ্রসাদতঃ || ১৩৫ ||
এবং প্রার্থযমানস্য কর্ণযোর্যচ্ছ্রুতং মম |
অবিনাশায তত্সর্বং প্রাপ্নুযাং স্থিরধারণম্ || ১৩৬ ||

  ইতি সপ্তমোঽনুবাকঃ
——————————————————————————–

ঋতং তপঃ সত্যং তপঃ শ্রুতং তপঃ শান্তং তপো দানং তপো যজ্ঞ.স্তপো
ভূর্ভুবঃ
সুবর্ব্রহ্মৈতদুপাস্স্বৈতত্তপঃ
10, quotes “Rtam … shaantaM tapo damastapaH
shamastapo daanaM tapo yaj~naM tapo bhuurbhuvaH …”

একাগ্য্রলক্ষণং is “agyra” possible? – WKযত্স্যত্তপো
বিজ্ঞানসাধনম্ |
তত্তপঃপ্রাপ্তযে জপ্যো মন্ত্রোঽযমধুনোচ্যতে || ১৩৭ ||
঱্~ইতং বেদার্থবোধায মীমাংসাশ্রবণং মতম্ |

মীমাংসযোহ্ শ্রবণংইত্যর্থঃ |

ইন্দ্রযোপরতিঃ শান্তিঃ শান্তিশব্দেন কীর্ত্যতে || ১৩৮ ||
স্বস্বত্যাগঃ পরস্বত্বাপত্ত্যন্তো দানমুচ্যতে |

আপত্তীতি ; আপাদনপর্যন্ত ইত্যর্থঃ |

অগ্নিহোত্রাদিকো যজ্ঞস্তত্সর্বং তপ উচ্যতে || ১৩৯ ||
বিরাট্স্বরূপংযদ্ব্রহ্ম ভূরাদিত্রিতযাত্মকম্ |
মুমুক্ষো ত্বমুপাস্স্বৈতত্প্রত্যাযবর্ততং কুরু || ১৪০ ||
এতচ্চোপাসনং প্রোক্তমুত্তমং তপ উচ্যতে |

  ইত্যষ্টমোঽনুবাকঃ
——————————————————————————–

যথা বৃক্ষস্য সংপুষ্পিতস্য দূরাদ্গন্ধো বাত্যেবং পুণ্যস্য
কর্মণো দূরাদ্গন্ধো বাতি যথাসিধারাং কর্তেঽবহিতমবক্রামে
যদ্যুবে যুবে হবা বিহ্বযিষ্যামি কর্তং
পতিষ্যামীত্যেবমমৃতাদাত্মানং
জুগুপ্সেত্ | 11

জ্ঞানহেতুতযা পুণ্যং বিহিতাচরণাত্মকম্ || ১৪১ ||
প্রশস্যতে নিষিদ্ধস্যাচরণং চ বিনিন্ধ্যতে |

জ্ঞানপ্রতিবন্ধকত্বেনেতি শেষঃ |

যথৈব সুরভির্গন্ধঃ সহাগচ্ছতি বাযুনা || ১৪২ ||
এবং পুণ্যস্য যাগদেঃ সুগন্ধঃ কীর্তিলক্ষণঃ |
দূরদ্বাতি নৃলোকাদ্ধি স্বর্গে গচ্ছত্যতো নৃভিঃ || ১৪৩ ||
পুণ্যংকর্যমথাগ্রে তু পাপদৃষ্টান্ত উচ্যতে |
যথা প্রসারিতাং গর্তে কূপাদৌ কুত্রচিন্নরঃ || ১৪৪ ||
খড্গধারামবক্রামেত্তদাযং চিন্তযেন্নরঃ |
যুবে হুবে যৌমি যৌমি যদ্যঙ্ঘ্রিং মিশ্রযাম্যহম্ || ১৪৫ ||
তদ্ধারাযাং তদাহং তু (1)বিহ্বলিষ্যাম্যসংশযম্ |

(1)মূলে লস্য ছান্দসো দকার ইতি সাযণঃ |

গর্তং বা সংপতিষ্যামি ধারাযাং চরণস্য হি || ১৪৬ ||
দৃঢস্পর্শেন বিচ্ছেদাদ্ভাবিষ্যামেব বিহ্বলঃ |
দৃঢস্পর্শো ন চেদ্গর্তে সংপতিষ্যাম্যশস্ত্বিতি || ১৪৭ ||
এবং প্রবর্তমানোঽপি পাপে মর্ত্যো বিচারযেত্ |
যদি তত্প্রকটং কুর্যাং তদা স্যামহি নিন্দিতঃ || ১৪৮ ||
যদি তত্প্রকটং কুর্যাং তদাপি নরকে খলু |
পতিষ্যামীতি চাত্মনং জুগুপ্সেদনৃতান্নরঃ || ১৪৯ ||
ধিঙ্ মাং লোকদ্বযভ্রষ্টমিত্যাত্মানং বিনিন্দ্য চ |
পাপান্নিবারযেন্মর্ত্য ইতি মন্ত্রার্থ ঈরিতঃ || ১৫০ ||

অবক্রামেত্ ; তদুপরি পদাভ্যাং গন্তুং প্রবর্তত ইত্যর্থঃ |

যচ্ছব্দো যদিশব্দার্থে যস্থানে ব্যত্যযেন হঃ |
অত এব পঠন্ত্যন্যে যুবে যুবে ইতি শ্রুতৌ || ১৫১ ||
অহমর্থে হশব্দঃ স্যাল্লস্থানে ব্যত্যযেন দঃ |

যদ্যুব ইত্যাদাবাহ —-যচ্ছব্দ ইত্যাদিনা | অধ ইতি ; অধোবর্তিনি
গর্তে ত্বিত্যন্বযঃ | ইতীতি ; ‘ইতি চিন্তযেন্নরঃ ‘ইতি
পূর্বেণান্বযঃ | ইতি
চাত্মানমিতি ; ঈদৃগ্বিচারযুক্ত ইত্যর্থঃ |

  ইতি নবমোঽনুবাকঃ
——————————————————————————–

অণোরণীযান্ মহতো মহীযানাত্মা গুহাযাং নিহিতোঽস্য জন্তোঃ |
তমক্রতুং পশ্যতি বীতশোকো ধাতুঃ প্রসাদান্মহিমানমীশম্ ||12.1

পুণ্যানুষ্ঠানতশ্চাস্য নিষিদ্ধাচারবর্জনাত্ || ১৫২ ||
শুদ্ধান্তঃকর্ণস্যৈবং ব্রহ্মতত্ত্বং সমীরিতুম্ |
অণোরণীযানিত্যাদিরণুবাকঃ প্রবর্ততে || ১৫৩ ||
আত্মশব্দঃ স্বরূপার্থঃ পরমেশ্বরবাচকঃ |
অধিষ্ঠানতযা তস্য জগদ্রূপত্বকারণাত্ || ১৫৪ ||
পরমাণ্বাদযোঽস্মাকমযোগ্যাঃ স্যুস্তথাপি চ |
যোগিপ্রত্যক্ষগম্যত্বং তেষাং তচ্চাত্মনো ন হি || ১৫৫ ||
ইত্যভিপ্রেত্য ভগবানণীযান্পরিকীর্তিতঃ |
একব্রহ্মাণ্ডমধ্যস্থং দিগাকাশাদিকং মহত্ || ১৫৬ ||
ঈদৃগ্ব্রহ্মাণ্ডকোটীনামধিষ্ঠানত্বমাত্মনঃ |
অতো মহীযান্মহতোঽপ্যযমাত্মা প্রকীর্তিতঃ || ১৫৭ ||
হৃদব্জসংবৃতা বুদ্ধিস্তন্মধ্যস্থা গুহোচ্যতে |
স্যাদ্বিদ্যযোপলভ্যত্বং বুদ্ধৌ নিহিতমাত্মনঃ || ১৫৮ ||
তমীশং নিরূপাধিত্বাত্সংকল্পেন বিবর্জিতম্ |
জীবস্যৈব সমীচীনমিত্যেতত্কল্পনং যতঃ || ১৫৯ ||
অত এব মহান্তং চ শমাদিগুণসংযুতঃ |
ধাতুঃ প্রসাদাদীশস্যানুগ্রহাদধিকারবান্ || ১৬০ ||
সাক্ষাত্করোতি দৃষ্ট্বা তং বীতশোকো ভবেন্নরঃ |

ধাতুরিতি | তদুক্তম্ —
“ঈশ্বরানুগ্রহাদেষাং পুংসামদ্বৈতবাসনা |
মহাভযপরিত্রাণা দ্বিত্রাণামিহ জাযতে ||”
ইতি |

সপ্ত প্রাণা প্রভবন্তি তস্মাত্ সপ্তার্চিষঃ সমিধঃ সপ্ত
জিহ্বাঃ |
সপ্ত ইমে লোকা যেষু চরন্তি প্রাণা গুহাশযান্নিহিতাঃ সপ্ত
সপ্ত 12.2

বিশুদ্ধচিত্তৈর্বিজ্ঞেযঃ পরমাত্মা য ঈরিতঃ || ১৬১ ||
তস্যোপলক্ষনার্থং চ জগত্কারণতোচ্যতে |

তস্যেতি ; শাখেন্দুন্যাযেনেত্যর্থঃ |

শিরঃস্থসপ্তচ্ছিদ্রস্থাঃ সপ্তসংখ্যাসমন্বিতাঃ || ১৬২ ||
প্রাণা মাযাযুতাদীশাজ্জাযন্তে চক্ষুরাদযঃ |
চক্ষুষিনাসিকে শ্রেত্রে বাক্ চেতি প্রাণসপ্তকম্ || ১৬৩ ||
সপ্তার্চিষা সপ্তসংখ্যা বৃত্তযঃ পরিকীর্তিতা |
তৈর্গৃহ্যমাণ্বিষযাঃ সমিধঃ সপ্ত কীর্তিতা || ১৬৪ ||
যথা গোলকভেদেন চক্ষুরাদি দ্বিধা ভবেত্ |
তথা গ্রাহকভেদেন রূপাদিদ্বিত্বমুচ্যতে || ১৬৫ ||

তৈঃ ; অর্চির্ভিরিত্যর্থঃ |

অথবা সপ্তসংখ্যাযাঃ সমিচ্ছব্দেন নান্বযঃ |
কিং তু জিহ্বাপদেনৈব বহ্নের্জিহ্বাস্ত্বিমাঃ শ্রুতাঃ || ১৬৬ ||

“কালী করালী চ মনোজবা চ
          সুলোহিতা যা চ সুধূম্রবর্ণা |
      স্ফুলিঙ্গিনীবিশ্বরূচী চ দেবী
          লোলাযমানা ইতি সপ্ত জিহ্বাঃ ||”
                                     ( সু.১ – ৪)

মুণ্ডকশ্রুতিমেব পঠতি —–কালীতি |

প্রাণাশ্চরন্তিদেবাদের্দেহস্থা যেষু সপ্তসু |
ইমে ভূরাদযঃ সপ্ত লোওকাস্তস্মাত্সমুত্থিতাঃ || ১৬৭ ||
গুহাশযঃ স বিজ্ঞেযো যো বুদ্ধাবুপলভ্যতে |
তস্মাদেব সমুত্পন্নাঃ সপ্তসংখ্যাসমন্বিতাঃ || ১৬৮ ||
সপ্তর্ষযস্তথা সপ্ত সমুদ্রা এবমাদিকাঃ |
পদার্থা নিহিতাস্তত্র তত্র চ স্থাপিতাঃ স্থলে || ১৬৯ ||

অতঃ সমুদ্রা গিরযশ্চ সর্বেঽস্মাত্স্যন্দন্তে সিন্ধবঃ
সর্বরূপাঃ |
অতশ্চ বিশ্বা ওষধযো রসাশ্চ যেনৈষ
ভূতস্তিষ্ঠত্যন্তরাত্মা || 12.3

সমুদ্রা গিরযশ্চাস্মাত্প্রভবন্তি মহেশ্বরাত্ |
অস্মাদ্গঙ্গাদযো নদ্যঃ সংজাতাঃ প্রবহন্তি চ || ১৭০ ||
ব্রীহ্যাদ্যোষধযোঽম্লাদ্যা রসাশ্চেশাত্সমুত্থিতাঃ |
অন্তরাত্মাপদেনাত্র লিঙ্গদেহো বিবক্ষিতঃ || ১৭১ ||
স্থূলদেহচিদাত্মান্তর্মধ্যে হ্যেষোঽবতিষ্ঠতে |
যেনৌষধিরসেনাযং বদ্ধে দেহেঽত্র তিষ্ঠতি || ১৭২ ||
তাদৃশো রস উত্পন্ন ইত্যর্থঃ পরিকীর্তিতঃ |

ব্রহ্মা দেবানাং পদবীঃ কবীনামৃষির্বিপ্রাণাং মহিষো
মৃগাণাম্ |
শ্যেনো গৃধ্রাণাঁস্বধিতির্বনানাঁসোমঃ পবিত্রমত্যেতি
রেভন্ || 12.4

ঈশস্যোত্কৃষ্টরূপেণাবস্থানমিহ কথ্যতে || ১৭৩ ||
ইন্দ্রদ্দিকানাং দেবানাং মধ্যে ব্রহ্মা চতুর্মুখঃ |
ভূত্বা নিযামকত্বেন পরমেশোঽবতিষ্ঠতে || ১৭৪ ||
কবীনাং কাব্যশাস্ত্রাদেঃ কর্তৄণাং পদবীরযম্ |
পদং সুশব্দং বেতীতি শব্দসামর্থ্যবোধবান্ || ১৭৫ ||
ব্যাসবল্মীকিমুখ্যো যস্তদ্রুপশ্চাবতিষ্ঠতে |
ঋষির্বসিষ্ঠপ্রমুখস্তত্তদ্গোত্রপ্রবর্তকঃ || ১৭৬ ||
চতুষ্পাদং তু মহিষঃ শক্ত্যাধিক্যেন সংযুতঃ |
বভুব প্রবলঃ শ্যেনঃ সর্বেষাং পক্ষিণামপি || ১৭৭ ||
বৃক্ষৌধানাং ছেদনার্থং পরশুশ্চ বভুব সঃ |
সোমবল্ল্যাত্মকো রেভন্পবিত্রং শুধ্হিকারণম্ || ১৭৮ ||
মন্ত্রশব্দেন যুক্তঃ সন্নত্যেত্যখিলমেব সঃ |

অজামেকাং লোহিতশুক্লকৃষ্ণাং বহ্বীং প্রজাং জনযন্তীঁ
সরূপাম্ |
অজো হ্যেকো জুষমাণোঽনুশেতে জহাত্যেনাং ভুক্তভোগামজোঽন্যঃ|| 12.5

চতুর্মুখাদিদেহেষু বিশেষেণ স্থিতিং বিভোঃ || ১৭৯ ||
ব্যবহারস্য সমযে সংকীর্ত্যাথ প্রদর্শ্যতে |
স্বিদ্যামুপজীব্যাত্র বদ্ধ্মুক্তব্যবস্থিতিঃ || ১৮০ ||
তেজোঽবন্নানি সংপাদ্য তদ্রূপাজ যদা তদা |
লোহিতাদিকবর্ণা স্যাদ্যদগ্নেরিতি হি শ্রুতিঃ || ১৮১ ||

তেজ ইতি ; অজা তেজাদীনি সংপাদ্য তদ্রূপা যদা স্যাত্তদেত্যন্বযঃ |
“যদগ্নে রোহিতং রূপং তেজসস্তদ্রূপং যচ্ছুক্লং তদপাং
যত্কৃষ্ণং তদন্নস্য”
(ছান্দোগ্যে ৬-৪-১)ইতি শ্রুতেরিত্যর্থঃ |

লোহিতাদিকশব্দৈর্বা রজঃসত্ত্বমোগুণাঃ |
উপলক্ষ্যাস্তথাচেনস্যাদ্গুণত্রিতযাত্মিকা || ১৮২ ||
গুণত্রযাত্মকত্বেন সরূপা যা প্রজা ভবেত্ |
তাং সমুত্পাদযত্যেকা তামজো জনিবর্জিতঃ || ১৮৩ ||
জীবঃ সক্তো বিরক্তশ্চ তত্রৈকঃ সক্তিমানজঃ |
প্রীত্যা সংসেবমানঃ সন্ননুশেতে বিমূঢধীঃ || ১৮৪ ||
যথোক্তামনুসৃত্যৈব বর্ততে যাতি সংসৃতিম্ |
অন্যো বিরক্তজীবস্তু ভুক্তভোগাং জহাতি তাম্ || ১৮৫ ||
প্রাগেব ভুক্তা ভোগা যে নোপরিষ্ঠাত্তথাবিধৈঃ |
ভোগৈর্যুক্তাং ভুক্তভোগাং তত্ত্বজ্ঞানেন বাধতে || ১৮৬ ||
সংধাতমানী বদ্ধঃ স্যাত্তদ্বিহীনো বিমুচ্যতে |

ব্যবস্থাং ব্যক্তীকরোতি — সংঘাতেতি |

হঁসঃ শুচিষদ্বসুরন্তরিক্ষসদ্ধোতা
বেদিষদতিথির্দুরোণসত্ |
নৃষদ্বরসদৃতসদ্ব্যোমসদব্জা গোজা ঋতজা অদ্রিজা ঋতং
বৃহত্ || 12.6, internet version has ha.nsaH

জ্ঞানবাধিতমাযস্য ভাতি ব্রমাত্মনা জগত্ || ১৮৭ ||
ইতি প্রদর্শ্যতেঽর্থোঽযমতো জগদনূদ্যতে |
সর্বদা গচ্ছতীত্যর্কো হংসোঽযং শুদ্ধমণ্ডলে || ১৮৮ ||
জ্যোতির্মযে সীদতীতি শুচিষত্পরিকীর্তিতঃ |
জগন্নিবাসহেতুত্বাদ্বসুঃ সূত্রাত্মরূপতঃ || ১৮৯ ||
বাযুঃ সন্নন্তরিক্ষেঽযং সীদতীত্যন্তরিক্ষসত্ |
হোতাগ্নির্হোমজনকস্তদ্রূপো বেদিসংস্থিতঃ || ১৯০ ||
সীদত্যতিথিরূপেণ দুরোনেষু গৃহেষ্বযম্ |
কর্মাধিকারিজীবঃ সন্ নৃষু মর্ত্যেষু সংস্থিতঃ || ১৯১ ||
বরসচ্ছ্রেষ্ঠকাশ্যাদৌ পূজ্যদেবাত্মনা স্থিতঃ |
ঋতস্ত্ফলরূপেণ বৈদিকে কর্মণি স্থিতঃ || ১৯২ ||
নক্ষত্রাদিকরূপেণ ব্যোমস্থো ব্যোমসদ্ভবেত্ |
অদ্ভ্যো জলেভ্যঃ সংজাতঃ শঙ্খনক্রাদিরূপতঃ || ১৯৩ ||
গোজাঃ ক্ষীরাদিরূপেণ গোভ্যঃ সংজাত উচ্যতে |
ঋতজাঃ সত্যবচনাজ্জাতঃ কীর্তিতস্বরূপতঃ || ১৯৪ ||
বৃক্ষাদিরূপতোঽদ্রিভ্যো জাত ইত্যদ্রিজাঃ স্মৃতঃ |
ঋতং সত্যং পাং ব্রহ্ম হংস ইত্যাদিনোদিতম্ || ১৯৫ ||
যজ্জগত্তত্সমস্তং চ ব্রহ্মৈব জ্ঞানিদৃষ্টিতঃ |

যমাজ্জাতা ন পরা নৈব কিংচনাস য আবিবেশ ভুবনানি
বিশ্বা |
প্রজাপতিঃ প্রজযা সংবিদানস্ত্রীণি জ্যোতীঁষি সচতে স
ষোডশী || 12.6ka, internet version has yasmaajjaataa

জগদাত্মত্বমুক্তং যত্তদত্র প্রতিপদ্যতে || ১৯৬ ||
সৃষ্টেরূর্ধ্বং সমুত্পন্নাঃ প্রজা যস্মান্মহেশ্বরাত্ |
পরা ন ব্যতিরিক্তাঃ স্যূর্নাপি তত্পূর্বভাবিনঃ || ১৯৭ ||

সৃষ্টেঃ পূর্ববর্তিপ্রজা নেশ্বরাদন্যা ইত্যর্থঃ |

সৃষ্টেঃ পূর্বং ব্রহ্মভিন্নং বস্তু নৈবাস কিংচন |
শ্রুত্যন্ততে হ্যেকমেবাদ্বিতীযং ব্রহ্ম সংশ্রুতম্ || ১৯৮ ||
নাপি চেতনজীবস্য ব্রহ্মান্যত্বমুপেযতে |
য ঈশঃ সর্বলোকস্যান্ দেহাঞ্জীবাত্মনাবিশত্ || ১৯৯ ||
অনেন জীবেনেত্যাদিশ্রুতিসংকীর্তিতত্বতঃ |
প্রজাপালক ঈশোঽযং প্রজযোত্পন্নযাত্মনঃ || ২০০ ||
তাদাত্ম্যং লভমানঃ সন্ বর্ততে কিংচ সোঽচ্যুতঃ |
ত্রীণি জ্যোতীংষি সচতে সমবৈতি তদাতমকঃ || ২০১ ||
অগ্ন্যর্কচন্দ্ররূপাণি জ্যোতীংষীত্যর্থ ঈরিতঃ |
প্রশ্নোপনিষদুক্তা যাঃ কলাঃ ষোডশ তদ্যুতঃ || ২০২ ||
তত্কলারূপজগতা তাদাত্ম্যাত্ষোডশী শিবঃ |

বিধর্তারঁ হবামহে বসোঃ  কুবিদ্বনাতি নঃ | সবিতারং
নৃচক্ষসম্ || 12.6kha

মন্ত্রাঃ কেচিদিহোচ্যন্তে সর্বেশপ্রার্থনাত্মকাঃ || ২০৩ ||
ব্রহ্মবিজ্ঞানলাভায বেদেন হিতকারিণা |
বসোর্জ্ঞানস্য দাতারং বিধর্তারং বিশেষতঃ || ২০৪ ||

বিশেষতো দার্তারমিত্যন্বযঃ |

অস্মদ্বুদ্ধেঃ প্রেরকত্বাত্সবিতারং নৃচক্ষ্হসম্ |
তত্ত্ববিদ্যাপ্রবক্তারং নৃণামাচার্যরূপতঃ || ২০৫ ||
অস্মত্প্রসাদসিদ্ধ্যর্থমাহ্ণযামো মহেশ্বরম্ |
কুবিত্প্রভূতং জ্ঞানাখ্যং ধনমীশো দদাতি নঃ || ২০৬ ||

অদ্যানো দেব সবিতঃ প্রজাবত্সাবীঃ সৌভগম্ | পরা
দুঃষ্বপ্নিযঁ সুব || 39.2

হে দেব প্রেরকাদ্যাস্মিন্ দিনে বিদ্যাভিলাষিণাম্ |
নঃ শিষ্যাদিপ্রাজোপেনং ভাগ্যমাচার্যতাত্মকম্ || ২০৭ ||
সবীঃ প্রযচ্ছ দ্বৈতং স্বপ্নতুল্যং পরাকুরু |

বিশ্বানি দেব সবিতর্দুরিতানি পরাসুব | যদ্ভদ্রং তন্মম
আসুব || 39.3

সর্বাণ্যঘানি জ্ঞানস্য প্রতিবন্ধান্ বিনাশয || ২০৮ ||
অসংভাবনযা হীনং বিপর্যযবিবর্জিতম্ |
যদস্তি তত্ত্ববিজ্ঞানং তত্সাকল্যেন দেহি মে || ২০৯ ||

মধুবাতা ঋতাযতে মধুক্ষরন্তি সিন্ধবঃ | মাধ্বীর্নঃ
সন্ত্বোষধীঃ || 39.4

ঋতং ব্রহ্মেচ্ছতে মহ্যং বাতা বান্তু সুখাবহাঃ |
যাদ্বাযৌ প্রবলে রোগো বিঘ্নস্তত্ত্বধিযো যতঃ || ২১০ ||
অতো বাযোরানুকূল্যং প্রার্থ্যতে জ্ঞানকামিনা |
নদ্যঃ সংপাদযন্ত্বম্বু মধুরং রোগনাশকম্ || ২১১ ||
ব্রীহ্যাদ্যা মধূরাঃ সন্তু পথ্যরূপা ভবন্তু নঃ |

মধু নক্তমুতোষসি মধুমত্পার্থিবঁ রজঃ | মধুদ্যৌরস্তু
নঃ পিতা || 39.5

রাত্রৌ দিবাচ নোঽস্মাকং সুখমস্ত্বনুকূলতঃ || ২১২ ||
মা ভূত্কালকৃতো বিঘ্নো জ্ঞানস্যেত্যর্থ ঈরিতঃ |

অনুকূলত ইতি; সার্ববিভক্তিকস্তসিঃ probably sarvavibhaktikaH|
অনুকূলমিত্যর্থঃ |

পার্থিবং শযনন্দিস্থং রজো মধুমদস্তু নঃ || ২১৩ ||
অনুকূলং তদপ্যস্তু কণ্ডকাদিবিবর্জিতম্ |
দ্যৌঃ পিতা পৃতবী মাতেত্যেবং শ্রুত্যা পিতা হি সা || ২১৪ ||

মধুমান্নো বনস্পতির্মধুমাঁ অস্তু সূর্যঃ | মাধ্বীর্গাবো
ভবন্তু নঃ || 39.6

চূতাদির্মধুমানস্তু মধুররৈন্বিতঃ ফলৈঃ |
অস্ত্বেষু জীবনোপাযো নোঽস্মিন্ প্রর্তি মহীরুহঃ || ২১৫ ||
অকৃত্বাদিকসংতাপমনুকূলপ্রকাশযুক্ |
সূর্যোঽস্তু গাবো মাধ্বীর্নো মধুরক্ষীরসংযুতাঃ || ২১৬ ||

ঘৃতং মিমিক্ষিরে ঘৃতমস্য যোনির্ঘৃতে শ্রিতো ঘৃতমুবস্য
ধাম |
অনুষ্বধমাবহ মাদযস্ব স্বাহাকৃতং বৃষভ বক্ষি
হব্যম্ || 12.7

দেহানুকূল্যং সংপ্রার্থ্য ভোগস্য সকলস্য চ |
জ্ঞানহেতুক্রিযাহেরগ্নেস্তত্প্রর্থ্যতেঽত্র তু || ২১৭ ||

তত্; আনুকূল্যম্ |

ঘৃতম্গ্নৌ সিক্তবন্তো যজমানঃ পুরাতনাঃ |
হেতুর্বহ্নের্ঘৃতং তেন জ্বালানামভিবৃদ্ধিতঃ || ২১৮ ||
অতো ঘৃতে শ্রিতো বহ্নির্ঘৃতমেবাস্য ধাম চ |
অনুসৃত্য স্বধামন্নমস্মদীযং হবির্বহ || ২১৯ ||
দেবানত্রানযানীয মাদযস্ব মুদান্বিতান্ |
কুরু হে বৃষভশ্রেষ্ট হব্যং স্বাহাকৃতং বহ || ২২০ ||
স্বাহাকারেণ চাস্মাভির্দত্তং প্রাপয দেবতাঃ |

হবির্বহেতি ; আবহেতি যাবত্ | তস্যৈবার্থো দেবানত্রানযেতি |

সমুদ্রাদূর্মির্মধুমাঁ উদারদুপাঁশুনা
সমমৃতত্বমানট্ |
ঘৃতস্য নাম গুহ্যং যদস্তি জিহ্বা দেবানামমৃতস্য নাভিঃ || 12.8

সমুদ্রবত্সমধিকাত্পরিপূর্ণপরাত্মণঃ || ২২১ ||
ঊর্মিতুল্যপ্রপঞ্চোঽযং মধুমান্ ভোগ্য উত্থিতঃ |
অব্ধেস্তরঙ্গবত্সর্বং ভোগ্যমীশাদজাযত || ২২২ ||
ঘৃতং দীপ্তং স্বপ্রকাশং তস্য প্রণবলক্ষনম্
মান সর্বেষু বেদেষু যদ্গোপ্যং বিদ্যতে মহত্ || ২২৩ ||

ঘৃতমিতি; “ঘৃ ক্ষরণদীপ্ত্যোঃ “ইতি ধাতুঃ |

তেন প্রণবরূপেণোপাংশুন ধ্যানকালতঃ |
শনৈরুচ্চার্যমাণেনামৃতত্বং নাশবর্জিতম্ || ২২৪ ||
ব্রহ্মানট্ সম্যগাপ্নোতি তচ্চ জিহ্বা দিবৌকসম্ |
তৈর্ধ্যানতত্পরৈর্নিত্যং কীর্ত্যত্বাদাস্যমধ্যতঃ || ২২৫ ||
বর্ততে কিংচ মোক্ষস্য নাভিরাশয উচ্যতে |
এতদ্ধ্যেবাক্ষরং জ্ঞাত্বা যো যদিচ্ছতি তস্য তত্ || ২২৬ ||
ইতি শ্রুত্যন্তরোক্তত্বাদনেনাপ্যং হি তত্ফলম্ |
এতস্যামৃচি তারস্য মোক্ষসাধনতোদিতা || ২২৭ ||

বযং নাম প্রব্রবামা ঘৃতেনাস্মিন্ যজ্ঞে ধারযামা
নমোভিঃ |
উপ ব্রহ্মা শৃণবচ্ছস্যমান চতুঃশৃঙ্গোঽবমীদ্গৌর
এতত্ || 12.9

অস্মিন্ যজ্ঞে জ্ঞানযজ্ঞে বযং জ্ঞানাভিলাষিণঃ |
ব্রহ্মাত্মনা নিমিত্তেন নাম প্রণবসংজ্ঞকম্ || ২২৮ ||
প্রভবামোচ্চারযামো ধ্যাযন্তঃ সর্বদা ততঃ |
নমস্কারৈর্যুতাশ্চিত্তে ধারযামো মহেশ্বরম্ || ২২৯ ||
শস্যমানং স্তূযমানমস্মাভিঃ প্রণবেন চ |
ব্রহ্মৈতচ্ছ্রুযমাণং চ পার্শ্চস্থৈর্ব্রহ্মবেদিভিঃ || ২৩০ ||
অকারাদিকনাদান্তচতুঃশৃঙ্গসমন্বিতঃ |
প্রণবাখ্যো বৃষঃ শ্বোতো বান্তবান্প্রত্যপাদযত্ || ২৩১ ||

চত্বারি শৃঙ্গা ত্রযো অস্য পাদা দ্বেশীর্ষে সপ্ত হস্তাসো
অস্য |
ত্রিধা বদ্ধো বৃষভো রোরবীতি মহো দেবো মর্ত্যাঁ
আবিবেশ || 12.10

প্রণবপ্রতি পাদ্যত্বাদস্য প্রণবরূপিণঃ |
অকারাদীনি চত্বারি শৃঙ্গাণি পরমাত্মণঃ || ২৩২ ||
ব্রহ্মৈভির্গম্যতে তত্ত্বমিতি পাদাঃ সমীরিতাঃ |
বিশ্চশ্চ তৈজসঃ প্রাজ্ঞ ইত্যশ্যাত্মং ত্রযোঽঙ্ঘ্রযঃ || ২৩৩ ||
বিরাড্ঢিরণ্যগর্ভশ্চাব্যাকৃতশ্চাধিদৈবতম্ ||
দ্বে শক্তী চিদচিদ্রূপেশিরহ্স্থানে সমীরিতে || ২৩৪ ||
ভূরাদযঃ সপ্ত লোওকাঃ হস্তাঃ স্যুঃ পরমাত্মনঃ |
বিশ্বাদিভির্বিরাডদ্যৈস্ত্রিধাকারাদিষু ত্রিষু || ২৩৫ ||
সংবদ্ধঃ প্রণবো ব্রহ্ম প্রতিপাদযতি স্ফুটম্ |
স্পষ্টং প্রণববেদ্যং তদ্দেব ইত্যাদিনোচ্যতে || ২৩৬ ||
প্রবিষ্টঃ সর্বতো মর্ত্যান্নরদেহান্মহেশ্বরঃ ||
নখাগ্রাবধিদেহেঽযং সংপ্রবিষ্ট ইতি শ্রুতিঃ || ২৩৭ ||

ত্রিধা হিতং পণিভির্গুহ্যমানং গবি দেবাসো ঘৃতমন্ববিন্দন্ |
ইন্দ্র একঁ সূর্য একং জজান বেনাদেকঁ স্বধযা
নিষ্টতক্ষুঃ || 12.11

দেহে বিশ্বাদিসংজ্ঞেন ত্রিপ্রকারেণ সংস্থিতম্ |
বিরাডাদিকসংজ্ঞেন ব্রহ্মাণ্ডে চ ত্রিধা স্থিতম্ || ২৩৮ ||
গোপ্যমানং রহস্যত্বাদাচার্যৈর্ব্রহ্ম ভাস্বরম্ |
লব্ধবন্তো মহাবাক্যে দেববত্সাত্ত্বিকা নরাঃ || ২৩৯ ||
যত্ ত্রিধা হিতমিত্যুক্তমেতদেব বিবিচ্যতে |
সমুত্পাদিতবানেকং বিরাড্ জাগরণাত্মকম্ || ২৪০ ||
হিরণ্যগর্ভোঽযনযত্স্বপ্নরূপং প্রভাববান্ |
সুষুপ্তরূপং সংজাতং বেনাদখ্যাকৃতাত্মনঃ || ২৪১ ||
বেনেতি কান্তিকর্মা স্যাত্সর্বদুঃখবিবর্জনাত্ |
কমনীযোঽখ্যাকৃতঃ স্যাদিত্যেবমবগম্যতাম্ || ২৪২ ||

বেনেতি ; ধাতুরিতি শেষঃ |

ধীযতে স্থাপ্যতে স্বস্মিন্নিতি ব্রহ্মাত্মিকা চিতিঃ |
আশ্রযান্তরহীনেযং স্বধাশব্দেন কীর্ত্যতে || ২৪৩ ||
তযোত্পাদিতবন্তস্তে ত্রযো জাগরণাদিকম্ |

যো দেবানাং প্রথমং পুরস্তাদ্বিশ্বাধিকো রুদ্রো মহর্ষিঃ |
হিরণ্যগর্ভং পশ্যত জাযমানঁ স নো দেবঃ
শুভযাস্মৃত্যা সংযুনক্তু || 12.12

দ্রবত্যেতি রুদং শব্দং বৈদিকং রুদ্দ্র উচ্যতে || ২৪৪ ||
বেদগম্যো মহাঞ্শ্রেষ্ঠোঽতীন্দ্রিযো দ্রষ্টৃমধ্যতঃ  |
হিরণ্যগর্ভং যো দেবঃ পশ্যতি স্বপ্রকাশচিত্ || ২৪৫ ||
আদিভূতং সমস্তানামিন্দ্রাদীনাং দিবৌকসাম্ |
পুরস্তাজ্জন্মনাং কীর্ত্যা দেবানাং জন্মতঃ পুরা || ২৪৬ ||
পুরস্তাজ্জন্মসংকীর্ত্যা তত্প্রাথম্যং স্ফুটীকৃতম্ |
স দেবঃ শুভযা স্মৃত্যা সর্বসংসারঘাতিনা || ২৪৭ ||
ব্রহ্মস্মৃত্যা সংযুনক্তু সংযুক্তান্ প্রকরোতু নঃ |
মন্ত্রোঽযং ব্রহ্মবিদ্যাযাঃ প্রাপ্তযে জপ্যতাং বুধেঃ || ২৪৮ ||
ইতি প্রতীযতেঽস্মাকং মন্ত্রলিঙ্গস্য তত্ত্বতঃ |

যস্মাত্পরং নাপরমস্তি কিঞ্চিত্ যস্মান্নাণীযো ন জ্যাযোঽস্তি
কশ্চিত্ |
বৃক্ষ ইব স্তব্ধো দিবি তিষ্ঠত্যেকস্তেনেদং পূর্ণং পুরুষেণ
সর্বম্ || 12.13

যদুক্তং শুভযেত্যাদি স্মর্তব্যং তদিহোচ্যতে || ২৪৯ ||
উত্কৃষ্টমপকৃষ্টং বা বস্তু যস্মান্ন বিদ্যতে |
নাল্যং যস্মাদ্ব্রহ্মণোঽস্তি নাধিকং বস্তু কিংচন || ২৫০ ||
গুণাত্কর্ষাপকর্ষৌ তু পরাপরপরোদিতৌ |
মানোত্কর্ষাদিকং প্রোক্তং জ্যায ইত্যাদিশব্দতঃ  || ২৫১ ||
সর্বথা তন্নিষেধেনাদ্বিতীযত্বং হি সিধ্যতি maybe siddhyati? – WK

উত্কর্ষাপকর্ষনিষেধেনেত্যর্থঃ |

বৃক্ষঃ স্তব্ধো যথৈকত্র গত্যাদিরহিতস্তথা || ২৫২ ||
স্বপ্রকাশস্বরূপোঽসৌ নির্বিকারোঽবতিষ্ঠতে |
তেনেদং পূর্ণমখিলং পুরুষেণ পরাত্মনা || ২৫৩ ||
নাস্ত্যেব জগদাকরো পরমাত্মৈব সংস্থিতঃ |

ন কর্মণা ন প্রজযা ধনেন ত্যাগেনৈকে অমৃতত্বমানশুঃ |
পরেণ নাকং নিহিতং গুহাযাং বিভ্রাজতে যদ্যতযো বিশন্তি || 12.14

ব্রহ্মস্মৃতাবন্তরঙ্গং ত্যাগো হেতুরিহোচ্যতে || ২৫৪ ||
তচ্চামৃতত্ত্বং ন প্রাপ্যমগ্নিহোত্রাদিকর্মণা |
পুত্রাদিনা ধনেনাপি কিংতু কর্মাদিহানতঃ || ২৫৫ ||
ব্যাপারাণাং লৌকিকানাং বৈদিকানাং চ বর্জনাত্ |
কেচিদন্তর্মুখা এবামৃতত্বং প্রাপ্নুবন্তি তত্ || ২৫৬ ||
জিতেন্দ্রিযা যদ্বিশন্তি তত্স্বর্গাতুত্তমং চ সত্ |
একাগ্রবুদ্ধিনিশ্ঠং সদ্বিশেষেণ প্রকাশতে || ২৫৭ ||
অন্তর্মুখৈঃ সদ্ভিরেব ব্রহ্ম তচ্চানুভূযতে |

বেদান্তবিজ্ঞানবিনিশ্চিতার্থাঃ সংন্যাসযোগাদ্যতযঃ
শুদ্ধসত্ত্বাঃ |
তে ব্রহ্মলোকে তু পরান্তকালে পরামৃতাঃ পরিমুচ্যন্তি সর্বে ||
দহ্রং বিপাপং বরবেশ্মভূত যত্ পুণ্ডরীকং
পুরমধ্যসঁস্থম্ |
তত্রাপি দহ্রে গগনং বিশোকং তস্মিন্ যদন্তস্তদুপাসিতব্যম্ ||
যো বেদাদৌ স্বরঃ প্রোক্তো বেদান্তে চ প্রতিষ্ঠিতঃ |
তস্য প্রকৃতিলীনস্য যঃ পরঃ স মহেশ্বরঃ || 12.15, 16, 17

ত্যাগস্য মোক্ষহেতুত্বং পূর্বস্যামৃচি কীর্তিতম্ || ২৫৮ ||
জ্ঞানস্য তরতীত্যাদৌ শ্রুতৌ তদ্বহুশঃ শ্রুতম্ |
অতস্তযোঃ পৃথঙ্ মুক্তাবুপযোগোঽত্র বর্ণ্যতে || ২৫৯ ||
বিরোধপরিহারায তযোঃ শ্রুত্যোর্যথোক্তযোঃ |
বেদান্তবাক্যজজ্ঞাননিশ্চিতাত্মৈক্যশালিনঃ || ২৬০ ||
সংন্যাসপূর্বকো যোগঃ সর্ববৃত্তিবিনিগ্রহঃ |
তস্মাদ্বিশুদ্ধসত্ত্বাশ্চ ভোগব্যাবৃত্তচেতসঃ || ২৬১ ||
অতো নিযমনাসক্তা যতযঃ পরিকীর্তিতাঃ |
জ্ঞানং তত্ত্বস্য সংস্ফূর্ত্যাবিদ্যাযা বিনিবর্তকম্ || ২৬২ ||
ত্যাগো নিবর্তযেদ্ভোগং চিত্তশুদ্ধেস্তু কার্ণম্ |
ইতি মুক্তৌ তযোরুক্তা পৃথগেবোপযোগিতা || ২৬৩ ||
ব্রহ্মসংদর্শনে জাতে তে সংসারবিলক্ষণাঃ |
বৈলক্ষণ্যদ্যোতনার্থস্তুশব্দঃ পরিকীরিতিতঃ || ২৬৪ ||
অজ্ঞানাশে দেহস্য পতনাবসরঃ স্মৃতঃ |
পরান্তকালো ভূযশ্চ দেহগ্রহণবর্তনাত্ || ২৬৫ ||
তস্মিন্ সর্বে বিমুচ্যন্তে দেবা বা মানুষাস্তথা |
উত্তমাশমভাবস্তু ভবেদত্রাপ্রযোজকঃ || ২৬৬ ||
জগদ্ধেতুতযোত্কৃষ্টমমৃতং নাশবর্জিতম্ |
তত্ত্বজ্ঞানং বিনা লব্ধ্বাব্যাকৃতং পরিকীর্তিতম্ || ২৬৭ ||
অব্যাকৃতাদ্বিমুচ্যন্তে জ্ঞানিনো দেহপাততঃ |

তত্কাল এবেত্যর্থঃ |

অজ্ঞানিনস্তু প্রলযে দেহবন্ধেএ গতেঽপি চ || ২৬৮ ||
অজ্ঞানান্ন হি মুচ্যন্তে মুচ্যন্তে জ্ঞানিনস্তদা |
দেহ্নং বিপাপ্মমিত্যাদ্যা ব্যাখাতাঃ পদ্যরূপতঃ || ২৬৯ ||
ন্যাযরত্নাবলীগ্রন্থ ইতি চাত্রোপরম্যতে |

   ইতি দশমোঽনুবাকঃ 1
——————————————————————————–

1ইতঃ পরমেকাদশাদ্বাদশানিবাকৌ ন বিদ্যতে |

আদিত্যো বা এষ এতন্মণ্ডলং তপতি তত্র তা ঋচস্তদৃচা
মণ্ডলঁ
স ঋচাং লোকোঽথ য এষ এতস্মিন্মণ্ডলেঽর্চির্দীপ্যতে তানি
সামানি স
সাম্নাং লোকোঽথ য এষ এতস্মিন্মণ্ডলেঽর্চিষি পুরুষস্তানি
যজূঁষি স যজুষা মণ্ডলঁ স যজুষাং লোকঃ
সৈষা ত্রয্যেব
বিদ্যা তপতি য এষোঽন্তরাদিত্যে হিরণ্মযঃ পুরুষঃ | 14

রবিবিম্বে পরেশস্যোপাসনং কথ্যতেঽধুন || ২৭০ ||
পূর্বানুবাকাভিহিতো যো নারাযণশব্দিতঃ |
স এব রবিরূপেণ বর্ততে পরমেশ্বরঃ || ২৭১ ||
দৃশমানং রবেরেতদ্বর্তুলাকারমণ্ডলম্ |
তেজঃপুঞ্জং তপত্যুষ্ণং তত্র তস্মিংশ্চ মণ্ডলে || ২৭২ ||
তাঃ প্রতিদ্ধা ঋচঃ সন্তি তত্তস্মাত্কারণাদৃচঃ |
নিষ্পাদিতং মণ্ডলং স্যাদৃচস্তন্মানিদেবতাঃ || ২৭৩ ||
তাসাং স বিম্বভাগোঽযং নিবাসঃ পরিকীর্তিতঃ |
ঋগাত্মকত্বং বিম্বস্য ধ্যাত্বাথ তদনন্তরম্ || ২৭৪ ||
যদেতন্মণ্ডলে তেজো ভাস্বরং সংপ্রকাশতে |
তানি তেজঃস্বরূপাণি সামানীতি বিচিন্তযেত্ || ২৭৫ ||
সোঽর্চির্ভাগো নিবাসঃ স্যাত্সান্নাং তদভিনালিনাম্ |
সামধ্যানান্তরং চ চিজ্তযেদ্যজুরাত্মকন্ || ২৭৬ || is chijta right??
— WK
শাস্ত্রপ্রসিদ্ধো দ্বাত্মা মণ্ডলেঽর্চিষি বর্ততে |
তন্নি দেবস্বরূপাণি যজূংষীতি বিচিন্তযেত্ || ২৭৭ ||
জযুরাত্মা স চ পুমান্যজুষা কৃতমণ্ডলম্ |
ইতি ধ্যাযেদ্যজুর্ভাগঃ স যজুর্দেবতালযঃ || ২৭৮ ||
যন্মণ্ডলং যদর্চিশ্চ তত্রত্যপুরুষশ্চ যঃ |
এতত্ত্রিতযরূপৈষা বিদ্যা ত্রয্যেব ভাসতে || ২৭৯ ||

ঋগ্যজুঃসামাত্মিকৈবেত্যর্থঃ |

অত্রোক্তো যঃ পুমানেষ রবিমণ্ডলমধ্যগঃ |
হিরণ্যমযোঽস্তি তত্ত্বং চ প্রসিদ্ধমিতরত্র হি || ২৮০ ||

হিরণ্মযত্বং চ শাখান্তরে প্রসিদ্ধমিত্যর্থঃ | “অথ য
এষোঽন্তরাদিত্যো হিরণ্মযঃ পুরুষো দৃশ্যতে “ইতি শ্রুতে
(ছন্দোগ্যে ১-৩-৩)

  ইতি ত্রযোদশোংউবাকঃ

আদিত্যো বৈ তেজ ওজো বলং যশশ্চক্ষুঃ শ্রোত্রমাত্মা মনো
মন্যুর্মনুর্মৃত্যুঃ
সত্যো মিত্রো বাযুরাকাশঃ প্রাণো লোকপালঃ কঃ কিং কং
তত্সত্যমন্নমমৃতো
জীবো বিশ্বঃ কতমঃ স্বযম্ভু ব্রহ্মৈতদমৃত এষ পুরুষ এষ
ভূতানামধিপতির্ব্রহ্মণঃ সাযুজ্যঁ
সলোকতামাপ্নোত্যেতাসামেব
দেবতানাঁ সাযুজ্যঁ সার্ষ্টিতাঁ
সমানলোকতামাপ্নোতি য এবং
বেদেত্যুপনিষত্ | 15.1

সর্বাত্মকত্বরূপং চ প্রাহোপাস্যগুণং রবেঃ |
উপাস্যত্বেন যঃ প্রোক্তঃ পূর্বমর্কঃ স এব চ || ২৮১ ||
তেজআদ্যধিপত্যন্তসমস্তজগদাত্মকঃ |
বলহেতুর্ভবেদোজো দেহশক্তির্বলং স্মৃতম্ || ২৮২ ||
আত্মা দেহো মনিশ্চত্তং মন্যুঃ ক্রোধঃ সমীরিতঃ |
মনুঃ স্বাযংভুবাদিঃ স্যান্মৃত্যুর্যম উদীরিতঃ || ২৮৩ ||
স্যুর্দেবতাবিশেষাসতু সত্যাদ্যাস্তে চ সংস্ফুটাঃ |
কঃ প্রজাপতিরিত্যুক্তঃ কিংশব্দেন তদুচ্যতে || ২৮৪ ||
বাচা বিশেষতো বক্তুমযোগ্যং বস্তু যদ্ভবেত্ |
কং সুখং তত্পরোক্ষং স্যাত্সত্যং ত্বনৃইতবর্জতম্ || ২৮৫ ||
অন্নং ব্রীহ্যাদিরাযুস্তু শতংসবত্সরাদিকম্ |
অমৃতো মৃতিহীনঃ স্যাচ্চিদাত্মা জীব উচ্যতে || ২৮৬ ||
স চ দেহবিভেদেন বিশ্বো নানাবিধঃ স্মৃতঃ |
অতীব সুখরূপোঽযং কতমঃ পরিকীর্তিতঃ || ২৮৭ ||
অনুত্পন্নঃ স্বযংভুঃ স্যাচ্ছান্দসং তু স্বযং ত্বিতি |
প্রজাপালকরাজাদিঃ প্রজাপতিরিতীরিতঃ || ২৮৮ |
ইতিঃ প্রদর্শনার্থঃ স্যাদিত্যাদিসকলস্য চ |
আদিত্যজত্বাদাদিত্যঃ সংবত্সর উদীরিতঃ || ২৮৯ ||
য এষ পুরুষঃ সর্বঃ স এব প্রাণিনামপি |
ভবত্যদিপতিঃ স্বামীত্যেবং মন্ত্রার্থ ঈরিতঃ || ২৯০ ||

সর্বঃ সর্বাত্মক ইত্যর্থঃ |

উক্ত্বোপাস্যগুণানেবং ফলমত্র প্রদর্শ্যতে |
উপাস্তে যঃ পুমানেব স সাযুজ্যাদ্যবাপ্নুযাত্ || ২৯১ ||
হিরণ্যগর্ভোপাস্তিশ্চ তদঙ্গানামুপসনম্ |
ইত্যুপাস্তির্দ্বিধাদ্যে চ ভাবনতিশযে সতি || ২৯২ ||
হিরণ্যগর্ভসাযুজ্যং তাদ্রূপ্যং প্রতিপদ্যতে |
ভাবনামন্দতাযাং চ তত্সালোক্যং সমশ্নুতে || ২৯৩ ||
দ্বিতীযে ভাবনাধিক্যে দেবসাযুজ্যমশ্নুতে
ভাবনামধ্যতাযাং ব্হ সমানৈশ্চর্যমশ্নুতে || ২৯৪ ||
তন্মান্দ্যে চ সলোকত্বমিন্দ্রাদীনাং প্রপদ্যতে |
এবং রহস্যবিদ্যোক্তা সমাপ্তিমগমচ্ছুভা || ২৯৫ ||

  ইতি চতুর্দশোংউবাকঃ

ঘৃণিঃ সূর্য আদিত্যোমর্চযন্তি তপঃ সত্যং মধু ক্ষরন্তি
তদ্ব্রহ্ম তদাপ
আপো জ্যোতী রসোঽমৃতং ব্রহ্ম ভূর্ভুবঃ সুবরোম্ | 15.2

ঘৃণির্দীপ্তিযুতঃ সূর্যঃ সূর্য ইত্যভিধানবান্ |
আদিত্য অদিতেঃ পুত্রঃ সোঽহমস্মি তথাবিধম্ || ২৯৬ ||

ওমিত্যস্যার্থাহ —– সোঽহমিতি | তথাবিধমাদিত্যমিত্যন্বযঃ |

আদিত্যং পুরুষাঃ সর্বে.প্যর্চযন্তি ফলার্থিনঃ |
তমাদিত্যং সমুদ্দিশ্য তপঃ কুর্বন্তি সাধবঃ || ২৯৭ ||
সমর্পযন্তি নৈবেদ্যং মধুক্ষীরাদিকং বুধাঃ |
তদাদিত্যাত্মকং বস্তু বেদো বা ব্রহ্ম বা পরম্ || ২৯৮ ||

পরং ব্রহ্মেত্যন্বযঃ |

আদিত্যরূপং তচ্চাপো বৃষ্টিনিষ্পাদকত্বতঃ |
যাঃ সমুদ্রাদিগা আপো যজ্জ্যোতির্দহনাদিকম্ || ২৯৯ ||
মধুরাদিরসো যশ্চ যত্সুধাসম্জ্ঞকামৃতম্ |
যদ্ব্রহ্মন্নজাতং চ যে চ ভূরাদযস্ত্রযঃ || ৩০০ ||

লোকা ইতি শেষঃ
আদিত্যরূপং তত্সর্বমোমিত্যর্থঃ প্রকীর্তিতঃ |

  ইতি পঞ্চদশোঽনুবাকঃ
——————————————————————————–

সর্বো বৈ রুদ্রস্তস্মৈ রুদ্রায নমো অস্তু | পুরুষো বৈ রুদ্রঃ
সন্মহো নমো নমঃ |
বিশ্বং ভূতং ভুবনং চিত্রং বহুধা জাতং জাযমানং চ
যত্ |
সর্বো হ্যেষ রুদ্রস্তস্মৈ রুদ্রায নমো অস্তু || 24

রুদ্রঃ প্রসিদ্ধো গৌরীশঃ সর্বঃ সর্বাত্মকঃ স্মৃতঃ || ৩০১ ||
জীবরূপেণ দেহেষু সমস্তেষু প্রবেশতঃ |

সর্বাত্মকত্বে হেতুমাহ —-জীবেতি |

মনোঽস্তু তস্মৈ রুদ্রায সর্বরূপায শংভবে || ৩০২ ||
যশ্চিদাত্মাস্তি পুরুষো বিনাশ্য প্রকৃতিং জডাম্ |
স ভক্তানুগ্রগাযৈব রুদ্রমূর্ত্যাবভাসতে || ৩০৩ ||
সন্মহোঽবাধিতং তেজঃ সদেবেত্যাদিকশ্রুতেঃ |
অবাধ্যস্বপ্রকাশায নতিরস্তু পুনঃ পুনঃ || ৩০৪ ||
যজ্জডং বিশ্বমস্তীদং যদ্ভূতং চেতনাত্মকম্ |
ইত্থং চিদচিদাত্মত্বাচ্চিত্রং যদ্ভুবনং জগত্ || ৩০৫ ||
তত্রাপি যজ্জগজ্জাতং জাযমানং চ যজ্জগত্ |
স সর্বোঽপি প্রপঞ্চোঽযমেষ রুদ্রো হি বস্তুতঃ || ৩০৬ ||
ন নিরূপযিতুং শক্যং তদ্ধি তদ্ব্যতিরেকতঃ |
তস্মৈ রুদ্রায মহতে নমোঽস্তু সকলাত্মনে || ৩০৭ ||

  ইতি ষোডশোঽনুবাকঃ
——————————————————————————–

কদ্রুদ্রায প্রচেতসে মীঢুষ্টমায তব্যসে | বোচেম
শংতমঁ হৃদে |
সর্বোহ্যেষ রুদ্রস্তস্মৈ রুদ্রায নমো অস্তু || 25

শ্লাঘার্থকত্থধাতূত্থং প্রশংসামাহ কত্পদম্ |
ততঃ প্রশস্তসুদ্রায কদ্রুদ্রায প্রচেতসে || ৩০৮ ||
প্রকটজ্ঞানযুক্তায কমসেক্তৃতমায চ |
কামপ্রদায স্তব্যায স্তোতুং যোগ্যায তব্যসে || ৩০৯ ||
হৃদে হৃদযবর্তিত্বাত্তদ্রূপায চ শংতমম্ |
বচঃ সুখতমং স্তোত্রং কথযাম মহেশ্বর || ৩১০ ||
সর্বো হীত্যাদিকং বাক্যং ব্যাখ্যাতং পূর্বমেব হি |

  ইতি সপ্তদশোঽনুবাকঃ
——————————————————————————–

নমো হিরণ্যবাহবে হিরণ্যবর্ণায হিরণ্যরূপায হিরণ্যপতযে.
অম্বিকাপতয উমাপতযে পশুপতযে নমো নমঃ | 22

অত্র বাহুপদং জ্ঞেযং সমস্তাঙ্গোপলক্ষণম্ || ৩১১ ||
সুবর্ণমযদেহায স্বভক্তানুজিঘৃক্ষযা |
জগন্মাতাম্বিক তস্যাঃ পতির্ভর্তা সমীরিতঃ || ৩১২ ||
ব্রহ্মবিদ্যাত্মকো দেহস্তস্যাশ্চোমাপদোদিতঃ |
তাদ্দৃশ্যাঃ স্বামিনে তস্মৈ নতিরস্তু পুনঃ পুনঃ || ৩১৩ ||
অনুবাকত্রযেণৈবং যে মন্ত্রাঃ পরিকীর্তিতাঃ |
তেষাং ত্বরিতরুদ্রাখ্যা প্রসিদ্ধা মন্ত্রকল্পতঃ || ৩১৪ ||

মন্ত্রকল্পেষ্বিত্যর্থঃ |

রুদ্রাধ্যাযজপে জপ্যাঃ কল্পেষু পরিকীর্তিতাঃ |

রুদ্রাধ্যাযজপশেষত্বেন বিনিযোগমাহ—–রুদ্রেতি |

  ইত্যষ্টদশোঽনুবাকঃ 1
——————————————————————————–

1ইতঃ পরং ষট্ত্রি.ম্শানুবাকপর্যন্তং ন বিবৃতম্ |

প্রাণানাং গ্রন্থিরসি রুদ্রো মা বিশান্তকস্-
তেনান্নেনাপ্যাযস্ব || 74, internet version splits after vishaantakaH

হৃদযস্পর্শমন্ত্রোঽযমধুনা পরিকীর্ত্যতে || ৩১৫ ||
বাযূনামিন্দ্রিযাণাং চ দৃঢগ্রন্থনসাধনম্ |
ভবতি ত্বমহংকার হৃদযস্থানসংস্থিতঃ || ৩১৬ ||
তবাভিমানী রুদ্রো যস্তদ্রূপস্ত্বং বিনাশকঃ |
দুঃখস্য ভূত্বা বিশ মাং প্রবিষ্টো মদ্বপুর্ভব || ৩১৭ ||
অন্নেন তেন ভুক্তেন মামাপ্যাযস্য বর্ধয |

ত্বং দুঃখস্য বিনাশকো ভূত্বেত্যন্বযঃ |

  ইতি সপ্তত্রিংশোঽনুবাকঃ
——————————————————————————–

অঙ্গুষ্ঠমাত্রঃ পুরুষোঽঙ্গুষ্ঠং চ সমাশ্রিতঃ |
ঈশঃ সর্বস্য জগতঃ প্রভুঃ প্রীণাতু বিশ্বভুক্ || 71

ক্ষুদাদিজন্যবিক্ষেপে প্রশান্তে সতি চেতসঃ || ৩১৮ ||
সব্সব্রূপানুসংধানে হেতুর্মন্ত্র উদীর্যতে |

চেতসো বিক্ষেপ ইত্যন্বযঃ

হৃত্পুণ্ডরীকমধ্যস্থং নভঃ স্বাঙ্গুষ্ঠমানকম্ || ৩১৯ ||
তত্রাবস্থিতবুদ্ধিশ্চ তাবতী পরিকীর্তিতা |
তদবচ্ছিন্নজীবশ্চ পুরুষোঽঙ্গুষ্ঠমানকঃ || ৩২০ ||
স্বীযজ্ঞানক্রিযাশক্ত্যা স চাঙ্গুষ্ঠং সমাশ্রিতঃ |
চকারান্মস্তকং তদ্বদেবং চাপাদমস্তকম্ || ৩২১ ||
ব্যাপীত্যর্থঃ স চোপাধিং বিনা বাস্তবরূপতঃ |
নিযন্তা সর্বজগতো বিশ্বভুক্ প্রভুরীশ্বরঃ || ৩২২ ||
অনেন ভুজনেনাযং প্রীতো ভবতি শাস্বতঃ |

 ইত্যষ্টত্রিংশোঽনুবাকঃ
——————————————————————————–
 
মেধাদেবী জুষমাণা
ন আগাদ্বিশ্বাচী ভদ্রা সুমনস্যমানা |
ত্বযা জুষ্টা জুষমাণা
দুরুক্তান্বৃহদ্বদেম বিদথে সুবীরাঃ || 41.1

জীবেশ্বরৈক্যজ্ঞানাপ্ত্যৈ মেধা দেবী প্রশস্যতে || ৩২৩ ||
গ্রন্থার্থধারণে শক্তির্মেধা তদভিমানিনী |
দেবী নঃ প্রীযমাণগাদাযাত্বস্মান্প্রতীশ্বরী || ৩২৪ ||
বিশ্বমঞ্চতি বিশ্বাচী সর্বসংগ্রহণক্ষমা |
অনুগ্রাহকমস্মাকমিচ্ছন্তী শোভনং মনঃ || ৩২৫ ||
ভদ্রাত এব কল্যাণী দেব্যাগচ্ছতু নঃ প্রতি |
ত্বযা জুষ্টা গৃহীতাস্তু বযং দেববহিঃস্থিতান্ || ৩২৬ ||
শ্রেযোবোরোধিনঃ শব্দানভযন্তঃ সুপুত্রকা |

গৃহীতাঃ,অনুগৃইতা ইত্যর্থঃ |

সুবীরাঃ সাধুশিষ্যাশ্চ বিদথেঽনুষ্ঠিতে সতি || ৩২৭ ||
যোগে বিশুদ্ধমনসো ব্রহ্ম যত্কথযাম তত্ |

ত্বযা জুষ্ট ঋষির্ভবতি দেবি
ত্বযা ব্রহ্মাগতশ্রীরুত ত্বযা |
ত্বযা জুষ্টশ্চিত্রং বিন্দতে বসু
সা নো জুষস্ব দ্রবিণেন মেধে || 41.2

ত্বযা দেবি গৃতোঽনো স্যাদতীন্দ্রিযদর্শনঃ || ৩২৮ ||
ত্বযা জুষ্টঃ পুমান্ব্রহ্মা ভবতীহ প্রজাপতিঃ |

অনুগৃহীত ইত্যন্বযঃ  |  ব্রহ্মা ;হিরণ্যগর্ভ ইত্যর্থঃ |

উতাপি চ ত্বযা জুষ্টঃ প্রাপ্তসংপদ্ভবত্যযম্ || ৩২৯ ||
অত এব ত্বযা জুষ্টো গোভূহেমাদিকং ধনম্ |
লভতে বিবিধং মেধে সা ত্বং স্বেন গৃহাণ নঃ || ৩৩০ ||

স্বেন ;ধনেনানুগৃহাণেত্যর্থঃ |

  ইত্যেকোনচত্বরিংশওঽনুবাকঃ
——————————————————————————–

মেধাং ম ইন্দ্রো দদাতু মেধাং internet version has meadhaa.nদেবী
সরস্বতী |
মেধাং মে অশ্বিনাবুভাবাধত্তাং পুষ্করস্রজা 42.1, internet version
has pushhkarasrajau|

মেধাং দদাতু মে শক্রো দত্তাং দেবী সরস্বতী |
উভাবপ্যশ্চিনৌ দেবৌ মহ্যং প্রযচ্ছতাম্ || ৩৩১ ||
পদ্মমালাসমাযুক্তৌ শিষ্টং স্পষ্টার্থমীরিতম্ |

  ইতি চত্বরিংশোঽনুবাকঃ
——————————————————————————–

অপ্সরাসু internet version has cha hereযা মেধা গন্ধর্বেষু চ
যন্মনঃ |
দৈবী মেধা সরস্বতী স মাং মেধা
সুরভির্জুষতা.ম্ 42.2, internet version has svaahaa here

যা মেধাস্তি সুরস্ত্রীষু গন্ধর্বেষু চ যন্মনঃ || ৩৩২ ||
মেধাত্মকং দেবনিষ্ঠা যা চ মেধা মনুষ্যজা |
মনুষ্যেষু বহুজ্ঞেষু স্থিতা সা সকলা চ মাম্ || ৩৩৩ ||
জুষতাং সেবতাং মেধা সর্বকামদুঘা সতী |

  ইত্যেকচত্বরিংশোঽনুবাকঃ
——————————————————————————–

আ মাং মেধা সুরভির্বিশ্বরূপা হিরণ্যবর্ণা জগতী জগম্যা |
ঊর্জস্বতী পযসা পিন্বমানা সা মাং মেধা সুপ্রতীকা
জুষতাম্ || 43

মামাগচ্ছতু মেধেতি ক্রিযাশ্যাহৃতিরিষ্যতে || ৩৩৪ ||
সুরভিঃ শুভগন্ধাড্যা যদ্বা কামদুঘা ভবেত্ |
ক্ষমত্বাহ্বহুবিদ্যাযা ধারণে বহুরূপিণী || ৩৩৫ ||
সর্বগত্বাজ্জগদ্রূপা জগম্যা পুরুষার্থিভিঃ |
ভৃশং গম্যা বলবতী ক্ষীরাদিকরসেন মাম্ || ৩৩৬ ||
পিন্বমানা প্রীণযন্তী সা তাদৃগ্গুণসংযুতা |
মেধা মাং সুসুখী ভূত্বা জুষতাং সেবতাং সদা || ৩৩৭ ||

ঊর্জস্বতীত্যস্যার্থো বলবতীতি |

  ইতি দ্বিচত্বরিংশোঽধ্যাযঃ

সদ্যোজাতং প্রপদ্যামি সদ্যোজাতায বৈ নমো নমঃ |
ভবে ভবে নাতিভবে ভবস্ব মাম্ | ভবোদ্ভবায নমঃ || 17

মেধাবিনো জ্ঞানসিদ্ধ্যৈ কথ্যন্তে মন্ত্রসত্তমা |
সদ্যোজাতাভিধং বক্ত্রং পশ্চিনং পরমেশিতুঃ || ৩৩৮ ||
তদ্রূপং পরমেশানং প্রপদ্যামি ভজাম্যহম্ |
নমোঽস্তু সদ্যোজাতায পশ্চিমাস্যস্বরূপিণে || ৩৩৯ ||
তত্তজ্জন্মনিমিত্তং মাং ন ভজস্ব ন চোদয |
কিং তর্হ্যতিভবে দেব জন্মাতিক্রমসিদ্ধযে || ৩৪০ ||
ভজস্ব তত্ত্বজ্ঞানায মাং প্রেরয মহেশ্বরঃ |

  ইতি ত্রিচত্বরিংশোঽধ্যাযঃ

বামদেবায নমো জ্যেষ্ঠায নমঃ  শ্রেষ্ঠায নমো রুদ্রায
নমঃ কালায নমঃ কলবিকরণায নমো বলবিকরণায নমো
বলায নমো বলপ্রমথায নমঃ সর্বভূতদমনায নমো
মনোন্মনায নমঃ || 18

উদগ্বক্ত্রাত্মকো জ্ঞেযো বামদেবঃ প্রকীর্তিতঃ || ৩৪১ ||
তদ্বিগ্রহবিশেষাঃ স্যুরেতে জ্যেষ্ঠদিনামকাঃ |
বামদেব্যাদিশক্তীনাং নবানাং শিবপীঠকে || ৩৪২ ||
পতযো নব তেভ্যোঽপি নমস্কারোঽস্তু নিত্যশঃ |

  ইতি চতুশ্চত্বরিংশোঽধ্যাযঃ

অঘোরেভ্যোঽথ ঘোরেভ্যো ঘোরঘোরতরেভ্যঃ | সর্বতঃ শর্ব
সর্বেভ্যো নমস্তে অস্তু রুদ্ররূপেভ্যঃ || 19

অঘোরণামকো দেবো দক্ষিণাস্যাত্মকঃ শিবঃ || ৩৪৩ ||
তদ্বিগ্রহা অঘোরাঃ স্যুঃ প্রশান্তাঃ সাত্বিকত্বতঃ |
অন্যে তু রাজসত্বেন ঘোরাঃ স্যুরপরে পুনঃ || ৩৪৪ ||
ঘোরাদপি ঘোরতরাস্তামসত্বেন হেতুনা |
হে শর্ব রুদ্ররূপেভ্য এব চ || ৩৪৫ ||
সর্বতঃ সর্বদেশেষু সর্বদা নতিরস্তু নঃ |

  ইতি পঞ্চচত্বরিংশোঽধ্যাযঃ

তত্পুরুষায বিদ্মহে মহাদেবায ধীমহি | তন্নো রুদ্রঃ
প্রচোদযাত্ || 20

অত্র তত্পুরুষো নাম প্রাগ্বক্ত্রাত্মক ঈরিতঃ || ৩৪৬ ||
দ্বিতীযার্থে চতুর্থী স্যাত্তাদৃশং বিদ্মহে শিবম্ |
গুরুশাস্ত্রমুখাজ্জ্ঞাত্বা মহাদেবং চ ধীমহি || ৩৪৭ ||
ধ্যাযেম তস্মাদ্রুদ্রো নঃ প্রেরযত্বাত্মসংবিদে |

  ইতি ষড্চত্বরিংশোঽনুবাকঃ
——————————————————————————–

ঈশানঃ সর্ববিদ্যানামীশ্বরঃ সর্বভূতানাং
ব্রহ্মাধিপতির্ব্রহ্মণোঽধিপতির্ব্রহ্মা শিবো মে অস্তু সদা শিবোম্ 21

ঊর্ধববক্ত্রো মহাদেবো বেদশাস্ত্রাদিকাশ্চ যাঃ || ৩৪৮ ||
চতুঃষষ্টিকলাস্তাসামীশানঃ স্যান্নিযামকঃ |
ঈশবরঃ সর্বভূতানাং নিযন্তা সর্বদেহিনাম্ || ৩৪৯ ||
বেদস্যাপ্যধিকত্বেন পালকো ব্রহ্মণস্তথা |
প্রজাপতেরধিপতির্ব্রহ্মাখ্যঃ পরমেশ্বরঃ || ৩৫০ ||
শিবো মমানুগ্রহায শান্তো ভবতু সর্বদা |
সদাশিবোং স এবাহং ভবামি পরমেশ্বাহ্ || ৩৫১ ||

ওম্ ;অহং ভবামীত্যর্থঃ

  ইতি সপ্তচত্বরিংশোঽধ্যাযঃ

ইত্থং পঞ্চ ব্রহ্মমন্ত্রাঃ পঞ্চবক্ত্রনিরূপকাঃ |
তত্ত্বধীহেতবঃ প্রোক্তাস্তজ্জ্ঞানপ্রতিবন্ধকম্ || ৩৫২ ||
ব্রহ্মহত্যাদি যত্পাপং তদ্বিনাশনহেতবঃ |
ত্রিসুপর্ণাভিদা মন্ত্রা বক্ষ্যন্তে বোধসিদ্ধযে || ৩৫৩ ||

ব্রহ্মমেতু মাম্ | মধুমেতু মাম্ | ব্রহ্মমেব মধুমেতু মাম্ |
যাস্তে সোম প্রজা বত্সোঽভি সো অহম্ | দুঃষ্বপ্নহন্ দুরুষ্ষহ |
যাস্তে সোম প্রাণাঁস্তাঞ্জুহোমি |
ত্রিসুপর্ণমযাচিতং ব্রাহ্মণায দদ্যাত্ | ব্রহ্মহত্যাং বা
এতে ঘ্নন্তি | যে ব্রাহ্মণাস্ত্রিসুপর্ণং পঠন্তি | তে সোমং প্রাপ্নুবন্তি |
আ সহস্রাত্ পঙ্ক্তিং পুনন্তি | ওম্ || 38

মামেতু পরমং ব্রহ্ম মধু মাধুর্যসংযুতম্ |
পরমানন্দরূপং যন্মামবাপ্নোতু বস্তু তত্ || ৩৫৪ ||
অত্যন্তমর্থভেদোঽস্তি ন ব্রহ্মমধুশব্দযোঃ |
অখণ্ডৈকরসং বস্তু মামেতু প্রতিপদ্যতাম্ || ৩৫৫ ||

ব্রহ্মমেবেত্যাদিবাক্যস্যার্তাহ — অত্যন্তমিত্যাদিনা |

যাস্ত্যুমা ব্রহ্মবিদ্যাখ্যা তদ্যুক্ত পরমেশ্বর |
তব দেবমনুষ্যাদ্যাঃ প্রজা যাঃ সন্তি তা অপি || ৩৫৬ ||
সিঽহং বত্সো বালকঃ স্যাং তাসাং মধ্যে হি বালবত্ |
অহং ত্বত্করণাযোগ্যস্তস্মাত্সংসারঘাতক || ৩৫৭ ||
দুঃখং বিনাশযাত্যন্তং হে সোম পরমেশ্বর |

শ্রুতৌ অভীতি ;অভিলক্ষ্যেত্যর্থঃ | দুরুষ্বহ ;
দুঃখমুত্কর্ষেণাভিভব |
বর্ণবিকারশ্ছান্দসঃ | তদিদমাহ —- দুঃখং বিনাশযাত্যন্তমিতি |

তে প্রাণবৃত্তযো যাঃ স্যুস্তদীযাস্ত্বত্কৃতত্বতঃ || ৩৫৮ ||
জুহোমি ত্বযি তান্ প্রাণান্মনো বাগাদযো হি মে |
ত্বযা বিনির্মিতত্বেন ত্বদীযা এব তানতঃ || ৩৫৯ ||
ত্বয্যেব সংহরামীশ বিষযেভ্যো নিরুশ্য তান্ |
ত্বদেকচিত্তো ভূযাসং তথৈবানুগৃহাণ মাম্ || ৩৬০ ||
ত্রিসুপর্ণস্য মন্ত্রস্য মাহাত্ম্যং ব্রহ্মণোদিতম্ |
নাপৃষ্টঃ কস্যচিদ্  ব্রূযাদিতি শাস্ত্রানুসারতঃ || ৩৬১ ||
কৃতাযাং শিষ্যযাচ্ঞাযাং পশ্চাদ্বিদ্যোপদিশ্যতে |
ইমং তু ত্রিসুপর্ণাখ্যং মন্ত্রং যাচ্ঞাং বিনৈব চ || ৩৬২ ||
বিপ্রাযোপদিশেত্তেন হ্যুপদেশেন যে দ্বিজাঃ |
ত্রিসুপর্ণং জপন্ত্যেতে ঘ্নন্তি ব্রহ্মবধং দ্বিজাঃ || ৩৬৩ ||
ততঃ পাপেন রহিতাঃ সোমযোগং ব্রজন্তি তে |
উমাসহিতমীশানং প্রাপ্নুবন্তীতি কিংচন || ৩৬৪ ||
যস্যাং পঙ্ক্তৌ ব্রাহ্মণানামুপবিষ্টা ভবন্তি তাম্ |
সহস্রদ্বিজপর্যন্তাং পঙ্ক্তিং শুদ্ধাং প্রকুর্বতে || ৩৬৫ ||
তস্মাদোং প্রণবার্থোঽস্য পরমাত্মৈব দেবতা
ত্রিসুপর্ণাখ্যমন্ত্রস্যেত্যেবং মন্ত্রার্থ ঈরিতঃ || ৩৬৬||

ব্রহ্ম মেধযা | মধু মেধযা | ব্রহ্মমেব মধুমেধযা |
অদ্যানো দেব সবিতঃ প্রজাবত্সাবীঃ সৌভগম্ | পরা
দুঃষ্বপ্নিযঁ সুব | বিশ্বানি দেব সবিতর্দুরিতানি
পরাসুব | যদ্ভদ্রং তন্ম internet version says tanmamaআসুব
মধুবাতা ঋতাযতে মধুক্ষরন্তি সিন্ধবঃ | মাধ্বীর্নঃ
সন্ত্বোষধীঃ | মধু নক্তমুতোষসি মধুমত্পার্থিবঁ
রজঃ | মধুদ্যৌরস্তু নঃ পিতা | মধুমান্নো বনস্পতির্মধুমাঁ
অস্তু সূর্যঃ | মাধ্বীর্গাবো ভবন্তু নঃ |
য ইমং ত্রিসুপর্ণমযাচিতং ব্রাহ্মণায দদ্যাত্ |
ভ্রূণহত্যাং বা এতে ঘ্নন্তি  |
যে ব্রাহ্মণাস্ত্রিসুপর্ণং পঠন্তি | তে সোমং প্রাপ্নুবন্তি | আ
সহস্রাত্পঙ্ক্তিং পুনন্তি | ওম্ || 39

গুরূপদিষ্টবাক্যস্য তদর্থস্য চ ধারণে |
স্জক্তির্মেধা তযা ব্রহ্ম লভ্যতাং পরমেশ্বরঃ || ৩৬৭ ||
মধ্বিত্যাদিকবাক্যস্য ব্যাখ্যানং পূর্ববদ্ভবেত্ |
অদ্যেত্যাদ্যা ঋচঃ পঞ্চ ব্যাখ্যাতাঃ পূর্বমেব চ || ৩৬৮ ||

পুর্বমেব ;অণোরণূযানিত্যনুবাক ইত্যর্থঃ |

বধো ব্রাহ্মণগর্ভস্য রাজগর্ভস্য বা ভবেত্ |
ব্রূণহত্যাবশিষ্টং তু যথাপূর্বং বিবুধ্যতাম্ || ৩৬৯ ||

  ইত্যেকোনপঞ্চশোঽনুবাকঃ
——————————————————————————–
  
ব্রহ্ম মেধবা | মধু মেধবা | ব্রহ্মমেব মধু মেধবা |
ব্রহ্মা দেবানাং পদবীঃ কবীনামৃষির্বিপ্রাণাং
মহিষো মৃগাণাম্ |
শ্যেনো গৃদ্ধাণাঁ স্বধিতির্বনানাঁ
সোমঃ পবিত্রমত্যেতি
রেভন্ internet version says rebhat.h||
হঁসঃ শুচিষদ্বসুরন্তরিক্ষসদ্ধোতা
বেদিষদতিথির্দুরোণসত্ |
নৃষদ্বরসদৃতসদ্ব্যোমসদব্জা
গোজা ঋতজা অদ্রিজা ঋতং বৃহত্ || 40.1, 2, 3

য ইমং internet version says idaMত্রিসুপর্ণমযাচিতং ব্রাহ্মণায
দদ্যাত্ |
বীরহত্যাং বা এতে ঘ্নন্তি |
যে ব্রাহ্মণাস্ত্রিসুপর্ণং পঠন্তি | তে সোমং প্রাপ্নুবন্তি |
আসহস্রাত্ পঙ্ক্তিং পুনন্তি | ওম্ || 40.6

মেধশব্দিতযজ্ঞোঽস্যাস্তীতি মেধবদুচ্যতে |
যজ্ঞাদিজন্যজ্ঞানস্য ব্রহ্মণো বিষযত্বতঃ || ৩৭০ ||
ব্রহ্ম মেধবদিত্যেতজ্জ্ঞেযং শেষং তু পূর্ববত্ |
ব্রহ্মেত্যাদি যদৃগ্দ্বন্দ্বং তদপি ব্যাকৃতং পুরা || ৩৭১ ||
বেদশাস্ত্রপরিজ্ঞাতা তদনুষ্ঠানতত্পরঃ |
বিপ্রোঽভিষিক্তো রাজা বা বীরোঽন্যত্পূর্ববদ্ভবেত্ || ৩৭২ ||
ব্রহ্মহত্যাদিদোষ যে ব্রহ্মধীপ্রতিবন্ধকাঃ |
ত্রিসুপর্ণাখ্যমন্ত্রাঃ স্যুস্তন্মহাপাতকান্তকাঃ || ৩৭৩ ||
বিপ্রমাত্রবধস্তত্র ব্রহ্মহত্যা ততোঽধিকা |
ভ্রূণহত্যা বীরহত্যা তস্যা অপ্যধিকা স্মৃতা || ৩৭৪ ||
ত্রিসুপর্ণাখ্যমন্ত্রাণাং যাবজ্জীবযপান্নৃণাম্ |
অপ্যেতাদৃশপাপানাং বিনিবৃত্তির্ভবেদ্ ধ্রুবম্ || ৩৭৫ ||
সুরাপানাদিপাপানাং নিবৃত্তিরিতি কা কথা |

পাপানাম্ ;পাতকানামিত্যর্থঃ |

  ইতি পঞ্চাশোঽনুবাকঃ 1
——————————————————————————–

1ইতঃ পরমেকষষ্টিতমানুবাকপর্যন্তং ন বিবৃতম্ |

2সত্যং পরং পরঁ সত্যঁ সত্যেন ন সুবর্গাল্লোহাচ্চ্যবন্তে
কদাচন সতাঁ হি সত্যং তস্মাত্সত্যে রমন্তে 78.1

নরস্য জ্ঞানযোগ্যস্য মহাপাপাদিশতঃ || ৩৭৬ ||
পরমেত্কৃষ্টতাং বক্তুং ন্যাসস্য জ্ঞানহেতুষু |
সত্যাদ্যেকাদশোত্কৃষ্টা বক্তব্যা জ্ঞানহেতবঃ || ৩৭৭ ||

নরস্য বক্তব্যা ইত্যন্বযঃ | প্রতিযোগিত্বেনেতি শেষঃ |

2যদ্যপীত আরভ্য ‘ন্যাস এবাত্যরেচযদ্য এবং
বেদেত্যুপনিষত্’
ইত্যন্তমেকং বাক্যং,তথাপি বিবৃতসৌকর্যায খণ্ডশো বিভয্জ
নির্দিষ্টম্ |

প্রথমং সাধনং তত্র সত্যমত্র নিরূপ্যতে |
যথাদৃষ্টং প্রমাণেন তথোক্তিঃ সত্যমুচ্যতে || ৩৭৮ ||
পুমর্থহেতুষূত্কৃষ্টং পরং তচ্চ প্রকীর্তিতম্ |
তত্রাদরার্থং ভূযশ্চ পরং সত্যমিতীরিতম্ || ৩৭৯ ||
যদ্বা যথা পরং ব্রহ্মাবাধ্যং সত্যমিদং তথা |
ব্যাবহারিকবাধস্য রাহিত্যেন প্রকৃষ্টতাম্ || ৩৮০ ||
বিবক্ষিত্বা পরং সত্যমিতি দৃষ্টান্ততঃ স্মৃতম্ |
যাবজ্জীবং যথার্থোক্ত্যা স্বর্গলোকাত্কদাচন || ৩৮১ ||
ন প্রচ্যুতাঃ স্যুরন্যে তু স্বর্গং প্রাপ্যাপি পুণ্যতঃ |
অনৃতপ্রোক্তিদোষেণাননুভূযৈব কর্মণঃ || ৩৮২ ||
ফলং পূর্নতযা স্বর্গাচ্চ্যবন্তেঽনৃতবাদিনঃ |
যথার্থবচনং যস্মাত্সতাং সন্মার্গবর্তিনাম্ || ৩৮৩ ||
সংবন্ধি তস্মাত্কেচিত্তু সতামিদমিতি শ্রুতেঃ |

শ্রুতেঃ ;ব্যুত্পত্তেরিত্যর্থঃ |

উত্কৃষ্টহেতুর্মোক্ষস্য সত্যোক্তিরিতি বাদিনঃ || ৩৮৪ ||
সত্যে রমন্তে ক্রীডন্তে তস্মিন্নেব মনীষিণঃ |

ইতি বাদিনঃ কেচিন্মনীষিণঃ তস্মিন্নেব সত্যে রমন্ত ইত্যন্বযঃ |
মোক্ষস্যেতি ;মোক্ষহেতুজ্ঞানস্য হেতুরিত্যর্থঃ | এবমগ্রেঽপি |

তপ ইতি তপো নানশনাত্পরং যদ্ধি পরং তপস্তদ্
দুর্ধর্ষং তদ্ দুরাধষ তস্মাত্তপসি রমন্তে 78.2

একং মতং কীর্তযিত্বা দ্বিতীযং মতমুচ্যতে || ৩৮৫ ||
তপঃ পরং মোক্ষহেতুরিতি কেচিত্প্রচক্ষতে |
তীর্থযাত্রাজপাদীনি তপাংস্যন্যানি ভূরিশঃ || ৩৮৬ ||
তথাপ্যনশনং তেষু সমস্তেষু পরং ভবেত্ |
উপবাসাদনশনান্ন পরং বিদ্যতে তপঃ || ৩৮৭ ||
কৃচ্ছ্রাদিকং যত্তপোঽস্তি তত্সোঢুং শক্যমেব ন |
অত এব দুরাধর্ষমাসমন্তাচ্ছরীরিণাম্ || ৩৮৮ ||
তস্য সোঢুমশক্যত্বং সর্বেষামনুভূযতে |
তস্মাত্কেচিদ্রমন্তেঽস্মিন্ কৃচ্ছ্রচান্দ্রাযণদিকে || ৩৮৯ ||

তস্য ;তপস ইত্যর্থঃ |

দম ইতি নিযতং ব্রহ্মচারিণস্তস্মাদ্দমে রমন্তে 78.3

দমো বাহ্যেন্দ্রিযাণাং স্যাদ্বিষযেভ্যো নিবর্ততম্ |
স এব মুক্তিহেতুঃ স্যাদিতি নৈষ্ঠকবর্ণিনঃ || ৩৯০ ||
মন্যন্তে সর্বদা তস্মাদ্রমন্তে দম এব তে |

শম ইত্যরণ্যে মুনস্তমাচ্ছমে রমন্তে 78.4

ক্রোধাদিদোষরাহিত্যং মনসঃ  শম উচ্যতে || ৩৯১ ||
স এব মুক্তিহেতুঃ স্যাদিত্যরণ্যনিবাসিনঃ |
মন্যন্তে মুনযস্তস্মাদ্রমন্তে শম এব তে || ৩৯২ ||

দানমিতি সর্বাণি ভূতানি প্রশঁসন্তি দানান্নাতিদুষ্করং
তস্মাদ্দানে রমন্তে 78.5

স্বীযানাং ভূগবাদীনাং শাস্ত্রপ্রোক্তেন বর্ত্মনা |
স্বস্বস্য ত্যাগপূর্বং যত্পরস্বত্বপ্রসঞ্জনম্ || ৩৯৩ ||
তদ্দানমেব পরমং মত্বা মোক্ষস্য সাধনম্ |
স্তুবন্তি সকলা দানাদত্যন্তং নাস্তি দুষ্করম্ || ৩৯৪ ||
দৃশ্যন্তে ধনরক্ষার্থং ত্যজন্তোঽসূনপি প্রিযান্ |
তস্মাদ্গোভূহিরণ্যাদের্দানে সক্তিং প্রকুর্বতে || ৩৯৫ ||

ধর্ম ইতি ধর্মেণ সর্বমিদং পরিগৃহীতং
ধর্মান্নাতিদুশ্চরং তস্মাদ্ধর্মে রমন্তে 78.6

স্মৃত্ত্যাদ্যুক্তং তটাকাদের্নির্মাণং ধর্ম উচ্যতে |
স এব মুক্তিহেতুঃ স্যাদিতি রাজাদযো নরাঃ || ৩৯৬ ||
মন্যন্তে তেন ধর্মেণ গৃহীতং সকলং জগত্ |
তুষ্যন্তি স্নানপানাদ্যৈর্নরপক্ষিমৃগাদযঃ || ৩৯৭ ||
নৈবাস্তি দুশ্চরং তস্মাত্প্রভবোঽস্মিন্ রতাস্ততঃ |

প্রজন ইতি ভূযাঁসস্তস্মাত্ ভূযিষ্ঠাঃ প্রজাযন্তে তস্মাত্
ভূযিষ্ঠাঃ প্রজননে রমন্তে 78.7

প্রজনং তনযাদীনামুত্পাদনমিতীর্যতে || ৩৯৮ |
তস্যৈবোত্তমহেতুত্বং মন্যন্তে বহবো জনাঃ |
দরিদ্রৈর্ধনিকৈঃ শিষ্টৈরশিষ্টৈশ্চ প্রবৃত্তিতঃ || ৩৯৯ ||

প্রবৃত্তিতঃ ;পুত্রাদ্যুত্পাদন ইতি শেষঃ |

তস্মাদেকৈকলোকস্য যাজন্তে বহবঃ প্রজাঃ
তস্মাত্রমন্তে বহবঃ পুত্রাদ্যুত্পাদনে নরাঃ || ৪০০ ||

অগ্নয ইত্যাহ তস্মাদগ্নয আধাতব্যা 78.8

অগ্নযো গার্হপত্যাদ্যাঃ পরমা মুক্তিহেতবঃ |
ইত্যাহ বৈদিকঃ কশ্চিত্তস্মাদ্ধেতোর্গৃহস্থিতৈঃ || ৪০১ ||
অগ্নযো গার্হপত্যাদ্যা আধাতব্যা ভবন্তি তে |

বৈদিকঃ ,বেদার্থপরঃ | গৃহস্থিতৈঃ ;গৃহস্থৈরিত্যর্থঃ |

অগ্নিহোত্রমিত্যাহ তস্মাদগ্নিহোত্রে রমন্তে 78.9

আহিতেঽগ্নাবনুষ্ঠেযো হোমঃ স্যাদগ্নিহোত্রকম্ || ৪০২ ||
তদুত্তমং মুক্তিহেতুরিতি কশ্চন বৈদিকঃ |
আহ তস্মাদগ্নিহোত্রে সমন্তে গৃহিণঃ সদা || ৪০৩ ||

যজ্ঞ ইতি যজ্ঞেন হি দেবা দিবং গতাস্তস্মাদ্যজ্ঞে রমন্তে 78.10

জ্যোতিষ্টামাদিকো যজ্ঞঃ পরমো মোক্ষসাধনম্ |
ইতি কেচন মন্যন্তে বেদার্থাসক্তমানসাঃ || ৪০৪ ||
যস্মাদাধুনিকা দেবাঃ পূর্বনুষ্ঠিতযজ্ঞতঃ |
স্বর্গলোকং জগাস্তস্মাদ্যজ্ঞে কেচিদ্ বুধা রতাঃ || ৪০৫ ||

মানসমিতি বিদ্বাঁসস্তস্মাদ্বিদ্বাঁস এব মানসে রমন্তে 78.11

বিদ্বাংসঃ সগুণজ্ঞাঃ স্যুর্মনঃসাধ্যং তু মানসম্ |
উপাসনং পরং হেতুরিত্যেতে মেনিরে বুধাঃ || ৪০৬ ||

বুধাঃ ;সগুণব্রহ্মবিদ ইত্যর্থঃ |

তস্মাত্মানস এবৈকে সমাসক্তা মনীষিণঃ |
বৈদিকোপাস্তিভাগস্য তাত্পর্যজ্ঞানশালিনঃ || ৪০৭ ||

ন্যাস ইতি ব্রহ্মা ব্রহ্মা হি পরঃ পরো হি ব্রহ্মা তানি বা
এতান্যবরাণি তপাঁসি ন্যাস এবাত্যরেচযত্ 78.12

বৈধানাং কর্মণাং ত্যাগো বিধিনা ন্যাস উচ্যতে |
ন্যাস এবোত্তমো মুক্তের্হেতুঃ স্যাদিতি মন্যতে || ৪০৮ ||
ব্রহ্মা হিরণ্যগর্ভোঽযং স ব্রহ্মা পর এব হি |
ন তু জীবো যথা ততন্মতজ্ঞৈঃ প্রাক্ সমীরিতঃ || ৪০৯ ||
যদ্যপ্যসৌ দেহধারী তথাপি পর এব হি |
তত্সমানজ্ঞানবত্ত্বাত্তচ্ছিষ্যত্বেন হেতুনা || ৪১০ ||
সত্যাদীনি তপাংস্যেব নিকৃষ্টানি তথাপ্যতঃ |

তথাপি ন্যাসান্নিকৃষ্টা ইত্যর্থঃ |

সংযাস এব সর্বাণি তান্যতিক্রান্তবানযম্ || ৪১১ ||
আধিক্যতারতম্যং চ তত্র বিশ্রান্তমিষ্যতে |

য এবং বেদেত্যুপনিষত্

উপসংহরতীদানীমুক্তমুত্তমসাধনম্ || ৪১২ ||
সর্বেভ্যঃ সাধন্বেভ্যশ্চ সংযাসস্য প্রকৃষ্টতাম্ |
যো বেদ তস্য বিদুষ ইত্যেবং পরিকীর্তিতা || ৪১৩ ||
বিদ্যা রহস্যরূপা স্যাদিত্যর্থঃ সদ্ভিরীরিতঃ |

  ইতি দ্বিষষ্টতমোঽনুবাকঃ
——————————————————————————–

প্রাজাপত্যো হারুণিঃ সুপর্ণেযঃ প্রজাপতিং পিতরমুপসসার কিং
ভগবন্তঃ পরমং বদন্তীতি তস্মৈ প্রোবাচ 79.1

প্রাগুক্তমোক্ষহেত্বর্থমুপপাদযিতুং শ্রুতিঃ || ৪১৪ ||
আখ্যাযিকাং প্রবক্তযেষা গুরুশিষ্যোক্তিগর্ভিণীম্ |
আরুণ্যাখ্যঃ সুপর্ণাযাস্তনযশ্চ প্রজাপতেঃ || ৪১৫ ||
গুরূপসদনং চক্রে পপ্রচ্ছ তদনন্তরম্ |
পূজ্যা মরর্ষযো মুক্তেঃ সাধনেষ্বহ্কিলেষু চ || ৪১৬ ||
কিমুত্কৃষ্টং বদন্তীতি তস্মৈ গুরুরুবাচ সঃ |

সত্যেন বাযুরাবাতি সত্যেনাদিত্যো রোচতে দিবি সত্যং বাচঃ
প্রতিষ্ঠা সত্যে সর্বং প্রতিষ্ঠিতং তস্মাত্সত্যং পরমং
বদন্তি 79.2

সাধনেষু তদুক্তেষু প্রথমং বক্তি সাধনম্ || ৪১৭ ||
যোঽন্তরিক্ষেঽধুনা বাতি স বাযুঃ পূর্বজন্মনি |
হরঃ সন্সত্যবাদিত্বং পরিপাল্যৈব সত্যতঃ || ৪১৮ ||
সংপ্রাপ্য বাযুদেবত্বং লোকানুগ্রহবাঞ্ছযা |
সদা চরতি সূর্যোঽপি পূর্বানুষ্ঠিতসত্যতঃ || ৪১৯ ||
দিবি প্রকাশতে সত্যং প্রতিষ্ঠা বাচ উচ্যতে |
বাচোক্তমনৃতং ত্বন্যৈর্নিরাক্রিযত ইত্যতঃ || ৪২০ ||
প্রতিষ্ঠা ন হি বাচঃ স্যাত্সত্যে সর্বং প্রতিষ্ঠিতম্ |
সমস্তব্যবহারোঽপি সত্যবাচি প্রতিষ্ঠিতঃ || ৪২১ ||
তস্মাত্কেচিত্সত্যমেব প্রকৃষ্টং সাধনং জগুঃ |

অতিঽনৃতং ন হি বাচঃ প্রতিষ্ঠেত্যন্বযঃ |

তপসা দেবা দেবতামগ্র আযন্ তপসার্ষযঃ সুবরন্ববিন্দন্
তপসা সপত্নান্প্রণুদামারাতীস্তপসি সর্বং প্রতিষ্ঠিতং
তস্মাত্তপঃ পরমং বদন্তি 79.3

তত্রাসংতুষ্টতাং দৃষ্ট্বা দ্বিতীযং সাধনম্ || ৪২২ ||

মুখবিকাসরাহিত্যলক্ষনমপরিতোষমারুণের্দৃষ্ট্বেত্যর্থঃ |

দেবা দেবত্বমধুনা সংপ্রাপ্তাঃ পূর্বজন্মনি |
অনুষ্ঠিতেন তপসা কৃচ্ছ্রচান্দ্রাযণাদিনা || ৪২৩ ||
পূর্বার্জিতেন তপসা স্বর্গং প্রাপ্তা মহর্ষযঃ |
বযং চ তপসা শত্রূন্ দ্রব্যলাভবিরোধিনঃ || ৪২৪ ||
নরাংশ্চাত্র নিরাকুর্মঃ সমস্তং তপসি স্থিতম্ |
তস্মাদ্বদন্ত্যনশনং পরমং মোক্ষসাধনম্ || ৪২৫ ||

তপসেতি ;অভিচর্ররূপতপসেত্যর্থঃ |

দমেন দান্তাঃ কিল্বিষমবধূন্বন্তি দমেন ব্রহ্মচারিণঃ
সুবরগচ্ছন্ দমো ভূতানাং দুরাধর্ষং দমে সর্বং
প্রতিষ্ঠিতং তস্মাদ্দমঃ পরমং বদন্তি 79.4

পূর্বত্রাপরিতোষেণ সাধনান্তরমুচ্যতে |
দুঃশকং সর্বতঃ সোঢুং দুরাধর্ষং দমো ভবেত্ || ৪২৬ ||
অপেক্ষতং ফলং সর্বং দম এব পরিষ্ঠিতম্ |

শমেন শান্তাঃ শিবমাচরন্তি শমেন নাকং মুনযোঽন্ববিন্দন্
শমো ভূতানাং দুরাধর্ষং শমে সর্বং প্রতিষ্ঠিতং
তস্মাচ্ছমঃ পরমং বদন্তি 79.5

ক্রিধাদিরহিতাশ্চিত্তে পুমর্থং প্রাপ্নুযুর্নরাঃ || ৪২৭ ||
শমেন স্বর্গমগমন্নারদাদ্যা মুনীশ্বরাঃ |

দানং যজ্ঞানাং বরূথং দক্ষিণা লোকে দাতারঁ
সর্বভূতান্যুপজীবন্তি দানেনারাতীরপানুদন্ত দানেন
দ্বিষন্তো মিত্রা ভবন্তি দানে সর্বং প্রতিষ্ঠিতং তস্মাদ্দানং
পরমং বদন্তি 79.6

গোহিরণ্যাদিদানং স্যাদ্যজ্ঞানাং দক্ষিণা ততঃ || ৪২৮ ||
শ্রেষ্ঠং লোকেঽপি দাতারং বেদশাস্ত্রবিদো জনাঃ |
মূঢাশ্চৈবোপজীবন্তি ভটনাং ধনদানতঃ || ৪২৯ ||
নৃপাঃ শত্রূন্নিরাচক্রুঃ প্রবলা যে দ্বিষন্তি তে |
ধনদানেন সংতুষ্টা ভবন্তি সুহৃদো জনাহ্ || ৪৩০ ||

ধর্মো বিশ্বস্য জগতঃ প্রতিষ্ঠা লোকে ধর্মিষ্ঠ প্রজা
উপসর্পন্তি ধর্মেণ পাপমপনুদতি ধর্মে সর্বং প্রতিষ্ঠিতং
তস্মাদ্ধর্মং পরমং বদন্তি 79.7

তটাকাদিকনির্মাণং ধর্ম ইত্যেবমীরিতম্ |
স সর্বপ্রাণিজাতস্য প্রতিষ্ঠা শ্রেয উচ্যতে || ৪৩১ ||
উপজীবন্তি ধর্মিষ্ঠং লোকে সর্বাঃ প্রজা নরাঃ |
ধর্মাধর্মবিবেকার্থমুপগচ্ছন্তি সর্বশঃ || ৪৩২ ||
প্রাযশ্চিত্তেন ধর্মেণ নাশযন্তি চ কিল্বিষম্ |

প্রজননং বৈ প্রতিষ্ঠা লোকে সাধু প্রজাযাস্তন্তুং তন্বানঃ
পিতৃণামনুণো ভবতি  তদেব তস্যানৃণং তস্মাত্ প্রজননং
পরমং বদন্তি 79.8

পুত্রোত্পাদনমেবেদং প্রতিষ্ঠা গৃহিনাং ভবেত্ || ৪৩৩ ||
গৃহকৃত্যস্য নির্বোঢা পুত্র এব ন হীতরঃ |
জয্যো মনুষ্যলোকোঽযং পুত্রেণৈবেতি হি শ্রুতিঃ || ৪৩৪ ||
পুত্রপৌত্রাদিরূপা স্যাত্প্রজা তস্যাঃ পরংপরাম্ |
যথাশাস্ত্রং বিতন্বানঃ পিতৄণামনৃণো ভবেত্ || ৪৩৫ ||
ঋণং তদীযংপুত্রেণ সম্যক্প্রত্যর্পিতং ভবেত্ |
পুত্রোত্পাদনমেব স্যাদৃণাপাকরণং পিতুঃ || ৪৩৬ ||

অগ্নযো বৈ ত্রযী বিদ্যা দেবযানঃ পন্থা গার্হপত্য ঋক্
পৃথিবী রথন্তরমন্বাহার্যপচনঃ যজুরন্তরিক্ষং
বামদেব্যমাহবনীযঃ সাম সুবর্গো লোকো বৃহত্তস্মাদগ্নীন্
পরমং বদন্তি 79.9

ত্রযোঽগ্নযস্ত্রযী বিদ্যা বেদৈকবিহিতত্বতঃ |
বেদত্রযোক্তকর্মাণি যানি তত্সাধনত্বতঃ || ৪৩৭ ||
দেবত্বপ্ত্রপকো মার্গো যাগদ্বারেণ কীর্তিতঃ |
কিংচাযং গার্হপত্যোঽগ্নির্ ঋগ্বেদাত্মক ঈরিতঃ || ৪৩৮ ||
original has agnir Rgveda with full vocalic R, but ITRANS changes it into
the half-form
পৃথ্বীলোকস্বরূপশ্চ যদ্রথন্তরসাম তত্ |

সামেতি ; সামাত্মক ইত্যর্থঃ |

দক্ষিনাগ্নির্জযুর্বেদশ্চান্তরিক্ষাত্মকঃ স্মৃতঃ || ৪৩৯ ||
মানদেবাখ্যসমাত্মা ভবতীতি প্রশস্যতে |
সামদেবঃ স্বর্গলোকো বৃহত্সামেতি যত্ ত্রযম্ || ৪৪০ ||
তদাত্মাহবনীযঃ স্যাদিত্যসৌ চ প্রশস্যতে |

অগ্নিহোত্রঁ সাযং প্রাতর্গৃহাণাং নিষ্কৃতিঃ স্বিষ্টঁ
সুহুতং যজ্ঞক্রতূনাং প্রাযণঁ সুবর্গস্য লোকস্য
জ্যোতিস্তস্মাদগ্নিহোত্রং পরমং বদন্তি 79.10

অগ্নিহোত্রং কৃতং সাযং প্রাতশ্চ গৃহনিষ্কৃতিঃ || ৪৪১ ||
অগ্নিহোত্রস্য বিরহে ক্ষুধিতোঽগ্নির্গৃহান্দহেত্ |
ত্রযসাধনমূল্যং তু নিষ্কৃতিঃ পরিকীর্ত্যতে || ৪৪২ ||
যাগো দ্রব্যপরিত্যাগো দেবমুদ্দিশ্য কীর্তিতঃ |
তত্তদ্দ্রব্যস্য দহনে প্রক্ষেপো হোম উচ্যতে || ৪৪৩ ||
যজ্ঞানং চ ক্রতূনাং চ প্রাতম্ভকমিদং স্মৃতম্ |
অত এবাগ্নিহোত্রং স্যাত্স্বর্গলোকপ্রকাশকম্ || ৪৪৪ ||

অগ্ন্যাধেযমগ্নিহোত্রং দর্শপূর্ণমাসাবাগ্রযণং চাতুর্মাস্যানি
নিরূঢপশুবন্ধঃ
সৌত্রামাণি চেতি সপ্ত হবির্যজ্ঞাঃ | ক্রতুশব্দো যূপবস্তু সোমযাগেষু
রূঢঃ |
অগ্নিষ্টোমোঽত্যগ্নিষ্টোম উক্থ্যঃ ষোডশী
বাযপেয্ঽতিরাত্রোঽপ্তোর্যামশ্চেতি সপ্ত
সোমসংস্থাঃ ক্রতবঃ |

যজ্ঞ ইতি যজ্ঞো হি দেবানাং যজ্ঞেন হি দেবা দিবং গতা
যজ্ঞেনাসুরানপানুদন্ত যজ্ঞেন দ্বিষন্তো মিত্রা ভবন্তি যজ্ঞে
সর্বং প্রতিষ্ঠিতং তস্মাদ্যজ্ঞং পরমং বদন্তি 79.11

উত্তমং সাধনং যজ্ঞ ইতি কেচিত্প্রচক্ষতে |
যজ্ঞঃ প্রিযো হি দেবানাং তে হি দেবা দিবং গতাঃ || ৪৪৫ ||
পূর্বানুষ্ঠিতযজ্ঞেন স্বর্গলোকং প্রপেদিরে |
জ্যোতিষ্টোমেন যজ্ঞেন সর্বকামাপ্তিহেতুনা || ৪৪৬ ||
দ্বিষত্প্রশান্তিকামস্য নিত্রাঃ স্যুর্দ্বেষকারিণঃ |

মানসং বৈ প্রাজাপত্যং পবিত্রং মানসেন মনসা সাধু
পশ্যতি ঋষযঃ প্রজা অসৃজন্ত মানসে সর্বং প্রতিষ্ঠিতং
তস্মান্মানসং পরমং বদন্তি 79.12

প্রাজাপত্যপদপ্রাপ্তেঃ সাধনং স্যাদুপাসনম্ || ৪৪৭ ||
অত এব পবিত্রং স্যাচ্ছুদ্ধিহেতুত্বকারণাত্ |
উপসনেন যুক্তং যত্তেনৈলাগ্রেণ চেতসা || ৪৪৮ ||
সাক্ষাত্করোতি যোগীশঃ সম্যগ্ব্যবহিতাদিকম্ |
অতীতানাগতং তচ্চ যোগশাস্ত্রে প্রপঞ্চিতম্ || ৪৪৯ ||
একাগ্রমনসা যুক্তা বিশ্বামিত্রাদযঃ প্রজা |
বহ্বিঃ সংকল্পমাত্রেণ সৃষ্টন্তো মহর্ষযঃ || ৪৫০ ||

ন্যাস ইত্যাহুর্মনীষিণো ব্রহ্মাণম্ 79.13 part one

যো মোক্ষহেতুঃ সংন্যাস ইত্যুক্তস্তং মহর্ষযহ্ |
হিরণ্যগর্ভমেবাহুঃ সুধিযঃ স্মৃতিকারিণঃ || ৪৫১ ||
সংন্যাসাদ্ব্রহ্মণঃ স্থানমিতি হি স্মর্যতে বুধেঃ |
তত্প্রাপ্তেরন্তরঙ্গত্বাদস্য তদ্রূপতোদিতা || ৪৫২ ||

অন্তরঙ্গত্বাদিতি ; অন্তরঙ্গসাধনত্বাদিত্যর্থঃ |

ব্রহ্মা বিশ্বঃ কতমঃ স্বযম্ভূঃ প্রজাপতিঃ সংবত্সর ইতি 79.13 part
two

স্তোতুং তমেব সংন্যাসং তত্সংপ্রাপ্যং প্রপঞ্চ্যতে |

তত্ ; হিরণ্যগর্ভস্বরূপমিত্যর্থঃ |

হিরণ্যগর্ভো বিশ্বঃ স্যাত্সমস্তজগদাত্মকঃ || ৪৫৩ ||
অতীব সুখরূপশ্চ মাত্রাদিরহিতত্বতঃ |
স্যাযমেব সনুত্পন্নঃ প্রজানাং পরিপালকহ্ || ৪৫৪ ||
কালাত্মা চেতিশব্দস্তু প্রদর্শনপরঃ স্মৃতঃ |
ইত্যাদিসর্বরূপত্বমুন্নেযমিতি মন্যতাম্ || ৪৫৫ ||

সংবত্সরোঽসাবাদিত্যো য এষ আদিত্যে পুরুষঃ স পরমেষ্ঠী
ব্রহ্মাত্মা 79.14

সংবত্সরস্য মাহাত্ম্যং সূত্রাঙ্গস্য প্রদর্শ্যতে |
ভূস্তস্য প্রকৃস্য ন্যাসস্য স্তুতযেঽধুন || ৪৫৬ ||

সূত্রেতি ; হিরণ্যগর্ভাবযবস্ত্যেত্যর্থঃ |

যোঽযং সংবত্সরঃ কালঃ সোঽসাবাদিত্য এব হি |
আদিত্যগমনাবৃত্ত্যা তস্য সংপাদিতত্বতঃ || ৪৫৭ ||
আদিত্যমণ্ডলে যোঽযং পুরুষো বর্ততে স চ |
হিরণ্যগর্ভরূপঃ স্যান্মণ্ডলদ্বারতো হ্যযম্ || ৪৫৮ ||
হিরণ্যগর্ভঃ প্রাপ্যহ্ স্যাত্স ব্রহ্ম পরমং ভবেত্ |
তথৈব প্রত্যগাত্মা স্যাদিত্যর্থঃ পরিকীর্তিতঃ || ৪৫৯ ||

যাভিরাদিত্যস্তপতি রশ্মিভিস্তাভিঃ পর্জন্যো বর্ষতি
পর্জন্যেনৌষধিবনস্পতযঃ প্রজাযন্ত ওষধিবনস্পতিভিরন্নং
ভবত্যন্নেন প্রাণাঃ প্রাণৈর্বলং বলেন তপস্তপসা শ্রদ্ধা
শ্রদ্ধযা মেধা মেধযা মনীষা মনীষযা মনো মনসা
শান্তিঃ শান্ত্যা চিত্তং চিত্তেন স্মৃতিঃ স্মৃত্যা স্মারঁ
স্মারেণ বিজ্ঞানং বিজ্ঞানেনাত্মানং বেদযতি তস্মাদন্নং
দদন্সর্বাণ্যেতানি দদাত্যন্নাত্প্রাণা ভবন্তি ভূতানাং
প্রাণৈর্মনো মনসশ্চ বিজ্ঞানং বিজ্ঞানাদানন্দো ব্রহ্মযোনিঃ 79.15

সংবত্সরং প্রশস্যৈবং সূর্যাদিদ্বারতস্ততঃ |
সমস্তব্যবহারায মণ্ডলদ্বারতো রবেহ্ || ৪৬০ ||
হেতুত্বেন স এবাযং হাযনোঽত্র প্রশস্যতে |

স এবাযং সংবত্সরঃ আদিত্যমণ্ডলদ্বারা
সর্বব্যবহারহেতুতযা স্তূযত ইত্যর্থঃ |

যাভিরুষ্ণস্বরূপাভিরর্কস্তপতি রশ্মিভিঃ || ৪৬১ ||
তাভির্ভূজলমাদায মেঘো ভূত্বা প্রবর্ষতি |
ব্রীহ্যাদিরোষধির্জ্ঞেযা পনসাদির্বনস্পতিঃ || ৪৬২ ||
ব্রীহ্যাদিভির্ভবেদ্ভোজ্যং প্রাণাস্তৃপ্যন্তি ভোজ্যতঃ |
প্রাণৈর্দেহবলং তেন তপঃ কৃচ্ছ্রাদিলক্ষণম্ || ৪৬৩ ||
তপসা শুদ্ধচিত্তস্য শ্রদ্ধা ব্রহ্মাত্মবেদনে |
শ্রদ্ধযৈকাগ্রচিত্তস্য শক্তির্গ্রহ্থার্থধারণে || ৪৬৪ |
মেধযা তত্ত্ববুদ্দ্যাখ্যা মনীষা স্যান্মনীশযা |
মনোন্রন্তরত্বেন মননং জাযতে ততঃ || ৪৬৫ ||
ক্রোশাদ্যবসরাভাবাচ্ছন্তিঃ  শান্ত্যা প্রমানজম্ |
তত্ত্বজ্ঞানাভিধং চিত্তং তেন চিত্তেন সর্বদা || ৪৬৬ ||
নিদ্রাদিব্যবধানেঽপি লভতে তত্ত্বসংস্মৃতিম্ |
নিদ্রাদ্যনন্তরোত্থেন স্মরণেন নিরন্তরম্ || ৪৬৭ ||
স্মরাখ্যং লভতে তেন সংততজ্ঞানমশ্নুতে |

তেন ; স্মারপদাভিধেযেন নিরন্তরস্মরণেন

বিজ্ঞানেন পরাত্মানং সর্বদানুভবত্যযম্ || ৪৬৮ ||
যস্মাত্প্রাণাদিকদ্বারা ব্রহ্মানুভবহেতুতা |
অন্নস্যাতো দদদ্ধ্যন্নং দদাত্যেতানি সর্বশঃ || ৪৬৯ ||
সর্বপ্রদানরূপত্বমন্নদানস্য সংপ্রতি |
বিস্পষ্টযিতুমুক্তোঽর্থঃ পুনঃ সংক্ষিপ্য কীর্ত্যতে || ৪৭০ ||
অন্নাত্প্রাণা ভবন্তীতি বাক্যেনেত্যবগম্যতাম্ |
প্রাণাদিযনিতজ্ঞানাদানন্দঃ পর এব সন্ || ৪৭১ ||
ব্রহ্ম দেবান্তবেদ্যং স্যাদ্যোনিঃ সর্বস্য কারণম্ |
যদ্বা বেদস্য যোনিঃ স্যাত্তাদৃগ্রূপঃ স্বযং ভবেত্ || ৪৭২ ||

স বা এষ পুরুষঃ পঞ্চধা পঞ্চাত্মা যেন সর্বমিদং
প্রোতং পৃথিবী চান্তরিক্ষং চ দ্যৌশ্চ
দিশশ্চাবান্তরদিশাশ্চ স বৈ সর্বমিদং জগত্স
সভূতঁ স ভব্যং জিজ্ঞাসক্লৃপ্ত ঋতজা রযিষ্ঠাঃ
শ্রদ্ধা সত্যো মহস্বান্তমসোপরিষ্টাত্ 79.16 part one, internet
version says pahasvaan ..

স্তোতুং সংন্যাসমেবোক্তং তত্প্রাপ্তজ্ঞানসংস্তুতিঃ |
সংন্যাসপূর্বকং জ্ঞানং সংপাদযতি যো নাহ্ || ৪৭৩ ||

তদিতি ; তেন সংন্যাসেন প্রাপ্তং তত্ত্বজ্ঞানং যস্য
তস্য নরস্য স্তুতিঃ ক্রিযত ইত্যর্থঃ |

স এব সর্বরূপঃ সন্ পঞ্চাত্মা পঞ্চধা ভবেত্ |
পঞ্চবিংশতিরূপঃ স্যাদিত্যর্থঃ পরিকীর্তিতঃ || ৪৭৪ ||
শব্দাদিপঞ্চকং চৈব পৃথিব্যাদিকপঞ্চকম্ |
জ্ঞানকর্মেন্দ্রিযাণাং দ্বে তথা প্রাণাদিপঞ্চকম্ || ৪৭৫ ||
এতাবদ্বস্তুরূপঃ স্যাদ্যদ্বা পঞ্চাত্মভির্যুতঃ |
পঞ্চধা বর্ততে তচ্চ পুরাণে পরিকীর্তিতম্ || ৪৭৬ ||
ভূতাত্মা চেন্দ্রিযাত্মা ব্হ প্রধানাত্মা তথা ভবান্ |
আত্মা চ পরমাত্মা চ ত্বমেকঃ পঞ্চধা স্থিতঃ || ৪৭৭ ||

ইত্যুক্তমিত্যর্থঃ |

যেন ব্রহ্মস্বরূপেণ নরেণ সকলং জগত্ |
প্রুতং প্রকর্ষতঃ স্যূতং সূত্রে মণিগণা ইব || ৪৭৮ ||
পৃথবীত্যাদিনা সর্বং তদেব স্ফুটমুচ্যতে |
ব্যাপী স এব সকলে বর্তমানমিদং জগত্ || ৪৭৯ ||
তত্ত্ববিদ্যাতিরেকেণ তত্বদৃষ্ট্যা জগন্ন হি |
অতীতং চ স এবেসং ভব্যং ভাবি জগচ্চ সহ্ || ৪৮০ ||
দৃশ্যতে দেহরূপোঽযং জগদ্রূপো ন হীতি চেত্ |
জিজ্ঞাসযা বিচারেণ সর্বাত্মত্বেন নিশ্চিতঃ || ৪৮১ ||
ঋতং প্রামাণিকং জ্ঞানং জাতঃ সর্বাত্মকস্ততহ্ |

ততঃ ; জ্ঞানেনেত্যর্থঃ |

পূর্বক্ষেষ্বপাস্তেষু জিজ্ঞাসাসমযে পুনঃ || ৪৮২ ||
সিদ্ধান্তজ্ঞানতো জাতঃ সর্বাত্মা তত্ত্ববিন্নরঃ |
রযির্গুরূপদেশাখ্যং ধনং তত্রৈব তিষ্ঠতি || ৪৮৩ ||
ন তূপদেশশূন্যানাং তত্ ক্বচিত্প্রতিভাসতে |
ঈদৃশ্ক্স্বরূপজ্ঞানস্য শ্রদ্ধালভ্যত্বতঃ পুমান্ || ৪৮৪ ||
শ্রদ্ধৈব সত্যব্রহ্মাত্মা স্বপ্রকাশোঽত এব সঃ |
অজ্ঞানেন বিযুক্তত্বাত্তদুপর্যপি বর্ততে || ৪৮৫ ||

জ্ঞাত্বা তমেবং মনসা হৃদা চ ভূযো ন মৃত্যুমুপযাহি
বিদ্বান্ 79.16 part two

ন্যাসপূর্বজ্ঞানবন্তং শ্রুত্বাহ জ্ঞানসত্ফলম্ |
আরুণে ত্বং তমাত্মানং মনসা হৃদযাত্মনা || ৪৮৬ ||
হৃদা নিযমিতত্বএন হৃদেতি পরিকীর্ত্যতে |

হৃদা ; হৃত্পদ্মেনেত্যর্থহ্ |

এবমুক্তপ্রকারেণ সংন্যাসোত্তমহেতুতঃ || ৪৮৭ ||
জ্ঞাত্বা বিদ্বাঞ্জ্ঞানযুক্তঃ পুনর্মৃত্যুং ন চাপ্যুহি |
বর্তমানশরীরে চ জ্ঞানিনঃ পরিতে সতি || ৪৮৮ ||
জন্মাভাবাত্যুনর্মৃত্যুর্নাস্তীত্যর্থঃ প্রকীর্তিতঃ |

তস্মান্ন্যাসমেষাং তপসামতিরিক্তমাহুঃ 79.16 part three

বহু প্রশাস্তং সংন্যাসমুপসংহরতেঽধুনা || ৪৮৯ ||
ন্যাসো যতোঽন্তরঙ্গং স্যাত্সাধনং তত্ত্ববেদনে |
তস্মাত্সত্যাদিতপসাং ন্যাসং সন্তোঽধিকং জগুঃ || ৪৯০ ||

বসুরণ্বো বিভূরসি প্রাণে ত্বমসি সন্ধাতা ব্রহ্মন্ ত্বমসি
বিশ্বসৃত্তেজোদাস্ত্বমস্যগ্নেরসি বর্চোদাস্ত্বমসি সূর্যস্য
দ্যুম্নোদাস্ত্বমসি চন্দ্রমস উপযামগৃহীতোঽসি ব্রহ্মণে ত্বা
মহসে 79.17

ন্যাসোর্ধ্বং প্রণবেনাত্মসমাধির্যো বিধীযতে |
তস্মিন্ বিঘ্ননিবৃত্ত্যর্থং প্রাহান্তর্যামিসংস্তুতিম্ || ৪৯১ ||

আত্মেতি ; আত্মনি সমাধিরিত্যর্থঃ |

অনুগ্রহায মে ব্রহ্মন্নন্তর্যামিঞ্চগত্পতে |
বস্তুতত্ত্বোপদেষ্টাসি বসুরণ্যো বিভূরসি || ৪৯২ ||
বিবিধং জাযমানোঽসি বিরাডাদিকরূপতঃ |
প্রাণে বায্বাত্মকে জীবে ত্বং সংযোজযিতাসি চ || ৪৯৩ ||
বিশ্বসৃক্সকলব্যাপী ত্বমস্যগ্নেঃ প্রকাশদঃ |
দ্যুলোকবর্তিসূর্যস্য বর্চেদাস্ত্বং প্রকাশদঃ || ৪৯৪ ||
তথা চন্দ্রমসোঽসি ত্বং প্রকাশদ্রবিণপ্রদঃ |

প্রকাশেতি ; প্রকাশরূপধনপ্রদ ইত্যর্থঃ |

উপযামগৃহীতোঽসি সোমঃ সন্যাগভূমিষু || ৪৯৫ |
পৃথ্বী বা উপযামোঽযং শ্রুতিসংকীর্তিতত্বতঃ |
গৃহীতঃ সোমরূপঃ সন্মৃদ্দারুমযপাত্রতঃ || ৪৯৬ ||

শ্রুতীতি ; “উপাযামগৃহীতোঽসীত্যাহেযং বা উপযামঃ “
(তৈত্তিরীযসংহিতা ৬-৫-৮)ইত্যুক্ত ইত্যর্থঃ | তমেব স্পষ্টযতি —

ত্বামেবং সর্বকর্তারং মহসে ব্রহ্মণে ভযে |

ব্রহ্মাভিব্যক্তযে দেবং সংসেবে পরমেশ্বরম্ || ৪৯৭ ||

ওমিত্যাত্মানং যুঞ্জীত 79.18 part one

ঈশস্তুত্যা গতাঘস্য সমাধিস্তু বিধীযতে |
ত্রিমাত্রং কীর্তযংস্তারং সর্ববেদান্তনিশ্চিতম্ || ৪৯৮ ||
সমাসধ্যাত্পরাত্মানং স্বরূপত্বেন চেতসি |

অন্তর্যামিস্তুত্যা পরিহৃতবিঘ্নস্য সংন্যাসিন ইত্যর্থঃ |
নিশ্চিতং ; পরমাত্মানমিত্যন্বযঃ |

এতদ্বৈ মহোপনিষদং দেবানাং গুহ্যং 79.18 part two

সমাধিসাধনং তারং সংস্তৌতি সকলোত্তমম্ || ৪৯৯ ||
তারস্বরূপমেবেদং মহোপনিষদুচ্যতে |
যস্যোপনিষদো বন্দ্যো ভবন্তি প্রতিপাদিকাঃ || ৫০০ ||
মহোপনিষদেতত্স্যাত্সর্বে দেদা ইতি শ্রুতেহ্ |
দেবানাং বাসবদীনাং গুহ্যাং গোপ্যমিদং ভবেত্ || ৫০১ ||
শমাদিবর্জিতো যঃ স্যাত্তস্মৈ নোপদিশন্তি তে |

য এবং বেদ ব্রহ্মণো মহিমানমাপ্নোতি তস্মাদ্ব্রহ্মণো
মহিমানমিত্যুপনিষত্ 79.18 part three

এতদ্ত্সমাধিজন্যস্য জ্ঞানস্য ফলমুচ্যতে || ৫০২ ||
সংন্যাসানন্তরং যস্তু প্রণবেন পরাত্মনঃ |
সমাধিমাচরন্নেবং মহাবাক্যোক্তরীতিতঃ || ৫০৩ ||
ব্রহ্মতত্ত্বং বিজানাতি সোঽপরিচ্ছন্নবস্তুনঃ |
মহিমানমবাপ্নোতি তত্ত্ববিজ্ঞানতো হ্যযম্ || ৫০৪ ||
জীবত্বভ্রমনাশেন ব্রহ্মতাবির্ভবে সতি |
জীবন্মুক্তো ভবেদ্বিদ্বানিত্যস্যার্থঃ প্রকীর্তিতহ্ || ৫০৫ ||
প্রারব্ধস্য ক্ষযে ভোগাচ্ছরীরে পতিতে সতি |
তস্মাজ্জ্ঞানাদবিদ্যাযা লেশেনাপি বিবর্জিতম্ || ৫০৬ ||
মুখ্যং যদ্ব্রহ্ম তস্যৈব মহিনানং সমশ্নুতে |
বিদেহমুক্তো ভবতীত্যস্যার্থঃ পরিকীর্তিতঃ || ৫০৭ ||

ইত্যুপনিষত্ ||

সংন্যাসপূর্বিকাং বিদ্যামুপসংহরতেঽধুনা |
ইত্যেবং কথিতা বিদ্যা ভবত্যুপনিষন্মতা || ৫০৮ ||
রহস্যবিদ্যা ভবতীত্যেবমর্থঃ প্রকীর্তিতঃ  |

 ইতি ত্রিষষ্টিতমোঽনুবাকঃ
——————————————————————————–
 
জ্ঞানান্তরঙ্গহেতুত্বান্ন্যাসস্যৈবোক্তরীতিতঃ || ৫০৯ ||
স এব যুক্তো জিজ্ঞাসোর্ন তু কর্মেতি কীর্তিতম্ |
তর্হি সাক্ষাত্কৃতৌ কর্ম ক্রিযতামিতি শঙ্কতে || ৫১০ ||
তচ্চঙ্কাপরিহারায যাগুরূপত্বমুচ্যতে |
লৈকিকব্যবহারাণাং সর্বেষাং তত্ত্ববেদিনঃ || ৫১১ ||
যাগাধিকারশঙ্কাস্তি ন হি যাগস্য বিদ্যতে |
অতোঽগ্নিমানুবাকস্য পূর্বভোগেণ যোগিনঃ || ৫১২ ||
যাগদ্রব্যস্তযাঙ্গানি পট্যন্তে সকলান্যপি |

তস্যৈবং বিদুষো যজ্ঞস্যাত্মা যজমানঃ শ্রদ্ধা পত্নী
শরীরমিধ্মমুরো বেদির্লোমানি বর্হির্বেদঃ শিখা হৃদযং যূপঃ
কাম আজ্যং মন্যুঃ পশুস্তপোঽঅগ্নির্দমঃ শমযিতা দানং
দক্ষিণা বাগ্ঘোতা প্রাণ উদ্গাতা চক্ষুরধ্বর্যুর্মনো ব্রহ্মা
শ্রোত্রমগ্নীত্ 80.1 part one

তস্য সংন্যাসিনো ব্রহ্ম সাক্ষাত্কৃতবতঃ সতহ্ || ৫১৩ ||
জীবন্মুক্তস্য যো যজ্ঞস্তস্যাত্মা সাক্ষিলক্ষণঃ |
স এব যজমানঃ স্যাত্তত্স্বামিত্যেব হেতুনা || ৫১৪ ||
শ্রদ্ধাখ্যা চিত্তবৃত্তির্যা সা পত্নীত্যাদি যোজ্যতাম্ |
যো দমাখ্যঃ শমযিতা সর্বাশোপশমাবহঃ || ৫১৫ ||
চিত্তবৃত্তিবিশেষোঽস্তি স ভবেদত্র দক্ষিনা |

সর্বেতি ; সর্বেন্দ্রিযোপশমকারীত্যর্থঃ |

হোত্রাদিকস্বরূপত্বং বাগাদীনাং বিচিন্ত্যতাম্ || ৫১৬ ||

যাবদ্ধ্রিযতে সা দীক্ষা যদশ্নাতি
তদ্ধবির্যত্পিবতি তদস্য সোমপানং যদ্রমতে তদুপসদো
যত্সঞ্চরত্যুপবিশত্যুত্তিষ্ঠতে চ স প্রবর্গ্যো যন্মুখং
তদাহবনীযো যা ব্যাহৃতিরহুতির্যদস্য বিজ্ঞান তজ্জুহোতি
যত্সাযং প্রাতরত্তি তত্সমিধং যত্প্রাতর্মধ্যন্দিনঁ সাযং
চ তানি সবনানি 80.1 part two

জ্যোতিষ্টোমাঙ্গভূতা যা ক্রিযা তদ্রূপতোচ্যতে |
যোগিনো ব্যবহারস্য ত্বনুবাকান্যভাগতঃ || ৫১৭ ||

দ্বিতীযভাগমবতারযতি — জ্যোতিষ্টোমেতি | অন্যেতি ;
দ্বিতীযভোগেনত্বিত্যর্থহ্ |

ভোজনাকরণেনৈব যাবত্ক্ষুদ্ধার্তেঽমুনা |
সা দীক্ষাসংজ্ঞসংস্কারো ধৃতিরিত্যবগম্যতাম্ || ৫১৮ ||
হবিরাদিকরূপত্বং ভোজনাদের্বিবুধ্যতাম্ |

যে অহোরাত্রে তে দর্শপূর্ণমাসৌ
যেঽর্ধমাসাশ্চ মাসাশ্চ তে চাতুর্মাস্যানি য ঋতবস্তে
পশুবন্ধা যে সংবত্সরাশ্চ পরিবত্সরাশ্চ তেঽহর্গণাঃ
সর্ববেদসং বা এতত্সত্রং যন্মরণং তদবভৃথঃ 80.1 part three

অথো তৃতীযভোগেন জীবন্মুক্তস্য যোগিনহ্ || ৫১৯ ||
তত্তত্কালবিশেষেণ তত্তদ্যাগাত্মতোচ্যতে |

তৃতীযভাগমবতারযতি — অথো ইতি |

অত্র সংবত্সরাশ্চেতি শ্রূযমাণং or shruyamaaNaM? print unclear
চযোগতঃ || ৫২০ ||
সংবত্সরাশ্চেত্যেতাভ্যাং চকারাভ্যাং শ্রুতাবিহ |
স্যাদিদাবত্
 
সরাদীনাং ত্রযাণাং চ সমুচ্চযঃ || ৫২১ ||
প্রভবাদিষু চৈকৈকং পঞ্চকং যুগশব্দিতম্ |
সংবত্সরাদিসংজ্ঞেযং ক্রমাত্তস্মিন্মন্যুগে ভবেত্ || ৫২২ ||

তদুক্তং কালনির্ণযে—
“চান্দ্রাণাং ব্রহ্ববাদীনাং পঞ্চকে পঞ্চকে যুগে |
সংপরীদান্বিদিত্যেতচ্ছব্দপূর্বাস্তু বত্সরাঃ ||”ইতি |

যে দ্বিরাত্রাতিরাত্রাদ্যাস্ত এবাহর্গণা মতাঃ |
সর্বস্বদক্ষিণাকং স্যাত্সর্ববেদসশব্দতম্ || ৫২৩ ||
অহোরাত্রাদিকালেন সমস্তেনোপলক্ষিতম্ |
যদাযুর্যোগিনস্তস্মাদত্রৈতচ্ছব্দকীর্তিতম্ || ৫২৪ ||

এতদ্বৈ জরামর্যমগ্নিহোত্রঁসত্রং য এবং বিদ্বানুদগযনে প্রমীযতে
দেবানামেব মহিমানং গত্বাদিত্যস্য সাযুজ্যং গচ্ছত্যথ যো
দক্ষিণে প্রমীযতে পিতৃণামেব মহিমানং গত্বা চন্দ্রমসঃ
সাযুজ্যং গচ্ছত্যেতৌ বৈ সূর্যাচন্দ্রমসোর্মহিমানৌ ব্রাহ্মণো
বিদ্বানভিজযতি তস্মাদ্ ব্রহ্মণো মহিমানমিত্যুপনিষত্ 80.1 part
three

চতুর্থভাগেনৈতস্য সর্বযজ্ঞাত্মকং মুনিম্ || ৫২৫ ||
উপাসীনস্য মর্তস্য ক্রমমুক্তিরুদীর্যতে |

অনুবাকান্ত্যভাগমবতারযতি—-চতুর্থেতি |

যোগীশ্বরস্য চরিতং যজ্জরামরণাবধি || ৫২৬ ||
তদ্বেদোক্তোঽগ্নিহোত্রাদিসত্ত্রান্তাখিলকর্ম  হি |
ইত্যুপাসনশীলঃ সন্ মৃতঃ স্যাদুত্তরাযণে  || ৫২৭ ||
স দেবাতানামৈশ্বর্যং সংপ্রাপ্য ততনন্তরম্ |
ভাবনাতারতম্যেন রবেস্তাদাত্ম্যমশ্নুতে || ৫২৮ ||
অথোপাসনশীলো যো ম্রিযতে দক্ষিণাযনে  |
সোঽগ্নিষ্বাত্তাদিকৈশ্বর্যং প্রাপ্যৈতীন্দুসরূপতাম্ || ৫২৯ ||

এতীতি ; ইন্দুসাযুজ্যমেতীত্যর্থঃ |

মহিমানাবনুভবন্নেতীবাদিত্যসোমযোঃ |
বিদ্বান্হিরণ্যগর্ভং ব্হ তল্লোকস্থোপদেশতহ্ || ৫৩০

তল্লোকস্থেতি ; তল্লোকবাসিনাভুপদেশত ইত্যর্থঃ |

তত্সাক্ষাত্কৃতিরূপং চ জযং প্রাপ্নোত্যযং দ্বিজঃ |

তদিতি ; হিরণ্যগর্ভসাক্ষাত্কাররূপমিত্যর্থঃ |

তত্সাক্ষাত্কারতো বিপ্রস্তল্লোকস্থবপুঃক্ষযাত্ || ৫৩১ ||
তল্লোকং প্রাপ্য তত্রাস্য মহিমানং সমশ্নুতে |

শরীরপাতাদূর্ধ্বমিতি শেষঃ | তল্লোকম্ ; হিরণ্যগর্ভলোকমিত্যর্থঃ
|
অস্য ; হিরণ্যগর্ভস্যৈশ্বর্যম্ |

তত্রোত্পন্নাত্পরেশস্য সাক্ষাত্কারাত্স চ দ্বিজঃ || ৫৩২ ||
তল্লোকনাশাদূর্ধ্বং যত্সত্যজ্ঞানাদিলক্ষনম্ |
ব্রহ্ম তস্য মহত্ত্বাখ্যং মহিমানং সমশ্নুতে || ৫৩৩ ||
ইতীত্যনেন বিদ্যাযাস্তদ্ গ্রন্থস্যোপসংহৃতিহ্ |

তদ্ গ্রন্থস্যেতি ; তত্প্রতিপাদকগ্রন্থস্যেত্যর্থঃ |

তৈত্তিরীযেঽস্তি পুংবিশা তস্যৈবমিতি বাক্যতহ্ || ৫৩৪ ||
পুরুষো বেতি বাক্যেন শাখাযাং তাণ্ডিনামপি |
ভেদকস্যোপলম্ভেন স্ববোভিন্নৈব যুজ্যতে || ৫৩৫ ||
পুংযজ্ঞযোস্তাণ্ডিনাং হি সামানাধিকরণ্যগীঃ |
ন তথা তৈত্তিরীযে স্যাত্তত্র ষষ্ঠ্যোঃ শ্রুতত্বতহ্ || ৫৩৬ ||
সামানাধিকরণ্যে চ ষষ্ঠ্যোর্ব্যাহরিরেব হি |
বিদুষো যজমানত্বং যজ্ঞত্বং হি বিরুধ্যতে || ৫৩৭ ||

বিদুষো যো যজ্ঞস্তস্য যজ্ঞস্যাত্মেতি ব্যধিকরণে ষষ্ঠ্যৌ | অন্যথা
বিদ্বানেব যজ্ঞঃ ; স এব যজমান ইতি ব্যাহতিঃ স্যাত্ |
তাণ্ডিশাখাযাং
তু “পুরুষো বা ব যজ্ঞঃ “ইতি সামানাধিকরণ্যম্ |
অতো ভেদকোপলম্ভাদ্ভেদ ইত্যর্থঃ |

যদাত্মজযমানাদি শ্রুতং তত্তাণ্ডিনাং ন হি
আযুষস্ত্রিবিধস্যাপি সবনত্রযরূপতা || ৫৩৮ ||
ইত্যাদি তাণ্ডিনাং যত্তু ন হি তত্তৈত্তিরীযকে |
মরণাবভৃথত্বাদি কিংচিত্সাম্যপ্রবাধনাত্ || ৫৩৯ ||
বিদ্যযোর্ভেদ এবাতো ন্যায্যো নৈব ত্বভিন্নতা |
কিংচ নোপসসনমিদং তৈত্তিরীযে প্রকীর্তিতম্ || ৫৪০ ||
কিং তর্হি ব্রহ্মবিদ্যাযাঃ প্রশংসা পরিকীর্ত্যতে |
তস্মাদ্বিদ্যৈক্যশঙ্কাযা নাবকাশোঽস্তি কশ্চন || ৫৪১ ||
ক্রমমুক্তিফলং ত্বস্মিন্ননুবাকে প্রকীর্তিতম্ |
তত্ত্বজ্ঞসেবাসংভূতমিত্যশেষং চ মঙ্গলম্ || ৫৪২ ||

  ইতি চতুঃষষ্টিতমোঽনুবাকঃ
——————————————————————————–

বিদ্যারণ্যমুক্তিপ্রোক্তবৃহদ্ব্যাখ্যানুসারতহ্ |
পুরুষোত্তমতীর্থেন গ্রন্থবিস্তরভীতিতঃ || ৫৪৩ ||
যাজ্ঞিক্যাং কতিচিন্মন্ত্রা ব্যাখ্যাতাঃ পদ্যরূপতহ্ |
যথোপযোগমেবাত্র সংগ্রহেণ যথামপি || ৫৪৪ |
বিদ্যারণ্যৈঃ সমস্তেযং ব্যাখ্যাতা যাজ্ঞিকী শুভা |
আরম্ভ্য রুদ্রগাযত্রীং দ্রাবিডঃ পাঠ আদৃতঃ |
ততঃ পূর্বং তু তৈঃ সর্বে তত্তত্পাঠাঃ সমাদৃতাঃ || ৫৪৫ ||

ইতি
শ্রীমত্পরমহংসপরিব্রাজকাচার্যশ্রীশিবরামানন্দতীর্থশিষ্য –
শ্রীপুরুষোত্তমানন্দতীর্থবিরচিতং যাজ্ঞিক্যুপনিষদ্বিবরণং
সাপ্তম্ |