ব্রহ্ম

 .. ব্রহ্ম ..

ॐ শৌনকো হ চৈ মহাশালোঽঙ্গিরসং ভগবন্তং
পিপ্পলাদমপৃচ্ছত্ .  দিব্যে ব্রহ্মপুরে সংপ্রতিষ্টিতা
ভবন্তি কথং সৃজন্তি কস্যৈষ মহিমা বভূব যো
হ্মষে মহিমা বভূব ক এষঃ .

তস্মৈ স হোবাচ ব্রহ্মবিদ্যং বরিষ্ঠাম্ .  প্রাণো হ্যষে
আত্মা .  আত্মনো মহিমা বভুব দেবানামাযুঃ স দেবানাং
নিধনমনিধনং দিব্যে ব্রহ্মপুরে বিরজং নিষ্কলং
শুভ্রমক্ষরং যদ্ব্রহ্ম বিভাতি স নিযচ্ছতি
মঘুকররাজানং মাক্ষিকবদিতি . যথা মাক্ষীকৈকেন
তন্তুনা জালং বক্ষিপতি তেনাপকর্ষতি তথৈবৈষ প্রাণো
যদা যাতি সংসৃষ্টমাকৃষ্য . প্রাণদেবতাস্তাঃ সর্বা
নাড্যঃ . সুষ্বপে শ্যেনাকাশবদ্যথা খং শ্যেনমাশ্রিত্য
যাতি স্বমালযমেবং সুষুপ্তো ব্রূতে যথৈবৈষ দেবদত্তো
যষ্ট্যাঽপি তাড্যমানো ন যত্যেবমিষ্টাপূর্তৈঃ
শুভাশুভৈর্ন লিপ্যতে . যথা কুমারো নিষ্কাম
আনন্দমুপযাতি তথৈবৈষ দেবদত্তঃ স্বপ্ন আনন্দমভিযাতি
. বেদ এব পরং জ্যোতিঃ জ্যোতিষ্কামো জ্যোতিরানন্দযতে .
ভূযস্তেনৈব স্বপ্নায গচ্ছতি জলৌকাবত্ . যথা
জলৌকাঽগ্রমগ্রং নযত্যাত্মানং নযতি পরং সংধয .
যত্পরং নাপরং ত্যজতি স জাগ্রদভিধিযতে . যথৈবৈষ
কপালাষ্টকং সংনযতি . তমেব স্তন ইব লম্বতে
বেদদেবযোনঃ . যত্র জাগ্রতি শুভাশুভং নিরুক্তমস্য
দেবস্য স সংপ্রসারোঽন্থর্যামী খগঃ কর্কটকঃ পুষ্করঃ
পুরুষঃ গ্রাণো হিংসা পরাপরং ব্রহ্ম আত্মা দেবতা বেদযতি
. য এবং বেদ স পরং ব্রহ্ম ধং ক্ষেত্রজ্ঞমুপৈতি .. ১..

অথাস্য পুরুষস্য চত্বারি স্থানানি ভবন্তি
নাভির্হৃদযং কণ্ঠং ভূর্ধেতি . তত্র চতুষ্পাদং
ব্রহ্ম বিভাতি . জাগরিতং স্বপ্নং সুষুপ্তং তুরীযমিতি .
জাগরিতে ব্রহ্মা স্বপ্নে বিষ্ণুঃ সুষুপ্তৌ রুদ্রস্তুরীযং
পরমাক্ষরং আদিত্যশ্চ বিষ্ণুশ্চেশ্বরশ্চ স পুরুষঃ
স প্রাণঃ স জীবঃ সোঽগ্নিঃ সেশ্বরশ্চ জাগ্রত্তেষং মধ্যে
যত্পরং ব্রহ্ম বিভাতি . স্বযমমনস্কমশ্রোত্রমপাণিপাদং
জ্যোতির্বর্জিতং ন তত্র লোকা ন লোকা বেদা ন বেদা দেবা ন
দেবা যজ্ঞা ন যজ্ঞ মাতা ন মাতা পিতা ন পিতা স্নুষ ন
স্নুষ চাণ্ডালো ন চাণ্ডালঃ পৈল্কসো ন পৈল্কসঃ শ্রমণো ন
শ্রমণঃ পশবো ন পশবস্তাপসো ন তাপস ইত্যেকমেব
পরং ব্রহ্ম বিভাতি . হৃদ্যাকাশে তদ্বিজ্ঞানমাকাশং
তত্সুষিরমাকাশং তদ্বেদ্যং হৃদ্যাকাশং যস্মিন্নিদং
সংচরতি বচরতি যস্মিন্নিদং সর্বমোতং প্রোতং . সং
বিভোঃ প্রজা জ্ঞাযেরন্ . ন তত্র দেবা ঋষযঃ পিতর রিশতে
প্রতিবুদ্ধঃ সর্ববিদিতি .. ২..

হৃদিস্থা দেবথাঃ সর্বা হৃদি প্রাণাঃ প্রতিষ্ঠিতাঃ .
হৃদি প্রাণশ্চ জ্যোতিশ্চ ত্রিবৃত্সূত্রং চ যন্মহত্ ..

হৃদি চৈতন্যে তিষ্ঠতি যজ্ঞোপবীতং পরমং পবিত্রং
প্রজাপতের্যত্সহজং পুরস্তাত্ .
আযুষ্যমগ্রপং প্রতিমুঞ্চ শুভ্রং যজ্ঞোপবীতং বলমস্তু তেজঃ ..

সশিখং বপনং কৃত্বা বহিঃসূত্রং ত্যজেদ্বুধঃ .
যদক্ষরং পরং ব্রহ্ম তত্সূত্রমিতি ধারযেত্ ..

সূচনাত্সূত্রমিত্যাহুঃ সূত্রং নাম পরং পদম্ .
তত্সূত্রং বিদিতং যেন স বিপ্রো বেদপারগঃ ..

তেন সর্বমিদং প্রোতং সূত্রে মণিগণা ইব .
তত্সূত্রং ধারযেদ্যোগী যোগবিত্তত্ত্বদর্শিবান্ ..

বহিঃসূত্রং ত্যজেদ্বিদ্বান্যোগমুত্তমমাস্থিতঃ .
ব্রহ্মভাবমযং সূত্রং ধারযেদ্যঃ স চেতনঃ ..

ধারণাত্তস্য সূত্রস্য নোচ্ছিষ্ঠো নাশুচির্ভবেত্ .
সূত্রমন্তর্গতং যেষাং জ্ঞানযজ্ঞোপবীতিনাম্ ..

তে চৈ সূত্রবিদো লোকে তে চ যজ্ঞোপবীতিনঃ .
জ্ঞানশিখিনো জ্ঞাননিষ্ঠা জ্ঞানযজ্ঞোপবীতিহঃ ..

জ্ঞানমেব পরং তেষাং পবিত্রং জ্ঞানমুত্তমম্ .
অগ্নেরিব শিখা নান্যা যস্য জ্ঞানমযী শিখা ..
স শিখীত্যুচ্যতে বিদ্বানিতরে কেশধারিণঃ .. ৩..

কর্মণ্যধিকৃতা যে তু বৈদিকে ব্রাহ্মণাদযঃ .
তৈঃ সংধার্যমিদ সূত্রং ক্রিযাঙ্গং তদ্ধি বৈ স্মৃতম্ ..

শিখা জ্ঞানমযী যস্য উপবীতং চ তন্মযম্ .
ব্রাহ্মণ্যং সকলং তস্য ইতি ব্রহ্মবিদো বিদুঃ ..

ইদং যজ্ঞোপবীতং তু পবিত্রং যত্পরাযণম্ .
স বিদ্বান্যজ্ঞোপবীতী স্যাত্স যজ্ঞঃ স চ যজ্ঞবিত্ ..

একো দেবঃ সর্বভূতেষু গূঢঃ সর্বব্যাপী সর্বভূতান্তরাত্মা .
কর্মাধ্যক্ষঃ সর্বভূতাধিবাসঃ সাক্ষী চেতা কেবলো নির্গুণশ্চ ..

একো মনীষী নিষ্কিযাণাং বহূনামেকং সন্তং বহুধা যঃ করোতি .
তমাত্মানং যেঽনুপষ্যন্তি ধীরাস্তেষং শান্তিঃ শাশ্বতী নেতরেষাম্ ..

আত্মানমরণিং কৃত্বা প্রণবং চোত্তরারণিম্ .
ধ্যাননোর্মথনাভ্যাসাদ্দেবং পশ্যেন্নিগূঢবত্ ..

তিলেষু তৈলং দধিনীব সর্পিরাপঃ স্ত্রোতঃস্বরণীষু চান্নিঃ .
এবমাত্মাঽঽত্মনি গৃহ্মতেঽসৌ সত্যেনৈনং তপসা যোঽনুপশ্যতি ..

ঊর্ণনাভির্যথা তন্তূন্সৃজতে সংহরত্যপি .
জাগ্রত্স্বপ্নে তথা জীবো গচ্ছত্যাগচ্ছতে পুনঃ ..

পদ্মকোশপ্রতীকাশং সুষিরং চাপ্যধোমুখম্ .
হৃদযং তদ্বিজানীযাদ্বিশ্বস্যাঽঽযতনং মহত্ ..

নেত্রস্থং জাগ্রতং বিদ্যাত্কণ্ঠে স্বপ্নং বিনির্দিষেত্ .
সুষুপ্তং হৃদযস্থং তু তুরীযং মূর্ধ্নি সংস্থিতম্ ..

যদাত্মা প্রজ্ঞযাঽঽত্মানং সংধত্তে পরমাত্মনি .
তেন সংধ্যা ধ্যানমেব তস্মাত্সন্ধ্যাভিবন্দনম্ ..

নিরোদকাধ্যানসংধ্যা বাক্কাযক্লেশবর্জিতা .
সংধিনী সর্বভূতানাং সা সংধ্যা হ্যেকদণ্ডিনাম্ ..

যতো বাচো নিবর্তন্তে অপ্রাপ্য মনসা সহ .
আন্নন্দমেতজ্জীবস্য যং জ্ঞাত্বা মুচ্যতে বুধঃ ..

সর্বব্যাপিনমাত্মানং ক্ষীরে সর্প্রিবার্পিতম্ .
আত্মাতপোমূলং তদ্ব্রহ্মোপনিষত্পরম্ .
সর্বাত্মৈকত্বরীপেণ তদ্ব্রহ্মোপনিষত্পরমিতি .. ৪..

          ইত্যথর্ববেদে ব্রহ্মোপনিষত্সমাপ্তা ..