ভাব

.. ভাবোপনিষত্ ..

 .. অথ ভাবোপনিষত্..

ॐ ভদ্রং কর্ণেভিঃ শৃণুযাম দেবাঃ  | ভদ্রং
পশ্যেমাক্ষভির্যজত্রাঃ |
স্থিরৈরঙ্গৈস্তুষ্টুবাঁসস্তনূভিঃ |
ব্যশেম দেবহিতং যদাযুঃ |
স্বস্তি ন ইন্দ্রো বৃদ্ধশ্রবাঃ | স্বস্তি নঃ পূষা বিশ্ববেদাঃ |
স্বস্তি নস্তার্ক্ষ্যোঽরিষ্টনেমিঃ | স্বস্তি নো বৃহস্পতির্দধাতু |
ॐ শান্তিঃ শান্তিঃ শান্তিঃ ||

আত্মানমখণ্দমণ্দলাকারমবৃত্য সকলব্রহ্মান্দমন্দলং
স্বপ্রকাশং ধ্যাযেত্ | শ্রীগুরুঃ সর্বকারণভূতা শক্ত্তিঃ || ১||
তেন নবরন্ধ্ররূপো দেহঃ || ২|| নবচক্ররূপং শ্রীচক্রম্ || ৩||
বারাহী পিতৃরূপা কুরুকুল্লা বলিদেবতা মাতা || ৪||
পুরুষার্থাঃ সাগরাঃ || ৫|| দেহো নবরত্নদ্বীপঃ || ৬||
ত্বগাদি সপ্ত্তধাতুরোমসংযুক্ত্তঃ || ৭||
সংকল্পাঃ কল্পতরবস্তেজঃ কল্পকোদ্যানম্ || ৮||
রসনযা ভাব্যমানা মধুরাম্লতিক্ত্তকটুকষাযলবণরসাঃ ষডৃতবঃ || ৯||
জ্ঞানমর্ধ্যম্ জ্ঞেযম্ হবির্জ্ঞাতা হোতা
জ্ঞাতৃজ্ঞানজ্ঞেযানামভেদভবনম্ শ্রীচক্রপূজনম্ || ১০||
নিযতিঃ শ্রৃঙ্গারাদযো রসা অণিমাদযঃ || ১১||
কামক্রোধলোভমোহমদমাত্সর্যপুণ্যপাপমযা
ব্রাহ্ম্যাদ্যযষটশক্ত্তযঃ || ১২||
আধরনবকম্ মুদ্রাশক্ত্তযঃ || ১৩||
পৃথিব্যপ্তেজোবাইবাকাশাশ্রোত্রত্বক্চক্ষুর্জিহ্বঘ্রাণ-
বাক্পাণিপাদপাযূপস্থানি মনোবিকারাঃ
কামাকর্ষিণ্যাদি ষোদশ শক্ত্তযঃ || ১৪||
বচনাদানাগমনবিসর্গানন্দহানোপাদানোপেক্ষাখ্য-
ভুদ্ধযোঽনঙ্গকুসুমাদ্যষ্টৌ || ১৫||
অলম্বুসা কুহুর্বিশ্বোদরা বারণা হস্তিজিহ্বা যশোবতী পযস্বিনী
গান্ধারী পূষা শঙ্খিনী সরস্বতীডা পিঙ্গলা সুষুম্না চেতি
চতুর্দশ নাড্যঃ সর্বসংক্ষ্হোভিণ্যদি চতুর্দশশক্ত্তযঃ || ১৬||
প্রাণাপানব্যানোদানসমাননাগকূর্মকৃকরদেবদত্তধনংজযা
দশবাযবঃ সর্বসিদ্ধিপ্রদাদিবহির্দশারদেবতাঃ || ১৭||
এতদ্বাযুসংসর্গকোপাধিভেধেন রেচকঃ পাচকঃ শোষকো
দাহকঃ প্লাবক ইতি প্রাণমুখ্যবেন পংচধা জঠরাগ্নির্ভবতি|| ১৮||
ক্ষারক উদ্ধারকঃ ক্ষোভকো জৃংভকো মোহক ইতি
নাগপ্রাধান্যেন পংচবিধাস্তে মনুষ্যাণাং দেহগা
ভক্ষ্হ্যভোজ্যশোষ্যলেহ্যপেযাত্মকপঞ্চবিধমন্নং পাচযন্তি|| ১৯||

এতা দশবহ্নিকলাঃ সর্বজ্ঞাদ্যা অন্তর্দশারদেবতাঃ || ২০||
শীতোষ্ণাসুখদুঃখেচ্ছাঃ সত্ত্বং রজস্তমো
বশিন্যাদিশক্ত্থযোঅষ্তৌ || ২১||
শব্দাদি তন্মাত্ত্রাঃ পংচপুষ্পবাণাঃ || ২২|| মন ইক্ষ্হুধনুঃ || ২৩||
রাগঃ পাশঃ || ২৪||  দ্বেষোঽঙ্কুশঃ || ২৫||
অব্যক্ত্ত মহদহংকারাঃ কামেক্ষ্বরী বজ্রেশ্বরী
ভগমালিন্যোঽন্তস্ত্ত্রিকোণগা দেবতাঃ || ২৬||
নিরুপাধিকসংবিদেব কামেশ্বর || ২৭||
সদানন্দপূর্ণ স্বাত্মেব পরদেবতা ললিতা || ২৮||
লৌহিত্যমেতস্য সর্বস্য বিমর্শ || ২৯||
অনন্যচিত্তত্বেন চ সিদ্ধিঃ || ৩০|| ভাবনাযাঃ ক্রিযা উপচরঃ || ৩১||
অহং ত্বমস্তি নাস্তি কর্তব্যমকর্তব্যমুপাসিতব্যমিতি
বিকল্পানামাত্মনি বিলাপনম্ হোমঃ || ৩২||
ভবনাবিষযাণামভেদভবনা তর্পণম্ || ৩৩||
পংচদশতিথিরূপেণ কালস্য পরিণামাবলোকনম্ || ৩৪||
এবম্ং মুহূর্তত্ত্রিতযং মুহূর্তদ্বিতযং মুহূর্তমাত্ত্রং বা
ভাবনাপরো জীবন্মুক্ত্তো ভবতি স এব শিবযোগীতি গদ্যতে|| ৩৫||
আদিমতেনান্তশ্চক্রভাবনাঃ প্রতিপাদিতাঃ || ৩৬||
য এবং বেদ সোঽথর্বশিরোঽধীতে || ৩৭||
ইত্যুপনিষত্ ||

ॐ ভদ্রং কর্ণেভিঃ শৃণুযাম দেবাঃ  | ভদ্রং
পশ্যেমাক্ষভির্যজত্রাঃ|
স্থিরৈরঙ্গৈস্তুষ্টুবাঁসস্তনূভিঃ | ব্যশেম দেবহিতং যদাযুঃ |
স্বস্তি ন ইন্দ্রো বৃদ্ধশ্রবাঃ | স্বস্তি নঃ পূষা বিশ্ববেদাঃ|
স্বস্তি নস্তার্ক্ষ্যোঽরিষ্টনেমিঃ | স্বস্তি নো বৃহস্পতির্দধাতু|
ॐ শান্তিঃ শান্তিঃ শান্তিঃ ||

|| ইতি  ভাবোপনিষত্  ||