প্রশ্ন

.. প্রশ্নোপনিষত্  ..

ॐ ভদ্রং কর্ণেভিঃ শৃণুযাম দেবা
ভদ্রম্ পষ্যেমাক্ষভির্যজত্রাঃ |
স্থিরৈরঙ্গৈস্তুষ্তুবাঁসস্তনূভির্ব্যশেম দেবহিতং যদাযুঃ ||
স্বস্তি ন ইন্দ্রো বৃদ্ধশ্রবাঃ
      স্বস্তি নঃ পূষা বিশ্ববেদাঃ .
স্বস্তি নস্তার্ক্ষ্যো অরিষ্টনেমিঃ
      স্বস্তি নো বৃহস্পতির্দধাতু ..
ॐ শান্তিঃ শান্তিঃ শান্তিঃ ..

ॐ সুকেশা চ ভারদ্বাজঃ শৈব্যশ্চ সত্যকামঃ সৌর্যাযণী
চ গার্গ্যঃ কৌসল্যশ্চাশ্বলাযনো ভার্গবো বৈদর্ভিঃ কবন্ধী
কাত্যাযনস্তে হৈতে ব্রহ্মপরা ব্রহ্মনিষ্ঠাঃ পরং
ব্রহ্মান্বেষমাণা এষ হ বৈ তত্সর্বং বক্ষ্যতীতি তে হ
সমিত্পাণযো ভগবন্তং পিপ্পলাদমুপসন্নাঃ || ১||

তন্ হ স ঋষিরুবচ ভূয এব তপসা ব্রহ্মচর্যেণ শ্রদ্ধযা
সংবত্সরং সংবত্স্যথ
যথাকামং প্রশ্নান্ পৃচ্ছত যদি বিজ্ঞাস্যামঃ সর্বং হ বো
বক্ষ্যাম ইতি || ২||

অথ কবন্ধী কত্যাযন উপেত্য পপ্রচ্ছ |
ভগবন্ কুতে হ বা ইমাঃ প্রজাঃ প্রজাযন্ত  ইতি || ৩||

তস্মৈ স হোবাচ প্রজাকামো বৈ প্রজাপতিঃ স তপোঽতপ্যত
স তপস্তপ্ত্বা স মিথুনমুত্পাদযতে | রযিং চ প্রণং
চেত্যেতৌ মে বহুধা প্রজাঃ করিষ্যত ইতি || ৪||

আদিত্যো হ বৈ প্রাণো রযিরেব চন্দ্রমা রযির্বা এতত্
সর্বং যন্মূর্তং চামূর্তং চ তস্মান্মূর্তিরেব রযিঃ || ৫||

অথাদিত্য উদযন্যত্প্রাচীং দিশং প্রবিশতি তেন প্রাচ্যান্
প্রাণান্ রশ্মিষু সন্নিধত্তে | যদ্দক্ষিণাং যত্ প্রতীচীং
যদুদীচীং
যদধো যদূর্ধ্বং যদন্তরা দিশো যত্ সর্বং প্রকাশযতি
তেন সর্বান্ প্রাণান্ রশ্মিষু সন্নিধত্তে || ৬||

স এষ বৈশ্বানরো বিশ্বরুপঃ প্রাণোঽগ্নিরুদযতে |
তদেতদৃচাঽভ্যুক্তম্ || ৭||

বিশ্বরূপং হরিণং জাতবেদসং
পরাযণং জ্যোতিরেকং তপন্তম্ |
সহস্ররশ্মিঃ শতধা বর্তমানঃ
প্রাণঃ প্রজানামুদযত্যেষ সূর্যঃ || ৮||

সংবত্সরো বৈ প্রজাপতিস্তস্যাযনে দক্ষিণং চোত্তরং চ |
তদ্যে হ বৈ তদিষ্টাপূর্তে কৃতমিত্যুপাসতে তে চান্দ্রমসমেব
লোকমভিজযন্তে | ত এব পুনরাবর্তন্তে তস্মাদেত ঋষযঃ
প্রজাকামা দক্ষিণং প্রতিপদ্যন্তে | এষ হ বৈ রযির্যঃ
পিতৃযাণঃ || ৯||

অথোত্তরেণ তপসা ব্রহ্মচর্যেণ শ্রদ্ধযা
বিদ্যযাঽঽত্মানমন্বিষ্যাদিত্যমভিজযন্তে |   এতদ্বৈ
প্রাণানামাযতনমেতদমৃতমভযমেতত্ পরাযণমেতস্মান্ন
পুনরাবর্তন্ত ইত্যেষ নিরোধস্তদেষ শ্লোকঃ || ১০||

পঞ্চপাদং পিতরং দ্বাদশাকৃতিং
দিব আহুঃ পরে অর্ধে পুরীষিণম্ |
অথেমে অন্য উ পরে বিচক্ষণং
সপ্তচক্রে ষডর আহুরর্পিতমিতি || ১১||

মাসো বৈ প্রজাপতিস্তস্য কৃষ্ণপক্ষ এব রযিঃ
শুক্লঃ প্রণস্তস্মাদেত ঋষযঃ শুক্ল ইষ্টং কুর্বন্তীতর
ইতরস্মিন্ || ১২||

অহোরাত্রো বৈ প্রজাপতিস্তস্যাহরেব প্রাণো রাত্রিরেব রযিঃ
প্রাণং বা এতে প্রস্কন্দন্তি যে দিবা রত্যা সংযুজ্যন্তে
ব্রহ্মচর্যমেব তদ্যদ্রাত্রৌ রত্যা সংযুজ্যন্তে || ১৩||

অন্নং বৈ প্রজাপতিস্ততো হ বৈ তদ্রেতস্তস্মাদিমাঃ প্রজাঃ
প্রজাযন্ত ইতি || ১৪||

তদ্যে হ বৈ তত্ প্রজাপতিব্রতং চরন্তি তে মিথুনমুত্পাদযন্তে |
তেষামেবৈষ ব্রহ্মলোকো যেষাং তপো ব্রহ্মচর্যং যেষু সত্যং
প্রতিষ্টিতম্ || ১৫||

তেষামসৌ বিরজো ব্রহ্মলোকো ন যেষু জিহ্মমনৃতং ন
মাযা চেতি || ১৬||

ইতি প্রশ্নোপনিষদি প্রথমঃ প্রশ্নঃ ||
——————————————————————————–

অথ হৈনং ভার্গবো বৈদর্ভিঃ পপ্রচ্ছ | ভগবন্ কত্যেব
দেবাঃ প্রচাং দিধারযন্তে কতর এতত্ প্রকশযন্তে কঃ
পুনরেষাং বরিষ্ঠ ইতি || ১ ||

তস্মৈ স হোবাচাকাশো হ বা এষ দেবো বাযুরগ্নিরাপঃ
পৃথিবী বাঙ্মনশ্চক্ষুঃ শ্রোত্রং চ | তে প্রকাশ্যাভিবদন্তি
বযমেতদ্বাণমবষ্টভ্য বিধারযামঃ || ২ ||

তান্ বরিষ্ঠঃ প্রাণ উবাচ | মা মোহমাপদ্যথ অহমেবৈতত্
পঞ্চধাঽঽত্মানং প্রবিভজ্যৈতদ্বাণমবষ্টভ্য
বিধারযামীতি
তেঽশ্রদ্দধানা বভূবুঃ || ৩ ||

সোঽভিমানাদূর্ধ্বমুত্ক্রামত ইব তস্মিন্নুত্ক্রামত্যথেতরে সর্ব
এবোত্ক্রামন্তে তস্মি/শ্চ প্রতিষ্ঠমানে সর্ব এব প্রতিষ্ঠন্তে |
তদ্যথা মক্ষিকা মধুকররাজানমুত্ক্রামন্তং সর্ব এবোত্ক্রমন্তে
তস্মি/ষ্চ প্রত্ষ্ঠমানে সর্ব এব প্রতিষ্টন্ত এবম্
বাঙ্মনষ্চক্ষুঃ
শ্রোত্রং চ তে প্রীতাঃ প্রাণং স্তুন্বন্তি || ৪ ||

এষোঽগ্নিস্তপত্যেষ সূর্য
এষ পর্জন্যো মঘবানেষ বাযুঃ
এষ পৃথিবী রযির্দেবঃ
সদসচ্চামৃতং চ যত্ || ৫ ||

অরা ইব রথনাভৌ প্রাণে সর্বং প্রতিষ্ঠিতম্ |
ঋচো যজূঁষি সামানি যজ্ঞঃ ক্ষত্রং ব্রহ্ম চ || ৬ ||

প্রজাপতিশ্চরসি গর্ভে ত্বমেব প্রতিজাযসে |
তুভ্যং প্রাণ প্রজাস্ত্বিমা বলিং হরন্তি
যঃ প্রণৈঃ প্রতিতিষ্ঠসি || ৭ ||

দেবানামসি বহ্নিতমঃ পিতৃণাং প্রথমা স্বধা |
ঋষীণাং চরিতং সত্যমথর্বাঙ্গিরসামসি || ৮ ||

ইন্দ্রস্ত্বং প্রাণ তেজসা রুদ্রোঽসি পরিরক্ষিতা |
ত্বমন্তরিক্ষে চরসি সূর্যস্ত্বং জ্যোতিষাং পতিঃ || ৯ ||

যদা ত্বমভিবর্ষস্যথেমাঃ প্রাণ তে প্রজাঃ |
আনন্দরূপাস্তিষ্ঠন্তি কামাযান্নং ভবিষ্যতীতি || ১০ ||

ব্রাত্যস্ত্বং প্রাণৈকর্ষরত্তা বিশ্বস্য সত্পতিঃ |
বযমাদ্যস্য দাতারঃ পিতা ত্বং মাতরিশ্ব নঃ || ১১ ||

যা তে তনূর্বাচি প্রতিষ্ঠিতা যা শ্রোত্রে যা চ চক্ষুষি |
যা চ মনসি সন্ততা শিবাং তাং কুরূ মোত্ক্রমীঃ || ১২ ||

প্রাণস্যেদং বশে সর্বং ত্রিদিবে যত্ প্রতিষ্ঠিতম্ |
মাতেব পুত্রান্ রক্ষস্ব  শ্রীশ্চ প্রজ্ঞাং চ বিধেহি ন ইতি || ১৩ ||

ইতি প্রশ্নোপনিষদি দ্বিতীযঃ প্রশ্নঃ ||
——————————————————————————–

অথ হৈনং কৌশল্যষ্চাশ্বলাযনঃ পপ্রচ্ছ | ভগবন্ কুত
এষ প্রাণো জাযতে কথমাযাত্যস্মিঞ্শরীর আত্মানং  বা
প্রবিভজ্য কথং প্রতিষ্ঠতে কেনোত্ক্রমতে কথং বহ্যমভিধতে
কথমধ্যাত্মমিতি || ১||

তস্মৈ স হোউবাচাতিপ্রষ্চান্ পৃচ্ছসি ব্রহ্মিষ্ঠোঽসীতি
তস্মাত্তেঽহং ব্রবীমি ||২||

আত্মন এষ প্রাণো জাযতে | যথৈষা পুরুষে
ছাযৈতস্মিন্নেতদাততং
মনোকৃতেনাযাত্যস্মিঞ্শরীরে ||৩||

যথা সম্রাদেবাধিকৃতান্ বিনিযুঙ্ক্তে | এতন্ গ্রামানোতান্
গ্রামানধিতিষ্টস্বেত্যেবমেবৈষ প্রাণ ইতরান্ প্রাণান্ পৃথক্
পৃথগেব সন্নিধত্তে

পাযূপস্থেঽপানং চক্ষুঃশ্রোত্রে মুখনাসিকাভ্যাং প্রাণঃ
স্বযং
প্রাতিষ্টতে মধ্যে তু সমানঃ | এষ হ্যেতদ্ধুতমন্নং সমং
নযতি
তস্মাদেতাঃ সপ্তার্চিষো ভবন্তি || ৫||

হৃদি হ্যেষ আত্মা | অত্রৈতদেকশতং নাডীনং তাসাং শতং
শতমেকৈকস্যা দ্বাসপ্ততির্দ্বাসপ্ততিঃ
প্রতিশাখানাডীসহস্রাণি
ভবন্ত্যাসু ব্যানশ্চরতি || ৬||

অথৈকযোর্ধ্ব উদানঃ পুণ্যেন পুণ্যং লোকং নযতি পাপেন
পাপমুভাভ্যামেব মনুষ্যলোকম্ || ৭||

আদিত্যো হ বৈ বাহ্যঃ প্রাণ উদযত্যেষ হ্যেনং চাক্ষুষং
প্রাণমনুগৃহ্ণানঃ | পৃথিব্যাং যা দেবতা সৈষা পুরুষস্য
অপানমবষ্টভ্যান্তরা যদাকাশঃ স সমানো বাযুর্ব্যানঃ || ৮||

তেজো হ বা উদানস্তস্মাদুপশান্ততেজাঃ | পুনর্ভবমিন্দ্রিযৈর্মনসি সম্পধ্যমানৈঃ || ৯||

যচ্চিত্তস্তেনৈষ প্রাণমাযাতি | প্রাণস্তেজসা যুক্তঃ সহাত্মনা
তথাসঙ্কল্পিতং লোকং নযতি || ১০||

য এবং বিদ্বান্ প্রাণং বেদ ন হাস্য প্রজা হীযতেঽমৃতো
ভবতি তদেষঃ শ্লোকঃ || ১১||

উত্পত্তিমাযতিং স্থানং বিভুত্বং চৈব পঞ্চধা |
অধ্যাত্মং চৈব প্রাণস্য বিজ্ঞাযামৃতমশ্নুতে
বিজ্ঞাযামৃতমশ্নুত ইতি || ১২||

ইতি প্রশ্নোপনিষদি তৃতীযঃ প্রশ্নঃ ||
——————————————————————————–

অথ হৈনং সৌর্যাযণি গার্গ্যঃ পপ্রচ্ছ | ভগবন্নেতস্মিন্
পুরুষে কানি স্বপন্তি কান্যস্মিঞ্জাগ্রতি কতর এষ দেবঃ
স্বপ্নান্ পশ্যতি কস্যৈতত্  সুখং ভবতি কস্মিন্নু সর্বে
সম্প্রতিষ্টিতা ভবন্তীতি || ১||

তস্মৈ স হোবচ | যথ গার্গ্য মরীচযোঽর্কস্যাস্তং
গচ্ছতঃ সর্বা এতস্মিংস্তেজোমণ্ডল একীভবন্তি | তাঃ পুনঃ
পুনরুদযতঃ প্রচরন্ত্যেবং হ বৈ তত্ সর্বং পরে দেবে
মনস্যেকীভবতি
তেন তর্হ্যেষ পুরুষো ন শৃণোতি ন পশ্যতি ন
জিঘ্রতি ন রসযতে ন স্পৃশতে নাভিবদতে নাদত্তে নানন্দযতে
ন বিসৃজতে নেযাযতে স্বপিতীত্যাচক্ষতে || ২||

প্রাণাগ্রয এবৈতস্মিন্ পুরে জাগ্রতি | গার্হপত্যো হ
বা এষোঽপানো ব্যানোঽন্বাহার্যপচনো যদ্গার্হপত্যাত্ প্রণীযতে
প্রণযনাদাহবনীযঃ প্রাণঃ || ৩||

যদুচ্ছ্বাসনিঃশ্বাসাবেতাবাহুতী সমং নযতীতি স  সমানঃ |
মনো হ বাব যজমানঃ | ইষ্টফলমেবোদানঃ | স
এনং যজমানমহরহর্ব্রহ্ম গমযতি || ৪||

অত্রৈষ দেবঃ স্বপ্নে মহিমানমনুভবতি | যদ্দৃষ্টং
দৃষ্টমনুপশ্যতি
শ্রুতং শ্রুতমেবার্থমনুশৃণোতি দেশদিগন্তরৈশ্চ
প্রত্যনুভূতং
পুনঃ পুনঃ প্রত্যনুভবতি দৃষ্টং চাদৃষ্টং চ শ্রুতং
চাশ্রুতং
চানুভূতং চাননুভূতং চ স্চ্চাসচ্চ সর্বং পশ্যতি সর্বঃ
পস্যতি || ৫||

স যদা তেজসাঽভিভূতো ভবতি | অত্রৈষ দেবঃ স্বপ্নান্ন
পশ্যত্যথ যদৈতস্মিঞ্শরীর এতত্সুখং ভবতি || ৬||

স যথা সোভ্য বযাংসি বসোবৃক্ষং সংপ্রতিষ্ঠন্তে | এবং
হ বৈ তত্ সর্বং পর আত্মনি সংপ্রতিষ্ঠতে || ৭||

পৃথিবী চ পৃথিবীমাত্রা চাপশ্চাপোমাত্রা চ তেজশ্চ
তেজোমাত্রা চ বাযুশ্চ বাযুমাত্রা চাকাশশ্চাকাশমাত্রা
চ চক্ষুশ্চ দ্রষ্টব্যং চ শ্রোত্রং চ শ্রোতব্যং চ গ্রাণং চ
ঘ্রাতব্যং চ রসশ্চ রসযিতব্যং চ ত্বক্চ স্পর্শযিতব্যং চ
বাক্চ বক্তব্যং চ হস্তৌ চাদাতব্যং চোপস্থশ্চানন্দযিতব্যং
চ পাযুশ্চ বিসর্জযিতব্যং চ যাদৌ চ গন্তব্যং চ মনশ্চ
মন্তব্যং চ বুদ্ধিশ্চ বোদ্ধিব্যং চাহঙ্কারশ্চাহঙ্কর্তব্যং চ
চিত্তং চ চেতযিতব্যং চ তেজশ্চ বিদ্যোতযিতব্যং চ প্রাণশ্চ
বিদ্যারযিতব্যং চ || ৮||

এষ হি দ্রষ্ট স্প্রষ্টা শ্রোতা ঘ্রাতা রসযিতা মন্তা
বোদ্ধা কর্তা বিজ্ঞানাত্মা পুরুষঃ | স পরেঽক্ষর আত্মনি
সংপ্রতিষ্ঠতে || ৯||

পরমেবাক্ষরং প্রতিপদ্যতে স যো হ বৈ
তদচ্ছাযমশরীরম্লোহিতং
শুভ্রমক্ষরং বেদযতে যস্তু সোম্য | স সর্বজ্ঞঃ সর্বো ভবতি |
তদেষ শ্লোকঃ || ১০||

বিজ্ঞানাত্মা সহ দেবৈশ্চ সর্বৈঃ
প্রাণা ভুতানি সংপ্রতিষ্ঠন্তি যত্র
তদক্ষরং বেদযতে যস্তু সোম্য
স সর্বজ্ঞঃ সর্বমেবাবিবেশেতি || ১১||

ইতি প্রশ্নোপনিষদি চতুর্থঃ প্রশ্নঃ ||
——————————————————————————–

অথ হৈনং সৈব্যঃ সত্যকামঃ পপ্রচ্ছ | স যো হ
বৈ তভ্দগবন্মনুষ্যেষু প্রাযণান্তমোঙ্কারমভিধ্যাযীত |
কতমং
বাব স তেন লোকং জযতীতি | তস্মৈ স হোবাচ || ১||

এতদ্বৈ সত্যকাম পরং চাপরং চ ব্রহ্ম যদোঙ্কারঃ |
তস্মাদ্বিদ্বানেতেনৈবাযতনেনৈকতরমন্বেতি || ২||

স যধ্যেকমাত্রমভিধ্যাযীত স তেনৈব সংবেদিতস্তূর্ণমেব
জগত্যাভিসংপধ্যতে | তমৃচো মনুষ্যলোকমুপনযন্তে স তত্র
তপসা ব্রহ্মচর্যেণ শ্রদ্ধযা সংপন্নো মহিমানমনুভবতি || ৩||

অথ যদি দ্বিমাত্রেণ মনসি সংপধ্যতে সোঽন্তরিক্ষং
যজুর্ভিরুন্নীযতে সোমলোকম্ | স সোমলোকে বিভুতিমনুভূয
পুনরাবর্ততে || ৪||

যঃ পুনরেতং ত্রিমাত্রেণোমিত্যেতেনৈবাক্ষরেণ পরং পুরুষমভি-
ধ্যাযীত স তেজসি সূর্যে সংপন্নঃ | যথা পাদোদরস্ত্বচা
বিনির্ভুচ্যত এবং হ বৈ স পাপ্মনা বিনির্ভুক্তঃ স
সামভিরুন্নীযতে ব্রহ্মলোকং স এতস্মাজ্জীবঘনাত্ পরাত্পরং
পুরুশযং পুরুষমীক্ষতে | তদেতৌ শ্লোকৌ ভবতঃ || ৫||

তিস্রো মাত্রা মৃঅত্যুমত্যঃ প্রযুক্তা
অন্যোন্যসক্তাঃ অনবিপ্রযুক্তাঃ |
ক্রিযাসু বাহ্যাভ্যন্তরমধ্যমাসু
সম্যক্ প্রযুক্তাসু ন কম্পতে জ্ঞঃ || ৬||

ঋগ্ভিরেতং যজুর্ভিরন্তরিক্ষং
সামভির্যত্ তত্ কবযো বেদযন্তে |
তমোঙ্কারেণৈবাযতনেনান্বেতি বিদ্বান্
যত্তচ্ছান্তমজরমমৃতমভযং পরং চেতি || ৭||

ইতি প্রশ্নোপনিষদি পঞ্চমঃ প্রশ্নঃ ||
——————————————————————————–

অথ হৈনং সুকেশা ভারদ্বাজঃ পপ্রচ্ছ | ভগবন্
হিরণ্যনাভঃ
কৌসল্যো রাজপুত্রো মামুপেত্যৈতং প্রশ্নমপৃচ্ছত | ষোডশকলং
ভারদ্বাজ পুরুষং বেত্থ | তমহং কুমারম্ব্রুবং নাহমিমং
বেদ |
যধ্যহমিমমবেদিষং কথং তে নাবক্ষ্যমিতি | সমূলো বা
এষ পরিশুষ্যতি যোঽনৃতমভিবদতি তস্মান্নার্হম্যনৃতং বক্তুম্ |
স তূষ্ণীং রথমারুহ্য প্রবব্রাজ | তং ত্বা পৃচ্ছামি ক্বাসৌ
পুরুষ ইতি || ১||

তস্মৈ স হোবাচ | ইহৈইবান্তঃশরীরে সোভ্য স পুরুষো
যস্মিন্নতাঃ ষোডশকলাঃ প্রভবন্তীতি || ২||

স ঈক্ষাচক্রে | কস্মিন্নহমুত্ক্রান্ত উত্ক্রান্তো ভবিষ্যামি
কস্মিন্বা প্রতিষ্টিতে প্রতিষ্টস্যামীতি || ৩||

স প্রাণমসৃজত প্রাণাচ্ছ্রদ্ধাং খং বাযুর্জ্যোতিরাপঃ
পৃথিবীন্দ্রিযং মনঃ | অন্নমন্নাদ্বীর্যং তপো মন্ত্রাঃ কর্ম
লোকা
লোকেষু চ নাম চ || ৪||

স যথেমা নধ্যঃ স্যন্দমানাঃ সমুদ্রাযণাঃ সমুদ্রং
প্রাপ্যাস্তং
গচ্ছন্তি ভিধ্যেতে তাসাং নামরুপে সমুদ্র ইত্যেবং প্রোচ্যতে |
এবমেবাস্য পরিদ্রষ্টুরিমাঃ ষোডশকলাঃ পুরুষাযণাঃ
পুরুষং
প্রাপ্যাস্তং গচ্ছন্তি ভিধ্যেতে চাসাং নামরুপে পুরুষ ইত্যেবং
প্রোচ্যতে স এষোঽকলোঽমৃতো ভবতি তদেষ শ্লোকঃ || ৫||

অরা ইব রথনাভৌ কলা যস্মিন্প্রতিষ্টিতাঃ |
তং বেধ্যং পুরুষং বেদ যথ মা বো মৃত্যুঃ পরিব্যথা ইতি || ৬||

তান্ হোবাচৈতাবদেবাহমেতত্ পরং ব্রহ্ম বেদ | নাতঃ
পরমস্তীতি || ৭||

তে তমর্চযন্তস্ত্বং হি নঃ পিতা যোঽস্মাকমবিধ্যাযাঃ
পরং পরং তারযসীতি | নমঃ পরমঋষিভ্যো নমঃ
পরমঋষিভ্যঃ || ৮||

ইতি প্রশ্নোপনিষদি ষষ্ঠঃ প্রশ্নঃ ||

ॐ ভদ্রং কর্ণেভিঃ শৃণুযাম দেবা
ভদ্রং পষ্যেমাক্ষভির্যজত্রাঃ |
স্থিরৈরঙ্গৈস্তুষ্তুবাঁসস্তনূভির্ব্যশেম দেবহিতং যদাযুঃ ||
স্বস্তি ন ইন্দ্রো বৃদ্ধশ্রবাঃ
 স্বস্তি নঃ পূষা বিশ্ববেদাঃ .
স্বস্তি নস্তার্ক্ষ্যো অরিষ্টনেমিঃ
 স্বস্তি নো বৃহস্পতির্দধাতু ..
ॐ শান্তিঃ শান্তিঃ শান্তিঃ ..