দক্ষিণামূর্তি

.. দক্ষিণামূর্ত্যুপনিষত্ ..
যন্মৌনব্যাখ্যযা মৌনিপটলং ক্ষণমাত্রতঃ .
মহামৌনপদং যাতি স হি মে পরমা গতিঃ ..
ॐ সহ নাববতু . সহ নৌ ভুনক্তু . সহ বীর্যং করবাবহৈ .
তেজস্বিনাবধীতমস্তু মা বিদ্বিষাবহৈ ..
ॐ শান্তিঃ শান্তিঃ শান্তিঃ ..
ॐ ব্রহ্মাবর্তে মহাভাণ্ডীরবটমূলে মহাসত্রায সমেতা
মহর্ষযঃ শৌনকাদযস্তে হ সমিত্পাণযস্তত্ত্বজিজ্ঞাসবো
মার্কণ্ডেযং চির~জীবিনমুপসমেত্য পপ্রচ্ছুঃ কেন ত্বং
চিরং জীবসি কেন বানন্দমনুভবসীতি . পরমরহস্যশিব-
তত্ত্বজ্ঞানেনেতি স হোবাচ . কিং তত্পরমরহস্যশিবতত্ত্বজ্ঞানম্ .
তত্র কো দেবঃ . কে মন্ত্রাঃ . কো জপঃ . কা মুদ্রা . কা নিষ্ঠা .
কিং তজ্জ্ঞানসাধনম্ . কঃ পরিকরঃ . কো বলিঃ . কঃ কালঃ .
কিং তত্স্থানমিতি . স হোবাচ . যেন দক্ষিণামুখঃ শিবোঽপরোক্ষীকৃতো
ভবতি তত্পরমরহস্যশিবতত্ত্বজ্ঞানম্ . যঃ সর্বোপরমে কালে
সর্বানাত্মন্যুপসংহৃত্য স্বাত্মানন্দসুখে মোদতে প্রকাশতে
বা স দেবঃ . অত্রৈতে মন্ত্ররহস্যশ্লোকা ভবন্তি . মেধা
দক্ষিণামূর্তিমন্ত্রস্য ব্রহ্মা ঋষিঃ . গাযত্রী ছন্দঃ .
দেবতা দক্ষিণাস্যঃ . মন্ত্রেণাঙ্গন্যাসঃ . ॐ আদৌ নম উচ্চার্য
ততো ভগবতে পদম্ . দক্ষিণেতি পদং পশ্চান্মূর্তযে পদমুদ্ধরেত্ .. ১..
অস্মচ্ছব্দং চতুর্থ্যন্তং মেধাং প্রজ্ঞাং পদং বদেত্ .
সমুচ্চার্য ততো বাযুবীজং চ্ছং চ ততঃ পঠেত্ .
অগ্নিজাযাং ততস্ত্বেষ চতুর্বিংশাক্ষরো মনুঃ .. ২..
ধ্যানম্ ..
স্ফটিকরজতবর্ণং মৌক্তিকীমক্ষমালা-
     মমৃতকলশবিদ্যাং জ্ঞানমুদ্রাং করাগ্রে .
দধতমুরগকক্ষ্যং চন্দ্রচূডং ত্রিনেত্রং
     বিধৃতবিবিধভূষং দক্ষিণামূর্তিমীডে .. ৩..
মন্ত্রেণ ন্যাসঃ .
আদৌ বেদাদিমুচ্চার্য স্বরাদ্যং সবিসর্গকম্ .
পঞ্চার্ণং তত উদ্ধৃত্য অন্তরং সবিসর্গকম্ .
অন্তে সমুদ্ধরেত্তারং মনুরেষ নবাক্ষরঃ .. ৪..
মুদ্রাং ভদ্রার্থদাত্রীং স পরশুহরিণং বাহুভির্বাহুমেকং
    জান্বাসক্তং দধানো ভুজগবিলসমাবদ্ধকক্ষ্যো বটাধঃ .
আসীনশ্চন্দ্রখণ্ডপ্রতিঘটিতজটাক্ষীরগৌরস্ত্রিনেত্রো
    দদ্যাদাদ্যঃ শুকাদ্যৈর্মুনিভিরভিবৃতো ভাবশুদ্ধিং ভবো নঃ .. ৫..
মন্ত্রেণ ন্যাসঃ ব্রহ্মর্ষিন্যাসঃ –
তারং ব্রূংনম উচ্চার্য মাযাং বাগ্ভবমেব চ .
দক্ষিণাপদমুচ্চার্য ততঃ স্যান্মূর্তযে পদম্ .. ৬..
জ্ঞানং দেহি পদং পশ্চাদ্বহ্নিজাযাং ততো ন্যসেত্ .
মনুরষ্টাদশার্ণোঽযং সর্বমন্ত্রেষু গোপিতঃ .. ৭..
ভস্মব্যাপাণ্ডুরঙ্গঃ শশিশকলধরো জ্ঞানমৃদ্রাক্ষমালা-
     বীণাপুস্তৈর্বিরাজত্করকমলধরো যোগপট্টাভিরামঃ .
ব্যাখ্যাপীঠে নিষণ্ণো মুনিবরনিকরৈঃ সেব্যমানঃ প্রসন্নঃ
     সব্যালঃ কৃত্তিবাসাঃ সততমবতু নো দক্ষিণামূর্তিরীশঃ .. ৮..
মন্ত্রেণ ন্যাসঃ . [ব্রহ্মর্ষিন্যাসঃ .]
তারং পরং রমাবীজং বদেত্সাংবশিবায চ .
তুভ্যং চানলজাযাং মনুর্দ্বাদশবর্ণকঃ .. ৯..
বীণাং করৈঃ পুস্তকমক্ষমালাং
     বিভ্রাণমভ্রাভগলং বরাঢ্যম্ .
ফণীন্দ্রকক্ষ্যং মুনিভিঃ শুকাদ্যৈঃ
     সেব্যং বটাধঃ কৃতনীডমীডে .. ১০..
বিষ্ণূ ঋষিরনুষ্টুপ্ ছন্দঃ . দেবতা দক্ষিণাস্যঃ .
মন্ত্রেণ ন্যাসঃ .
তারং নমো ভগবতে তুভ্যং বটপদং ততঃ .
মূলেতি পদমুচ্চার্য বাসিনে পদমুদ্ধরেত্ .. ১১..
প্রজ্ঞামেধাপদং পশ্চাদাদিসিদ্ধিং ততো বদেত্ .
দাযিনে পদমুচ্চার্য মাযিনে নম উদ্ধরেত্ .. ১২..
বাগীশায ততঃ পশ্চান্মহাজ্ঞানপদং ততঃ .
 বহ্নিজাযাং ততস্ত্বেষ দ্বাত্রিংশদ্বর্ণকো মনুঃ .
আনুষ্টুভো মন্ত্ররাজঃ সর্বমন্ত্রোত্তমোতমঃ .. ১৩..
ধ্যানম্ .
মুদ্রাপুস্তকবহ্নিনাগবিলসদ্বাহুং প্রসন্নাননং
   মুক্তাহারবিভূষণং শশিকলাভাস্বত্কিরীটোজ্জ্বলম্ .
অজ্ঞানাপহমাদিমাদিমগিরামর্থং ভবানীপতিং
   ন্যগ্রোধান্তনিবাসিনং পরগুরুং ধ্যাযাম্যভীষ্টাপ্তযে .. ১৪..
মৌনমুদ্রা .
সোঽহমিতি যাবদাস্থিতিঃ সনিষ্ঠা ভবতি .
তদভেদেন মন্ত্রাম্রেডনং জ্ঞানসাধনম্ .
চিত্তে তদেকতানতা পরিকরঃ . অঙ্গচেষ্টার্পণং বলিঃ .
ত্রীণি ধামানি কালঃ . দ্বাদশান্তপদং স্থানমিতি .
তে হ পুনঃ শ্রদ্দধানাস্তং প্রত্যূচুঃ .
কথং বাঽস্যোদযঃ . কিং স্বরূপম্ . কো বাঽস্যোপাসক ইতি .
স হোবাচ .
বৈরাগ্যতৈলসংপূর্ণে ভক্তিবর্তিসমন্বিতে .
প্রবোধপূর্ণপাত্রে তু জ্ঞপ্তিদীপং বিলোকযেত্ .. ১৫..
মোহান্ধকারে নিঃসারে উদেতি স্বযমেব হি .
বৈরাগ্যমরণিং কৃত্বা জ্ঞানং কৃত্বোত্তরারণিম্ .. ১৬..
গাঢতামিস্রসংশান্ত্যৈ গূঢমর্থং নিবেদযেত্ .
মোহভানুজসংক্রান্তং বিবেকাখ্যং মৃকণ্ডুজম্ .. ১৭..
তত্ত্বাবিচারপাশেন বদ্ধং দ্বৈতভযাতুরম্ .
উজ্জীবযন্নিজানন্দে স্বস্বরূপেণ সংস্থিতঃ .. ১৮..
শেমুষী দক্ষিণা প্রোক্তা সা যস্যাভীক্ষণে মুখম্ .
দক্ষিণাভিমুখঃ প্রোক্তঃ শিবোঽসৌ ব্রহ্মবাদিভিঃ .. ১৯..
সর্গাদিকালে ভগবান্বিরিঞ্চি-
     রুপাস্যৈনং সর্গসামর্থ্যমাপ্য .
তুতোষ চিত্তে বাঞ্ছিতার্থাংশ্চ লব্ধ্বা
     ধন্যঃ সোপাস্যোপাসকো ভবতি ধাতা .. ২০..
য ইমাং পরমরহস্যশিবতত্ত্ববিদ্যামধীতে স সর্বপাপেভ্যো মুক্তো ভবতি .
য এবং বেদ স কৈবল্যমনুভবতীত্যুপনিষত্ ..
ॐ সহ নাববতু . সহ নৌ ভুনক্তু . সহ বীর্যং করবাবহৈ .
তেজস্বিনাবধীতমস্তু মা বিদ্বিষাবহৈ ..
ॐ শান্তিঃ শান্তিঃ শান্তিঃ ..
ইতি দক্ষিণামূর্ত্যুপনিষত্সমাপ্তা ..

---

Excerpts 

.. দক্ষিণামূর্তি উপনিষদ্ ..

সোঽহমিতি যাবদাস্থিতিঃ সা নিষ্ঠা ভবতি .
তদভেদেন মন্বাম্রেডনং জ্ঞানসাধনম্ .
চিত্তে তদেকতানতা পরিকরঃ .
অংগচেষ্টার্পণং বলিঃ .
ত্রীণি ধামানি কালঃ .
দ্বাদশান্তপদং স্থানমিতি .

Devotion consists in firmly dwelling in the constant thought that I am He.
Repetition of the mantra as inseparate from Him constitutes the means to that
knowledge . To be concentrated in thought upon Him exclusively proves an
effective aid to it . The dedicating of all bodily activity (to Him) forms the
offering . The three states of consciousness are the proper time for it . The
proper place is the twelve pointed seat.

তে হ পুনঃ শ্রদ্দধানাস্তম্ প্রত্যূচুঃ .
কথং বাঽ স্যোদযঃ .
কিং স্বরূপম্ .
কো বাঽস্যোপাসকঃ .
ইতি .

Then they again asked him as follows, full of faith . How comes His
manifestation? What is His form? And who is His worshiper?

স হোবাচ .
বৈরাগ্যতৈলসম্পূর্ণে ভক্তিবর্তিসমন্বিতে .
প্রবোধপূর্ণ পাত্রে তু জ্ঞপ্তিদীপং বিলোকযেত্ .
মোহান্ধকারনিস্সারে উদেতি স্বযমেব হি .
বৈরাগ্যমরণিং কৃত্বা জ্ঞানং কৃত্বোত্তরারণিম্ .
গাঢতাম্রিস্রংসশান্ত্যৈ গূঢমর্থং নিবেদযেত্ .
মোহভানুজসংক্রান্তং বিবেকাখ্যং মৃকুন্ডুজম্ .
তত্বাবিচারপাশেন বদ্ধং দ্বৈতভযাতুরম্ .
উজ্জীবযন্নিজানন্দে স্বস্বরূপেণ সংস্থিতঃ .
শেমুষী দক্ষিণা প্রোক্তা সা যস্যাভীক্ষণে মুকম্ .
দক্ষিণাভিমুখঃ প্রোক্তঃ শিবেঽসৌ ব্রহ্মবাদিভিঃ .
সর্গাদিকালে ভগবন্ বিরিঞ্চি রুপাস্যৈনং সর্গসামর্থ্যমাপ্য .
তুতোষ চিত্তে বাঞ্চিতার্থাশ্চ লব্ধ্বা ধন্যঃ সোঽস্যোপাসকো ভবতি
ধাতা .

He said:

In the mighty lamp of wisdom, overflowing with the oil of vairagya and
furnished with the wick of bhakti, one should kindle the light of knowledge and
see . Then the darkness of disillusion being dispelled, (Siva) Himself becomes
manifested . With a view to dispel the utter darkness, the devotee should
produce fire, making vairagya the lower arani and knowledge the upper one; and
then Siva will exhibit to his view the hidden reality . Dwelling in the devotee
as his own, very Self with His inherent bliss, He revives viveka hitherto
overpowered with delusion and oppressed by duality for want of proper enquiry
into truth . Thus Siva, showing Himself in all his bliss, restores to life the
son of Mrikandu, hitherto oppressed with the fear of Yama, the latter dragging
him with the bands of rope tied around his body.

The word dakshina means Buddhi . Because buddhi is the eye by which Siva can be
directly seen, He is called Dakshinamurthy by the Brahma-vadins.

At the beginning of creation, Brahma the Lord, having worshiped Siva, attained
power to create and was delighted at heart . The devotee in this path, steady in
his effort, attains all objects of desire and becomes quite happy.