দেবীসুক্ত

.. দেবীসুক্ত ( ঋগ্বেদ) ..

দেবীসূক্ত

.. অথ দেবীসূক্তং ..

ঋগ্বেদ ১০-১২৫

অহং রুদ্রেভিরিত্যাদিমন্ত্রস্য ব্রহ্মাদ্যা ঋষযো গাযত্র্যাদীনি ছন্দাংসি,
আদ্যা দেবী দেবতা,দেবীসূক্তজপে বিনিযোগঃ .

ॐ অহং রুদ্রেভির্বসুভিশ্চরাম্যহমাদিতৈরুত বিশ্বদেবৈঃ .
অহং মিত্রাবরুণোভা বিভর্ম্যহমিন্দ্রাগ্নী অহমশ্বিনোভা .. ১..

অহং সোমমাহনসং বিভর্ম্যহং ত্বষ্টারমুত পূষণং ভগং .
অহং দধামি দ্রবিণং হবিষ্মতে সুপ্রাব্যে যজমানায সুন্বতে .. ২..

অহং রাষ্ট্রী সংগমনী বসূনাং চিকিতুষী প্রথমা যজ্ঞিযানাম্ .
তাং মা দেবা ব্যদধুঃ পুরুত্রা ভূরিস্থাত্রাং ভূর্যাবেশযন্তীং .. ৩..

মযা সো অন্নমত্তি যো বিপশ্যতি যঃ প্রাণিতি য ঈং শৃণোত্যুক্তং .
অমন্তবো মাং ত উপ ক্ষিযন্তি শ্রুধি শ্রুত শ্রদ্বিবং তে বদামি .. ৪..

অহমেব স্বযমিদং বদামি জুষ্টং দেবেভিরুত মানুষেভিঃ .
যং কামযে তং তমুগ্রং কৃণোমি তং ব্রহ্মাণং তমৃষিং তং সুমেধাং .. ৫..

অহং রুদ্রায ধনুরাতনোমি ব্রহ্মদ্বিষে শরবে হন্তবা উ .
অহং জনায সমদং কৃণোম্যহং দ্যাবাপৃথিবী আ বিবেশ .. ৬..

অহং সুবে পিতরমস্য মূর্ধন্ মম যোনিরপ্স্বন্তঃ সমুদ্রে .
ততো বিতিষ্ঠে ভুবনানু বিশ্বোতামূং দ্যাং বর্ষ্মনোপস্পৃশামি .. ৭..

অহমেব বাত ইব প্রবাম্যারভমাণা ভুবনানি বিশ্বা .
পরো দিবা পর এনা পৃথিবৈতাবতী মহিমা সং বভূব .. ৮..

.. ইতি ঋগ্বেদোক্ত দেবীসূক্তং সমাপ্তং ..