সূর্য সহস্রনাম স্তোত্রম্

.. শ্রী সূর্য সহস্রনাম স্তোত্রম্ ১ ..
. অথ ভবিষ্যপুরাণান্তর্গত- সূর্যসহস্রনামস্তোত্রম্ .
ॐ বিশ্বজিদ্ বিশ্বজিত্কর্তা বিশ্বাত্মা বিশ্বতোমুখঃ .
বিশ্বেশ্বরো বিশ্বযোনির্নিযতাত্মা জিতেন্দ্রিযঃ .. ১..
কালাশ্রযঃ কালকর্তা কালহা কালনাশনঃ .
মহাযোগী মহাবুদ্ধির্মহাত্মা সুমহাবলঃ .. ২..
প্রভুর্বিভুর্ভূতনাথো ভূতাত্মা ভুবনেশ্বরঃ .
ভূতভব্যো ভাবিতাত্মা ভূতান্তঃকরণঃ শিবঃ .. ৩..
শরণ্যঃ কমলানন্দো নন্দনো নন্দবর্ধনঃ .
বরেণ্যো বরদো যোগী সুসংযুক্তঃ প্রকাশকঃ .. ৪..
বাক্প্রাণঃ পরমঃ প্রাণঃ প্রীতাত্মা প্রিযতঃ প্রিযঃ .
নযঃ সহস্রপাত্ সাধুর্দিব্যকুণ্ডলমণ্ডিতঃ .. ৫..
অব্যঙ্গধারী ধীরাত্মা প্রচেতা বাযুবাহনঃ .
সমাহিতমতির্ধাতা বিধাতা কৃতমঙ্গলঃ .. ৬..
কপর্দী কল্পকৃদ্রুদ্রঃ সুমনা ধর্মবত্সলঃ .
সমাযুক্তো বিমুক্তাত্মা কৃতাত্মা কৃতিনাংবরঃ .. ৭..
অবিচিন্ত্যবপুঃ শ্রেষ্ঠো মহাযোগী মহেশ্বরঃ .
কান্তঃ কামাদিরাদিত্যো নিযতাত্মা নিরাকুলঃ .. ৮..
কামঃ কারুণিকঃ কর্তা কমলাকরবোধনঃ .
সপ্তসপ্তিরচিন্ত্যাত্মা মহাকারুণিকোত্তমঃ .. ৯..
সংজীবনো জীবনাথো জগজ্জীবো জগত্পতিঃ .
অজযো বিশ্বনিলযঃ সংবিভাগো বৃষধ্বজঃ .. ১০..
বৃষাকপিঃ কল্পকর্তা কল্পান্তকরণো রবিঃ .
একচক্ররথো মৌনী সুরথো রথিনাংবরঃ .. ১১..
অক্রোধনো রশ্মিমালী তেজোরাশির্বিভাবসুঃ .
দিব্যকৃদ্ দিনকৃদ্ দেবো দেবদেবো দিবস্পতিঃ .. ১২..
ধীরানাথো হবির্হোতা দিব্যবাহুর্দিবাকরঃ .
যজ্ঞো যজ্ঞপতিঃ পূষা স্বর্ণরেতাঃ পরাবহঃ .. ১৩..
পরাপরজ্ঞস্ তরণিরংশুমালী মনোহরঃ .
প্রাজ্ঞঃ প্রজাপতিঃ সূর্যঃ সবিতা বিষ্ণুরংশুমান্ .. ১৪..
সদাগতির্গন্ধবাহুর্বিহিতো বিধিরাশুগঃ .
পতঙ্গঃ পতগঃ স্থাণুর্বিহঙ্গো বিহগো বরঃ .. ১৫..
হর্যশ্বো হরিতাশ্বশ্চ হরিদশ্বো জগত্প্রিযঃ .
ত্র্যংবকঃ সর্বদমনো ভাবিতাত্মা ভিষগ্বরঃ .. ১৬..
আলোককৃল্লোকনাথো লোকালোকনমস্কৃতঃ .
কালঃ কল্পান্তকো বহ্নিস্তপনঃ সম্প্রতাপনঃ .. ১৭..
বিরোচনো বিরূপাক্ষঃ সহস্রাক্ষঃ পুরংদরঃ .
সহস্ররশ্মির্মিহিরো বিবিধাম্বরভূষণঃ .. ১৮..
খগঃ প্রতর্দনো ধন্যো হযগো বাগ্বিশারদঃ .
শ্রীমাংশ্চ শিশিরো বাগ্মী শ্রীপতিঃ শ্রীনিকেতনঃ .. ১৯..
শ্রীকণ্ঠঃ শ্রীধরঃ শ্রীমান্ শ্রীনিবাসো বসুপ্রদঃ .
কামচারো মহামাযো মহেশো বিদিতাশযঃ .. ২০..
তীর্থক্রিযাবান্ সুনযো বিভবো ভক্তবত্সলঃ .
কীর্তিঃ কীর্তিকরো নিত্যঃ কুণ্ডলী কবচী রথী .. ২১..
হিরণ্যরেতাঃ সপ্তাশ্বঃ প্রযতাত্মা পরংতপঃ .
বুদ্ধিমান্ অমরশ্রেষ্ঠো রোচিষ্ণুঃ পাতশাসনঃ .. ২২..
সমুদ্রো ধনদো ধাতা মান্ধাতা কশ্মলাপহঃ .
তমোঘ্নো ধ্বান্তহা বহ্নির্হোতান্তঃকরণো গুহঃ .. ২৩..
পশুমান্ প্রযতানন্দো ভূতেশঃ শ্রীমতাংবরঃ .
নিত্যোঽদিতো নিত্যরথঃ সুরেশঃ সুরপূজিতঃ .. ২৪..
অজিতো বিজযো জেতা জঙ্গমস্থাবরাত্মকঃ .
জীবানন্দো নিত্যকামী বিজেতা বিজযপ্রদঃ .. ২৫..
পর্জন্যোঽগ্নিঃ স্থিতিস্থেযঃ স্থবিরোঽণুর্নিরঞ্জনঃ .
প্রদ্যোতনো রথারূঢঃ সর্বলোকপ্রকাশকঃ .. ২৬..
ধ্রুবো মেধী মহাবীর্যো হংসঃ সংসারতারকঃ .
সৃষ্টিকর্তা ক্রিযাহেতুর্মার্তণ্ডো মরুতাংপতিঃ .. ২৭..
মরুত্বান্ দহনঃ স্পষ্টা ভগো ভাগ্যোঽর্যমাপতিঃ .
বরুণাংশো জগন্নাথঃ কৃতকৃত্যঃ সুলোচনঃ .. ২৮..
বিবস্বান্ ভানুমান্ কার্যকারণং তেজসাংনিধিঃ .
অসঙ্গবামী তিগ্মাংশুর্ধর্মাদির্দীপ্তদীধিতিঃ .. ২৯..
সহস্রদীধিতির্ভঘ্নঃ সহস্রাংশুর্দিবাকরঃ .
গভস্তিমান্ দীধিতিমান্ স্রগ্বিমান্ অতুলদ্যুতিঃ .. ৩০..
ভাস্করঃ সুরকার্যজ্ঞঃ সর্বজ্ঞস্ তীক্ষ্ণদীধিতিঃ .
সুরজ্যেষ্ঠঃ সুরপতির্বহুজ্ঞোবচসাংপতিঃ .. ৩১..
তেজোনিধির্বৃহত্তেজা বৃহত্কীর্তির্বৃহস্পতিঃ .
অহিমানূর্জিতো ধীমান্ আমুক্তঃ কীর্তিবর্ধনঃ .. ৩২..
মহাবৈদ্যাগ্রেণপতির্গণেশো গণনাযকঃ .
তীব্রপ্রতাপনস্ তাপী তাপনো বিশ্বতাপনঃ .. ৩৩..
কার্তস্বরো হৃষীকেশঃ পদ্মানন্দোঽভিনন্দিতঃ .
পদ্মনাভোঽমৃতাহারঃ স্থিতিমান্ কেতুমান্ নভঃ .. ৩৪..
অনাদ্যন্তোঽচ্যুতো বিশ্বো বিশ্বামিত্রো ঘৃণী বিরাট্ .
আমুক্তঃ কবচী বাগ্মী কঞ্চুকী বিশ্বভাবনঃ .. ৩৫..
অনিমিত্তগতিঃ শ্রেষ্ঠঃ শরণ্যঃ সর্বতোমুখঃ .
বিগাহীরেণুরসহঃ সমাযুক্তঃ সমাহিতঃ .. ৩৬..
ধর্মকেতুর্ধর্মরতিঃ সংহর্তা সংযমোযমঃ .
প্রণতার্তিহরো বাদী সিদ্ধকার্যো জনেশ্বরঃ .. ৩৭..
নভো বিগাহনঃ সত্যঃ স্থামসঃ সুমনো হরঃ .
হারী হরির্হরো বাযুরৃতুঃ কালানলদ্যুতিঃ .. ৩৮..
সুখসেব্যো মহাতেজা জগতামন্তকারণম্ .
মহেন্দ্রো বিষ্টুতঃ স্তোত্রং স্তুতিহেতুঃ প্রভাকরঃ .. ৩৯..
সহস্রকল আযুষ্মান্ অরোষঃ সুখদঃ সুখী .
ব্যাধিহা সুখদঃ সৌখ্যং কল্যাণঃ কল্পিনাংবরঃ .. ৪০..
আরোগ্যকর্মণাং সিদ্ধির্বৃদ্ধিরৃদ্ধিরহস্পতিঃ .
হিরণ্যরেতা আরোগ্যং বিদ্বান্ বন্ধুর্বুধো মহান্ .. ৪১..
প্রণবান্ ধৃতিমান্ ধর্মো ধর্মকর্তা রুচিপ্রদঃ .
সর্বপ্রিযঃ সর্বসহঃ সর্বশত্রুনিবারুণঃ .. ৪২..
প্রাংশুর্বিদ্যোতনো দ্যোতঃ সহস্রকিরণঃ কৃতিঃ .
কেযূরভূষণোদ্ভাসী ভাসিতো ভাসনোঽনলঃ .. ৪৩..
শরণ্যার্তিহরো হোতা খদ্যোতঃ খগসত্তমঃ .
সর্বদ্যোতোঽমবদ্দ্যোতঃ সর্বদ্যুতিকরোঽমলঃ .. ৪৪..
কল্যাণঃ কল্যাণকরঃ কল্পঃ কল্পকরঃ কবিঃ .
কল্যাণকৃত্ কল্পবপুঃ সর্বকল্যাণভাজনঃ .. ৪৫..
শান্তিপ্রিযঃ প্রসন্নাত্মা প্রশান্তঃ প্রশমপ্রিযঃ .
উদারকর্মা সুনযঃ সুবর্চা বর্চসোজ্জ্বলঃ .. ৪৬..
বর্চস্বী বর্চসামীশস্ ত্রৈলোক্যেশো বশানুগঃ .
তেজস্বী সুযশাবর্ণির্বর্ণাধ্যক্ষো বলিপ্রিযঃ .. ৪৭..
যশস্বী বেদনিলযস্ তেজস্বী প্রকৃতিস্থিতঃ .
আকাশগঃ শীঘ্রগতিরাশুগঃ শ্রুতিমান্ খগঃ .. ৪৮..
গোপতির্গ্রহদেবেশো গোমান্ একঃ প্রভঞ্জনঃ .
জনিতাপ্রজগণ্ডীবো দীপঃ সর্বপ্রকাশকঃ .. ৪৯..
কর্মসাক্ষী যোগনিত্যো নভস্বান্ অসুরান্তকঃ .
রক্ষোঘ্নো বিঘ্নশমনঃ কিরীটী সুমনঃপ্রিযঃ .. ৫০..
মরীচিমালী সুমতিঃ কৃতাতিথ্যোঽবিশেষতঃ .
শিষ্টাচারঃ শুভাকারঃ স্বাচারা চারতত্পরঃ .. ৫১..
মন্দারো মাঠরো রেণুঃ ক্ষোভণঃ পক্ষিণাঙ্গুরুঃ .
স্ববিশিষ্টো বিশিষ্টাত্মা বিধেযো জ্ঞানশোভনঃ .. ৫২..
মহাশ্বেতা প্রিযো জ্ঞেযঃ সামগো মোদদাযকঃ .
সর্ববেদপ্রগীতাত্মা সর্ববেদো গযালযঃ .. ৫৩..
বেদমূর্তিশ্চতুর্বেদো বেদভৃদ্ বেদপারগঃ .
ক্রিযাবান্ অতিরোচিষ্ণুর্বরীযাংশ্চ বরপ্রদঃ .. ৫৪..
ব্রতধারী ব্রতধরো লোকবন্ধুরলংকৃতঃ .
অলংকারাক্ষরো দিব্যবিদ্যাবান্ বিদিতাশযঃ .. ৫৫..
অকারো ভূষণো ভূষ্যো ভূষ্ণুর্ভবনপূজিতঃ .
চক্রপাণির্বজ্রধরঃ সুবেশো লোকবত্সলঃ .. ৫৬..
রাজ্ঞীপতির্মহাবাহুঃ প্রকৃতির্বিকৃতির্গুণঃ .
অন্ধকারাপহঃ শ্রেষ্ঠো যুগাবর্তো যুগাদিকৃত্ .. ৫৭..
অপ্রমেযঃ সদাযোগী নিরহংকার ঈশ্বরঃ .
শুভপ্রদঃ শুভশোভা শুভকর্মা শুভাস্পদঃ .. ৫৮..
সত্যবান্ ধৃতিমান্ অর্চ্যো হ্যকারো বৃদ্ধিদোঽনলঃ .
বলভৃদ্ বলগো বন্ধুর্বলবান্ হরিণাংবরঃ .. ৫৯..
অনঙ্গোঽনাগরাণিন্দ্রঃ পদ্মযোনির্গণেশ্বরঃ .
সংবত্সর ঋতুর্নেতা কালচক্রপ্রবর্তকঃ .. ৬০..
পদ্মেক্ষরঃ পদ্মযোনিঃ প্রভবোঽনসরদ্যুতিঃ .
সুমূর্তিঃ সুমতিঃ সোমো গোবিন্দো জগদাদিজঃ .. ৬১..
পীতবাসাঃ কৃষ্ণবাসা দিগ্বাসাতীন্দ্রিযো হরিঃ .
অতীন্দ্রোঽনেকরূপাত্মা স্কন্দঃ পরপুরংজযঃ .. ৬২..
শক্তিমান্ সূরধৃগ্ ভাস্বান্ মোক্ষহেতুরযোনিজঃ .
সর্বদর্শোঽদিতো দর্শো দুঃস্বপ্নাশুভনাশনঃ .. ৬৩..
মাঙ্গল্যকর্তা করণির্বেগবান্ কশ্মলাপহঃ .
স্পষ্টাক্ষরো মহামন্ত্রো বিশাখো যজনপ্রিযঃ .. ৬৪..
বিশ্বকর্মা মহাশক্তির্জ্যোতিরীশবিহংগমঃ .
বিচক্ষণো দক্ষ ইন্দ্রঃ প্রত্যূহঃ প্রিযদর্শনঃ .. ৬৫..
অশ্বিনৌ বেদনিলযো বেদবিদ্ বিদিতাশযঃ .
প্রভাকরো জিতরিপুঃ সুজনোঽরুণসারথিঃ .. ৬৬..
কুবেরসুরথঃ স্কন্দো মহিতোঽভিহিতো গুহুঃ .
গ্রহরাজো গ্রহপতির্গ্রহনক্ষত্রমণ্ডনঃ .. ৬৭..
ভাস্করঃ সততানন্দো নন্দনো নন্দিবর্ধনঃ .
মঙ্গলোঽপ্যথ মঙ্গলবান্ মাঙ্গল্যোঽমঙ্গলাপহঃ .. ৬৮..
মঙ্গলাচারচরিতঃ শীর্ণঃ সর্বব্রতো ব্রতী .
চতুর্মুখঃ পদ্মমালী পূতাত্মা প্রণতার্তিহা .. ৬৯..
অকিঞ্চনঃ সত্যসন্ধো নির্গুণো গুণবান্ গুণী .
সম্পূর্ণঃ পুণ্ডরীকাক্ষো বিধেযো যোগতত্পরঃ .. ৭০..
সহস্রাংশুঃ ক্রতুপতিঃ সর্বস্বং সুমতিঃ সুবাক্ .
সুভামনো মাল্যদামা ঘৃতাহারো হরিপ্রিযঃ .. ৭১..
ব্রহ্মপ্রচেতা প্রথিতঃ প্রতীতাত্মা স্থিরাত্মকঃ .
শতবিন্দুঃ শতমখো গরীযান্ অনলপ্রভুঃ .. ৭২..
ধীরো মহত্তরো ধন্যঃ পুরুষঃ পুরুষোত্তমঃ .
বিদ্যাধরাধিরাজোঽহিবিদ্যাবান্ ভূতিদস্থিতঃ ..৭৩..
অনির্দেশ্যবপুঃ শ্রীমান্ বিশ্বাত্মা বহুমঙ্গলঃ .
সুস্থিতঃ সুরথঃ স্বর্ণো মোক্ষাধারনিকেতনঃ .. ৭৪..
নির্দ্বন্দ্বো দ্বন্দ্বহা সর্গঃ সর্বগঃ সম্প্রকাশযঃ .
দযালুঃ সূক্ষ্মরীঃ শান্তিঃ ক্ষেমাক্ষেমস্থিতিপ্রিযঃ .. ৭৫..
ভূতরো ভূপতির্বক্তা পবিত্রাত্মা ত্রিলোচনঃ .
মহাবরাহঃ প্রিযকৃদ্ ধাতা ভোক্তাভযপ্রদঃ .. ৭৬..
চতুর্বেদধরো নিত্যো বিনিদ্রো বিবিধাশনঃ .
চক্রবর্তী ধৃতিকরঃ সম্পূর্ণোঽথ মহেশ্বরঃ .. ৭৭..
বিচিত্ররথ একাকী সপ্তসপ্তিঃ পরাত্পরঃ .
সর্বোদধিস্থিতিকরঃ স্থিতিস্থেযঃ স্থিতিপ্রিযঃ .. ৭৮..
নিষ্কলঃ পুষ্করনিভো বসুমান্ বাসবপ্রিযঃ .
বসুমান্ বাসবস্বামী বসুরাতা বসুপ্রদঃ .. ৭৯..
বলবান্ জ্ঞানবাংস্তত্ত্বম্ ওংকারস্ তৃষুসংস্থিতঃ .
সংকল্পযোনির্দিনকৃদ্ ভগবান্ কারণাবহঃ .. ৮০..
নীলকণ্ঠো ধনাধ্যক্ষশ্চতুর্বেদপ্রিযংবদঃ .
বষট্কারো হুতং হোতা স্বাহাকারো হুতাহুতিঃ .. ৮১..
জনার্দনো জনানন্দো নরো নারাযণোঽম্বুদঃ .
স্বর্ণাঙ্গক্ষপণো বাযুঃ সুরা সুরনমস্কৃতঃ .. ৮২..
বিগ্রহো বিমলো বিন্দুর্বিশোকো বিমলদ্যুতিঃ .
দ্যোতিতো দ্যোতনো বিদ্বান্ বিবিদ্বান্ বরদো বলী .. ৮৩..
ধর্মযোনির্মহামোহো বিষ্ণুভ্রাতা সনাতনঃ .
সাবিত্রীভাবিতো রাজা বিসৃতো বিঘৃণী বিরাট্ .. ৮৪..
সপ্তার্চিঃ সপ্ততুরগঃ সপ্তলোকনমস্কৃতঃ .
সম্পন্নোঽথ জগন্নাথঃ সুমনাঃ শোভনপ্রিযঃ .. ৮৫..
সর্বাত্মা সর্বকৃত্ সৃষ্টিঃ সপ্তিমান্ সপ্তমীপ্রিযঃ .
সুমেধা মাধবো মেধ্যো মেধাবী মধুসূদনঃ .. ৮৬..
অঙ্গিরা গতিকালজ্ঞো ধূমকেতুসুকেতনঃ .
সুখী সুখপ্রদঃ সৌখ্যং কামী কান্তিপ্রিযো মুনিঃ .. ৮৭..
সংতাপনঃ সংতপন আতপী তপসাংপতিঃ .
উগ্রশ্রবা সহস্রোস্রঃ প্রিযঙ্কারো প্রিযঙ্করঃ .. ৮৮..
প্রীতো বিমন্যুরম্ভোদো জীবনো জগতাংপতিঃ .
জগত্পিতা প্রীতমনাঃ সর্বঃ শর্বো গুহাবলঃ .. ৮৯..
সর্বগো জগদানন্দো জগন্নেতা সুরারিহা .
শ্রেযঃ শ্রেযস্করো জ্যাযানুত্তমোত্তম উত্তমঃ .. ৯০..
উত্তমোঽথ মহামেরুর্ধারণো ধরণীধরঃ .
ধারাধরো ধর্মরাজো ধর্মাধর্মপ্রবর্তকঃ .. ৯১..
রথাধ্যক্ষো রথপতিস্ ত্বরমাণোঽমিতানলঃ .
উত্তরোঽনুত্তরস্ তাপী তারাপতিরপাংপতিঃ .. ৯২..
পুণ্যসংকীর্তনঃ পুণ্যো হেতুর্লোকত্রযাশ্রযঃ .
স্বর্ভানুর্বিহগারিষ্টো বিশিষ্টোত্কৃষ্টকর্মকৃত্ .. ৯৩..
ব্যাধিপ্রণাশনঃ ক্ষেমঃ শূরঃ সর্বজিতাম্বরঃ .
একনাথো রথাধীশঃ শনৈশ্চরপিতাসিতঃ .. ৯৪..
বৈবস্বতগুরুর্মৃত্যুর্ধর্মনিত্যো মহাব্রতঃ .
প্রলম্বহারঃ সংচারী প্রদ্যোতো দ্যোতিতোঽনলঃ .. ৯৫..
সংতানকৃত্ পরো মন্ত্রো মন্ত্রমূর্তির্মহাবলঃ .
শ্রেষ্ঠাত্মা সুপ্রিযঃ শম্ভুর্মহতামীশ্বরেশ্বরঃ .. ৯৬..
সংসারগতিবিচ্ছেতা সংসারার্ণবতারকঃ .
সপ্তজিহ্বঃ সহস্রার্চী রত্নগর্ভোঽপরাজিতঃ .. ৯৭..
ধর্মকেতুরমেযাত্মা ধর্মাধর্মবরপ্রদঃ .
লোকসাক্ষী লোকগুরুর্লোকেশশ্ ছন্দবাহনঃ .. ৯৮..
ধর্মরূপঃ সূক্ষ্মবাযুর্ধনুষ্পাণির্ধনুর্ধরঃ .
পিনাকধৃন্ মহোত্সাহো নৈকমাযো মহাশনঃ .. ৯৯..
বারঃ শক্তিমতাংশ্রেষ্ঠঃ সর্বশস্ত্রভৃতাংবরঃ .
জ্ঞানগম্যো দুরারাধ্যো লোহিতাঙ্গোঽরিমর্দনঃ .. ১০০..
অনন্তো ধর্মদো নিত্যো ধর্মকৃচ্চিত্ ত্রিবিক্রমঃ .
দৈবত্রস্ ত্র্যক্ষরো মধ্যো নীলাঙ্গো নীললোহিতঃ .. ১০১..
একোঽনেকস্ ত্রযীব্যাসঃ সবিতা সমিতিঞ্জযঃ .
শার্ঙ্গধন্বানলো ভীমঃ সর্বপ্রহরণাযুধঃ .. ১০২..
পরমেষ্ঠী পরংজ্যোতির্নাকপালী দিবস্পতিঃ .
বদান্যো বাসুকির্বৈদ্য আত্রেযোঽতিপরাক্রমঃ .. ১০৩..
দ্বাপরঃ পরমোদারঃ পরমব্রহ্মচর্যবান্ .
উদ্দীপ্তবেষো মুকুটী পদ্মহস্তোঽহিমাংশুভৃত্ .. ১০৪..
স্মিতঃ প্রসন্নবদনঃ পদ্মোদরনিভাননঃ .
সাযংদিবা দিব্যবপুরনির্দেশ্যো মহারথঃ .. ১০৫..
মহারথো মহানীশঃ শেষঃ সত্ত্বরজস্তমঃ .
ধৃতাতপত্রঃ প্রতিমো বিমর্শী নির্ণযস্থিতঃ .. ১০৬..
অহিংসকঃ শুদ্ধমতিরদ্বিতীযো বিমর্দনঃ .
সর্বদো ধনদো মোক্ষো বিহারী বহুদাযকঃ .. ১০৭..
গ্রহনাথো গ্রহপতির্গ্রহেশস্ তিমিরাপহঃ .
মনো হরবপুঃ শুভ্রঃ শোভনঃ সুপ্রভাননঃ .. ১০৮..
সুপ্রভঃ সুপ্রভাকারঃ সুনেত্রো নিক্ষুভাপতিঃ .
রাজ্ঞীপ্রিযঃ শব্দকরো গ্রহেশস্ তিমিরাপহঃ .. ১০৯..
সৈংহিকেযরিপুর্দেবো বরদো বরনাযকঃ .
চতুর্ভুজো মহাযোগী যোগীশ্বরপতিস্ তথা .. ১১০..
অনাদিরূপোঽদিতিজো রত্নকান্তিঃ প্রভামযঃ .
জগত্প্রদীপো বিস্তীর্ণো মহাবিস্তীর্ণমণ্ডলঃ .. ১১১..
একচক্ররথঃ স্বর্ণরথঃ স্বর্ণশরীরধৃক্ .
নিরালম্বো গগনরো ধর্মকর্মপ্রভাবকৃত্ .. ১১২..
ধর্মাত্মা কর্মণাংসাক্ষী প্রত্যক্ষঃ পরমেশ্বরঃ .
মেরুসেবী সুমেধাবী মেরুরক্ষাকরো মহান্ .. ১১৩..
আধারভূকো রতিমাংস্তথা চ ধনধান্যকৃত্ .
পাপসংতাপসংহর্তা মনোবাংছিতদাযকঃ .. ১১৪..
লোকহর্তা রাজ্যদাযী রমণীযগুণোঽনৃণী .
কালত্রযানন্তরূপো মুনিবৃন্দনমস্কৃতঃ .. ১১৫..
সংধ্যারাগকরঃ সিদ্ধঃ সংধ্যাবন্দনবন্দিতঃ .
সাম্রাজ্যদাননিরতঃ সমারাধনতোষবান্ .. ১১৬..
ভক্তদুঃখক্ষযকরো ভবসাগরতারকঃ .
ভযাপহর্তা ভগবান্ অপ্রমেযপরাক্রমঃ .. ১১৭..
মনুস্বামী মনুপতির্মান্যো মন্বন্তরাধিপঃ .. ১১৮..
.. ইতি শ্রী ভবিষ্যে মহাপুরাণে সূর্যসহস্রনাম স্তোত্রং সম্পূর্ণম্
..