সূর্যমংডলাষ্টকং

.. সূর্যমংডলাষ্টকং ..

অথ সূর্যমণ্ডলাষ্টকম্

নমঃ সবিত্রে জগদেকচক্ষুষে . জগত্প্রসূতী স্থিতি নাশ হেতবে .
ত্রযীমযায ত্রিগুণাত্ম ধারিণে . বিরঞ্চি নারাযণ শঙ্করাত্মন্ .. ১..

যন্মণ্ডলং দীপ্তিকরং বিশালং . রত্নপ্রভং তীব্রমনাদি রূপম্ .
দারিদ্র্য দুখক্ষযকারণং চ . পুনাতু মাং তত্সবিতুর্বরেণ্যম্ .. ২..

যন্মণ্ডলং দেব গণৈঃ সুপূজিতং . বিপ্রৈঃ স্তুতং ভাবনমুক্তি কোবিদম্ .
তং দেবদেবং প্রণমামি সূর্যং . পুনাতু মাং তত্সবিতুর্বরেণ্যম্ .. ৩..

যন্মণ্ডলং জ্ঞান ঘনং ত্বগম্যং . ত্রৈলোক্য পূজ্যং ত্রিগুণাত্ম রূপম্ .
সমস্ত তেজোময দিব্যরূপং . পুনাতু মাং তত্সবিতুর্বরেণ্যম্ .. ৪..

যন্মণ্ডলং গুঢ়মতি প্রবোধং . ধর্মস্য বৃদ্ধিং কুরুতে জনানাম্ .
যত্সর্ব পাপ ক্ষযকারণং চ . পুনাতু মাং তত্সবিতুর্বরেণ্যম্ .. ৫..

যন্মণ্ডলং ব্যাধি বিনাশ দক্ষং . যদৃগ্যজুঃ সামসু সংপ্রগীতম্ .
প্রকাশিতং যেন ভূর্ভুবঃ স্বঃ . পুনাতু মাং তত্সবিতুর্বরেণ্যম্ .. ৬..

যন্মণ্ডলং বেদবিদো বদন্তি . গাযন্তি যচ্চারণ সিদ্ধ সঙ্ঘাঃ .
যদ্যোগিনো যোগজুষাং চ সঙ্ঘাঃ . পুনাতু মাং তত্সবিতুর্বরেণ্যম্ .. ৭..

যন্মণ্ডলং সর্বজনেষু পূজিতং . জ্যোতিশ্চকুর্যাদিহ মর্ত্যলোকে .
যত্কালকল্প ক্ষযকারণং চ . পুনাতু মাং তত্সবিতুর্বরেণ্যম্ .. ৮..

যন্মণ্ডলং বিশ্বসৃজং প্রসীদমুত্পত্তিরক্ষা প্রলয প্রগল্ভম্ .
যস্মিঞ্জগত্সংহরতেঽখিলং চ . পুনাতু মাং তত্সবিতুর্বরেণ্যম্ .. ৯..

যন্মণ্ডলং সর্বগতস্য বিষ্ণোরাত্মা . পরং ধাম বিশুদ্ধতত্ত্বম্ .
সূক্ষ্মান্তরৈর্যোগপথানুগম্যে . পুনাতু মাং তত্সবিতুর্বরেণ্যম্ .. ১০..

যন্মণ্ডলং বেদবিদো বিদন্তি . গাযন্তি তচ্চারণসিদ্ধ সঙ্ঘাঃ .
যন্মণ্ডলং বেদবিদো স্মরন্তি . পুনাতু মাং তত্সবিতুর্বরেণ্যম্ .. ১১..

যন্মণ্ডলং বেদবিদোপগীতং . যদ্যোগিনাং যোগ পথানুগম্যম্ .
তত্সর্ব বেদং প্রণমামি সূর্যং . পুনাতু মাং তত্সবিতুর্বরেণ্যম্ .. ১২..