শনৈশ্চরস্তোত্রম্

.. শনৈশ্চরস্তোত্রম্ ..

.. শ্রীশনৈশ্চরস্তোত্রম্ ..
অস্য শ্রীশনৈশ্চরস্তোত্রস্য দশরথ ঋষিঃ . শনৈশ্চরো দেবতা . ত্রিষ্টুপ্ ছন্দঃ . . শনৈশ্চরপ্রীত্যর্থ জপে বিনিযোগঃ.
দশরথ উবাচ —
কোণোঽণ্তকো রৌদ্রযমোঽথ বভ্রুঃ কৃষ্ণঃ শনিঃ পিংগলমন্দোসৌরিঃ .
নিত্যং স্মৃতো যো হরতে চ পীডাং তস্মৈ নমঃ শ্রীরবিনন্দনায .. ১..
সুরাসুরাঃ কিংপুরুষোরগেন্দ্রা গন্ধর্ববিদ্যাধরপন্নগাশ্চ .
পীড্যন্তি সর্বে বিষমশ্থিতেন তস্মৈই নমঃ শ্রীরবিনন্দনায .. ২..
নরা নরেন্দ্রাঃ পশবো মৃগেন্দ্রা বন্যাশ্চ যে কীটপতংগভৃঙ্গাঃ .
পীড্যন্তি সর্বে বিষমশ্থিতেন তস্মৈই নমঃ শ্রীরবিনন্দনায .. ৩..
দেশাশ্চ দুর্গাণি বনাণি যত্র সেনানিবেশাঃ পুরপত্তনানি .
পীড্যন্তি সর্বে বিষমশ্থিতেন তস্মৈই নমঃ শ্রীরবিনন্দনায .. ৪..
তিলৈর্যবৈর্মাষগুডান্নদানৈর্লোহেন নীলাম্বরদানতো বা .
প্রীণাতি মন্ত্রৈর্নিজবসরে চ তস্মৈ নমঃ শ্রীরবিনন্দনায .. ৫..
প্রযাগকূলে যমুনাতটে চ সরস্বতীপুণ্যজলে গুহাযাম্ .
যো যোগিনাং ধ্যানগতোঽপি সূক্ষ্মস্তস্মৈ নমঃ শ্রীরবিনন্দনায .. ৬..
অন্যপ্রদেশাত্স্বগৃহং প্রবিষ্টস্তদীযবারে স নরঃ সুখী স্যত্ .
গৃহাদ্ গতো যো ন পুনঃ প্রযাতি তস্মৈ নমঃ শ্রীরবিনন্দনায .. ৭..
স্রষ্টা স্বযংভূর্ভুবনত্রযস্য ত্রাতা হরীশো হরতে পিনাকী .
একস্ত্রিধাঅ ঋগ্যযজুঃসামমূর্তিস্তস্মৈ নমঃ শ্রীরবিনন্দনায .. ৮..
শন্যষ্টকং যঃ প্রযতঃ প্রভতে
নিত্যং সুপুত্রৈঃ পশুবান্ধবৈশ্চ .
পঠেত্তু সৌখ্যং ভুবি ভোগযুক্তঃ
প্রাপ্নোতি নির্বাণপদং তদন্তে .. ৯..
কোণস্থঃ পিঙ্গলো বভ্রুঃ কৃষ্ণো রৌদ্রোঽন্তকো যমঃ .
সৌরিঃ শনৈশ্চরো মন্দঃ পিপ্পলাদেন সংস্তুতঃ .. ১০..
এতানি দশ নামাঅনি প্রাতরুত্থায যঃ পঠেত্ .
শনৈশ্চরকৃতা পীডা ন কদাচিদ্ভবিষ্যতি .. ১১..
  .. ইতি শ্রীব্রহ্মাণ্ডপুরাণে শ্রীশনৈশ্চরস্তোত্রং সংপূর্ণম্ ..