শনৈশ্চরস্তবরাজঃ

.. শনৈশ্চরস্তবরাজঃ ..
শ্রী গণেশায নমঃ ||
নারদ উবাচ ||
ধ্যাত্বা গণপতিং রাজা ধর্মরাজো যুধিষ্ঠিরঃ |
ধীরঃ শনৈশ্চরস্যেমং চকার স্তবমুত্তমম || ১||
শিরো মেং ভাস্করিঃ পাতু ভালং ছাযাসুতোঽবতু |
কোটরাক্ষো দৃশৌ পাতু শিখিকণ্ঠনিভঃ শ্রুতী || ২||
ঘ্রাণং মে ভীষণঃ পাতু মুখং বলিমুখোঽবতু |
স্কন্ধৌ সংবর্তকঃ পাতু ভুজৌ মে ভযদোঽবতু || ৩||
সৌরির্মে হৃদযং পাতু নাভিং শনৈশ্চরোঽবতু |
গ্রহরাজঃ কটিং পাতু সর্বতো রবিনন্দনঃ || ৪||
পাদৌ মন্দগতিঃ পাতু কৃষ্ণঃ পাত্বখিলং বপুঃ |
রক্ষামেতাং পঠেন্নিত্যং সৌরের্নামবলৈর্যুতাম্ || ৫||
সুখী পুত্রী চিরাযুশ্চ স ভবেন্নাত্র সংশযঃ |
সৌরিঃ শনৈশ্চরঃ কৃষ্ণো নীলোত্পলনিভঃ শনিঃ || ৬||
শুষ্কোদরো বিশালাক্ষো র্দুনিরীক্ষ্যো বিভীষণঃ |
শিখিকণ্ঠনিভো নীলশ্ছাযাহৃদযনন্দনঃ || ৭||
কালদৃষ্টিঃ কোটরাক্ষঃ স্থূলরোমাবলীমুখঃ |
দীর্ঘো নির্মাংসগাত্রস্তু শুষ্কো ঘোরো ভযানকঃ || ৮||
নীলাংশুঃ ক্রোধনো রৌদ্রো দীর্ঘশ্মশ্রুর্জটাধরঃ |
মন্দো মন্দগতিঃ খংজো তৃপ্তঃ সংবর্তকো যমঃ || ৯||orঅতৃপ্তঃ
গ্রহরাজঃ করালী চ সূর্যপুত্রো রবিঃ শশী |
কুজো বুধো গুরূঃ কাব্যো ভানুজঃ সিংহিকাসুতঃ || ১০||
কেতুর্দেবপতির্বাহুঃ কৃতান্তো নৈঋতস্তথা |
শশী মরূত্কুবেরশ্চ ঈশানঃ সুর আত্মভূঃ || ১১||
বিষ্ণুর্হরো গণপতিঃ কুমারঃ কাম ঈশ্বরঃ |
কর্তা হর্তা পালযিতা রাজ্যভুগ্ রাজ্যদাযকঃ || ১২||orরাজ্যেশো
ছাযাসুতঃ শ্যামলাঙ্গো ধনহর্তা ধনপ্রদঃ |
ক্রূরকর্মবিধাতা চ সর্বকর্মাবরোধকঃ || ১৩||
তুষ্টো রূষ্টঃ কামরূপঃ কামদো রবিনন্দনঃ |
গ্রহপীডাহরঃ শান্তো নক্ষত্রেশো গ্রহেশ্বরঃ || ১৪||
স্থিরাসনঃ স্থিরগতির্মহাকাযো মহাবলঃ |
মহাপ্রভো মহাকালঃ কালাত্মা কালকালকঃ || ১৫||
আদিত্যভযদাতা চ মৃত্যুরাদিত্যনংদনঃ |
শতভিদ্রুক্ষদযিতা ত্রযোদশিতিথিপ্রিযঃ || ১৬||
তিথ্যাত্মা তিথিগণনো নক্ষত্রগণনাযকঃ |orতিথ্যাত্মকস্তিথিগণো
যোগরাশির্মুহূর্তাত্মা কর্তা দিনপতিঃ প্রভুঃ || ১৭||
শমীপুষ্পপ্রিযঃ শ্যামস্ত্রৈলোক্যাভযদাযকঃ |
নীলবাসাঃ ক্রিযাসিন্ধুর্নীলাঞ্জনচযচ্ছবিঃ || ১৮||
সর্বরোগহরো দেবঃ সিদ্ধো দেবগণস্তুতঃ |
অষ্টোত্তরশতং নাম্নাং সৌরেশ্ছাযাসুতস্য যঃ || ১৯||
পঠেন্নিত্যং তস্য পীডা সমস্তা নশ্যতি ধ্রুবম্ |
কৃত্বা পূজাং পঠেন্মর্ত্যো ভক্তিমান্যঃ স্তবং সদা || ২০||
বিশেষতঃ শনিদিনে পীডা তস্য বিনশ্যতি |
জন্মলগ্নে স্থিতির্বাপি গোচরে ক্রূররাশিগে || ২১||
দশাসু চ গতে সৌরে তদা স্তবমিমং পঠেত্ |
পূজযেদ্যঃ শনিং ভক্ত্যা শমীপুষ্পাক্ষতাম্বরৈঃ || ২২||
বিধায লোহপ্রতিমাং নরো দুঃখাদ্বিমুচ্যতে |
বাধা যাঽন্যগ্রহাণাং চ যঃ পঠেত্তস্য নশ্যতি || ২৩||
ভীতো ভযাদ্বিমুচ্যেত বদ্ধো মুচ্যেত বন্ধনাত্ |
রোগী রোগাদ্বিমুচ্যেত নরঃ স্তবমিমং পঠেত্ || ২৪||
পুত্রবান্ধনবান্ শ্রীমান্ জাযতে নাত্র সংশযঃ || ২৫||
নারদ উবাচ ||
স্তবং নিশম্য পার্থস্য প্রত্যক্ষোঽভূচ্ছনৈশ্চরঃ |
দত্ত্বা রাজ্ঞে বরঃ কামং শনিশ্চান্তর্দধে তদা || ২৬||
|| ইতি শ্রী ভবিষ্যপুরাণে শনৈশ্চরস্তবরাজঃ সম্পূর্ণঃ ||