আঞ্জনেয সহস্রনামস্তোত্রম্

.. শ্রী আঞ্জনেয সহস্রনামস্তোত্রম্ ..

.. শ্রীঃ..
Shri Anjaneya or Hanuman Stotra of 1000 Names
.. শ্রী আঞ্জনেয সহস্রনামস্তোত্রম্ ..
উদ্যদাদিত্য সংকাশং উদার ভুজ বিক্রমম্ .
কন্দর্প কোটি লাবণ্যং সর্ব বিদ্যা বিশারদম্ ..
শ্রী রাম হৃদযানংদং ভক্ত কল্প মহীরুহম্ .
অভযং বরদং দোর্ভ্যাং কলযে মারুতাত্মজম্ ..
অথ সহস্রনাম স্তোত্রম্ .
হনুমান্ শ্রী প্রদো বাযু পুত্রো রুদ্রো অনঘো অজরঃ .
অমৃত্যুর্ বীরবীরশ্চ গ্রামাবাসো জনাশ্রযঃ .. ১..
ধনদো নির্গুণঃ শূরো বীরো নিধিপতির্ মুনিঃ .
পিন্গাক্ষো বরদো বাগ্মী সীতা শোক বিনাশকঃ .. ২..
শিবঃ শর্বঃ পরো অব্যক্তো ব্যক্তাব্যক্তো ধরাধরঃ .
পিন্গকেশঃ পিন্গরোমা শ্রুতিগম্যঃ সনাতনঃ .. ৩..
অনাদির্ভগবান্ দেবো বিশ্ব হেতুর্ নিরাশ্রযঃ .
আরোগ্যকর্তা বিশ্বেশো বিশ্বনাথো হরীশ্বরঃ .. ৪..
ভর্গো রামো রাম ভক্তঃ কল্যাণঃ প্রকৃতি স্থিরঃ .
বিশ্বম্ভরো বিশ্বমূর্তিঃ বিশ্বাকারশ্চ বিশ্বপাঃ .. ৫..
বিশ্বাত্মা বিশ্বসেব্যো অথ বিশ্বো বিশ্বহরো রবিঃ .
বিশ্বচেষ্টো বিশ্বগম্যো বিশ্বধ্যেযঃ কলাধরঃ .. ৬..
প্লবংগমঃ কপিশ্রেষ্টো বেদবেদ্যো বনেচরঃ .
বালো বৃদ্ধো যুবা তত্ত্বং তত্ত্বগম্যঃ সুখো হ্যজঃ .. ৭..
অন্জনাসূনুরব্যগ্রো গ্রাম খ্যাতো ধরাধরঃ .
ভূর্ভুবস্স্বর্মহর্লোকো জনো লোকস্তপো অব্যযঃ .. ৮..
সত্যং ওম্কার গম্যশ্চ প্রণবো ব্যাপকো অমলঃ .
শিবো ধর্ম প্রতিষ্ঠাতা রামেষ্টঃ ফল্গুণপ্রিযঃ .. ৯..
গোষ্পদীকৃতবারীশঃ পূর্ণকামো ধরাপতিঃ .
রক্ষোঘ্নঃ পুণ্ডরীকাক্ষঃ শরণাগতবত্সলঃ .. ১০..
জানকী প্রাণ দাতা চ রক্ষঃ প্রাণাপহারকঃ .
পূর্ণসত্ত্বঃ পীতবাসা দিবাকর সমপ্রভঃ .. ১১..
দ্রোণহর্তা শক্তিনেতা শক্তি রাক্ষস মারকঃ .
অক্ষঘ্নো রামদূতশ্চ শাকিনী জীব হারকঃ .. ১২..
ভুভুকার হতারাতির্দুষ্ট গর্ব প্রমর্দনঃ .
হেতুঃ সহেতুঃ প্রংশুশ্চ বিশ্বভর্তা জগদ্গুরুঃ .. ১৩..
জগত্ত্রাতা জগন্নথো জগদীশো জনেশ্বরঃ .
জগত্পিতা হরিঃ শ্রীশো গরুডস্মযভংজনঃ .. ১৪..
পার্থধ্বজো বাযুসুতো অমিত পুচ্ছো অমিত প্রভঃ .
ব্রহ্ম পুচ্ছং পরব্রহ্মাপুচ্ছো রামেষ্ট এব চ .. ১৫..
সুগ্রীবাদি যুতো জ্ঞানী বানরো বানরেশ্বরঃ .
কল্পস্থাযী চিরংজীবী প্রসন্নশ্চ সদা শিবঃ .. ১৬..
সন্নতিঃ সদ্গতিঃ ভুক্তি মুক্তিদঃ কীর্তি দাযকঃ .
কীর্তিঃ কীর্তিপ্রদশ্চৈব সমুদ্রঃ শ্রীপ্রদঃ শিবঃ .. ১৭..
উদধিক্রমণো দেবঃ সংসার ভয নাশনঃ .
বার্ধি বংধনকৃদ্ বিশ্ব জেতা বিশ্ব প্রতিষ্ঠিতঃ .. ১৮..
লংকারিঃ কালপুরুষো লংকেশ গৃহ ভংজনঃ .
ভূতাবাসো বাসুদেবো বসুস্ত্রিভুবনেশ্বরঃ .. ১৯..
শ্রীরামদূতঃ কৃষ্ণশ্চ লংকাপ্রাসাদভংজকঃ .
কৃষ্ণঃ কৃষ্ণ স্তুতঃ শান্তঃ শান্তিদো বিশ্বপাবনঃ .. ২০..
বিশ্ব ভোক্তা চ মারঘ্নো ব্রহ্মচারী জিতেন্দ্রিযঃ .
ঊর্ধ্বগো লান্গুলী মালি লান্গূল হত রাক্ষসঃ .. ২১..
সমীর তনুজো বীরো বীরমারো জযপ্রদঃ .
জগন্মন্গলদঃ পুণ্যঃ পুণ্য শ্রবণ কীর্তনঃ .. ২২..
পুণ্যকীর্তিঃ পুণ্য গতির্জগত্পাবন পাবনঃ .
দেবেশো জিতমারশ্চ রাম ভক্তি বিধাযকঃ .. ২৩..
ধ্যাতা ধ্যেযো ভগঃ সাক্ষী চেত চৈতন্য বিগ্রহঃ .
ঞানদঃ প্রাণদঃ প্রাণো জগত্প্রাণঃ সমীরণঃ .. ২৪..
বিভীষণ প্রিযঃ শূরঃ পিপ্পলাযন সিদ্ধিদঃ .
সুহৃত্ সিদ্ধাশ্রযঃ কালঃ কাল ভক্ষক ভংজনঃ .. ২৫..
লংকেশ নিধনঃ স্থাযী লংকা দাহক ঈশ্বরঃ .
চন্দ্র সূর্য অগ্নি নেত্রশ্চ কালাগ্নিঃ প্রলযান্তকঃ .. ২৬..
কপিলঃ কপীশঃ পুণ্যরাশিঃ দ্বাদশ রাশিগঃ .
সর্বাশ্রযো অপ্রমেযত্মা রেবত্যাদি নিবারকঃ .. ২৭..
লক্ষ্মণ প্রাণদাতা চ সীতা জীবন হেতুকঃ .
রামধ্যেযো হৃষীকেশো বিষ্ণু ভক্তো জটী বলী .. ২৮..
দেবারিদর্পহা হোতা কর্তা হর্তা জগত্প্রভুঃ .
নগর গ্রাম পালশ্চ শুদ্ধো বুদ্ধো নিরন্তরঃ .. ২৯..
নিরংজনো নির্বিকল্পো গুণাতীতো ভযংকরঃ .
হনুমাংশ্চ দুরারাধ্যঃ তপস্সাধ্যো মহেশ্বরঃ .. ৩০..
জানকী ঘনশোকোত্থতাপহর্তা পরাত্পরঃ .
বাডংভ্যঃ সদসদ্রূপঃ কারণং প্রকৃতেঃ পরঃ .. ৩১..
ভাগ্যদো নির্মলো নেতা পুচ্ছ লংকা বিদাহকঃ .
পুচ্ছবদ্ধো যাতুধানো যাতুধান রিপুপ্রিযঃ .. ৩২..
চাযাপহারী ভূতেশো লোকেশ সদ্গতি প্রদঃ .
প্লবংগমেশ্বরঃ ক্রোধঃ ক্রোধ সংরক্তলোচনঃ .. ৩৩..
ক্রোধ হর্তা তাপ হর্তা ভাক্তাভয বরপ্রদঃ.
ভক্তানুকংপী বিশ্বেশঃ পুরুহূতঃ পুরংদরঃ .. ৩৪..
অগ্নির্বিভাবসুর্ভাস্বান্ যমো নিষ্কৃতিরেবচ .
বরুণো বাযুগতিমান্ বাযুঃ কৌবের ঈশ্বরঃ .. ৩৫..
রবিশ্চন্দ্রঃ কুজঃ সৌম্যো গুরুঃ কাব্যঃ শনৈশ্বরঃ .
রাহুঃ কেতুর্মরুদ্ধাতা ধর্তা হর্তা সমীরজঃ .. ৩৬..
মশকীকৃত দেবারি দৈত্যারিঃ মধুসূদনঃ .
কামঃ কপিঃ কামপালঃ কপিলো বিশ্ব জীবনঃ .. ৩৭..
ভাগীরথী পদাংভোজঃ সেতুবংধ বিশারদঃ .
স্বাহা স্বধা হবিঃ কব্যং হব্যবাহ প্রকাশকঃ .. ৩৮..
স্বপ্রকাশো মহাবীরো লঘুশ্চ অমিত বিক্রমঃ .
প্রডীনোড্ডীনগতিমান্ সদ্গতিঃ পুরুষোত্তমঃ .. ৩৯..
জগদাত্মা জগধ্যোনির্জগদংতো হ্যনংতকঃ .
বিপাপ্মা নিষ্কলংকশ্চ মহান্ মদহংকৃতিঃ .. ৪০..
খং বাযুঃ পৃথ্বী হ্যাপো বহ্নির্দিক্পাল এব চ .
ক্ষেত্রজ্ঞঃ ক্ষেত্র পালশ্চ পল্বলীকৃত সাগরঃ .. ৪১..
হিরণ্মযঃ পুরাণশ্চ খেচরো ভুচরো মনুঃ .
হিরণ্যগর্ভঃ সূত্রাত্মা রাজরাজো বিশাংপতিঃ .. ৪২..
বেদাংত বেদ্যো উদ্গীথো বেদবেদংগ পারগঃ .
প্রতি গ্রামস্থিতঃ সাধ্যঃ স্ফূর্তি দাত গুণাকরঃ .. ৪৩..
নক্ষত্র মালী ভূতাত্মা সুরভিঃ কল্প পাদপঃ .
চিন্তা মণির্গুণনিধিঃ প্রজা পতিরনুত্তমঃ .. ৪৪..
পুণ্যশ্লোকঃ পুরারাতির্জ্যোতিষ্মান্ শর্বরীপতিঃ .
কিলিকিল্যারবত্রস্তপ্রেতভূতপিশাচকঃ .. ৪৫..
রুণত্রয হরঃ সূক্ষ্মঃ স্তূলঃ সর্বগতিঃ পুমান্ .
অপস্মার হরঃ স্মর্তা শৃতির্গাথা স্মৃতির্মনুঃ .. ৪৬..
স্বর্গ দ্বারং প্রজা দ্বারং মোক্ষ দ্বারং কপীশ্বরঃ .
নাদ রূপঃ পর ব্রহ্ম ব্রহ্ম ব্রহ্ম পুরাতনঃ .. ৪৭..
একো নৈকো জনঃ শুক্লঃ স্বযং জ্যোতির্নাকুলঃ .
জ্যোতিঃ জ্যোতিরনাদিশ্চ সাত্ত্বিকো রাজসত্তমঃ .. ৪৮..
তমো হর্তা নিরালংবো নিরাকারো গুণাকরঃ .
গুণাশ্রযো গুণমযো বৃহত্কাযো বৃহদ্যশঃ .. ৪৯..
বৃহদ্ধনুর্ বৃহত্পাদো বৃহন্মূর্ধা বৃহত্স্বনঃ .
বৃহত্ কর্ণো বৃহন্নাসো বৃহন্নেত্রো বৃহত্গলঃ .. ৫০..
বৃহধ্যন্ত্রো বৃহত্চেষ্টো বৃহত্ পুচ্ছো বৃহত্ করঃ .
বৃহত্গতির্বৃহত্সেব্যো বৃহল্লোক ফলপ্রদঃ ..৫১..
বৃহচ্ছক্তির্বৃহদ্বাংছা ফলদো বৃহদীশ্বরঃ .
বৃহল্লোক নুতো দ্রষ্টা বিদ্যা দাত জগদ্ গুরুঃ .. ৫২..
দেবাচার্যঃ সত্য বাদী ব্রহ্ম বাদী কলাধরঃ .
সপ্ত পাতালগামী চ মলযাচল সংশ্রযঃ .. ৫৩..
উত্তরাশাস্থিতঃ শ্রীদো দিব্য ঔষধি বশঃ খগঃ .
শাখামৃগঃ কপীন্দ্রশ্চ পুরাণঃ শ্রুতি সংচরঃ .. ৫৪..
চতুরো ব্রাহ্মণো যোগী যোগগম্যঃ পরাত্পরঃ .
অনদি নিধনো ব্যাসো বৈকুণ্ঠঃ পৃথ্বী পতিঃ .. ৫৫..
পরাজিতো জিতারাতিঃ সদানন্দশ্চ ঈশিতা .
গোপালো গোপতির্গোপ্তা কলিঃ কালঃ পরাত্পরঃ .. ৫৬..
মনোবেগী সদা যোগী সংসার ভয নাশনঃ .
তত্ত্ব দাতা চ তত্ত্বজ্ঞস্তত্ত্বং তত্ত্ব প্রকাশকঃ .. ৫৭..
শুদ্ধো বুদ্ধো নিত্যমুক্তো ভক্ত রাজো জযপ্রদঃ .
প্রলযো অমিত মাযশ্চ মাযাতীতো বিমত্সরঃ .. ৫৮..
মাযা-নির্জিত-রক্ষাশ্চ মাযা-নির্মিত-বিষ্টপঃ .
মাযাশ্রযশ্চ নির্লেপো মাযা নির্বংচকঃ সুখঃ .. ৫৯..
সুখী সুখপ্রদো নাগো মহেশকৃত সংস্তবঃ .
মহেশ্বরঃ সত্যসংধঃ শরভঃ কলি পাবনঃ .. ৬০..
রসো রসজ্ঞঃ সম্মনস্তপস্চক্ষুশ্চ ভৈরবঃ .
ঘ্রাণো গন্ধঃ স্পর্শনং চ স্পর্শো অহংকারমানদঃ .. ৬১..
নেতি-নেতি-গম্যশ্চ বৈকুণ্ঠ ভজন প্রিযঃ .
গিরীশো গিরিজা কান্তো দূর্বাসাঃ কবিরংগিরাঃ .. ৬২..
ভৃগুর্বসিষ্টশ্চ যবনস্তুম্বুরুর্নারদো অমলঃ .
বিশ্ব ক্ষেত্রং বিশ্ব বীজং বিশ্ব নেত্রশ্চ বিশ্বগঃ .. ৬৩..
যাজকো যজমানশ্চ পাবকঃ পিতরস্তথা .
শ্রদ্ধ বুদ্ধিঃ ক্ষমা তন্দ্রা মন্ত্রো মন্ত্রযুতঃ স্বরঃ .. ৬৪..
রাজেন্দ্রো ভূপতী রুণ্ড মালী সংসার সারথিঃ .
নিত্যঃ সংপূর্ণ কামশ্চ ভক্ত কামধুগুত্তমঃ .. ৬৫..
গণপঃ কীশপো ভ্রাতা পিতা মাতা চ মারুতিঃ .
সহস্র শীর্ষা পুরুষঃ সহস্রাক্ষঃ সহস্রপাত্ .. ৬৬..
কামজিত্ কাম দহনঃ কামঃ কাম্য ফল প্রদঃ .
মুদ্রাহারী রাক্ষসঘ্নঃ ক্ষিতি ভার হরো বলঃ .. ৬৭..
নখ দংষ্ট্র যুধো বিষ্ণু ভক্তো অভয বর প্রদঃ .
দর্পহা দর্পদো দৃপ্তঃ শত মূর্তিরমূর্তিমান্ .. ৬৮..
মহা নিধির্মহা ভোগো মহা ভাগো মহার্থদঃ .
মহাকারো মহা যোগী মহা তেজা মহা দ্যুতিঃ .. ৬৯..
মহা কর্মা মহা নাদো মহা মন্ত্রো মহা মতিঃ .
মহাশযো মহোদারো মহাদেবাত্মকো বিভুঃ .. ৭০..
রুদ্র কর্মা কৃত কর্মা রত্ন নাভঃ কৃতাগমঃ .
অম্ভোধি লংঘনঃ সিংহো নিত্যো ধর্মঃ প্রমোদনঃ .. ৭১..
জিতামিত্রো জযঃ সম বিজযো বাযু বাহনঃ .
জীব দাত সহস্রাংশুর্মুকুন্দো ভূরি দক্ষিণঃ .. ৭২..
সিদ্ধর্থঃ সিদ্ধিদঃ সিদ্ধ সংকল্পঃ সিদ্ধি হেতুকঃ .
সপ্ত পাতালচরণঃ সপ্তর্ষি গণ বন্দিতঃ .. ৭৩..
সপ্তাব্ধি লংঘনো বীরঃ সপ্ত দ্বীপোরুমণ্ডলঃ .
সপ্তাংগ রাজ্য সুখদঃ সপ্ত মাতৃ নিশেবিতঃ .. ৭৪..
সপ্ত লোকৈক মুকুটঃ সপ্ত হোতা স্বরাশ্রযঃ .
সপ্তচ্ছন্দো নিধিঃ সপ্তচ্ছন্দঃ সপ্ত জনাশ্রযঃ .. ৭৫..
সপ্ত সামোপগীতশ্চ সপ্ত পাতল সংশ্রযঃ .
মেধাবী কীর্তিদঃ শোক হারী দৌর্ভগ্য নাশনঃ .. ৭৬..
সর্ব বশ্যকরো গর্ভ দোষঘ্নঃ পুত্রপৌত্রদঃ .
প্রতিবাদি মুখস্তংভী তুষ্টচিত্তঃ প্রসাদনঃ .. ৭৭..
পরাভিচারশমনো দুঃখঘ্নো বংধ মোক্ষদঃ .
নব দ্বার পুরাধারো নব দ্বার নিকেতনঃ .. ৭৮..
নর নারাযণ স্তুত্যো নরনাথো মহেশ্বরঃ .
মেখলী কবচী খদ্গী ভ্রাজিষ্ণুর্জিষ্ণুসারথিঃ .. ৭৯..
বহু যোজন বিস্তীর্ণ পুচ্ছঃ পুচ্ছ হতাসুরঃ .
দুষ্টগ্রহ নিহংতা চ পিশাচ গ্রহ ঘাতকঃ .. ৮০..
বাল গ্রহ বিনাশী চ ধর্মো নেতা কৃপকরঃ .
উগ্রকৃত্যশ্চোগ্রবেগ উগ্র নেত্রঃ শত ক্রতুঃ .. ৮১..
শত মন্যুস্তুতঃ স্তুত্যঃ স্তুতিঃ স্তোতা মহা বলঃ .
সমগ্র গুণশালী চ ব্যগ্রো রক্ষো বিনাশকঃ .. ৮২..
রক্ষোঘ্ন হস্তো ব্রহ্মেশঃ শ্রীধরো ভক্ত বত্সলঃ .
মেঘ নাদো মেঘ রূপো মেঘ বৃষ্টি নিবারকঃ .. ৮৩..
মেঘ জীবন হেতুশ্চ মেঘ শ্যামঃ পরাত্মকঃ .
সমীর তনযো বোধ্হ তত্ত্ব বিদ্যা বিশারদঃ .. ৮৪..
অমোঘো অমোঘহৃষ্টিশ্চ ইষ্টদো অনিষ্ট নাশনঃ .
অর্থো অনর্থাপহারী চ সমর্থো রাম সেবকঃ .. ৮৫..
অর্থী ধন্যো অসুরারাতিঃ পুণ্ডরীকাক্ষ আত্মভূঃ .
সংকর্ষণো বিশুদ্ধাত্মা বিদ্যা রাশিঃ সুরেশ্বরঃ .. ৮৬..
অচলোদ্ধরকো নিত্যঃ সেতুকৃদ্ রাম সারথিঃ .
আনন্দঃ পরমানন্দো মত্স্যঃ কূর্মো নিধিঃশমঃ .. ৮৭..
বারাহো নারসিংহশ্চ বামনো জমদগ্নিজঃ .
রামঃ কৃষ্ণঃ শিবো বুদ্ধঃ কল্কী রামাশ্রযো হরঃ .. ৮৮..
নন্দী ভৃন্গী চ চণ্ডী চ গণেশো গণ সেবিতঃ .
কর্মাধ্যক্ষ্যঃ সুরাধ্যক্ষো বিশ্রামো জগতাংপতিঃ .. ৮৯..
জগন্নথঃ কপি শ্রেষ্টঃ সর্বাবসঃ সদাশ্রযঃ .
সুগ্রীবাদিস্তুতঃ শান্তঃ সর্ব কর্মা প্লবংগমঃ .. ৯০..
নখদারিতরক্ষাশ্চ নখ যুদ্ধ বিশারদঃ .
কুশলঃ সুঘনঃ শেষো বাসুকিস্তক্ষকঃ স্বরঃ .. ৯১..
স্বর্ণ বর্ণো বলাঢ্যশ্চ রাম পূজ্যো অঘনাশনঃ .
কৈবল্য দীপঃ কৈবল্যং গরুডঃ পন্নগো গুরুঃ .. ৯২..
কিল্যারাবহতারাতিগর্বঃ পর্বত ভেদনঃ .
বজ্রাংগো বজ্র বেগশ্চ ভক্তো বজ্র নিবারকঃ .. ৯৩..
নখাযুধো মণিগ্রীবো জ্বালামালী চ ভাস্করঃ .
প্রৌঢ প্রতাপস্তপনো ভক্ত তাপ নিবারকঃ .. ৯৪..
শরণং জীবনং ভোক্তা নানাচেষ্টোহ্যচংচলঃ .
সুস্বস্থো অস্বাস্থ্যহা দুঃখশমনঃ পবনাত্মজঃ .. ৯৫..
পাবনঃ পবনঃ কান্তো ভক্তাগস্সহনো বলঃ .
মেঘ নাদরিপুর্মেঘনাদ সংহৃতরাক্ষসঃ .. ৯৬..
ক্ষরো অক্ষরো বিনীতাত্মা বানরেশঃ সতাংগতিঃ .
শ্রী কণ্টঃ শিতি কণ্টশ্চ সহাযঃ সহনাযকঃ .. ৯৭..
অস্তূলস্ত্বনণুর্ভর্গো দেবঃ সংসৃতিনাশনঃ .
অধ্যাত্ম বিদ্যাসারশ্চ অধ্যাত্মকুশলঃ সুধীঃ .. ৯৮..
অকল্মষঃ সত্য হেতুঃ সত্যগঃ সত্য গোচরঃ .
সত্য গর্ভঃ সত্য রূপঃ সত্যং সত্য পরাক্রমঃ .. ৯৯..
অন্জনা প্রাণলিংগচ বাযু বংশোদ্ভবঃ শুভঃ .
ভদ্র রূপো রুদ্র রূপঃ সুরূপস্চিত্র রূপধৃত্ .. ১০০..
মৈনাক বংদিতঃ সূক্ষ্ম দর্শনো বিজযো জযঃ .
ক্রান্ত দিগ্মণ্ডলো রুদ্রঃ প্রকটীকৃত বিক্রমঃ .. ১০১..
কম্বু কণ্টঃ প্রসন্নাত্মা হ্রস্ব নাসো বৃকোদরঃ .
লংবোষ্টঃ কুণ্ডলী চিত্রমালী যোগবিদাং বরঃ .. ১০২..
বিপশ্চিত্ কবিরানন্দ বিগ্রহো অনন্য শাসনঃ .
ফল্গুণীসূনুরব্যগ্রো যোগাত্মা যোগতত্পরঃ .. ১০৩..
যোগ বেদ্যো যোগ কর্তা যোগ যোনির্দিগংবরঃ .
অকারাদি ক্ষকারান্ত বর্ণ নির্মিত বিগ্রহঃ .. ১০৪..
উলূখল মুখঃ সিংহঃ সংস্তুতঃ পরমেশ্বরঃ .
শ্লিষ্ট জংঘঃ শ্লিষ্ট জানুঃ শ্লিষ্ট পাণিঃ শিখা ধরঃ .. ১০৫..
সুশর্মা অমিত শর্মা চ নারযণ পরাযণঃ .
জিষ্ণুর্ভবিষ্ণূ রোচিষ্ণুর্গ্রসিষ্ণুঃ স্থাণুরেব চ .. ১০৬..
হরী রুদ্রানুকৃদ্ বৃক্ষ কংপনো ভূমি কংপনঃ .
গুণ প্রবাহঃ সূত্রাত্মা বীত রাগঃ স্তুতি প্রিযঃ .. ১০৭..
নাগ কন্যা ভয ধ্বংসী রুক্ম বর্ণঃ কপাল ভৃত্ .
অনাকুলো ভবোপাযো অনপাযো বেদ পারগঃ .. ১০৮..
অক্ষরঃ পুরুষো লোক নাথো রক্ষ প্রভু দৃডঃ .
অষ্টাংগ যোগ ফলভুক্ সত্য সংধঃ পুরুষ্টুতঃ .. ১০৯..
স্মশান স্থন নিলযঃ প্রেত বিদ্রাবণ ক্ষমঃ .
পংচাক্ষর পরঃ পংচ মাতৃকো রংজনধ্বজঃ .. ১১০..
যোগিনী বৃন্দ বংদ্যশ্চ শত্রুঘ্নো অনন্ত বিক্রমঃ .
ব্রহ্মচারী ইন্দ্রিয রিপুঃ ধৃতদণ্ডো দশাত্মকঃ .. ১১১..
অপ্রপংচঃ সদাচারঃ শূর সেনা বিদারকঃ .
বৃদ্ধঃ প্রমোদ আনংদঃ সপ্ত জিহ্ব পতির্ধরঃ .. ১১২..
নব দ্বার পুরাধারঃ প্রত্যগ্রঃ সামগাযকঃ .
ষট্চক্রধামা স্বর্লোকো ভযহ্যন্মানদো অমদঃ .. ১১৩..
সর্ব বশ্যকরঃ শক্তিরনন্তো অনন্ত মংগলঃ .
অষ্ট মূর্তির্ধরো নেতা বিরূপঃ স্বর সুন্দরঃ .. ১১৪..
ধূম কেতুর্মহা কেতুঃ সত্য কেতুর্মহারথঃ .
নন্দি প্রিযঃ স্বতন্ত্রশ্চ মেখলী সমর প্রিযঃ .. ১১৫..
লোহাংগঃ সর্ববিদ্ ধন্বী ষট্কলঃ শর্ব ঈশ্বরঃ .
ফল ভুক্ ফল হস্তশ্চ সর্ব কর্ম ফলপ্রদঃ .. ১১৬..
ধর্মাধ্যক্ষো ধর্মফলো ধর্মো ধর্মপ্রদো অর্থদঃ .
পংচ বিংশতি তত্ত্বজ্ঞঃ তারক ব্রহ্ম তত্পরঃ .. ১১৭..
ত্রি মার্গবসতির্ভূমিঃ সর্ব দুঃখ নিবর্হণঃ .
ঊর্জস্বান্ নিষ্কলঃ শূলী মালী গর্জন্নিশাচরঃ .. ১১৮..
রক্তাংবর ধরো রক্তো রক্ত মালা বিভূষণঃ .
বন মালী শুভাংগশ্চ শ্বেতঃ স্বেতাংবরো যুবা .. ১১৯..
জযো জয পরীবারঃ সহস্র বদনঃ কবিঃ .
শাকিনী ডাকিনী যক্ষ রক্ষো ভূতৌঘ ভংজনঃ .. ১২০..
সধ্যোজাতঃ কামগতির্ জ্ঞান মূর্তিঃ যশস্করঃ .
শংভু তেজাঃ সার্বভৌমো বিষ্ণু ভক্তঃ প্লবংগমঃ .. ১২১..
চতুর্নবতি মন্ত্রজ্ঞঃ পৌলস্ত্য বল দর্পহা .
সর্ব লক্ষ্মী প্রদঃ শ্রীমান্ অন্গদপ্রিয ঈডিতঃ .. ১২২..
স্মৃতির্বীজং সুরেশানঃ সংসার ভয নাশনঃ .
উত্তমঃ শ্রীপরীবারঃ শ্রী ভূ দুর্গা চ কামাখ্যক .. ১২৩..
সদাগতির্মাতরিশ্চ রাম পাদাব্জ ষট্পদঃ .
নীল প্রিযো নীল বর্ণো নীল বর্ণ প্রিযঃ সুহৃত্ .. ১২৪..
রাম দূতো লোক বন্ধুঃ অন্তরাত্মা মনোরমঃ .
শ্রী রাম ধ্যানকৃদ্ বীরঃ সদা কিংপুরুষস্স্তুতঃ .. ১২৫..
রাম কার্যাংতরংগশ্চ শুদ্ধির্গতিরানমযঃ .
পুণ্য শ্লোকঃ পরানন্দঃ পরেশঃ প্রিয সারথিঃ .. ১২৬..
লোক স্বামি মুক্তি দাতা সর্ব কারণ কারণঃ .
মহা বলো মহা বীরঃ পারাবারগতির্গুরুঃ .. ১২৭..
সমস্ত লোক সাক্ষী চ সমস্ত সুর বংদিতঃ .
সীতা সমেত শ্রী রাম পাদ সেবা দুরংধরঃ .. ১২৮..
ইতি শ্রী সীতা সমেত শ্রী রাম পাদ সেবা দুরংধর
শ্রী হনুমত্ সহস্র নাম স্তোত্রং সংপূর্ণং ..