শিবাষ্টকং

 .. শিবাষ্টকং ..

          .. অথ শ্রী শিবাষ্টকং ..

প্রভুং প্রাণনাথং বিভুং বিশ্বনাথং জগন্নাথনাথং সদানন্দভাজাম্ .
ভবদ্ভব্যভূতেশ্বরং ভূতনাথং শিবং শঙ্করং শম্ভুমীশানমীডে .. ১..

গলে রুণ্ডমালং তনৌ সর্পজালং মহাকালকালং গণেশাধিপালম্ .
জটাজূটভঙ্গোত্তরঙ্গৈর্বিশালং শিবং শঙ্করং শম্ভুমীশানমীডে .. ২..

মুদামাকরং মণ্ডনং মণ্ডযন্তং মহামণ্ডল ভস্মভূষধরংতম্ .
অনাদিহ্যপারং মহামোহহারং শিবং শঙ্করং শম্ভুমীশানমীডে .. ৩..

তটাধো নিবাসং মহাট্টাট্টহাসং মহাপাপনাশং সদাসুপ্রকাশম্ .
গিরীশং গণেশং মহেশং সুরেশং শিবং শঙ্করং শম্ভুমীশানমীডে .. ৪..

গিরিন্দ্রাত্মজাসংগ্রহীতার্ধদেহং গিরৌ সংস্থিতং সর্বদা সন্নগেহম্ .
পরব্রহ্মব্রহ্মাদিভির্বন্ধ্যমানং শিবং শঙ্করং শম্ভুমীশানমীডে .. ৫..

কপালং ত্রিশূলং করাভ্যাং দধানং পদাম্ভোজনম্রায কামং দদানম্ .
বলীবর্দযানং সুরাণাং প্রধানং শিবং শঙ্করং শম্ভুমীশানমীডে .. ৬..

শরচ্চন্দ্রগাত্রং গুণানন্দ পাত্রং ত্রিনেত্রং পবিত্রং ধনেশস্য মিত্রম্ .
অপর্ণাকলত্রং চরিত্রং বিচিত্রং শিবং শঙ্করং শম্ভুমীশানমীডে .. ৭..

হরং সর্পহারং চিতা ভূবিহারং ভবং বেদসারং সদা নির্বিকারম্ .
শ্মশানে বদন্তং মনোজং দহন্তং শিবং শঙ্করং শম্ভুমীশানমীডে .. ৮..

স্তবং যঃ প্রভাতে নরঃ শূলপাণে পঠেত্ সর্বদা ভর্গভাবানুরক্তঃ .
স পুত্রং ধনং ধান্যমিত্রং কলত্রং বিচিত্রং সমাসাদ্য মোক্ষং প্রযাতি .. ৯..

.. ইতি শিবাষ্টকম্ ..