শিব স্তোত্র

 .. শিব স্তোত্র – স্বামী বিবেকানন্দ ..

           .. শিবস্তোত্রম্ ..

৐ নমঃ শিবায .

নিখিলভুবনজন্মস্থমভঙ্গপ্ররোহাঃ
           অকলিতমহিমানঃ কল্পিতা যত্র তস্মিন্ .
সুবিমলগগনাভে ঈশসংস্থেঽপ্যনীশে
           মম ভবতু ভবেঽস্মিন্ ভাসুরো ভাববন্ধঃ ..
নিহতনিখিলমোহেঽধীশতা যত্র রূঢা
           প্রকটিতপরপ্রেম্না যো মহাদেব সংজ্ঞঃ .
অশিথিলপরিরম্ভঃ প্রেমরূপস্য যস্য
           প্রণযতি হৃদি বিশ্বং ব্যাজমাত্রং বিভুত্বম্ ..
বহতি বিপুলবাতঃ পূর্ব সংস্কাররূপঃ
           প্রমথতি বলবৃংদং ঘূর্ণিতেবোর্মিমালা .
প্রচলতি খলু যুগ্মং যুষ্মদস্মত্প্রতীতম্
           অতিবিকলিতরূপং নৌমি চিত্তং শিবস্থম্ ..
জনকজনিতভাবো বৃত্তযঃ সংস্কৃতাশ্চ
           অগণনবহুরূপা যত্র একো যথার্থঃ .
শমিতবিকৃতবাতে যত্র নাংতর্বহিশ্চ
           তমহহ হরমৌডে চিত্তবৃত্তের্নিরোধম্ ..
গলিততিমিরমালঃ শুভ্রতেজঃপ্রকাশঃ
           ধবলকমলশোভঃ জ্ঞানপুঞ্জাট্টহাসঃ .
যমিজনহৃদিগম্যঃ নিষ্কলং ধ্যাযমানঃ
           প্রণতমবতু মং সঃ মানসো রাজহংসঃ ..
দুরিতদলনদক্ষং দক্ষজাদত্তদোষম্
           কলিতকলিকলঙ্কং কম্রকল্হারকাংতম্ .
পরহিতকরণায প্রাণবিচ্ছেদসূত্কম্
           নতনযননিযুক্তং নীলকংঠং নমামঃ ..

                                    –স্বামী বিবেকানন্দ