রুদ্রম্ নমকম্ এবং চমকম্ অথবা রুদ্রাধ্যায

 .. শ্রী রুদ্রপ্রশ্নঃ ..
          .. নমকম্ ..

          ধ্যানম্

আপাতালনভঃস্থলান্তভুবনব্রহ্মাণ্ডমাবিস্ফুর-
জ্জ্যোতিঃ স্ফাটিকলিঙ্গমৌলিবিলসত্ পূর্ণেন্দুবান্তামৃতৈঃ .
অস্তোকাপ্লুতমেকমীশমনিশং রুদ্রানুবাকাঞ্জপন্
ধ্যাযেদীপ্সিত সিদ্ধযেঽদ্রুতপদং বিপ্রোঽভিষিঞ্জেচ্ছিবম্ ..

ব্রহ্মাণ্ডব্যাপ্তদেহা ভসিতহিমরুচা ভাসমানা ভুজঙ্গৈঃ
কণ্ঠে কালাঃ কপর্দাকলিত শশিকলাশ্চণ্ডকোদণ্ডহস্তাঃ .
ত্র্যক্ষা রুদ্রাক্ষমালাঃ প্রণতভযহরাঃ শাংভবা মূর্তিভেদাঃ
রুদ্রাঃ শ্রীরুদ্রসূক্তপ্রকটিতবিভবা নঃ প্রযচ্ছন্তু সৌখ্যম্ ..

          .. ওং নমো ভগবতে রুদ্রায ..

নমস্তে রুদ্রমন্যব উতোত ইষবে নমঃ .
নমস্তে অস্তু ধন্বনে বাহুভ্যা- মুত তে নমঃ .. ১- ১..

যাত ইষুঃ শিবতমা শিবং বভূব তে ধনুঃ .
শিবা শরব্যা যা তব তযা নো রুদ্র মৃডয .. ১- ২..

যা তে রুদ্র শিবা তনূ- রঘোরাঽপাপকাশিনী .
তযা নস্তনুবা শন্তমযা গিরিশংতাভিচাকশীহি .. ১- ৩..

যামিষুং গিরিশংত হস্তে বিভর্ষ্যস্তবে .
শিবাং গিরিত্র তাং কুরু মা হিসীঃ পুরুষং জগত্ .. ১- ৪..

শিবেন বচসা ত্বা গিরিশাচ্ছা বদামসি .
যথা নঃ সর্বমিজ্জগদযক্ষ্মসুমনা অসত্ .. ১- ৫..

অধ্যবোচদধি বক্তা প্রথমো দৈব্যো ভিষক্ .
অহীশ্চ সর্বাঞ্জংভযন্ত্সর্বাশ্চ যাতুধান্যঃ .. ১- ৬..

অসৌ যস্তাম্রো অরুণ উত বভ্রুঃ সুমংগলঃ .
যে চেমারুদ্রা অভিতো দিক্ষু .
শ্রিতাঃ সহস্রশোঽবৈষাহেড ঈমহে .. ১- ৭..

অসৌ যোঽবসর্পতি নীলগ্রীবো বিলোহিতঃ .
উতৈনং গোপা অদৃশন্নদৃশন্নুদহার্যঃ .
উতৈনং বিশ্বা ভূতানি স দৃষ্টো মৃডযাতি নঃ .. ১- ৮..

নমো অস্তু নীলগ্রীবায সহস্রাক্ষায মীঢুষে .
অথো যে অস্য সত্বানোঽহং তেভ্যোঽকরন্নমঃ .. ১- ৯..

প্রমুংচ ধন্বনস্ত্ব- মুভযো- রার্ত্নিযো- র্জ্যাম্ .
যাশ্চ তে হস্ত ইষবঃ পরা তা ভগবো বপ .. ১- ১০..

অবতত্য ধনুস্ত্ব সহস্রাক্ষ শতেষুধে .
নিশীর্য শল্যানাং মুখা শিবো নঃ সুমনা ভব .. ১- ১১..

বিজ্যং ধনুঃ কপর্দিনো বিশল্যো বাণবা উত .
অনেশন্নস্যেষব আভুরস্য নিষংগথিঃ .. ১- ১২..

যা তে হেতি- র্মীঢুষ্টম হস্তে বভূব তে ধনুঃ .
তযাঽস্মান্বিশ্বতস্ত্ব- মযক্ষ্মযা পরিব্ভুজ .. ১- ১৩..

নমস্তে অস্ত্বাযুধাযানাততায ধৃষ্ণবে .
উভাভ্যামুত তে নমো বাহুভ্যাং তব ধন্বনে .. ১- ১৪..

পরি তে ধন্বনো হেতি- রস্মান্ব্রুণক্তু বিশ্বতঃ .
অথো য ইষুধিস্তবারে অস্মন্নিধেহি তম্ .. ১- ১৫..

নমস্তে অস্তু ভগবন্ বিশ্বেশ্বরায মহাদেবায ত্র্যংবকায
ত্রিপুরান্তকায ত্রিকাগ্নি- কালায কালাগ্নিরুদ্রায
নীলকণ্ঠায ম্রুত্যুংজযায সর্বেশ্বরায
সদাশিবায শ্রীমন্মহাদেবায নমঃ .. ২- ০..

নমো হিরণ্যবাহবে সেনান্যে দিশাং চ পতযে নমো নমো
বৃক্ষেভ্যো হরিকেশেভ্যঃ পশূনাং পতযে নমো নমঃ
সস্পিঞ্চরায ত্বিষীমতে পথীনাং পতযে নমো নমো
বভ্লুশায বিব্যাধিনেঽন্নানাং পতযে নমো নমো
হরিকেশাযোপবীতিনে পুষ্টানাং পতযে নমো নমো
ভবস্য হেত্যৈ জগতাং পতযে নমো নমো
রুদ্রাযাততাবিনে ক্ষেত্রাণাং পতযে নমো নমঃ
সূতাযাহন্ত্যায বনানাং পতযে নমো নমঃ .. ২- ১..

রোহিতায স্থপতযে বৃক্ষাণাং পতযে নমো নমো
মন্ত্রিণে বাণিজায কক্ষাণাং পতযে নমো নমো
ভুবংতযে বারিবস্কৃতাযৌষধীনাং পতযে নমো নম
উচ্চৈর্ঘোষাযাক্রন্দযতে পত্তীনাং পতযে নমো নমঃ
কৃত্স্নবীতায ধাবতে সত্বনাং পতযে নমঃ .. ২- ২..

নমঃ সহমানায নিব্যাধিন আব্যাধিনীনাং
পতযে নমো নমঃ
ককুভায নিষঙ্গিণে স্তেনানাং পতযে নমো নমো
নিষঙ্গিণ ইষুধিমতে তস্করাণাং পতযে নমো নমো
বঞ্চতে পরিবঞ্চতে স্তাযূনাং পতযে নমো নমো
নিচেরবে পরিচরাযারণ্যানাং পতযে নমো নমঃ
সৃকাবিভ্যো জিঘাসদ্ভ্যো মুষ্ণতাং পতযে নমো নমো
ঽসিমদ্ভ্যো নক্তং চরদ্ভ্যঃ প্রকৃন্তানাং পতযে নমো নম
উষ্ণীষিণে গিরিচরায কুলুঞ্চানাং পতযে নমো নমঃ .. ৩- ১..

ইষুমদ্ভ্যো ধন্বাবিভ্যশ্চ বো নমো নম
আতন্বানেভ্যঃ প্রতিদধানেভ্যশ্চ বো নমো নম
আযচ্ছদ্ভ্যো বিসৃজদ্ভ্যশ্চ বো নমো নমো
ঽস্যদ্ভ্যো বিদ্ধ্যদ্ভ্যশ্চ বো নমো নম
আসীনেভ্যঃ শযানেভ্যশ্চ বো নমো নমঃ
স্বপদ্ভ্যো জাগ্রদ্ভ্যশ্চ বো নমো নম-
স্তিষ্ঠদ্ভ্যো ধাবদ্ভ্যশ্চ বো নমো নমঃ
সভাভ্যঃ সভাপতিভ্যশ্চ বো নমো নমো
অশ্বেভ্যোঽশ্বপতিভ্যশ্চ বো নমঃ .. ৩- ২..

নম আব্যধিনীভ্যো বিবিধ্যন্তীভ্যশ্চ বো নমো নম
উগণাভ্যস্তৃহতীভ্যশ্চ বো নমো নমো
গৃত্সেভ্যো গ্রুত্সপতিভ্যশ্চ বো নমো নমো
ব্রাতেভ্যো ব্রাতপতিভ্যশ্চ বো নমো নমো
গণেভ্যো গণপতিভ্যশ্চ বো নমো নমো
বিরূপেভ্যো বিশ্বরূপেভ্যশ্চ বো নমো নমো
মহদ্ভ্যঃ ক্ষুল্লকেভ্যশ্চ বো নমো নমো
রথিভ্যোঽরথেভ্যশ্চ বো নমো নমো রথেভ্যঃ .. ৪- ১..

রথপতিভ্যশ্চ বো নমো নমঃ
সেনাভ্যঃ সেননিভ্যশ্চ বো নমো নমঃ
ক্ষত্তৃভ্যঃ সংগ্রহীতৃভ্যশ্চ বো নমো নম-
স্তক্ষভ্যো রথকারেভ্যশ্চ বো নমো নমঃ
কুলালেভ্যঃ কর্মারেভ্যশ্চ বো নমো নমঃ
পুঞ্জিষ্টেভ্যো নিষাদেভ্যশ্চ বো নমো নম
ইষুকৃদ্ভ্যো ধন্বকৃদ্ভ্যশ্চ বো নমো নমো
ম্রুগযুভ্যঃ শ্বনিভ্যশ্চ বো নমো নমঃ
শ্বভ্যঃ শ্বপতিভ্যশ্চ বো নমঃ .. ৪- ২..

নমো ভবায চ রুদ্রায চ নমঃ শর্বায চ পশুপতযে চ
নমো নীলগ্রীবায চ শিতিকণ্ঠায চ
নমঃ কপর্দিনে চ ব্যুপ্তকেশায চ
নমঃ সহস্রাক্ষায চ শতধন্বনে চ
নমো গিরিশায চ শিপিবিষ্টায চ
নমো মীঢুষ্টমায চেষুমতে চ নমো হ্রস্বায চ বামনায চ
নমো বৃহতে চ বর্ষীযসে চ
নমো বৃদ্ধায চ সংবৃদ্ধ্বনে চ .. ৫- ১..

নমো অগ্রিযায চ প্রথমায চ নম আশবে চাজিরায চ
নমঃ শীঘ্রিযায চ শীভ্যায চ
নম্ ঊর্ম্যায চাবস্বন্যায চ
নমঃ স্ত্রোতস্যায চ দ্বীপ্যায চ .. ৫- ২..

নমো জ্যেষ্ঠায চ কনিষ্ঠায চ
নমঃ পূর্বজায চাপরজায চ
নমো মধ্যমায চাপগল্ভায চ
নমো জঘন্যায চ বুধ্নিযায চ
নমঃ সোভ্যায চ প্রতিসর্যায চ
নমো যাম্যায চ ক্ষেম্যায চ
নম উর্বর্যায চ খল্যায চ
নমঃ শ্লোক্যায চাবসান্যায চ
নমো বন্যায চ কক্ষ্যায চ
নমঃ শ্রবায চ প্রতিশ্রবায চ .. ৬- ১..

নম আশুষেণায চাশুরথায চ
নমঃ শূরায চাবভিন্দতে চ
নমো বর্মিণে চ বরূথিনে চ
নমো বিল্মিনে চ কবচিনে চ
নমঃ শ্রুতায চ  শ্রুতসেনায চ .. ৬- ২..

নমো দুন্দুভ্যায চাহনন্যায চ নমো ধৃষ্ণবে চ প্রমৃশায চ
নমো দূতায চ প্রহিতায চ নমো নিষঙ্গিণে চেষুধিমতে চ
নমস্তীক্ষ্ণেষবে চাযুধিনে চ নমঃ স্বাযুধায চ সুধন্বনে চ
নমঃ স্রুত্যায চ পথ্যায চ নমঃ কাট্যায চ নীপ্যায চ
নমঃ সূদ্যায চ সরস্যায চ নমো নাদ্যায চ বৈশন্তায চ .. ৭- ১..

নমঃ কূপ্যায চাবট্যায চ নমো বর্ষ্যায চাবর্ষ্যায চ
নমো মেঘ্যায চ বিদ্যুত্যায চ নম ঈঘ্রিযায চাতপ্যায চ
নমো বাত্যায চ রেষ্মিযায চ
নমো বাস্তব্যায চ বাস্তুপায চ .. ৭- ২..

নমঃ সোমায চ রুদ্রায চ নমস্তাম্রায চারুণায চ
নমঃ শঙ্গায চ পশুপতযে চ নম উগ্রায চ ভীমায চ
নমো অগ্রেবধায চ দূরেবধায চ
নমো হন্ত্রে চ হনীযসে চ নমো বৃক্ষেভ্যো হরিকেশেভ্যো
নমস্তারায নমঃ শংভবে চ মযোভবে চ
নমঃ শংকরায চ মযস্করায চ
নমঃ শিবায  চ শিবতরায চ .. ৮- ১..

নমস্তীর্থ্যায চ কূল্যায চ
নমঃ পার্যায চাবার্যায চ
নমঃ প্রতরণায চোত্তরণায চ
নম আতার্যায চালাদ্যায চ
নমঃ শষ্প্যায চ ফেন্যায চ নমঃ
সিকত্যায চ প্রবাহ্যায চ .. ৮- ২..

নম ইরিণ্যায চ প্রপথ্যায চ
নমঃ কিশিলায চ ক্ষযণায চ
নমঃ কপর্দিনে চ পুলস্তযে চ
নমো গোষ্ঠ্যায চ গৃহ্যায চ
নমস্তল্প্যায চ গেহ্যায চ
নমঃ কাট্যায চ গহ্বরেষ্ঠায চ
নমো হৃদয্যায চ নিবেষ্প্যায চ
নমঃ পাসব্যায চ রজস্যায চ
নমঃ শুষ্ক্যায চ হরিত্যায চ
নমো লোপ্যায চোলপ্যায চ .. ৯- ১..

নম ঊর্ব্যায চ সূর্ম্যায চ
নমঃ পর্ণ্যায চ পর্ণশদ্যায চ
নমোঽপগুরমাণায চাভিঘ্নতে চ
নম আখ্খিদতে চ প্রখ্খিদতে চ
নমো বঃ কিরিকেভ্যো দেবানা হৃদযেভ্যো
নমো বিক্ষীণকেভ্যো নমো বিচিন্বত্কেভ্যো
নম আনির্হতেভ্যো নম আমীবত্কেভ্যঃ .. ৯- ২..

দ্রাপে অন্ধসস্পতে দরিদ্রন্নীললোহিত .
এষাং পুরুষাণামেষাং পশূনাং মা ভের্মারো মো এষাং
কিংচনামমত্ .. ১০- ১..

যা তে রুদ্র শিবা তনূঃ শিবা বিশ্বাহ ভেষজী .
শিবা রুদ্রস্য ভেষজী তযা নো মৃড জীবসে .. ১০- ২..

ইমারুদ্রায তবসে কপর্দিনে ক্ষযদ্বীরায প্রভরামহে মতিম্ .
যথা নঃ শমসদ্দ্বিপদে চতুষ্পদে বিশ্বং পুষ্টং গ্রামে
আস্মিন্ননাতুরম্ .. ১০- ৩..

মৃডা নো রুদ্রোতনো মযস্কৃধি ক্ষযদ্বীরায নমসা বিধেম তে .
যচ্ছং চ যোশ্চ মনুরাযজে পিতা তদশ্যাম তব রুদ্র প্রণীতৌ .. ১০- ৪..

মা নো মহান্তমুত মা নো অর্ভকং
মা ন উক্ষন্ত- মুত মা ন উক্ষিতম্ .
মা নো বধীঃ পিতরং মোত মাতরং প্রিযা মা
নস্তনুবো রুদ্র রীরিষঃ .. ১০- ৫..

মানস্তোকে তনযে মা ন আযুষি মা নো গোষু
মা নো অশ্বেষু রীরিষঃ .
বীরান্মা নো রুদ্র ভামিতোঽবধী- র্হবিষ্মন্তো
নমসা বিধেম তে .. ১০- ৬..

আরাত্তে গোঘ্ন উত্ত পূরুষঘ্নে ক্ষযদ্বীরায
সুম্নমস্মে তে অস্তু .
রক্ষা চ নো অধি চ দেব ব্রূহ্যথা চ নঃ
শর্ম যচ্ছ দ্বিবর্হাঃ .. ১০- ৭..

স্তুহি শ্রুতং গর্তসদং যুবানং মৃগন্ন ভীম- মুপহত্নুমুগ্রম্ .
ম্রুডা জরিত্রে রুদ্র স্তবানো অন্যন্তে
অস্মন্নিবপন্তু সেনাঃ .. ১০- ৮..

পরিণো রুদ্রস্য হেতির্বৃণক্তু পরি ত্বেষস্য দুর্মতিরঘাযোঃ .
অব স্থিরা মঘবদ্ভ্যস্তনুষ্ব মীঢ্বস্তোকায
তনযায ম্রুডয .. ১০- ৯..

মীঢুষ্টম শিবতম শিবো নঃ সুমনা ভব .
পরমে ব্রুক্ষ আযুধং নিধায কৃত্তিং বসান
আচর পিনাকং বিভ্রদাগহি .. ১০- ১০..

বিকিরিদ বিলোহিত নমস্তে অস্তু ভগবঃ .
যাস্তে সহস্রহেতযোঽন্যমস্মন্নিবপন্তু তাঃ .. ১০- ১১..

সহস্রাণি সহস্রধা বাহুবোস্তব হেতযঃ .
তাসামীশানো ভগবঃ পরাচীনা মুখা কৃধি .. ১০- ১২..

সহস্রাণি সহস্রশো যে রুদ্রা অধি ভূম্যাম্ .
তেষাসহস্রযোজনেঽবধন্বানি তন্মসি .. ১১- ১..

অস্মিন্ মহত্যর্ণবেঽন্তরিক্ষে ভবা অধি .. ১১- ২..
নীলগ্রীবাঃ শিতিকণ্ঠাঃ শর্বা অধঃ ক্ষমাচরাঃ .. ১১- ৩..
নীলগ্রীবাঃ শিতিকণ্ঠা দিবরুদ্রা উপশ্রিতাঃ .. ১১- ৪..
যে বৃক্ষেষু সস্পিংজরা নীলগ্রীবা বিলোহিতাঃ .. ১১- ৫..
যে ভূতানামধিপতযো বিশিখাসঃ কপর্দিনঃ .. ১১- ৬..
যে অন্নেষু বিবিধ্যন্তি পাত্রেষু পিবতো জনান্ .. ১১- ৭..
যে পথাং পথিরক্ষয ঐলবৃদা যব্যুধঃ .. ১১- ৮..
যে তীর্থানি প্রচরন্তি সৃকাবন্তো নিষঙ্গিণঃ .. ১১- ৯..
য এতাবন্তশ্চ ভূযাসশ্চ দিশো রুদ্রা বিতস্থিরে
তেষাসহস্র- যোজনে . অবধন্বানি তন্মসি .. ১১- ১০..
নমো রুদ্রেভ্যো যে পৃথিব্যাং যে . অন্তরিক্ষে
যে দিবি যেষামন্নং বাতো বর্ষমিষব- স্তেভ্যো দশ
প্রাচীর্দশ দক্ষিণা দশ প্রতীচীর্দশোদীচীর্দশোর্ধ্বাস্তেভ্যো
নমস্তে নো মৃডযন্তু তে যং দ্বিষ্মো যশ্চ নো দ্বেষ্টি
তং বো জম্ভে দধামি .. ১১- ১১..

ত্র্যংবকং যজামহে সুগন্ধিং পুষ্টিবর্ধনম্ .
উর্বারুকমিব বন্ধনান্মৃত্যো- র্মুক্ষীয মাঽমৃতাত্ .. ১..

যো রুদ্রো অগ্নৌ যো অপ্সু য ওষধীষু .
যো রুদ্রো বিশ্বা ভুবনাঽঽবিবেশ
তস্মৈ রুদ্রায নমো অস্তু .. ২..

তমুষ্টুহি যঃ স্বিষুঃ সুধন্বা যো বিশ্বস্য ক্ষযতি ভেষজস্য .
যক্ষ্বামহে সৌমনসায রুদ্রং নভোভি র্দেবমসুরং দুবস্য .. ৩..

অযং মে হস্তো ভগবানযং মে ভগবত্তরঃ .
অযং মে বিশ্ব- ভেষজোঽয শিবাভিমর্শনঃ .. ৪..

যে তে সহস্রমযুতং পাশা মৃত্যো মর্ত্যায হন্তবে .
তান্ যজ্ঞস্য মাযযা সর্বানব যজামহে .
মৃত্যবে স্বাহা মৃত্যবে স্বাহা .. ৫..

ওং নমো ভগবতে রুদ্রায বিষ্ণবে মৃত্যুর্মে পাহি .
প্রাণানাং গ্রন্থিরসি রুদ্রো মা বিশান্তকঃ .
তেনান্নেনাপ্যাযস্ব .. ৬..
নমো রুদ্রায বিষ্ণবে মৃত্যুর্মে পাহি

          .. ওং শান্তিঃ শান্তিঃ শান্তিঃ ..

          .. ইতি শ্রীকৃষ্ণযজুর্বেদীয তৈত্তিরীয সংহিতাযাং
          চতুর্থকাণ্ডে পংচমঃ প্রপাঠকঃ ..

          .. চমকপ্রশ্নঃ ..

অগ্নাবিষ্ণূ সজোষসেমা বর্ধন্তু বাং গিরঃ .
দ্যুম্নৈর্বাজেভিরাগতম্ ..

বাজশ্চ মে প্রসবশ্চ মে
প্রযতিশ্চ মে প্রসিতিশ্চ মে ধীতিশ্চ মে ক্রতুশ্চ মে
স্বরশ্চ মে শ্লোকশ্চ মে শ্রাবশ্চ মে শ্রুতিশ্চ মে
জ্যোতিশ্চ মে সুবশ্চ মে প্রাণশ্চ মেঽপানশ্চ মে
ব্যানশ্চ মেঽসুশ্চ মে চিত্তং চ ম আধীতং চ মে
বাক্চ মে মনশ্চ মে চক্ষুশ্চ মে শ্রোত্রং চ মে দক্ষশ্চ মে
বলং চ ম ওজশ্চ মে সহশ্চ ম আযুশ্চ মে
জরা চ ম আত্মা চ মে তনূশ্চ মে শর্ম চ মে বর্ম চ মে
ঽঙ্গানি চ মেঽস্থানি চ মে পরূষি চ মে
শরীরাণি চ মে .. ১..

জ্যৈষ্ঠ্যং চ ম আধিপথ্যং চ মে মন্যুশ্চ মে
ভামশ্চ মেঽমশ্চ মেঽম্ভশ্চ মে জেমা চ মে মহিমা চ মে
বরিমা চ মে প্রথিমা চ মে বর্ষ্মা চ মে দ্রাঘুযা চ মে
বৃদ্ধং চ মে বৃদ্ধিশ্চ মে সত্যং চ মে শ্রদ্ধা চ মে
জগচ্চ মে ধনং চ মে বশশ্চ মে ত্বিষিশ্চ মে ক্রীডা চ মে
মোদশ্চ মে জাতং চ মে জনিষ্যমাণং চ মে সূক্তং চ মে
সুকৃতং চ মে বিত্তং চ মে বেদ্যং চ মে ভূতং চ মে
ভবিষ্যচ্চ মে সুগং চ মে সুপথং চ ম ঋদ্ধং চ ম ঋদ্ধিশ্চ মে
কৢপ্তং চ মে কৢপ্তিশ্চ মে মতিশ্চ মে সুমতিশ্চ মে .. ২..

শং চ মে মযশ্চ মে প্রিযং চ মেঽনুকামশ্চ মে
কামশ্চ মে সৌমনসশ্চ মে ভদ্রং চ মে শ্রেযশ্চ মে
বস্যশ্চ মে যশশ্চ মে ভগশ্চ মে দ্রবিণং চ মে
যন্তা চ মে ধর্তা চ মে ক্ষেমশ্চ মে ধৃতিশ্চ মে
বিশ্বং চ মে মহশ্চ মে সংবিচ্চ মে জ্ঞাত্রং চ মে
সূশ্চ মে প্রসূশ্চ মে সীরং চ মে লযশ্চ ম ঋতং চ মে
ঽমৃতং চ মেঽযক্ষ্মং চ মেঽনামযচ্চ মে জীবাতুশ্চ মে
দীর্ঘাযুত্বং চ মেঽনমিত্রং চ মেঽভযং চ মে সুগং চ মে
শযনং চ মে সূষা চ মে সুদিনং চ মে .. ৩..

ঊর্ক্চ মে সূনৃতা চ মে পযশ্চ মে রসশ্চ মে
ঘৃতং চ মে মধু চ মে সগ্ধিশ্চ মে সপীতিশ্চ মে
কৃষিশ্চ মে বৃষ্টিশ্চ মে জৈত্রং চ ম ঔদ্ভিদ্যং চ মে
রযিশ্চ মে রাযশ্চ মে পুষ্টং চ মে পুষ্টিশ্চ মে
বিভু চ মে প্রভু চ মে বহু চ মে ভূযশ্চ মে
পূর্ণং চ মে পূর্ণতরং চ মেঽক্ষিতিশ্চ মে কূযবাশ্চ মে
ঽন্নং চ মেঽক্ষুচ্চ মে ব্রীহিযশ্চ মে যবাশ্চ মে মাষাশ্চ মে
তিলাশ্চ মে মুদ্গাশ্চ মে খল্বাশ্চ মে গোধূমাশ্চ মে
মসুরাশ্চ মে প্রিযংগবশ্চ মেঽণবশ্চ মে
শ্যামাকাশ্চ মে নীবারাশ্চ মে .. ৪..

অশ্মা চ মে মৃত্তিকা চ মে গিরযশ্চ মে পর্বতাশ্চ মে
সিকতাশ্চ মে বনস্পতযশ্চ মে হিরণ্যং চ মে
ঽযশ্চ মে সীসং চ মে ত্রপুশ্চ মে শ্যামং চ মে
লোহং চ মেঽগ্নিশ্চ ম আপশ্চ মে বীরুধশ্চ ম
ওষধযশ্চ মে কৃষ্টপচ্যং চ মেঽকৃষ্টপচ্যং চ মে
গ্রাম্যাশ্চ মে পশব আরণ্যাশ্চ যজ্ঞেন কল্পন্তাং
বিত্তং চ মে বিত্তিশ্চ মে ভূতং চ মে ভূতিশ্চ মে
বসু চ মে বসতিশ্চ মে কর্ম চ মে শক্তিশ্চ মে
ঽর্থশ্চ ম এমশ্চ ম ইতিশ্চ মে গতিশ্চ মে .. ৫..

অগ্নিশ্চ ম ইন্দ্রশ্চ মে সোমশ্চ ম ইন্দ্রশ্চ মে
সবিতা চ ম ইন্দ্রশ্চ মে সরস্বতী চ ম ইন্দ্রশ্চ মে
পূষা চ ম ইন্দ্রশ্চ মে বৃহস্পতিশ্চ ম ইন্দ্রশ্চ মে
মিত্রশ্চ ম ইন্দ্রশ্চ মে বরুণশ্চ ম ইন্দ্রশ্চ মে
ত্বষ্টা চ ম ইন্দ্রশ্চ মে ধাতা চ ম ইন্দ্রশ্চ মে
বিষ্ণুশ্চ ম ইন্দ্রশ্চ মেঽশ্বিনৌ  চ ম ইন্দ্রশ্চ মে
মরুতশ্চ  ম ইন্দ্রশ্চ মে বিশ্বে চ  মে দেবা ইন্দ্রশ্চ মে
পৃথিবী চ  ম ইন্দ্রশ্চ মেঽন্তরীক্ষং চ  ম ইন্দ্রশ্চ মে
দ্যৌশ্চ ম ইন্দ্রশ্চ মে দিশশ্চ ম ইন্দ্রশ্চ মে
মূর্ধা চ ম ইন্দ্রশ্চ মে প্রজাপতিশ্চ ম ইন্দ্রশ্চ মে .. ৬..

অশুশ্চ মে রশ্মিশ্চ মেঽদাভ্যশ্চ মেঽধিপতিশ্চ ম
উপাশুশ্চ মেঽন্তর্যামশ্চ ম ঐন্দ্রবাযশ্চ মে
মৈত্রাবরুণশ্চ ম আশ্বিনশ্চ মে প্রতিপস্থানশ্চ মে
শুক্রশ্চ মে মন্থী চ ম আগ্রযণশ্চ মে বৈশ্বদেবশ্চ মে
ধ্রুবশ্চ মে বৈশ্বানরশ্চ ম ঋতুগ্রাহাশ্চ মে
ঽতিগ্রাহ্যাশ্চ ম ঐন্দ্রাগ্নশ্চ মে বৈশ্বদেবাশ্চ মে
মরুত্বতীযাশ্চ মে মাহেন্দ্রশ্চ ম আদিত্যশ্চ মে
সাবিত্রশ্চ মে সারস্বতশ্চ মে পৌষ্ণশ্চ মে
পাত্নীবতশ্চ মে হারিযোজনশ্চ মে .. ৭..

ইধ্মশ্চ মে বর্হিশ্চ মে বেদিশ্চ মে ধিষ্ণিযাশ্চ মে
স্রুচশ্চ মে চমসাশ্চ মে গ্রাবাণশ্চ মে স্বরবশ্চ ম
উপরবাশ্চ মে . অধিষবণে চ মে দ্রোণকলশশ্চ মে
বাযব্যানি চ মে পূতভৃচ্চ মে আধবনীযশ্চ ম
আগ্নীধ্রং চ মে হবির্ধানং চ মে গৃহাশ্চ মে সদশ্চ মে
পুরোডাশাশ্চ মে পচতাশ্চ মেঽবভৃথশ্চ মে
স্বগাকারশ্চ মে .. ৮..

অগ্নিশ্চ মে ধর্মশ্চ মেঽর্কশ্চ মে সূর্যশ্চ মে
প্রাণশ্চ মেঽশ্বমেধশ্চ মে পৃথিবী চ মেঽ দিতিশ্চ মে
দিতিশ্চ মে দ্যৌশ্চ মে  শক্ক্বরীরঙ্গুলযো দিশশ্চ মে
যজ্ঞেন কল্পন্তামৃক্চ মে সাম চ মে স্তোমশ্চ মে
যজুশ্চ মে দীক্ষা চ মে তপশ্চ ম ঋতুশ্চ মে ব্রতং চ মে
ঽহোরাত্রযোর্বৃষ্ট্যা বৃহদ্রথন্তরে চ মে যজ্ঞেন কল্পেতাম্ .. ৯..

গর্ভাশ্চ মে বত্সাশ্চ মে ত্রবিশ্চ মে ত্রবী চ মে
দিত্যবাট্ চ মে দিত্যৌহী চ মে পঞ্চাবিশ্চ মে
পঞ্চাবী চ মে ত্রিবত্সশ্চ মে ত্রিবত্সা চ মে
তুর্যবাট্ চ মে তুর্যৌহী চ মে পষ্ঠবাট্ চ মে পষ্ঠৌহী চ ম
উক্ষা চ মে বশা চ ম ঋষভশ্চ মে বেহশ্চ মে
ঽনড্বাঞ্চ মে ধেনুশ্চ ম আযুর্যজ্ঞেন কল্পতাং
প্রাণো যজ্ঞেন কল্পতামপানো যজ্ঞেন কল্পতাং
ব্যানো যজ্ঞেন কল্পতাং চক্ষুর্যজ্ঞেন কল্পতা
শ্রোত্রং যজ্ঞেন কল্পতাং মনো যজ্ঞেন কল্পতাং
বাগ্যজ্ঞেন কল্পতামাত্মা যজ্ঞেন কল্পতাং
যজ্ঞো যজ্ঞেন কল্পতাম্  .. ১০..

একা চ মে তিস্রশ্চ মে পঞ্চ চ মে সপ্ত চ মে
নব চ ম একদশ চ মে ত্রযোদশ চ মে পংচদশ চ মে
সপ্তদশ চ মে নবদশ চ ম এক বিশতিশ্চ মে
ত্রযোবিশতিশ্চ মে পংচবিশতিশ্চ মে
সপ্তবিশতিশ্চ মে নববিশতিশ্চ ম
একত্রিশচ্চ মে ত্রযস্ত্রিশচ্চ মে
চতস্রশ্চ মেঽষ্টৌ চ মে দ্বাদশ চ মে ষোডশ চ মে
বিশতিশ্চ মে চতুর্বিশতিশ্চ মেঽষ্টাবিশতিশ্চ মে
দ্বাত্রিশচ্চ মে ষট্ত্রিশচ্চ মে চত্বরিশচ্চ মে
চতুশ্চত্বারিশচ্চ মেঽষ্টাচত্বারিশচ্চ মে
বাজশ্চ প্রসবশ্চাপিজশ্চ ক্রতুশ্চ সুবশ্চ মূর্ধা চ
ব্যশ্নিযশ্চান্ত্যাযনশ্চান্ত্যশ্চ ভৌবনশ্চ
ভুবনশ্চাধিপতিশ্চ .. ১১..

ইডা দেবহূর্মনুর্যজ্ঞনীর্বৃহস্পতিরুক্থামদানি
শসিষদ্বিশ্বেদেবাঃ সূক্তবাচঃ পৃথিবীমাতর্মা
মা হিসীর্মধু মনিষ্যে মধু জনিষ্যে মধু বক্ষ্যামি
মধু বদিষ্যামি মধুমতীং দেবেভ্যো বাচমুদ্যাস
শুশ্রূষেণ্যাং মনুষ্যেভ্যস্তং  মা দেবা অবন্তু
শোভাযৈ পিতরোঽনুমদন্তু ..

          .. ৐ শান্তিঃ শান্তিঃ শান্তিঃ ..

          .. ইতি শ্রী কৃষ্ণযজুর্বেদীয তৈত্তিরীয সংহিতাযাং
          চতুর্থকাণ্ডে সপ্তমঃ প্রপাঠকঃ ..