মৃতসঞ্জীবন স্তোত্রম্

.. মৃতসঞ্জীবন স্তোত্রম্  ..

এবমারধ্য গৌরীশং দেবং মৃত্যুঞ্জযমেশ্বরং |
মৃতসঞ্জীবনং নাম্না কবচং প্রজপেত্ সদা ||

সারাত্ সারতরং পুণ্যং গুহ্যাদ্গুহ্যতরং শুভং |
মহাদেবস্য কবচং মৃতসঞ্জীবনামকং ||

সমাহিতমনা ভূত্বা শৃণুষ্ব কবচং শুভং |
শৃত্বৈতদ্দিব্য কবচং রহস্যং কুরু সর্বদা ||

বরাভযকরো যজ্বা সর্বদেবনিষেবিতঃ |
মৃত্যুঞ্জযো মহাদেবঃ প্রাচ্যাং মাং পাতু সর্বদা ||

দধাঅনঃ শক্তিমভযাং ত্রিমুখং ষড্ভুজঃ প্রভুঃ |
সদাশিবোঽগ্নিরূপী মামাগ্নেয্যাং পাতু সর্বদা ||

অষ্টদসভুজোপেতো দণ্ডাভযকরো বিভুঃ |
যমরূপি মহাদেবো দক্ষিণস্যাং সদাবতু ||

খড্গাভযকরো ধীরো রক্ষোগণনিষেবিতঃ |
রক্ষোরূপী মহেশো মাং নৈরৃত্যাং সর্বদাবতু ||

পাশাভযভুজঃ সর্বরত্নাকরনিষেবিতঃ |
বরুণাত্মা মহাদেবঃ পশ্চিমে মাং সদাবতু ||

গদাভযকরঃ প্রাণনাযকঃ সর্বদাগতিঃ |
বাযব্যাং মারুতাত্মা মাং শঙ্করঃ পাতু সর্বদা ||

শঙ্খাভযকরস্থো মাং নাযকঃ পরমেশ্বরঃ |
সর্বাত্মান্তরদিগ্ভাগে পাতু মাং শঙ্করঃ প্রভুঃ ||

শূলাভযকরঃ সর্ববিদ্যানমধিনাযকঃ |
ঈশানাত্মা তথৈশান্যাং পাতু মাং পরমেশ্বরঃ ||

ঊর্ধ্বভাগে ব্রঃমরূপী বিশ্বাত্মাঽধঃ সদাবতু |
শিরো মে শঙ্করঃ পাতু ললাটং চন্দ্রশেখরঃ ||

ভূমধ্যং সর্বলোকেশস্ত্রিণেত্রো লোচনেঽবতু |
ভ্রূযুগ্মং গিরিশঃ পাতু কর্ণৌ পাতু মহেশ্বরঃ ||

নাসিকাং মে মহাদেব ওষ্ঠৌ পাতু বৃষধ্বজঃ |
জিহ্বাং মে দক্ষিণামূর্তির্দন্তান্মে গিরিশোঽবতু ||

মৃতুয্ঞ্জযো মুখং পাতু কণ্ঠং মে নাগভূষণঃ |
পিনাকি মত্করৌ পাতু ত্রিশূলি হৃদযং মম ||

পঞ্চবক্ত্রঃ স্তনৌ পাতু উদরং জগদীশ্বরঃ |
নাভিং পাতু বিরূপাক্ষঃ পার্শ্বৌ মে পার্বতীপতিঃ ||

কটদ্বযং গিরীশৌ মে পৃষ্ঠং মে প্রমথাধিপঃ |
গুহ্যং মহেশ্বরঃ পাতু মমোরূ পাতু ভৈরবঃ ||

জানুনী মে জগদ্দর্তা জঙ্ঘে মে জগদম্বিকা |
পাদৌ মে সততং পাতু লোকবন্দ্যঃ সদাশিবঃ ||

গিরিশঃ পাতু মে ভার্যাং ভবঃ পাতু সুতান্মম |
মৃত্যুঞ্জযো মমাযুষ্যং চিত্তং মে গণনাযকঃ ||

সর্বাঙ্গং মে সদা পাতু কালকালঃ সদাশিবঃ |
এতত্তে কবচং পুণ্যং দেবতানাং চ দুর্লভম্ ||

মৃতসঞ্জীবনং নাম্না মহাদেবেন কীর্তিতম্ |
সহ্স্রাবর্তনং চাস্য পুরশ্চরণমীরিতম্ ||

যঃ পঠেচ্ছৃণুযান্নিত্যং শ্রাবযেত্সু সমাহিতঃ |
সকালমৃত্যুং নির্জিত্য সদাযুষ্যং সমশ্নুতে ||

হস্তেন বা যদা স্পৃষ্ট্বা মৃতং সঞ্জীবযত্যসৌ |
আধযোব্যাধ্যস্তস্য ন ভবন্তি কদাচন ||

কালমৃযুমপি প্রাপ্তমসৌ জযতি সর্বদা |
অণিমাদিগুণৈশ্বর্যং লভতে মানবোত্তমঃ ||

যুদ্দারম্ভে পঠিত্বেদমষ্টাবিশতিবারকং |
যুদ্দমধ্যে স্থিতঃ শত্রুঃ সদ্যঃ সর্বৈর্ন দৃশ্যতে ||

ন ব্রহ্মাদীনি চাস্ত্রাণি ক্ষযং কুর্বন্তি তস্য বৈ |
বিজযং লভতে দেবযুদ্দমধ্যেঽপি সর্বদা ||

প্রাতরূত্থায সততং যঃ পঠেত্কবচং শুভং |
অক্ষয্যং লভতে সৌখ্যমিহ লোকে পরত্র চ ||

সর্বব্যাধিবিনির্মৃক্তঃ সর্বরোগবিবর্জিতঃ |
অজরামরণো ভূত্বা সদা ষোডশবার্ষিকঃ ||

বিচরব্যখিলান্ লোকান্ প্রাপ্য ভোগাংশ্চ দুর্লভান্ |
তস্মাদিদং মহাগোপ্যং কবচম্ সমুদাহৃতম্ ||

মৃতসঞ্জীবনং নাম্না দেবতৈরপি দুর্লভম্ ||

  || ইতি বসিষ্ঠ কৃত মৃতসঞ্জীবন স্তোত্রম্ ||