মহামৃত্যুঞ্জযস্তোত্রম্

.. মহামৃত্যুঞ্জযস্তোত্রম্ ..
                                       ধ্যানম্
চন্দ্রার্কাগ্নিবিলোচনং স্মিতমুখং পদ্মদ্বযান্তস্থিতং
মুদ্রাপাশমৃগাক্ষসত্রবিলসত্পাণিং হিমাংশুপ্রভম্ |
কোটীন্দুপ্রগলত্সুধাপ্লুততমুং হারাদিভূষোজ্জ্বলং
কান্তং বিশ্ববিমোহনং পশুপতিং মৃত্যুঞ্জযং ভাবযেত্ ||

রুদ্রং পশুপতিং স্থাণুং নীলকণ্ঠমুমাপতিম্ |
নমামি শিরসা দেবং কিং নো মৃত্যুঃ করিষ্যতি || ১||
নীলকন্ঠং কালমূর্ত্তিং কালজ্ঞং কালনাশনম্ |
নমামি শিরসা দেবং কিং নো মৃত্যুঃ করিষ্যতি || ২||
নীলকণ্ঠং বিরূপাক্ষং নির্মলং নিলযপ্রদম্ |
নমামি শিরসা দেবং কিং নো মৃত্যুঃ করিষ্যতি || ৩||
বামদেবং মহাদেবং লোকনাথং জগদ্গুরুম্ |
নমামি শিরসা দেবং কিং নো মৃত্যুঃ করিষ্যতি || ৪||
দেবদেবং জগন্নাথং দেবেশং বৃষভধ্বজম্ |
নমামি শিরসা দেবং কিং নো মৃত্যুঃ করিষ্যতি || ৫||
ত্র্যক্ষং চতুর্ভুজং শান্তং জটামকুটধারিণম্ |
নমামি শিরসা দেবং কিং নো মৃত্যুঃ করিষ্যতি || ৬||
ভস্মোদ্ধূলিতসর্বাঙ্গং নাগাভরণভূষিতম্ |
নমামি শিরসা দেবং কিং নো মৃত্যুঃ করিষ্যতি || ৭||
অনন্তমব্যযং শান্তং অক্ষমালাধরং হরম্ |
নমামি শিরসা দেবং কিং নো মৃত্যুঃ করিষ্যতি || ৮||
আনন্দং পরমং নিত্যং কৈবল্যপদদাযিনম্ |
নমামি শিরসা দেবং কিং নো মৃত্যুঃ করিষ্যতি || ৯||
অর্দ্ধনারীশ্বরং দেবং পার্বতীপ্রাণনাযকম্ |
নমামি শিরসা দেবং কিং নো মৃত্যুঃ করিষ্যতি || ১০||
প্রলযস্থিতিকর্ত্তারমাদিকর্ত্তারমীশ্বরম্ |
নমামি শিরসা দেবং কিং নো মৃত্যুঃ করিষ্যতি || ১১||
ব্যোমকেশং বিরূপাক্ষং চন্দ্রার্দ্ধকৃতশেখরম্ |
নমামি শিরসা দেবং কিং নো মৃত্যুঃ করিষ্যতি || ১২||
গঙ্গাধরং শশিধরং শঙ্করং শূলপাণিনম্ |
নমামি শিরসা দেবং কিং নো মৃত্যুঃ করিষ্যতি || ১৩||
অনাথঃ পরমানন্তং কৈবল্যপদগামিনি |
নমামি শিরসা দেবং কিং নো মৃত্যুঃ করিষ্যতি || ১৪||
স্বর্গাপবর্গদাতারং সৃষ্টিস্থিত্যন্তকারণম্ |
নমামি শিরসা দেবং কিং নো মৃত্যুঃ করিষ্যতি || ১৫||
কল্পাযুর্দ্দেহি মে পুণ্যং যাবদাযুররোগতাম্ |
নমামি শিরসা দেবং কিং নো মৃত্যুঃ করিষ্যতি || ১৬||
শিবেশানাং মহাদেবং বামদেবং সদাশিবম্ |
নমামি শিরসা দেবং কিং নো মৃত্যুঃ করিষ্যতি || ১৭||
উত্পত্তিস্থিতিসংহারকর্তারমীশ্বরং গুরুম্ |
নমামি শিরসা দেবং কিং নো মৃত্যুঃ করিষ্যতি || ১৮||
ফলশ্রুতি
মার্কণ্ডেযকৃতং স্তোত্রং যঃ পঠেচ্ছিবসন্নিধৌ |
তস্য মৃত্যুভযং নাস্তি নাগ্নিচৌরভযং ক্বচিত্ || ১৯||
শতাবর্ত্তং প্রকর্তব্যং সংকটে কষ্টনাশনম্ |
শুচির্ভূত্বা পথেত্স্তোত্রং সর্বসিদ্ধিপ্রদাযকম্ || ২০||
মৃত্যুঞ্জয মহাদেব ত্রাহি মাং শরণাগতম্ |
জন্মমৃত্যুজরারোগৈঃ পীডিতং কর্মবন্ধনৈঃ || ২১||
তাবকস্ত্বদ্গতঃ প্রাণস্ত্বচ্চিত্তোঽহং সদা মৃড |
ইতি বিজ্ঞাপ্য দেবেশং ত্র্যম্বকাখ্যমনুং জপেত্ || ২৩||
নমঃ শিবায সাম্বায হরযে পরমাত্মনে |
প্রণতক্লেশনাশায যোগিনাং পতযে নমঃ || ২৪||
|| ইতি শ্রীমার্কণ্ডেযপুরাণে মার্কণ্ডেযকৃত মহামৃত্যুঞ্জযস্তোত্রং
সংপূর্ণম্ ||