বিল্বাষ্টোত্তর শতনামাবলিঃ

.. বিল্বাষ্টোত্তর শতনামাবলিঃ ..

ত্রিদলং ত্রিগুণাকারং ত্রিনেত্রং চ ত্রিযাযুধম্ .
ত্রিজন্ম পাপসংহারম্ এক বিল্বং শিবার্পণম্ || ১||
ত্রিশাখৈঃ বিল্ব পত্রৈশ্চ অশ্ছিদ্রৈঃ কোমলৈঃ শুভৈঃ .
তব পূজাং করিষ্যামি এক বিল্বং শিবার্পণম্ || ২||
সর্বত্রৈলোক্য কর্তারং সর্বত্রৈলোক্য পালনম্ .
সর্বত্রৈলোক্য হর্তারম্ এক বিল্বং শিবার্পণম্ || ৩||
নাগাধিরাজবলযং নাগহারেণভূষিতম্ .
নাগকুংডলসংযুক্তম্ এক বিল্বং শিবার্পণম্ || ৪||
অক্ষমালাধরং রুদ্রং পার্বতী প্রিযবল্লভম্ .
চন্দ্রশেখরমীশানম্ এক বিল্বং শিবার্পণম্ || ৫||
ত্রিলোচনং দশভুজং দুর্গাদেহার্ধধারিণম্.
বিভূত্যভ্যর্চিতং দেবং এক বিল্বং শিবার্পণম্ || ৬||
ত্রিশূলধারিণং দেবং নাগাভরণসুন্দরম্ .
চন্দ্রশেখরমীশানম্ এক বিল্বং শিবার্পণম্ || ৭||
গঙ্গাধরাম্বিকানাথং ফণিকুণ্ডলমণ্ডিতম্ .
কালকালং গিরীশং চ এক বিল্বং শিবার্পণম্ || ৮||
শুদ্ধস্ফটিক সংকাশং শিতিকংঠং কৃপানিধিম্ .
সর্বেশ্বরং সদাশান্তম্ এক বিল্বং শিবার্পণম্ || ৯||
সচ্চিদানন্দরূপং চ পরানন্দমযং শিবম্ .
বাগীশ্বরং চিদাকাশং এক বিল্বং শিবার্পণম্ || ১০||
শিপিবিষ্টং সহস্রাক্ষং কৈলাসাচলবাসিনম্ .
হিরণ্যবাহুং সেনান্যম্ এক বিল্বং শিবার্পণম্ || ১১||
অরুণং বামনং তারং বাস্তব্যং চৈব বাস্তবম্ .
জ্যেষ্টং কনিষ্ঠং গৌরীশম্ এক বিল্বং শিবার্পণম্ || ১২||
হরিকেশং সনন্দীশম্ উচ্ছৈর্ঘোষং সনাতনম্ .
অঘোররূপকং কুংভম্ এক বিল্বং শিবার্পণম্ || ১৩||
পূর্বজাবরজং যাম্যং সূক্ষ্ম তস্করনাযকম্ .
নীলকংঠং জঘংন্যংচ এক বিল্বং শিবার্পণম্ || ১৪||
সুরাশ্রযং বিষহরং বর্মিণং চ বরূধিনম্
মহাসেনং মহাবীরম্ এক বিল্বং শিবার্পণম্ || ১৫||
কুমারং কুশলং কূপ্যং বদান্যঞ্চ মহারধম্ .
তৌর্যাতৌর্যং চ দেব্যং চ এক বিল্বং শিবার্পণম্ || ১৬||
দশকর্ণং ললাটাক্ষং পঞ্চবক্ত্রং সদাশিবম্ .
অশেষপাপসংহারম্ এক বিল্বং শিবার্পণম্ || ১৭||
নীলকণ্ঠং জগদ্বংদ্যং দীননাথং মহেশ্বরম্ .
মহাপাপসংহারম্ এক বিল্বং শিবার্পণম্ || ১৮||
চূডামণীকৃতবিভুং বলযীকৃতবাসুকিম্ .
কৈলাসবাসিনং ভীমম্ এক বিল্বং শিবার্পণম্ || ১৯||
কর্পূরকুংদধবলং নরকার্ণবতারকম্ .
করুণামৃতসিংধুং চ এক বিল্বং শিবার্পণম্ || ২০||
মহাদেবং মহাত্মানং ভুজঙ্গাধিপ কঙ্কণম্ .
মহাপাপহরং দেবম্ এক বিল্বং শিবার্পণম্ || ২১||
ভূতেশং খণ্ডপরশুং বামদেবং পিনাকিনম্ .
বামে শক্তিধরং শ্রেষ্ঠম্ এক বিল্বং শিবার্পণম্ || ২২||
ফালেক্ষণং বিরূপাক্ষং শ্রীকংঠং ভক্তবত্সলম্ .
নীললোহিতখট্বাঙ্গম্ এক বিল্বং শিবার্পণম্ || ২৩||
কৈলাসবাসিনং ভীমং কঠোরং ত্রিপুরান্তকম্ .
বৃষাঙ্কং বৃষভারূঢম্ এক বিল্বং শিবার্পণম্ || ২৪||
সামপ্রিযং সর্বমযং ভস্মোদ্ধূলিত বিগ্রহম্ .
মৃত্যুঞ্জযং লোকনাথম্ এক বিল্বং শিবার্পণম্ || ২৫||
দারিদ্র্যদুঃখহরণং রবিচন্দ্রানলেক্ষণম্ .
মৃগপাণিং চন্দ্রমৌ঳িম্ এক বিল্বং শিবার্পণম্ || ২৬||
সর্বলোকভযাকারং সর্বলোকৈকসাক্ষিণম্ .
নির্মলং নির্গুণাকারম্ এক বিল্বং শিবার্পণম্ || ২৭||
সর্বতত্ত্বাত্মকং সাম্বং সর্বতত্ত্ববিদূরকম্ .
সর্বতত্ত্বস্বরূপং চ এক বিল্বং শিবার্পণম্ || ২৮||
সর্বলোক গুরুং স্থাণুং সর্বলোকবরপ্রদম্ .
সর্বলোকৈক নেত্রং চ এক বিল্বং শিবার্পণম্ || ২৯||
মন্মথোদ্ধরণং শৈবং ভবভর্গং পরাত্মকম্ .
কমলাপ্রিয পূজ্যংং চ এক বিল্বং শিবার্পণম্ || ৩০||
তেজোমযং মহাভীমম্ উমেশং ভস্মলেপনম্ .
ভবরোগবিনাশং চ এক বিল্বং শিবার্পণম্ || ৩১||
স্বর্গাপবর্গফলদং রঘুনাথবরপ্রদম্ .
নগরাজসুতাকাংতম্ এক বিল্বং শিবার্পণম্ || ৩২||
মংজীরপাদযুগলং শুভলক্ষণলক্ষিতম্ .
ফণিরাজ বিরাজং চ এক বিল্বং শিবার্পণম্ || ৩৩||
নিরামযং নিরাধারং নিস্সঙ্গং নিষ্প্রপঞ্চকম্ .
তেজোরূপং মহারৌদ্রম্ এক বিল্বং শিবার্পণম্ || ৩৪||
সর্বলোকৈক পিতরং সর্বলোকৈক মাতরম্ .
সর্বলোকৈক নাথং চ এক বিল্বং শিবার্পণম্ || ৩৫||
চিত্রাম্বরং নিরাভাসং বৃষভেশ্বর বাহনম্ .
নীলগ্রীবং চতুর্বক্ত্রম্ এক বিল্বং শিবার্পণম্ || ৩৬||
রত্নকঞ্চুকরত্নেশং রত্নকুণ্ডল মণ্ডিতম্ .
নবরত্ন কিরীটং চ এক বিল্বং শিবার্পণম্ || ৩৭||
দিব্যরত্নাঙ্গুলী স্বর্ণং কণ্ঠাভরণভূষিতম্ .
নানারত্নমণিমযম্ এক বিল্বং শিবার্পণম্ || ৩৮||
রত্নাঙ্গুলীয বিলসত্করশাখানখপ্রভম্ .
ভক্তমানস গেহং চ এক বিল্বং শিবার্পণম্ || ৩৯||
বামাঙ্গভাগ বিলসদম্বিকা বীক্ষণপ্রিযম্ .
পুণ্ডরীকনিভাক্ষং চ এক বিল্বং শিবার্পণম্ || ৪০||
সম্পূর্ণকামদং সৌখ্যং ভক্তেষ্টফলকারণম্ .
সৌভাগ্যদং হিতকরম্ এক বিল্বং শিবার্পণম্ || ৪১||
নানাশাস্ত্রগুণোপেতং স্ফুরন্মংগল বিগ্রহম্ .
বিদ্যাবিভেদরহিতম্ এক বিল্বং শিবার্পণম্ || ৪২||
অপ্রমেযগুণাধারং বেদকৃদ্রূপ বিগ্রহম্ .
ধর্মাধর্ম প্রবৃত্তং চ এক বিল্বং শিবার্পণম্ || ৪৩||
গৌরীবিলাসসদনং জীবজীবপিতামহম্ .
কল্পান্তভৈরবং শুভ্রম্ এক বিল্বং শিবার্পণম্ || ৪৪||
সুখদং সুখনাশং চ দুঃখদং দুঃখনাশনম্ .
দুঃখাবতারং ভদ্রং চ এক বিল্বং শিবার্পণম্ || ৪৫||
সুখরূপং রূপনাশং সর্বধর্ম ফলপ্রদম্ .
অতীংদ্রিযং মহামাযম্ এক বিল্বং শিবার্পণম্ || ৪৬||
সর্বপক্ষিমৃগাকারং সর্বপক্ষিমৃগাধিপম্ .
সর্বপক্ষিমৃগাধারম্ এক বিল্বং শিবার্পণম্ || ৪৭||
জীবাধ্যক্ষং জীববংদ্যং জীবজীবনরক্ষকম্ .
জীবকৃজ্জীবহরণম্ এক বিল্বং শিবার্পণম্ || ৪৮||
বিশ্বাত্মানং বিশ্ববংদ্যং বজ্রাত্মাবজ্রহস্তকম্ .
বজ্রেশং বজ্রভূষং চ এক বিল্বং শিবার্পণম্ || ৪৯||
গণাধিপং গণাধ্যক্ষং প্রলযানলনাশকম্ .
জিতেন্দ্রিযং বীরভদ্রম্ এক বিল্বং শিবার্পণম্ || ৫০||
ত্র্যম্বকং মৃডং শূরং অরিষড্বর্গনাশনম্ .
দিগম্বরং ক্ষোভনাশম্ এক বিল্বং শিবার্পণম্ || ৫১||
কুন্দেন্দু শংখধবলম্ ভগনেত্রভিদুজ্জ্বলম্ .
কালাগ্নিরুদ্রং সর্বজ্ঞম্ এক বিল্বং শিবার্পণম্ || ৫২||
কম্বুগ্রীবং কম্বুকংঠং ধৈর্যদং ধৈর্যবর্ধকম্ .
শার্দূলচর্মবসনম্ এক বিল্বং শিবার্পণম্ || ৫৩||
জগদুত্পত্তি হেতুং চ জগত্প্রলযকারণম্ .
পূর্ণানন্দ স্বরূপং চ এক বিল্বং শিবার্পণম্ || ৫৪||
সর্গকেশং মহত্তেজং পুণ্যশ্রবণ কীর্তনম্ .
ব্রহ্মাংডনাযকং তারম্ এক বিল্বং শিবার্পণম্ || ৫৫||
মন্দারমূলনিলযং মন্দারকুসুমপ্রিযম্ .
বৃন্দারকপ্রিযতরম্ এক বিল্বং শিবার্পণম্ || ৫৬||
মহেন্দ্রিযং মহাবাহুং বিশ্বাসপরিপূরকম্ .
সুলভাসুলভং লভ্যম্ এক বিল্বং শিবার্পণম্ || ৫৭||
বীজাধারং বীজরূপং নির্বীজং বীজবৃদ্ধিদম্ .
পরেশং বীজনাশং চ এক বিল্বং শিবার্পণম্ || ৫৮||
যুগাকারং যুগাধীশং যুগকৃদ্যুগনাশনম্ .
পরেশং বীজনাশং চ এক বিল্বং শিবার্পণম্ || ৫৯||
ধূর্জটিং পিঙ্গলজটং জটামণ্ডলমণ্ডিতম্ .
কর্পূরগৌরং গৌরীশম্ এক বিল্বং শিবার্পণম্ || ৬০||
সুরাবাসং জনাবাসং যোগীশং যোগিপুঙ্গবম্ .
যোগদং যোগিনাং সিংহম্ এক বিল্বং শিবার্পণম্ || ৬১||
উত্তমানুত্তমং তত্ত্বম্ অংধকাসুরসূদনম্ .
ভক্তকল্পদ্রুমস্তোমম্ এক বিল্বং শিবার্পণম্ || ৬২||
বিচিত্রমাল্যবসনং দিব্যচন্দনচর্চিতম্ .
বিষ্ণুব্রহ্মাদি বংদ্যং চ এক বিল্বং শিবার্পণম্ || ৬৩||
কুমারং পিতরং দেবং শ্রিতচন্দ্রকলানিধিম্ .
ব্রহ্মশত্রুং জগন্মিত্রম্ এক বিল্বং শিবার্পণম্ || ৬৪||
লাবণ্যমধুরাকারং করুণারসবারধিম্ .
ভ্রুবোর্মধ্যে সহস্রার্চিম্ এক বিল্বং শিবার্পণম্ || ৬৫||
জটাধরং পাবকাক্ষং বৃক্ষেশং ভূমিনাযকম্ .
কামদং সর্বদাগম্যম্ এক বিল্বং শিবার্পণম্ || ৬৬||
শিবং শান্তং উমানাথং মহাধ্যানপরাযণম্ .
জ্ঞানপ্রদং কৃত্তিবাসম্ এক বিল্বং শিবার্পণম্ || ৬৭||
বাসুক্যুরগহারং চ লোকানুগ্রহকারণম্ .
জ্ঞানপ্রদং কৃত্তিবাসম্ এক বিল্বং শিবার্পণম্ || ৬৮||
শশাঙ্কধারিণং ভর্গং সর্বলোকৈকশঙ্করম্ .
শুদ্ধং চ শাশ্বতং নিত্যম্ এক বিল্বং শিবার্পণম্ || ৬৯||
শরণাগত দীনার্তি পরিত্রাণপরাযণম্ .
গম্ভীরং চ বষট্কারম্ এক বিল্বং শিবার্পণম্ ||৭০||
ভোক্তারং ভোজনং ভোজ্যং জেতারং জিতমানস্ .
করণং কারণং জিষ্ণুম্ এক বিল্বং শিবার্পণম্ || ৭১||
ক্ষেত্রজ্ঞং ক্ষেত্রপালঞ্ চ পরার্ধৈকপ্রযোজনম্ .
ব্যোমকেশং ভীমবেষম্ এক বিল্বং শিবার্পণম্ || ৭২||
ভবজ্ঞং তরুণোপেতং চোরিষ্টং যমনাশনম্ .
হিরণ্যগর্ভং হেমাঙ্গম্ এক বিল্বং শিবার্পণম্ || ৭৩||
দক্ষং চামুণ্ডজনকং মোক্ষদং মোক্ষনাযকম্ .
হিরণ্যদং হেমরূপম্ এক বিল্বং শিবার্পণম্ || ৭৪||
মহাশ্মশাননিলযং প্রচ্ছন্ন স্ফটিকপ্রভম্ .
বেদাস্যং বেদরূপ. চ এক বিল্বং শিবার্পণম্ || ৭৫||
স্থিরং ধর্মম্ উমানাথং ব্রহ্মণ্যং চাশ্রযং বিভুম্ .
জগন্নিবাসং প্রথমমেক বিল্বং শিবার্পণম্ || ৭৬||
রুদ্রাক্ষমালাভরণং রুদ্রাক্ষপ্রিযবত্সলম্ .
রুদ্রাক্ষভক্ত সংস্তোমমেক বিল্বং শিবার্পণম্ || ৭৭||
ফণীন্দ্র বিলসত্কংঠং ভুজঙভরণপ্রিযম্ .
দক্ষাধ্বর বিনাশং চ এক বিল্বং শিবার্পণম্ || ৭৮||
নাগেন্দ্র বিলসত্কর্ণং মহীন্দ্রবলযাবৃতম্ .
মুনিবংদ্যং মুনিশ্রেষ্ঠমেক বিল্বং শিবার্পণম্ || ৭৯||
মৃগেন্দ্রচর্মবসনং মুনীনামেকজীবনম্ .
সর্বদেবাদি পূজ্যং চ এক বিল্বং শিবার্পণম্ || ৮০||
নিধনেশং ধনাধীশম্ অপমৃত্যুবিনাশনম্ .
লিঙ্গমূর্তিমলিঙ্গাত্মম্ এক বিল্বং শিবার্পণম্ || ৮১||
ভক্তকল্যাণদং ব্যস্তং বেদবেদাংতসংস্তুতম্ .
কল্পকৃত্কল্পনাশং চ এক বিল্বং শিবার্পণম্ || ৮২||
ঘোরপাতকদাবাগ্নিং জন্মকর্মবিবর্জিতম্ .
কপালমালাভরণম্ এক বিল্বং শিবার্পণম্ || ৮৩||
মাতঙ্গচর্মবসনং বিরাড্রূপবিদারকম্ .
বিষ্ণুক্রাংতমনংতং চ এক বিল্বং শিবার্পণম্ || ৮৪||
যজ্ঞকর্মফলাধ্যক্ষং যজ্ঞবিঘ্নবিনাশকম্ .
যজ্ঞেশং যজ্ঞভোক্তারম্ এক বিল্বং শিবার্পণম্ || ৮৫||
কালাধীশং ত্রিকালজ্ঞং দুষ্টনিগ্রহকারকম্ .
যোগিমানসপূজ্যং চ এক বিল্বং শিবার্পণম্ || ৮৬||
মহোন্নতমহাকাযং মহোদরমহাভুজম্ .
মহাবক্ত্রং মহাবৃদ্ধম্ এক বিল্বং শিবার্পণম্ || ৮৭||
সুনেত্রং সুললাটং চ সর্বভীমপরাক্রমম্ .
মহেশ্বরং শিবতরম্ এক বিল্বং শিবার্পণম্ || ৮৮||
সমস্তজগদাধারং সমস্তগুণসাগরম্ .
সত্যং সত্যগুণোপেতম্ এক বিল্বং শিবার্পণম্ || ৮৯||
মাঘকৃষ্ণচতুর্দশ্যাং পূজার্ধং চ জগদ্গুরোঃ .
দুর্লভং সর্বদেবানাম্ এক বিল্বং শিবার্পণম্ || ৯০||
তত্রাপিদুর্লভং মন্যেত্ নভোমাসেন্দুবাসরে .
প্রদোষকালেপূজাযাম্ এক বিল্বং শিবার্পণম্ || ৯১||
তটাকংধননিক্ষেপং ব্রহ্মস্থাপ্যং শিবালযম্
কোটিকন্যামহাদানম্ এক বিল্বং শিবার্পণম্ || ৯২||
দর্শনং বিল্ববৃক্ষস্য স্পর্শনং পাপনাশনম্.
অঘোরপাপসংহারম্ এক বিল্বং শিবার্পণম্ || ৯৩||
তুলসীবিল্বনির্গুণ্ডী জংবীরামলকং তথা .
পঞ্চবিল্বমিতিখ্যাতম্ এক বিল্বং শিবার্পণম্ || ৯৪||
অখণ্ডবিল্বপত্রৈশ্চ পূজযেন্নংদিকেশ্বরম্ .
মুচ্যতে সর্বপাপেভ্যঃ এক বিল্বং শিবার্পণম্ || ৯৫||
সালংকৃতাশতাবৃত্তা কন্যাকোটিসহস্রকম্ .
সাম্রাজ্যপৃথ্বীদানং চ এক বিল্বং শিবার্পণম্ || ৯৬||
দন্ত্যশ্বকোটিদানানি অশ্বমেধসহস্রকম্ .
সবত্সধেনুদানানি এক বিল্বং শিবার্পণম্ || ৯৭||
চতুর্বেদসহস্রাণি ভারতাদিপুরাণকম্ .
সাম্রাজ্যপৃথ্বীদানং চ এক বিল্বং শিবার্পণম্ || ৯৮||
সর্বরত্নমযং মেরুং কাঞ্চনং দিব্যবস্ত্রকম্ .
তুলাভাগং শতাবর্তম্ এক বিল্বং শিবার্পণম্ || ৯৯||
অষ্টোত্তরশ্শতং বিল্বং যোর্চযেল্লিঙ্গমস্তকে .
অধর্বোক্তম্ অধেভ্যস্তু এক বিল্বং শিবার্পণম্ || ১০০||
কাশীক্ষেত্রনিবাসং চ কালভৈরবদর্শনম্ .
অঘোরপাপসংহারম্ এক বিল্বং শিবার্পণম্ || ১০১||
অষ্টোত্তরশ্শতশ্লোকৈঃ স্তোত্রাদ্যৈঃ পূজযেদ্যধাঃ .
ত্রিসংধ্যং মোক্ষমাপ্নোতি এক বিল্বং শিবার্পণম্ || ১০২||
দন্তিকোটিসহস্রাণাং ভূঃ হিরণ্যসহস্রকম্ .
সর্বক্রতুমযং পুণ্যম্ এক বিল্বং শিবার্পণম্ || ১০৩||
পুত্রপৌত্রাদিকং ভোগং ভুক্ত্বাচাত্রযধেপ্সিতম্ .
অংতেজ শিবসাযুজ্যম্ এক বিল্বং শিবার্পণম্ || ১০৪||
বিপ্রকোটিসহস্রাণাং বিত্তদানাশ্চযত্ফলম্ .
তত্ফলং প্রাপ্নুযাত্সত্যম্ এক বিল্বং শিবার্পণম্ || ১০৫||
ত্বন্নামকীর্তনং তত্ত্বতবপাদাম্বুযঃ পিবেত্ .
জীবন্মুক্তোভবেন্নিত্যম্ এক বিল্বং শিবার্পণম্ || ১০৬||
অনেকদানফলদম্ অনন্তসুকৃতাদিকম্ .
তীর্থযাত্রাখিলং পুণ্যম্ এক বিল্বং শিবার্পণম্ || ১০৭||
ত্বং মাং পালয সর্বত্র পদধ্যানকৃতং তব .
ভবনং শাঙ্করং নিত্যম্ এক বিল্বং শিবার্পণম্ || ১০৮||
উমযাসহিতং দেবং সবাহনগণং শিবম্ .
ভস্মানুলিপ্তসর্বাঙ্গম্ এক বিল্বং শিবার্পণম্ || ১০৯||
সালগ্রামসহস্রাণি বিপ্রাণাং শতকোটিকম্ .
যজ্ঞকোটিসহস্রাণি এক বিল্বং শিবার্পণম্ || ১১০||
অজ্ঞানেন কৃতং পাপং জ্ঞানেনাভিকৃতং চ যত্ .
তত্সর্বং নাশমাযাত্ এক বিল্বং শিবার্পণম্ || ১১১||
অমৃতোদ্ভববৃক্ষস্য মহাদেবপ্রিযস্য চ .
মুচ্যংতে কংটকাঘাতাত্ কংটকেভ্যো হি মানবাঃ || ১১২||
একৈকবিল্বপত্রেণ কোটিযজ্ঞফলং ভবেত্ .
মহাদেবস্য পূজার্থম্ এক বিল্বং শিবার্পণম্ || ১১৩||

কোটিজন্ম কৃতং পাপম্ অর্চনেন বিনশ্যতি .
সপ্তজন্মকৃতং পাপং শ্রবণেন বিনশ্যতি .
জন্মান্তরকৃতং পাপং পঠনেন বিনশ্যতি .
দিবারাত্রকৃতং পাপং দর্শনেন বিনশ্যতি .
ক্ষণেক্ষণেকৃতং পাপং স্মরণেন বিনশ্যতি .
পুস্তকং ধারযেদ্দেহি আরোগ্যং ভযনাশনম্ || ১১৬||
ইতি বিল্বাষ্টোত্তর শতনামাবলিঃ সমাপ্তা ..