দারিদ্র্য দহন শিবস্তোত্রং

.. দারিদ্র্য দহন শিবস্তোত্রং ..
বিশ্বেশ্বরায নরকার্ণব তারণায কণামৃতায শশিশেখরধারণায |
কর্পূরকান্তিধবলায জটাধরায দারিদ্র্য দুঃখদহনায নমঃ শিবায || ১||
গৌরীপ্রিযায রজনীশকলাধরায কালান্তকায ভুজগাধিপকঙ্কণায |
গংগাধরায গজরাজবিমর্দনায দারিদ্র্য দুঃখদহনায নমঃ শিবায || ২||
ভক্তিপ্রিযায ভবরোগভযাপহায উগ্রায দুর্গভবসাগরতারণায |
জ্যোতির্মযায গুণনামসুনৃত্যকায দারিদ্র্য দুঃখদহনায নমঃ শিবায || ৩||
চর্মম্বরায শবভস্মবিলেপনায ভালেক্ষণায মণিকুণ্ডলমণ্ডিতায |
মংঝীরপাদযুগলায জটাধরায দারিদ্র্য দুঃখদহনায নমঃ শিবায || ৪||
পঞ্চাননায ফণিরাজবিভূষণায হেমাংশুকায ভুবনত্রযমণ্ডিতায |
আনন্দভূমিবরদায তমোমযায দারিদ্র্য দুঃখদহনায নমঃ শিবায || ৫||
ভানুপ্রিযায ভবসাগরতারণায কালান্তকায কমলাসনপূজিতায |
নেত্রত্রযায শুভলক্ষণ লক্ষিতায দারিদ্র্য দুঃখদহনায নমঃ শিবায || ৬||
রামপ্রিযায রঘুনাথবরপ্রদায নাগপ্রিযায নরকার্ণবতারণায |
পুণ্যেষু পুণ্যভরিতায সুরার্চিতায দারিদ্র্য দুঃখদহনায নমঃ শিবায || ৭||
মুক্তেশ্বরায ফলদায গণেশ্বরায গীতপ্রিযায বৃষভেশ্বরবাহনায |
মাতঙ্গচর্মবসনায মহেশ্বরায দারিদ্র্য দুঃখদহনায নমঃ শিবায || ৮||
          বসিষ্ঠেন কৃতং স্তোত্রং সর্বরোগনিবারণং |
          সর্বসংপত্করং শীঘ্রং পুত্রপৌত্রাদিবর্ধনম্ |
          ত্রিসংধ্যং যঃ পঠেন্নিত্যং স হি স্বর্গমবাপ্নুযাত্ || ৯||
|| ইতি শ্রীবসিষ্ঠবিরচিতং দারিদ্র্যদহনশিবস্তোত্রং সম্পূর্ণম্ ||