জম্বুনাথাষ্টকং

.. জম্বুনাথাষ্টকং ..

           . জম্বুনাতাষ্টকম্ .
    . শ্রী শ্রীধরবেঙ্কটেশার্যেণ বিরচিতম্ .
কশ্চন জগতাং হেতুঃ কপর্দকন্দলিতকুমুদজীবাতুঃ .
জযতি জ্ঞানমহীন্দুর্জন্মমৃতিক্লাংতিহরদযাবিন্দুঃ .. ১..
শ্রিতভৃতিভদ্ধপতাকঃ কলিতোত্পলবননবমদোদ্রেকঃ .
অখিলাণ্ডমাতুরেকঃ সুখযত্বস্মাংস্তপঃপরীপাকঃ .. ২..
কশ্চন কারুণ্যঝরঃ কমলাকুচকলশকষণনিশিতশরঃ .
শ্রীমান্ দমিতত্রিপুরঃ শ্রিতজংভূপরিসরশ্চকাস্তু পুরঃ .. ৩..
শমিতস্মরদববিসরশ্শক্রাদ্যাশাস্যসেবনাবসরঃ .
করিবনঘনভাগ্যভরো গিরতু মলং মম মনস্সরশ্শফরঃ .. ৪..
গৃহিণীকৃতবৈকুণ্ঠং গেহিতজংভূমহীরুডুপকণ্ঠম্ .
দিব্যং কিমপ্যকুণ্ঠং তেজঃ স্তাদস্মদবনসোত্কণ্ঠম্ .. ৫..
কৃতশমনদর্পহরণং কৃতকেতরফণিতিচারিরথচরণম্ .
শক্রাদিশ্রিতচরণং শরণং জংভূদ্রুমাংতিকাভরণম্ .. ৬..
করুণারসবারিধযে করবাণি নমঃ প্রণম্রসুরবিধযে .
জগদানন্দধুনিধযে জংভূতরুমূলনিলযসন্নিধযে .. ৭..
কশ্চন শশিচূঢালং কণ্ঠেকালং দযৌঘমুত্কূলম্ .
শ্রিতজংভূতরুমূলং শিক্ষিতকালং ভজে জগন্মূলম্ .. ৮..
       .. জংভুনাথাষ্টকং সংপূর্ণম্ ..