বাল্মীকি রামাযণ ১ – বালকাণ্ড

 .. বাল্মীকি রামাযণ বালকাণ্ড ..

           .. ধ্যান শ্লোকাঃ ..

শুক্লাংবরধরং বিষ্ণুং শশিবর্ণং চতুর্ভুজম্  .
প্রসন্নবদনং ধ্যাযেত্সর্ববিঘ্নোপশাংতযে  ..  ..

সর্ববিঘ্নপ্রশমনং সর্বসিদ্ধিকরং পরম্  .
সর্বজীবপ্রণেতারং বংদে বিজযদং হরিম্  ..  ..

যত্র যত্র রঘুনাথকীর্তনং তত্র তত্র কৃতমস্তকাঞ্জলিম্  .
বাষ্পবারিপরিপূর্ণলোচনং মারুতিং নমত রাক্ষসাংতকম্  ..  ..

বেদবেদ্যে পরে পুংসি জাতে দশরথাত্মজে  .
বেদঃ প্রাচেদসাদাসীত্ সাক্ষাদ্রামাযণাত্মনা  ..  ..

আপদামপহর্তারং দাতারং সর্বসংপদাম্  .
লোকাভিরামং শ্রীরামং ভূযো ভূযো নমাম্যহম্  ..  ..

তদুপগত সমাসসন্ধি যোগম্  .
      সমমধুরোপনতার্থবাক্যবদ্ধম্  .
রঘুবরচরিতং মুনিপ্রণীতম্  .
      দশশিরশ্চ বধং নিশামযদ্ধ্বম্  ..  ..

বৈদেহীসহিতং সুরদ্রুমতলে হৈমে মহামণ্ডপে  .
      মধ্যে পুষ্পকমাসনে মণিমযে বীরাসনে সুস্থিতম্  .
অগ্রে বাচযতি প্রভঞ্জনসুতেতত্ত্বম্মুনিভ্যঃ  পরম্ .
      ব্যাখ্যান্তং ভরতাদিভিঃ পরিবৃতং রামং ভজে শ্যামলম্  ..  ..

বাল্মীকের্মুনিসিংহস্য কবিতা বনচারিণঃ  .
শ্রুণ্বন্রামকথানাদং কো ন যাতি পরাং গতিম্  ..  ..

হনূমানঞ্জনীসূনুঃ বাযুপুত্রো মহাবলঃ  .
রামেষ্টঃ ফল্গুণসখঃ পিঙ্গাক্ষোঽমিতবিক্রমঃ  ..  ..

উদধিক্রমণশ্চৈব সীতাসংদেশ হারকঃ  .
লক্ষ্মণপ্রাণদাতা চ দশগ্রীবস্য দর্পহা  ..  ..

মহাব্যাকরণাংভোধি মংথমানসমংদরম্  .
কবযন্তং রামকীর্ত্যা হনূমংতমুপাস্মহে  ..  ..

বাযুর্ভীমো ভীমনাদো মহূজাঃ সর্বেশাং চ প্রাণিনাং প্রাণভূতঃ    .
অনাবৃত্তির্দেহিনাং দেহপাতে তস্মাদ্বাযুর্দেবদেবো বিশিষ্টঃ      ..  ..

জ্ঞানে বিরাগে হরিভক্তিভাবে ধৃতিস্থিতিপ্রাণবলেষি যোগে  .
বুদ্ধৌ চ নান্যো হনুমত্সমানঃ পুমান্ কদাচিত্ ক্বচকশ্চ নৈব ..  ..

বাতেন কুন্ত্যাং বলবান্ স জাতঃ শূরস্তপস্বী দ্বিষতাং নিহংতা  .
সত্যে চ ধর্মে চ রতঃ সদৈব পরাক্রমে শত্রুভিরপ্রধৃষ্যঃ  ..  ..

মনোজবং মারুততুল্যবেগং জিতেন্দ্রিযং বুদ্ধিমতাংবরিষ্ঠম্  .
বাতাত্মজং বানরযূথমুখ্যং শ্রীরামদূতং শিরসা নমামি  ..  ..

উল্লঙ্ঘ্য সিন্ধোঃ সলিলং সলীলং যঃ শোকবহ্নিং জনকাত্মজাযাঃ  .
আদায তেনৈব দদাহ লঙ্কাং নমামি তং প্রাঞ্জলিরাঞ্জনেযম্  ..  ..

আঞ্জনেযমতিপাটলাননং কাঞ্চনাদ্রিকমনীযবিগ্রহম্  .
পারিজাততরুমূলবাসিনং ভাবযামি পবমাননংদনম্  ..  ..

যঃ সর্বগুণসংপূর্ণঃ সর্বদোষ বিবর্জিতঃ  .
প্রীযতাং প্রীতযেবালং বিষ্ণুর্মে পরমঃ সুহৃত্  ..  ..

সূক্তিরত্নাকরে রম্যে মূলরামাযণার্ণবে  .
বিহরন্তো মহীযাংসঃ প্রিযংতাং গুরবো মম  ..  ..

বুদ্ধির্বলং যশো ধৈর্যং নির্ভযত্বং অরোগতা  .
অজাড্যং বাক্পটুত্বং চ হনূমত্স্মরণাদ্ভবেত্  ..  ..

           .. সঙ্কল্প ..

শ্রী সীতালক্ষ্মণভরতশত্রুঘ্নহনুমত্সমেত শ্রী রামচংদ্র প্রভোঃ
প্রসাদেন অস্মচ্চিন্তিত সকলাভীষ্টসিদ্ধ্যর্থং ভার্গববিজযাত্মক
শ্রীমদ্রামাযণঘট্টপারাযণমহং করিষ্যে  .

           .. অথ পঞ্চসপ্ততিতমঃ সর্গঃ ..

রাম দাশরথে রামো বির্যং তে শ্রূযতেঽদ্ভুতম্  .
ধনুষো ভেদনং চৈব নিখিলেন মযা শ্রুতম্  .. ১..

তদদ্ভুতমচিন্ত্যং চ ভেদনং ধনুষস্ত্বযা  .
তচ্ছ্রুত্বাহমনুপ্রাপ্তো ধনুর্গৃহ্যাপরং শুভম্  .. ২..

তদিদং ঘোরসঙ্কাশং জামদগ্ন্যং মহদ্ধনুঃ  .
পূজযস্ব শরেণৈব স্ববলং দর্শযস্ব চ  .. ৩..

তদহং তে বলং দৃষ্ট্বা ধনুষোঽস্য প্রপূরণে  .
দ্বন্দ্বযুদ্ধং প্রদাস্যামি বীর্যশ্঳াঘ্যস্য রাঘব  .. ৪..

তস্য তদ্ বচনং শ্রুত্বা রাজা দশরথস্তদা  .
বিষণ্ণবদনো দীনঃ প্রাঞ্জলির্বাক্যমব্রবীত্  .. ৫..

ক্ষত্ররোষাত্ প্রশান্তস্ত্বং ব্রাহ্মণশ্চ মহাযশাঃ .
বালানাং মম পুত্রাণামভযং দাতুমর্হসি  .. ৬..

ভার্গবাণাং কুলে জাতঃ স্বাধ্যাযব্রতশালিনাম্  .
সহস্রাক্ষে প্রতিজ্ঞায শস্ত্রং নিক্ষিপ্তবানসি  .. ৭..

স ত্বং ধর্মপরো ভূত্বা কশ্যপায বসুংধরাম্  .
দত্বা বনমুপাগম্য মহেন্দ্রকৃতকেতনঃ  .. ৮..

মম সর্ববিনাশায সম্প্রাপ্তস্ত্বং মহামুনে  .
ন চৈকস্মিন্ হতে রামে সর্বে জীবামহে বযম্  .. ৯..

ব্রুবত্যেবং দশরথে জামদগ্ন্যঃ প্রতাপবান্  .
অনাদৃত্যৈব তদ্বাক্যং রামমেবাভ্যভাষত  .. ১০..

ইমে দ্বে ধনুষী শ্রেষ্ঠে দিব্যে লোকাভিবিশ্রুতে  .
দৃঢে বলবতী মুখ্যে সুকৃতে বিশ্বকর্মণা  .. ১১..

অতিসৃষ্টং সুরৈরেকং ত্রযম্বকায যুযুত্সবে  .
ত্রিপুরঘ্নং নরশ্রেষ্ঠ ভগ্নং কাকুত্স্থ যত্ত্বযা  .. ১২..

ইদং দ্বিতীযং দুর্ধর্ষং বিষ্ণোর্দত্তে সুরোত্তমৈঃ  .. ১৩..

তদিদং বৈষ্ণবং রাম ধনুঃ পরপুরঞ্জযম্  .
সমানসারং কাকুত্স্থ রৌদ্রেণ ধনুষা ত্বিদং  .. ১৪..

তদা তু দেবতাঃ সর্বাঃ পৃচ্ছন্তি স্ম পিতামহম্  .
শিতিকণ্ঠস্য বিষ্ণোশ্চ বলাবলনিরীক্ষযা  .. ১৫..

অভিপ্রাযং তু বিজ্ঞায দেবতানাং পিতামহঃ  .
বিরোধং জনযামাস তযোঃ সত্যবতাং বরঃ  .. ১৬..

বিরোধে চ মহদ্যুদ্ধমভবদ্ রোমহর্ষণম্  .
শিতিকণ্ঠস্য বিষ্ণোশ্চ পরস্পরজিগীষিণোঃ  .. ১৭..

তদা তু জৃম্ভিতং শৈবং ধনুর্ভীমপরাক্রমম্  .
হুঙ্কারেণ মহাদেবঃ স্তম্ভিতোঽথ ত্রিলোচনঃ  .. ১৮..

দেবৈস্তদা সমাগম্য সর্ষিসঙ্ঘৈঃ সচারণৈঃ  .
যাচিতৌ প্রশমং তত্র জগ্মতুস্তৌ সুরোত্তমৌ  .. ১৯..

জৃম্ভিতং তদ্ ধনুর্দৃষ্ট্বা শৈবং বিষ্ণুপরাক্রমৈঃ  .
অধিকং মেনিরে বিষ্ণুং দেবাঃ সর্ষিগণাস্তদা  .. ২০..

ধনূ রুদ্রস্তু সঙ্ক্রুদ্ধো বিদেহেষু মহাযশাঃ  .
দেবরাতস্য রাজর্ষেঃ দদৌ হস্তে সসাযকং  .. ২১..

ইদং চ বৈষ্ণবং রাম ধনুঃ পরপুরঞ্জযম্  .
ঋচীকে ভার্গবে প্রাদাদ্ বিষ্ণুঃ সংন্যাসমুত্তমম্  .. ২২..

ঋচীকস্তু মহাতেজাঃ পুত্রস্যাপ্রতিকর্মণঃ  .
পিতুর্মম দদৌ দিব্যং জমদগ্নের্মহাত্মনঃ  .. ২৩..

ন্যস্তশস্ত্রে পিতরি মে তপোবলসমন্বিতে  .
অর্জুনো বিদধে মৃত্যুং প্রাকৃতাঃ বুদ্ধিমাস্থিতঃ  .. ২৪..

বধমপ্রতিরূপং তু পিতুঃ শ্রুত্বা সুদারুণম্  .
ক্ষত্রমুত্সাদযন্ রোষাত্ জাতং জাতমনেকশঃ  .. ২৫..

পৃথিবীং চাখিলাং প্রাপ্য কশ্যপায মহাত্মনে  .
যজ্ঞস্যান্তে তদা রাম দক্ষিণাং পুণ্যকর্মণে  .. ২৬..

দত্ত্বা মহেন্দ্রনিলযস্তপোবলসমন্বিতঃ  .
শ্রুতবান্ ধনুষো ভেদং ততোঽহং দ্রুতমাগতঃ  .. ২৭..

তদিদং বৈষ্ণবং রাম পিতৃপৈতামহং মহত্  .
ক্ষত্রধর্মং পুরস্কৃত্য গৃহ্ণীষ্ব ধনুরুত্তমম্  .. ২৮..

যোজযস্ব ধনুঃশ্রেষ্ঠে শরং পরপুরঞ্জযম্  .
যদি শক্নোষি কাকুত্স্থ দ্বন্দ্বং দাস্যামি তে ততঃ  .. ২৯..

          .. ইত্যার্ষে শ্রীমদ্রামাযণে বাল্মীকীযে আদিকাব্যে  ..
          ..  বালকাণ্ডে পঞ্চসপ্ততিতমঃ সর্গঃ  ..

           .. অথ ষট্সপ্ততিতমঃ সর্গঃ ..

শ্রুত্ত্বা তদ্ জামদগ্ন্যস্য বাক্যং দাশরথিস্তদা  .
গৌরবাদ্যন্ত্রিতকথঃ পিতূ রামমথাব্রবীত্  .. ১..

কৃতবানসি যত্ কর্ম শ্রুতবানস্মি ভার্গব  .
অনুরুধ্যামহে ব্রহ্মন্ পিতুরানৃণ্যমাস্থিতঃ  .. ২..

বীর্যহীনমিবাশক্তং ক্ষত্রধর্মেণ ভার্গব  .
অবজানাসি মে তেজঃ পশ্য মেঽদ্য পরাক্রমম্  .. ৩..

ইত্যুক্ত্বা রাঘবঃ ক্রুদ্ধো ভার্গবস্য শরাসনম্  .
শরং চ প্রতিজগ্রাহ হস্তাল্লঘুপরাক্রমঃ  .. ৪..

আরোপ্য তদ্ধনূ রামঃ শরং সজ্যং চকার হ  .
জামদগ্ন্যং ততো রামং রামঃ ক্রুদ্ধোঽব্রবীদ্বচঃ  .. ৫..

ব্রাহ্মণোঽসীতি পূজ্যো মে বিশ্বামিত্রকৃতেন চ  .
তস্মাচ্ছক্তো ন তে রাম মোক্তুং প্রাণহরং শরম্  .. ৬..

ইমাং পাদগতিং রাম তপোবলসমার্জিতান্  .
লোকানপ্রতিমান্ বাতে হনিষ্যামি যদিচ্ছসি  .. ৭..

ন হ্যযং বৈষ্ণবো দিব্যঃ শরঃ পরপুরঞ্জযঃ  .
মোঘঃ পততি বীর্যেণ বলদর্পবিনাশনঃ  .. ৮..

বরাযুধধরং রামং দ্রষ্টুং সর্ষিগণাঃ সুরাঃ  .
পিতামহং পুরস্কৃত্য সমেতাস্তত্র সঙ্ঘশঃ  .. ৯..

গন্ধর্বাপ্সরসশ্চৈব সিদ্ধচারণকিন্নরাঃ  .
যক্ষরাক্ষসনাগাশ্চ তদ্ দ্রষ্টুং মহদদ্ভুতম্  .. ১০..

জডীকৃতে তদা লোকে রামে বরধনুর্ধরে  .
নির্বীর্যো জামদগ্ন্যোঽসৌ রামো রামমুদৈক্ষত  .. ১১..

তেজোঽভিহতবীর্যত্বাত্ জামদগ্ন্যো জডীকৃতঃ  .
রামং কমলপত্রাক্ষং মন্দং মন্দমুবাচ হ  .. ১২..

কশ্যপায মযা দত্তা যদা পূর্বং বসুংধরা  .
বিষযে মে ন বস্তব্যমিতি মাং কশ্যপোঽব্রবীত্  .. ১৩..

সোঽহং গুরুবচঃ কুর্বন্ পৃথিব্যাং ন বসেঽনিশম্  .
কৃতা প্রতিজ্ঞা কাকুত্স্থ কৃতা ভূঃ কাশ্যপস্য হ  .. ১৪..

তাদিমাং ত্বংগতিং বীর হন্তুং নার্হসি রাঘব  .
মনোজবং গমিষ্যামি মহেন্দ্রং পর্বতোত্তমম্  .. ১৫..

লোকাস্ত্বপ্রতিমা রাম নির্জিতাস্তপসা মযা  .
জহি তাঞ্ছরমুখ্যেন মা ভূত্ কালস্য পর্যযঃ  .. ১৬..

অক্ষযং মধুহন্তারং জানামি ত্বাং সুরোত্তমম্  .
ধনুষোঽস্য পরামর্শাত্ স্বস্তি তেঽস্তু পরংতপ  .. ১৭..

এতে সুরগণাঃ সর্বে নিরীক্ষন্তে সমাগতাঃ  .
ত্বামপ্রতিমকর্মাণমপ্রতিদ্বন্দ্বমাহবে  .. ১৮..

ন চেযং মম কাকুত্স্থ ব্রীডা ভবিতুমর্হতি  .
ত্বযা ত্রৈলোক্যনাথেন যদহং বিমুখীকৃতঃ  .. ১৯..

শরমপ্রতিমং রাম মোক্তুমর্হসি সুব্রত  .
শরমোক্ষে গমিষ্যামি মহেন্দ্রং পর্বতোত্তমম্  .. ২০..

তথা ব্রুবতি রামে তু জামদগ্ন্যে প্রতাপবান্  .
রামো দাশরথিঃ শ্রীমাংশ্চিক্ষেপ শরমুত্তমম্  .. ২১..

স হতান্ দৃশ্য রামেণ স্বাঁল্লোকাংস্তপসার্জিতান্  .
জামদগ্ন্যো জগামাশু মহেন্দ্রং পর্বতোত্তমম্  .. ২২..

ততো বিতিমিরাঃ সর্বা দিশশ্চোপদিশস্তথা  .
সুরাঃ সর্ষিগণা রামং প্রশশংসুরুদাযুধম্  .. ২৩..

রামং দাশরথিং রামো জামদগ্ন্যঃ প্রশস্য চ  .
ততঃ প্রদক্ষিণং কৃত্বা জগামাত্মগতিং প্রভুঃ  .. ২৪..

          .. ইত্যার্ষে শ্রীমদ্রামাযণে বাল্মীকীযে আদিকাব্যে  ..
          ..  বালকাণ্ডে ষট্সপ্ততিতমঃ সর্গঃ  ..

          .. ভারতীরমণমুখ্যপ্রাণাংতর্গত শ্রীকৃষ্ণার্পণমস্তু ..