রামাষ্টকম্ ২

.. শ্রীরামাষ্টকম্ ২ ..

কৃতার্তদেববন্দনং দিনেশবংশনন্দনম্ |
সুশোভিভালচন্দনং নমামি রামমীশ্বরম্ || ১||
মুনীন্দ্রযজ্ঞকারকং শিলাবিপত্তিহারকম্ |
মহাধনুর্বিদারকং নমামি রামমীশ্বরম্ || ২||
স্বতাতবাক্যকারিণং তপোবনে বিহারিণম্ |
করে সুচাপধারিণং নমামি রামমীশ্বরম্ || ৩||
কুরঙ্গমুক্তসাযকং জটাযুমোক্ষদাযকম্ |
প্রবিদ্ধকীশনাযকং নমামি রামমীশ্বরম্ || ৪||
প্লবঙ্গসঙ্গসম্মতিং নিবদ্ধনিম্নগাপতিম্ |
দশাস্যবংশসঙ্ক্ষতিং নমামি রামমীশ্বরম্ || ৫||
বিদীনদেবহর্ষণং কপীপ্সিতার্থবর্ষণম্ |
স্ববন্ধুশোককর্ষণং নমামি রামমীশ্বরম্ || ৬||
গতারিরাজ্যরক্ষণং প্রজাজনার্তিভক্ষণম্ |
কৃতাস্তমোহলক্ষণং নমামি রামমীশ্বরম্ || ৭||
হৃতাখিলাচলাভরং স্বধামনীতনাগরম্ |
জগত্তমোদিবাকরং নমামি রামমীশ্বরম্ || ৮||
ইদং সমাহিতাত্মনা নরো রঘূত্তমাষ্টকম্ |
পঠন্নিরন্তরং ভযং ভবোদ্ভবং ন বিন্দতে || ৯||
|| ইতি শ্রীপরমহংসস্বামিব্রহ্মানন্দবিরচিতং শ্রীরামাষ্টকং সম্পূর্ণম্ ||