রামরক্ষাস্তোত্র

.. আনংদ রামাযণ পংচমঃ সর্গঃ এবং রামরক্ষা ..

শ্রী শতকোটি রামচরিতাংতর্গত শ্রীমদানংদরামাযণে
পংচমঃ সর্গঃ প্রারংভঃ .
বিষ্ণুদাস উবাচ
শ্রী রামরক্ষযা প্রোক্তং কুশাযহ্যভিমংত্রণম্ .
কৃতং তেনৈব মুনিনা গুরো তাং মে প্রকাশয .. ১..
রামরক্ষাং বরাং পুণ্যাং বালানাং শাংতিকারিণীম্ .
ইতি শিষ্যবচঃ শ্রুত্বা রামদাসোঽপ্রবীদ্বচঃ .. ২..
শ্রীরামদাস উবাচ
সম্যক্ পৃষ্টং ত্বযা শিষ্য রামরক্ষাঽধুনোচ্যতে .
যা প্রোক্তা শংভুনা পূর্বং স্কংদার্থং গিরিজাং প্রতি .. ৩..
শ্রী শিব উবাচ
দেব্যদ্য স্কংদপুত্রায রামরক্ষাভিমংত্রিণম্ .
কুরু তারকধাতায সমর্থোঽযং ভবিষ্যতি .. ৪..
ইত্যুক্ত্বা কথযামাস রামরক্ষাং শিবঃ স্ত্রিযৈ .
নমস্কৃতায রামচংদ্রং শুচির্ভূত্বা জিতেন্দ্রিযৈঃ .. ৫..
অথ ধ্যানম্ .
বামে কোদংডদংডং নিজকরকমলে দক্ষিণে বাণমেকং .
পশ্চাদ্ভাগে চ নিত্যং দধতমভিমতং সাসিতূণীরভারম্ .
বামেঽবামে বসদ্ভ্যাং সহ মিলিততনুং জানকীলক্ষ্মণাভ্যাম্ .
শ্যামং রামং ভজেঽহং প্রণত জনমনঃ খেদবিচ্ছেদদক্ষম্ .. ৬..
৐ অস্য শ্রী রামরক্ষাস্তোত্রমংত্রস্য বুধকৌশিক ঋষিঃ .
শ্রী রামচংদ্রো দেবতা রাম ইতি বীজম্ .
অনুষ্টুপ্ ছংদঃ . শ্রী রাম প্রীত্যর্থে জপে বিনিযোগঃ..
           .. ৐..
চরিতং রঘুনাথস্য শতকোটি প্রবিস্তরম্ .
একৈকমক্ষরং পুংসাং মহাপাতকনাশনম্ .. ৭..
ধ্যাত্বা নীলোত্পলশ্যামং রামং রাজীবলোচনম্ .
জানকী – লক্ষ্মণোপেতং জটামুকুটমংডিতম্ .. ৮..
সাসিতূণ ধনুর্বাণ পাণিং নক্তংচরান্তকম্ .
স্বলীলযা জগত্ত্রাতুমাবির্ভূতমজং বিভুম্ .. ৯..
রামরক্ষাং পঠেত্প্রাজ্ঞঃ পাপঘ্নীং সর্বকামদাম্ .
শিরো মে রাঘবঃ পাতু ভালং দশরথাত্মজঃ ..১০..
কৌসল্যেযো দৃশৌ পাতু- বিশ্বামিত্রপ্রিযঃ শ্রুতী .
ঘ্রাণং পাতু মখত্রাতা মুখং সৌমিত্রিবত্সলঃ ..১১..
জিহ্বাং বিধানিধিঃ পাতু কণ্ঠং ভরতবংদিতঃ .
স্কংধৌ দিব্যাযুধঃ পাতু ভুজৌ ভগ্নেশকার্মুকঃ .. ১২..
করৌ সীতাপতিঃ পাতু হৃদযং জামদগ্ন্যজিত্ .
পার্শ্বে রঘুবরঃ পাতু কুক্ষী ইক্ষ্বাকুনংদনঃ .. ১৩ .. (জাদা চরণ)
মধ্যং পাতু খরধ্বংসী নাভিং জাম্ববদাশ্রযঃ .
সুগ্রীবেশঃ কটিং পাতু সক্থিনী হনুমত্প্রভুঃ .. ১৪..
উরূ রঘূত্তমঃ পাতু গুহ্যং রক্ষঃ কুলান্তকৃত্ .
জানুনী সেতুকৃত্ পাতু জংঘে দশমুখান্তকঃ .. ১৫..
পাদৌ বিভীষণশ্রীদঃ পাতু রামোঽখিলং বপুঃ .
এতাং রামবলোপেতাং রক্ষাং যঃ সুকৃতী পঠেত্..
স চিরাযুঃ সুখী পুত্রী বিজযী বিনযী ভবেত্ .. ১৬..
পাতালভূতলব্যোম চারিণশ্ছদ্মচারিণঃ .
ন দ্রষ্টুমপি শক্তাস্তে রক্ষিতং রামনামভিঃ .. ১৭..
রামেতি রামভদ্রেতি রামচংদ্রেতি বা স্মরন্ .
নরো ন লিপ্যতে পাপৈউর্ভুক্তিং মুক্তিং চ বিন্দতি .. ১৮..
জগচ্চৈকমংত্রেণ রামনাম্নাঽভিরক্ষিতম্ .
যঃ কণ্ঠে ধরযেত্তস্য করস্থাঃ সর্বসিদ্ধযঃ .. ১৯..
বজ্রপংজরনামেদং যো রামকবচং পঠেত্ .
অব্যাহতাজ্ঞঃ সর্বত্র লভতে জযমংগলম্ .. ২০..
আদিষ্টবান্ যথা স্বপ্নে রামরক্ষামিমাং হরঃ .
তথা লিখিতবান্ প্রাতঃ প্রবুদ্ধো বুধকৌশিকঃ .. ২১..
রামো দশরথিঃ শূরো লক্ষ্মণাঽনুচরো বলী..
কাকুত্ত্স্থঃ পুরুষঃ পূর্ণঃ কৌসল্যানংদবর্ধনঃ .. ২২..
বেদাংতবেধো যজ্ঞেশঃ পুরাণপুরুষোত্তমঃ .
জানকীবল্লভঃ শ্রীমানপ্রমেয পরাক্রমঃ .. ২৩..
ইত্যেতানি জপেন্নিত্যং যদ্ভক্তঃ শ্রদ্ধযান্বিতঃ .
অশ্বমেধধিকং পুণ্যং লভতে নাত্রসংশযঃ .. ২৪..
সন্নধ্হঃ কবচী খড্গী চাযবাণধরো যুবা .
গচ্ছন্ মনোরথোঽস্মাকং রামঃ পাতু সলক্ষ্মণঃ .. ২৫..
তরুণৌ রূপসংপন্নৌ সুকুমারৌ মহাবলৌ .
পুণ্ডরীকবিশালাক্ষৌ চীরকৃষ্ণাজিনাম্বরৌ .. ২৬..
ফলমূলাশনৌ দাংতৌ তাপসৌ ব্রহ্মচারিণৌ .
পুত্রৌ দশরথস্যৈতৌ ভ্রতরৌ রামলক্ষ্মণৌ .. ২৭..
ধন্বিনৌ বদ্ধনিস্ত্রিংশৌ কাকপক্ষধরৌ শ্রুতৌ .
বরৌ মাং পথি রক্ষেতাং তাবুবৌ রামলক্ষ্মণৌ .. ২৮..
শরণ্যৌ সর্বসত্ত্বানাং শ্রেষ্ঠৌ সর্ব ধনুষ্মতাম্ .
রক্ষঃ কুলনিহন্তারৌ ত্রাযেতাং নো রঘূত্তমৌ .. ২৯..
আত্তসজ্জধনুষা বিষুস্পৃশা বক্ষযাশুগনিষংগ সংগিনৌ .
রক্ষণায মম রামলক্ষ্মণা বগ্রতঃ পথি সদৈব গচ্ছতাম্ .. ৩০..
আরামঃ কল্পবৃক্ষাণাং বিরামঃ সকলপদাম্ .
অভিরামস্ত্রিলোকানং রামঃ শ্রীমান্স নঃ প্রভুঃ .. ৩১..
রামায রামভদ্রায রামচংদ্রায বেধসে .
রঘুনাথয নাথায সীতযাঃ পতযে নমঃ .. ৩২..
শ্রী রাম রঘুনংদন রাম রাম
শ্রী রাম ভরতাগ্রজ রাম রাম
শ্রী রাম রণকর্কশ রাম রাম
শ্রী রাম শরণং ভব রাম রাম .. ৩৩..
লোকাভিরামং রণরঙ্গধীরং রাজীবনেত্রং রঘুবংশনাথং
কারুণ্যরূপং করুণাকরং তং শ্রীরামচংদ্রং শরণং প্রপদ্যে .. ৩৪..
দক্ষিণে লক্ষ্মণো যস্য বামে তু জনকাত্মজা .
পুরতো মারুতির্যস্য তং বংদে রঘুনন্দনম্ .. ৩৫
গোষ্পদীকৃতবারীশং মশকীকৃররাক্ষসম্ .
রামাযণমহামালা রত্নং বন্দেঽনিলাত্মজম্ .. ৩৬..
অঘৌধ তিষ্ঠ দূরে ত্বং রোগাস্তিষ্ঠংতু দূরতঃ .
বরীবর্তী সদাঽস্মাকং হৃদি রমো ধনুর্ধরঃ .. ৩৭..
মনোজবং মারুততুল্যবেগং জিতেন্দ্রিযং বুদ্ধিমতাং বরিষ্ঠম্ .
বাতাত্মজং বানরযূতমুখ্যং শ্রীরামদূতং শরণং প্রপদ্যে .. ৩৮..
রাম রাম তব পাদ পংকজং চিন্তযামি ভববংধমুক্তযে .
বংদিতং সুরনরেংদ্রমৌলিভির্ধ্যাযিতং মনসি যোগিভিঃ সদা .. ৩৭..
রামং লক্ষমণপূর্বজং রঘুবরং সীতাপতিং সুংদরম্ .
কাকুত্স্যং করুণার্ণবং গুণনিধিং বিপ্রপ্রিযং ধর্র্মিকম্ .
রাজেন্দ্রং সত্যসংধং দশরথনযং শামলং শান্তিমূর্তিম্ .
বংদে লোকাভিরামং রঘুকুলতিলকং রাঘবং রাবণারিম্ .. ৪০..
এতানি রামনামানী প্রাতরুত্থায যঃ পঠেত্ .
অপুত্রো লভতে পুত্রং ধনার্থী লভতে ধনম্ .. ৪১..
মাতা রামো মত্পিতা রামচংদ্রঃ স্বামী রামো মত্সখা রামচংদ্রঃ .
সর্বস্বং মে রামচংদ্রো দযালুর্নান্যং জানে নৈব জানে ন জানে .. ৪২..
শ্রীরামনামামৃত মংত্রবীজ সংজীবনী চেন্মনসি প্রবিষ্টা .
হালাহলং বা প্রলযানলং বা মৃত্যোর্মুখং বা বিশতাং কুতো ভীঃ .. ৪৩..
শ্রীশব্দপূর্বং জযশব্দমধ্যং জযদ্বযনাপি পুনঃ প্রযুক্তম্ .
ত্রিঃসপ্তকৃত্বো রঘুনাথ নাম জপান্নিহন্যা দ্বিজকোটিহাযাঃ .. ৪৪..
এবং গিরীন্দ্রজে প্রোক্তা রামরক্ষা মযা তব .
মযোপদিষ্টা যা স্বপ্নে বিশ্বামিত্রায বৈ পুরা .. ৪৫..
রামদাস উবাচ
এবং শিবেনোপদিষ্টং শ্রুত্বা দেবী গিরীন্দ্রজা .
রামরক্ষাং পঠিত্বা সা স্কংদং সমভিমংত্রযত্ .. ৪৬..
তস্যাস্তেজোবলেনৈব জঘান তারকাসুরম্ .
ষডাননঃ ক্ষণদেব কৃতকৃত্যোঽভবত্ পুরা .. ৪৭..
সৈবেযং রামরক্ষাস্তে মযাখ্যাতাঽতিপুণ্যদা .
যস্যাঃ শ্রবণমত্রেণ কস্যাপি ন ভযং ভবেত্ .. ৪৮..
বাল্মিকীনাঽনযাপূর্বং কুশাযহ্যভিশেচনম্ .
কৃতং বালগ্রহাণাং চ শাংত্যর্থং সা মযোদিতা .. ৪৯..
বালানাং গ্রহশাংত্যর্থং জপনীযা নিরংতরম্ .
রামরক্ষা মহাশ্রেষ্ঠা মহাঘৌঘ নিবারিণী .. ৫০..
নাস্যাঃ পরতরং স্তোত্রং নাস্যাঃ পরতরো জপঃ .
নাস্যাঃ পরতরং কিংচিত্সত্যং সত্যং বদাম্যহম্ .. ৫১..
.. ইতি শ্রী শতকোটি রামচরিতাংতর্গত শ্রীমদানন্দরামাযণে
বাল্মীকীযে জন্মকাণ্ডে রামরক্ষাকথনং নাম পঞ্চমঃ সর্গঃ ..

(সংদর্ভ : আনংদ রামাযণ – (জন্মকাণ্ড – ৫ বা সর্গ )
ভটিযা শালীয ঠক্কর গোবর্ধনদাস লক্ষ্মীদাস
যাংনী মুংবঈ যেথে জগদীশ্বর ছাপখান্যাত
লোকহিতার্থ ছাপবূন প্রসিদ্ধ কেলা
শকে ১৮০৮ সন্ ১৮৮৭
ছাপীল পোথী : গ্রংথালয গ্রংথ ক্র ১০৩ /১৪৫ )
ই. স. ১৫ বে শতক